شكر خاص لطاقم مستشفى الزيتونه
بسم الله الرحمن الرحيم
السلام عليكم و رحمة الله تعالى و بركاته اصالة عن نفسي و نيابة عن كل اعضاء منتدى سودانيات و منتدى البركل و عن اسرة خالد الحاج الصغيره و الكبيره وكل احبابو نشكر طاقم مستشفى الزيتونه من عمال النظافه الى اكبر الاخصائيين مرورا بالسسترات و الحرس و الموظفيين في جميع الاقسام و نخص بالشكر د.صلاح اخصائي امراض الصدر د.انس اخصائي امراض القلب د. اسامه الجعلي و هو اول من فتح قنوات اتصال مع الخارج (هولندا) الاستاذه.سحر مامون حميده شكرا كثيرا لكم لكل ما بذلتوه من مساعي و لكل ما وجدناه من رعايه و اهتمام |
|
اقتباس:
لقد قمنا باللازم تجاه أسرة المستشفي من قبل وأظنك قد سهيتي فقط ومن غير قصد بالطبع عن ذكر أسرة موقع البركل الإلكتروني هؤلاء قد أخجلوني وهموا كما النحل تماماً في كل موقع تجدهم فاعلون وفي كل أمر تجدهم وقد زللوا كل ما قد يقف دون حلول أمرٍ ما شكراً لكم وأنتم تقومون بواجبكم تجاه ومؤسس موقع البركل خالد الحاج وهو في المقام الأول أخوكم الذي تحبون ويبادلكم هو الحب كذلك شكراً نبراس |
الاحباب ساره و ناصر
صراحة مرت بنا ايام عصيبه و صراحة ناس المستشفى ما قصروا نهائي في سستر شغاله في قسم غير خالص كانت بتدخل غرفة العنايه مخصوص عشان تجي تطمن مدام ايمان اما ناس البركل ان شاء الله يوم شكرهم ما يجي اخص منهم طارق علي ازهري اسامه آبري سودانيات لا استطيع ان اذكر من ولا من في الداخل و الخارج من لا يشكر الناس لا يشكر الله |
اختي نبراس
ان كان ممكنا اسمحي لي بنقل هذا البوست الى البركل فمن الاهمية وجوده هنـاك بالرغم من من وجود النوافذ المفتوحه على سودانيات لكن افضّل ان اقوم بنقل البوست بنفس عنوان الموضوع بكامل حقوق اختي نبراس بالنسبة لأخوي ناصر اعطاني الضؤ الاخضر بالنسبة لبعض مشاركاته من الامس اللهم ارجع لنا خالد الحاج سالماً معافى |
اقتباس:
هنا و هناك البيت وكلهن موجودات بفضل الخال ربي يسلمو و يشفيهو و يرجعوا بالسلامه |
|
الاخت نبراس والاخ نــاصر وجميع احبابنا في سودانيات انقل لكم رد اخي طارق علي صالح الامين العام لمنتدى البركل
اسرة الزيتونة ابدا ما قصرت والله العظيم بذل طاقمها مجهود كبير جدا ويكفي ان دكتور اسامة الرشيد كان الرابط بيننا وهولندا وهو الرجل الذي حرك ملف شركة التأمين واداره بكل حنكة واقتدار مع الرجل الرائع عبد العزيز خطاب وله القدح المعلي في ادارة ملف نقل خالد بالاسعاف الجوي وكان معنا من الصبح الباكرالي ان ادخل خالد داخل الطائرة بعد منتصف الليل وتابع تركيب الاجهزه بنفسه .. وكذا كان انس البدوي الانسان الرائع الحبوب المحبوب ودكتورة سحرمأمون حميدة (طالبتي النجيبة) التي قدمت لنا كل الدعم في كل الاوقات انهم رجال رجال رجال.. شكرا اسرة مستشفي الزيتونة علي التعامل الراقي والعناية الفائقة علي مدار الساعة.. شكراَ سودانيات لقد تعرفت علي اخوة واخوات من هذا المنتدي العملاق عمالقة في كل شيء وافخر بمعرفتهم عبد العزيز خطاب ونبراس وناصر والنور يوسف امثلة لمجموعة كبيرة عبرت عن حسها بحضور متميز ومحبة صادقة حتي تمنيت ان اكون واحدا منهم يارب الناس اذهب البأس واشفي خالد الحاج شفاَ لا يغادر سقما طارق علي صالح |
