جامايكا
;)
ـــــــ حتي يستبين الخيط الأبيض من الأسود نعود ـــــ ابواب التكهنات مفتوحة وماتخلوها تتاوق كتير ـــــــ رفيق سفر إنتاية أفضل من رفيق سفر رجل بس ممنوع اللمس;) ــــــــ ثم يا للخميس ياخ |
دقيقة
بوست برعاية الجامايكي;) |
اقتباس:
بجيك صاده الله يعدل ايامك مش خميسك بث الخيط الرمادي داك عملت فيه شنو |
اقتباس:
فقالو له كويس وعاشوا في خيرين تلاتة |
اقتباس:
قال النهر من يأتي بزينب قلت قلبي قال ضيعه احتقان الجرح لا يجدي فمن يأتي بزينب قال عصفور أغنيها لتأتي قالت الريح وهل يكفي غناء الطير قلت الشمس قال الغيم يا قديس خذ منها بريق الصحو أغنيةً ومنديلاً من الأشجار زهراً من دموع الأمهات مسافةًَ للصبر واعبر نحو ماء النهر واغسل كل حلمك فيه هل تقوي؟ (عبدالله جعفر) هل تقوي الآن يا أميري ...ليتك تقوي :p:p قدلة يا مولاي حافي حالق: مالك مش قلت برعاية الجامايكي ... والخميس خميسنا ... والرقيص رقيصنا goood |
اقتباس:
هو بيفوق كل خميش ولا شنو |
حتي مساء مناسب
وربما لا |
اقتباس:
اها قول لي الخيرين تلاته ديل بيتمثلو في شنو غايتو يا اميري(هم) منو العوض وليه العوض في البوست ده looool |
بسم الله الرحمن الرحيم
قالها أملا في ألا يقاسم الشيطان لقمته الوحيدة وقاسمه الشيطان لقمته رغم أنفه فقد قالها بتأتأة لازمته من طفولته ودخل الشيطان بين ثنايا الحروف واستقر.... منو الغلطان!!! ـــــ إتو لي مود الإنسان بتغير بين كل أغنية وأغنية تبا لك يا عركي |
اقتباس:
بعض الانفس حتى عودة ذلك الملمح الزمانى.. |
اقتباس:
بتنداح كدة وحاجات تانية رد مناسب لخرمجة مناسبة لكن جيتيني في الوقت الرايح لي كدة بس!!! اقتباس:
أمرقوا!! |
اقتباس:
ابتدا الامام في التأتأة إنّـــــــ إنّــــــــــــ واحد ممكون في النص قال :ماااافي زول يكلم ومابين الخبت والللؤم فرج كتير ياصاحب بس إن شاء الله زولك نابوا من الخير خيرين جانب ;) ـــــ الايقونة دي طلعت ديــــ ابت تقوم من كلمة جانب كلو كلو شكيتها علي الله |
اقتباس:
أمسكي لي مداخلتك دي كويس ـــــ وبقوي goood يقويني الله أنا علي جنس دة:D |
اقتباس:
ثم.. والحياة توفر لنا كل اسباب اللمس ثم تمنعنا عن تعاطيه.. يا للأسف.. اللمس احيانا ربما يقرب مسافات الجغرافيا.. فعقرب الساعة يبدو منفلتا ..جامحا حينما تتشاغل عنه بشيء اخر.. اما: اقتباس:
|
قرأت حتى ذابت الحــــــــــــروف
وأضمحلت الخطـــــــــــــــــــــــوط بين عنق الدفع واستكانة الوقوف وغصت فى نخاعها الشوكى باحثا عن ايتها طريقة تمرقنا من هنا يـاخ ديشكم لكم رشيد مشتاقين يعلم الله اميرى ولا سائلين فيكlooool |
اقتباس:
هو شوق نصاح لكن.. ياخ التوب ما حلاوة عدييل كدة.. تقول لي سمراء.. اتعلمي ياسمراء حتي يستبين الخيط الابيض من التاني داك..:D سارة والله النيولوك ابو العلم ذاتو.. بس اهم حاجة تكوني رابطة الكمون في طرف التوب الحنكوشات الهنا ديل عينم حارة جنس حرورية..:D ديل منو ديل..؟؟ سارة نسيت حاجة.. التوب دا اسمو شنو..؟؟:D |
اقتباس:
فايتة لي وين ماكي جاية!! حرري الضو من سجونوا عودي لي بلد الحفايا ابقي زي خيط الشمس يكسي الجميع من دون عباية أصلو من بعدك خيارنا يبقي واحد من تلاتة نموت أو نموت يا نموت sudanese band وزينب كانت أحلي واحدة وفي النهاية يخطفوها !!! اقتباس:
