يا جماعه بصراحة
الحاج حمد مطمئنين عليه حايم في القرى المجاورة وأبو شهد بطل بين الحين والآخر لكن سيد البوست ده ما لقينا زول يدلنا على الحاصل عليه طمننونا فقط هل هو بخير |
اقتباس:
نعم ... الحاج حمد شايفنو حائم في القرى المجاورة من زمااان ... وطبعا ً هو كان مشارك فعـّال أيام كان هذا البوست في سودانيز أون لاين وشارك معنا هنا في أيامنا الأولى فقط ... نتمنى عودته حتى يجتر معنا ذكريات تلك السنين الحلوة. أما الأخ كمال كلكول (سيد البوست) فهو بخير وصحة جيدة . ونسأل أيضا ً عن قدامى المحاربين في هذا البوست : عبد الله بستم ومنير العوض والزووول ومنتصر وموسى جديد وكباشي وعمر الأزرق وود أبوكنة وزهير الحاج وسيد أحمد أبو شعر وقاسم إسماعيل وعصام كمتور (وعصام كمتور كان متواصل معنا ولكنه إنقطع تواصله بمجرد عودته النهائية للسودان :confused: )... كما نفتقد أيضا ً مشاركات الأختين رباب وحليمة وحمدا لله على السلامة على طلة الأخ أسامة أبو شيبة بعد غيبة طويلة . طبعا ً لا تخفى علينا الظروف الخاصة أو العامة التي قد تمنع البعض من المشاركة معنا في إثراء هذا البوست المتفرد بالذكريات الصادقة والجميلة وكثير منهم متابع معنا ومستمتع بمشاكساتنا وخرفنا المبكر (يتاوقوا من بره بره ... لكن يا ريت لو في طريقة ينطوا الحوش ويجونا بي جوه ويعرضوا معانا في نص الداره :D) وعدد المشاهدين والمشاهدات ليس بالقليل وهو في تزايد كما هو واضح في جدول المنتدى. التحايا لكل خريجي وخريجات أسيوط أينما كانوا وحيثما رحلوا . |
اقتباس:
|
اقتباس:
الأخ رمضان (زراعة) تعرفت عليه بسهولة لأنني سكنت معهم وأنا برلوم 82-83م (قبل 27 سنة يا ود الكاشف ويا كيشو ولسه ما شاء الله الذاكرة حديد ..عينكم باردة علينا إن شاء الله :)) وكان معه في الشقة الأخوين أنور محمد عثمان - صيدلة (جالية برضو) ومحمد آدم سليمان من أبناء الأبيض (علوم جيولوجيا) وجميعهم كانوا من الرعيل الأول وقدامى المحاربين في أسيوط :D. |
عزاء واجب
احر التعازي للزميلةامل الخاتم في وفاة والدها...نسال الله ان يرحمه و يسكنه فسيح جناته. انا لله وانا اليه راجعون |
اقتباس:
للأخت أمل حسن العزاء.. |
تحايا لكل الأسايطة
التحايا لكل الأسايطة الطولنا منهم شديد أخونا مكي ما وصلنا منك إيميل علي حسب وعدك وأخونا شبارقة كيف حالك أما أسامة أبو شيبة آخر عهدى بيه أواخر الثمانينات لمن كان بنشوفو في بنك النيلين فرع الأمم المتحدة كان ساكن الحلة الجديدة طبعا هسه بقي مشغول بالوليدات و الذاكرة روحت و ما ننسي بقية أخوانا كلهم الواحد جد سعيد يواصلهم عبر النت و نأمل التلاقي القريب آخر الأخبار هنا في السودان تكوين الرابطة للأسايطة أضحي مسألة وقت وجيز بإذن الله و حننوركم بالمستجدات من الأخبار الأخري س وفاة نسيب أخونا علي مردس بأمدرمان زوج شقيقته من الأخبار الأخري مطالبة أخونا علي شنكتة برفع دعوي علي أخونا زاهر الطيب حمد حقوق إذ قام بالكوكبة عليه و شال ملاح ويكة مجهبز في أناء يسمي ساخن بارد ؟؟؟؟؟؟!!!!!! وهو الآن في حالة إستعداد تام لرفع الأمر الي لجنة الأسايطة العليا للبت فيها عليه نأمل منكم سرعة البت في هذا الأمر:confused::mad:goood
|
اقتباس:
وصادق العزاء للأخ علي مردس والأسرة الكريمة قول للمحامي الكبير على حسن (شنكتة) لا تسلم أنت ولا الشلة من زاهر فارْضَ بقدرك |
اقتباس:
|
عموم الاسايطة سلام
خالص العزاء للاخت أمل الخاتم والاخ علي مردس |
تعازينا للأخت أمل الخاتم في وفاة والدها
وتعازينا للأخ مردس في وفاة زوج شقيقته اللهم اغفر لهما وأرحمهما وأدخلهما فسيح جناتك مع الصديقين والشهداء وحسن أولئك رفيقا ... وإنا لله وإنا إليه راجعون. |
بسم الله الرحمن الرحيم
الاخت الكريمة امل احسن الله العزاء 000 وربنا يتقبله قبولاً حسناً مع الصديقين والشهداء 000 العزيز علي مردس نأمل الدخول عبر هذا الملتقي الصافي لانك تمثل ماعوناً تاريخياً لا ينضب نأمل التواصل 000حتي نحلب كل ما هو عندك من ذكريات 000 |
بسم الله الرحمن الرحيم
العزيز عادل ( الارباب ) 00 لقد جملتم السودان 00 ودخلتم التاريخ من اوسع الابواب رايناك في الصايد وانت تعمل ليل نهار ورايناك في الهلال والمريخ وانت تجمل الشاشة فمبروك للسودان بامثالكم وانتم تردون علي دول الاستكبار التي تريد ان تمس سيادة ورمز الامة رداً اصيلاً باصالة اهل السودان ونبيلاً بنبل اهل السودان واهديك قصيدة شاعركم 00 عن السد 000 إنّ الذي سمك السماء بنى لنا سداً يطاول للسماك الاعزل سداً تشوق له النفوس ولم يزل أحدوثة منذ الزمان الأول سداً دعائمه العميقة أحكمت حتى غدت اعجوبة المتأمل قد كان في حكم المحال بناؤه حتى أتى زمن الرجال الكمل وامتد في الافق البعيد جداره يلوي الرؤوس يديرهن إلى على تالله ما عرفوا المحال ولا دنوا حتى أقيم الصرح رغم العذل الطامحين الى العلا ويرودهم هدى السماء بنيّة المتبتل والنيل هذا النيل أبطأ سيره رغم التحدر وانطلاق الأرجل فكأنما اعترض الطريق أخ له يرجو الفكاك من المناخ الممحل |
000033
السلام عليكم يا صعايده تعازينا للأخت أمل الخاتم في وفاة والدها وتعازينا للأخ مردس في وفاة زوج شقيقته اللهم اغفر لهما وأرحمهما وأدخلهما فسيح جناتك مع الصديقين والشهداء وحسن أولئك رفيقا ... وإنا لله وإنا إليه راجعون. |
أخى على مردس نسأل الله لفقيدكم الرحمه والمغفره..
ولكم والأسره الكريمة الصبر والسلوان.. |
[frame="1 80"]
اقتباس:
أبو الأمين سلامات.. قصيدة جميلة تتناسب وعظمة الأنجاز... ما شاء الله لا تزال الكلمات تتطاوع يراعك فى أنسيابيه.. أرتسمت على شفتى أبتسامه عريضة وأنا أعود بالذاكره الى أيام البرلمة الأولى وأنت تلقى على مسامعنا أعمالك الشعرية الأولى: فلان ألم أرسل لك رسالتان... كانت أيام... |
الاسايطة
ازيكم ..... تخريمة ود البيك الوان الموية القاعد تكتب بيها دي زيد ليها البودرة شوية ...ماممكن طششت بينا |
[align=justify]اخى العزيز علي مردس
تقبل تعازينا وللاسرة الكريمة الهمكم الله الصبر والسلوان وللفقيد الرحمة والغفران [/align] |
اقتباس:
يا أبوريم لو أنتو الشباب بتطششو من حلاوة المولد... أقصد ألوان المويه.. مآل الجلاكين الزينا ديل يقولوا شنو؟ |
الاسايطة سلام تعازينا للا خت امل الخاتم والاخ علي مردس
|
اقتباس:
وخالص العزاء للخالة سكينة والأعزاء امل واسامه وايمان وبهاء ومحمد خليل وعموم آل الخاتم وآل الكارب |
وخالص العزاء أيضا للأخ علي مردس في وفاة نسيبه ونسال الله أن يتغمده بوافر رحمته ويلهم آله الصبر والسلوان ..
