"شـبح" محسن الفكى .. أو شُـبه لى
 

تداخلت معه في بوست: "شوقي بدري و عمرو خالد و الدعاية لإسرائيل"
و في واحد من ردودو على مداخلاتي قال لي:
و رديت عليه بأنني سوف اجلس متفرجا (الخيار الاخير)..
لكن غلبتني الفرجة و تداخلت معه في نفس البوست مرة اخرى و قلت: كدي نتفرج من جوه الميدان و النشوف محسن الفكي دا حا يدخل بى حمد و يطلع بى خوجلى كيف؟ بعد التخطيط.

خلاص نسينا موضوع بوست اسرائيل
تعال راجع

مجرد توضيح
 

تحياتي وسلامي ومعزتي رافت ميلاد وبابكر عباس. والقارئ.
جابني لهذا البوست احدي محركات البحث.

نبدأ من الآخر
موضوع إسرائيل ما نسيتو ، وبيجك ليهو في مكانه المحدد حتي لا تتلخبط الكيمان.

[web]http://sudanyat.org/vb/showthread.php?t=12132&page=2[/web]

في القاهرة ، وتحديدا في مصر الجديدة ديسمبر 2009، سألني هل إنت اتصلت بنا ونحن في القهوة،ومعي فلان وفلان ..الخ ، ونفيت له ذلك ، وأشار لي ضمن الكلام انو في بوست بهذا الخصوص لكنني لم أنتبه في زحمة يوم كان لزاما على أن ألحق بمواعيد في مدينة نصر ، فالمهندسين قبل ان أعود مرة اخري قاطعا اكثر من 440 كلم .

* ملحوظة
الزول القابلتو في مصر الجديدة ده ، تحديدا كان مفروض يتواجد في هذا البوست وينفي هذا الإتصال المزعوم .
رافت ميلاد كان في سودانات مارس 2007قد قام بدعوة كل الاعضاء للتواصل معه عبر سكاي بي ، فلماذا هذه المرة ينتظر محسن تلفونه من اون لاين ..؟
فقط هذا مجرد توضيح بخصوص جزئية الاتصال .

يارأفت الزول القاصدو محسن هو أنا وفعلا اتقابلنا في مصر الجديدة وسألتو اذا كان هو الاتصل وهل هو الجا عاين للقهوة الفي وسط البلد من بعيد ومشي..الراجل فعلا نفي الموضوع جملة وتفصيلا وقال انو في اليوم داك وفي الوقت المقصود ما كان في القاهرة...لذا وجب التنويه..
أها محسن الفكي دا أنا مشيت قابلتو وقعدنا في القهوة واتونسنا وجبنا سيرتك واتكلمنا في مواضيع كتيرة..المهم أنا كنت متخوف من مقابلتو عشان كنت حاسي انو زول ما ليهو في الهزار..لكن بعد ما لاقيتو اكتشفت انو راجل ظريف جدا وبيحب الهزار بعكس كتاباتو..
وللعلم انا سألت منو ولدنا حمزة البيعمل دراسة للماجستير في الاسكندرية وعرفت منو انو محسن رحل لي حتة قريبة من الاسكندرية وطمني انو بخير..

سلامات رأفت
كيف عرفت انه الزول الاتصل بيك هو محسن؟
يعنى هل ذكر اسمه ليك أم انك فترضت انه محسن و بديت تتونس معاهو على
هذا الاساس..؟
و ليه ما سألت الزول المتصل عن اسمه ؟
حسع بالله حتلاقى الزول دا وين عشان تشكره .
احسن توضح الامر عشان محسن ما يجيك راجع بعد 9 شهور.


.

يازين دا كلام شنو:confused:ياخ أنا سمعت انو رأفت لسة في الحراسة بعد ما قبضوهو بالتمباك..وحسب كلامك هنا الزول دا أخد سنة سجن..مش برضو سنة سجن الحكومة 9 شهور:confused::confused:

الكلام المحمر ده ، ما صحيح يا عزيزي رافت ميلاد .. وعذرك هو ذاكرتك ليس إلاّ . طوال فترة تواجدي في منتدي سودانات ( لفائدة القارئ المتابع اصبح هذا الموقع لاوجود له حاليا) ، لم يحدث بيني وبين سر الختم حسين أي مداخلات ، لأنني حين تسجيلي كان هو "موقوف" إداريا بسبب ملاساناته مع غيري وليس معي .

