سودانيات .. تواصل ومحبة - سهره مفتوحه...!

سودانيات .. تواصل ومحبة (http://www.sudanyat.org/vb/index.php)

- منتـــــــــدى الحـــــوار (http://www.sudanyat.org/vb/forumdisplay.php?f=2)

- - سهره مفتوحه...! (http://www.sudanyat.org/vb/showthread.php?t=14817)

سهره مفتوحه...!

[align=center][align=center]خميس و كدا..و سهره مفتوحه..![/align]

و مسوا نوركم..
و الصبااح ان لاح...لا فائده فى المصبااح

[media]http://sudaniyat.net/wadosman/uploading/miso_norkom.wma[/media]

لينك للحفظ و الاستماااع[/align]

أنا جابتني ريحة الشية :p

ــــ
ياخ من زمان مشتهي أخش ليك بوست
بس أنا وبكور الرويعي دة ناس جافين
والغنا دة بخرب طبعنا:D

ــــ
خميس مناسب لي كل شي

ود عثمان
يا أخي انت والله مافي منك إتنين..
يديك العافية يا زول يا حبوب..

ياسلاااااااااااام على الروقان
والخميس الهادى
وحقيبة الكل

يلا عاوذين نقوم نستفيد مع الطرب ده نحاول نعرف نبذة بسيطه عن الاغنية
الشاعر/ الملحن / وحبذا لو قصة الاغنية
لانو يامحمد انت عارف الناس ديل مابغنو ساى ..اى اغنية وعندها حكاية ورواية

وياريت كل الجميلين يشاركونا السهرة المميزة دى ، ونطلع من الكوماج ده شوية

اقتباس:

المشاركة الأصلية كتبت بواسطة أميرى (المشاركة 233534)

أميرى يا جميل..

مرااحب الف و ما عندك مشكله تب
اصلنا قلنا فوق سهره مفتوحه..و الشيه و السلاات
برضو عندنا..

تسلم...

اقتباس:

المشاركة الأصلية كتبت بواسطة سمراء (المشاركة 233538)

سمراء..

منوره السهره والله و الف مرحب بطلتك و حضورك الذى
سنتفيد منه كتيرا فى صحبه الجماعه ديل..

سيد عبد العزيز كتب هذه الاغنيه و على ما اذكر انه كان فى طريقه
من الجزيره لحضور مناسبه زواج صديقه الشاعر عبيد عبد الرحمن
و كان ان تعطلت العربه فى الدرب و قام كتب هذه الاغنيه..
اتمنى ان ينجدنا زول بتفاصيل اكتر ان وجدت..

تحاايا...

اقتباس:

المشاركة الأصلية كتبت بواسطة خالد الحاج (المشاركة 233537)

ود عثمان
يا أخي انت والله مافي منك إتنين..
يديك العافية يا زول يا حبوب..

ود الحاج يا زول يا حبوب

عارف راسك مسخن جدا..تعال روق معانا بجاى
الشيه و الغنا السمح علينا...علا السمسيه تتصرف براك يا حبيب..;)

تسلم..

اقتباس:

المشاركة الأصلية كتبت بواسطة سمراء (المشاركة 233538)

وياريت كل الجميلين يشاركونا السهرة المميزة دى ، ونطلع من الكوماج ده شوية

يااخ أنا سمراء دي لمن تكتب مداخلة بدون أيقونات بلاوز:D

ـــــ
بتكون خاشة ليها في توب سحسحة ومنتشة كدة

مااااااااابشبها:D:D

الجميلين ديل منو بالمناسبة!!!

اقتباس:

المشاركة الأصلية كتبت بواسطة wadosman (المشاركة 233543)

طيب منو الفنان ؟

انت عارف عبيد عبد الرحمن ده عندو اغنية بتاعت افكر فيهو واتامل بصوت المرحوم سرور
الاغنية دى بصوتو حكاية رهيبة بس ماعرفته الالة دى ياربى كمنجة !! ولا ياربى حاجه تانية
المهم دى الاغنية التانيه فى السهرة دى عاوذه اهديها للخال خالد عشان تروقو شوية ....
وتبرد ليهو جوفو ؟؟

يعنى خاته طوبتى يامحمد للتانية :D

اقتباس:

المشاركة الأصلية كتبت بواسطة خالد الحاج (المشاركة 233537)

ود عثمان
يا أخي انت والله مافي منك إتنين..
يديك العافية يا زول يا حبوب..

