اسئلة تعسفية ......النعام والظلاميين يمتنعون
اباح الدين الاسلامي للزوج أربعة زوجات فهل يستطيع الرجل أن يحب أربعة ؟؟ وحرم على المرأة تعدد الأزواج لكن هل حرم عليها الحب ؟؟؟ بالجد الحتة دي بقت هاجس من كثرة حدوثها بقدر اقتناعي بصعوبتها اجدها واقعاً معاشاً هل يمكن ان يعيش الزوج أو الزوجة حباً حقيقياً مع طرف آخر؟؟ طرف آخر دي بتعني زول أو زولة تانية والأسوأ إذا كان الزواج من البداية قام على علاقة حب طيب وين مشى الحب ؟؟؟ وإذا لم تكن هنالك نية للإرتباط بالطرف الجديد ... الحل شنو ؟ وشكل العلاقة زاتو حيكون كيف ومسماها شنو غير الخيانة ؟؟؟ اقول قولي هذا واستغفر الله لي .............. |
زول الله كل سنة وانت طيب
عندى فتوة عجيبة فى الحتة دى ودايرة اول شى الامان !! ثم اول شى ياريت نعرف الحب ده زااااتو شنو ؟ والفرق شنو بين الحب ؟ والاعجاب ؟ |
اقتباس:
نت يا ولد عايز تقوم تلخبط؟؟ عايز تسلك طريق الشيخ وتسوى ليك حواريات؟؟ حسع اقوم اتصل بالحاجة نعيمة؟؟؟ |
زول الله عام سعيد..
انا في تصنيفاتي الخاصة..بعتبر الحب ده حالة خاصة من حالات الوجود البشري علي الأرض.. لا علاقة له بالزواج لا من قريب او بعيد..من حيث كونه حالة خام او من حيث هو جوهر وقيمة فطرية. وده موضوع كبير وواسع. المهم ياسيدي انا شايف لو فصلت الحب من حكاية الزواج بتسهل الفكرة كتير.. الحب ماهو الزواج. |
سلامات زول الله
تستطيع المراة ان تحب اكثر من رجل اذا ارادت كما الرجل يحب اكثر من امراة واحدة لذلك تحدث علاقات عاطفية خارج نطاق الحياة الزوجية و قد تتطور و تصبح جنسية اذا بقى خارج عن سيطرتها |
[youtube]http://www.youtube.com/watch?v=PXzbDwxqnlQ[/youtube]
اقتباس:
|
اقتباس:
دا كلام فاهم جدا لاتوجد علاقه بين الحب و الزواج بمعنى ما بالضروره اتزوج الرجل البحبو لاسباب خاصه انو الزواج دا شيء مسطر منذ الاذل ما عنو علاقه بانك بتحب منو اما سؤالك يا ود الشيخ بعد كل سنه و انت طيب فعادي ممكن تحب زوله غير زوجتك و عادي ممكن مره تحب غير زوجها لانو الرسول عليه الصلاة و السلام قال: اللهم لا تلمني فيما لا املك و يعني الميل القلبي بعد داك بيجي التحكم في شعورنا و احساسنا دا نوجهو كيف و نصل بيهو لوين يعني كل الاشياء رهينه بوعينا و فهمنا لانو قد تصل العلاقات زي ما قالت امهم لعلاقات جنسيه غير شرعيه بالتاكيد و هنا الخطر الحقيقي ونبقى في الخيانات و الانتقام و خراب البيوت |
انت يا ود الشيخ كل ما تمر مناسبة عيد وتعمل ليك حفلات وتشوف الجكس جنك بقوم عليك تاني
|
الحب ...
رابعه العدويه ..قالت ...ان لم تكن هناك جنه ونار ...اما كان يعبد الله ..اى انها تعبد الله حبا فيه والحلاج عندما ذاب من الحب قال ..مافى الجبه غير الله ...قطعوا رقبتعه مسكين وتقولى برضه الواحد يقدر يحب مرتين ..او مرتان .. الحب جد ..مره واحده وبس ... |
اقتباس:
طبعا ماحتكون اعجب من الفتوى العندي لكن مابقولا هنا عشان حيطلعوني كافر:D هسه خليني من الاعجاب وعاين لي وعاينت ليهو انا قاصد الحب عديييل الببكي بالليل داك ويساهر بي زولو للصباح قلتي شنو وليك الأمان اقول قولي هذا واستغفر الله لي .............. |
اقتباس:
ياخال الشيخ سواهن 16 ودا شعراً ماعندي ليهو رقبة وكدا:D نحن يادوب حاجة كدا للتجديد وكان الله يحب المحسنين بس عايز شيخ كارب يفتي لي في الحتة دي اقول قولي هذا واستغفر الله لي ............... |
غايتو أنا قريت كل الفتاوي والردود وما عجبني غير كلام سمراء ونبراس..عشان دا كلام من القلب والتجربة وبالذات تساؤل سمراء عن الحب والاعجاب..
