شعب جعان .. لاكنو جبان
شعار صرخنا بيه فى الشوارع زمااااان ..
يعنى البشير العرس مرت صاحبو المتهم بتصفيتو .. وفاز فى الإنتخاابات بريئ من جبن هذا الشعب .. لقاهو حبان كده .. |
سلامات يا جميل
شعب جيعان و جبان و مقهور كمان |
تعرف يا رأفت من ما قريت كلمة جعان بدل جيعان طوالي عرفتك انت الكاتبا عشان انت وناسك بس البتنطقوها وتكتبوها كدا..ما علينا المهم الحصل دا ما بجي ولا واحد في المليون من العملو الكيزان..قتلو ونهبو واغتصبو وعملو السبعة وزمتا وما قلنا بغم وهسة هايجين عشان دي مرا..غايتو الواحد احتار والكلام ذاتو بقي يتزاوغ من الواحد..والناس هايجة لو قلت ليهم كلام ما عجبم بيصلبوك ويلحقوك يسوع..
|
الشعب ليس جبانا.....الشعب أدرك أن كل تضحياته تذهب سدى ولا يحصد إلا الحسرة ....ما ألذي يدفعني للخروج في مظاهرة والتعرض للموت ثم يأتي أناس لم يعيشوا المرارات التي عشتها ولم يتعرضوا لما تعرضت له من ضرب وغازات وينالوا مالم يتعبوا أو يفكروا في الوصول اليه بجهدهم..... اكتوبر كانت وبالا على الشعب بعد أن إمتطى صهوتها كل الأحزاب وبدأوا يتنافسون في من سيسقط الأخرين ...إبريل تحولت لكذبة بعد أن بدأ النوائب (ليسوا بنواب إلا قلة) يتكالبون لجني المكاسب بعد أن اصدروا قرارا تاريخيا (هو فعلا تاريخي لكونه أغبى قرار في تاريخ أي برلمان في أي مكان في العالم) يقضي بإزالة اثار مايو ومسح كل خطب مايو وأغاني مايو وكل حجر أساس له صلة بمايو...... وكان قرارهم التاريخي التالي بالتعويضات فحصل عز الدين علي عامر على 350000جنيه (70000 دولاربسعر السوق السوداء وقتها) وحصل آل المهدي على أكثر من 40 مليون جنيه... أما أنا فقد حصلت على خطاب إستغناء من الخدمة !!!!
لن أخرج في مظاهرة ضد أي حكومة ما لم يكن هناك عائد علي وأولادي وأهلي ومنطقتي والبلد ...... أما النضال المجاني فقد ولى زمانه |
اقتباس:
مات القرشي ومات عبد الحفيظ وغار عبود وجا الصادق المهدي ناطي وسلما تاني للعسكر وولاد الناس راحوا في شربة موية..ثم تكرر الموقف بشوية رتوش ديمقراطية وجا الصادق تاني ناطي وتاني سلما للعسكر..بنج بونجlooool:mad: |
اقتباس:
[flash=http://www.youtube.com/v/r7WD82Vw6w4?fs=1&hl=en_GB]WIDTH=350 HEIGHT=400[/flash] [justify]عمر الخطير متوهط فوق السرير ونحن من بعدك نطير ....ونطير البترول كتير .......متل العوير[/justify] . |
اقتباس:
يا أم التيمان كدى أسألك .. هسة البت المسحوا بيها الواطة دى .. كان طلعت من الدين برضو بقيموا عليها الحد نفس الجماعة ديل .. |
حبيبنا رافت الشعب ماجبان بس حليم شعب عمل انتفاضتين ضد ديكتاتورية عسكرية في قرن واحد !!! شعبنا حليييم بس...فليتقوا غضب الحليم...:mad: لأن غضبه سيزلزل العرش من تحت اقدامهم... |
اقتباس:
طيب يامرافي مستنيين شنو عشان يغضبو:confused::confused::confused: |
اقتباس:
ما نحنا نجعجع من بعيد سااااي واصحاب الوجع صابرين ومتحملين وقابضين الجمر.... |
اقتباس:
ها انتي قايلانا عورا ولا عندنا أصلاب لي زي دا.. في كل مرة نقلبا ليهم ويجو يركبو هم المرة دي احنا راجينهم يقلبوها عشان نجي نركب احنا وأنا اليومين ديل بفتش في حصان أبيض أرجع راكبو وأنا نازل في المطار:D:D |
اقتباس:
المشاركة الأصلية كتبت بواسطة رأفت ميلاد http://sudanyat.org/vb/images/buttons/viewpost.gif تعرفى يا أم التيمان مقهور دى سهكناها كتير .. لامن الزول يكون مقهور بمزاجو بختلف الأمر كتير .. يا أم التيمان كدى أسألك .. هسة البت المسحوا بيها الواطة دى .. كان طلعت من الدين برضو بقيموا عليها الحد نفس الجماعة ديل .. يارافت لى شئ الشايفة حاقيمو عليها الحد الضلاليين الهنا ما بتلحق تصل الجماعة ديلك |
