رحـــــــــــيــــــــــل
[align=center]وحيد وسط الخلق والناس
لا زولاً يقول كيفك ولا طيفاً يسامرك ليل حزين مكسور جناح خاطرك لا طرفاً يحن يغشاك ... لا روحاً تقاسمك ويل بعيد تايهات شراعاتك لا قمراً يضويلك ... لا نجمات سماك دليل دموعك سايلة في خدك ... لا كتفاً سند راسك ... لا كفاً صبح منديل براك يا قلبي مين يطراك ؟!! لا نبضك صبح مسموع لا قلباً عليك يميل تجرع في كؤوس حزنك ... لا بتقدر بلاهو تعيش ... تشيل الهم وليكَ يشيل خلاص فارق خطاهم فوت لا أسفاً عليك ببقى ... لا بيوجع عليك عويل وحيد أرحل بلا ذكرى ... وخلد ذكرتك في النيل[/align] |
بت أخويا
قدر ما قولك جميل ساهلن يتقري وهينن ينهضم إلا في قولك دآ بقول؟؟ أريت الصندوق الماسي ما كان كبر حجم المكتوب،،:o:rolleyes: يا ريتو لو كان إنفتح وإتي فرحانةgoood كل الناس تسأل عليك وجنيحاتك سالمات يضربن في الهواء ويعزفن نغم غنية، تقول: نجيمات السما ديل سابحات في مجراتك |
[align=center]مرحب بيك نهلة....
الوحدة قاسية والرحيل أقسى منها ولكن.... ما زالت في النيل تجري المياه تقديري لقلمك.... وكل الود....[/align] |
اقتباس:
البيـت الأخير يمكن أن يحمل على غير ما أريد منه .. لك التحايا .. وفي إنتظار مزيد من كتاباتك . |
اقتباس:
أسمح ليا بي شوية فلسفة وفذلكة كدآ معاكم يا ناس القلم البيتدفق درر،،، النيل زمن الفراعنة ولي حسي عند المصاروة ولا حائط المبكى عند اليهود وولا نافورة البندقية الشهيرة فيهو الناس بتتمنى وفيهو الناس بتودع أسرار وفيهو الناس بتسطر ذي سيقان الشجر القلاد البيكتوبو فيها الحبان أول حروف من اساميهم في نص قلب وسطو سهم طالع من قوس كيوبيد رسول الحب،،، اها ظنيتو النيل أكتر مكان يؤتمن لحفظ المكنون جوآ القلب،، لحين عودة ولقاء أو غياب ويفضل عندو في طئ الكتمان،، غربان وإدفن........ معليش نهولة وعذر هشومي،، بس ياها كدي هجمتني كلمات... |
العزيزة نهلة
في كل الامكان جميلة كما نحبك دائما مودتي |
اقتباس:
عمي العزيز ... هي لحظات مرت على الواحد وكان لابد تترجمها الحروف مابنقدر ننكر وجود المر في حياتنا اضافة للحلو ... ول ما طعم المر ما كان استمتعنا بالحلو وعذرا ان كانت الافتتاحية موغلة في اللون الرمادي لكن برضو الصندوق ما انفتح .. اتحايلت عليهو وكتبت مكان تاني وجبتو هنا |
العزيزة نهلة محكر
هذه الكلمات لا تحتاج لكل هذه الضخامة في الخط هي ضخمة في معانيها وسلاستها الله يديك العافية .............. واصلي كلام جميل |
يا نهله...
ما تتخوفي... دي النسمة بتجيب الأمل والأمل بصبح رفيق.. تحايا... |
اقتباس:
وما زالت السفينة مشرعة ... تبحث عن مرفأ لتستريح من وعثاء السفر خالص الود |
[ramv]http://www.3aza.com/upload/user_uploads/mohamedosmanfae4/itnin.wma[/ramv]
يا نهلة دى هدية قديمة من ود عثمان بهديها ليك وللحبايب ضيوفك |
وسط الخضم والموج
ياروح كفاكي رحيل |
اقتباس:
طيب ارجعي شوية لكلام مواطن ... وما ترحلي تاني |
نهلة لي الكلام المتعب ده!!!!!!!!!!!!!!!
