ZEIN ABDALLA
اقتباس:
|
اقتباس:
غايتو يا ابو جنزير الله يسامحك ...يعنى انت ماك عارف ان هناك Hassan Farah زميلك فى سودانيات دى...طيب طالما جبت ذكره يعنى ترميها كدا (ما عارفو حى او ميت)... اها انا حسن فرح...عجوز دنيا وعجوز سودانيات..لا تربطنى صلة بالمدعو ابو جنزير ولا علاقة لى بابوظبى لكن لدى معلومة عن انقلاب هاشم العطا منذ لحظاته الاولى فى 19/07 وعن ما حدث فى بيت الضيافة بحكم وجودى واسرتى على بعد 5-10 امتار من بيت الضيافة... كنا نسكن فى ميز الهبوب الذى يقع خلف بيت الضيافة مباشرة ويجاوره من الجهة الشرقية نادى ضباط القوات المسلحة ومن الجهة الشمالية يطل على النيل حيث تقف باخرة من عهد الغزو الانجليزى اتخذت مركزا لنادى القوارب الشراعية الميز كان يتكون من ثلاثة كوربسات اثنان من طابق واحد ويقعان فى المقدمة ويشتملان على عدد من الشقق الصغيرة والثالث وهو الاقرب الى دار الضيافة يتكون من طابقين واربعة شقق كل سكان الميز من المهندسين وموظفى الدولة من خريجى الجامعات العزابة ما عدا المبنى الخلفى حيث سكنت بعض الاسر... الميز هذا لم يعد له وجود الان...فى مكانه ارتفعت الابراج الكويتية. يوم 19/07/1971 وبعد عودتى من العمل فتحت التلفزيون وفوجئت بالمذيع يردد: انتظروا بيانا هاما من الرائد هاشم العطا...... واستمر التلفزيون على هذا المنوال الى ان فوجئنا بسيارة لاندروفر عسكرية تقف امامنا ويهبط منها الرائد هاشم العطا ويتوجه الينا بسؤال: اين غازى سليمان ...اريده ان يدلنى عن مكان التجانى الطيب.. غازى سليمان الذى كان يسكن فى شقة فى الطابق العلوى لم يكن موجودا ساعتها... صعد هاشم للسيارة وذهب... لحظتها تفوه احد الحضور بتعليق لا زلت اذكره: دى بلد شنو ودا انقلاب شنو... واستمر مذيع التلفزيون فى ترديد ( انتظروا بيانا) حتى الساعة العاشرة ليلا حين القى هاشم بيانه... يوم 20 و 21 فى العمل يوم 22 خرجت مظاهرات واتجهت الى القصر الجمهورى..اذكر تجمعنا مع بعض الاصدقاء عند تقاطع شارع الجمهورية بشارع القصر نراقب ما يحدث...تجمع كبير امام القصر الجمهورى وفى المقابل تحركت مجموعة من الناس من جهة سينما كلوزيوم يهتفون: عائد عائد يا نميرى... كان من المتوقع وصول بابكر النور وفاروق عثمان حمدالله من لندن.. والناس فى غمرة الانتظار اذ يفاجاؤا بخبر اعتقالهم فى ليبيا..لا شك ان هذا الخبر الذى انتشر بسرعة كان له اسر كبير فى معنويات الناس.. فى حوالى الثانية ظهرا قررنا ان نذهب لنتابع الاخبار من بيوتنا ...دعوت صديقى للذهاب معى فتوجهنا بشارع الجمهورية ثم بشارع الجامعة حتى وصلنا قبالة دار الضيافة فشاهدنا عددا من الضباط والجنود واقفين فى نوبة حراسة عادية امام الدار ومن ثم توجهنا الى البيت فى البيت كانت هناك والدتى واخى وزوجتى وبنت اخى وبنتى... اعددت زوجتى الطعام وتناولنا طعام الغداء فى غرفة الصالون الامامية ثم ركزنا على التلفزيون لسماع الاخبار فى حوالى الثالثة سمعنا طلقة مدفع تردد صداها من وسط الخرطوم(كانت طلقة دبابة باتجاه القصر اصابت الطوابق العليا لعمارة قرنفلى) وبعد فترة من الزمن يزيد عن النصف ساعة سمعنا ضجة جنازير الدبابات واطلاق الرصاص بشارع الجامعة بالقرب من دار الضيافة.. خوفا من ان تصيبنا طلقة طائشة قمت بقفل باب الصالون الذى يطل على برندة مقابلة لدار الضيافة ونقلت الجميع الى غرفة داخلية.. ونحن فى هذه الحال وبعد اطلاق نار استمر لما يقرب من نصف ساعة هدأت الامور... وبعد فترة وجيزة شعرنا بناس يفتحون باب الصالون ويدخلون فخرجت انا لاجد سبعة جنود بكامل سلاحهم وذخيرتهم يقفون فى منتصف الغرفة يخلعون ملابسهم العسكرية ويرمون بها مع السلاح والذخيرة على الطاولة ويتجهون نحو دولاب الملابس... صدمت ولم اتمالك اعصابى فصرخت فيهم ولكن اخى فى اقل من ثانية سحبنى الى داخل الغرفة ثم توجه الى دولاب الملابس وفتحه لهم ...