اها يا ناس سودانيات فلتنتوا ؟ . . . فضلة خيركم نحنا ضبحنا
|
بعيداً عن المناظير الدينية المخالفة
تخصيص يوم واحد للحب دا معقول ؟ طيب باقي الـ 365 يوم دي كيف ؟ |
تاريخياً في السودان عندنا عيدين احدهم كبير مرتبط بالخرفان عيد الكريسماس و شم النسيم . . . من سماحتنا اكتسبت كلها بعد اجتماعي طاغي على دينيتها و اختلطنا في الاحتفاء بها فرحة بفرحة . . .
اذكر مرة في الجامعة - أي و الله في الجامعة - سألت زميل لينا من اولاد الديم انت شم النسيم دا حق منو ؟ قال لي : دا عيد القبطا و المسلمين العُبطا آخر الاعياد الاتشرفت بمعرفتها " عيد العشاق " دا و صراحة كدا لسه شايفو ما عيد اصلي كدا دعوة للتأمل في اصحاب الاعياد الـ ( صيني ) المشابهة : - عيد المرأة - عيد الشجرة - عيد العمال اسي ديل كلهم ما مظاليم الهوى ساي بالمناسبة دي كان يوم 14 فبراير / شباط دا احتفلوا فيهو بمظاليم الهوى ما كان بكون اظبط ؟ |
و الله في النفس باقي هرجلة الا الليل ليل
اعلنوا حبكم انا اعلن حبيَ الآن اعلن حبي . . . غير مشروط بزمان حب يتحدى كل حدود الزمان و التأطير فكل محدود منقوص و يا مظالم الهوى اتحدوا . . . و اكيد ح تلقوا فيكم الزيكم تصبحوا على حب http://i7.photobucket.com/albums/y27...ooshyheart.gif |
قيقراوي لك مني وردة عنوان وعربون محبة:)
|
[rams]http://www.alrakoba.org/nasser/washwshni.wma[/rams]
وشوشنى العبير فانتشيت وساقنى الهوى فما أبيت يد الحرير ارتعشت بكفىّ بكيت من رعشتها بكيت صبيةٌ ... العطرُ يشتهيها . . . أمذنب إذا أنا اشتهيتُ ؟ سافرتُ في عيونها دهوراً فما ارتوت عيناي ما ارتويتُ جدائل الليل على كتفيها تهدّلت حولى فما أهتديتُ أجمل منها ما احتوى فؤادى فالعبق الصادح مااحتويتُ حبيبتى أغرودة العذارى ورنّة الأفراح إن غنيتُ حبيبتى أنيقة العطايا تهمى هوى إذا أنا غنيتُ لا تسألونى كيف كان الملتقى وكيف فى دروبها مشيتُ وكيف طاف الثغر فى إبتهال وكيف فى محرابها صليتُ سرّ عميق حبها بقلبى ما قلته للناس .. ما حكيتُ فإن روى القيثار سرّ قلبىّ قولوا لها ما قلتُ .. ما رويتُ لكنه حين بكى حنينا بكيت من رقته بكيت |
قيقراوي ياحبيب
القول ماتقول ياجميل المباني والمعاني... اقتباس:
|
اقتباس:
اسي دا براهو ما مبرر كافي و اكبر عنوان للمحبة دي محبة بالميلاد عديل . . . مع انو الجماعة قالو " الحب في ذاتو مبرر كافي " كافي البلاء و حايد المحن ؟ :D ليك بستان ورد عله يليق http://www.alrakoba.com/vb/uploaded/34_1189458374.jpg |
قيقراوى أحبك .. ولك حديقة ورد .. وفواكه .. |
اقتباس:
تامل في جن ابو آمنة الوشوشنا بيه دا : أجمل منها ما احتوى فؤادى فالعبق الصادح ما احتويتُ حبيبتى أغرودة العذارى ورنّة الأفراح إن غنيتُ حبيبتى أنيقة العطايا تهمى هوى إذا أنا غنيتُ لا تسألونى كيف كان الملتقى وكيف فى دروبها مشيتُ وكيف طاف الثغر فى إبتهال وكيف فى محرابها صليتُ مسالة الزمكان دي عجيبة عندنا نحن السودانين ديل و خصوصاً المؤلفة قلوبه علي " عيد قلوبهم " دا ذات نفسه . . . عواطفنا السلبية قاعدين نبادر بيها بلا سبب . . . اسي شوف شناتنا في هجومنا على وردي و ابدينا سخطنا و اسياءنا من مواقف وردي الاخيرة دي بكل ما اوتينا من قدرة ابداء عاطفتنا السلبية ، لكن هل قبل دا كان ورينا وردي اننا بنحبو قدر شنو ؟ مش العلم لو عرف انو بنحب قدر الكون دا كلو و اكتر بي كتير كان ممكن تكون تميمة عشق متبادل و ترياق ديمومة ضد الانكسار ؟! انا الان خارج مملكتي الصغيرة ح اهديك أمير الحسن اول ما استلم الصولجان ليلاً او مع بدء توقيت الكلام المباح في اول ساعات الصباح يأمير الحسن لو تسمح ظروفك ؟ كل ساعة . . . كل لحظة . . . كل يوم محتاج اشوفك شوف الحب دا قدر شنو تقول لي يوم واحد للحب بس ؟! |
اقتباس:
ما قالوا بتحبو ؟ . . . يلا حبونا |
اقتباس:
فلنغنيها معا...والأحباب...[align=center] [align=center][flash=http://www.youtube.com/v/aDIqKrYq2eg&hl=en&fs=1" type]WIDTH=400 HEIGHT=350[/flash][/align] |
اقتباس:
brdo? gEgA izayak |
اقتباس:
هترشة على اندياحات بنفسج . . . الشغلة بتاور مرات مرات يكون دا من شنو يا ربي ؟ بركة الجيتي يا صديقة الشغلة دي كان ماشية انها تبقى بيت عزابة عديل بمناسبة انك اول جكس كدا يشرفنا هنا و بما انو ما عندنا بطيخ احمر نهدي ليك :p اها كل فالنتاين و انت و يس و ابوه فلتنين مع بعضكم و لامين و تامين و ضابحين كمان مع كثيف المودة http://www.alrakoba.com/vb/uploaded/7572_1191959564.gif |
اقتباس:
بما انك كوتها احسن اعمل مراجعات بيدي لا بيد عمر . . . عمرنا الاسفيري هنا ما طويل و صراحة ما عارف لو عندكم بجاي مصححين برضو و لا لا ؟ ورد النص الاصلي بالاذاعة السودانية برواية سيدنا وردي ( سامحه الله و غفر له ) عن سيدنا اسماعين حسن رضي الشعب عنه كما يلي : يا أمير الحسن لو تسمح ظروفك كل ساعة كل لحظة كل يوم مشتاق أشوفك اها اخوك لطقاشة ما ، و بتواطؤ اضانو مع سبق الايعاز من رتم صاعد في منولوج حاجاته كان بسمعها " محتاج " !! و لسه جواي رغبة اكابر انو " الاشتياق " شهوة . . . و " الاحتياج " مبرر وجود و محفز ابداع . . . و دليل حق عديل كدا . . . الحب حاجة . . . و حاجة اساسية كمان ( بيسك نيد ) بخشم الباب . . . و مثلث ماسلو ان ما لقالو فرقة في قاعدتو الينقلب على راسو ساي . . . |
بالمناسبة يا شباب
مظالم الهوى ممكن يشاركوا هنا معانا بس بصفة " مراقب " و ممكن يغنوا هنا عادي محتاجين عوازل . . . حساد . . . و اللزي منو . . . عشان يكتمل النشيد و يا خدر برضو ح نخصص ريع البوست لمنظمة " الصلات الطيبة - فرع العلاقات الكسيحة و العرجاء و النطيحة و ما اكل السبع " المحبين من طرف واحد يمتنعون . . . ستنا شكيرة قالت : ( " تانغو " إذ فور توو ) |
البت الحديقة . . . رحاب الخليفة *