اووو سيدا !!
بلاى ياخال اول شى امش طلع لينا هدوم الكوماج دى هناك وتعال لينا بالعراقى البلدى
اصلو الليله السهرة تحت القمر ....والشيه بالحجر
اصلى مجهزة ليك اغنيه حاترجعك احتمال بطن امك وكده looool
يلا ارح افرد وشك وتعال وجيب (البتاع ) ختو جمب كراع العنقريب
واعمل حساب الرمتالة الجداد الدخلو ديل

الله يدينا خيرهم :D

اقتباس:

المشاركة الأصلية كتبت بواسطة أميرى (المشاركة 233547)

يااخ أنا سمراء دي لمن تكتب مداخلة بدون أيقونات بلاوز:D
ـــــ
بتكون خاشة ليها في توب سحسحة ومنتشة كدة
مااااااااابشبها:D:D
الجميلين ديل منو بالمناسبة!!!

نرحب بالجميل هناى ! انت اسمك منو ياجنا؟
ايوة اميرى الرثموك فى ثميرى ..(بدون ايقونة)
اى نعم انت ماحاتفهم شى فى سهرتنا دى لانك من ناسCent 50 وكدة looool

______________
اها اقعد رااااايق حلاتك وماتهبش حاجات خالك التحت العنقريب ديك بتـّدفق :D

اقتباس:

المشاركة الأصلية كتبت بواسطة أميرى (المشاركة 233547)

الليله كل الناس حلوين و جميلين هنا

و يلا خليك مع الزمن...;)

اقتباس:

المشاركة الأصلية كتبت بواسطة سمراء (المشاركة 233549)

كان كدى نقوم نفتش الطوبه دى و نجهزها

اغلب الظن تكون بصوت بادى..

و يا خال سامع الاهداء..؟؟;)

اقتباس:

المشاركة الأصلية كتبت بواسطة سمراء (المشاركة 233553)

______________
اها اقعد رااااايق حلاتك وماتهبش حاجات خالك التحت العنقريب ديك بتـّدفق :D

ثمح يا خالتو :D

اقتباس:

المشاركة الأصلية كتبت بواسطة سمراء (المشاركة 233549)

المهم دى الاغنية التانيه فى السهرة دى عاوذه اهديها للخال خالد عشان تروقو شوية ....
وتبرد ليهو جوفو ؟؟

نية :D

و عكود مالو ما بتهدى ليهو..؟؟؟:rolleyes:

اقتباس:

المشاركة الأصلية كتبت بواسطة wadosman (المشاركة 233559)

و عكود مالو ما بتهدى ليهو..؟؟؟:rolleyes:

عكود ساااااافى looool

بعدين وينو هسع عكود بلاى ؟ مساء الخير زااااتو ماعبرنا بيها
عشان كده يقوم يلف ويبيت القوا زااااتو :D

اقتباس:

المشاركة الأصلية كتبت بواسطة wadosman (المشاركة 233554)

الليله كل الناس حلوين و جميلين هنا

و يلا خليك مع الزمن...;)

يا ود عثمان

شكرا جميلا يا عطار سودانيات

ويانا مع الزمن

اقتباس:

المشاركة الأصلية كتبت بواسطة سمراء (المشاركة 233549)

طيب منو الفنان ؟

نية :D

الاغنيه ما بتخطى كرومه و الله اعلم..:confused:

التسجيل هنا بصوت ياسر تمتام و عاصم البنا...

اقتباس:

المشاركة الأصلية كتبت بواسطة أميرى (المشاركة 233557)

ثمح يا خالتو :D

حلاااااااااااتك لمن تسمع الكلام ..وتقوم للسحسحة :D
بس نسال الله الكريم بقية العقد الفريد مايجو يلخبتو لينا رصتنا دى ..
وتكون الليله اليوريا ماليه البلد :D

[align=center]افكر فيه و اتامل

ياخى الاغنيه دى قومت نفسنا زااتو...:)

قلت لى عكود مالو..؟؟؟:confused:[/align]
[align=center]
[media]http://sudaniyat.net/wadosman/uploading/afkir_fiho_atamal.wma[/media][/align]

د عثمان يا جميل يارايق

ياخ ينصر دينك ياخ

you made my (خميسى الاصلو مطرشق)

عافية تسكن فى المصارين

اقتباس:

المشاركة الأصلية كتبت بواسطة سارة (المشاركة 233568)

د عثمان يا جميل يارايق

ياخ ينصر دينك ياخ

you made my (خميسى الاصلو مطرشق)

عافية تسكن فى المصارين

هلا سروره...

