فى وداع سجمان
غادر الى جنيف محمد صديق (سجمان ) صاحب راكوبة المجادعات و لم نتمكن من وداعه
سافر سجمان دخرى الحوبة و تمام الكيف وخلا الراكوبة زى الضارباها سموم الصيف هسع كان قريب يبقى سكون فى جنيف تعالى يا تماضر نمى فوق سحاب الخريف |
صحبتك السلامة والتوفيق
في حلك وترحالك سلام يا أبا دعد... |
ودعناهو ابو الريش سجمان
يزيل العتمة ويضوى المكان قدرما اقول فيهو واكتر الاوزان القى كلامى ما بملى الفنجان |
تصحبك السلامة ياصديقي الجميل، وبالتوفيق.
زازيتْ في البلود شرّقتَ شُفتا غرِبْها ممدُوح من زمان ماك رُخْرُخَن بِخَرِبْها أوصيك بالثبات ونفسك كمان شرِّبْها من كاس الصبر كَتِر هناك دَرِبّها:D شكرا يا أبا دعد |
اقتباس:
وكتر فى صلاتك وداوم اعلى الصيام كتير الختر و ما سمعنا .....عنو كلام اصلو بنى الاصفر عندهم حقد على الاسلام |
أمس كتبت رد، لكن، سودانيات قفلت في وشي:p
ياطيارة مالك شايلة زولنا جنيف بعد نمَ ووزن دوبيت غناهو الكيف الزول الهجع من دارنا يسعد كيف؟ دا النيل كان رحل يبكي وينوح القيف |
اقتباس:
|
اقتباس:
بِعد الجسم، والروح هنوك في سماكم والدرب الصعيب ساهل معاي بدعاكم يا خلا الصريف زايننو بي مسعاكم نحن مع العجم نماتنا برضو معاكم |
اقتباس:
شكراً كتير علي الدعوات.. ثم أضف للشوق الزمان.. مسافات أخر بعد الرحيل.. ودي؛؛ |
اقتباس:
والعين الذَرِف ورّم علي مهجتّا نفسي المعاي يا خلي وين بهجتّا سآلك يا كريم يا رب تفك زهجتّا |
اقتباس:
نم النم براح الروح |
اقتباس:
و صيتنا ليك خايفين بهديلك الزم الصبر و لى الله كتر تبهيلك اصلوا الغربة درب ابراهيم خليلك |
أنتو فى وداع ونحنا فى أستقبال
مكالمة تلفونية حارة من سجمان وصل تصحبه السلامة .. لم أقابله بعد وهو فى يد أمينة (أخونا وعمدتنا عثمان رضوان) أكيد قريباً يتم أستقراره ويلهلب الراكوبة من تانى .. غالباً أزوره الأحد القادم |
اقتباس:
زازيت في البلاد شفت المتبّر وراقي أجزيت في الوصف ستّفتهن أوراقي كم بنوت أخوي بي فراقي بلّو مآقي:p وعند ساعة الوداع كم شققن عرّاقي صبراً في الوجع ضيّق علي ماعوني وكان صبر القلب عيوني ماب طاوعوني الناس القبيل في وجدهم درَعوني حرس الانقليز بالدوشكة ما قرَعوني |
اقتباس:
و عيونو فى بنى الاصفر جابن هبرا كان ما سويت الواجب واديتو الشفرا باكر يانى القائل الله يقطع ها السفرا |
| الساعة الآن 09:43 PM. |
Powered by vBulletin® Version 3.8.8 Beta 2
Copyright ©2000 - 2026, vBulletin Solutions, Inc.