أمريكا حبيبتي
علاقتي الأولى بأمريكا كانت من بوابة السينما
بالمرحلة المتوسطة بدأت علاقتي بسينما الخواجة، أفلام الغرب الأمريكي (الكاوبوي) و الأفلام الجاسوسية تواصل هذا العشق مع سينما النيل الأزرق بسنة البرليم و تحول إهتمامي للأفلام الإجتماعية و الرومانسية عشقت أمريكا عبر السينما.. أول عداء لي مع أمريكا كان في سنة البرليم، حينما ضربت أمريكا ليبيا دعاني صديقي البدوي عزالدين الموتمرجي للخروج في المظاهرة.. و الله كنت بكره المظاهرات أيام الجامعة، عشان كنت بخاف الجامعة تقفل وأخسر ميدان السلة المضاء و مبلط بالجامعة!! حملت مع البدوي لافته كتب عليها بالإنجليزي: داون داون يو إس A (غلبني أكتب الحرف الأخير دا بالعربي) وكنت أتوسط جكس ناس الجبهة الديمقراطية ومؤتمر الطلاب المستقلين.. وصلنا السفارة طلاب الجبهة الديمقراطية كانوا برددوا هتاف في آخرو: تلاحم أممي في السودان... البوليس فكا فينا البنبان وكان من النوع الخطير داك البتزيدو المويه داك حرارة.. المهم مع أول بنبان تاني لا شفتا البدوي و لا اللافتة و لاقيت بدوي بالليل في الجامعة.. لكن الحمد لله الجامعة ما قفلت.. |
اقتباس:
بابكر عباس كيفك ياخ إتا متأكد ضربة ليبيا بتاعة كم وتمانين ديك كنتا سنة كم؟ |
بعد المظاهرة ديك حاولت أتجنب بقدر الإمكان العداء الباين مع أمريكا
لانو جواي كنت بحبها مشكلتي انو ميولي الحقيقة كانت إشتراكية و أمريكا حسب نقة ناس الجبهة الديمقراطية كانت بتمثل لينا العدو الأكبر للإشتراكية.. فشلت أوزن المعادلة دي جواي... الفرج جاني بعد بداية هجرة الجمهوريين لأمريكا في نهاية التمانينات و بداية التسعينات و كانوا بنظروا لي انو الاسلام الاشتراكي حا ينطلق من هناك! مسكت ليك في دي قوي و قلت يا زول! جاك الفرج! أمسك قوي و يلا بلا لمة يا ناس الجبهة الديمقراطية.. |
سنة تسعين و بعد تخرجي من الجامعة مشيت قدمت لفيزا سياحية بالسفارة و مليت الفورمات
و خليت الجزء بتاع الإستيتمينت البنكي فاضي.. في المعاينة سألوني منو و قلت ليهم ما عندي و ما داير أجيب ليكم إستاتمين بالكدب المهم رفض الطلب و ختموا لي في آخر صفحة تم إستلام الطلب.. |
رجعت البيت في شمبات الأراضي و البيت دا كان جنب السوق المركزي عندنا فيهو سريرين و زير و لمبة متحركة و طشت و بنكوي عند المكوجي..
رفض الطلب كان حارقني و قمت كتب خطاب طويل عريض للسيد السفير كتبت فيهو: أمريكا تمثل ثمرة الحضارة الإنسانية كل الثقافات و الجنسيات ساهمت في قيامها و كانت دوما ملجأ للمضطهدين سياسيا، دينيا، ثقافيا، إقتصاديا و نفسيا.. و كانت دوما: No man land ليس من حقكم منعي من مشاهدة قمة أنجاز البشرية.. لنا في ديننا آية تقول للمعذبين في الأرض: (ألم تكن أرض الله واسعة فتهاجروا فيها) هذه الآية تستطيع تحقيقها أمريكا وحدها... سلمت الخطاب للسفارة الأمريكية بالخرطوم و لو ربنا مد في العمر بلاقهو... |
لما جيت الأمارات في بداية القرن دا (القرن دا ما الفات يا محمد عبد الرحمن!)