اقتباس:
بطل تشتت الكورة .. وخليك زى باكر عباس .. خليه يجينى بى هنا وسارة بقطع ليك رجلا الضلامية .. قال جيعان قال .. أنت قايلنى غرباوى ولّ من بقايا شندى .. أنا من مدنى السنى .. يا حلبى يا حلبى يا جيعان ;) |
اقتباس:
سلامات يا ماهر ومرحب بيك .. تعرف كلامك ده قالو أبوى لامن طلعنا فى ثورة الطلاب أيام نميرى .. جا الكومر كايسنى فى البيت .. جانى الوالد فى نادى العمال فى بالعربية .. قال لى أركب .. ودور وما أتكلم معاى لحدى الكاملين .. قال لى (هسة دايرين تشيلوا نميرى .. تجيبوا لينا الصادق ولّ المرغنى ولَ الترابى) .. قلت ليه نحن بنرفض الطغيان .. ما رد علىّ تانى .. فى واحد ظريف جاوب على نفس السؤال ده قال (إنشاءالله يجينا حامد بريمة) يا ماهر ما يطلعوا مظاهرة ياخ ولا حاجة .. البتفرجوا ديل مافى واحد يمسك السوط ويجلد القاضى المستجل والعسكرى البضحك والتانى البجلد بإستمتاع .. تقول لى شعب ما جبان .. والعسكرى العلق وقف الضرب خايف على العربية .. وواحد كورك بحزر من العربية .. يعنى ما جبان بس دخل فى حتت تانية .. يعنى دى الطلعتوا بيها من التجربة .. قصة جحا الحكاها قرقاش ديك مزورة .. الحريقة ما هى الكانت فى بيتو .. كانت حاجة تانية .. وبرضو كال بعيدة من سجم خشمو .. يا ماهر لا نكذب إلا على أنفسنا |
اقتباس:
العوير ده بالمناسبة (للماعرفين) نوع من النباتات البتقوم بدون رعاية .. طويل زى القصب .. وكان لقيت عود منو ناشف حطبة وغزيتو فى بلاعة بخدر .. ولا رأئحة له ولا نفع .. ده ما البترول يا زين .. ديل نحنا .. لامن يحكمنا واحد زى العوير ده .. |
[frame="1 50"]يا ماهر ما يطلعوا مظاهرة ياخ ولا حاجة .. البتفرجوا ديل مافى واحد يمسك السوط ويجلد القاضى المستجل والعسكرى البضحك والتانى البجلد بإستمتاع .. تقول لى شعب ما جبان [/frame
يا رأفت ياخى البتفرجوا ديل ما جماهير القماير انت نسيت وللا شنو...ديل بطلعوا مظاهرات... المقلب العملتو الانقاذ انها طيرتكم كلكم للخارج وانفردت ... والشكية لى الله |
اقتباس:
بلا غضب الحليم بلا بطيخ .. |
اقتباس:
والدليل ناس سودانيزاونلاين البشوفهم يقول الدنيابكرة متقوم فيها نار يجي واحد صاحبهم في الشرطةسابقا والله نائب مدير الشرطة قال لي ويبقواليك في شكر صاحبهم وانه مصدر موثوق فيه وانت عارف الباقي |
اقتباس:
حلوة وملعوبة .. لكن البوست ده تحدى عديل لروحنا .. وماشين نطلع كل الداسنو .. البدخل صباعو .. بقطعو ليهو .. قال الحاردلو: نحنا بناتنا محروسات ونحنا ولادنا ضلالات .. طلعنا: نحن بناتنا مطلوقات ونحن ولادنا فسايات معاها عرضة وشبال ودقت أرض .. ولّ ما ياهو |
اقتباس:
|
اقتباس:
زى (الكسلتزر) فى زمنا .. الحبة تفور وتنزل على مافيش .. عالم كذابة بقنعوا نفسهم بالبطولات .. جيجى أقول ليس سر قالتو لى همسة .. ناس البوليس ديل حاقدين وبحبو الأذية .. وجلدوا الناس فى صف السينما وفى المظاهرات وفى المولد .. يعنى لامن يلقوها مقننة بالقانون .. ويلعبوا دور البطل وحرس الفضيلة .. ديل العساكر .. أما الظباط فى وداى تانى .. بالليل سهر وسكر وبنات .. وبالنهار دبابير وونسة مكاتب ومجاملات رتب ووجاهة .. كدى يجينا الأمين العام يقفل لنا البوست ده .. عاجبك كدة ;) |
سلام يا رأفت
جبان شوية عليه :mad: ياخي الشعب جاع ولسة ساكت الشعب اتذل ولسة ساكت الوطن اتقسم ولسة ساكت سرقوا الثروات وملوا جيوبهم ولسة ساكت ضربوا النساء بغير حق ولسة ساكت .... اكتر من كدا شنو باين الشعب استمرأ الذل وجلدو نحس ولا خايف الجايين يكونوا اسوأ مسكين وطني ضيعته الحكومات والاحزاب :( كان لنا وطن :( |