أوعي ياسمراء تكتبي حتي لو أدوكي الأمان.. |
اقتباس:
اجدني معك على اتفاق تام في رؤيتك للحب كحالة خاصة وخاصة جداً وهي حالة لايُلام عليها المرء كونها لا إرداية وتأتي كالقضاء والقدر ونظرتي هي أحبك ولكن ليس فرضياً أن اتزوجك .. هكذا لكن الفكرة هي عندما يأتي هذا الحب بعد الزواج فجأة هل نندم على تسرعنا بزواجنا أم نضم إلى عشنا شريك ثاني أم نعيشه بمفهوم آخر ؟ وفي حال الزوجة -وهي لاتستطيع ضمه كزوج ثان- كيف تعيشه ؟؟ اقول قولي هذا واستغفر الله لي .............. |
اقتباس:
نستخلص شنو ونخلي شنو هسه ماهو نحن عايزين نستخلص كم حاجة كدا من موضوعنا دا عشان نستعدل ايدك معانا ياخ وطلعي المستخبي بالله اقول قولي هذا واستغفر الله لي ............... |
كل الود و أطيب المني
حالة الحب مع طرف تالت دي يا زول الله حالة معقدة جدا و ممكن تكون مدمرة لو ما تم التعامل معاها بشجاعة و مسئولية و أنا هنا أتحدث عن الرجل و المرأة علي قدم المساواة لأنو الحالة دي ممكن تتلبس أي واحد فيهم كتير من الناس بعتبرو الحالة دي شكل من أشكال الأنانية أو الخيانة لكن و بكل واقعية مجرد الشعور بالحالة دي ما بيعتبر خيانة في حد ذاتو لأنو مسألة تقلب القلوب دي واردة و مشهودة لكن الاستمرار فيها دون الحسم هو البيمثل قمة الخيانة لأنو الحب في المقام الأول و قبل كل شئ إلتزام يبقي لا بد من الحسم و المفاضلة في إتجاه الإلتزام فقط ... إما بالخيار القديم أو الجديد مع الإستعداد الكامل لتحمل نتائج الإختيار و تبعاتو أما تعليق المسألة و التسويف و ممارسة التدحرج بين الخيارين دون الحسم في إتجاه الإلتزام بي خيار واحد فقط فده ضعف و سقوط إنساني و خيانة لكل الأطراف. |
اقتباس:
كلام سليم ماعدا حتة إذا ارادت دي عشان الحاجة دي خارج نطاق الإرادة البشرية حسب رأيي اما تطور العلاقة فدا شيء طبيعي نسبة لأن الحب نفسه يبدأ من إنجذاب جنسي في الحالة دي تختلف نظرة المجتمعات للعلاقة حسب المفاهيم والتقاليد والمعتنق اقول قولي هذا واستغفر الله لي .............. |
اقتباس:
متفقين يانبراسنا في الاولى دي شديد الرسول الكريم عليه الصلاة والسلام قال ذلك وهو يرى نفسه لاينصف زوجاته حباً اذن ميله كان للسيدة عائشة رضي الله عنها داخل مؤسسة الزواج لاننكر ان المقولة ايضاً يمكن تطبيقها لمن هم خارج تلك المؤسسة لكن الى أي مدى نستطيع كبح جماحنا وميلنا مع العلم ان الحب لايعرف المنطق هل يمكن إعتبار حب الزوجة لرجل آخر شرعي مثلاً ؟؟ وبالمقابل هل حب الزوج لأخرى يحمل صفة التحليل ؟؟ اقول قولي هذا واستغفر الله لي ................. |
اقتباس:
والله ياخينا دا جن قديم لكن اليومن دي شايفو بتاور ماعارفو حيودينا وين المهم انت الفيك اتعرفت وأقعد اقفل لي جوالاتك كدا لمن تروح من بيتكم سمح ؟؟؟ اقول قولي هذا واستغفر الله لي ............. |
اقتباس:
ديل بنسميهم خواص الخواص وهم حتى لايدركون المرأة فيهم من الرجل انهم ارواح سمت وتعالت وتشبعت بحب الذات الإلهية حتى غدت كالملائكة يطوفون في مكانهم بالسموات السبع ويرجعون فقط لأداء الصلوات هكذا عرفناهم مما سمعناهـ عنهم نسأل الله أن يبلغنا منزلتهم إن كانوا صادقين اما حبنا هذا الدنيوي فهو على النقيض من ذلك الحب مرة ومرتان وثلاث إذا كان القلب لكوندة زي قلوب الزمن دا وإذا كان قلباً قويا فله أن ينسى حب قديم بحب جديد اقوى وأكثر خبرة اما صاحب الحب لمرة واحدة .. فيقضي باقي عمره في إجترار ماتبقى من ذكرى حتى يموت عليها هذا في حال أغلق جميع نوافذ ومداخل قلبه ورمى مفتاحها في اقرب بحر اقول قولي هذا واستغفر الله لي .................. |
اقتباس:
عيدك سعيد وكل سنة وانت زي ماعايز بس بالله ماتحرش لينا البنات ديل خليهم يقولو العايزنو ياخ ونحن منتظرين اقول قولي هذا واستغفر الله لي ................ |
اقتباس:
طيب الالتزام بطرف واحد يعني فك تسجيلات الطرف التاني والمفاضلة بين الاثنين تقودنا الى إختيار واحد ليكمل المشوار معنا وفي حالة المتزوجين يبقى الخيار هو اما طلاق تمهيداً للزواج ممن نحب أو نسيان الامر دا حل تقليدي للمشكلة في حال الفهم هو الحب من اجل الزواج لكن الحب المطروح هنا هو حب لايفرض الزواج على اصحابه اي حب صافي لذات المحبوب دون العمل على الارتباط به مع الالتزام بكل متطلبات الحب وعنفوانه بفرضية ان المحبوب اساساً متزوج وشريك اساسي في اسرة وبرضو حالة تانية يمكن ان يكون الطرفين متزوجين لكنهم احبو بعضهم بجنون في الحالة دي هل يفترض الاثنين يتطلقو من شركائهم عشان يتزوجو بعض ؟؟؟ اقول قولي هذا واستغفر الله لي ............... |
اقتباس:
المشاركة الأصلية كتبت بواسطة زول الله http://sudanyat.org/vb/images/buttons/viewpost.gif الصايغ كل سنة وانت طيب طيب الالتزام بطرف واحد يعني فك تسجيلات الطرف التاني والمفاضلة بين الاثنين تقودنا الى إختيار واحد ليكمل المشوار معنا وفي حالة المتزوجين يبقى الخيار هو اما طلاق تمهيداً للزواج ممن نحب أو نسيان الامر دا حل تقليدي للمشكلة في حال الفهم هو الحب من اجل الزواج لكن الحب المطروح هنا هو حب لايفرض الزواج على اصحابه اي حب صافي لذات المحبوب دون العمل على الارتباط به مع الالتزام بكل متطلبات الحب وعنفوانه بفرضية ان المحبوب اساساً متزوج وشريك اساسي في اسرة وبرضو حالة تانية يمكن ان يكون الطرفين متزوجين لكنهم احبو بعضهم بجنون في الحالة دي هل يفترض الاثنين يتطلقو من شركائهم عشان يتزوجو بعض ؟؟؟ اقول قولي هذا واستغفر الله لي ............... لا مناص من ذلك يا زول الله الحل الناجع للحالة المستعصية دي يقتضي فك تسجيلات أحد الطرفين حتي لو أدي الأمر إلي الطلاق و تكوين أسرة جديدة. أللهم إلا يكون صاحب الحالة و طرفو الجديد حيرتضو لي نفسهم دريبات تانية و دي تبقي عوجة و خراب دنيا و آخرة :D:D كونو الحب من أجل الزواج ما فهم تقليدي يا فنان ده الفهم الطبيعي و الفطري و المرتضي للحب غير أن الحتة دي ... لكن الحب المطروح هنا هو حب لايفرض الزواج على اصحابه اي حب صافي لذات المحبوب دون العمل على الارتباط به مع الالتزام بكل متطلبات الحب وعنفوانه محتاج لي منك فيها تفكيك لأنو الدلالة هنا ما وقعت لي فلو كنت قاصد الحب من أجل الحب فده تحليق مثالي خارج إحداثيات الواقع. |
اقتباس:
