تواصلكم دا جميل والله (اللهم لا حسد )
وربنا يديكم العافية وتتواصلو اكتر بس يمكن قصد نسايم خلو شوية الذكريات القديمة وعيشوا الحاضر يعني انتو مضيعيين الحاضر باجترار الماضي :D والزمن ما بستنى زول واعتقد انو سودانيات ادتكم فرصة للتواصل الحاضر زي اللمات اللي مفروض تواصلو فيها والقفشات والمشاكسات البعيدة عن الزهايمر والشيب والصلع ( المحبطات للبعض ) ،الغلاط أحسن ولا شنو يا كيشو وشبارقة :D بعدين احنا عايزين منكم حليمة اللابدة بي جاي دي حليمة اطلعي لينا برة شوية واتونسي معانا الجماعة ديل بكبروك قبال يومك :D وربنا يديم عليكم الالفة |
اقتباس:
ذكرياتنا القديمة دي نحن ما قاعدين نجتر فيها في ضل شجرة ... ولا قاعدين نجتر فيها ونحن بنلعب في السيجة ... يعني ما مضيعين الحاضر ولا ح نضيع المستقبل بإذن الله .... نحن بنجتر فيها وكل منا في مجال عمله وتخصصه ... مننا حملة الدكتوراة ومننا حملة الماجستير ومننا الأطباء ومننا الصيادلة ومننا المهندسين ومننا الأساتذة ومننا المستشارين القانونيين ومننا المحاسبين ومننا رجال الأعمال وهكذا. لدينا تواصل في الداخل والخارج ... جماعة الداخل يتواصلون جميعهم في جميع مناسباتهم ... ويلتقون بصفة دورية ... وآخرها كان إحتفالهم قبل شهر بنجاح أبنائهم وبناتهم في الإمتحانات ... وكذلك قبل أسبوعين كان إحتفالهم بزواج شقيق أحد الأسايطة بالخرطوم ...أما جماعة الخارج فيمكنكم الرجوع إلى صفحات متقدمة في هذا البوست وسترون أكثر من لقاء عائلي وغير عائلي تم بينهم. كان لدينا بوست في سودانيز أون لاين ولكننا نقلناه إلى هنا ... فالمكان هنا أرحب وأوسع وأشمل وأجمل ... فشكراً لسودانيات مرة أخرى. شكرا ً لكم على المرور وعلى آرائكم ... وسنقدم لكم فننا فإن عجبناكم فقولوا لغيرنا وإن لم نعجبكم فقولوا لنا ... قولوا لنا عشان نرد عليكم بقوة :D[/align] |
REAL NEUROLOGICAL TEST
This is a REAL neurological test. Sit comfortably and feel calm. 1- Find the C below. Do not use any cursor help. OOOOOOOOOOOOOOOOOOO OOOOOOOOOOOOOOOO OOOOOOOOOOOOOOOO OOOOOOOOOOOOOOOOOOO OOOOOOOOOOOOOOOO OOOOOOOOOOOOOOOO OOOOOOOOOOOOOOOOOOO OOOOOOOOOOOOOOOO OOOOOOOOOOOOOOOO OOOOOOOOOOOOOOOOOOO OOOOOOOOOOOOOOOO OOOOOOOOOOOOOOOO OOOOOOOOOOOOOOOOOOO OOOOOOOOOOOOOOOO OOOOOOOOOOOOOOOO OOOOOOOOOOOOOOOOOOO OOOOOOOOOOOOOOOO OOOOOOOOOOOOOOOO OOOOOOOOOOOOOOOOOOO OOOOOOOOOOOOOOOO COOOOOOOOOOOOOOO OOOOOOOOOOOOOOOOOOO OOOOOOOOOOOOOOOO OOOOOOOOOOOOOOOO OOOOOOOOOOOOOOOOOOO OOOOOOOOOOOOOOOO OOOOOOOOOOOOOOOO OOOOOOOOOOOOOOOOOOO OOOOOOOOOOOOOOOO OOOOOOOOOOOOOOOO OOOOOOOOOOOOOOOOOOO OOOOOOOOOOOOOOOO OOOOOOOOOOOOOOOO 2- If you already found the C, now find the 6 below. 