السلام عليكم ورحمة الله وبركاته
اولا نحمد الله سبحانه وتعالى على نعمة الصحة التي اسبغها على اخونا وحبيبنا خالد الحاج ودعواتنا متلاحقة له لاكتمال الشفاء في اول يوم دخل فيه خالد المستشفى كنت اول الواصلين اليه وكان بغرفة الطوارئ وكان متواجد حينها الرجل الهمام طارق علي صالح دخلت على خالد وما ان رايت الدكتور اسامة الرشيد بجواره حتى اطمأن قلبي الدكتور اسامة الرشيد رجل من طراز فريد ... قدم ما يفوق طاقته في العناية بحالة خالد ولا نستطيع ان نوفيه حقه مهما اجزلنا له الشكر والثناء فهو لم يفارق خالد حتى ادخله للطائرة واطمأن عليه ... شكرا لك ايها الانسان الرائع ايضا لا يفوتني ان اتقدم بالشكر الجزيل لكل العاملين بمستشفى الزيتونة من اطباء وطاقم التمريض واداريين والاخوة في امن المستشفى والشكر ايضا للدكتور انس البدوي وان كان هذا الرجل لا ينتظر شكرا في خدمة خالد فهو اقرب منا جميعا له وما قدمه لخالد (ما مشحود عليهو) فهذه عشرة عمر بينه وبين خالد الحاج وقد ذكر لي خالد في حديثي معه بالبيت قبل دخوله المستشفى وكان خالد فخورا جدا بدكتور انس |
اقتباس:
http://www.anfaaas.com/vb/imgcache/2/3157anfaaas.jpg اللهم اشف عبدك خالد الحاج شفاء ليس بعده سقما ..اللهم خذ بيده واحرسه بعينيك التى لا تنام و اكنفه بركنك الذى لا يرام و احفظه بعزك الذى لا يُضام .. و اكلأه فى الليل و فى النهار و ارحمه بقدرتك عليه .. انت ثقته و رجائه يا كاشف الهم يا مفرج الكرب يا مجيب دعوة المضطرين .. اللهم البسه ثوب الصحة والعافية عاجلا غير اجلا يا أرحم الراحمين .. |
طيب المشكله وين ؟؟؟؟؟؟؟؟؟؟
|
|
اقتباس:
المشاركة الأصلية كتبت بواسطة همس الشوق http://sudanyat.org/vb/images/buttons/viewpost.gif طيب المشكله وين ؟؟؟؟؟؟؟؟؟؟ العزيزة همس الشوق سؤال مشروع بالتأكيد المشكلة ليست مشكلة الطبيب السوداني لان الطبيب السوداني مشهود له بالكفاءة والمقدرات العالية بدليل تفوق الاطباء السودانيين في المهاجر والمغترب ولكن المشكلة تكمن في الاجهزة ذات الامكانيات العالية وهذه مشكلة الدولة وليست الطبيب علي ما اعتقد .... ولك وافر الاحترام |
اقتباس:
نعم الطبيب السوداني اصبح معروف ومشهور في كل البلاد العربية بانه مثال يحتذى به لا خلاف على ذلك ولكن حينما تقوم في السودان نهضة للاستثمارات الطبيه وان تقوم مستشفيات ومستوصفات مواصفاتها تضاهي فنادق الخمسه نجوم أو قل السبعه نجوم عندما تكون هذه المستوصفات والمستشفيات بملايين الجنيهات يجب ان تراع الكفاءا الطبيه واخر التطورات في عالم الاجهزه الحديثه لانه الدوله لا دخل لها في الاستثمارات الخاصه شنو يعني مكان يبهر الناس وشنو ممرضات فيلبينيات وتفتقد المستشفيات لأهم الاشياء وهي الكفاءات الطبيه وهنا لا اقصد الاطباء فقط ولكن يجب ان يراعى في الحسبان التطور في الجانب الطبي بكل اقسامه من اطباء واجهزه داعمة للعملية الطبية ارواح الناس ليس بالشي الهين |