|
اقتباس:
|
السلام عليكم يا صعايده
الاخ عمر محمد الف تحية وسلام لك ولجميع الاسايطة في السودان وخارجه ..والله ما نسيت ..لكن انشغلت ..في بلاد هجرتنا من الوطن الأم ..انت الوالد والوالده والعم والعمه والخال والخاله والحبوبه والجد ..معافرة مع الشغل والتربية والزمن .. لك العتبي حتي ترضي ..والايميل ..موعود يا ..صديقي موعود ... mekki15"hotmail.com makook98"yahoo.com يا صعايده وصعيديات أشارككم هده النكات التي أرسلها الي الاخ مزمل فزع علي الايمل: ************ ابكر سألوهو ليه ما مشيت الحج ؟ قال ليهم : سبهان الله كل ما ننوي يسادف أيد الدهيه ************* مسطول ودوهو الخلوه ... اخر اليوم سألوهو اها الشيخ الذي( يدرس القران) اعطاكم شنو ؟ قال ليهم هو الشيخ( زاتو) ما متأكد مرات يقول القارعة مرات يقول ما القارعة *********** عيان مشى الدكتور الدكتور قعد يحذر فيهو من اعراض ضغط الدم ما تأكل لحمه سمينه وكبده نيه والبيض المقلي والمسلوق ولا السمنه البلدية وابعد عن الزبادي والجبنه المضفرة و...!! العيان قاليهو ها آزول اقيف ها... انا لو بأكل جنس ده... اكان جيتك؟ جراح مسطول دخل للعملية لقى المريض مخدر قال ليه من اسه عملت فيها ميت؟؟ مسطول بخت كبايتين جمبو وحده فاضيه والتانيه ملانه مويه قال عشان يمكن يشرب ويمكن ما يشرب واحد فلاتي بتعلم انجليزي ... قالوا ليهو دخل كلمه has في جمله مفيده قال ليهم has بي الله و نعم الوكيل ومسطول سالوه الفرق بين ذمان وهسي شنو قال ليهم ذمان لما يجيبو الاكل الناس تقول بسم الله وتبدا وفي النهايه تقول الحمد لله هسي لما يجيبو الاكل الناس تقول الحمد لله الاكل جا ولما تنتهي تقول بسم الله كمل جعلي راكب حماره في الخلا .. دخل في كومة قش طارت منها (فرة) خلعت الجعلي لغاية ما وقع من الحماره اتلفت يمين وشمال ما شاف زول قال والله لو دا شايقي كان مات عديل اتنين مساطيل قاعدن تحت نخله بالليل. الاول,انا نفسي في بلح,التاني ,لاكين نطلع ليو كيف؟.الاول بولع ليك نور البطاريه,وانت اتشعبط فيو لحدي ماتصل السبيطه,التاني,بالله عشان تطفيو واجي واقع. شا يقي قالوا ليهو اتبرع عاوزين نعمل سور للمقابر قال لهم ما حصل سمعت ميت شرد ادروب سألو تمش الجنة والا النار قال ليهم الشوايقة ماشين وين ؟؟ قالو ليهو ماشين النار قال خلا بامش معاهم النار يا ادروب الكلام ده كيييف بس قال ليهم الشوايقة ديل ما بمشو حتة الا يكون فيها كّدة والا منفعة ناس العريس ماشين يجيبو العروس ما لقو دلوكة ، سالو جارهم السكران "ماعندك باقة نجيب بيها العروس؟"" قال ليهم ما عندي لكن ما ممكن تجيبوها في كيس؟؟ شايقي داخل يزور امو في المستشفي لقي مكتوب على الباب (إدفع) قال اخير اشوفها في البيت اتنين مساطيل في موقف المواصلات بتفرجو في حافلة والناس بتدافروا عشان يخشو فيها !!! الاول: الناس دي كل يوم بتتشاكل عشان ترجع لبيوتها !!! التاني محتاااار: والغريبة تاني يوم بجو راجعين تااني مسطول بيسـأل صاحبه هـا أخبار ابوك شنو؟ وفجـأة تذكـر أن أبـو صاحبـه مـتوفي "فكمـل الموضوع وقال " لسه برضو فى نفـس القبر مسطول مشى محل نقاشين قال ليهم عايز لي نقاش الجماعه كلهم الجاء شايلليهو فرشة والجاء شايل ليهو جردل جير قال ليهم انتو نقاشين ... قالو ليهو ايوه قال ليهم الحريف فيكم ينقش انا جاي من وين مسطول عنده حمار ضاع منو .. طلع يفتش عليه لاقاهو حمار الوحش قال ليه : خلاص قايل روحك قشرته ما بعرفك؟ مسطول مثقف قال لي صاحبو قل لي ماذا تقرأ أقل لك من أنت... قام صاحبو قال ليو.. ماذا تقرأ؟؟ قام المسطول قال ليو:: من أنت؟؟ واحد بيعلم في جماعة الصلاة وهم ماسحين خالص طبعا تبدو بقراية الحمدو وبعدين اسجد تسجدو اركع تركعو اسلم تسلموا ... زولنا بدا يصلي بيهم لما جا في الجلوس قرا التشهد وسلم ...الجماعة كلهم من وراهو اهلااااااااااااان شيخ حسن مسطول بيشاغل في واحدة لونها اخضر (سمراء) قاليها: وين يا بيبسي؟ قامت تفت عليهو قاليها : وكمان بتفوررري؟ يا صعايده / صعيديات أفتقد الجميع ولكن؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ادفعوا بالمعرفة والتعارف الي حيث الشفافية.......................!!!!! -- -------------------------------------- والله بالجد كده ( صاحبنا ) د.كمال محجوب بنسأل عنه ..ولو ما ظهر ..أو عرفنا أخباره ...يبقي البوست ؟؟؟؟؟؟؟؟؟؟؟؟؟؟؟؟؟؟؟؟ والأجر علي الله ...... |
كبير الله يا كيشو
[size=6][font=Arial Black][color=#FF1493][QUOTE=كيشو;135889]السلام عليكم يا عمر
وصادق العزاء للأخ علي مردس والأسرة الكريمةقول للمحامي الكبير على حسن (شنكتة) لا تسلم أنت ولا الشلة من زاهر فارْضَ بقدرك[/ [font=Arial Black][color=#FF1493]ياكيشو سلام الله عليك .... ويا ابو دقن من متين كان علي حسن كبير .. كل البعرفو عنه والاخ اسامه ابوشيبه وكريم الدين زراعه وآخرين عارفين نفسهم (خارج السودان)وكذلك كواكب الداخل كلهم كانوا كواكب سياره باسيوط ..... وكويس دي فرصه للتواصل وسوف ننشر قائمة باسماء كواكب أسيوط .... قريبا ان شاء الله ( المستندات طرفنا)... سلام يا عرب.goood |
تعزية
الأخوه الأسايطة سلامات
تعازينا للأخت أمل الخاتم ونسأل الله أن يتقبل والدها بواسع رحمته (إنا لله وإنا اليه راجعون) |
اقتباس:
احر التعازي للاخت امل الخاتم والاخ علي مردس ونسأل الله ان يرحمه ويسكنه مع الصديقين والشهداء. والتحايا للاخوة محمد الامين والاخ محمد عبدالله والاخ مجدي والاخ ود البيك والاخ زاهروالاخ عمروجميع الاخوة يدون فرز. كماسعدت اليوم باتصال من الاخ العزيز اسامة الكاشف فله الف تحية وربنا يعطيه الصحة والعافية وللاسرة كما ابشركم بالقبض على الدكتور كمال محجوب بالحرم المكي بمكة المكرم وقد وعدتا بالمداخله وفي حالة عدم المداخله سوف ننشر هاتفه علي الملا وقد اعزر من انزر |
[QUOTE=زاهر الطيب حمد;136274][size=6][font=Arial Black][color=#FF1493]
اقتباس:
والله مشتاقين يا زاهر، وبركة الجيت (ما بتمها) كنت الحقوقي الوحيد بالله تحياتي لكل المحامين والقضاة الأسايطة وعلي حسن زيدو لينا مقالب، وشيل لي تاري منو وليك البياض |
ترحيبات حارة بالأخ زاهر الطيب, والغائب العائد منير العوض..
يا كيشو بختك آهو كومك بدأ يكبر.. |
السلام عليكم يا صعايده
مرحباً بالاخوة من كفر " الهنادوة " - من كاريكاتيرات أخبار اليوم - زاهر الطيب ومحمد بشير .. أطلق ( الطلاب ) في مصر لقب " كوكب " ثم " دبيب " علي الشخص ال... الاجابة من خلال فهم السؤال!!؟؟ ولكن الخبر : قال غيرنا وقلنا: اقتباس:
اقتباس:
|
السلام عليكم يا صعايده
قلت للاخ من طلاب كلية الزراعة ونحن في طريقنا الي شقتهم بعد عبورنا للنفق الصغير : يا أخي انا نفسي في بطيخه ..انتو البطيخ ده درسوكم ليهو ! عشان تعزل لينا بطيخة "حلوه " أجابني بغة الدارس والعارف : يا زول ده كلام شنو ..البطيخة قبل ما تشتريها ..تدقها بي يدك ..لو جاءك صوت كاتم يبقي مركزها حيث البدور لسع ما نضج ..ولو سمعت صوت صدي - فراغ ..تبقي نضجت ..وهي " بطيخة " حمراء فاقع لونها تسر الناظرين ..حلوة كطعم السكر ..اشتريناها ودهبنا الي الشقة ..تغدينا ثم نوينا التحلية بالبطيخة ..فادا هي .... حكيت هده القصة بتفاصيلها للأخ د. عبد الله عندما دهبنا للمزرعة لشراء "خروف " فادا بلحم الخروف استعصي مضغاً عند تناوله في وجبة الغداء ..فقلت له : يا ناس أرحمونا من كلمة خبراء ..زراعتنا كضب و ثروتنا الحيوانية محلية استهلاك ... يا ناس القانون هل دي فيها "من غشنا ليس مننا "؟! الاخ محم الأمين قصيدتك " عجبتني " ولكن ... السدود بي الموجود وأهل الجود وحل المشكل المعقود .. بخلي دنيتنا تتصافي وبلدنا وسط الأمم بتعود.. |