هي سمراء قالت شنو..؟؟؟.. وبعدين عجبك كلامهن عشان عن تجربة ولا عشان منطقي وسليم بالنسبة ليك.. اذا عجبك لأنو عن تجربة يبقي انت المفروض يعجبك كلامي.. لأنو برض عن تجربة. العايز اقولو شنو: انو التجربة براها مامقياس. |
زول الله،، كل عام وانت بخير،،طبعا كل القلته وارد جدآ يحصل لأنه لايوجد شخص يستطيع التحكم في عواطفه،،ومع ذلك مامبرر للزوجة خصوصآ ان تنساق وراء عواطفها بذريعة الحب،،وبعدين نحن كبشر منذ خلقنا الي مماتنا لن نستطيع ان ندرك المعنى الحقيقى للحب...فمازلنا نتعلم في مدرسة اللحب!!looool تحياتي |
اقتباس:
الاتنين ديل كتبوا كلام موزون ومنطقي بدون فلسفة زي بعض الناس ما حاولوا يفلسفوها والكلام البسيط دايما هو الأقرب للواقع.. أما زول الله دا أنا سايبو للراجيهو وشايف بعدين حندخل في أجاويد ووسايط لكن المرة دي طلع حريف واعتذر قبال ما يغلط:D:D |
اقتباس:
اول حاجة هل نحن متفقين ان الحب لايعني فرضية الزواج؟ وانه ليس بإرادتنا يعني كالقضاء والقدر ؟ عشان اجيب ليك من داخل إحداثيات الواقع اقول قولي هذا واستغفر الله لي ................. |
اقتباس:
عمك حرشا عشان ماتقول عنف اسفيري شديد اللهجة ومغرض اقول قولي هذا واستغفر الله لي .............. |
اقتباس:
طبعاً تأميناً على كلامك فكل القلتو حاصل فعلاً ومن زمن وكل الناس عارفة بس عايز اوضح انو الانسياق وراء العواطف احياناً يكون لا إرادياً وكما ذكرتي لايوجد شخص يستطيع التحكم في عواطفه ودي حقيقة طيب شنو المبرر الكافي للإنسياق وراء العواطف إذا كان الحب غير كافياً كمبرر ؟؟ وهل الحكم عليها يأتي مبنياً على تصرفها الظاهر أم نضع في حسباننا العاطفة لتخفيفه؟؟؟ اقول قولي هذا واستغفر الله لي ............... |
اقتباس:
عيد وعيدنا حج وانتهى الجيلي مافي الظلاميون يمتنعون .. - النقر ومن لف لفافاته نموذجاً :D تاني شنو ؟ ناخد راحتنا ياحاج:) اقول قولي هذا واستغفر الله لي ............... |
اقتباس:
المشاركة الأصلية كتبت بواسطة زول الله http://sudanyat.org/vb/images/buttons/viewpost.gif الصائغ صبحك الله بالخير اول حاجة هل نحن متفقين ان الحب لايعني فرضية الزواج؟ وانه ليس بإرادتنا يعني كالقضاء والقدر ؟ عشان اجيب ليك من داخل إحداثيات الواقع اقول قولي هذا واستغفر الله لي ................. و لك طيبات الأماني و زاهرها يا عزيز متفقين أكيد في إنو الحب قضاء و قدر و ما بي إرادتنا لكن ده ما بيعني الإستسلام للحب إذا كان ما حيسير في إتجاه إيجابي و صحيح لأنو المرض برضو قضاء و قدر و ما بي إرادتنا و مداواتو واجبة أما مسألة إنو الحب ما بيعني فرضية الزواج فدي استميحك فيها إختلاف يا زول الله و حأكون مباشر جدا في طرح وجهة نظري من مدخل أساسي و واضح ماذا عن إيروسية الحب ؟ لا شك إنو الإيروسية ركن أساسي في الحب يعني الحب لا يحتمل غير الوصال الجسدي بين الطرفين و إلا حيكون حب غير واقعي يعني حنرجع تاني للمربع بتاع الحب من اجل الحب فكيف سيتم ممارسة هذا الركن الأساسي من غير زواج |