الاخت همس الشوق ..... طالما اتفقنا علي ان المشكلة ليست في الاطباء فهذه خطوة تصب في مسار البوست وواجب الشكر لطاقم المستشفي ... فاما
الدولة همها تقبض القروش ... لكن تتجاهل اهم دور لها .... فعلي وزارة الصحة المراقبة بواسطة المختصين في الحقل الطبي لهذه المستشفيات ... اذا ما هي ترتقي للمستوي المطلوب من حيث الامكانيات ام لا .... ومن المفترض يتضمن هذا في شروط العقد الموقع بين الطرفين فالتقصير تقصير مشترك بين المستثمر و الدولة التي لها نصيب الاسد في هذا التقصير ..... كوني بخير |
**********
اقتباس:
|
يا همس الشوق و الله كتبتي الداير أكتبه ( طيب المشكلة وين؟)
و بعدين يا عابد عقيد حكاية المشكلة ما في الطبيب السوداني , و الطبيب السوداني مشهود له بالكفاءة الكلام دا محتاج لمراجعة و إعادة نظر .... الطبيب السوداني البتتكلم عنه دا شغال و قبلان بنظام صحي متهالك و كروبتت يبقي هو مشارك أصيل فيه .... المشكلة ما في الطبيب السوداني .... طيب الزول البخلي المستشفي و أثناء ساعات الدوام بكون في عيادته الخاصة دا يا عابد طبيب نيجيري ما سوداني؟ الزول البحول الناس من المستشفي لعيادته الخاصة دا طيب تايواني؟ الزول البتونس مع صاحبه طبيب سوداني في السعودية بقول ليهو نحن في السودان لو حاجة غلبتنا بنمرق بالملاريا انتو في السعودية بتمرقوا بشنو؟ أها دا طبيب هندي؟ أخوي الراقد بكلازار و الطبيب المعالج الما عارف الأثار الجانبية للكلازار و ثقفته أنا و شكراً لقوقل ... دا علي فكرة يا عابد عقيد طبيب سوداني أم عن حبوبة شوف يا عابد حكاية الطبيب السوداني مشهود له بالكفاءة و الشعب السوداني معلم و القصص دي صدقني بقت الليله ما جايبة حقها .... نحن محتاجين نعترف بازمتنا عشان نعالجها .... نبراس أخيراً بما أنك كتبت بإسم سودانيات و بتشكري في الزيتونة و طاقمها الطبي أنا حافظ حسين كعضو في سودانيات علي الإطلاق ما بشكر الزيتونة و لا النظام الصحي في البلد و تاني مرة يا نبراس لو دايرة تشكري أي جهة أتخيل لي مفروض تشكرويها نبراس كعضو ما تلمينا كلنا معاك كقطيع. معليش لو في شكر مفروض نشكر الحكوم الهولندية كحكومة محترمة و الإنسان فيها عنده قيمة بغض النظر عن دينه أو عرقه .... شكراً هولندا حكومة و شعباً |
اقتباس:
انا شكرتهم كعضو و شكرتهم و انا على ثقه اننا هنا شيء واحد ما قطيع و راعي لكن الشهاده لله انا شفت لمده 10 يوم الناس دي تعبت كيف و شفت الاهتمام وشفت د.اسامه و هو متابع خالد من استلموهو من الطوارئ لحدي ما دخلو الطياره و شفتو وهو بتصل من رقمو الخاص بهولندا و دا قدام عيني و عرفت د.انس قطع اجازتو عشان خالد و شفت طاقم ممرضات تحمل كل اللحظات الحرجه المر بيها خالد و تحمل حتى نفسيات خالد لما استأت و زهج ,شفت حرس الباب و هو بتعامل معانا معامله ما عاوزا اقول خاصه لكن ما حصل يوم مشيت وقفت في الباب بل فيهم 2 بيجوا لخالد في الغرفه يطمأنوا عليهو عن نفسي تاني بشكرهم |