بالنسبة لـ E سليمان ، سأرد في مرة قادمة.

الكلام باللون اللخدر ، حبابو عشرة وممكن نعمل منو خيط وخيوط أوضفيرة نقة ونطلع منها بنسيج يفيد الناس ونستفيد من الآلون التي ستصبغ بيها القماش .
كمان ما تنسي تجيب لينا باقي "الحدوتة" البديتها لينا هناك في سودانات .

باقي رايك الخاص نتقبله بكل رحابة صدر.
لكن برضو ذاكرتك خانتك يا رافت لأني كنت مبادر دوما بالكتابة ليك في الخاص . يعني لو بتتذكر كتبت ليك ولودالمكي وعبد العاطي خلفية شاملة عن البرلوم محسن الفكي في ذلك الوقت .

أها صاحبنا E رغم انو ما بتحلي ليهو الكتابة الا يجيب خبري ، و"السيرش إنجنقز" الجابتني خيطك ده برضو كلمتني وقالت لي الزول ده بيحذر مشرفي منتديات تانية من محسن الفكي ..!
ممكن الحاجة الوحيدة الممكن يكون محسن الفكي دافع عنك لما عادل عبد العاطي تخاشن مع هوبفل ، واضطرته المخاشنة لمعايرته دينيا ، مما حدا بي للتدخل ، فإضطر عادل لتحرير مداخلاته كلها، رغم انو مشرف ورغم انو ودشاموق وقف ضده بكل قوة ، موش كده وبس بل حتي القوات الصديقة الامريكية ممثلة في RAWIA .. شفت كيف يا رأفت يا نساي..!

لكن بخصوص E مداخلاتي معه ومع النيك نيمز التى كان ينتحلها ، كانت تحت بند تصحيح المفاهيم وليس دفاعا عن رأفت ميلاد .
لكن طفق يساككني بيها من منتدي لى منتدي ، وبطبعي لا أحبذ لخبطة الكيمان ، ونقل الخلاف عبر الاسافير .
هسه طبعا جرت في النهر مياه كثيرة ، وأصبح لدية مساككات كتيرة مع كل الاطياف ، سياسة ،ودين وجندر، وناس مشاهير ، ووصل لحدي ناس العدل والزغاواة كمان ..!

سلام كتير يا فتحينا .. لكن ما اتلومت
انا ابيت اجيب سيرتك ، تجي براك تكشف المستخبي..؟

:D:D قال لذا وجب التنوية
والمخليك ساكت الشهور دي كلها شنو .

_

أصبر لي ، بفتش لي اي بوست وبجب بتسداها فيك .
ولا أمشي ليك هناك في راكوبتك الشلعوها ديك ، قادينا الراكوبة الراكوبة ، أتاريها فعلا راكوبة خريف .

9 شهور
 

يا عزيزي زين عبد الله
هسه لو رأفت ضغط هنا موش كان حل موضوع البوست .
بصراحة ما إتأخرت 9 شهور ، والله الـتيسوعة دي بتذكر مخيلة الناس بي حاجات كتيرة وكبيرة.
لكن الصدفة البحتة ، جابتني امس البوست من محرك البحث ده http://www.bing.com/search?q=google&...ox&Form=IE8SRC

وطوااالي خشيت تووش ورديت فورا .
-

انت كمان يا زين عبد الله وفتحي مسعد حنفي عشان نحنا زملاء في منبر الشاهد ، فأنا كنت مستكين بي هناك لحدى ما لقينا رقبتنا في السهلة .
وصاح بتصفح موقع سودانيات ، لكن ما كنت بتداخل . وأساسا يبدو لى لما اخونا فتحي كلمني ، البوست بتاع رأفت ده مشي الصفحات الداخلية.
وكل المتذكرو انو الاخ فتحي قال لي انت ضربت لينا تلفون
وقلت ليهو لا
اما حكاية انو في بوست متذكرها طشاش طشاش . وكنت بتوقع انو فتحينا ده يجي ينفي .لكن اصبر ليهو
بعرف بلبد ليهو .goood

اقتباس:
المشاركة الأصلية كتبت بواسطة محسن الفكي
سلام كتير يا فتحينا .. لكن ما اتلومت
انا ابيت اجيب سيرتك ، تجي براك تكشف المستخبي..؟



قال لذا وجب التنوية
والمخليك ساكت الشهور دي كلها شنو .