يا زول الله يا حبيبنا سلامات و عساك فيري فاين و كل سنة و انتوا طيبين .. يا اخوي الواحد/ة بعد الزواج و الارتباط يجب ان ينموا عواطفهم و السير بها لاستدامة الاستقرار و ان يقفلوا و يتربسوا ابواب الوله و الحنين و النجوى و الشوق و السهاد على بعضهم البعض و يقرضوا على كدا :D:D و اي نزوات عابرة و طيارة عيون يجب ان تلجم في وقتها و باصرار و عزيمة لا تلين .. عدا ذلك و في اي ظروف اخرى فالمجال مفتوحا و حرا و شاسعا و كل زول يغرف محل ما يشتهي و يميل :D:D و اقول لبعض الاحباب الكرام هنا ان اي علاقة حب و غرام عاطفي لا تنتهي بزواج و ارتباط و وثاق و عهد وفاء و ميثاق,, علاقة ضاربة و مضروبة و حب و نزوة عابرة سريعا ما تزول و تنضب .. و لن تقوى ان تسير بتحدي و ثبات امام التحديات و المصاعب لان اساساتها و دعائمها ليست راسخة و قوية و واضحة .. و عندما يسقط الالتزام و تنتفي المسؤلية تتلخبط حسابات العلاقة و تفقد زخمها و كينونتها و استمراريتها .. و نظرية "الحب للحب فقط " فدي خيال خصب و اثبتت عدم جدواها و لا تلائم مجتمعنا و ثقافتنا و عرفنا و ديننا .. اما المحبة واسعة الظلال تسع الصداقة و الزمالة و الخوة و الصحبة و الرفقة و العشرة النبيلة يا صاحب .. هذا فهمي و موقفي و ردي على سؤالك التعسفي !! و قطع شك هي رؤية و وجهة نظر مجردة و عامة قد تصيب و تخطى و ليست تقييما و مقياسا باي حال من الاحوال.. و لك و للجميع هنا وافر الود و عميق التحايا .. |
زول الله كل عام وانتم بخير ياخ
زول برد ليك قلبك مافي ;) كدي أنت أدينا اجابة تعسفية لسؤالك التعسفي دا :rolleyes: |
اقتباس:
الحب الأيروسي ذلك المغلف باللذة والشهوانية والشبق موجود ايضاً في مجتمعنا وإن غضضنا الطرف عنه تجاهلاً أو حرجاً وهو حباً جنسياً قائماً على اللذة والمتعة وهو من اعنف وأقوى انواع الحب لايستطيع المرء منه فكاكاً إلا من رحم ربي بل هو اقوى كثيراً من النوع الأول او الحب الطاهر النظيف ذلك الذي نتغنى به وقد حملت الرياح رمادهـ بعيداً منذ زمن طويل وصار يحيا في خيالاتنا فقط . وامامك الكثير من طلاب الجامعات وحالات الزواج العرفي وعدد من فتاوى بعض الشيوخ في السودان بجواز وإستحداث الجديد من الزواجات المشبوهة وهنالك كثير من الزواجات القائمة فعلاً والتي يعيش احد اطرافها أو كليهما قصة حب مع طرف ثالث ناهيك عن بعض الرجال والنساء الذين يصرفوا مادياً على احبائهم من حساب بيوتهم هذا قليل من كثير متفشي اخي العزيز. اقول قولي هذا واستغفر الله لي ................ |
اقتباس:
والله صدقت يا عباس اخوى... تخيل الود دا من عرس 3 سنين ما كملم وبنيتو البكر عمرها سنتين وحسع قام فى البرطعة دى .. يعنى عامل الواد جبدو ابوهو الشيخ العاقد على 16 مرة!!!! طيب ابوهو عاقد.. هو بيقدر؟؟؟ او دا لعب بعقول بعضهن ؟؟ ومش معروف نهايته شنو.. عينة الكلام دا نهايتو المايقوما!!! حسع يجوا يقولوا عمو دا متخلف!!! |
اقتباس:
شوف حكاية بعد الزواج يجب شنو وشنو ...الخ دي مافيها مشكلة هل تفتكر واحد يتزوج ويشيل شيلتو بيكون عندو مزاج يزيد همومو ؟؟ نحن بنتكلم عن مايأتي بدون تخطيط ولا طيارة عيون ولاشتين الحب يافيصل هو الفيصل في المسألة دي وهو البحدد لينا نشوت على وين لكن لما اساساً نكون شايتين - متزوجين- فهنا المشكلة العايزين ليها حلل لاعزيمة ولا إصرار ينفع مع هذه العاطفة الدكتاتورية هل نكتمو في حشانا ونعمل رايحين أم نعيشه بكل معطياته واليحصل يحصل؟ اقول قولي هذا واستغفر الله لي ................ |
