اقتباس:
[align=center][flash=http://www.youtube.com/v/mspCSa4eJ7k&hl=en&autoplay=1]WIDTH=400 HEIGHT=350[/flash][/align] |
بسم الله الرحمن الرحيم
هل يا ترى قد شاقني أنس الطريق ؟؟ أم يا ترى قد شدنى وهج الرفيق ؟؟؟ وصوتها الندى الخجول ينساب من مقعد السيارة الخلفى ( ما دام نسى العشرة ,,,, واختار سواك حبيب خليهو للأيام ,,, لو لى ضميرو حسيب ) وعمداً خفضت صوت المذياع حتى صرنا أنا والطريق والمذياع واللحو نفسه ,,,, شيئاً من صداها نردد معها فى خشوع ( ما دام نسى العشرة ,,,,,,,,, ) التى كانت أسيرتى صرت أسيرها !!!!!! أفتوني دام فضلكم فى روعة هذا المشهد ! مدخلى فى زيارتى الأولى لمدينة كوستى أواحر عام 89 كوستى المدينة التى لا ترهق الحواس ولا تسأل عن الهوية ,, ,,, حيث تفنى وتتآلف روحك مع جسدها الطاهر أسبوع مر وكأنه ساعة من نهار ( وأنا بين بخ ,,,,, ويا مرحى به ) أيها الكوستويون أيتها الكوستويات ليست مائة عام ,,, إنها فيكم منذ الأزل المدن الدافئة تتشكل فى بنيها ففى مساحات الود منكم ,,,,,,,, اسمحوا لى بالزيارة الثانية ودمتم |
اقتباس:
|
اقتباس:
غايتو انت البتشبك معاك يا ويلو و سهر ليلو :D:D |
شبارقة وفيصل...
طبعا شماركم فاح لحدى فيينا لدرجة انى اشتهيت اكل فول والجو جو فول على سيرة العشق وايام الصبا الاولى- بقول الاولى لانو الروح لاتشيخ ولاتطالها التجاعيد طالما قادرة تفرح.. طوعا ولاغصبا بتفرح.. انتظروا حانجى لسيرة العشق المعروف فى المدينة تلك... غايتو عندى اوراق مكدسة فيها نصائب ريدة تفرقع الكون:D |
اقتباس:
بالله اوراقك المكدسة دي ادينا منها سيسي بالسيسي و خففي الجرعات :D:D لانك عارفة اخونا شبارقة دا قلبه رهيف و كان زودتي العيار بتطقي فيه عرق و كدا :D:D بعدين ارجوك رجاء خاص ان تبلغي الدكتورة ستونة عبد الله عثمان سلامنا و تحياتنا، و قولي ليها فيصل سعد نائبك الاول في رئاسة الجالية السودانية الكندية باقليم نياجرا يدعوك للانضمام لسودانيات .. اطيب التحايا .. |
sba7 al'khir 3likom
ana fee alhospital golt aslm 3likom alntyja bta3t alf7s ct lisa ma zharat aldryb m3lg le l7de b3deen ashofkom iman |
سلام يا ايمان و الله يعينك و يطمنك و يقويك ..
و نتضرع اليه جل و علا ان يكرمك بعاجل الشفاء و الصحة و العافية .. |
اقتباس:
|
اقتباس:
|
فوفو العزيز
شبارقة المنقطع النظير:D فكوكم متين:D يعني الزول ما يقول ليه كلمتين بي تحت الا يجي فيصل ويقول ليك من الامس :D الرجاء الحفاظ علي مسار البوست:D وهو الاحتفال بمئوية كوستي والعشق ياشبارقة معزوفة كوستي التي لا تُمل بي تحت اشراقة ما تفتي كلو ;) |
اقتباس:
معاك بي قلوبنا ومعافية يارب وبلغينا بالنتيجة واكيد مبشرة بالعافية يارب العالمين |
تقهىّ شنو يا شبارقة؟ الدور حايجيك للحكاية وتخلينا نخلف كراع فى كراع
غايتو انا بكون بتململ لانو الحكايات قايمة علىّ قومة بنت لذيناgoood:D خلينا نحكى عن عن العلاقات المميزة اللى حفظتها شوارع المدينة وازقتها الحكاوى الانبل والاقرب لملح روحى فى تلك العوالم {التحت} مازلت اكتب عن حكايات كوستى {الغميسة}* {هناك حكايات الحب بتحيلك الى شارع برازيلى طوعه جورج امادو حكاية الولد الصينى- شالت امه بطنها حين تنمية مزعومة لتلك البقاع لمن قام مشروع كنانة بتاع السكر وجوا الصنيين والكوريين ودقشوا الحلة الوراء الصينى اللى كنكش فى الزولة السمحة اللى وشمت روحى بنقاربى اتوهط خدها الايسر وزمام يخرم قلبى كلما غصت فى تلك العوالم- عوالم هى جزء من حكايات كوستى وتفاصيلها ولونها مدخن بكل اشواقها وبطلح الرغبه فى الحياة الانسانية