الأستاذ رأفت ميلاد مفتيا...
من خلال حوار مع الاستاذ رأفت ميلاد في بوستر الأخت أم التيمان (عن النقاب) أفاد بما معناه أنه يفتي...
بصدق لقد وجدناك تعلم الكثير عن الأسلام وذلك بحكم التداخل الجميل لفسيفساء مجتمعنا السوداني مسلمه ومسيحيه ووثنيه وحتى يهوديه يوما! ولكن لعل العديد منا يجهل الكثير عن الدين المسيحي على أجماله... فليتكرم الأستاذ رأفت بالأجابة لنا و(الفتيا) على الأسئلة التي سيطرحها الأحباب هنا(عن الدين المسيحي) لتعم الفائدة. أستفتح شاكرا بالسؤال التالي: هل تؤمنون كما نؤمن في الأسلام بأله واحد أم تتعدد الآلهة لديكم شكرا أستاذنا :) |
عزيزي عادل...
ياخ مالك علي الراجل ... هسه هو حرد ليك البوست بتاع النقاب داك. الذي افترعتة ام التيمان وحتي الان لم افهم المقصد منه؟؟؟؟ تقوم تجي قاصدو عديييييييل بي بوست جديد المهم: ياخ الجماعة ديل عندهم الرب ثلاثة اجزاء ... وعلشان يفهموها ليك حدخلوك بي حمد وطلعوك بي خوجلي.. لما راسك يلف.. المهم انا لا افتي ورأفت في سودانيات... تحياتي ، وها نحن في انتظار السيد الوجيه رأفت ميلاد... و مسبقا علي ما اظن انا ليس لدي اي اسئلة ... وسوف اكتفي بالقراءة فقط دمتم |
البوست دا خطير
صباح الخير عسول يا اجمل الكلماتlooool صباح الخير اخوي ود ابوي عبد العزيز متابعة بشغف00 |
اقتباس:
بالمناسبة بوست أم التيمان كنت قايل أنا فاهمه لما جا الوضيئ وكيشو .. لقيت الخيل تجقلب والبغلة فى الإبريق على قول سارة (دخلت لى إسم زول :p) .. لكن غالباً أنا صاح عشان فاهم أم التيمان صاح .. إمرأة واضحة ما محتاجة تلتلة عشان تعرف مقاصدا .. بس فهما لازم يتغير (رضت أم أبت) على قول كيشو .. غايتو يا عادل أوراقى جاهزة ومستعد بكل الأدوات عشان (أنصرك) .. بس عندى إتنين فى يدى قربوا يستوا (فتحى وود مخير) .. ويقال بابكير .. لامن أفضى ليك أنت أمشى كمل الفراش بتاعك .. وبطل الحرفنة دى يا حاج .. أنا هنا فى (حرمة) قدر بناتى أدتنى فى راسى لامن دخت .. التوقيت غلط شديد .. أنت يا عادل جيت الخرطوم سنة كم ؟ :Dgoood:D |
[align=center].....................[/align]
[align=right] الحبيب عادل : زمان أيام الداخلية فى السبعينات سنة ألفين وخمسة ، بالتحديد كدا فى داخلية ( حسيب ) كان عندنا واحد كدا صاحبنا ، تلاقيهو تسألو من أى حاجة يرد عيك بطرافة منقطعة النظير ، مرة كنت مفلِّس و جيعان جوع شديد و الدنيا إمتحانات لاقيتو سألتو ياخى ما بلقى لى عندك ضحَّاكات ؟ قال لى : عليك الله سُعالك دا مو سُعال ختا ؟ دحين هسع يا أخوى بوستك دا مو بوست ختا ؟ ............. رأفت ميلاد : ما بلقى لى عندك ضحاكات ؟ :D :D .......... لكم جميعا محبتى التى تعرفون .[/align] [align=center].....................[/align] |
اقتباس:
