اقتباس:
|
اقتباس:
|
الأخ شبارقه صاحب الزاكرة الحديدية لك التحايا وللأخوة الكرام ,,,, أظن كده المسأله بقت واضحه ونترك أخونا كيشو يجيب الأسماء وبالترتيب عشان ما يكون في اي شك أو تشكيك في زاكرة رئيس اسرتنا ابومحمود وعشان ما يتهم بالخرف كمان,, وبالمناسبه أنا قدر ما ارجع لألبوم الصور أسم اخونا بوش ده يطير مني ,,,,, وبرضو تقولوا لي اسامه الكاشف خرف .... ربنا يحفظ الجميع.
|
عموم الأسايطه..سلامٌ عليكم...
جلال عثمان (الشايقى) من أطرف شخصيات كلية زراعه, كان رجل حاضر البديهة وله ردود هى مزيج من السخرية والحكمة. طوال سنوات دراسته لم يغيير لسانه, فكان يخاطب الجميع (سودانيين + مصريين) باللهجة السودانية الشايقية. فى احدى أيام البرلمه, جلستُ ومعى الأخ محمد موسى الناير فى كافتيريا عمك ثابت نحتسى الشاى, حيث كنا "داكين" لمحاضرة فى فيسيولوجيا النبات فقد كنا نعتبر المادة وأستاذها د. صامويل مملين, وذلك برغم شهرة د. صامويل باعداد أمتحانات فى غاية الصعوبه والتعقيد. أقبل الينا الأخ جلال الشايقى ليشاركنا الجلسة وأحتساء الشاى, ولما علم بأننا "داكين" محاضرة د. صامويل, هز رأسه مخاطباً لنا: آآ برالمة هوووى صامويل ده لا تدكولوا !! أمان الله الزول ده بعدين يجيبلكم أمتحان لا تعرفوا فيهو اللمبة من المفتاح... أصبحت مقولته هذه مصطلح سائد كنايةً عن صعوبة الأمتحان, فكنا نسأل أحد الزملاء "الأمتحان كيف؟" فعندما يخبرك أنه لم يعرف فيه اللمبة من المفتاح ..فتأكد أن المضوع بايظ. التحايا للأخ جلال أينما كان ولكل الزملاء الذين انقطع بيننا وبينهم حبل الوصال عقب سنوات أسيوط. الصورة أدناه تضم الأخ جلال عثمان مع كوكبه من شباب زراعه... فى أنتظار مشاركاتكم... http://sudaniyat.net/up/uploading/scan00344.jpg |
شكرا ود البك
الصورة فيها : ود البك، صالح ، عبد الكريم، عبد المنعم، جلال، صالح ابوشوك، أحمد محمد عمر بوش، الطيب عبد القادر ، علي حسن حأخلى التلاتة الباقيين لي شبارقة وكيشو وزاهر كل واحد ياخد خيارراية واحدة بسgoood ربنا يشفي من الزهايمر وتبعاتوlooool بالمناسبة دفتر الغياب بالبوست اتملا وكلو الطبية الصيدلية منتصر، الزول (من كشفناه لبد)، الجيلي ، إيهاب قباني، عصام عليش وكذلك منير وطبعا الحاج حمد وكمال محجوب وميكي وفرمالتنا حليمة:D |
ود البك لك التحايا بأمانه الواحد في الصوره دي شبه ما عارف اللمبه من المفتاح وبدون ترتيب عرفناك انت وجلال وابوشوك وطبعا بوش وكريم الدين والطيب وعلي حسن وهو حاليا بكسلا وبالمناسبه يا ود البك القاعد خلفك في الصوره ده علي ود سلفاب ...... وجاري البحث بالنسبه للبقيه .
|
براحه يا زاهر
والله ناس كيشو وشبارقة يدوك عين إيجيبو اجلك أيه الحلاوة دي يا عم عرفت على الريس من كم قميصو تحياتنا لعلي الريس أين ما كان ولجميع الأحباب حاشيه: ياخوانا أفقدو لينا كباشي طول ما ظهر |
اقتباس:
جلال بجدة وألقيته أكثر من مرة مصادفة |
[align=justify]1- مرحبا ً بأخينا موسى جديد بعد غيبة ...وشكرا ً على المعلومة بخصوص الزميل جلال الذي لنا معه مواقف طريفة :)... وقد تعرفنا على الأخ جلال الشايقي عن طريق أخونا أنور محمد طه (علوم جيولوجيا) وكلاهما دفعتنا في أسيوط.