ــــــــــ نولا حتي خميس آخر مناسب لا أزال هنا أساوم بعضي ودايما ياخ ثمني بخس....تصدقي!!! |
اقتباس:
ياخ انا من قبيل دخلته اتلفت ذى مروحة دكان الفوراوى المربوطة فى الحيطة وملفوفة بى دلقان ديك عسى ان اجد ضل بااااااااارد انتكى فيه ...ولم اجد سوى رشيدو واميرو وسرور حبايبى ملوك الخرمجه ..حيث التنفيس بلا دبوسسسسس looool اها قلت لى اسع موضوعنا النيو لوك والتياب وكده !! اها النجيك عاد يارشيدو حيث ان هذا الموضوع يقع لى موقع جميل فى صبابات نفسى :D اولن من ناحية النيولوك بتاع سرورتى فهو بلا منازع (ملكة ) بكل ماتحتويها العبارة ... التوب عندك ياقمرنا ، ولو معاها قدلة وخجه خفيفه كدى ذى زينب جارتنا ...تكونى ماقصرتى تب .. يلا النحدثك بى زينب (الخجاجة) دى طبعا يارشيدو تعتبر ملكة التياب ، طبعا التوب ده بخاف منها عدييييييييييييييل كده ، وبتلقاهو راقد سلطة فيها :D يعنى طالع ونازل مع التضاريس ، ومتشبس التقول خائف يقع ويتكسر ...ذى مابتكسرو رجال حلتنا لمن يشوفوها مارقه ... ياخ دى عندها طقووووس لى المشية حسب نوع التوب !! الحريرى لانو قليل ادب ومابثبت ، تلقاها تتراقص معاهو بى جاى وبى جاى ، وترفع من هنا وتجر من هنا وفى كل مرحلة طبعا بتكون فى تلفزيونات بتتفتح وشبابيك ببتقفل وعييييييك:D اما التوتل ....فده قااااااادر الله سيدو !! ثااااابت على المواقف والنتؤااات عشان كده حركتو ماكتيرة ....بس بتقوم تضيف ليهو رفعه للاصبع الصغير كده عشان ترفع طرفو وابراز خاتم البوبار الماهظار :D وده طبع حجمو قدر راس اميرى بالضبط بالسماعات :D وطبعا فى كل نوع فى قاسم مشترك اعظم وهو اهم شى !! الربطة !! اى الربطه الفى النص دى !!! انا لله يااااااااااااااااااخ تقول لى نص شيلسى :D!! ولا نص بارشا النص ده طبعا مجهجه ليك الخلق والمخلوق !! يازووووووووووول بالله لمن تربطو وتقدل تقول بتربطو للرجال ديل فى رقبتهم looool تلقااااهم جرررررررررر وراها .. اها رايك شنو ياريشوووو _________ استغفرتك ياربى جمعتكم مباركة ياخ :D |
اقتباس:
ــــــــ اللهم إني مانع روحي من الخرمجة يوم الجمعة |
اقتباس:
بس الله غالب :D ___________ اميرى ماتسرح كتير بتطش ياولدى ...ركز فى ورقك انت صغيرونىlooool:D |
اقتباس:
اقتباس:
كنت كملت يادوب قصة آدم عامل النضافة في السفارة الامريكية والساكن أمبدة في بيت خيش وصفيح وكرتون وفي امسية كدة من بدايات الحكم الرشيد هاوش مرتو طلعت غضبانة ومشت اشتكتوا لي ناس الحاجز والخرطوم وقتها كانت كلها حواجز يا صاحبي قالت ليهم زوجي جاسوس للسفارة وفي البيت في جهاز معلق فوق الراكوبة بيطلع منو ضو أحمر وفي لحظات كف كنجف ادم كان في ضيافة الأمن وبعد أمسيات طويلة من التعذيب يا صاحبي إتضح إنو الجهاز مجرد جهاز إنذار للحريق كان من ضمن نفايات السفارة وأخدوا آدم لتزيين الراكوبة المتهالكة شفت الروحة دي كيف ياصحابي والحياة يا رشيد كما قلتها أنت قبلا ربما ليست لنا دوما تفاجئنا يا صاحبي بعبارتها المستفذة ممنوع اللمس كتمت يا صاحبي... كتمت شديد يااخ اقتباس:
ربما ــــــ وباب التكهنات لا يزال متاكي يا رشيد بزاوية منفرجة غارقة في الوجع سلام يا صاحب |
اقتباس:
لو ماسمعتي بيهم اسمعي دي [media]http://sudaniyat.net/up/uploading/djjfkgiiiiiiiiihteyyy.mp3[/media] اسم الاغنية تاهت خطانا وبسألك يا صاحبة هو متين لقيناها عشان تتوه ؟ اقتباس:
بس هنا وين؟ الفجج كتيرة يا منقة مبتداها حزن ومنتهاها حزن ومابيناتهم شوية من هنا وهناك ولا أقول ليك سيبك ياخ |
اميري خليني اقرأك مرة صااااااااااااااااااااااااااااااااااااااااااح
رغم احتشادك في الظهور ونفسي في داخلك اعاين ارمي روحي واشوف منابعك قنب عاقيه يا بلف |
وخميس آخر يمضي دون حبيبة
سلام أميري وتبا لليالي الفارغة والفارقة.. _______ باقي شلاقة أستكملنها هنا |
اقتباس:
يا وجيدة وانا في اولي ابتدائي حرف الصاد عذبني عذاب شديد مشيت لي (صابر) الحبشي ود حلتي وصابر دة كان في سنة تالتة علمني كيف أكتبها أو بالأصح كتب لي الدرس كلو هو ولا زلت أتعلم كيف تكتب الصاد يا وجيدة ربما أنا في حوجة لحبشي آخر عشان يعلمني لغة الضاد نفسها الرابط شنو بين كلامك وحكايتي؟ حرف صاد رايح حيضيع شوفك وقرايتك رايك شنو نمشي لي صابر سوا يمكن نلقي الحرف الرايح ــــــــ بس اهم شي تقريني من الشمال لليمين |
اقتباس:
ولا شنو;) ــــــ ومد ياصاحب قدر ما تمد خطواتك مالها براااحة كدة لكن:D ــــ ثم مرحب بالبرلوم أمين والله:D:D ـــــ |
اقتباس:
اميري يا صديقي كنت في المرحلة الابتدائيه طالبه( شاذه )في تصرفاتي كان لي ذكاء خارق وقوة زاكره عجيبه وتسأولات ناضجه كنت اكبر من سني متمردة علي قوانين المدرسه ليس لي سواي كراسا واحدا اكتب بجميع اتجاهاته كل المواد وكنت ساخره من كل شئ وتسكنني علامات الاستفهام ولا استسلم عنيدة ولا يؤلمني العقاب واعجبتني كتاباتك برمزيتها المبهمه الساخره وكم اعشق لغز الحرف وعقلانيه الجنون فانت متفرد في مدرسة فن الكتابه لك ودي |
ما بين وردي وحليمة باقات:D تتمايل الحسان ما شاء لهن الدلال
اما بعد... انا لله من Dj في الخرطومgooodgoood واااه من ليلك ياخرطوم |
اقتباس:
ماتقولي حضرت حفلة في الخرطوم.. والقائمة تطول.. و.. الحفلة حفلتنا والعروس عروستنا.. والمالابس بنطلون كونز اخضر وقميص كاروهات احمر مايخش الساحة.. والعندو موتر سوزوكي بنخليهو..:D ومازال الليل طفل يحبو.. جيجي سلامة الوصول. |
عارفين البوست دا اخر روقان .. كل يغني علي ليلاه ... فيهو حفلات وقمصان حمر وانا بحب الحفلات وبكره القمصان الحمر .. فيهو ناس بحبو الحرف وزي انا غلبانة من كول حروف العربي ... فيهو خميس والليلة السبت .. الرشيد الصورة الجديدة كيف
|
اقتباس:
والغريب إني حين استلام الشهادات كنت اتقدمه مش الدنيا دي غريبة؟ في كلية الطب أحب حفيظ فتاة و....باعته تدروش سنة كاملة وكان لا يُري إلا بسبحة وجلابية خضراء ثم أفاق من جديد للدنيا......بجرح هو الآن في ايرلندا يعيش دنيته ليس كما كان بأي حال يا وجيدة لما دوما خارقي الذكاء تطاردهم اللعنة؟ ـــــ شكرا لعبورك حرفي المدمّي شكرا وجيدة |
اذا
فالنرقص علي انغام الجامايكي شنبول ولا افهم ماذا يقول ولكنه يغني للحب خبيبووووووووووووووووووووو جامايكي تايهة لاقاكم |
اقتباس:
جيجي اقعدي هناك شوية أبنجو والله ونرافقك ;) ـــــــ بالنسبة لليل وكدة يُفضل آخره أو كما جاء في الأثر:D حمد لله علي السلامة |
| الساعة الآن 02:54 PM. |
Powered by vBulletin® Version 3.8.8 Beta 2
Copyright ©2000 - 2026, vBulletin Solutions, Inc.