أشواق من المنبع
[QUOTE=اسامه عثمان" ابوشيبة";136240][size=5][color=#00008B]العزيز عمر مرزوق .. التحية لك بعد هذه السنين الطويلة ..وبركة السمعنا منك وشوفنا صورتك .. بمناسبة البنك وين أخونا صالح محمد صالح (زراعة) أتذكر كنت بزورو وفي نفس الفترة وكان شغال في بنك أفتكر في بنك النيلين ولا البنك العقاري ما متاكد
كيفك أسامة لك السلام والأشواق و الحمدالله الواحد شافك قبل ما يسمع صوتك العيال كيف طيبين لكن الصلعة دي شنو ناس الخليج عرفناهم من موية الملح إنت مالك ؟؟؟؟؟أخونا صالح ما عندي خبرو لكن بحاول أعرف حاجة عنه وبوريك مع تحياتي لكل الأسايطة داخل وخارج السودانgoood |
الاخ عمر محمد
الف تحية وسلام لك ولجميع الاسايطة في السودان وخارجه ..والله ما نسيت ..لكن انشغلت ..في بلاد هجرتنا من الوطن الأم ..انت الوالد والوالده والعم والعمه والخال والخاله والحبوبه والجد ..معافرة مع الشغل والتربية والزمن .. لك العتبي حتي ترضي ..والايميل ..موعود يا ..صديقي موعود ... mekki15"hotmail.com makook98"yahoo.com[/color] سلام ورحمة منه وبركات تعم عليك وعلي الأسرة الكريمة طبعا كلمة عمر محمد عود لكن عاملة ليك تعجب ( هوتفسه عمر محمد مرزوق أحمدعود ) وبعدين قبلنا اسباب النسيان و بالمناسبة جوال صابر أحمدالزبير 0912981809) لانو عرفت إنك بتسأل عنه تحياتي لكل الأسايطة طرفكم goood |
الكوكب الأسيوطي(النمل )
goood[QUOTE=كيشو;136345][QUOTE=زاهر الطيب حمد;136274][size=6][font=Arial Black][color=#FF1493]
[size=5][font=Simplified Arabic][color=#A0522D]يا [size=5][font=Times New Roman][font=Arial][font=Arial Black][color=#8B0000]سلام يا ناس زاهر الطيب وصل [3mr=backgrounds/16.gif][overline][color=#CCCC33]والله مشتاقين يا زاهر، وبركة الجيت (ما بتمها) كنت الحقوقي الوحيد بالله تحياتي لكل المحامين والقضاة الأسايطة الأخوة الأسايطة ....السلام عليكم و رحمة الله و بركاته مليون سلام لكل الأسايطة خارج وداخل السودان....سبق أن وعدنا بنشر كشف لكواكب أسيوط لكن أولاً دعونا نوضح المقصود بكلمة كوكب وعلي من تطلق صفة الكوكبة ؟؟؟؟؟ الكوكب هوكل من رفع الكلفة عن نفسه مع الآخرين(البساط أحمدي) و صال وجال طلوعا و نزولاً في شقق الزملاء المقربين اليه و أشتكت منه حللها و صحونها . وفي بعض المجتمعات يطلق علي الكوكب بالمعني أعلاه,,,, المظلي ,,,,, الدبيب ,,,,, كما قال اخونا ماكوك ..... والكواكب أنواع فهناك الكواكب السياره والكواكب الضاله... الخ . والمزيد قادم |
أخوتى الأسايطه السلام عليكم ورحمة الله وبركاته. من خلال محادثة ذات شجون تحادثت مع الأخ د. ابراهيم عبدالله أبكُر, سررت كثيراً أن أسمع صوته بعد كل هذه السنوات... تبادلنا الأخبار, وحلّقنا قليلاً فى سماء الذكريات الأسيوطيه العذبة. ابراهيم هو الدفعه الموازيه لنا من كلية طب, من أوائل من تعرفت عليهم بأسيوط, سكنا معاً عندما كنا برالمة بالأضافه لعمار عباس (زراعه), تاج السر (طب) وعصام (تجارة), وبصحبتهم كانت سنه حافله بكل ما هو جميل. أبراهيم يقيم حالياً بأم درمان ويعمل بالمستشفى الصينى. http://sudaniyat.net/up/uploading/ibrahim4.jpg أبراهيم |