كانت في حملات كتيرة لمقاطعة البضائع الأمريكية كنت دائما بقول لأصحابي عليكم الله ما تهبشوني في حاجتين: السينما و البيبسي... |
اقتباس:
انت كنت عايز تهاجر كجمهورى ولا ماشى تدرس مقارنة الاديان ..... امير المؤمنين كان رأيه شنو فى سفر امريكا ؟ . |
متابعة يا بابكر..
طبعا سينماء الخواجة دخلتها وتعرفت ابن صاحبها "نسيت الاسم والله" إنسان لطيف كان هذا في المرحلة الثانوية - الثمانينات .. كذلك تعرفت علي (إسماعيل شارقمة) .. وكان عمنا علي عبيد الله عليه الرحمة من سكان حي الأقاريق في زمان ما .. من أبناءه : المرحوم مرتضي "أب راس" .. ومخلص ومنتصر وعبده. من أشهر الشخصيات في بورتسودان "حسن عقد " ثم "الطاهر حسيب" .. أما سينماء النيل الأزرق فقد كانت عشقي الخرافي .. لم أغب عنها خميس أبدا .. ولا أنسي منظر الطلاب في داخلية البركس وهم يتسلقون أشجار االنيم المحيطة بسنماء ال (B.N).."يملحون" مشاهدة الأفلام . كانت تقدم أفلام راقية وأظنها السينماء الوحيدة التي عرضت فلم (ذهب مع الريح) لطول الفلم . ما كنت يوما من محبي أميركا ... اللهم إلا فيما يتعلق بداعية الحقوق المدنية مارتن لوثر كنج وكان مدخل معرفتي به أستاذ من السود الأميركان علمنا الانجليزية في الأميركان سنتر في الخرطوم .. كان يسمعنا شرائط لخطب لمارتن لوثر كنوع من التدريب علي اللغة . ثم ألكس هيلي بعد ذلك في كتابه الشهير (رووتس) الذي تم تحويله إلي مسلسل عرض في تلفزيون السودان ومن أشهر شخصياته (كونتا كنتا ) ... ثم أخيرا هولي وود ... واصل حكيك الشحمان وتريان .. |
اقتباس:
فكرة دراسة مقارنة الأديان بامريكا إتصلحت بعد جاني اللوتري سنة 2005 ما لاقيت أمير المؤمنين قبل سفري لامريكا لكن قبل سفري للأمارات محي الدين عبد الستار في بيت المرحوم الأستاذ سعيد شايب قال لي: ما تسافر مدني دي مدينة روحية! ملحوظة: تعرف يا زين انت واحد من الناس ما داير أعرفك انت قاعد وين و لا بتسوي في شنو؟ عشان الصورة الخاتيها في خيالي ما تتغير! و دا برضو واحد من اسباب عدم التفقد.. |
اقتباس:
و عباد الشمس و جسر الكسندرا يا خالد عباد الشمس حضرتو أكثر من مرة ملح و مرة بالباب عديل مع صديقي المرهف عمر عمر دا من شدة رهافتو هسع خارج الشبكة العزاء الوحيد انو شاف فيلم عباد الشمس... |
اقتباس:
و مايكل جاكسون و القمة أوباما و القمة دي أشرقت بواسطة البيض و أمريكا تتفوق من ناحية حقوق مدنية على الدولة الإسلامية في أوج عظمتها و حتى على التنظير الاسلامي السائد المعاصر |
أرجو من الأخ عباس الشريف عدم الدعم بالصور أو الأغاني
|
اقتباس:
لقيت ملازم تاني شال جوازي و قبل يختمو دار بيناتنا حوار سريع قلت ليهو شكلك صغير انت إتخرجت السنة دي؟ تكون مولود مع جية الانقاذ قلت ليهو الزمن داك نحن رجال كبار! قال لي ما باين عليك قلت ليهو مصبغ قال لي الصبغة حرام قلت ليهو القال ليك منو؟ و لو داير تواصل معاي نديك عضوية في سودانيات*.. مع السلامة *الكلام الفوق دا كلو حصل بس الجزء بتاع عضوية سودانيات دا نجرة مني |
