التصويت علي مقاعد مجلس إدارة سودانيات ..
سلام الله عليكم .
بعد انتهاء فترة الترشيحات رست القائمة علي المرشحين أدناه : 1/- فيصل سعد 2/- شبارقة 3/- فتحي مسعد حنفي 4/- الجيلي أحمد 5/- منال 6/- أسامة الكاشف 7/- عكود الأربعة الذين سيحصلون علي أعلي الأصوات سيكونون مجلس إدارة سودانيات للدورة 2010 التصويت لا يتم في البوست وإنما أعلي هذه المداخلة باختيار أربعة من ضمن السبعة مرشحين. لا يفوتني هنا أن أتقدم بشكري الكثيف وامتناني لمجلس الإدارة السابق دورة المرحومة غيداء أبوصالح .. قمتم بعمل كبير يا شباب .. وأجدني والله عاجز عن شكركم واعلم جيدا أن الشكر هو آخر أهدافكم . هذا التصويت ينتهي بعد أسبوعين من تاريخ اليوم 2يناير 2010 بالتوفيق... المشرف الفني. |
ملاحظات فنية :
(1) التصويت سري مباشر. (لا يظهر اسمك أو لمن قمت بالتصويت) . (2) السستم يسمح للأعضاء فقط بالتصويت. (3) يمنحك السستم الحق في اختيار (7) مرشحين لكنك تكون كمن لم يصوت . والأفضل أن تمنح صوتك لأربعة مرشحين أو أقل حسب مشيئتك . والأمر يعتمد علي الأمانة الشخصية. (4) سيغلق التصويت "أتوماتيكيا" بعد أسبوعين من تاريخ اليوم . |
كل عام وانتم بخير
اقتباس:
2 .. لو الامنية اتحققت ولقينا تقنيات مماثلة في السودان .. ارشح نفسي لرئاسة الجمهورية وانا مطمئن !! 3.. كنت وقتها ( بعد ان يتحقق 1و2 )اختار القائمة كلها واصوت لكل النازلين معايا .. ياريت المرشحين (السبعة هنا ) كل واحد فيهم يختار القائمة كاملة من باب النزاهة والترفع عن حب الذات 4.. يعني يوم يوم 15 /16يناير ..ربنا يسهل (ننتظر ونشوف الموقف ).. |
تسلم يا خال
وأنت ترسخ تجربة اسفيرية رائدة نتعاهد كلنا على تطويرها يوماً بعد يوم لا فرق بين من هم في المجلس والأمانة أو على مقاعد الاحتياطي هو الانتماء يا خال "لكن بصراحة حيرتونا الزول يدي منو ويخلي منو خصوصاً الود الرهيب رقم "6" دهgooodgoood |
ما شاء الله
56 زول صوتو في ساعات قليلة نتمنى رقم قياسي تخريمة: شبارقة أنا شايف في تفرقة عنصرية الصعايدة حالتهم تحنن وخصوصاً إذا ضميت ليهم الخواجة وهو زول صاحبنا وزياراته لي بوستنا لبستو العمة وشيلتو النبوت :p:p |
[align=right]كلهم ممتازين ورهيبين وانت اولهم يا خالد الحاج يا اخوي [/align]
|
يا ليت أهلي بالسودان
يحذون أهل سودانيات في تجسيد الديمقراطيه وحرية الاختيار وللاخ خالد الحاج وجميع أسرة سودانيات التحايا والاشواق وكل عام والجميع بالف خير مع أمنياتنا أن يعم الامن والاستقرار والرخاء ربوع سوداننا الحبيب ودمتم بالف خير وعافيه |
اقتباس:
[overline]دعاية إنتخابية:[/overline] صوت لثلاثة فقط .. أسامة .. منال .. عكود إختيار الثلاثة ديل يضمن الحيادية الكاملة وذلك بائن من مجريات المنتدى .. الجيلى وفيصل وفتحى بتوع ناسات .. وشبارقة وضحت ليكم نزعته الإستخباراتية فى بوست أسامة. أخى الزميل لكى تضمن الحيادية وتمام (التجدع) فى المنتدى .. رشح أسامة وعكود ومنال .. رزيرف فيصل .. أياكم وإياكم شبارقة gooodgoood |
مع احترامى للجميع ..وآراءهم
وليس تأثيرا على أحد أنا أرى اعطاء الفرصة لاثنين أرى أنهما يستحقان عضوية المجلس .. الجيلى لأنه كان مجلسا لوحده لم يجد الفرصة للانجاز( المجلس الاسبق دورة 2008). و فتحى مسعد لأنه يستحق ولأنه يشارك فى ترشيح نفسه وقبول الترشيح .. و يظلمه اسلوبه الجميل فيما يظنه الناس لتنشيط الانتخابات .. هو سينشط مجلس الادارة . يكفى واحد/ة من المجلس السابق للفوز .. فسودانيات زاخرة بالقيادات .. |