9999999999999999999 9999999999999999 9999999999999999 9999999999999 9999999999999999999 9999999999999999 9999999999999999 9999999999999999 9999999999999999999 9999999999999999 9999999999999999 9999999999999999 9999699999999999999 9999999999999999 9999999999999999 9999999999999999 9999999999999999999 9999999999999999 9999999999999999 9999999999999999 9999999999999999999 9999999999999999 9999999999999999 9999999999999 3- Now find the N below. It's a little more difficult.. MMMMMMMMMMMMMMMMMMM MMMMMMMMMMMMMMMM MNMMMM MMMMMMMMMMMMMMMMMMM MMMMMMMMMMMMMMMM MMMMMM MMMMMMMMMMMMMMMMMMM MMMMMMMMMMMMMMMM MMMMMM MMMMMMMMMMMMMMMMMMM MMMMMMMMMMMMMMMM MMMMMM MMMMMMMMMMMMMMMMMMM This is NOT a joke.. If you were able to pass this 3 tests, you can cancel your annual visit to your neurologist and optician. Your brain is great and you're far from having Alzheimer Disease. :D:D:D Congratulations! |
اقتباس:
|
اقتباس:
د.الزوول يا أخي ده إختبار بتاع ( قوة نظر ) يعني مفلروض يكون بتاع كشف ( أخصائي عيون ) والله والحمد لله من الطلة الأولي : حرف C في السطر الرابع عشر ورقم 6 في السطر السابع وحرف N في السطر الثاني gooodgooodgoood |
الى كل الصعايدة
سلااااااااااااااااااااااااام اولا انا زقازيقابي وجيتكم ضيف وجايب معاي مفاجأة داوية يعني قنبلة واحتمال تنفجر وعشان ما نحرق المفاجأة بندي ملامح بسيطة منها هي دعوى لواحدة من بنات الاسايطة الاديبات(في الثمانينات) للانضمام للحوش الكبير (سودانيات) هي شاعرة من الطراز الاول شاركت في عدد من المحافل الدولية كشاعرة سودانية قيادية في اتحاد الاديبات السودانيات كفاية كده انتظروا المفاجأة |
اقتباس:
ألف مرحب بأخينا الزقازيقى أحمد زين فى داره الأسيوطى..وجزيل الشكر على الطله البهية.. ننتظر بكل الشوق قدوم الأخت الأسيوطية "المفاجأة".. |
[align=center]عموم الأسايطة ...سلام عليكم..
القصيده أدناه وصلتنى من أحد الأصدقاء عن طريق الإيميل...أعجبتنى ..فأحببت إشراككم، أتمنى أن تنال إعجابكم[/align]. [align=center]مناسبة القصيدة إن كاتبها رد على أحد منسوبي الدول العربية بعبارة: ( نعم يا زول ) فجاء رد ذلك العربي عليه مستاءً : ((بتقول زول !!؟.. ليه شايفني لافي بتاعة على دماغي؟؟)) ((يقصد عِمة)) [align=center]أنا الغلطان تقول لي زول؟! بقول ليك زول !! مالو الزول؟ و انت بتعرف إيه للزول ؟ سخيف وجهول كمان زعلان خلاص يا سيدي أنا غلطان شطحت وكنت فاكرك زول زول الماهو عاجبك ده الله الخلقو خلقو كده سمرة لونو من لون طينو يبقى الفرق بينك و بينو إنو نضيف و ابيض قلبو عارف قدرو شاكر ربو ساتر عرضو ماسك دينو مخلص أمين وديع و رزين حشيم القول بديعو رصينو لطيف وعفيف و كاتلو حنينو أسد في الحاره لابختاك و لابرجاك تجيو في عرينو أكان بى حدره بادرتو بيتلقاك بى عتره وبستناك تقول الروب قبل ما يشممك سكينو يا بتوب يا بيوسدوك الطوب والراجل يحمر عينو كمان بى كلمه بتخاويهو وبى بسمه بجيك خيرو لا بتقدر تعيش من دونو لا بتختاهو لى غيرو زول الماهو عاجبك ده بلا توجيه ولا تعليم أديب و فهيم هميم وكريم و فطرة ربو من يوم خلقو لا فتان و لا خوان أخو أخوان بكفي الألف و الألفين من الضيفان و لو اضطر يرهن ولدو و ان ما كفى باع بيت أهلو و الجيران زول الماهو عاجبك ده يوم تحتاجلو بتلاقيهو أكان ورطان وكان جيعان و كان وجعان و كان سجمان قبل تتأوه و تناديهو يمين في أقل من برهه و بين مد الألف و الها قبل ناسك بجيك حفيان بضمد جرحك و بداويهو بكتل أبدرقه