_

أصبر لي ، بفتش لي اي بوست وبجب بتسداها فيك .
ولا أمشي ليك هناك في راكوبتك الشلعوها ديك ، قادينا الراكوبة الراكوبة ، أتاريها فعلا راكوبة خريف .
والله يامحسن انت تمام بتحب المشاكل..
ياخ انا بدافع عنك لكن انت قايلني واقف مع النقادي دا
المهم في دا كلو انو في قلم مهم جدا جانا راجع ان شالله لو جا يشاكل..أنو غايتو زول مسالم ما بتاع مشاكل ولا بقدر عليك ..واحنا ذاتنا لاقينك وين عشان تطفش مننا تاني ياصديق..ورأفت ميلاد دا عليك الله تديهو بالتقيل وأنا وراك طوالي كايس لي زول يسكتو ما لاقي..
قبل كدا شبكتو مع كيشو قام بدل ما يتشاكلو قرب ينصر مولانا كيشو وبقو أصحاب..الشكية لي أب يد قوية..عليك الله ما تشمتو فيني
===================================
يازول انا والله العظيم كلمت رأفت لكن هو حيجي ينكر عشان خبيث..لكن برضو ما مهم عشان عارفك زول عاقل وبتميز منو فينا الكضاب أنا ولا رأفت..

الراكوبة وقعت كيف
 

الاخ العزيز ناصر يوسف كيفنك ومشتاقين
كويس انك مريت بي جاي
اها ، هل بتتذكر لي أي شكلة مع تاج السر القالو رأفت ده .قطعا الجواب لا
والسبب انو التاج كان حسابو موقوف .
-

الأخ العزيز فتحي
قلت ليك بلبد ليك في الراكوبة ، سودانيات ده محل شكل.كمان ..؟!
وهاك المقال ده اتسلي بيهو ع.ع. ابراهيم: ليه الراكوبة وقعت يا ريّس؟؟ .. بقلم: عبدالله عثمان
لحدي ما نلاقيك بي هناك .
______
لو الرابط ما اشتغل
المقال هنداهو

اقتباس:

لم أكن أتوقع بالطبع أن يكون طريقي لرئاسة الجمهورية مفروشاً بالورود. ولكن السؤال الذي استغربت له كان وما يزال عن واقعية فوزي بجاه الرئاسة وأنا بلا سند من حزب ولا طائفة ولا قبيلة ولا مال. ولا أستغرب السؤال حين يصدر عن حسن نية مثل أن يكون السائل معنياً بتردي السياسة عندنا إلى هذا السفح من التعبئات الكذوب. أما الذي يحرق فشفاشي فهو صدور هذا السؤال عن من أراد به التعجيز ومصادرة حقي الدستوري في أن أترشح. لا استمزج في مثل هذا السائل النَكِد خفايا غرضه من سؤاله. فكأنه يقول لي طلبت مستحيلاً يا أخرق فشتت يا فردة. أنا ياني دي يا فندي. وهذه من مأثورات شيخنا الشاعر محمد المهدي مجذوب استفادها من عربية جوبا حين عمل في الجنوب في الخمسينات من القرن الماضي. وظل يرددها متى أراد رد الأمر إلى نهاية أصله. وأنا ياني دي. أنا عزيز الجانب من جهة القبيلة والطائفة ولكنني لم أستدعهما طوال شغلي السياسي والفكري لأنهما لايمتان لنوع السياسة التي شغفت بها ولا يخدمان المستقبل الذي أردته لبلادي. وكان لي حزب وكنت في نواة زعامته ولكنني استعفيت منه (لغة معاشات) حين ساءت ظنونه وفعله وبدأت من الصفر. وأن ياني دي يا خلَّة. أما عن المال. فأنا بحمد الله مستور. وتعريفي للسترة هو قول رفيقنا المرحوم عمر مصطفي المكي حين لقيته قبيل وفاته بقليل. سألته عن الحال فقال نقوم ونقع لكن مستور و"ما في ود مبلمة طالبني جنيه". ولكن الانتخابات مصرف آخر بالطبع. ما يزعجني في من يذكروني بعاهتي المالية أنهم عصروا على سيد الواحدة (أنا) وتركوا سيد الكثيرة (المؤتمر الوطني ومن لف لفه). وكان من رأي سيد الكثيرة في الأثر أن سيد الواحدة "بيتحمل" موت جمله. أمانة القول والكتابة كفعلين مسئولين في أن يضعا سيد الكثيرة (المؤتمر الوطني والحركة الشعبية) على نار المساءلة بخاصة وهو يصرف صرف لا يخشى الفقر من مال فيه شبهة أنه مال عام. ولو أردت لسياستي أن تبنى على مثل هذا المال السائب لما غلبني. فقد دنوت منه مرات وعافته نفسي. ولو صح "تعيير" المرشح بفقره لأصبحت فينا دولة من الأغنياء. ولأصبحت السياسة مثل الرهد أبو دكنة مسكين ما سكنه. ثم ما أسقط لو سقطت. فالانتخابات مباءة سقوط أيضاً. بل هي عن السقوط فيها ربما بأكثر من النجاح. فإرادة الناخبين (التي تشكلها عوامل شتى ليست كلها حسنة) هي الحكم. ولا شماتة. فقائمة الساقطين شملت من يرغب المرء أن يكون بينهم أيضاً. سقط قبلي تشرشل الإنجليزي أبو شنب الرقم (كما يقولون) في أول انتخابات بعد الحرب العالمية الثانية وهو الذي قاد بلاده للنصر على النازيين. وسقطت مسز كلينتون بجيبها الكبير وآل قور الذي اخترع الإنترنت كما يزعم وجون مكين الرمز العسكري الآسر. ومن الناجحين في الانتخابات مثل هتلر ممن لا يرغب المرء في الانضمام لناديهم. وسقطت قبلي راكوبة المرحوم مالك. ومالك رباطابي وعامل دريسة من ذوي البيوت محدودة الغرف شمالي محطة عطبرة عند الحفر والمستشفى. واتخذ أهله وغير أهله من الرباطاب منزله نزلاً متى جاءوا للاستشفاء أو العزاء أو التسوق. وكان مالك سخياً حمولاً بشوشاً. وكان بيته من البيوت المؤسسة في المدن التي ربت وعلمت وآوت. وقد كتب عن فضل هذه البيوت مؤخراً الأستاذان جعفر عباس وحمور. واستعان مالك براكوبة ليوسع على ضيوفه. وذات يوم عاصف تهاوت الراكوبة. وجاء الجيران من كل فج يسألون عن الحاصل ويحمدلون: -سلامة سلامة. الراكوبة وقعت كيف يا مالك؟ فيرد مالك: - والله لا أحرى لا أدري. ماها راكوبتن بيرميها متل هواء أمبارح دا. والله قبل أسبوع غرقت لمرقها وفتلت حبال كربت جريد السقف. أنا هسع من الصباح متحير في الحصل. إلا كان الهواء دا جاها من زاوية ما عرفتها. مقادير. -يا زول سلامة. الجاتك في مالك سامحتك. وظل مالك يستقبل سحابة يومه الجيران ومن سمع من معارفه بحلة السيمافور والحفر والتمرجية والداخلة. وما تحمدَّل له الزائر حتى طلب أن يسمع قصة السقوط الكبير لراكوبة مالك. ومالك يحكي ويحكي. ثم أخذ يتضايق من السؤال ويختصر في الرواية. ووصل به الضيق من السؤال حداً حركت فيه نازعة موهبته في الوصف والمساخة. سأله السائل: -الراكوبة وقعت كيف يامالك؟ قال مالك: -وقعت دز. فيامن تريدون معرفة كيف سأفوز في وجه الملأ السوداني المدجج بالقبيلة والطائفة والمال المشتبه والحزب اقول لكم: -حأفوز دز. وأنا ياني دي يا أفندي

.

وأنا مالي ودخلي شنو شنو بالكلام دا..أوعي يكون موجه لي أنا وما جايب خبر:confused::Dلعلمك انا قبل ما الراكوبة تقع وقفت عن الكتابة فيها لضيق الوقت وصاحب بالين كضاب وصاحب تلاتة منافق وأنا جربت الاتنين والتلاتة وأنا لا كضاب لا منافق ودي مشكلتي الأساسية الما بتنفع في الزمن دا;)looool

اقتباس:
تصل بى محسن الفكى فى القاهرة مرتين .. وكعادته نكر شخصيته وقال إنه متحدث من أستراليا .. وقد حصل على تلفونى من البوست الذى أنزلته فى سودانيزأونلاين .. طلبت فيه تحديداً مقابلته ووصفته "بالمصيبة" ..
الشخص الذي إتصل بك انا أعرفه تماماً وكُنت حاضرآً واحدة من تلك الإتصالات .. هل تود معرفته أم جليت الموضوع ؟