كان وعدتك انو انقل اجمل كلام لقاني في الاسافير عن العيد الكبير " عيد العشاق " ارهفي السمع للموسيقى المنسابة من النص دا : اقتباس:
اقتباس:
-- -------- فك تركيب ------------- * الحديقة منحوتة للقاص بشرى الفاضل رداً لتحية حيته بها الاستاذة رقية وراق بـ " صديقتاذي " الصداقة - الاستاذية الحب - الصداقة مش كلمتكم انو الحب حاجة ما شهوة ؟ دمتي حديقة وريفة الى الابد يا رحاب |
اقتباس:
سحليه تكون عدت من فوق رقبتك و انت نايم الله يجازي محنك يا قيقا حاسبني جكس كمان و جايب لي ورود، الله يرفع معنوياتك ياخ في اليوم الما داير يعدي علي خير ده، لا ما قاصده يوم الاوفالتين ياسين و ابو ياسين و ام ياسين شاكرين ليكم بطيختكم الحمرااااء و منتظرين الشكليته بالبوسته |
اقتباس:
يعني ممكن تقول اعداد لليوم داك زاتو |
اقتباس:
قيقا صديقي وما اجمله من حب الحب عند الناس ديل عمل و بيان و شريعه حياه و منهج يوم كتب المتصوفه اجمل واسمي ما قرات عن الحب، في وصف الذات الالهيه، عندهم لا يشارك المحبوب في قلب المحب شيء او انسان او رغبه او خوف او رهبه او طلب وقس علي ذلك يا فتحي شوف عليك الله سيدي ابي مدين الغوث كتب شنو في حبه تضيق بنا الدنيا إذا غبتمُ عنا *** وتذهب بالأشواق أرواحُنا منا فبُعدُكمُ موتٌ وقربُكم حيا *** فإن غبتموا عنا ولو نفـَسًا متنا نموت ببُعدكم ونحيا بقربكم *** وإن جاءنا عنكم بشيرُ اللقا عشنا ونحيا بذكرِكم إذا لم نراكمُ *** ألا إن تذكار الأحبة ينعشنا فلولا معانيكم تراها قلوبُنا *** إذا نحن أيقاظٌ وفي النوم إن غبنا لمتنا أسىً من بُعدِكم وصبابةً *** ولكنّ في المعنى معانيكم معْنا يحركنا ذكرُ الأحاديث عنكمُ *** ولولا هواكم في الحشا ما تحركنا فقل للذي ينهى عن الوجد أهلَهُ *** إذا لم تذق معنى شراب الهوى دعنا إذا اهتزتِ الأرواحُ شوقـًا إلى اللقا *** ترقـّصَتِ الأشباحُ يا جاهلَ المعنى أما تنظرُ الطيرَ المقفـّصَ يا فتى *** إذا ذكر الأوطانَ حنّ إلى المغنى يفرّج بالتغريد ما بفؤاده فتضطرب الأعضاء في الحس والمعنى ويرقص في الأقفاص شوقـًا إلى اللقا *** فتهتز أرباب العقول إذا غنى كذلك أرواحُ المحبين يا فتى *** تهزِّزُها الأشواق للعالم الأسنى أنـُلزِمُها بالصبر وهْي مشوقةٌ *** وهل يستطيع الصبرَ مَن شاهدَ المعنى إذا لم تذق ما ذاقتِ الناسُ في الهوى *** فبالله يا خالي الحشا لا تـُعَنـِّفنا وسلّم لنا فيما ادّعينا لأننا *** إذا غلبت أشواقـُنا ربما صحنا وتهتزُ عند الاستماعِ قلوبُنا *** إذا لم نجد كتـْمَ المواجيدِ صرّحْنا فيا حاديَ العشاقِ قم واحدُ قائمًا *** وزمزم لنا باسم الحبيبِ وروِّحْنا وصُن سرَّنا في سُكرِنا عن حسودنا *** وإن أنكرَت عيناك شيئًا فسامحنا فإنا إذا طبنا وطابت عقولنا *** وخامرنا خمر الغرام تهتكنا فلا تلمِ السكرانَ في حال سُكره *** فقد رُفع التكليفُ في سُكرنا عنا في اجمل من كده حب؟ |
اقتباس:
اها ما قلت لينا معانا و لا مع الخيانة ؟ يا زول العلمانية البتفصل العيشة من الحب دي ما شايلنها تعرف في زيارتي الاخيرة دي للسودان مرة مشيت لصديقتنا / شادية عبد المنعم قامت لميس بتها سوت لينا قهوة - الاخصائية ليم كانت عيانة يومها - المهم بيني و بينك شادية " بدويت " اصلية طبعاً و الجبنة الخمج ما بتنفع معاها قامت كوركت فيها . لميس دي بت بنكهة القرنفل و زول لذيذة بشااااااااكل و شيطانة جداً . قامت ردت برااااحة كدا : يا ماما هي آي جبنة كعبة لكن عملتها ليك بحب كتير . . . صدق نكهة القهوة فعلاً اتغيرت . . . و طعمها ذاتو . . . صدق او لا تصدق . . . لكن السحر موجود في الدنيا خلينا في المهم عملت شنو في موضوع عرس الزين و ح تنضم لتيمنا دا متين رسمياً ؟ لاحظت نحنا اني قلت 365 الباقين ؟ سنين الحب ما فيها سنة كبيسة |
اقتباس:
سلوا ناساً درسوا في معهد الحب الغرام . . . سموهم العارفين يا رحاب لانهم عارفين و جيتنيني في الزوايا البتنتح يا صديقة : غيبوني .. في مجاهيل الهوى و اضربوا حولي من الاشوق سور احجبوني لا أرى .. صنوا لكم انكم في الحب ذياك الغيور الماعارفين واقفين في المتاهة عدد واحد اندهاش و ابن عربي عارف يقول بطرافة في جدل الازواج و معنى ( الانثى ) و مفارقة ( المرأة ) : انو كل الكون انثى إنَّا إنَاث لما فِينَا يُولِّده فلنحمد اللّه مَا فِي الكونِ من رَجلِ اقتباس:
|
أها يا قيقا طالما سألتني أهو مناسبة عشان السمع يكلم الما سمع
وناس سودانيات معزومين وش . عندي زول صاحبي شغال لي في الكرت أول ما يخلص نسختكم أول نسخة أخوك ماشي يتأهل ومحدد سبعة سبعة الجاي يلا سمعونا زغرودة |
اقتباس:
و مثلث ماسلو دا لو فتفتناهو بنلهاهو كلو ريدة ... الحب احتياج .. شهوة واشتياق .. |
اقتباس:
العُمُر -الأسفيري-كلللو ياحبيبنا تعرف ...فعلا أتوقفت فيها شوية وقلتا البعرفو أنها (مشتاق) مش (محتاج) لكن تصدق لقيت (محتاج) بتاعتك دي (معبرة) أكتر في سياق الغنية... أكون مشتاق أشوف أنسان ...غير ما أكون (محتاج) أشوفو...والاّ شنو؟:D والأشتياق بالفعل هو شهوة أو قل (أستريت لاين) على البرنت أوت للقاز كروماتوقراف...أما (الحوجة) فهي (بيكس) تدلل على دتكشن ل(أن نون) أمبيوريتي في البلانكت قاز... غايتو ياقيقراوي (حبك) الجالبو في بوستك دة (أتفلفل) عديييييل ...مش أتفلتن :p :D مودتي ياعزيز |
اقتباس:
ياحبيب والله مبروك مقدما من القلب ونسأل الله أن يتم ليك على خير ويجعل ليك في كل خطوة سلامة و...توفيق مودتي |
اقتباس:
http://tbn3.google.com/images?q=tbn:...505a1c28_o.jpg http://tbn3.google.com/images?q=tbn:.../wedding-6.jpg http://tbn3.google.com/images?q=tbn:...505a1c28_o.jpg http://tbn2.google.com/images?q=tbn:...0e240c0ee6.gif http://tbn2.google.com/images?q=tbn:...0e240c0ee6.gif http://tbn2.google.com/images?q=tbn:...0e240c0ee6.gif خضر حسين ازيك اسعدنا الخبر الجميل الف مبروك وليك الفرح والسعاده ساره بت اسحق يا خدر و الله الزولة دي ظلت تردد : زمان . . . زمان . . . زمان . . . الخ الزمان حتى قلت ليتها سكتت سالتها مالك يازولة مع الزمان قالت : زماااااان في الراكوبة عفصت لي مشاركتها و رديت على الناس الما دفعتك |