تعميماً للفائدة ومحاولة منا لرفع سقف البوست الى اعلا الدرجات كما يقول اخونا الجيلي الصافي نضع بين ايديكم طوبتنا تلك املين من الله ان يجعلها في ميزان حسناتنا وان يعم خيرها وشرها بلادنا وبلاد المسلمين :
http://www.youtube.com/watch?v=-z4f0...x=0&playnext=1 |
اقتباس:
عمنا (حسن بنطون) أحد ظرفاء "جزيرة الفيل" لي معة ونسات و ونسات,, سألته يوماً : إنت يا عم حسن لمن تخش الجنة ح تطلب أول حاجة من الله شنو ؟ عم بنطون : يقع لي اللوتري وأسافر أمريكا |
اقتباس:
بابكر عباس.. البوست ده عليك الله تتمو للنهاية.. لأنو ممكن يكون نوع جديد من ادب الذكريات.. وممكن تتفوق علي ابوسن ومذكراتو.. غايتو دي فرصتك.. اقتباس:
واصل.. |
اقتباس:
مبروك شايفك بعد تجويد الإقتباسات ماشي كويس في قصة إدراج الملفات التيوبية. |
اقتباس:
بابكر سلامات .. كالعادة .. بتسوق موضوعك بذكاء ومرح كبيرين .. !! رغم اني ما بحب امريكا لا كنموذج للثقافة الانسانية ولا كحلم رواد الكثيرين لحياة كريمة .. غير أني حبيت تسلسل الفكرة عندك وحديثك المن القلب ده .. !! السينما في مدني كانت بهية جدا كم مرة حضرنا الدور التاني بس كنا مركزين على ناس نادية الجندي وكده .. ومشينا الشكابة كداري .. !!:) واصل يا جميل .. |
داون داون يو أس ايه .. بترفع البوست داون قوم عند قوم فوائد looool.. |
حبيبنا بابكر ...متابعين والله ..
انا شخصيا الحمد لله شفت وطفت فى امريكا ..من كوربس كرسيتى ..الى نورثكارولينا ..عبر المسيسبى ..والبحيرات الخمس ...والخمسه ديل سبق ان اخدت فيهم علقه فى الوسطى ...تذكرت تلك العلقه وانا امام شلالات نياجارا .. زرت شيكاغو وديترويت وكليفلاند .....ونيويورك وواشنطن ..حيث البيت الابيض الذى طاف من حوله الكثيرون واصل يارجل .. |
اقتباس:
تعرف يا بابكر الزول محتاج فعلاً يسافر ويشوف الناس .. عشان يمسك الحقيقة بى يدو .. مرات فى جملة بتأملا شديد وهى (نحن ما زى الخواجات) .. الخواجات ديل فيهم العوير والمجنون والبيحلم والجارى على رزقو والحرامى والكريم والعاطل و ...... وناس المنظمات والسياسة البنعرفم أقلية شديد .. راسمين علينا وفى بلدم ساكين المواصلات طبعاً فهمتنى بطربق فى شنو |
اقتباس:
إنت طبعاً كبعثي بتكون مُقاطع الببسي والكولا وكل المنتجات الأمريكية, البعثيين في رائي من أكثر الناس مبدئية، ومن أصدق وأنبل الناس مواقف لكن موقفهم من أمريكا ما واقع لي تب ,, في اركان النقاش أيام الجامعة كانت لنا مساجلات وحوارات معهم في هذا الشأن كنت مفتونا (ومازلت_ بتحفظ) بمشروع الدولة الأمريكي وكان البعثيين وما زالوا يمتازون غيظاً كلماً ذُكرت أمريكا بشئٍ حَسن أنا أنظر ببساطة للمشروع الأمريكي بأعتبارة أعجوبة من عجائب الدنيا فمن خلالة يمكننا أن نتلمس أعلي درجات العبقرية التي وصل اليها العقل السياسي الإنساني عبقرية خلقت من فسيخ التعدد والإختلاف، شربات الحضارة والقوة ! تخيل معي فقط: بلد تضم كل الأجناس ووالإثنيات انجلوسكسون, عرب, زنوج, هنود حمر, ملونيين, برتقاليين .. الخ . كل هذه الإثنيات تخضع لقانون مدني واحد بلد