2- وبالمناسبة ... رُزق أخونا أنور محمد طه (علوم جيولوجيا) بمولود ذكر قبل يومين بمدينة الدمام بالمملكة العربية السعودية .... تهانينا للأخ أنور ... والف مبروك ... وحمد لله على سلامة الحكومة ... وإن شاء الله يربى في عزكم. 3- يقيم أسايطة الداخل (السودان) حفل إستقبال للزميلة زهور نوبي (حقوق) العائدة إلى السودان من بريطانيا في إجازة بعد غيبة ... الحفل سيكون في نادي بنك السودان (أعتقد صاحب فكرة الحفل بنادي بنك السودان هو الزميل محمد الحافظ لأنه يعمل في نفس البنك)... معلومة الحفل وصلتني عن طريق الأخ علي مردس الذي كان طريح الفراش لمدة تجاوزت العشرين يوما ً ... حمدا لله على السلامة يا كابتن مردس وألف كفارة ولا بأس عليك [/align] |
[align=justify]ما شاء الله ... عدد المشاهدين لهذا البوست المتفرد وصلوا إلى خمسين ألف وتلاتمائة وأربعتاشر مشاهد ومشاهدة (حتى تاريخ اليوم)... معظمهم بالتأكيد أسايطة وأسيوطيات ... مستمتعين معنا بالذكريات وإجترار الماضي الجميل ... لكن أين هم ؟ نريد منهم مزيد من التواصل والمشاركة. [/align]
|
الليله يا مكي .... ناس المصنفات الفنيه عندنا سمعوا بموضوع الحفله وكونوا لجنه تقصي وقد تصلك قريبا,,, كده كويس ؟ بعد ده خلي عمنا كيشو يخارجك ,,,,, عشان كده ياظريف أحسن تشارك في موضوع صورة ناس زراعه دي وخليك من حركات الفنانين والجري ورا العداد وأعرف لينا الزول القاعد في الواطه خلف ود البك ده منو ؟.
|
اقتباس:
زاهر..سلامات.... ما شاء الله الذاكره لسه حديد.. إنت يا صاحبى عرفت اللمبه وقربت تعرف المفتاح ذاتو :D |
اقتباس:
كدا أطمأنينا على الذاكرة, ويبدؤ انو حكاية الزهايمر دى أشاعات ساى.....:D:D نديك 90%...... |
ألأخوه الأسايطه زارنا اليوم بالمكتب الأخ عبد المنعم سرور ويبلغكم تحياته وقال ليكم هو ما عايز العولمه عشان ما يلاقيكم وبالأخص أنت ياكيشو,,,, المهم عرضت عليهو صوره حقوق وكانت اجابته كالآتي الوقوف مجتبي- باص (ما عرف المرحوم)- باص (ماعرفني)- عبد المجيد - باص - بيومي والجلوس باص الوسيله خلفه أسامه الكاشف.... ياجماعه والله ده الحصل .... والله طوالي انسحبت وماعرضت عليهو صورة ناس زراعه خفت يقول لي فيها ابوقنايه خلاصة الامر ... ودالكاشف وود البك وعاصم حديد .... الخرف متأصل وساكن في الداخل بل هو موجود معاي الآن .