ربنا يجمّل اياامك ياخى و يديك العاافيه

الليله العشا علينا و بوفيه مفتوح كمان
بس الداهى داك ما تمشى عليهو..;)

اقتباس:

المشاركة الأصلية كتبت بواسطة wadosman (المشاركة 233566)

[align=center]افكر فيه و اتامل

ياخى الاغنيه دى قومت نفسنا زااتو...:)

قلت لى عكود مالو..؟؟؟:confused:[/align]
[align=center]

http://www.halaween.net/badi_m_eltayeb.jpg

ياسلاااااااااام عليك ياخ
والمرحوم بادى من الفنانين حقيقه الحافظو على شكل الحقيبة بكل تفاصيله ..احبو جدا

اها ياخال الهدية وصلة ولا لسه بتتروش looool

الاغنيه الجاية للعزيز السافى عكود ، راعى بوستات الفن والطرب ...وبعديهو طواااااالى اغنيه خااااصه جدا ومن جوووووة للعم العزيز مخيييييير ..
ناس عمو فتحى يقيفو فى الصف ورافت الزائغlooool

اقتباس:

المشاركة الأصلية كتبت بواسطة سارة (المشاركة 233568)

د عثمان يا جميل يارايق

ياخ ينصر دينك ياخ

you made my (خميسى الاصلو مطرشق)

عافية تسكن فى المصارين

gooodgooodgoood

سرورة جمل الله كل ايامك ياشيختنا ياخ
السهرة زاتو من غيرك ماليها طعم
يلا اختارى عاوذة شنو ياحرمة :D
العشاء بدون بتاع قالو الحمدلله الديوك ارتاحو

[align=center]و الرابط هنا...عشان عكود ما يصرها لينا..;)

افكر فيه و اتأمل....لينك للحفظ و الاستمااع[/align]

فلاش باك ...اسباب تسمية اغانى الحقيبة بهذا الاسم ؟

من عام 1918م الي أواسط الأربعينات قد عرفت بهذا الاسم الخالد نسبة للحقيبة التي
كان يحملها الإعلامي المرحوم أحمد محمد صالح وبداخلها الاسطوانات التي كانت تحوي
هذه الأغنيات ليعمل علي تقديمها عبر الاذاعه السودانية "هنا امدرمان" وليس كما
هو مغلوط وكثير من الناس بان كلمة الحقيبة قد أطلقت علي هذا اللون من الغناء
في فتره لاحقه وحديثه نسبة لتاريخ هذا الفن وان مصدرها في الغالب هو كلمة حقبه من الزمن
ونجد ان حقيبة الفن مليئة بي رواد ألكلمه ورواد الغناء ونجد أنهم هم الأساس بالنسبة
للغناء السوداني أو حجر الأساس للاعنيه السودانية

منقول

[media]http://www.albrkal.com/upload/uploads/afker.MP3[/media]

نفس الاغنية لقيته بصوت سرور ...
لو بتعمل مشكله فى نفس الصفحه يرجا حزفها ياخال

اقتباس:

المشاركة الأصلية كتبت بواسطة سمراء (المشاركة 233572)

http://www.halaween.net/badi_m_eltayeb.jpg

الاغنيه الجاية للعزيز السافى عكود ، راعى بوستات الفن والطرب looool

خلاص الاغنيه الجايه للجميل عكود
ان شاء الله تجيبوا لينا هنا...:rolleyes:

غايتو يا سمراء اتلومتى مع ود سعد

ولا سيره ولا اهداء...معقول..؟؟;)

ياخى دا سيد البتااع زااتو....:cool:

اقتباس:

المشاركة الأصلية كتبت بواسطة سمراء (المشاركة 233574)

سمرمر يا حتة منى

ياخ انا دايرة سهرة خم رمـــــــــاد عديل كدا

لانى جادة عايزة اتحجبloooollooool
لذلك اقترح

ان يكون مسك الختام

أفكـــــــــــــــــــــــــــــر فيـــــــــــــــــــــــة واتـــــــــــــأملgooodgooodgoood

ود عثمان يا قلب بتاع أنا ....يعشيك من حلالك قول آميييييييييين

انا يا حبيب الكوماج كرهتو لكن نقول شنوعلى الاسهم البتضرب فى موطن الالم دى:confused:

اقتباس:

المشاركة الأصلية كتبت بواسطة wadosman (المشاركة 233589)

غايتو يا سمراء اتلومتى مع ود سعد

ولا سيره ولا اهداء...معقول..؟؟;)

ياخى دا سيد البتااع زااتو....:cool:

غايتو ياود عثمان ماقايلاك فتان كدى looool
هوى انا اى زول ماتاوق لينا هنا وقال مساء الخيرات ....طوااااااااااااالى
بعتبرو ساااااااافى :D