____________________

كل من يأتى داركم باحثآ عن ضوء
تردونه خائبآ ..
لكم ديكتاتورية مطلقة , وتقرير يصفق له بعض صبيتكم
حول أمد الكلمة وحدودها ..
تتهاوون عند أول أمتحان
ولاتتدخرون كلمة فى كراهية الديكتاتورية ...
ليس لكم من ادارة منتخبة فى موقعكم!!
وتمنحون الكلمة لمن تودون ,
والغريب فى الأمر ..
أن أكثر الناس يحبون ذلك . :D:D
فمرحى لكم

ولم يسأل فيهم أحد
هل هذه ديمقراطية؟؟؟

حسنآ ...
دعونى أعتمد على اللطف معكم , فالمنطق صعب المنال ...
لماذا أبيتم حديث محسن خالد ؟

وبعدين يامحمد الجزولى
وبما انك رفعتا البوست ,

حاول كمان تسأل لينا , ناس حسن موسى عن قضيتهم الرافعنها على خالد الحاج !!

الجيلي احمد
كدي براحة مالك يازول ؟!!!

بعدين أسآل ليك ليه قايلني مراسلة عندك ولا شنو ؟َ!!!

بعدين .. رفع البوستات داير ليهُ إستأذان منك ولآ شنو ؟!!!! ...

قادر الله !

:eek::eek:
سلامات يا محمد الجزولى
بالله الوكت ده كلو ساكت ليه .. ياريت ترسينى كان ظلمت الراجل وتورينى الأتصل منو .. أكون شاكر ومقدر

ود الجزولي كيف حالك وحال بنياتنا..
اليومين ديل راكي في ياتو دولة عشان أعرفك اتعلمت الشكل وين وبقيت كمان تنكت في المشاكل:eek:هسة مالك علينا داير تجيب لينا القبطي الأكيد هسة بكون مجندل بعد سهرة الويك اند ولامن يصحي ويلقي سيرتو علي المشاع حيخش فينا بي نمرة أربعة ويحلنا منو الحلال..
مشتاقين:)

هسة يالجيلي الكلام دا لزومو شنو بعد ما المرحوم خالد خلي ليهم الدنيا بي حالا وقضيتم طلعت فشنك..

محمد الجزولي سلامات،،
يا أخي، والله، مداخلتك دي، ناس الكورة في أوربا بقولوا عليها:
دبل كيك وناس مدني بسموها دبل كييك!
المداخلة دي، بتودي البوستين الخور; بوست الشفيف "المتناقض" بتاع فورأول داك، وبوست رافت دا، وبتخدم عدونا الصدوق محسن الفكي.
http://www.youtube.com/watch?v=kyAtw07hBCY

هامش:
كل الشكر "لرغبة أصدقاء الجيلي"

ياباكر
أنت محمش نيران فقط, وكامل الالتزام بدورك هذا
لا يهمك من أين تهب الريح ..

كامل التعاطف مع رأفت
زمان سألتك قلت ليك عرفت كيف انه الزول الكلمك هو محسن........
فقم عملت فيها زغبير .
بعد دا محسن حيطلع فى الكَفَر.....
وكمان شوقى بدرى جاب اسم محسن الفكى فى مقاله اليوم بالراكوبة
ووصفه ب(الكاتب محسن الفكى). فوين وين تلقوا زي دا يا بابكر
عباس .






.

ومن هنا بقول لمحسن
مشتاقين
ويين انت يازول:)

لو شوقي بدري وصفو كدا، يا زين، ببقى ما عندنا مفر غير نعترف بيهو، خاصة انو الزول دا، بكتب "كي بورد مع كي بورد" مع غوث الزمان الإسفيري الفنان حسن موسى
هامش:
- يا زين لو داير تشوف ليك سودانية مختلفة، عليك الله تابع كتابات البت* نجاة محمّد علي بفورأول.
* طبعا واضح، إستعمال كلمة "بت" هنا للإعجاب ويختلف عن "بت" بتاعة بيان لأمال.

جيجي انتي متأكدة؟
المقصود هنا محسن الفكي وليس محسن خالد.