انتي من الناس الزول بتزكرهم لما يكون داير يفرح |
سلام نهلة دا موال مغنى و بكا خمجان .. برجع ليك فى كلام تانى نقولو عن القصيدة .. |
[align=center]هي حروف رهن الإمتاع نهلة [/align]
[align=center] [frame="5 80"][align=center]وحيد وسط الخلق والناس لا زولاً يقول كيفك ولا طيفاً يسامرك ليل حزين مكسور جناح خاطرك لا طرفاً يحن يغشاك ... لا روحاً تقاسمك ويل بعيد تايهات شراعاتك لا قمراً يضويلك ... لا نجمات سماك دليل دموعك سايلة في خدك ... لا كتفاً سند راسك ... لا كفاً صبح منديل براك يا قلبي مين يطراك ؟!! لا نبضك صبح مسموع لا قلباً عليك يميل تجرع في كؤوس حزنك ... لا بتقدر بلاهو تعيش ... تشيل الهم وليكَ يشيل خلاص فارق خطاهم فوت لا أسفاً عليك ببقى ... لا بيوجع عليك عويل وحيد أرحل بلا ذكرى ... وخلد ذكرتك في النيل[/align][/frame] [/align] [align=center]مثلث متوازي الألم ... يصطلي البوح هنا و ينثال وحدة ... و حزن ... و غربة ثم ... الهم ... و اليأس مآلاتئذ فهل هو الموت و الرحيل هروبئذ وحيد أرحل بلا ذكرى ... وخلد ذكرتك في النيل[/align] |
اقتباس:
المشاركة الأصلية كتبت بواسطة مواطن http://sudanyat.org/vb/images/underw...s/viewpost.gif تسلمي يا نهلة .. قصيدتك جيدة ... تملكين الموهبة وحسن الصياغة ... البيـت الأخير يمكن أن يحمل على غير ما أريد منه .. لك التحايا .. وفي إنتظار مزيد من كتاباتك . الأخ مواطن لك عاطر التحايا وعميق التقدير وعذراً لهذا الغياب الطويل كما ذكرت فعلاً .. البيت الأخير فيه عدة معاني وهذا ما قصدته .. كلٌ يفسره على حسب مزاجه وهواه .. وإن شاء الله تشوف كتابات تانية لو ربنا هون |
عمي بابكر .. عساك طيب
وحاتك مشتاقة ليكم .. إلا البعدني شيتاً أكبر مني وهادي رجعة من تاني اقتباس: المشاركة الأصلية كتبت بواسطة بابكر مخير http://sudanyat.org/vb/images/underw...s/viewpost.gif هشومي أسمح ليا بي شوية فلسفة وفذلكة كدآ معاكم يا ناس القلم البيتدفق درر،،، النيل زمن الفراعنة ولي حسي عند المصاروة ولا حائط المبكى عند اليهود وولا نافورة البندقية الشهيرة فيهو الناس بتتمنى وفيهو الناس بتودع أسرار وفيهو الناس بتسطر ذي سيقان الشجر القلاد البيكتوبو فيها الحبان أول حروف من اساميهم في نص قلب وسطو سهم طالع من قوس كيوبيد رسول الحب،،، اها ظنيتو النيل أكتر مكان يؤتمن لحفظ المكنون جوآ القلب،، لحين عودة ولقاء أو غياب ويفضل عندو في طئ الكتمان،، غربان وإدفن........ معليش نهولة وعذر هشومي،، بس ياها كدي هجمتني كلمات... كلامك صحيح يا عمو .. وفيه جزء كبير من الانا قاصداه أقعد عافية |
اقتباس:
المشاركة الأصلية كتبت بواسطة Mema http://sudanyat.org/vb/images/underw...s/viewpost.gif العزيزة نهلة في كل الامكان جميلة كما نحبك دائما مودتي فراشة الحروف الرقيقة ميما والحب في داخلي أساسه أنتم دمتي بكل النقاء الذي أعرف خالص محبتي |
اقتباس:
المشاركة الأصلية كتبت بواسطة نهلة محكر http://sudanyat.org/vb/images/underw...s/viewpost.gif عمي بابكر .. عساك طيب وحاتك مشتاقة ليكم .. إلا البعدني شيتاً أكبر مني وهادي رجعة من تاني كلامك صحيح يا عمو .. وفيه جزء كبير من الانا قاصداه أقعد عافية جيتن جيتي يا الليك شوق من هنانا ليييييييين ديار أهلك ناس حيهم، حينا الحي ما بيفوت ولا بينمحي ديار أهلك، أهلي، أهل الكومة ومليط والفاشر والعباسية والعرضة والثورة.. كيفنك يما وما تسيبنا تاني بوراك، نفقدك ونتفقدك أبقي لينا ديما البسمة والفرحة وليا أنا بالذات.. العضدد والسند سلام ليهم كلهم |
اين انت يامتحكرة بين الضلوع ؟
هل راودتك الاحرف والمعنى كى ترحلين ! ام هو غياب القمر بين سحيبات الخريف الراحلة ! اتمنى ان تفجى سحابات البعاد وتشرقين لمن ارادوك بقربهم |
| الساعة الآن 04:40 AM. |
Powered by vBulletin® Version 3.8.8 Beta 2
Copyright ©2000 - 2026, vBulletin Solutions, Inc.