|
اقتباس:
بالله يا زاهر قول ليه كيشو اجتهد ليك اجتهاد كثير، ومن وراك (يعني مسحت الحاجات كلها في وشي) ولكن نسوي ليك شنو؟ قدرو كده :) |
اقتباس:
ومنو كان اطول زول في زراعة ؟ اسامة الكاشف ..لا .. لا .. أنا برشح انو القاعد في الواطة ده يكون عمار عباس .. ويا جماعة قريبنا ده ..( ال كريم خاتو يديه في كتفو) ..صالح محمد صالح ده مالكم نسيتوهو .. بمناسبة الواعد والقنبلة الاسيوطية مكي .. أصر والح علي أني أسافر الخليج عشان أشوف تسويق لالبومه الاول .. ياعاصم ان شاء الله لو ربنا سهل .. وبالجد ما هزار .. مفروض أصل الدمام بعد يوم 25 مايو وبعدين للرياض وجدة ..ما متاكد من تاريخ الوصول للسعودية لانو مفروض اعمل التاشيرة من الاردن .. حاصل الاردن باذن الله يوم 21 مايو يلا جهزوا لينا لمة من لماتكم الاسيوطية الجميلة ديك ..أبو ريم خليك قريب برضو [/align] |
http://sudaniyat.net/up/uploading/scan00344.jpg
السلامُ عليكم... الترتيب الأخير للصورة بالأضافه لودالبك وعلى الريس (على ذمة زاهر)... الصف الخلفى من اليمين: صالح محمد صالح, كريم الدين عثمان, عبد المنعم أبراهيم, أسامه عوض. الصف الوسط من اليمين: عمر, جلال عثمان، صالح عبد الرحمن, على حسن, صلاح محمد أحمد الصف الأمامى من اليمين: أحمد محمد عمر بوش, الطيب عبد القادر |
بسم الله الرحمن الرحيم...
الاخوة الصعايدة سلام عليكم وشوق كثير اليكم... والشكر الجزيل لكل الاخوة الذين حافظوا على استمرارية هذا البوست ...واهلا ومرحبا بكل الاخوة .. مخرفين وشباب ... صلع وجلحات ...ونظارات ... لتقرب المسافات ..وكمان آخر الزمن مايكات.. في آخر البلاد ...سبحان الله.. ناس كندا عملوا بروفات وفي انتظار العدادات .... |
منورين...
لعل قائمة الغياب تطول ...واظن الجميع يتابع البوست ولكن لايستطيع ان يمد يده الى الكي بورد لاسباب كثيرة ...قد يكون ضيق الوقت واحيانا الاسترخاء والاستمتاع بمداخلات الصعايدة ...خصوصا وقد ظهرت بعض المواهب على الكبر... افتقدنا الكثيرين الذين طال غيابهم ... ود الطيب ..كمتور ..منير .. منتصر ..كباشي ..عازف الاورج لم نسمع منه نغمة واحدة ...بالمناسبة ياعازف الاورج عمرك سمعت بي فنان اول اسمه مكي ...?انا معاك ممكن يكون مداح لكن فنان. ..? اخونا ودالارباب اين انت الآن ?اخونا عصام عليش تحياتنا وفي انتظار الابيض والاسود والماضي والحاضر....وكل الاخوة والزول كمان واختنا النشيطة حليمة ...عدد المشاهدات فعلا يوحي بانكم وغيركم متابع ولكن.... |
اقتباس:
|
اقتباس:
والشكر اجزله لسحارة ودالبيك الذي يمتعنا بالكثير من بيت الكلاوي...وبالمناسبه ديه عندنا مشروع رحله والمفآجعة هي قنبلة كندا الموقوتة.... |
اقتباس:
ماتخاف يا ميكي بس انت ابقى قوي ....ودافر مع الجماعة ديل ...خليك قريب من المايك وفي الصف الامامي...خلي في جيبك شوية ملح ... |
أبو الجيل..سلامآت..