أنا بصراحة قاعد اجتهد شديد عشان أناقشك لأنك زول ما ساهل (دا ما شكر ولا بلبصة ولا خوف) إنت العارفو عن الإسلام أكتر من ناس مسلمين كتيرين ولهذا لقبناك في بيتنا بـ (مولانا رأفت)، أختنا أم التيمان أوردت عبارات فيها زجر واتهام للمنقبات عشان كدا قلنا نقول ليها (ستوب) بطريقة لطيفة، وممكن أم التيمان تقول يا ناس أنا ما مسلمة وفي الحالة دي حنخليها تدعو للدين الذي تراه أنا حاولت أشرح ليك كيف يتوصل المسلمون لأحكامهم الشرعية، وحاولت أبين أن الأمر دين حتى لو فهمنا غير ذلك، وبالمناسبة دي قلت ليك أمورنا كلها دين (يعني محكومة بالشريعة رضينا أم أبينا) أنا ذاتي ما بني آدم يعتريني ما يعتري البشر وتميل نفسي كما تميل نفوس البشر (وما في داعي للتفاصيل) المهم أنا تحكمني شريعة ارتضيتها وما زعلان بل فرحان ومتصالح مع نفسي (طبعاً العبارة دي حقت الجماعة ديلك:)) يا رأفت ألم تفكر مرة في حياتك العريضة دي في حاجة وغيرت رأيك لأن القوانين تمنعها؟ الشريعة برضها قانون تحكم حياتنا رضينا أم أبينا[/align] |
اقتباس:
بوست النقاب قال حرّدو ليهو واحد صاحبو وأنا ماصاحبو أنا نسيبو :D شكلو بيذاكر وجاي الغريبة في بوست النقاب وغيرو رأفت دة مذاكر كويس ترانا راجنّو بي جاي :D:D تسلم ياحبيب |
اقتباس:
جيت ال(خرتوم) -على قول منال-زائر والاّ للسكن؟! لو زائر جيتا شايلني بعد ولدوني في كسلا وتاني رجعوا بي;) لكن لو للسكن فاشتريت فيها ارض بيتي الحالي دة سنة 1989 ماعلينا كدي خلينا من الكلام البطشش البوست دة وجاوب لينا يعني ماداير لينا الهداية زي ماقلت لي فتحي والاّ شنو؟! بالجد يارأفت عاوزين نستفيد ونتنور عن المسيحية أكتر وأثق بأنك أفضل من يستطبع ذلك أذ راينا لك (فهما) و (ادراكا) حتى في مسائل ديننا الأسلامي مودتي |
اقتباس:
ورأفت أيضا ولا احسبنا قد (ختينا) عن سياق تلك المحبة قيد انملة ياالوليد:D تسلم |
اقتباس:
أبقى عافية ياخوى جبت المفيد فى زمن ما بدور المفيد .. |
قال كيشو:
اقتباس:
اقتباس:
|
اقتباس:
|
رأفت
اعمل حسابك عادل دا داير يوديك الماسورة و لو بديت تجاوب على السؤال بتاعو اوعة تقول نحن صحبانك و حات سيدي الحسن نزنقك زنقة جلب في حلة هوسا (هوسا عشان سارا ما تجي ناطة و معروف انو الهوسا بكرهو الجلب) take care man!0 |
اقتباس:
اقتباس:
|
اقتباس:
لوووووووووووووووووووول كامل التضامن معاك يا رأفت يا أخوي الزقاق الدخلوك ليهو هنا دا أنا ما عندي فوقوا طريقة كتابة لكن تعالي في موضوع الجيلي تضامن معاي هناك .... بضامن معاك وبفتح ليك بوست : تضامنوا مع رأفت ميلاد في إتهامه بالإفتاء الإسلاموسياسي وسأكفيك شر المتأسلمين وتحيا العلمانية و الله اكبر و لله الحمد |
اقتباس:
طلعتنى بتاع زقاقات يا حاتم .. :mad: خليك فى مشاكلك مع الجيلى نحن مشغولين .. بحسب فى الحيطة |
اقتباس:
و الحالة الموضوع بسيط و ما داير تضامن وانت ادرى بلغة (الاعراب) اكثر مني ولن ازيد لك ودي الذي تعرف |