اقتباس:
هو جمبك ومشتهيك يا عيون و كيف ؟ . . . كيف ؟ لما الفراق يحصل ان شاء الله ما يحصل . . . . في داعي لجنس الجرسة دي اسي كان ما القصة قصة وجود و فناء ؟ :D يا باشمهندس ما عندك جية تانية على الاراضي المقدسة بجاي ؟ |
اقتباس:
في مضارب قريبة من هنا ما بفوتوا ليك زي دي . . . و في ناس ياهو اكل عيشم مع الناس المترزقة الله في الاسافير دي طوالي بفتحوا ليك كتاب . . . " تصحيح التصحيف . . . و تحرير التحريف " الا هنا الامور غير و الناس راقية و رايقة الحب يا الحبيب ما جبتو معاي جيت ليهو في دارو . . . باللاي الترجمة ياخ . . . هازول نحنا انقليزنا دا من جنس اندر بريدش ساي * الشغلة تلاقيط ما ثورة تعليم عالي ؤ كدا اللُقد و الكلام القُلاد دا الا كان تجي الدكتورة دي تشرحوا لينا باقي متعلمة عند الخواجات و بتناضمن زي شراب الموية عند ناس امحمد ود أحمد و لي جاي يا زول ( قيقا ) اسم مشاع و هو المقطع الديغتل من " قيقا راوي " ما يعادل تربيع 1024 راوي شفت كمية الرواة ديل . . . من الثقات عديل كدا من طولة سلسلة العنعنة و لولوتها ------------ ديل مجموعة من العمال و تحديداً اصحاب حمير كانو بأجروها للخواجات زمن الاستعمار و كانو بتكلو تحت كبري الحديد ( الخرطوم - بحري ) و بلقطو الانقليزي حلّو " من خشم اسيادو " الا بسوطوه براهم و برموه دراب بردولوب زي عرض خدماتهم للخواج بـ : ضونكي مي رايد يوو خرتوم بالاس بياستر توو |
ينصر دينك يا رحاب خليفة . . .
على غرار غبطة زي ما هتف هاتف في مسرحية شاهد مشافش حاقة . . . مالك فاتحة علينا ابواب محبة زي دي لابراهيم . . . الخليل موسى . . . الكليم و عيسى . . . الكلم و الحظوة كل الحظوة لـ " محمد " المصطفى حبيباً لربه . . . و نحن عليه نصلي حتى نولي سمعتي وردي بمدح ؟ وردي " مدينتك " [rams]http://www.alrakoba.net/alshadin/Wardi/madeentuk-shadin.mp3[/rams] و من الوجد ما قتل . . . كما تواترت انباء برعي اليمن الذي ما ابتلت جوانح شوقه لحبيبه ضحوا ضحاياهم و سال دماؤها و انا المتيم قد نحرت فؤادي . . .دا الحب الاكتر من القلتيهو قبيل . . . دا الفناء دون الحبيب و ليس فيه دا العلى وشك * و دي بنرجع ليها في القفلة . . . اسي اسمعي و صلي على حبيب الله . . . و انا قايم على اورادي اتم رحيق ليلتي دي[rams]http://www.alrakoba.net/upp/uploaded/8_1189625279.mp3[/rams] |
المريود راح