يا حافظ براحة وبدون انفعال :D
ما ذكرته اعلاه ينحصر ما بين اقتصادي وتأهيلي والاتنين مشكلة الدولة ما مشكلة الطبيب . |
اقتباس:
يا نبراس نحن وقتنا الساخطين و بنندب حظنا و حظ البلد هل كنا بنتونس يعني و لا كلام للإستهلاك المحلي؟ خالد دخل مستشفي الزيتونة دي بكرعينه و طلع بإسعاف و شكراً للحكومة الهولندية وين كانت المشكلة؟ كل يوم كنا بنسمع حالته مستقره و علي فكرة إستقرار حالة خالد دي ما أظن العضوية قطعتها من رأسها لكن جاية من داخل الجهة البتشكري فيها دي يا نبراس ... كل يوم حالته مستقرة و أخر يوم القصة تكون أسوأ من التصور برضو مفروض نشكرهم و كرعينا في رقبتنا؟ أني أشكر الحكومة الهولندية |
اقتباس:
|
اقتباس:
و الله الواحد خايف يوم الإدارة دي تجي تفتح بإسمه شكر لعمر لبشير أو نافع علي نافع أصلاً بقت ما في حاجة مضمونة في البلد دي |
اقتباس:
ياحافظ عليك ألله تهدأ شوية..والله أنا معاك في مجمل ما قلته ولكن ليس الآن الوقت المناسب لتخليص الحسابات خاصة ونحن لا نتحامل علي الدكاترة بدون سبب.الزملاء يخلطون بين الجانب الانساني في المعاملة والجانب المهني الذي من أجله دخل المريض المستشفي..السوداني معروف بالمروءة وبزل كل ما في استطاعته لأداء عمله ولكن هل كل ما في استطاعته يكفي كي نصل لما نحتاجه:confused::confused: لن أتفلسف فلست طبيبا حتي أقول ان فلان أو علان قد قصر في واجبه تجاه المريض سواء كان ذلك اهمالا أو جهلا حاشاهم ولكن دعونا ننظر للأمر بالبلدي دون اتهام أو تحيز مع أو ضد أي جهة.. كم المدة التي قضاها خالد في مستشفي الزيتونة وما هو تسلسل تطورات الحالة كما كانت تصلنا...تحسن تأخر انتكاسة ثم شبه غيبوبة ان لم تكن غيبوبة. يلي كل ذلك تدخل طرف من خارج المستشفي وتقديمه النصح ولا أزعم ان التحسن الذي طرأ كان بسبب نصيحته أو نصحه هو الذي أدي الي تحسن الحالة فبعد أن كان التنفس 21% ارتفع الي 95% ..ثم غادر المستشفي بعد أقل من أربعة وعشرين ساعة الي نيروبي وهو فاقد الوعي تماما..ثم وصوله الي نيروبي حيث تم البدء في العلاج مما أسفر عن تحسن سريع أعقبه حالة صحيان وتحدث مع شقيقه ومنذ تلك اللحظة والحمدلله تصلنا الأخبار تباعا بتحسنه تحسنا ملموسا.. يللا فكفكوها وأحسبوها براكم وورونا المحصلة من الكلام دا شنو:confused: ونحن لا نتهم أي من الأطباء بالتقصير ولكننا بشر لا يمكن أن نلغي عقولنا ونحاول أن نقنع أنفسنا بأن خالد لو كان استمر في الزيتونة كان برضو وصل للحالة الفيها هسة.. بالله قفلو الموضوع دا وأشكروا ربنا الأنقذ حياة الزول دا وأشكروا كل من قام بالدعاء وكل من سهر الليالي بجانبه كي تصلنا الأخبار بصورة متواصلة.. |
جميل جدآ ياحافظ,
طبعآ اتفق معك تمامآ , ولدى كلام أشد حرقة قادم, ولن يكون سهلآ, دعنا ننظر قليلآ لنطمئن تمامآ على صحة خالد , فذلك هو الأهم الآن.. هنالك الكثير سيقال وسيحدد معه ملامح عدة أشياء.. كويس انك فرملتا الحكاية دى بى مداخلاتك السابقة, التحايا للجميع |