اقتباس:
اقتباس:
وعضضه الحاج يا جماعة البوست ده قالت ليكم بدور خطيييير .. ما تساعدونا عشان (نفتى) |
[QUOTE=كيشو;185342][align=justify]يا رأفت ميلاد
أنا بصراحة قاعد اجتهد شديد عشان أناقشك لأنك زول ما ساهل (دا ما شكر ولا بلبصة ولا خوف) إنت العارفو عن الإسلام أكتر من ناس مسلمين كتيرين ولهذا لقبناك في بيتنا بـ (مولانا رأفت)، أختنا أم التيمان أوردت عبارات فيها زجر واتهام للمنقبات عشان كدا قلنا نقول ليها (ستوب) بطريقة لطيفة، وممكن أم التيمان تقول يا ناس أنا ما مسلمة وفي الحالة دي حنخليها تدعو للدين الذي تراه أنا حاولت أشرح ليك كيف يتوصل المسلمون لأحكامهم الشرعية، وحاولت أبين أن الأمر دين حتى لو فهمنا غير ذلك، وبالمناسبة دي قلت ليك أمورنا كلها دين (يعني محكومة بالشريعة رضينا أم أبينا) أنا ذاتي ما بني آدم يعتريني ما يعتري البشر وتميل نفسي كما تميل نفوس البشر (وما في داعي للتفاصيل) المهم أنا تحكمني شريعة ارتضيتها وما زعلان بل فرحان ومتصالح مع نفسي (طبعاً العبارة دي حقت الجماعة ديلك:)) يا رأفت ألم تفكر مرة في حياتك العريضة دي في حاجة وغيرت رأيك لأن القوانين تمنعها؟ الشريعة برضها قانون تحكم حياتنا رضينا أم أبينا[/align][/QUOTE] سلام وتحياتي وانا كمان ياكيشو كلامك ده ما فطيتو .. لكن وصلنى رافت من البداية عندو رائي في علماء المسلمين والنقاب و و و المشاركة الأصلية كتبت بواسطة كيشو إنت العارفو عن الإسلام أكتر من ناس مسلمين كتيرين كيف الكلام دا اتهام المسلمين بي الجهل وكثيرين كمان علي الاقل قوال بعض ???? عادل تحياتي رافت انت تعمل اقتباس كيف اشرح لي انا عند جهل في النت في الدين لا وتحياتي |
السيد الأمين العام
رسالة مفتوووووووووووووووووووووحة البوست دآ ينقفل حسي يعني جهوية وشبعنا منها سياسة وقرفتنا لغة وإتفلسفنا فيها كمان نجي ننطتط في الخطوط الحمراء لا رأفت بيقدر يفتي في الإسلام ولا عادل هو الزول المكمل الإسلام بالله عليكم الشفااااااااااااااااااااااااااااااااافية الحبيب عدولي ما في ليهو معنى بوستك دآ عليك الله "فنشهو" ليك التحايا الشقيق روفي "لكم دينكم ولي دين" وربنا هو الهادي ما تقع في الخية (عند المصريين المقصود بيها، العقدة البربطو بيها الرقبة في الشنق) مشاركة وقدر الحال |
اقتباس:
|
اقتباس:
أتفق معاك على اقتراح قفل البوست، ولكن أطلب ذلك من عادل طبعاً أنا ضد هذا البوست من ناحية دينية بحتة، وأذكر الأخ عادل بقصة الرسول صلى الله عليه وسلم عندما جاءه عمر بن الخطاب بصحائف من التوراة[/align] |
اقتباس:
:( آها بالله شوف ليك حالة مسلمين وما ناقشين:p |
اقتباس:
اقتباس:
[align=justify]أهلاً يا نجوى جهل الكثيرين من المسلمين دي حقيقة وليست اتهاماً ورأفت يفهم اكثر من كثير من المسلمين دي برضها حقيقة (على الأقل رأفت محايد وممكن يشجع اللعبة الحلوة):)[/align] |
