دا كـلام شـنـو يا بـشــر؟؟؟
. . . . . الزول دا جادي؟؟ والناس القاعدين يسمعوا ديل جادين؟ http://www.youtube.com/watch?feature...&v=Vh9Ln9UW40Y اقول قولي هذا واستغفر الله لي.............. |
واحد يكسب فينا ثواب ويصلح لينا الفيديو الفوق دا
|
سلام يا ابو فجر
نحاول يمكن تزبط ابت والله:D |
اقتباس:
حاولو تاني عليك الله والرسول لازم يزبط ياخ سارة الماضارة حاولي حاولي الزول دا اصلاً هو عارض من يومو الله يفكنا منه اقول قولي هذا واستغفر الله لي............ |
سلامات يازول
انت الله ما ليك ولا شنو يازول الله :D:D دا الشيخ كمان داير تتكلم فوقو افو افو افو اسا يجيك واحد ناطي يكسر رقبتك عارف الفيديو دا جاني قبل فترة من رواد التميز والله لما شفتو قربت ارجع الفي بطني حاجة تقرف بس انا ما محيرني عمك دا لانو بلغ من العمر عتيا وانا عندي شخصيا كلامو ذي عدمو لكن المحيرني في الناس القاعدة تسمع ليهو دي وهو بستهذئ حتي بالسلام بعد الصلاة ويقول انت بتسلم علي منو والجماعة يموتو من الضحك مع كل تخريفة والاخري اللّهُ يَسْتَهْزِئُ بِهِمْ وَيَمُدُّهُمْ فِي طُغْيَانِهِمْ يَعْمَهُونَ صدق الله العظيم شئ عجيب نسأل الله السلامة وحسن الخاتمة |
اقتباس:
ما طبيعي البقول فيهو دا كأنه تحت تأثير شيء ما والله اعلم اللهم لاتخوزقنا لاتعولقنا شكرا يادوك اقول قولي هذا واستغفر الله لي............. |
[flash=http://www.youtube.com/embed/Vh9Ln9UW40Y?]WIDTH=350 HEIGHT=400[/flash]
التعليقات المصاحبة للفيديو ليست سوى أرهاب فكرى .. أعتقد حديث الترابى واضح جداً .. يتلخص فى ترك الناس للعقيدة وأنغماسهم فى الخرافة غايتو حيرنى ما بين العقلانية والموقف الثابت نحو الترابى فى شخصه هل من الممكن أن يصرح الترابى يوماً عن ندمه لموت محمود محمد طه |
زول الله سلام وليك الشوق يا حبوب
واضح جداً من إنو الفيديو ده عملوه السنيين وهاني الشيخ العمل المونتاج ده برضو ظنيتو من الوهابية لأنو الجزء الموجود في الفيديو ده معظمه فيه إستهزاء بالوهابية ونفس الوهابية ديل حتلقاهم بيستهزأوا من الصوفية وكذلك الشيعة ضد الصوفية والوهابية عموماً د. الترابي هنا قال بتسألهم عن السلام والتسبيح والسعي بين الصفا والمروة بيعني شنو ،، يقولوا ليك ما عارفين ،،، يعني وصفهم بإنهم بيمارسوا في أشياء وهم ما عارفين عنها شئ ،،، يعني ما قال بعضمة لسانو إنها ما بتعني شئ ( السلام والتسبيح والصفا والمروة ) ده الشئ الإتقال في الفيديو علي ما أعتقد ،،، أما عن حديثه عن عذاب القبر وعن المسيح الدجال والمهدي المنتظر ،،، فده برضو رأي ولا شنو ؟؟؟ المشكلة هنا وين هسي يعني ؟؟؟ ياخي د. حسن الترابي ده هنا ما قال شئ مخالف للإسلام علي ما أعتقد |
اقتباس:
الترابى لم يكن مجرداً فى حديثه فى كثير من المواقع .. مثل تراجعه الأسترضائى عن المهدية .. وأيضاً عندما ثحدث عن الدنيا (المطلوقة) أيضاً مارس خط رجعة تحفظية |
اقتباس:
مافي اي مونتاج هنا يخفي حقيقة الحديث او يجيره لإتجاه غير البتكلم فيهو الزول دا الكلام واااضح زي الشمس الزول دا فكت منه بالعربي الصريح اسمع المقطع تاني وحاول ارفع الصوت عشان تسمع كويس ملحوظة: الندوة كانت في جامعة الخرطوم وعنوانها كان : تجديد الفكر الديني اقتباس:
موقفهم من كل الاحاديث واااحد مااتغير وتشددهم هو الجايب اختلاف الآخرين معاهم ف الدين يُسر ياخ وبسيط جدا وماكبير إلا على المنافقين الترابي هنا لم يشير للوهابية إلا كـ دلائل لتثبيت كلامه وباقي الكلام بتاعو قطع اخدر في ساعتو وريني وين طمست حديث "طويل العمر" في عنواني يامقدس اقول قولي هذا واستغفر الله لي................. |
اقتباس:
يا زول الله سلام يا حبوب المونتاج ما بالضرورة يكون تقطيع الكلام لأجزاء قليلة ياخ الفيديو ده أنا سبق شاهدتو كامل ،،، وقلت ليكك المونتاج العملو الزول الإسمو هاني الشيخ ده جاب فيه فقط المقاطع الخاصة بالوهابية علي ما أعتقد يا حبوب ،، ولو رجعت إنت وسمعت الفيديو ده برواقه ما حتلقي لإنو الآراء الإنت مستغرب ليها دي هي آراء الترابي ،،، هو بيتحدث عن الوهابية حسب إعتقادي وعادي جداً الوهابية يجيبو من الفيديو الكامل رأيو فيهم عشان يدحدضوه ولا شنو ؟؟؟ عموماً يبقي رأي كل أهل الدين الإسلامي في العالم محل خلاف ،،، ده ضد ده وداك ضد ده ،،، لمتين ؟؟؟ ما عارف والله |
سلامات يا زول الله و اشواق شديده
الترابي و قصصوا الزول لو باراها ياهو ببقى زي السودان الهسي دا فاتركوه انه مامور (لكن لينا يوم معاهو). يا رافت ياخ شوق الشوق عديييل كدا يا رافت انت ما قريت الكلام بتاع الترابي القال فيهو انو لم يشترك في قتل محمود محمد طه !!؟ يا صاحبي نكروا حطب رسمممي . |
شايف كمان جابت ليها سوفي ناب !! :cool:
هسي لو كنت شيوعي خضر كان فتح ليك بوست ترحيب !! :D:D |
اقتباس:
قلت لى نكرو عديل كدة .. والله ما مر بى قبال كده .. هل كان نكران فقط للأشتراك أو أدانة للفعل وده المهم .. لم يكن هذا موقفه ولا موقف نسيبه الصادق المهدى نحو أعدام محمود محمد طه اقتباس:
وبعدين عنوانك وتعليقك إيحائى ومانع للرأى الآخر .. وليس بأى حال والأحوال فتح جدال حول آراء الترابى .. تماماً متأثرة بإهداف الفيديو المحددة بـ(المنتاج) بالكتابة على الفيديو .. بعدين كلام خرف وزول وعجوز طريقة أقصائية وأستعدائية وليست رأى خاص نعم طريقة تعبد الوهابية والسلفية وأنصار السنة عموماً ..رطريقة (إشراك) وعبادة للبشر وجعل الخرافات جزء أصيل من العقيدة |
اقتباس:
الوضوح بتاعهم هو ثباتهم على أراءهم المختلفين فيها الناس معاهم بمعنى تاني..ماقاعدين يغييروا طريقة تفكيرهم ولا بجددوا فكرهم الديني زي مابيعمل الترابي رأيهم في التكفير هو رأيهم ورأيهم في الصوفية هو هو من زمن حفرو البحر وهكذا - اقصائية واستعدائية دي وين؟ طيب انت متوقع ياتو طريقة بعد سماع الكلام دا؟؟ - اظنك في آخر سطورك يامقدس خلطت بين الوهابية والصوفية اقول قولي هذا واستغفر الله لي.............. |
| الساعة الآن 10:10 PM. |
Powered by vBulletin® Version 3.8.8 Beta 2
Copyright ©2000 - 2026, vBulletin Solutions, Inc.