خالد الحاج
سلامات
إستعمالك لذوي الاحتياجات الخاصة لا غبار عليه و اللخبطة كانت مني و أعتقد انو محسن ما قصدك معانا..
سيب الحساسية

يا فيصل ياخي أنا حبيت سودانيات جداً، لكن حكاية التحرير دي لو ما شفتو لينا حل ليها، الكتابة بتكون صعبة بالطريقة دي. بعدين ياخي لو في زول عايز يسحب كلام لقاهو أشتر، هذا هو المطلوب، المطلوب هو الإصلاح والتعديل للإنسان نفسه، وليس دمغه وإلصاقه بما أخطأ فيه.
رجاء يا فيصل وشباب الإدارة شوفوا لينا حل للحكاية دي.

محسن سلامات
يبدو لي انو كلامك ما صاح
oxymoron بتعني:
two words used together which have, or seem to have, opposite meanings

و في fuzzy wuzzy التضاد في صوت الكلمتين، الإنتقال من الF في fuzzy إلى الW في wuzzy

أها يابابكر أنا جيتك..قلت لي كيف fuzzy wuzzy انجليزي دا يامرسي:confused::confused:
في الأول خلونا نتفق محسن دا احنا بننتقد فيهو ككاتب روائي ولا مفكر وبعدين نشوف حكايتو شنو وما نقوم نعمل زي الجيلي اللغاية هسة الواحد ما عارفو بيشكر ولا بيهاجم..:Dgoood

رمضان كريم يا خواجة و الله مفتقدنك كتير

يا زول محسن دا هنا بحلل في الأفلام دي و بس، عندك أي حاجة حولها، تعال معاي نبقى ليهو في رقبتو
بعدين يا خواجة بوست نقد محسن خالد جيرانا ما دا!

معليش يادكتور دي خرمة التمباك البتخلي الزول يطشش..
لكن يابابكر محسن دا زول كتاب ما بنقدر عليهو احنا بنتعامل مع الجربندية الزينا بس.
الأفلام الجابا دخل فيها باحترافية ما بتدينا فرصة نخش معاهو مع انو أخوك تربية سينمات وفي فلم كان اسمو عاصفة علي النيل برضو عن سقوط الخرطوم المقدمة البالعربي الفيهو كتبا الوالد رحمة الله عليه بي خطو واترسلت واتضافت لي بداية الفلم..الوالد بجانب انو كان شاعر كان رسام وخطاط وعندو لافتات كتيرة في سوق الخرطوم بحري..وكان في نفس الوقت موظف مسئول في شركة ليكوس أصحاب كوليزيوم وحلفاية سينما وسينما الخواجة في مدني..

محسن يا صديقي الإسفيري
نعلك طيب؟
وصلتني مساهمة من صديقة إسفيرية محتملة، ممكن تكون مفيدة في إعادة قراياتنا لكلام كيت، بتقول في جزء منها:
Since 1610 fuzz(y) is used as in soft/spongy, which explains Kate's point (I believe), if you take the poem as a whole.
و هي زي الدايرة تقول: انو كيت رجّعت فظي للمعنى القديم للكلمة (الناعم الطري، الصغير قليل الشعر)، عشان كدا شافت مفارقة (oxymoron) في وصف كلبينغ للمقاتل العنيف دا، بالناعم الطري أو بالزغب الصغير.

هسي البوست دا مشعلق فوق ليه يعني؟؟
مجرد سؤال بريء..

البوست به تحليل سينمائي ممتاز يستحق عليه التشعلق.
نفهم من البراءة بتاعتك دي، انك قريتي البوست دا كلو و ما عجبك؟

كلامك صاح يا بابكر في (أوكسي مورون) أنا المفروض أستعدل مداخلتي، وأعتذر كمان لأختنا كيت، اعتذاراً غير ذي عوج.
مشكور على المتابعة والتصويب. عندي قاموسان صغيران أضعهما لجوار كمبيوتري لأجل التسهيل، ولم أجد فيهما التركيب، أو هذا الفريز، الذي أنا فكّكتُه تفكيكاً لووول.
صديقي وجاري المثقف الإنجليزي سيمين بيرنز كان يشغّل الموسيقى في شقته بصوت عالٍ. لدرجة ما قدرنا نتونّس أنا وعمك هشام هباني. لمحني سيمين بجوار الباب وأخذ يضحك، حينما دخل إلى شقته خفض صوت الموسيقى وأرسل لي بالرسالة الآتية على موبايلي
Sorry fella! I thought you were out & I was doing some diy
أجبتُه:
thanx dear
by the way, what is the meaning of oxymoron, could't find it in the dictionary

فرد بسخريته المعتادة:
really!? Rubbish dictionary. It's a phrase in which the content seems to contradicts itself
حرّكتني حكاية ربيش ديكشنري دي، لأنّي رجل مدجّج بالقواميس في أي مجال وأي علم، حتى السحالي عندي لها قواميس وكذلك الذباب والتمور، وأشتري أي قاموس يصادفني في هذه الحياة. فنشطتُ عمّا تكاسلتُ عنه في البداية، وفتحت البعلبكي الكبير، الذي أكسل منه لعامل ثقله وحجمه، فوجدتُ الكلمة قاااعدة ومصنقرة. أها الكسل شال حالي مع بابكر، وشال حال قواميسي مع سيمين.
الكسل الكسل، ألا قاتل الله الكسل، هذا إهمال يجب أن أعاقب عليه. أي عدم حيطة معرفية هو إهمال ويجب أن يعاقب عليه من هو متسلبط في البحث والتقصي مثلي.


-- -------------
يا فيصل عملتو لينا شنو في حكاية التعديل والتحرير، وألا ننتظر بابكر يشتري وبعد داك نحرر!؟

عليك سيدي الحسن يا محسن، لما تعمل الفيلم، خليني أمثل دور المهدي، عشان خاطر اللقطة التحت دي، و أكون شاكر لو جبت لي أميري و الرشيد عشان يكونوا من الملازمية الشايلين رجولي، آسف رجول المهدي.