نوّرت البوست بعد غيبة.. رغما عن كثرة المشاغل نرجوا المواصله وامتاعنا بالمشاركات المتميزة... تخريمة: يا أسامه الكاشف آهو ناس الجمعية بدأوا يظهروا..:D |
اقتباس:
نبدأ من حيث المداخلات التي تخصنا الاخ الأفكاتو زاهر الطيب ..بعد التحية لك وللصعايده المعاك .. ناس المصنفات الفنية ديل مقدور عليهم ...المشكلة في الناس البتغبوا فيك العرفه ديل .. أما ناس زراعة ( حبايبنا ) لكن ده حملاً تقيل ما بنقدر عليهو انت ما شايف الجماعة هنا مدورين غلاط كيف ( وودالبيك ) بيضحك في الزهايمر المبكر ده يا أخي شوف لينا ( عمر الجزلي ) عشان يستضيفهم في ( أسماء في حياتنا ) ونخلص ... الأخ أسامة أبوشيبة اقتباس:
ولكن رجاء خاص عدم تزويد أي من الاخوة والأخوات ( الصعايده ) من غير ( المشجعين ) للمواهب ..بأي نسخة من ما حملناك من ( البوم أغاني أو معلومات ) .. أما عن طلبك اقتباس:
الأخ د. الجيلي الريح اقتباس:
اقتباس:
لكن هديتك ( الاغنية ) الجماعية مقبولة وعشان كده قررنا انو حفلة رأس السنة القادمة تكون في ( ايرلندا ..ودبل مع الاستقلال في ..دبلن ) بس عليكم حق العازفين ... |
تجمع جديد للأسايطة في نادي بنك السودان
كان تجمعا ذو مذاق خاص حيث تجمع خليط أسيوطي مدهش إحتفالا بقدوم أسايطة عزاز زهور نوبي و سيد أحمد ابوشعر و ابوالقاسم عبدالحفيظ (قاسم صيدلة ) بمبادرة من الأخوان محمد الحافظ و جوهر آدم الطاهر و أختنا أمل أحمد محمد (زراعة ) وحضر الأخوان د.عصام كمتور/ هدي الأمين (وولديها التؤام أحمد و أمجد ) /زينب حسن عبيد (علوم ) /أسعد إبراهيم (تربية ) /إقبال محمد عبدالحليم (زراعة ) و زوجها د. طارق محي الدين صابر و أبنائهما / الهادي محمد أحمد إسماعيل (تجارة ) صلاح الشناوي / عمر الأمين الأزرق / التوم بابكر سليم /قمر حسن مكي / حافظ إبراهيم عديلة / زاهر الطيب /علي حسن شنكتة / عبدالمجيد عمر سليم /عبدالمنعم سرور / حامد محمد آدم(حقوق ) و أسرته / علي مردس و زوجته/ الفاتح الأمين (علوم ) و زوجته / معاوية الزاكي / هشام عباس / صلاح هجو النحاس / أسامة أحمد الشريف (تجارة ) و المهندسين برتبة مشير عمر جرهام و محمد فريد بيومي / و المهندس أحمد أبو القاسم (حاليا ببورتسودان ) و الأخ خلف الله عباس رحمة و كاتب السطور عمر محمد مرزوق عود و ضيوف آخرين و كانت أمسية جميلة تخللتها قفشات بين كل من زاهر و علي حسن و عبدالمجيد سليم و مردس و زهور و آخرين أعادت أيام ماضية مليانة بعبق أسيوط و جعلت الضيوف في دهشة لهذا التآلف و التودد المذهل بين الأسايطة و كل هذا إمتد حتي قرابة منتصف الليل بقليل فحيوا معي روعة الأسايطة في كل فج و مدي و كل ذلك كان يوم 15/04/2009
|
ديل منو يا أسايطة
2 مرفق
الصورة دي لأسايطة واحد فيهم الناس الجوا أسيوط متأخرين ما بيعرفوا لكن السناير مفروض يعرفوهم الأثنين و مافي داعي نحدد أسماء بعينها عشان ما ندي فرصة لناس كيشو !!!!!goood
|
سلام بالكوم للأسايطه ..... ياجماعه بالنسبه للصوره بتاعة ود مرزوق ده أنا باص ,,, طبعا عاصم وود البك باص ,,, العب انت يا الكاشف ............وبعد الكلام ده كله أنا يتخيل لي واحد فيهم القلع والتاني ده ترباس .