للحب نصيبه من الحزن انا اعلن حبي و حزني الآن الآن نعلن اقامة سرداق للعزاء هنا نودع طيباً صالحاً مريود يغادرنا كما انجبته النجابة و العبقرية يا من طبت ميتاً و حياً و منحتنا عوالم رومانسية ساحرة . . . و ما منحناك من الحب ما يليق بعد مريود ود الرواس ود النعيسان . . . و حتى بت مجذوب قد تخلت عن بذاءة لسانه و آن كلهم ينوحون ود حامد اعلنت الحداد و نكست جريد نخيلاتها السلام امانة لود عثمان ابكر . . . النور و عبد الحي و كل الجميلين هناك |
اقتباس:
ازيك يا دفعة وحاتك بتبالغي معقول اكون شايفك وما رديت تاني حاجة انا بشكرك علي التهنئة اللطيفة وعلي الغنيوة وياريتكم تكونو معاي ياريتكم ! ما عارف لكن انا هسي جاني شعور عريس عريس الله يعرس لي غايتو ! شكراً سرور |
اقتباس:
بعدين الاريخ دة أنا عاملو عشان اجازات الناس أها ما تشرنا بعدين ! ـــــــــــــــــ بخصوص الرحلة يا عسوم ياريتكم تحاولو تعملو لينا قبل الصيف ! وش ضاحك شديد |
اقتباس:
يا خضر الف مبروك تاني و مقدما و ربنا يتم ليكم علي كل خير يا رب -------------- عادل، شوف نوع الكلام الاتعلمه صاحبك قيقا من بكانات تانيه ده، تصحيح الشنو ما عارف، الزم الصبر بس ------------- وعليه افضل الصلوات و اتم التسليم. قيقا، ينصر دينك انت ده، و الف شكر علي الهديه، مع انه مافي صوت طالع عندي اول مره اعرف انه وردي بيمدح ------------ البركه فيكم في الطيب صالح |
اقتباس:
ياخ شكراً علي تهنئتك الصادقة وربك يتمم علي خير ! سلمت رحاب |
ياقيقا حاولت افلتن ماقدرت وخبر الطيب مسخ عيدى الفلتة اولا لك وردة من بستان حقل سودانيات تغنيك عن ورد البساتين الاخريات واخرى لباقر ورفاعى علهم يهتدون الطريق هنا مع وعدى بالفلتنة فى اعياد اخر ى قادمات وخليك صاحى وواصل الطلة سلام يافردة. . |
اقتباس:
وينك يا مان ؟ يا سلام على المضارب دي ياخ تشكرات كميات . . . تشكرات افندم . . . زي ما قالت فلة الفكرة يا عمك فلتنة فالتة عن اي طوق . . . فلتن يا عمك . . . فلتن ساي . . . الدنيا رايحة . . . ملينا من انتظار اعياد قد لا تجئ و الحياة اجمل من ان تتوزعها مواسم مضى صاحب " موسم الهجرة الى الشمال " في موسم هجرة مر كان قد سبقه اليه النور . . . و احتوى جسده صقيع الشمال . . . انت سمعت بانو الطيب صالح كان شاعر ؟ اقتباس:
اقتباس:
|
اقتباس:
وتحايا متأخرة وبطعم الفقد ورائحة الحزن ولك هذا الحب الطيب صالحي ربطة عنق في حقائب اعدتها الحبيبة عننا ماحبينا بعد دا ياخي http://sudaniyat.net/up/uploading/111111.jpg |
اقتباس:
سادتنا الصوفية لا يحفلون بالسبق في الزمان و لا المكان . . . الطريق لمن صدق و ليس لمن سبق يا لدفء و حفاوة الترحيب و اشهد الله ان لكم في القلوب منازل كل دروب الريد بتوصل ليها و ح نحتفل مع البلابل بعبورها في الآخر . . . الزمن ما مهم يا امال . . . جيتيني في الشجن الآليم ياخ . . . لو ما حبينا بعد دا و بإستمرار على مدار السنة يا امال الطيب صالح بموت ياخ انتي قايلة شنو ؟ [frame="7 90"][align=right]عزيزتي إيلين ، ، ،[/align] [align=justify]هذه هي الليلة الأولى بدونك ... منذ عام. منذ عام كامل. ثلاثمائة وخمس وستون ليلة، وأنت تشاركينني فراشي، تنامين على ذراعي، تختلط أنفاسنا وعطر أجسادنا، تحلمين أحلامي، تقرأين أفكاري، تحضرين إفطاري، نستحم معاً في حمام واحد، نستعمل فرشاة أسنان واحدة، تقرأين الكتاب وتخبرينني بمحتواه فأكتفي بك فلا أقرأه. تزوجتني، تزوجت شرقاً مضطرباً على مفترق الطرق، تزوجت شمساً قاسية الشعاع، تزوجت فكراً فوضوي، وآمالاً ظمأى كصحارى قومي. الليلة الأولى عداك يا طفلة من ابردين ـ وضعتها الأقدار في طريقي. تبينتك وآخيتني. ((يا أختاه. يا أختاه)). البذلة الرمادية التي تؤثرينها : ((ثلاث بدل أكثر من الكفاية. رجل متزوج يقضي شهراً مع أهله لن يحفل بك أحد، ولن تهتم بك صبايا بلدك، ولا حاجة بك إلى هندمة نفسك والاعتناء بشكلك. ومهما يكن فإن شكلك لا تجدي معه هندمة. أذهب وعد إليّ سليماً: إذا ضحكت لك منهن فتاة فكشر في وجهها)). [/align][/frame] مش امكن يكون مشتاق لايلين التي لا زالت تطارد رسالتها له كل العشاق ؟؟ [frame="7 90"][align=justify]الآن انتهيت من فض حقائبي . . . ؟ ياااااااااااااه أنت عظيمة ولست أدري ماذا أفعل بدونك . . . كل شيء يلزمني وضعتِهِ في الحقائب ، تسعة قمصان ((فان هوسن)) ثلاثة منها لا تحتاج للكيّ ، ((أغسلها ونشفها والبسها)) . وأنت تعلمين أنني لن أفعل شيئاً من هذا القبيل. ربطة العنق التي اشتريتها لي في العام الماضي في بوند ستريت، وجدتها مع خمس كرافتات أخرى . . . ((خمس كرافتات تكفيك. أنت لن تخرج كثيراً ولن يدعوك أحد لحفلة. وإذا دعيت فلا تذهب)). كم أحببتك لأنك لم تنسي أن تضعي في حقائبي هذه الربطة ... ربطة عنق قرمزية اللون، واحدة من ملايين الأشياء الصغيرة التي تشد قلبي إليك ... [/align] [/frame] شكرن حزيناً يا عزيزة على مقاسمة الشجن . . . في الزمن القسى دا |
التفاصيل..
التفاصيل ياقيقا انه الحب الذي يكمن في التفاصيل وليس الشيطان ابدا شوف دا [moveo=up]تحلمين أحلامي ، تحضرين إفطاري ، نستحم معاً في حمام واحد ، نستعمل فرشاة أسنان واحدة، تقرأين الكتاب وتخبرينني بمحتواه فأكتفي بك فلا أقرأه، تسعة قمصان ، تسعة قمصان ((فان هوسن)) ثلاثة منها لا تحتاج للكيّ ، ((أغسلها ونشفها والبسها)) ربطة العنق ...[/moveo] هذه الالفة في التفاصيل هذه الحميمية وهذا التفصيل الدافئ اتخيل اتنين بستعملو فرشاةاسنان واحدة في حب ياخوانا اكتر من كدا ;) عارف ردك الفوق دا التفاصيل الفيه دفتني لمن دمعتا وانا دموعي قُراب شديد لقيتك زول تفاصيل برضو وديل ياقيقا ماكتار في الزمن المستعجل دا زمن الوجبات السريعة والحب البقي زي الخط السريع وزي الومض والبرق الخافت ببهت برضو سريع وتاني الحابين ليها شنو كان بقي حب fastfood العدتلو ياقيقا كان اجمل تفاصيل ردك واحبها بخيت وسعيد علينا يازول |
| الساعة الآن 03:10 PM. |
Powered by vBulletin® Version 3.8.8 Beta 2
Copyright ©2000 - 2026, vBulletin Solutions, Inc.