اللى ماوجدتها.. التحمن جسدين فى ليلة ماطرة وجاء الوليد الصينى اللى ظلّ يحمل حكاية عشق غريب بين امرأة {ليل} ورجل من بلاد بعيدة استعانت به الدولة زمانئيذ لتركيب مصنع كنانة, يدر السكر ويكشط ملح الروح من نفوس- كان اسمها زينة النفوس} ------ * حقوق الغميسة محفوظة للفنان عماد عبدالله فى كتابته الشهيرة {حكايات الديم الغمبسة} والكتابة اللى بين قوسين هى جزء من كتابة تتبع لمئوية كوستى لو ما ممنع نشرها فى السودان سانشرها قريبا- فهى جزء من حياتنا وسيرة المدينة رضينا ولا ابينا وستكون حكاية زينة النفوس هى البداية وجواها تبرطع ابقار الذاكرة وتدمى القلب.. |
اقتباس:
نورك غشا المدينة وبقي فيها مليون سنة ضوئية الفة ومودة وعرفة صافية وترحاب وحباب من مدخل الكبري ولايغرنك العسكر هناك وهم ينكشون حقائب القادمين اليها فبمجرد ان تلج بواباتها وان تتخطي مزارع الارز علي متكأ نيلها الابيض تفاجأك شموسها وتحتويك وتاني البمرقك شنو مزيدا من الحكي ووثق لينا الزيارة دي |
محزن ماقرأته.... كتبت فى قريتنا المجاورة على قوم بيان الله يطراها بالخير التالى {{ ازيك ياخالد لىّ رجاء وانت فى كوستى كوستى لا تكون حبيبة الاّ حين نذكر كل من عطروها بسيرتهم احد هؤلاء معلمى استاذ الطاهر درسنى لغة انجليزية فى المتوسطة وكانت له مكتبة نهلت منها المدينة لما كان يميز كتبها وقيمتها المعرفية والثقافية مكتبة رحمى- كانت فى نفس صف السنما الوطنية بعد الانقلاب هاجر استاذ الطاهر مع اسرته الى القاهرة وقدم لاعادة التوطين قمت بزيارة اسرته فى الاسكندرية فى عام 1999 وحكى لىّ تفاصيل رحلة الشقاء تواصلنا لزمن ثم انقطع التواصل بيننا عرفت من ابى انه رجع للسودان وكان مريضا ثم رجعوا مرة ثانية الى مصر لو سألت اى زول فى الرديف بيوصف ليك بيتهم استاذ الطاهر احد الذين ينبغى ان يرد لهم اعتبارهم لما قدمه لنا وللمدينة من معارف اكون شاكرة لو لقيت اى اخبار منه ومن اسرته ولو فى تلفون رسلو لىّ على ايميلى الموجود فى البروفايل شكرا ليك مقدما ياخالد وياريت تستعين بصلاح عوض الله }} إتصلت بى ابوى قبل يومين وسألتو من استاذ الطاهر وقال لىّ اظنو لسه فى القاهرة طلبت منو يرسل المغداد اخوى الرديف يسأل منو ومن اسرتو وكنت منتظرة الرد.. منتظرة تلفون ليهو عشان اتصل بيهو ونحكى. واذ بى اتفاجأ بانه غادر عالمنا... يالله غادرها ومازالت بيننا حكايات لم تكمل وشجون تخص المدينة ومازالت صورة استاذ الطاهر بقامته الفارعه وحلمة الممشوق ان نكون بنات للمعرفة تلاحقنى هذا الطاهر الذى ذهب تاركا غصة فى القلب ورحل.. رحل ومازالت مكتبة رحمى- بتزكريها يا آمال.. جنب السنما واقرب لبيت ناس منقاوية, اجىء محملة بالكتب واغشاهم فى بيتهم, خالتى مريم الله يرحمها والدة ايمان ترحب وهى هشة وباشة, ادخلى يابت حليمة اشربى ليك شاى بى لين... ياربى... كم سلفنا من الكتب وكم ناقشنا فيها حين استرجاعها وينبهنا على الكتب الجديدة ياربى... كان كل حلمة ان يبنى لاطفاله مستقبلا , مانح المعرفة ما استطاع ان يمنح صغاره المعرفة التى عشقها رحل ورحلت بدموعى الى هناك... يالهذه الدنيا... مسيخة والله مرات تصيبك اللاجدوى من كل شىء طيب لزومو شنو كل ده اذا فى النهاية بنموت.. طيب لزومو شنو التعب والاجهاد واللوعة والكلام اللى بينتهى بردمة تراب.. عزرا ..مازلت تحت تأثير ماقرأت الآن ستمضى اذن الحياة... وسنكسيها بالمعرفة- احدى هموم استاذى ومعلمنا ومربينا الطاهر رحمة على روحك الطاهرة.. |
| الساعة الآن 11:40 AM. |
Powered by vBulletin® Version 3.8.8 Beta 2
Copyright ©2000 - 2026, vBulletin Solutions, Inc.