__________
انت سافى دى يعنى شنو يامحمد ؟:confused:

انا غايتو فيصل الباذخ ده حاجزة ليهو حاجه كده من تحت البنك looool

من الاسكلا وحلا ....ياريت بعدين تجيبا لينا
وعاوذة اهديهو القصه بتاعت الاغنية زااااته ...ولو فيصلنا ده كمان بخمو ساى ياخ :D

اها اسمع يافيصل القصة دى :

من الاسكلا وحلّ

اقتباس:

هاهي الدموع تبلل ثياب ود الرضي بعد رحيل مليم إلى جنوب السودان وهى فاتنة شعراء
الحقيبة في ذلك الوقت في أغنية من الاسكلا وحلا.... وقصة الأغنية أن سرور رأى مليم وهى
تتجه مع أسرتها على الباخرة المتجهة إلى جنوب السودان من الاسكلا التي هي مرسى السفن
الذي كان يقع جنوب منطقة فندق الهيلتون الحالي .....فتألم سرور كثيرا لفراق مليم فطلب من
قبطان السفينة أسماء المدن التي تمر بها الباخرة ثم أخذها مسرعا إلى ود الرضي الذي كان
يجلس مع الشاعر احمد حسين العمرابى في دكانه بالخرطوم وكان سرور حزينا وحكي لهم
خبر سفر مليم وطلب من ودالرضى تأليف أغنية بهذه المناسبة بعد أن أعطاه أسماء المدن ...
.وعلى الفور جادت قريحة ود الرضي الشعرية بأغنية من الاسكلا وحلا وكان الوقت منتصف
النهار فحفظها سرور وتغنى بها في المساء....بعض الرواة قال إن البيت الأول من الأغنية
من تأليف سرور لكن حسب رأى الشخصي إن سرور لم يعرف عنه قول الشعر الغنائي لذلك
استبعد هذا الرأي ...والبعض يقول إن العمرابى شارك في تأليف الأغنية ...ولكن مفردات
الأغنية تنفى هذا الرأي.
الاستاذ مبارك المغربى سمى هذه القصيدة بالقصيدة الجغرافيا لذكرها حوالى العشرين مدينة سودانية
من الشمال إلى الجنوب عكس مجرى النيل....لكن مبارك المغربى في كتابه رواد شعراء الأغنية
السودانية عاب على القصيدة ارتجالها وقال إنها مصنوعة ولا تمثل الصدق الشعوري عند الشاع
ر فجاءت بسيطة الكلمات قريبة المأخذ لاترى فيها روح التجديد والتطوير ..انتهى كلام الأستاذ الكبير
مبارك المغربي ....ولكنني اختلف مع أستاذنا الكبير عليه الرحمة وأقول إن هنالك صدق شعوري
عند الشاعر لأنه يعرف مليم جيدا وقال فيها أكثر من قصيدة مثل تلفان من الأجفان ومية وثمانية
وستة وستة حبيبي حليلو القام يوم ستة.... فمليم ملهمته وتألم لرحيلها وفراقها لذلك انشد من
الاسكلا وحلا وسكب فيها الدموع التى سالت حتى بللت ثيابه في مطلع القصيرة وفى
ختامها حيث يدعو دموعه للانهمار والتدفق..
من الطرائف المرتبطة بالقصيدة إن سكان أم جر عاتبوا الشيخ ود الرضي لعدم ذكره اسم قريتهم
فقال لهم ( عاد لا حوله لا قوة دى من منو ...ما منكم انتو)..والى القصيدة:

من الاسكلا وحلّ......قام من البلد ولّى
دمعي للثياب بلّ
********
بى داهى العذاب حلّ....وبى تذكاره بتسلى
قلبي الذاب واختلّ.....وين بدر التمام هلّ
*******
صفر ودع الوابور......حاجزين قمره أتنين دور
الوابور مرّ بالمجرور....شال ظبيا سكونو خدور
*********
جبل أوليا حبيبي غشا.....وحصل في القطينة عشا
يا قلبي الطفش وفشا.......الما آليته......... ينكفشا
********
حل زى الصقر خوى......بالبدر الدويم ضوّى
عاد لا حوله لا قوّه......حبيبي الليله في الكوه
*******
صباح الخير على ام نفلين.......أهني البيها محتفلين
سيد الحسن رب اللين.......شرف كوستى والجبلين
********
هنيئا حان وقت زهاك.........الرنك احتفل ببهاك
وين الليله يا النشهاك......يا ليت كنت في جلهاك
********
يا كاكا الحبيب طلاك......بعده الزاد نفوسنا هلاك
يا ملوط حليل نزلاك........يازمن الفراق نسلاك
*********
بقدومك كدوك أصبح.......سوقو من الكساد ارباح
انا من نياحى صرت ابح........كأنى فى مبرك المذباح
**********
زاد من بعدك الانكال......قلبى البالهموم..... انكال
شاطري العاصمه يا ملكال.....توفيقيه صبرى انا كال
*********
شامبى أضحى بيك مسرور.....بعد المنقلا يا سرور
يا جوبا حي أنا المضرور....بعده النوم بقى لي ضرور
************
من دا الهم ما بنجى.........حبيبي الليله في تونجا
يا خالق الخلق تنجا.......تركاكا..... حلت العنجا
********
سلام متنامى ما غبّ.....ما مرّ النسيم صبّ
يرضى ال للعفاف ربى....ويخدم كامل الرتبا
*********
صب يا دمعي لا تكون جاف......وياقلبى البقيت رجاف
البدر الخفا....... الانجاف.....اليوم شرف...... الرجاف
********
الأغنية كما ذكرنا لحن وغناء سرور لكن سجلها للإذاعة أولاد شمبات وأولاد المأمون ومبارك حسن بركات