فى دقائق التحفوا من هديماتى ما راق لهم وغابوا عن الانظار وتركونا نحن فى وجوم لا ندرى ما نفعل بالسلاح والملابس العسكرية.. بعد نقاش قررنا ان نمضى الى الباخرة مقر نادى القوارب الشراعية التى ترسو امام الميز وفعلا تحركنا الى هناك حيث وجدنا معظم سكان الميز...فى الساعة الثامنة مساء اذيع بيان عودة النميرى..الشوارع ملئ بالعسكر ولا مجال للحركة فقررنا ان نقضى ليلتنا تلك فى الباخرة وفى الصباح توجهنا للبيت وجمعنا ملابس العسكر والاسلحة والذخائر والقينا بها فى مخزن معزول يقع فى طرف الميز... وهنا يراودنى سؤال...من المعلوم ان لكل سلاح رقم ويسجل رقم السلاح امام اسم الجندى الذى يحمله... يعنى بسهولة يمكن لاجهزة الامن التى قامت بتفتيش بيتى عدة مرات فى غيابنا وقطعا تكون وصلت للسلاح ...بسهولة يمكن لها ان تتعرف على اولئك الجنود... قطعا هؤلاء الجنود اما ان شاهدوا عملية اطلاق النار او شاركوا فيها فهل هناك اية معلومة عنهم فى تقرير علوب...هذا سؤال اطرحه على الجميع |
الله ياخ دقست
أول حاجة يا حسن فرح أعتذر ليك ومن حقك الظاهر علي لخبطت بينك وبين حسن فرح زول تاني وأفتكرت أنه هو ومعليش وليك العتبى ومليون الأعتذارات وخجلان من الموقف وحزين ومتألم كون أني لخبطت بينك وبين حسن فرح تاني ما يعفني من الأعتذار برضه أنا بعد أعتذاري اوضح انه ماعندك علاقة بيني وبينك واول مره اعرف انه في حسن فرح في سودانيات بصراحة أنا غير بدرالدين وبيان وأخونا عكود وعوض الزول ما بعرف زول |
اقتباس:
سلام دكتور حسن هل سمعت اصوات ضرب (مدفع او دانة) صادرة من الدبابات أم صوت رصاص بتاع كلاشنكوف فقط بالقرب من بيت الضيافة؟ هل السلاح الكان مع الجنود السبعة هو كلاشنكوف؟ سؤال اخير...هل حدث ان شاهدت آثار ضرب بالجدار الخارجى للمبنى تدل على قصف باسلحة ثقيلة? |
اقتباس:
اها دا الكذب الصريح وكمان فقدان للمصداقية واتهام لابو القاسم محمد ابراهيم بأنه قتل الشفيع احمد الشيخ كضاب مرفوع للاس 100 جيب الصور والشهود وكمان كضاب نميرى لم يرأس اى محكمة عسكرية لمحاكمة انقلاب الشيوعيين وكضاب ولا دليل لديك على ان هناك شخص تم تعذيبه كل دا البروبقاندا بتاعت الشيوعيين عايزين يمسحو الصورة المشينة بتاعت انقلابهم وحاولو وعملو المستحيل لتجميل وجوه الانقلابيين ناس هاشم العطا وانت جاي اعمى وشايل العكاز .. |
اقتباس:
شن عرفك الفرق بين طلقة المدفع وطلقة الدبابة . وكيفن قدرت تحدد من اين انطلق واين اصابت .. معرفة وتحديد نوع السلاح تخصص ومعرفة خاصة لا يتقنها حتى كل العسكريين اها الرأى شنو ؟ ربنا يمتع بالصحة والعافية العم حسن فرح ... |
اقتباس:
ما هو الفرق بين دلللل وطااااخ ياجنابو:confused::confused: ياخ احنا بيتنا جنب الترب معقول ما نكون شقيناها:eek:علي اليمين ممكن نحدد ليك الفرق بين صوت الكلاشنكوف والعوزي موش بين صوت المدفع الهاون والقنبلة اليدوية وقذيفة مدفع الدبابة. |
اقتباس:
بدر الدين بدأ فى التشتيت ما الذى يمنع زين عبدالله او حسن فرح من معرفة اصوات السلاح غايتو انا عشت في مناطق حرب واعرف طلقة المدفع ودانة الدبابة وصوت الكلاشنكوف وراجمات الصواريخ كمان. بالله عسكريين الانقاذ ما بعرفو ياتو سلاح قاعدين يتناشو بيه:eek: , |
اقتباس:
وبتقنعوا في منو الدكتورة قالت ليكم بحثها :eek:انتهي والسر بالنسبة ليها انكشف:eek::eek: والباقين البناوشو فيكم هنا بلعبوا ادوار محسوبة ومرسومة ومدفوعة الاجر العندو معلومة مفيدة يفتح بيها بوست تاني عزيزي القارئ قنع من خيرا هنا وفرتق زماااان |
اقتباس:
اسف لابتعادى عن النت لعدة ساعات وابدا بالرد على الاخ ZEIN ABDALLA كما ذكرت فصوت المدفع سمعناه اتيا من منطقة الخرطوم الوسطى... بعد الاحداث علمت ان دبابة اتت من جهة السكة حديدة اطلقت مدفعها فى اتجاه القصر.. القذيفة اصابت الطوابق العليا لعمارة قرنفلى وقد شاهدت اصابة المبنى بنفسى اما ما حدث فى شارع الجامعة بالقرب من دار الضيافة هو سماعنا لصرير جنازير الدبابات والضجة التى تنطلق من عادمها اضافة لاطلاقات من اسلحة خفيفة ورشاشات ليس من بينها صوت انفجار دانة..الجنود الذين دخلوا علينا كل اسلحتهم كانت من نوع الكلاش.. اما ما يخص الحائط الخارجى لدار الضيافة فلم تسنح لى الظروف بمشاهدته اذ كان علينا ان نتخارج مع الاسرة من هذه المنطقة وفعلا بعد ان نقلنا سلاح وملابس العساكر الى المخزن المنعزل استغلينا سيارة واتحشرنا فيها وعبر كبرى بحرى وكبرى شمبات انتقلنا لبيت اقارب لنا فى حى العرضة امدرمان |
اقتباس:
- يا سيدي، منتظرنك تقول رايك للتاريخ حول شهادة عبد الرسول تحديدا. - عليك الله، رايك شنو في كلام زين القال فيهو - حسب إستشارتو لخبراء الطب الشرعي- انو الإصابة بمجموعة طلقات كلاشنكوف في البطن (السرّة umbilicus) لا يمكن ان تُحدث تمزق في جدار البطن يؤدي لخروج المصارين؟ خت في بالك انو المصاب بالطلقات ديل وقع فوق ليهو ناس مما قد يزيد الضغط على البطن. - لو الغلاط زاد يا زين، بجيب ليك صور بتاعة مصابين بطلق ناري في منطقة السرّة وشايلين مصارينم في إيدم (ما داير أجيب الصور دي، خوفا على مشاعر تماضر). - عليك الله، يا بدر الدين، رسّل لي الأجر المعلوم. هامش: عليك الله يا أمال خلي العوارة البتسووا فيها انتي والجيلي وسيبونا من قصة الما معاي، عدو لي، أو محامي عدوي. القصة موضوع مطروح للحوار، لازم نفتشوا من كل الجوانب |
اقتباس:
-- --------------------------------------------------------------- شكرا على الدعوات يا جنابو...مرينا بالمقابر يا بدر... وعشنا حروب اهلية افظع من تجربة 19 يوليو....... فى عام 1978 كنت اعمل بكلية التكنلوجيا بجامعة عدن حين انقلبت مجموعة من الجبهة القومية اليمنية ( مجموعة عبد الفتاح اسماعيل) على سالمين ...استعملت كل انواع السلاح من دبابات وطيران ودك القصر الجمهورى دكا على من فيه واظنك تعلم ان اليمنين لا يلعبوا.... بعدين يا اخى انا شاركت فى اول معسكر للكديت فى خور عمر عام 58 تحت اشراف الكلية الحربية ثم واصلنا التدريب رفقة فرقة بورتسودان وكان فى مقدمتنا الشهيد زميل الدراسة محمد عثمان حامد كرار الحائز على كأس التنشين فى معسكر خور عمر...اما تحديد من اين انطلقت الدانة فلنا خبرة مكتسبة من اطلاقات مدفع رمضان التى كنا نحبس الانفاس لسماعها فى الشهر الكريم فى تلك الايام الجميلة... والدانة كما قلت اصابت عمارة قرنفلى... ولم تصل القصر...تنشين تعبان... |
اقتباس:
|
اقتباس:
متعك الله بالعافية يا دكتور ان الفرق بين صوت " الكلاشنكوف" وصوت صرير جنازير الدبابات وصوت اطلاق قذيفة الدبابة لا تحتاج الى خبير يحمل شهادة عسكرية كما يلمح بدرالدين أو كما يتبسم عادل عسوم. ان رواية شهادتك التي ارتبطت بهذه الأحداث ينبغي أن تناقش بموضوعية بعيدا عن تهكم المتهكمين. اقتباس:
بدرالدين اسحق سأل بموضوعية : اقتباس:
والذي اعتقده أن الذي قمت " بتحميره" وتبسمت ضاحكاً منه يجيب على السؤال المطروح، فمدفع رمضان يختلف عن اطلاق الرصاص يعرف ذلك الرجل العادي بل يعرفه حتى الأطفال. |
تعرف ياطارق...
أنا لي كم يوم أقرأ في كلام رأفت ميلاد(حسن فرح عندو شهادة...حسم فرح عندو شهادة) قلتا عمنا حسن فرح دا بي شهادتو دي حيغير زاوية الموضوع بالكامل... سلامي ليك ولي صاحبك رأفت :) وربنا يطول عمر عمنا حسن فرح مودتي |
| الساعة الآن 03:27 PM. |
Powered by vBulletin® Version 3.8.8 Beta 2
Copyright ©2000 - 2026, vBulletin Solutions, Inc.