بى إيديهو بطفي الواقده بى رجليهو ما بتغباههو لما تدورو بتلاقيو مكان حاريهو اللافيبا راسو الزول و متباهيبه إسمها عمه سنة سيد الأسياد المعصوم شفيع الأمه و سيما الأوليا الزهاد قلال الزاد كبار الهمه و تاج العزة و الجبره و رمز الطيبه و الحكمه و الملفوف على المبروكه إسمو التوب لباس العفه و الحشمه أزيدك من فضول القول ولا خلاص عرفت الزول ده جمل الشيل دخري الحوبه فارس العتمه ساري الليل لبيب و زكي و نجيب بلحيل فهيم فهماً يهد الحيل تقول لي ما فهمت عليك عيد القتو لي تاني ! واجيب فهامه عاد من وين كلامي القتو ألماني؟ أخير ليك تمشي تختاني وتنسى الزول و تنساني وفوت قبال تعاديني و اقول اللوح ده عاداني و يكفي الزول و يكفيني إني وإنو سوداني [/align][/align] |
الصعايدة سلام
من عقر بيتنا في القضارف أكتب لكم أمس كان عندنا مطرة كاربة، وبعدها الجو كان فاقد مكي وشوية كراسي عليها متطوعين:) |
اقتباس:
والله شوّقتنا لأجواء الخريف...ريحة الدُعاش..ونسمات ما بعد المطر.. غايتو أنا إعتبرنى أول متطوع.. |
اقتباس:
|
اقتباس:
اقتباس:
الخواجات عندهم مثل بيقول Don't bring coal to Newcastle وبالعربي : ما تبيع المويه في حارة السقايين .... ويا ريا ... أموت بالعطش والمويا بين إيديا ؟!:)[/align] [align=justify]كالعيس في البيداء يقتلها الظمأ والماء فوق ظهورها محمول !![/align] [align=justify]خلاص .. حنتبرع ليكم بقرش قرش عشان نحارب معاكم العطش :D (زي ما كنا بنعمل في مايو :))[/align] |
يا صعايدة:
سمعتو قصة سجدة التلاوة التي كان بطلاها أسيوطيين؟:) دي قصة طريفة حدثت لاثنين من الأسايطة في العام 1984م تقريباً، سأحكيها لكم وأرجو من أحد ابطالها عدم الاعتراض |
اقتباس:
كان من المتوقع ان نتقابل في جدة لكن الاخ خالد عباس لم يتصل بي في الوقت المناسب على العموم ان شاء الله نلتقي في السودان واجازة سعيدة مع المطر ابس اعمل حسابك من الطين عظام الخليج مابتستحمل الخمج في الطين |
الإخوة الأسايطه سلام ...... الف حمد وشكر لله علي وصول الشيخ كيشو لوطنه السودان .... وعقبال الباقين .... وشكراً للشيخ فقد إتصل بنا فور وصوله السودان ونتمني له إجازة طيبة بين الاهل والاحباب . الأخ اسامه مازال مختفيياً .... بان يا كاشف ولك الأمان ..... الأخ ود البيك أفتح السحارة إياها وطلع لينا صورة من الإرشيف ... الأخ شبارقة استجاب الإخوة أسايطة الداخل للنداء الذي أطلقته بالتبرع بقرش للإخوة في القضارف ... أولهم الأخ شيخ العرب الأرباب علي مردس فقد تبرع لاهالي ديم النور (حلة ناس كيشو ) بالقضارف (طبعاً عبر المنظمة) بعدد ثلاثة تناكر ماء نقي كدفعة أولي ... وده كله عشان خاطر الشيخ وعشان ما يجينا واحد من الجماعه إياهم يقول لينا شايف ولدكم الاسيوطي بتاع الغلاط داك شايل جوز مويه إنتو قاعدين وين يا أسايطة ؟؟ .... يا جماعه سمعتوا بآخر اصداره غنائية للمبدع مكي ؟؟؟... إنتظرونا في المشاركة القادمة إن شاء الله .
|
اقتباس:
يا خوي الحاصل شنو؟ والمؤخرك شنو؟ ما تقول لي بتشتري في شيلة جديدة :) |
اقتباس:
أما أسامة الكاشف دا حأجيبو ليك من مدني بس خليني أرجع لهناك |
أجمل ما فى هذه الصورة المعبرة..شدة الإنتباه والتركيز..والنظرات التى تشعُ إندهاشاً..