اقتباس:
ياخوي الناس ديل بوزعو في الكورة ومافي واحد قادر يختها في الواطه انا اجابتي جات كم مرة في ردودي بس عملو نايمين لكن اقول ليك .. أصبر شوية وبجيك راجع اقول قولي هذا واستغفر الله لي .............. |
اقتباس:
ووحاتك ياخال مالعب بعقول بعضهن ولا كلهن ..انت عارفني زول الله ساكت:D ولي زوجة احبها جداً وهي عندي بعدد كبير من النساء والرجال سواء انا بعكس في واقع معاش يحدث قدامنا كل يوم ونحكي ونسمع عنه ونراهـ بعيوننا واقع مرير يجب البحث عن مخرج منه حتى يعود لمجتمعنا صفائه ونقائه الضائع السوداني اخو البنات والسودانية بت الرجال صاروا مجرد أمثال من تصرفات البعض البعض دي مامعناها عدد قليل بالعكس اكبر بكثير مما يتصور المنكرين لهذا الواقع اعرف اناس هنا وهناك يحبون حتى الثمالة ويرزقون بأطفال من خارج بيوتهم ويرون باعينهم اطفالهم يربونهم رجال آخرين وثم لاينكرون هذا الشيء بل يتحدثون عنه في مجتمعاتهم وقعداتهم وبفخر أحياناً اعرفهم/ن ياخال رجال اولاد قبايل ونساء بنات رجال لايرتزقن/ون منها كمهنة بل عذرهم/ن الحب فقط وعدم استعدادهم/ن لخراب بيوتهم/ن اريد رأياً منطقياً يجعل هذا الحب متناسقاً في رأيي بعيداً عن وصفه بالدعارة أو الشـ.. هل يوجد ؟؟؟ اقول قولي هذا واستغفر الله لي ................ |
اقتباس:
المشاركة الأصلية كتبت بواسطة زول الله http://sudanyat.org/vb/images/buttons/viewpost.gif الصايغ كل سنة وانت طيب طيب الالتزام بطرف واحد يعني فك تسجيلات الطرف التاني والمفاضلة بين الاثنين تقودنا الى إختيار واحد ليكمل المشوار معنا وفي حالة المتزوجين يبقى الخيار هو اما طلاق تمهيداً للزواج ممن نحب أو نسيان الامر دا حل تقليدي للمشكلة في حال الفهم هو الحب من اجل الزواج لكن الحب المطروح هنا هو حب لايفرض الزواج على اصحابه اي حب صافي لذات المحبوب دون العمل على الارتباط به مع الالتزام بكل متطلبات الحب وعنفوانه بفرضية ان المحبوب اساساً متزوج وشريك اساسي في اسرة وبرضو حالة تانية يمكن ان يكون الطرفين متزوجين لكنهم احبو بعضهم بجنون في الحالة دي هل يفترض الاثنين يتطلقو من شركائهم عشان يتزوجو بعض ؟؟؟ اقول قولي هذا واستغفر الله لي ............... اذا كان الاثنين متزوجان ليس بضرورة اطلقوا لى يتزوجوا من بعض لانو هم اصلا مافى حوجة للزواج و ثانيا باثر الطلاق على اسرهم و بساعد على تفكيكها اذا كانو لا يستطيعوا ان يستغنوا عن بعض فلهم خيار العشق |
اقتباس:
اذا نظرنا للامر من هذه الناحية نجد كثير من الناس الهنا حيجو ويخالفوك الرأي طيب المجتمع حيمشي على وين والاساس ونتاج العلاقة دي حيكون شنو؟ ام التيمان حبابك عشرة كأحد الأراء الجريئة التي مرت على هذا البوست اقول قولي هذا واستغفر الله لي ................ |
اقتباس:
يعني شنو يا أم التيمان نمد القرعة:confused::confused: غايتو أنا شايف لي خور فاتح خشمو وفيصل سيحة واقف حارسو...ألله يستر;):D |
| الساعة الآن 03:34 PM. |
Powered by vBulletin® Version 3.8.8 Beta 2
Copyright ©2000 - 2026, vBulletin Solutions, Inc.