بها كل الاديان (سماوية , وأرضية) الإسلام, المسيحية, اليهودية, البوذية, الهندوسية, الذرادوتشية .. الخ . ببساطة كل الآلهه تُعبد في أمريكا أيضاً بلد تتوفر فيها كل المناخات الطبيعية, يعني أي مناخ جغرافي خلقو الله موجود في أمريكا اخيراً ,, بلد إستطاعت أن تخلق إنسجام معقول بين حضارتين صنفتا من أكثر الحضارات تنافراً علي مر التاريخ وأعني حضارة (ألآنكا) في أمريكا اللاتينية، وحضارة الهنود الحمر . أنا طبعاً نقتي الكتيرة دي كلها عشان أسألك : إنتو امريكا دي قارشين ملحتا في شأن شنو ؟ |
اقتباس:
: يازول أسكت ساي. : هازول انا الساكتلها شنو ؟ ماني ساكت !! : شهر سجن .. !! : خلهن شهرين .. !! : شهرين سجن .. !! : عليك الله ادني طلقة فوق راسي ده .!! امر القاضي بايداعه السجن رغم تدخلاتي لمحاولة التخفيف على موكلي والاعتذار من مولاي قاضي محكمة الموضوع .. !! امريكا بالنسبة لي الموقف منها زي موقف موكل ابو هريرة ده ... الطلقة فوق راسي ما بتغير رؤيتي فيها .. ولا اشعر بتعصب أو حنق غير مألوف .. كل الأمر أن الوجه الذي يبدو عليه المشروع الأمريكي يسقط عند اختبار اي أزمة داخلية لديهم او في محيط حركتهم الخارجية بالغة السؤ .. !! (( الراجل قعد ساعتين في السجن وبعد ان قمت بالاعتذار من القاضي امر بالافراج عنه .. !!)) أعتذر على الاطالة |
في 2003 كنت شغال لي في حتة تبع إمارة دبي إسمها حتا
و انا راجع من الشغل لاقاني سوداني إسمو محمد صديق عندو معهد بتاع كمبيوتر شلتو معاي في العربية و بعد السلام و المطايبة قال لي: إن شاء الله قدمت للوتري؟ قلت ليهو و الله أصلو ما قاعد أقدم ليهو! قال لي يا أخي التقديم السنة دي عملوهو أون لاين و الليلة دي آخر يوم للتقديم مشيت البيت و المغرب جينا أنا وسارا، صورك... صورك... و الليل كلو نحاول نعمل إرسال للطلب يأبى يمشي أصلو السايت كان مزحوم المهم بعد تعب واحد من الطلبات مشى و بعد ستة شهور بقيت على موعد مع: حبيبتي أمريكا الصدفة ودتني أمريكا في يوم عيد ميلادي و هو نفسو يوم عيد الهلاوين. |
اقتباس:
أنا إسمي الضكر: مبر الريح الشريف محمود وإسمي الإنتاية : مبر (سعدية محمد مدثر) واخد بالك ..؟ اقتباس:
قصتك دي ذكرتني صدام حسين _ ربنا يطراهو بالخير . |
اقتباس:
واخد بالي جدا .. التحية ليك وليها ولي خالك الجميل ده ... !! وتحية للشهيد الحي ( صدام حسين ) .. أجمل شئ انو نترحم عليهو في البوست ده .. بابكر عباس بكون واخد بالو برضو :) |
اقتباس:
|
اقتباس:
سلام الود الامركاني والمتداخلين تحية ليك ياود مدني وللشباب الهنا اولاد مدني الجمال من المدن المفضلة لدييييييييي تحية عبر ك للصوفي مولانا الشايب والله لو ما شوية كان اخدت عقلي الفكرة ياخ ديل ناس مهذبين بشكل عجيب اها يلا لمدني اقصد حبيبتك امريكا التي لم احلم ولا ح ....... ولم المس مايدعونه من حريات او .......... مايدعونه بنذ العنصرية التي متاصله فيهم ياخ اكتشفت العرب ديل بيحبوهم وبيامنو باي زوول حامل الجواز او وطأأت قدمه البيت الاحمر الامريكيgoood |
بابكر سلامات ...