بسم الله الرحمن الرحيم
000السودان مشي دقيق علي صراط الجمال 000 000محمد الامين مصطفي 000 احبتي 00 نزل لي هذا المقال بصحيفة الرائد وصحيفة اخر لحظة في الايام القليلة الماضية مع شكري وتقديري مدخل اول : أنبت كأبيك ويمم غاية وجهك شطر السدرة أصعد نفساً نفساً فى مرقاه .. وتحر القبلة ثم توضأ .. لا تقرأ .. الا لوحك لا تاكل الا قمحك لا تصحب الا رمحك .. لا تتزوج حتى تقرأ " بسم الله " .. قل إن العزة .. والعن كل المغضوب عليهم والضالين وقل امين00 قل إن العزة والعن كل يهود الأرض – وكل الصرب وكل أسود الورق بهذا العصر وكل جمال الطين .. الكتيابي 000 مدخل ثاني : اذا ركلت من الخلف فأعلم انك في المقدمة 00 سأل الممكن المستحيل اين تقيم ؟فأجابه في احلام العاجز 00 يستطيع الشيطان ان يكون ملاكا ً 000 والقزم عملاقا 000 والخفاش نسراً 000 والظمات نوراً ولكن امام الحمقي والسذج فقط 000 (1) كان مساء جميلا 000 اصيلاً 000 نبيلاً 000 صافياً صفاء اهلنا 00 عذباً عذوبة نيلنا 00 ندياً نداوة اشجارنا 00 انه مساء الحدث الذي اشعل في النفوس كبريائها 00 وحرك وجدانها 00 ونبضها نبض امة السودان الحر المستقل 000 السودان الشامخ شموخ الجبال والسامي سمو السماء 00 ذلك المساء الذي وحد الامة تجاه رمزها البشير 000 00 السودان ذلك الاسم الجميل 00 جميل بأهله000 0جميل بنسائه 000جميل برجاله 000جميل بشيوخه 000جميل بشبابه 00000 جميل برمز سيادته البشير 00 جميل برمز عزته البشير 000جميل برمز شموخه البشير 000 جميل بفعله الاصيل 00 وارضه الخصيب ونيله العجيب 00 000جميل بنخيله الطويل وبتروله الغزير 00 جميل بسده النبيل وقمحه النضير 000 00 جميل بسماحته 00 ووحدته 00جميل بجامعاته 00 ومدارسه 00وجميل بامنه وسلامه 0000 وجميل بجيشه وشرطته 000 00 جميل بمريخه وهلاله 00 00جميل بسهوله وتلاله 00 000وجميل بهواتفه 00وجميل بجماله 00 ان البشير اتي من طين هذا الشعب الابي 000ومن طمي نيله الخصيب 00 000 واتي من ضميره 00 وتفتق من لوز قطنه ابيضا ناصع البياض000 ناصع السودانية 00 00مشهد (1) 000 كان الثعلب كلما يلتقي بالقرد يسأله عن طاقيته 000 ويطلب منه الطاقية بالحاح عجيب 00 وعندما يرد القرد بانه ليس لديه طاقية من قبله يوسعه الثعلب ضربا مستخدما كافة وسائل الضرب 000 واصل الحكاية ان الثعلب لم يعطي القرد طاقية 00 وتكرر السؤال عن الطاقية المزعومة 000 وتكرر الضرب علي القرد المفتري عليه 000 وعندما كثر الجلد علي القرد من قبل الثعلب اشتكاه الي ملك الغابة الاسد حتي ينصفه في هذا الامر الجلل 000 واستدعي الاسد الثعلب بعد ان صرف القرد واستمع الي فحوي الشكوي والوقوف علي حيثياتها 00 ودار هذا الحوار بين الاسد والثعلب 00 هل صحيح ما قاله القرد بانك تسأله عن طاقية لم تسلمها اياه وتجلده عندما ينفي لك بانه ليس لديه طاقية 000 واجاب الثعلب : كلام القرد صحيح 00 ويسأله الاسد اذن لماذا تجلده في طاقية لم تعطه اياها 00 فيرد الثعلب قائلاً مكجنو ساكت ) بالجيم المعطشة اي انني اكرهه بلا سبب 000 اعتدل الاسد في جلسته وقال للثعلب : ليس هذا مبرراً معقولاً ولا منطقياً 00 اخرج هذا الجلد وبرره 000 وتساءل الثعلب : كيف : رد الاسد : بان تطلب منه احضار تفاح والغابة اصلاً بها نوعين من التفاح تفاح احمر وتفاح اصفر فان احضر التفاح الاحمر اجلده وقل له كان الاجدر ان تحضر التفاح الاصفر وان احضر التفاح الاصفر تجلده وتقل له كان يجب عليك ان تحضر التفاح الاحمر 00 الفكرة اعجب بها