منقوووووووووول

[align=center]و دى طبعا مهداه للحبيب عكود كما جاء ...

البعدها طبعا لــ سروره...و دى حتكون هديه خااصه
و هجيج شديد...;)[/align]
[align=center]
[media]http://sudaniyat.net/wadosman/uploading/gulbi_ham_malo.wma[/media][/align]

اقتباس:

المشاركة الأصلية كتبت بواسطة سمراء (المشاركة 233595)

__________
انت سافى دى يعنى شنو يامحمد ؟:confused:

اسألى ود الحاج...goood

قلبي همالو صالح عبدالسيد(ابوصلاح)

قـلبي هـمالو* خـديدك وجـمالو
مـعذب فـي هـواك مـالو

بـدر حـسنك لاح والـقليب مالو* لي هواك وشوق قلبي عمالو
يافريع ياسمين متكي في رمالو* قولي عاشقك وين ضاعت آمالو

شـعره حـاكه الـغيم حاجبه هلالو* فر بسمه غيم والبروق لألو
مـافي مـانع لـو مـوتي حلالو *افدي جوز تفاح صدره لو لالو

الشادن المحكول قلبي يصبالو *وأخشى من لحظه ومن رمي نبالو
كـم جـريح لـسهام عينه ضاربالو* وبيه لايدري ولا علي بالو

الـجوهر الـفردي الـماتلقي مثالو* ليه قلبي يلين وقلبو يقسالو
حبه صبحني وحسنه مسالو *غير رشيم في خدوده دموعي ماسالو

خصره ناحل زاد جسمي انحالو* طرفه ناعس نام وطرفي يصحالو
الـفريع الـلان دمـعي سحالو *يانسيم ارجوك شوفه كيف حالو

فـي الـنجوم مرفوع مجده يبنالو* بين سماك اعزل حظي مانالو
وحـرسه حـولو يدور استعدالو *والبدر لو غاب يضوي في بدالو

اقتباس:

المشاركة الأصلية كتبت بواسطة سمراء (المشاركة 233599)

ود سعد يستااهل كل الخير

تم الاعتماد....بعد سروره طبعا...:cool:

اقتباس:

المشاركة الأصلية كتبت بواسطة سارة (المشاركة 233592)

سمرمر يا حتة منى

ياخ انا دايرة سهرة خم رمـــــــــاد عديل كدا

لانى جادة عايزة اتحجبloooollooool

هوووى يابت انت على كيفك ولا شنو قايلة :mad:
على بالطلاق ياسرورة ....وشوفى الطلاق ده كيف تقولى كده اقطعو مع سودانيات حطبة
وموش كده وبس ...انا حا اقطعو مع نفسى ، وبما انت نفسى يعنى بقطعو معاك ياحته انت !!فهمتى مدى الجرم يابت ؟looool

اقتباس:

ود عثمان يا قلب بتاع أنا ....يعشيك من حلالك قول آميييييييييين

اميييييييييييييييييييين يارب ...محمد يستاهل كل الخير والله

اقتباس:

انا يا حبيب الكوماج كرهتو لكن نقول شنوعلى الاسهم البتضرب فى موطن الالم دى:

confused:

دى انسيها ياغاليه وتخنى جلدك ....البحر اصلو بهيج ويصفى ..
خليك مع الزمن ....بس

اقتباس:

المشاركة الأصلية كتبت بواسطة سارة (المشاركة 233592)

يا سروره اخترنا ليك اغنيه رهيبه
افكر فيه و اتامل خلاص اتغنت فى الفاصل الاول...