الزمان: بداية العام 1985 المكان: حديقة أبو تيج المناسبة: حفل لإستقبال برالمة زراعة http://sudaniyat.net/up/uploading/AbuTeeg.jpg |
اقتباس:
أقصى يمين الصورة (باين جزء من وشو) أظنو معاوية أبو عاقلة وفي نفس الصف يوجد عمار وجمال وود البيك وكريم الدين واقفا ً. محمد جبارة في منتصف الصف الثاني ومن خلفه الأخ عوض على يسار محمد جبارة يوجد الأخ (أبو نضارات) نسيت إسمو ولكني أتذكر أنه كان يحب الأدب والشعر والإلقاء في المناسبات والإحتفالات.[/align] |
اقتباس:
الف حمدلله بالسلامه قضارف الخير والبركه ولو المطر مكان فى القضارف ماحلنا ياهو الواقف بس المويه فى المواسير دى يمكن حزينه لانوالمطر جاء وناس مابتدفع فواتير مع شكرى |
اقتباس:
|
شكراَ ودالبيك 000 والله صوره واضحه ومبالغه لكن ياريت ترجعوا شويه وتورونا أمة محمد دي كانت بتعاين وين ؟؟ ولي منو وفي شنو؟؟ دي المنافسه الحقيقية 000 طبعاً الشيخ كيشو ما كان موجود في الرحله دي لكن حقه في الإجتهاد محفوظ .
|
اقتباس:
السلام عليكم ... كثير من الإبداع كان هناك هذا لم يكن تماما المشهد الذي كانت الأنظار معلقة به لوجود ود البيك ومحمد موسى به وإن كانا يرتديان نفس الملابس ولكنه جزء من الإدهاش الذي كان يصاحب رحلات الجزيرة عادة وعلقت قبلاً على هذه الصورة بأن المسرح كان مهملاً في حفلات أسيوط الا من شذرات نادرة كانت هذه إحداها أليس مثل هذا الإبداع النادر جدير بأن يعلق الأبصار به؟؟ .... http://sudaniyat.net/up/uploading/Alzool8.JPG |
اقتباس:
فعلاً العام 1985 كان بداية لبعض المحاولات المسرحية..شارك فيها الأخوة عبدالمنعم الريس، إيهاب فتح الرحمن،محمد موسى، كريم الدين، محمد أدم، تميم، وشخصى. قمنا بعمل بعض الاسكتشات والمفارقات ذات الطابع الكوميدى والتى شكلت نقله فى التنوع، وكسر للروتين السائد فى برامج الرحلات والحفلات فى ذلك الوقت. فى تقديرى أنها كانت محاولات ناجحة لما لاقته من تجاوب وإستحسان من قِبل المشاهدين... والدليل هذه النظرات الغارقة فى الإندهاش.. |
الاخوة الاسايطه عذرا منكم كان يجب ان اتواصل معكم منذ فتره ولكن شغلتنا الظروف واعود اليكم ومعي الاسيوطيه عفاف خليفه لنبثكم كل التحايا والاشواق ونهدي غبارات الشكر لكل الذين شاركونا الفرحه واكتملت فرحتنا بوجودهم معنا او عبر الرسايل والاتصالات وهكذا دوما ديدن الاسايطه ادام الله التواصل بيننا
|
الاخ عادل جعفر انشاء الله تكون شبعت في حفله الخرطوم عشان ما تشيل حالنا تاني
|
http://sudaniyat.net/up/uploading/AbuTeeg.jpg
اقتباس:
شبارقه..ما شاء الله..نديك 90% .. الصف الأمامى من اليمين: معاوية أبو عاقلة (ظاهر جزئياً)، عمرمحمد على (وهو إبن خالة مجدى جاد الكريم..يقيم فى أسوان أى "جلجل حطب النار")، سليمان، عادل عبدالله "الحلفاوى"، عمار عباس، أحمد محمد عبدالرحمن، ثم ودالبيك. الصف الثانى من اليمين: عصام؟ (فعلاً كان مولعاً بالشعر وإلقائه)، محمد عبدالله جبارة، محمد آدم، أعتقد فتح الرحمن الحسن (ظاهر جزئياً) آخر صف يوجد به العوض، أما الأخ على يساره فقد تسرب أسمه من الذاكرة، ثم الزول الماشى ده كريم الدين عثمان وعلى يساره الأخ الرئيس جمال عبدالناصر..:D |
الاسايطة جميعا