الثعلب ولقد تم تقنين الجلد عبر ملك الغابة وهذا يعني ان القرد مجلود مجلود وبالفعل يلتقي الثعلب بالقرد ويطلب منه احضار التفاح 00 الشي الطبيعي ان يهرول القرد محضراً التفاح ولكنه لم يبارح مكانه وسأل القرد الثعلب قائلاً التفاح الاحمر ام الاصفر 00 واسقط في يد الثعلب وغضب غضباً شديداً وصاح في القرد ( بلا تفاح احمر بلا اصفر اديني طاقيتي بس ) 00 ووقع الجلد علي القرد المفتري عليه 000 هذا هو حال دول الاستعمار الجديد مع الدول الابية الحرة ولكن هيهات هيهات 000 مشهد (2) : مدخل : بلاد تلد الرجال كما تنبت القمح والالواح ونيران المسيد 00اهلها ملوك الزمان لهم في كل دار اثر وفي كل زمان خبر 00تراهم ركعا في كل مزرعة وحقل 00 الشهيد الفاتح حمزة كان اسفلت شارع الوادي بالثورات بامدرمان الصمود ساخنا وضاجاً ومحتشداً احتشاداً عفوياً بالاوفياء والغبش من هذا الشعب الابي 00 000 والمشير راكبا العربة المكشوفة 0 00 عيون الاطفال تحكي عن وطن 00 ووجوه الشيوخ تحكي عن وطن 000 وزغاريد النساء تحكي عن امة 00 وهتافات الشباب شادين سواعدهم بالتهليل والتكبير تحكي عن تراب طالما احبوه فصارت التربة مسكايخرج الخير والسنابل 00 انهم ابناء الوطن وحماته 00انهم شموس تفضح ما دبر بليل المستعمر البغيض 00كانو كلهم علي قلب رجل واحد000 وعلي نبض واحد000 وعلي صف واحد00 انه صف السودان الذي حرك الوجدان 00انه صف السودان الذي لا يعرف الخنوع والهوان 00 حشرت نفسي حشراً بالقرب من منزل الزعيم الازهري لاشاهد المشهد وبالفعل للمكان دلالة وللبشير دلالة ورمز 00000 الجميع يهتف 00 والحناجر الندية تهتف سير سير يا بشير نحن جنودك للتعمير فما اروع المشهد وما اعظم التلاحم لامة لا تركع الا لله ولا تنحني الا لرب العباد ولا تنكسر الا لرب الكون رايتهم والله اطفال يحملون اوراق الكرتون يجملونها باقلام الرصاص بحروف من نور بانه الا السودان وانه الا البشير00 0 قالها همساً احد الاخوة العرب والله لقد ابكاني المشهد فقلت له والله لقد ابتعث فينا روحاً جديدة 00اضاف هذا ليس رئيساً فحسب00 هذا زعيم امة 00 وعندما اقول امة اعني من المحيط للخليج 00 هذا محبوب لشعبه 00فكيف لا نحبه 00 هذا00 واغروقت عيناه بالدموع 00انها دموع الرجال 00 مدخل : على كـيفي ... أرقع جبتي أولا أرقعها.. أطرزها من اللالوب .. ألبسها على المقلوب. أخلعها .. على كـيفي . .. حبيبي أنت يا وطن النجوم الزهر .. سلهم كيف ؟ سل عني .. أنا في هذه الدنيا على كيفي .. إلى أن تكمل الأشراط دورتها . سأبقى ما حييت أنا على كــــــيفي إلى أن تطهر الدنيا وينزل سيدي عـــيسى لأن طريقتي في الحب يا وطني على كـيفي (الكتيابي) مشهد 3) : الفجر كان وثاباً عندما توضأ واتجه الي المسجد لاداء صلاة الفجر 00 ولكن انزلق في طريقه في وحل الطين فامتلات ثيابه واتسخت وغفل راجعاً للبيت وغير ملابسه 00 وفي الطريق للمرة الثانية ينزلق في الطين وغفل راجعاً وغير ملابسه 00 ولكن وعند باب بيته وجد رجلاً يحمل مصباحاً 00 ودار بينه وبين الرجل هذا الحوار 00 رايتك انزلقت مرتين في الطين لذلك اتيت بمصباحي لاوصلك 00 ووصلا المسجد ودخل صاحبنا ولكن مرافقه لم يدخل المسجد 00 فاستغرب ووجه سؤاله لصاحب المصباح : لماذا لا تدخل المسجد 000 فرد عليه : اني لا اصلي 00 كيف لا تصلي ؟ لا اصلي لاني ابليس ولقد ملأت طريقك في المرة الاولي بالطين حتي تكسل من الصلاة ولا تصلي ولكنك رجعت وغيرت ملابسك وفي هذه الحالة غفر الله لك ذنوبك وعندما انزلقت في المرة الثانية وذهبت لتغير ملابسك غفر الله لاهل بيتك فخشيت ان تقع في المرة الثالثة في الطين فيغفر الله لكل اهل البلد التي انت فيها لذلك الافضل لي ان تصلي من ان يغفر الله لجميع اهل بلدك 0000 هل رايتم ابليس ومن هم في شاكلته من المستعمرين الجدد 000 انه ذات المشهد وذات التفكير وذات العقلية 00 مدخل : بالدعاء والاستجابة تحشد الانفال في السودان جيلاً من صحابة وتقيم الصف صفاً من صناديد الصلابة مصعب يأتي وجعفر وبلال وابن زيد وابن ياسر خرجوا في امة المجد عساكر واساتيذ وطلاب وصحراء وغابة ركز السودان شعباص في مسكر في هتاف الله اكبر وبشارات الاجابة (محمد حامد ادم ) مشهد (4) كانا في غرفة واحدة في المهجر 000 وكان رفيقه في الغرفة يأتي متأخراً ومخموراً ويفتح موضوعاً للنقاش 00 ويتجادلا كل يريد اقناع الاخر وينتصف الليل ولا يقتنع الخمور اطلاقاً وتدور الايام ووجد صاحبنا نفسه في دوامة سهر يومية نتيجة لعدم اقتناع السكير بما يمكن اقناعه به من مبررات للنقاش وذات مساء بيت صاحبنا نية ايقاف هذا الجدل الذي قاده ه لسهر مزمن 00 ويأتي المساء ويدخل المخمور للغرفة ويبادر بفتح موضوع للنقاش الا ان صاحبنا فاجأه قائلاً 00:يا اخي اقتنعت بان كلامك صحيح مائة المائة ويسحب الغطاء كي ينام ظاناً بأنه قد استراح من دوامة عدم الاقتناع والجدل اللامنتهي 00 ولكن وبعد دقائق معدودة يربت السكير علي كتفه ويقول له اقنعني اقتنعت كيف ؟00 هذا حال دول الاستكبار معنا حتي اذا قلنا لهم اقتنعنا 00 قالو لنا اقنعونا اقتنعتو كيف ؟ 000 |
عموم الأسايطه..سلامُ عليكم... هذه الصوره أخذت ضمن أحتفال تخريج دفعة زراعه للعام 1985 .. معذره الصوره معتمه بعض الشئ, لكن نتمنى أن تكون مضيئة بأصحابها.. http://sudaniyat.net/up/uploading/zri3aa.jpg |
السودان الوطن الشامخ
:)
الأسايطة سلام كتير عليكم و رحمة من الله و بركاته من جوه البلد بنسأل عن الأحوال دخلت اليوم لقيت الصورة المرسلة من ود البيك عرفت فيها بعض الأخوان و الأخوات يمكن لأنو كنا في تجارة بعيدبن عن الجامعة الجديدة و لعل ولعل عرفت أخونا جمال ده كان معانا في رابطة المهدي (ناس الشمالية دناقلة و محس و حلفاويين و كنوز و الآخرين القاعدين في المنطقة ) و رحاب برضو كانت من الرابطة و زينب علوم والزميلة الجالسة برضو كانت معانا في الرابطة لكن الإسم راح علينا يمكن كبرنا ياود البيك و علي ما أعتقد فيها اخونا خالد الحاج و العتبي للآخرين ما قدرنا نتذكرهم يمكن لأنو ما واضحين شديد برضو لقيت مقال ود الأمين وما شاء الله طبعا ما بنقدر نجاريك في الكلام ده لانو السودان هو السودان في القلوب و الأحداق و تاج راس كل سوداني و البشير هو البشير رمزنا وما أظن في واحد بيرضي المهانة لبلده و ورمز البلد من أي يهودي أو من لف لفهم حتي لو كان مختلف يعني يجب علي الكل التخندق في خندق واحد لأنو الخسارة و الدمار حتكون علي راس كل الناس لذا فنحن مع الريس بإذن الله و نسأل الله أن يسلم السودان و أهله من المكايد .....!!!!!!!!! |
اقتباس:
|
[quote]
اقتباس:
عمر مرزوق ...سلامات, وعبرك التحايا موصولة لكل الأسايطه بالوطن الحبيب. ما شاء الله الذاكرة لسه بخير.... الواقفون من اليمين: سلوى محمد على (زراعه), عبدالمجيد "بيجين" (صيدله), ثم الظاهر جزئياً ده غالباً منتصر يوسف (صيدله), ثم شخصين ما وضحين, يليهم عمر محمد على (زراعه), جمال محمد أحمد (زراعه), مجدى جادالكريم (زراعه), ثم خالد (صيدله). الجلوس من اليمين: رباب, عواطف (كلاهما زراعه), ثم زينب (علوم). |
| الساعة الآن 04:18 PM. |
Powered by vBulletin® Version 3.8.8 Beta 2
Copyright ©2000 - 2026, vBulletin Solutions, Inc.