ياخ تعال تم البوست دا .... مرات الواحد فيكم يبدأ حاجة وتكون سمحة شديد ويقوم (يشتت) من البوست .... منتظرين يا مآن |
اقتباس:
عليك الله كلام خالد و طارق و قوت القلوب بتاع عدم حبهم لامريكا دا في زول بصدقو؟! أي زول ما بريد أمريكا بيكون عندو: جحود عاطفي... كدي عليكم الله إتخيلوا العالم دا ما كان فيهو: توم هانكس و ساندرا بلوك و بيانسي و أوبرا و ماريا كاري و مايكل جاكسون و شكيرا و بيل غيتس و أستيف وندر و دينزل واشنطن و حاكمو ود المهاجر الكيني المعدم حسين أوباما.. !!! عالم خالي من الانترنت و ما فيهو مانهاتن ...و الله في شهر سبعة و لا ثمانية تأخد ليك لفة صيفية في مانهاتن و تعبرها من النهر للنهر و تشرب ليك قهوة في استار بكس في التايم اسكوير، وتصفح ليك جريدة في ميدان برايم و الله تجي طوالي تقدم فروض الولاء و الطاعة و تشفى من الجحود... |
جماعات من قبائل غرب إفريقيا الفتية هاجرت منذ مئات السنين للسودان
و لليلة لو في واحد من أفرادهم إعتلى مركزا مرموقا بجهده، ما زلنا نعيره بأنه جاء محمولا على ظهر أُمه و باراك حسين أوباما لم تزد هجرة والده عن ستين عام و أصبح رئيسا لأعظم دولة... |
اقتباس:
ولكن هناك فئات منهم دخلت المجتمع وأنصهرت فيه وتبوأت أعلى المراتب .. وهناك أسماء كثيرة جذورهم منهم نبغوا فى مجالات كثيرة ويشار لهم بالبنان .. |
اقتباس:
تعرف يا رأفت كلامك صح وكلام بابكر برضو صح..بابكر طبعا قاصد السيد اسماعيل الأزهري وأدبا منو وخوفا من كباشي ما حب يقولو بالاسم..وانت برضو كلامك دا صح في الماضي القريب لكن الحكاية دي هسة اتلاشت في معظم المناطق والناس ديل انصهروا في المجتمع وصارو فتلة في النسيج السوداني..ياخ اذا كان الحلب الجد مش الحلب الزينا الناس ديل حياتم اتغيرت وبقو يتزوجوا بنات العوايل وسابو حكاية تبييض الحلل وبقت عندهم عمارات وشركات.. أما بالنسبة للرشايدة والزبيدية فديل ليهم وضع تاني غير الفلاتة والحلب وما عندهم أحياء في أطراف المدن خاصة بيهم ولا بيعتمدو في معيشتم علي باقي المجتمع اجتماعيا أو اقتصاديا عشان كدا بتلقاهم مختصرين حياتم علي أفراد القبيلة وعندهم مناطق خاصة بيهم يتوفر فيها المرعي لأنهم أساسا يعتمدون علي تجارة الجمال بين السودان ومصر وأخيرا بقو بشتغلو في تجارة هجن السباق مع دول الخليج يعني باختصار ما محتاجين في السودان الا للأرض البيرعو فيها الابل بتاعتم وما عندهم سبب للاختلاط والتزاوج مع أهل البلد وحتي البيتزوجو من خارج القبيلة بيمشوا يتزوجوا من مصر.. |
اقتباس:
يعني البوست بكون قاعد أبردب بيهو، و ألف بيهو لحدي ما أقع لي في حفرة، و لا ألقى لي كيس بلاستيك طائر أقعد أساكك فيهو، و لو حصلتو أعفصو ليك من ناحية الفتحة عشان يتنفخ و أطرشقو ليك بالرجل التانية.. |