السلام عليكم ورحمة الله وبركاته والله ليكم وحشة متابعين البوست ودايما نقلب الصفحات بس ما قادرين على الكتابة تحياتي للجميع قبل اسبوعين قابلت اخونا كمال محجوب في الكرنتينة شايل الكوته بتاعتو ( هوي يا زاهر الطيب ما تمشي بعيد ) ويبلغكم السلام ويقول بس مشغوليات وايضا اخونا الطاهر عمر السيد فهو في السودان الان اخونا زاهر الطيب مشتاقين وكل الاسايطة والتحية مرة اخرى للجميع |
اقتباس:
|
الاسايطة سلامــــــــــــــــــات
صباح الرزاز والمطر والدعاش وووووو والهبوب عندنا واحدة انزلقت امس كسرت يدها .. امر اجتماعى منعول ابو الشغل .. مهم تمشى الحوادث تعمل صورة وتانى صورة .. وبعدين جبص غايتو يادوب فى المكتب ... المهم الحمداللة زلقت المطرة احسن بكتير من زلقة السراميك ... مراحب بكل القادمين الى السودان ... والاولاد الغابت جابت .. انت الجيب قايلو قميص افرنجى وكرتونة كرمله ( نحنا غايتو عايزين حلاوة كرملة) مرحب بالجميع ف السودان ونرجو الاتصال والتواصل نحنا غايتو قاعدين زى ده ف الخرطوم |
اقتباس:
يا هو دا رمزي قاعد جنبك (حد يقدر ينسى نفسو) |
اقتباس:
|
اقتباس:
|
مداخلات
اقتباس:
من الأخبار الأخري قمنا و نحن مجموعة بزيارة أخونا مولانا عبداللطيف محمد الأمين في منزله برفاعة والمجموعة مكونة من زاهر الطيب و عبدالمجيد سليم و عبدالمنعم سرور و الوسيلة الباقر و أسامة أحمد الشريف و أخيه قرشي و علي حسن شنكته و شخصي و قضينا ساعات جميلة جلها كان عن ايام اسيوط و الصور بحوزة زاهر سترونها قريباً |
وييييينكم يا شباب !!!
الناس مشت تستلم البريزة ولا شنو!!! |
وييييينكم يا شباب !!!
الناس مشت تستلم البريزة ولا شنو!!! والله قلنا نظل عليكم الليله شايف الحكايه صانة الناس مأجزة وبعد بكرة أربعاء وعقاب شهر . كيف حالكم يا دفعة والله مشتاق ليكم شديد وطبعا اختفيت فترة طويله لظروف العمل وانتقالي من الرياض (بعد 17 سنه !!!!) الي الدمام . رايك شنو يا مكي في الأرقام الفلكية دي وتقول لسة ما كبرت . عموما الشباب في القلب والروح المرحة . تحياثي للأسايطة عموم بدون فرز وكل من يسأل عنا . طبعا الواحد داير يسأل عن ناس كتيرين وحاجات كتيره لكن بعد مراجعة ما فاتنا من مداخلات وتعليقات ومواضيع عشان نكون مواكبين وما نكون زي الأطرش في الزفة . ونشوفكم المرة الجاية ود أبوكنه |
الجماعه ديل تلقاهم في حديقة الموردة ولا جنب الهيلتون قاعدين يتغالطوا ليهم في زول ولا بيضحكو علي شيبات او صلعه احد رفاق الدرب القدامى.
... ود اب كنة انت في الدمام؟ اتلومت عدييييييل.:mad::mad::mad: |
اقتباس:
|
اقتباس:
اقتباس:
يا سلام عليكم وإنتو بتنقلوا أخبار إخوتنا الصعايدة بالداخل..فهنيئاً لكم هذه اللمات والتواصل الإجتماعى. يا زاهر ود الكاشف ده غالباً ما يكون لابد وضارب الهمبريب فى ودمدنى.. |
رجعنالكم
اقتباس:
-- زواج الأسيوطي الوسيلة الباقر (حقوق - دفعة ناس زاهر ) يوم 15/08/1430 بواوسي شمال الجيلي و الدعوة لكل الأسايطة لحضور الزواج بدون فرز.... -- زواج الأسيوطية أميرة محمد عثمان ( حقوق برالمة 1984 ) يوم الجمعة 07/08/2009 أيضاً الدعوة لكل البرالمة أقصد الأسايطة معليش جات بالغلط بدون فرز المكان أمبدة الحارة الثالثة تقاطع العاشرة و الحداشر (شرق التقاطع ) ونأمل المشاركة الفعّالة لإظهار وجه الأسايطة المميز ...... |
| الساعة الآن 03:49 PM. |
Powered by vBulletin® Version 3.8.8 Beta 2
Copyright ©2000 - 2026, vBulletin Solutions, Inc.