اقتباس:
مافيها حرفنة يا نجوى .. فيها فياقة . بشيلا فى الماوس واحدة واحدة .. غايتو هسة ما محتاجاها فكرتك وصلت .. أنا يختى لا بفهم أكتر من المسلمين لا كيشو قال كده بالخطر فى بالك .. المقصود (معلومات) ما دين .. يمكن يا نجوى وأنا دارس لحدى الشهادة الثانوية .. إكون عندى معلومات أكتر من خريج (أوسط) أو زول ما دخل مدرسة .. كده أنتى بتقعى فى (مصيدة) البوست ما (أنا) اقتباس:
اقتباس:
اقتباس:
عموماً ده طرفى .. تقفلوه .. تفتحوه .. ترشوا الحوش .. على كيفكم .. ألخص ليكم البوست بسرعة .. والشكر لى (مى هاشم) التقول مكشوف عنها الحجاب .. وبالكم ما يمشى بعيد .. القصة ما ليها أى علاقة بالموضوع ده .. بس عملت لى قبلها جلسة نفسية وقعدتنى قدام نفسى .. طلعت كل الشرور .. (مؤقتاً) :) .. وكنص علاج .. (زى أنصاف متعلمين :p) .. داخل ومتخارج بالواضح الما فاضح .. وما حأستمر فى لعبة (من حفر حفرة لأخيه وقع فيها) .. الشاهد: الوضيئ بذكركم (الزول ده) نصرانى .. ومن المفترض يكون (عدو) .. وتففرزوا هجومه على الوهابيين والكيزان من هجومكم .. وبقول ليكم (الزول ده) قاصدكم فى دينكم .. (فهمت الأقواس يا بابكير!) .. طبعا عادل عسوم (كوز) يا شبارقة .. ويتحلى بكل نعومتم ولدغتم القاتلة .. مداخلاته الكلها (وجوه تعبيرية ضاحكة) معجونة بسم زعاف .. أجاوب ليكم على سؤاله فى صدر البوست عشان حاج عبد العزيز يتفشى .. أيوة يا سامق عندنا (3) الله .. اللاة والعزة وهبل .. نحن دين وثنى .. معليش يا سرورة يا بت أمى وأبوى .. غلبنى أحفظ وعدى .. فتكم بعافية أبقوا عشرة |
اقتباس:
البوست غير موفق من وجهة نظري التي تهتم بالعقيدة والشريعة، ودا ما بيعني إنو عادل خصمي بل هو زولي وأخوي، وهو ما محتاج لي لا للتنسيق معاهو ولا للدفاع عنو لأنو عندو طريقة خاصة به في معالجة المواضيع كما أني لا أجيد لغتو المنمقة (انا زول فول وطعمية:)) أما هبل واللات والعزى فهي آلهة العرب في الجاهلية، والنصارى ربهم واحد وعقيدة التثليث أوقعهم فيها الشيطان حسب خطبة الجمعة قبل الماضية الإتذكرتك فيها والتي شكّك فيها الخطيب بتاريخ 25/12 كتاريخ لميلاد المسيح عليه السلام [/align] اقتباس:
|
اقتباس:
|
تحية طيبة للجميع
قال الله تعالى قال (لتجدن أشد الناس عداوة للذين آمنوا اليهود والذين أشركوا ولتجدن أقربهم مودة للذين آمنوا الذين قالوا إنا نصارى ذلك بأن منهم قسيسين ورهباناً وأنهم لا يستكبرون) صدق الله العظيم.. *أخي عادل..اسمح لي بإبداء رأيي في البوست..لا أصفه بالغير موفق فحسب لكنه يثير الكثير مما نحن في غنىً عنه..ولا أعتقد أنك من سؤالك لرأفت تريد المعرفة فقط!!وإلاّ فسله بصورة مباشرة ودون وضع أي نوايا مسبقة غير (المعرفة)..