اقتباس:
اقتباس:
(الرحمة فوق اللوائح).... عشان العايز يتجدع يكون مطمئن. ممكن أصوت لزول واحد أربعة مرات goood . |
دخلت اول ادراة فى سودانيات عن طريق الصدفة
فانا عادى فى كل شئ وليست لى من خصلة تجعلنى افوز بمقعد فى الادارة.. هذا الأمر فى حوجة لسعة البال وانا سريع الانفعال وهو امر يحتاج للترتيب وانا اعلنت نفسى ملكآ للفوضى منذ امد طويل فياايها الناس عليكم بمن يخدم قضاياكم |
اقتباس:
لم يتردد في المرتين الامانة العامة والمجلس يجب ان يعطي فرصة ولا للمجاملات ترشحا او تصويتا الزول دا من هسي بخرخر:D يدي الحلق للبلاودان:mad: |
ياخوانا الجيلي قال كلام واقعي ومفيد وصدقوني أنا كنت حأعترض غلي ترشيحو وترشيحي ودا طبعاى لاسباب منطقية مع الشكر للباش معتصم.. الجيلي راجل انفعالي لا وسطية له في ما يؤمن به وهذه صفة جيدة ولكنها لا تصلح للخدمات العامة..أما أنا فعكسه تماما ..راجل أعشق البهجة والهزار والدخول كأحد أفراد المجلس يقيدني ويؤثر في الشخصية التي ارتضيتها لنفسي وعرفتموني بها.. أنا شخصيا أعتقد ان النتيجة محسومة بالنسبة لعكود وفيصل ومنال كما ذكرت في بوست أخر..لذا يتبقي أمامنا أسامة وشبارقة لنختار منهما من نراه الأصلح.. |
مع الاحترام والتقدير لكل الآراء
الالتزام بما سوف يفرزه صندوق الاقتراع مهم لترسيخ التجربة وأنا متأكد التلاتة الما حيفوزوا حيسهموا بكل ما يستطيعوا من جهد في تطوير المنتدى نخلي التجربة تاخد مجرى تطورها الطبيعي لأن كل شخص اختار عندو رؤية وقراءة خاصة للشخص الاختارو ودي ما ساهلة يعني الزاوية البعاين بيها أنا لي جيلي أو فتحي مثلاً قد تختلف عن حتى رؤية أي منهما لنفسه (في الحتة دي ما في رحم الله أمرئ عرف قدر نفسه) لأن قدر المتصدين للعمل العام تحدده الجماهير وتحدده أطروحات المتصدي للعمل العام محبة وتقدير للجميع |
[align=justify]عفوا ً سادتي
هذا البوست يفترض أنه للتصويت أو أي إعتراضات على التصويت وما يتعلق به من مشاكل في السستم وهكذا ... هذا البوست ليس مكان للدعايات الإنتخابية أو الإعتراف بعدم أهلية البعض أو محاولة إنسحاب البعض أو الطلب من الأعضاء التصويت لزيد أو عبيد ... يقيني أن هذا البوست للتصويت فقط . بوستات الترشيحات والموافقات والإعتذارات والإنسحابات لقد تم قفلها مسبقا ً. يمكنكم فتح بوستات منفصلة للدعايات والبرامج الإنتخابية كمافعلت الأخت آمال ولا حرج في ذلك طالما باب التصويت لم يقفل بعد ... وللأعضاء مطلق الحرية للوقوع تحت تأثير الدعاية الإنتخابية أم لا ... إجراء الإنتخابات هنا في سودانيات هي تجربة مفيدة ويجب علينا إثرائها والعمل على ترسيخها دون تعد ٍ على الديمقراطية. أنا شخصيا ً إعتذرت مرتين للذين قاموا بترشيحي سواءا ً في الأمانة العامة أو هنا ... ولكنني لما رأيت الجميع يعتذرون ويتهيبون ... قبلت ، ولو كنت أدري أنهم سيتنادون في آخر لحظة لينقذوا تجربة الديمقراطية من الغرق لما كنت قبلت بترشيح نفسي ولكنت أفسحت لهم الطريق فهم أقدر مني على ذلك هنا ولهم التجربة والريادة. الله من وراء القصد ... ودمتم سالمين ،،، [/align] |
اقتباس:
ماللدرجة دى كمان ياعمك :D:D:D:D |
اقتباس:
شوف أسمع طول ما انت متقدم علي بالأصوات أنا حأحاربك بلا هوادة حتي أتقدم عليك.. بعدين انت ناكر شنو في كلامي:confused: انت زول عامل زي برميل البارود المختوت في الحوش لو جا أي شافع ولع جنبو عود كبريت بطرشق.. كدي جيب ليك قزازة بوكما وختها قدامك وابتدي أقرا البوستات الانت متداخل فيها وفي الآخر حتلقي القزازة خلصت بدون ما تحس وتقول والله فتحي دا كلامو صح..انت ما عندك وسطية يا بتحب يا بتكره يا عدو يا صديق عامل زي القطر الياباني الاسمو الطلقة مافي حاجة بتوقفو الا يصل لي المحطة الماشيها..ياود يا قطر:Dgoood:D |
اعطيت صوتي للجيلي فقط عشان عضوبة المجلس تلجم الغضب الزايد دا
|
اقتباس:
ها ..كان كدا صوتك راح أونطة وكنت أحق بيهو أنا عديم الغضب:D:D |
اقتباس:
شكرآ يابابكر وصوتك لى وكل اصوات الزملاء والزميلات قلادة شرف على عنقى ومعآ نحو ممارسة ديمقراطية حقة ولاتصوتوا لفتحى مسعد:D:D |
اقتباس:
وبدأ الضرب تحت الحزام...خليكم شاهدين..الزول دا كان اتزحلق في الجليد ووقع اتكسر ما تزعلو مني عشان كلامو دا خلاني مشيت لي واحد فلاتي قريب سارة عشان يقوم باللازم وقال لي نوم قفا الزول دا كان تم الانتخابات تعال شيل بياضك راجع وعلي نفسها جنت براقش وبصراحة أنا براقش دي ما عرفتها لكن يمكن تكون واحدة عندها علاقة بالجيلي;):p:mad::( |
اقتباس:
يا خواجه الجيلي دا بعد كدا بجيك في مصر الجديدة براقش دي قالوا العرب في حروبهم الجاهلية أغارت قبيلة على أخرى فقتلوهم عن بكرة أبيهم ولما انصرفوا نبحت عليهم كلبه القبيلة المقتولة وكان أسمها براقش فرجعوا لحقوها فبيلتها وقالوا كان سكتت ما كنا شايفنها على نفسها جنت براقش فصار مثلاً[/align] |
اقتباس:
شكرا يكباشي علي التوضيح ولو انو الحكاية أنا عارفا من الأول لكن عندي مآرب أخري أعلي من سد مأرب.. انتو ياخوانا أنا قلت ليكم ما تقنطرو لي عشان أنا زول أهوج وبشوت طوالي وهسة برضو حأشوت عشان عارف الجيلي أعياد الميلاد بوظت ميزانيتو وما حيقدر يجيني القاهرة.. أنا ياسيدي في قصتك دي كلها أنا هاماني الكلبة دي..دي واحد والحاجة التانية أكيد الفلاتي ما بكون سمع بي براقش وقالا قاصد حاجة تانية ألله أعلم شنو.. كفاية قبال ما يجينا التيجاني دي قانقو الجاري وراهو عنقريب الجنازةgoood:Dgoood |
اقتباس:
والله العرب ديل طلعوا أى كلام .. ونحن نشيل ونكتب :D:D |
السلام عليكم
أها يا أخوانا ( صوتنا ) وماحدش سمي علينا... وعزلنا من كل ( كبش ) ثمين .. وطربنا وفرحنا عندما ظهرت النتيجة بعد الإدلاء ( بصوتنا ) .. لي مدة كدة داير أغني في سودانيات ( الحوش العامر ده ) .. غايتوا الفائز من الإخترتهم بغني ليهو ( مجناً ) .. التوقيع: فنان واعدgooodgoood |
اقتباس:
وبالله عليكم اكدوا لي حاجتين ( براغش و لا براقش ) (كلب ولا كلبه ) اخوكم احول في التذكير والتأنيث.. |
الكلام دا موجه للأخ خالد والأخ النور..
أولا لو سمحتو تورونا العدد الفعلي لأعضاء منتدي سودانيات عشان الصوتو لغاية الآن 104 عضو وديل لو ما فايتين 50% من عدد الأعضاء تبقي الانتخابات باطلة خاصة لما يكون فيها مؤامرات من الأسايطة المنظمين:D وأكيد عدد الصوتو من الأسايطة لي ناسم ما حيقل عن 30% من عدد المصوتين:mad: أنا مصر انو في مؤامرة علي عشان أطلع الطيش والانتخابات دي لازم تتلغي ويعاد فتح باب الترشيح من أول وجديد عشان أنسحب وأطلع بي كرامتي.. ألله يسامحك ياعكود الخليتني أقبل بالترشيح بدون حملة انتخابية بعد ما انسحبت في البداية وأهي دي نتيجة المجاملة:mad::(:mad: |
| الساعة الآن 04:00 PM. |
Powered by vBulletin® Version 3.8.8 Beta 2
Copyright ©2000 - 2026, vBulletin Solutions, Inc.