اقتباس:
و بعيدا عن العواطف و الكلا الما جايب حقو انا عدلت الشكر في المداخله التانيه باسمي نبراس كعضو خالد طلع باسعاف لانو لازم يكون معاهو جهاز تنفس صناعي خالد ما كان في غيبوبه ولا جاتو شبه غيبوبه نهائي خالد كان مخدر عشان جهاز التنفس الصناعي انا بتكلم بالشيء الشفتو وعشتو,يجي د.احمد زين يتكلم من نواحي طبيه هو ادرى بها مني على كل حال انا ماني متكلمه في الموضوع دا تاني ان شاء الله يقوم خالد بالسلامه و يجي يحكي بنفسو |
والله انا ما طبيبه ولا بعرف في الطب
لكن انسانه بشوف انه لمن يكون عندي مريض واوديهو لي مستوصف بملايين الجنيهات معناها انا بنشد اعلى قدر من الاهتمام والمتابعه الصحيه بصرف النظر عن الشكليات ولمن ادخل مريضي المستشفى بكون املي في ربنا وفي الاطباء ان يتم شفاءه ويتماثل للشفاء بأسرع فرصه ممكنه.... هنا بجي دور الطبيب في اكتشاف المرض باسرع فرصه ومن ثم العلاج لكن لمن يمكث مريضي في المستشفى لاكثر من اسبوع وحالته كل يوم ماشه في النازل تتوقعو مني اني اقول شنو ؟؟؟؟ نبراس يا حبيبه انا مقدره مشاعرك وكل ما زكرتيهو ممكن يكون حاصل يعني ممكن جدا ان رجل الامن في الباب تجاوز ليكم تعليمات بانه دخلكم في اي وقت دا مفروض نشكره .... الممرضه كلفت نفسها وهي ما تابعه لقسم خالد وجات طمنتكم كتر خيرها ما قصرت برضو نشكرها لكن لب الموضوع واساسه هو شفاء الغالي خالد شنو الحصل لمدة اسبوع من دخوله المستشفى زول دخل المستشفى بي كرعينو على قول حافظ وطلع بي نقاله بين الحياة والموت .... نشكر المستشفى على شنو ؟؟؟؟؟؟ وشنو الحصل ليهو فى قل من 3 ايام في نيروبي يا جماعه دا اسمو درء الرماد في العيون وعلى قول حافظ برضو ( قلته الكنت عايزه اقوله ) انه لو في شكر فالشكر اجزله ومعه كتير امتنان للحكومة الهولنديه وطاقم اطباء بلا حدود الذين تكبدو كل المسافه ما بين نيروبي الى الخرطوم في اقل من 24 ساعه لإنقاذ حياة مواطن هولندي والحكمة مواطن متجنس احححححححححح يا بلد العندو قر ش ضايع والما عندو برضو ضائع |
|
الشكر لي الله الكريم
ودعونا نرجع للدعاء وكلو بآوانو الله يتم شفاء خالد وبعدين نجيء نتناقش في السلبيات التي صاحبت مرضه وما يجب ومالا يجب بس بالجنبة كدا هذه المستشفى اخذت كم لقاء كل الذي قامت به...؟؟؟؟ ملاااايين ملاااايين وما الذي تغير في صحة خالد .... آآآآآآآآآآآآآآآآآآآآخ ياوجع البيمرض في بلدي... |
سلام للجميع
هذا الخيط يجب الخوض فيه ولكن بعد شهادة شهود كثر وجزء منهم موجود هنا كلام فتحى والجيلى ما ترموه واطة كلام مهم وفيه مافيه الشهادة المهمة جدا شهادة دكتور زين عبد الله مودتى |
اقتباس:
' |
برضو.. الحمدلله..!
|
اقتباس:
في كم واحد مشي المستشفي و الأخصائي حوله لعيادته الخاصة؟ في كم حبيب فقدناه في المستشفيات دي لا لسبب الا أن االعناية كانت دون الحد المعقول و نم بسلام يا شهابي الذي خر؟ في كم أم اتوفت بالتاتنوس نتيجة إهمال؟ خلونا يا شباب نفتح الملف دا و نعري أنفسنا بعد ما خالد يقوم بالسلامة |
سلام ..