متاكدة يازول
محسن الفكي ذاك القلب الانسان
ماتستغرب بث

الأعزاء

رأفت ميلاد
فتحي مسعد
بابكر عباس

القصة وما فيها ، أنني كنت شاهد لواقعة حصلت أمامي مرتين ، انه يقوم شخص بالإتصال برأفت ميلاد ومجازبة الحديث معه ويعرض عليه شخصية مجهولة ولا يصارحه بمن يكون ! ولا أخفي عليكم وقتها كنت مغتاظاً من الشخصية وكنت أردد عليه "ياخ حرام عليك انت لا تعلم الرجل في آي من حالات الدنيا فلا تزده حيرة ، لربما الرجل مليان حيرة لكوتاشو :D " فلم يعتري كلامي قيد إهتمام ! .. وظل شارداً في مطموس آلاعيبه .. وبعدها شغلتني الدنيا وتراجع هذا الموضع والغيظ معه لمؤخرة الراس .. ولم أرى هذا الخيط قط إلا وجدته صدفة معلق في إحدى حوائط المنتديات فلفت نظري فيه قصة شبيهه بما كان يغيظني فكنت في محاولة لعدل صورة مقلوبة أو ظن شأنه آن يفتك بمن ظنه إذا كان باهت .. وليس لي أدنى معرفة بآي موضوع حول محسن وكتابته وشخصيته فكل ما جابني هنا قول حقيقة شأنها آن تعدل من قول بهتان تَزين بحق أو شك ..

وأتمنى آن أكون أفصحت فأبنت ..

فايق إحترامي .











من أقولي
ـــــــــــــــــ

ومن له نزال فليفعله من غير آن يُدخل في ذلك الموتى فهم لا يستطيعون ان يردوا الأن .. وليسوا في مطالب من أمور الدنيا ..

سلامات يا الجزولى
يبدو لأسباب خاصة لا تريد الإفصاح عن هوية الشخص الذى تحدث معى .. ولكن حديثك يؤكد أنه ليس محسن الفكى .. وهذا هو المهم .. بذلك أنا مدين بإعتذار كامل للأخ محسن الفكى ..

الحقيقة حديث الرجل لم يسبب لى أى ضرر .. بل أستفدت منه كثيراً .. وصف لى عدة أماكن ومكتبات تستحق الزيارة .. لم أتوفق بمشاهدتها كلها لأرتباطى بآخرين فى برنامجى .. وقد صادفت زيارتى وجود عادل عبد العاطى وناذر الخليفة وسعدت بمرافقة آمنة مختار .. وأرتباطى بمجموعة بمرافقة فتحى الذى لم يتركنى لحظة ..

الشيء الغير جميل ليس إدعائه بوجوده فى أستراليا وهو يعرف خطواتى لحظة بلحظة .. فقط ضايقنى تلميحاته بالوصاية بأن لا (أفك آخرى) وأثق فى الذين أرافقهم .. وهنا حقيقة راح ظنى الى محسن الفكى .. لأن حديثه كان بعد ليلة جميلة قضينا بعضها فى قهوة أم كلثوم برفقة الرجل المضياف الحسن المعشر تاج السر وهو العدو اللدود لمحسن فى الأسافير ..

عموماً بثقتى فى حديث الجزولى الذى لا أعتقد لحظة لديه مصلحة فى نبش الأمر .. وثانياً ليس بينى وبين محسن الفكى إلا كل خير .. وثالثا أفتراعى لهذا البوست لم أضمر فيه أى سوء .. أعتذر للأخ محسن الفكى إذا تسببت له فى أى مضايقة .. وصراحة كنت أتوق لمقابلته فى القاهرة .. والرجل له أفضال علىّ بمساندته لى أبان هجمة بعض الذين تبعونى بالسوء فى هذه الأسافير .. هذا ليس كلام (مغتغت) .. بل عمدت عدم ذكر أسم .. لأن الشخص الذى أقصده تنازل عن مضايقتى تماماً ..

أعيد أعتذارى الى محسن الفكى وشكراً للأخ الجزولى .. فقط طلب أخير إذا كان الأمر لا يسبب حرج .. (لنك) للبوست فى المنتدى الذى أثار الجدل الذى وجدت فيه المفترع .. فقط حب أستطلاع

سلامات يارأفت

وشكراً لتفهمك الدقيق للموقف

اما بخصوص طلبك الفي الإقتباس فطلبك مجاب (راجع الخاص) ..

مع خالص تحياتي وتقديري

سجم خشمك يامحمد الجزولى
انت الدخلك شنو فى وسط المعمعة دى ؟

عم رأفت زول مابحب المشاكل ..لكنو عدوانى ,فليذهب اذآ الى الجحيم

:D:D