|
لا زم زول يكبر لينا الصورة
نحن زهايمر ما عندنا لكن النظر ضعف شوية (لحقنا ناس منتصر) |
اقتباس:
أنا غايتو باص.. |
عموم آل الاسيوطي سلام
حمدالله علي سلامة الجميع وتهنئة خاصة للدفار مكوك بمناسبة البومه الجديد رياح كندا الباردة ياجماعة الناس ابتكتتب بالخط الاحمر والشكل دا تغير ما شاييفين كويس دمتم |
http://www3.0zz0.com/2009/04/19/07/392151928.jpg
معليش الصورة كبيرة يازاهر والله يعيين نسوان الرجالة دول من غسيل وكي العمم دي |
ســــــــــــــد وكاس للاعلان
http://www2.0zz0.com/2009/04/19/07/610491920.gif
من حور الجنان أم أنت مريخ الكمال.. أم أنت الملاك جيت توري الناس الجمال؟ مريخنا يا صعب المنال.. يهواك الجنوب.. وإليك ينقاد الشمال! فيه يجتمع رث الشلك.. سلطان الدينكا.. شرتاي الغرب.. دفوف الحلفاويين ومكوك دار جعل انتصر الزعيم (للوحدة الجاذبة) وتعانقت في حضرته غابات تركاكا مع نخيل الشمال الشال مع تحيات سدوكاس للاعلان |
اقتباس:
الف الف مبروك لمريخ السودان وعقبال الكاس ... الزمن ده كله كنت وين يا ود الطيب ... مشتاقين لي مداخلاتك ... ونتمنى طله الباقين .... |
كميه من التحايا للأخ د. الجيلي .... وللأخ ود الطيب ,ولأي واحد مشي في شارع النميس ... وعبر النفق الكبيرأو الصغير أو حتي أكل من فطاير البان السيده زينب ,,,, ابو محمود كيشو ,,, ابو ريم ,,,, قباني ,,,, منير ,,,, اظهروا ولكم الأمان .... غياب اكتر من كده عقوبته قاسيه جداً لانه احتمال كبير بعد وصول الأخ اسامه ابوشيبه للمملكه ان شاء الله حنرسل لكل واحد منكم علي عنوانه كاسيت لنجم الموسم مكي ,,,, وأظن مافي عقوبه أكتر من كده .
|
اقتباس:
الله يديك العافية يا زاهر ولك الف تحية ،انت طبعا راجل قانوني وعارف قانون العقوبات كويس، وانا ادعو كل الاخوة الاعزاء الغائبين عن البوست الحاضرين في مخيلتنا وقلوبنا ان يطلوا في اقرب وقت والا سوف يتخذ الاخ زاهر الاجراءات القانونية ، وهو يهدد باقصى العقوبات... ليس هناك اقسى من ان يصلك البوم من كندا ....انا برا... وعلى كيفكم .. ود الطيب احس بالموضوع لذلك سارع بنجومه الحمراء ودخل مباشرة بعد غيبه.. |
معقوله بالسرعة دى!!
الواحد يمشى يشرب ليهو عصير قصب ويجى يلقى الجماعة ديل نزلونا للصفحه الثانية !! (لزوم رفع البوست وكده) |
اقتباس:
|
2 مرفق
مرحب بالأخ منير,, ومرحب بيك في السودان وربنا يكتب السلامه يا حاج ,,,, وبعد اذنكم يا أسايطه دي صوره من العهد ما بعد الديناصوري وهي خليط من هندسه - صيدله - بيطره - زراعه - حقوق - علوم - تجاره - مهداه للأخ د. منتصر ,,, ويا ود البك شوف شغلك وعالج الصوره وخليك من شراب عصير القصب والعرقسوس.
|
اقتباس:
|
زاهر ياظريف
تعرف انت من الناس السمعنا بيهم ومالاقيناهم الا بالبوست دة تعرف وانا برلوم سكنت مع ناس ايهاب فتح الرحمن - مصطفى النعيم وطبعا بقى مولانا - محمد الحافظ احمد فضل الله - علي حسن محمد علي زراعة من المحمية ودي كانت فرصة التقي بالطاهر عمر السيد وناجي ابو حوة لما زارو اسيوط بعد التخرج وناس عبد المنعم سرور وعبد المجيد عمر سليم وناس الابيض كلهم تقريبا زايد ناس زراعة وتجارة ودة كلو وانا برلوم ودايما سيرتك كانت بتجي في الونسات وكدة ...سعدنا بمعرفتك ....... انقل لكم تحيات اختنا حليمة وستعود للملاعب قريبا... |
| الساعة الآن 04:01 PM. |
Powered by vBulletin® Version 3.8.8 Beta 2
Copyright ©2000 - 2026, vBulletin Solutions, Inc.