أنتظر تداخل د/ زين عبدالله في هذا البوست .. وهو طلب تقدمت به في معرض ردي علي ما أثير حول الموضوع ببوست الأخ ناصر يوسف .. إلي الأخ د/ زين عبدالله .. بما أنك موجود بالموقع وقريب وتشارك هنا نرجو شاكرين أن توضّح لنا ما دار بينك وبين الطبيب المعالج للأخ خالد .. ما تم إيراده هنا علي لسانك يشير بأصابع إتهام للإخوة الأطباء بمستشفي الزيتونة ..أنت وحدك لا غيرك من سيضع الأمور في نصابها .. هل نطمع في سماع رأيك ؟؟؟ __ أعلن(مصاقرتي) لهذا البوست لحين وصول د/زين عبدالله . ومايجي زول يقول دا ما وقتو .. وقتو .. ونص .. وخمسة .. |
اقتباس:
النظام الصحي في السودان دا انت عاجبك؟ و بعبارة أخري إنت راضي عنه؟ تانياً انت مقتنع 100% ان الطبيب السوداني هو كف و أنا كمواطن مفروض أثق فيه؟ |
وبما إنو ماعندي موضوع غير إنتظار د/ زين ..
فلا بأس من إيراد توضيح د/أنس البدوي من مستشفي الزيتونة ..والذي وضعت رابطه الأخت نبراس بالأعلي ..والمنشور بمنتدي البركل ( جدادة الخلا ) .. اقتباس:
|
اقتباس:
عن سؤالك الأول .. الإجابة لا .. وبعبارة أخري لست راضياً عنه .. عن سؤالك الثاني : الطبيب السوداني فيهو الكفؤ ..وفيهو الماكفؤ.. زيّو وزي أي زول بيمطّر تمباك .. وثقة المواطن بتعتمد علي درجة القريفة .. غالباً .. __ تحيّاتي .. |
اقتباس:
اقتباس:
كل هذه الكفاءات ما قدرت تصل لما توصل له اطباء بلا حدود في اقل من 48 ساعه ؟؟؟ |
اقتباس:
سلام الكلام دا بحدّدوا تقرير طبّي .. وليس مجرّد ملاحظة متابع من علي البعد .. تتناسين نقطة مهمّة جدا منذ البداية .. وهي مسار المرض .. في حد ذاتـو .. سؤال تتطلّب إجابته وجود ورد دكتور زين عبدالله : ماهو التشخيص الأقرب لمرض خالد الحـاج ( بإفتراض أن أطباء الزيتونة وأطباء بلا حدود لا يعرفون التشخيص حتي الآن ؟؟) .. __ تحيّاتي .. |
اقتباس:
اقتباس:
دا تشخيص أطباء بلا حدود بعد 48 ساعه وقد بدأو فعلياً في العلاج ونتائجه بدأت للعيان بس ما عارفين شنو كان تشخيص ناس الزيتونه وشنو كان العلاج ؟؟؟؟؟ إحترامي وتقديري |
اقتباس:
وشكرا لوجودك فى البوست انا عاوز اسال سوال همس الشوق بس باللفة كدى هل كان فى تشخيص لحالة خالد معروف لدى اطباء السودان ؟ ( التشيخص حسب معلوماتى كزول عنقالى ساكت بيساوى نص العلاج صححنى لو غلطان فى دى) لماذا طراء هذا التحسن الملاحظ حتى الان والذى نتمنى من المولئ عز وجل ان يزييييييد هل هذا التحسن جاء نتيجة علاج تلقاه فى الخرطوم ؟ ؟ ام نتيجة علاج نيروبى ؟؟ ام نتيجة معالجة بدات فى الخرطوم واكتملت فى نيروى ؟ ؟ وارجو التكرم التركيز على مسالة تشخيص الخرطوم مودتى ولك احترامى وتقديرى اخونا طيبان |
| الساعة الآن 06:32 AM. |
Powered by vBulletin® Version 3.8.8 Beta 2
Copyright ©2000 - 2026, vBulletin Solutions, Inc.