أما ما شعرت به-وأرجو أن لا يصدق- فهو جر الرجل بصورة غير مباشرة إلى نقاش ديني بحت وتفنيد عقيدته وهذا (من وجهة نظري الضعيفة) ليس نهج الحبيب صلى الله عليه وسلم وأنت أدرى كيف كان يعامل الكفار و(جيرانه) من اليهود!!فأرجو منك شاكرة طرح رؤاك ومفاهيمك الإسلامية فقط دون الزج بما يناقضها وثق أخي بأن من أراد الحق يبحث عنه وحتماً يجده لأن الله لا يضيع عمل عامل منا، ولأن من أتى إلى الله مشياً أتاه الله جل وعلا هرولة(من هنا شاملة كل الناس)، وأذكر دوماً بيتاً من الشعر للشيخ قريب الله الشيخ أبا صالح.. إياك تحكم بالشقاء على امرء في المسلمين مجاهراً بفساد فالحكم غيبي وربي قادر أن يبدل الإشقاء بالإسعاد وأبدل دائماً كلمة المسلمين بـ(الناس) إذ أن القلم بيد الله يمحو ويثبت وعنده أم الكتاب..ولا ندري أنموت على الحق أم على الباطل!!فادعو الله لي ولك ولكل من تعرف أن نلقى الله بقلب سليم.. تقديري *العم الحبيب رأفت..لا أعرف علام تشكرني بالضبط!!لكن (عفوا:))..ثم إني أحب (حقاً) أن أعرف عن الدين المسيحي لكن من شخص مسيحي(فضول لا أكثر)، ولا أعرف كيف يمكن أن آخذ هذه المعلومات؟!! محبة واحترام |
اقتباس:
انت يا مي! رأفت دا غير الجرجره و النقاشات الدينية عندو شنو؟ ما تخليهو يجرجرو! انا حذرته، لكن و حات سيدي الحسن كنت دايرو ينزل الملعب عشان نجننو ليك في راسو دا، و اقول ليهو يا زول نحن ما حذرناك! الجابك شنو؟ |
اقتباس:
جابتني الكترابة المدفونة تحت البوست ده..وبعدبن يا بابكر يا أخوي ده موضوع (حساس) لا يحتمل إهانات وتهزيء ومهاترة بأي صورة من الصور.. والله بالنصيحة هو جنو نقاشات دينية وجرجرة..لكن هو واحد و(نحن عصبة) وما بجي الكلام ده!!ولا شنو؟؟ |
وين النوبة
نعم لفصل الدين من الدولة __________________ رأفت ميلاد الاخت مي هاشم..السلام عليكم ....هذا هو من تدافعين عنه ...أليس هذا استعداء...فكما تدين تدان ...والمسآله نديه ..ليس الا |
اقتباس:
أنا أوافقك على جزء كبير من آرائك و اتفق معك فيها و هي آراء (إنسانية) في المقام الأول لا علاقة لها بدين أو معتقد. وإنتا ما محتاج لي شهادتي شديد و لضديد تحمد سيدك وأنا هنا دا أتحدى أي (كوز ما كوز خاتف لونيين متأسلم) يجي هنا دا يكفرني و يطلعني من ملة الإسلام عشان أنا قلتا إني بوافق على آراءك و أفكارك!!! :mad::mad::mad: وخلي الرهيفة التنقد ذاتو ما يهمني :mad::mad: زهجنا من غثاء المتأسلمين و حربائيتهم و دوارنهم حول انفسهم و محاولاتهم الفاضية دي الدين دا لي الله في سماهو و الوطن دا للجميع والماعاجبو الكلام دا اليمشي يشوف ليهو دولة متأسلمة زي الصومال و لا طالبان يعيش فيها استغفر الله العظيم |
اقتباس:
انا مسلم يا ابو محمد و بشهد لا إله الا الله و بقول كمان يفصلوا الدين حق ربنا من احلام المتأسلمين بالجلوس على كراسي الحكم و إدعاءهم أنهم ظل الله في الأرض و أي متأسلم يقول داير يحكمني بإسم الدين يطلع لي التفويض الاداهو ليهو ربنا عشان يحكمني موش تبقا الحكاية فوضى ، أي واحد يجيني ناطي يقول لي هي لله هي لله يتشنقل فوق رقبتي معليش كلنا بنخاق الله و بنعبده لكن دي ما حاجة بنجي نمن بيها على الناس و نطلع بيها فوق ضهرهم |
أخي العزيز أبو محمد
أولاً أنا لا أدافع عن (أحد) أدافع عن النصفة والعدل..إذ ليس من العدل ولا من الإنصاف أن نجتمع على (واحد) ونحن ألسنة تدافع من كل الجهات..وليس من خلق الإسلام أيضاً أن نجرجر الناس (أياً كانوا) إلى ما نريد بقصد إثبات أنهم على باطل فقط وإنما الأنسب أن تقوم مناظرة بين اثنين(man to man) ويكون نقاشاً موضوعياً لا جدلاً ومهاترات..والأهم فيه المقصد وهو ما ينافي هوى النفس من عزة بالنفس وتفاخر بالأسلوب وطريقة الكلام والعبارات وتكون النية الحق فالحق!!(ولا أنا غلطانة؟؟) ثانياً:قال تعالى في سورة الأنعام(108) (ولا تسبوا الذين يدعون من دون الله فيسبوا الله عدواً بغير علم كذلك زينا لكل أمة عملهم ثم إلى ربهم مرجعهم فينبؤهم بما كانوا يعملون) صدق الله العظيم والسب هنا ليس بالضرورة أن يكون شتماً بلفظ واضح لكنه ما أعني من مهاترات وتهزيء وغيره كما تفضلت بطرح مداخلة لرأفت اعتبرتها أنت من باب السب!!لأنك مسلم تحمل معتقد مغاير لمعتقده هو..ومن حقكما الاعتقاد فيما تشاءان والدعوة له!!غير أن الاحترام هو الواجب على كليكما..ويتحقق ذلك بالنسبة لنا كمسلمين باتباع نهج الرسول عليه الصلاة والسلام من حسن الخلق والدعوة بالموعظة الحسنة خاصة وأن هذا عصر الحريات والاسلام صالح لكل زمان ومكان فيجب علينا إيجاد طريق للدعوة في هذا الزمان وهذا المكان!! أرجو أن لا يتحول النقاش بيننا ونترك الموضوع الرئيسي.. |
اقتباس:
|
اقتباس:
اعدك أن لا أكون طفلاُ غراً :D لا يوجد - خلط للكيمان - فأنت من جلب الكلام عن الدولة الدينية (نعم لفصل الدين عن الدولة) من كلام رأفت اليس كذلك ؟ أما الإنكرابة فهي ليست من مقومات النقاش فهذه ليست ساحة معركة حتى ينكرب لها الناس يبدو ان النقاش سيكون معك ممتعاٌ :D تحياتي |
يا حاتم..الحكاية شنو؟؟طوالي مشيت رفعت البوست.!!!روق وأهدا شوية..والله ما أحب أن تدخل في نقاش أنت تعرف مآلاته فأنت أعقل من ذلك!!
يا أبو محمد..انت مقتنع بشي لن تقنع به سواك قسراً!!ولا تطلق الأوصاف جزافاً لتستفز بها محاوريك فهذا ليس من الأسلام في شيء!!وأتمنى أن لا يكون مقصودك في النقاس شيء من إثبات العجز أو الخطأ عند الطرف الآخر والانتصار لرأيك!!وأرجو حقاً أن يكون (الله من وراء القصد).. |
اقتباس:
|
اقتباس:
|
اقتباس:
تعال لي دغري و واضح انا كلامي كان واضح : اقتباس:
سلام |
| الساعة الآن 05:18 PM. |
Powered by vBulletin® Version 3.8.8 Beta 2
Copyright ©2000 - 2026, vBulletin Solutions, Inc.