رأفت ميلاد بقي يستني لغاية ما يشرب اللبن بعدين يرد علي المداخلات ولو قام قل عقلو ورد أثناء شراب اللبن بحصل معاهو الحصل مع مداخلتيني..قلبي عليك ياولدي:D:D
|
اقتباس:
|
اقتباس:
|
اقتباس:
|
اقتباس:
ولو كل زول قال كدا يبقى على الدنيا السلام وبختهم الظلمة مافي زول بسألهم وكل حريرة تبل راسا وتجي :mad: القروش ما بتشتري كرامة الانسان ويا عمو فتحي مثل مصري بقول يا فرعون ايه اللي فرعنك قال ما لقيتش حد يوقف لي |
عارف يا رافت الشعب زي القنع من خيرن فيها مسكين يكافح انتفاضات انقلابات :( ويجو ناس قريعتي راحت ينهبوا الثروات :mad::mad:كان الله في عون البلد الما عندها وجيع مش كان خلونا مستعمرين احسن
|
اقتباس:
تربيتنا بطالة يا ماهر .. عموماً رجل البوليس (عموماً) سيئ السمعة .. تمتلى صفوفهم بالمرتشين واللصوص والساديين وبينهم القتلة .. |
اقتباس:
تعرفى يا تحفة كلام ماهر ده تنصل من الحقيقة دافعه حب الوطن .. لكن لامن تكون الحقيقة بالـ (الليك والعليك) .. الرؤيا بتكون أوضح .. يعنى بلادى وإن جارت على عزيزة الخ .. كلام ساكت .. لكن يا تحفة (حريرة) دى شنو :eek: يعنى بت عرب ما خادم :confused: بقرا اكلام ده كل يوم وأنا ساكت .. |
اقتباس:
عشان إنتفاضاتنا كانت غضبات من الظلم .. ما ثورة .. الثورة دايرة زعامة فرد أو حزب .. زى نلسون مانديلا وكاستروا وهوشى منة .. وزى قرنج .. لكن أجزابنا بتاعة (المصالحة) الوطنية دى ما بتنفع . |
اقتباس:
كنت قايلة معناها انثى وعذرا لو بدا منها هذا الفهم الما جميل كلو كلو :o وشكرا للتنبيه والتفسير وحسن الظن :) |
اقتباس:
ياتحفة حوا حريرة هي تصغير حرة وكلام رأفت دا 95% من الناس ما عارفنو يعني ما براك..هسة زي اسمك دا كان جيت خاطبتك وقلت ليك ياتحفة بكون في احتمال اني بشتمك أو بستهزأ بيك لذلك لازم أقول الاسم كامل مبتداهو وخبرو ألله يقطع خبرك يارأفت:D:D |
اقتباس:
اقتباس:
متأكد وعارف وقصدت أنبهك لخطأ عام زى ما قال فتحى .. يعنى مقولة (تموت الحرة ولا تأكل من ثديها) .. مقولة معطنة بالعنصرية .. لكن نقولها بزهو عشان تربيتنا غلط ما بنلاحظ الأشياء دى .. وغالباً يكون العرب قادننا بيها .. المصيبة الفينا قايلين نحن عرب :eek: |
رأفت والله داخل أسلم عليك بس..
بقيت زي دولار اليومين ديل.. شفت البوست بإسمك وجيت داخل ماقريت اي حاجة. تحياتي ياخ |
يا عمو رأفت النظام ده اول حاجة عملا كوزن الثائرين وصعاليك المدن والناس السمهم فاير قتل روح الوطنية واستبدلها بحب المؤتمر الوطني الشعب حا اثور ليه ؟ عشان افتحو فيهو نيران البنادق وبعد ما اقتلوا نصفهم اقولوا للنصف التاني تعالو نحل ليكم مشاكلكم يا عمنا هذاالشعب محبوب عند الله مش ربنا اذا احب عبداً ابتلاه اهو نحن ربنا ابتلانا بالكيزان والحيتان ووجع المصران |
اقتباس:
البوست والله فاضى وفيه كل شيئ .. زى زينة الحياة الدنيا (مقلوبة) .. يعنى بدل (المال والبنون) بقت (البنون والمال) :) غايتو |
اقتباس:
وليك وحشة يا محمد مصطفى .. ياخ الله برئ من ذاك إبتلاء .. قالوا العروس يوم الدخلة النسوان الخبرة كرهنها .. كل واحدة جاراها فى ركن توصى فيها .. وهى معصورة .. جات تزوغ نادنها شلة .. فاض بيها ونهرتن (ما جاية .. مو الشئ ده خابرا) :D:D:D |
الظريف اللماح رأفت الهجان
أخوك من ناس يا مايو أبوي ذي أختي وأخوي وأمي وأبوي ومن حقبة الناس البقولو " وريتنا جديد ما كان على بال" لكين في زمن الإنقاذ والإرتحال تأخذني منك وتعدو الظلال من خاف سلم رمية تماس التقول أنحن إتلاقينا مرة لكين ما في خيالي في المنامة وشارع المعارض صح ولا يخلق من الشبه أربعين |
اقتباس:
|
| الساعة الآن 02:44 PM. |
Powered by vBulletin® Version 3.8.8 Beta 2
Copyright ©2000 - 2026, vBulletin Solutions, Inc.