اقتباس:
|
اقتباس:
بس مشكلتو انو القصة كلها بتعتمد علي انتفاخ الكيس.. وده افتراض هش.. يعني لو الكيس ما اتنفخ ..او قول مقدود بالجمبتين مثلا..؟؟ اوع تقول لي ما حأطرشقو بالرجل التانية..عشان حأسحب منك صفة سيناريست الفوق دي.. الكلام الفوق داك بإفتراض انك مالقيت حفرة طبعاً..وده احتمال وارد احسن تفكر جادي في موضوع الفيلم بتاع فنتازيا المهدية داك..ده بيعتمد علي القعود حقتك.. ماعارف لو مابقيت بيطري حتكون شنو..؟؟ ملحوظة: واصل ووصلنا لحدت شوارع نييورك الاسهل في الفهم من كتابات محسن خالد زي ما انت قلت. |
اقتباس:
ولا لقيت كيس وطرشقتو..؟؟؟ يعني ذنبنا شنو نقعد نباريك وتفكنا في النص عكس الهوا.. ياخي بطل حركات المتماهيين دي وتعال تم لينا الرحلة دي.. قال حبيبتي قال. |
لو لا وجود المارد الامريكى لانقرض الانسان من المجاعات و الامراض الوبائية و الكوارث الطبيعية و ما كانت هناك حياة
لا استطيع ان اعدد مزايا و حسنات امريكا لانها لا تحصى و لا تعد فى الجود و الكرم و الانسانية بصراحة تمثل ابو مروئة بتاع العالم اى شئ جميل فى هذه الدنيا من صنع امريكا عندما فاز اوباما رئيس للولايات المتحدة بكيت من الفرح لان فوزه ينهى العنصرية فى امريكا و بكيت ايضآ لخسارة ماكلين لان خسارة ماكلين تعد خسارة للولايات المتحدة الامريكية اعظم امه فى العالم هناك اله فى السماء لم نراهو بعد و امريكا اله فى الارض معنا فى كل مكان |
اقتباس:
لو الكيس ما إتنفخ، بطلع كيس السعوط، وألف التمباك في ورقة، وأرمي الكيس في الواطة وأطرشقو. |
تحياتي بابكر...
بالفعل يبقى تسنم شخص مثل باراك حسين أوباما للرئاسة (ولدورتين) في أمريكا حدث يصب في خانة الايجاب لها... ولكن... لنحاكم أمريكا. لعل السطر الأول من أجندة الادعاء سيكون: 1-ماذا فعلوا بأهل البلاد من الهنود الحمر؟ وتترى من بعد ذلك أسطر بل وصفحات عديدة تدمغ التاريخ الأمريكي ماضيا وحاضرا ومستقبلا ايضا بالكثير المثير الذي ينافي القيم العدلية كلها! اذ دونك هيروشيما ونياجازاكي ثم فيتنام وكوبا وتاتي من بعد ذلك المواقف المخزية من قضية فلسطين وغيرها... ثم هناك ال(تغول) على الأمن والسلام العالميين من خلال المشاركة بفعالية بل والريادة في سن قوانين ووضع تشريعات للمنظمات الدولية لم تراعى فيها الحقوق (حق الفيتو)! أيق بأن أمريكا بجبروتها الحالي لن تدوم...ولعل قصة الاتحاد السوفيتي الذي انها خلال خمسين عاما (فقط) بعد أن كان ما كان... لعلي أعود وأكمل عن مشاعري الشخصية عن أمريكا مودتي |
| الساعة الآن 06:23 PM. |
Powered by vBulletin® Version 3.8.8 Beta 2
Copyright ©2000 - 2026, vBulletin Solutions, Inc.