جاتني مخالفة مـــرورية في صــمة خشـــمي!!
لا حــولا يا جماعة
الليلة مشـــيت قلت أجــدد رخصة القيادة حقتي رخصة القيادة أنتهت منذ رمضــان الماضي وكل مـــرة اقول أمشـــي أكســـل وأطنش الموضـــوع أها الليلة عقدت العـــزم وتوكلت على الله ومشيت ويا ريت لو ما مشيت جيت عايز أســـدد رســـوم تجديد الرخصة إلا كان الاقــيهم ليك كاتبين لي مخالفة ســـرعة في صمة خشـــمي :D:D إنا لله يــااااخ |
رســـوم تجــديد الرخصة 400 ريال لمدة عشـــر ســـنوات
وعليها مخالفة تأخيــر عن التجـــديد بمبلغ 100 ريال زائـــدا رسوم كشف النظــر والذي منو 100 ريال يعني اجمـــالي مبلغ تجـــديد الرخصة 700 ريال والمصيبة التانية الطلعوها لي بملبغ 300 ريال ولأني ما ســددتها في وقتها ارتفعت الى 500 ريال :eek::eek: يعني أســـي مفـــروض أســـدد للحكومة الســـعودية 1200 ريال إن شـــاء الله ما تنفعهم يــااااخ :( |
يعني الناس دي ما عارفه إني عريث
والمــره جايه الاســبوع الجاي أها اســـي أدفــــع لمنـــو للمره ولا ناس المـــرور؟ :confused: عارفين مـــره مشيت اصلح سيارتي ولقيت ليك باكستاني ميكانيكي المهم قلت ليهو صلح وقال لي الشغلة والعطل بسيط اها بمجــرد ما بــدا وفك الحاجات يلا قعد يقــــول صديق هذا خربان لازم غيّــر وتاني صــديق هذا خــربان لازم غيّــر برضو ويلا شبكني ليك غيّــر غيّـــر لامن جاب كثافتي ومن شغلة بسيطة بقيت في اليخارجني منو اهــا قام قال لي حكمة لغاية اليــوم كل ما أتذكــرها أقعد اضحك المهم الباكســـتاني قال لي: صـــديق حـــرمه يبغى فلوس وســـيارة يبغى فلوس :D :D :D بمعني إنو الســـيارة والمــره دائماً عايزين فلوس اها أســـي الســـيارة بدت قبل المـــره لوووووووووووووووووولز يااااخ |
http://www.sudanyat.org/upload/uploads/mukhalfah.jpg
قال شــــنو ســـرعة الطــريق : 70 ســـرعة المركبـــة: 78 يــــاخي تح وتاني تح انعل ابو الدقـــه زااااتو فرقت كم 8 كيلو |
اقتباس:
مبروك يا عريس المزعوط الريش... ان شاء الله تصل المرا وتتبدل الاحوال لانه حتى الان حظك خربان لازم غير.... |
اقتباس:
حســـن فرح ســـلام .. شكلي كدا حاكون منتوف الريش حيبقوا علي اثنين يـــااااخ المره والعربية انا فعلا حظي خـــربان مـــره ولازم غيـّـــر |
اقتباس:
المشاركة الأصلية كتبت بواسطة Amin Bushari http://www.sudanyat.org/vb/images/buttons/viewpost.gif http://www.sudanyat.org/upload/uploads/mukhalfah.jpg قال شــــنو ســـرعة الطــريق : 70 ســـرعة المركبـــة: 78 يــــاخي تح وتاني تح انعل ابو الدقـــه زااااتو فرقت كم 8 كيلو تعرف يا ود البشارى فى اوربا لقايت 8 كيلو زيادة مسموح بيها وسيارات الشركات معفاة فى بعض الاوقات لكن يا حبيب ناسكم ديل دايرين ليهم هبة شارع شعبية عشان راسهم يجى ماممكن ياخدوها من الكادحين ويدوها للاوربيين باردة كدا ونحن كنا فاكرنها قروش بترول .المهم دمت والجاينك جايين بى خيرهم. |
اقع البحر يا عمك:D:D:D
|
اقتباس:
خالد محجـــوب ســلام .. ودا واحــد من عيوب التقنية واستخدامها طبعا ناسنا ديل الحكاية جديدة عليهم وملوا ليك الشـــوارع كلها كاميرات وهاك يا زعط ونتف ريش عكس في الســودان بالساهلة بتخارج روحك غايتو تدخل عليهم بالساحق والماحق والبلا المتلاحق قـــول آمين |
اقتباس:
اوووووو الحبيب طارق جبريل ســـلام يا قلب ..أخبـــارك يا زول يعني عايزها تبقى ميته وخــراب ديار يااااخ أخــوك يا دوب خاشـــي دنيا جديدة تقول لي أقع البحر |
تعرف يا الامين يا خوي الولد بتاع المني بص حق ساهر الفي شارع البطحاء ده بجي يقعد معانا في مكتب صاحبنا في نفس الشارع ومبسوط جدا طوالي يقول لينا الشارع ده فيهو رزق كتير
اتاريك انت من ضحايا رزق ساهر على المساكين الله يكون في عونك وعون العروس الجاية ربنا يجمعكم دوما علي خير |
اقتباس:
محمد علي شــقدي ســـلام يااااخ طيب ما تــشوفوا لينا عشان يزحلق المخالفة دي تصــدق انا زاتو ما قاعد امشــي البطحاء كتير لكن تاني ان مشيت بمشي ليهم 20 عديل كدا looool اسي في ذمتك دا محل يختوا فيهو كاميرا |
انت يا دوبك دفعت يا الحبيب :D:D
كمان لما المرا تجي المخالفات بتكتر اسألني انا لحدي حسي دافع 1800 ريال وكما المدام حلفت بي التقطعا قروش المخالفات ما تندفع من الراتب شفتا كيف يعني نتغل نشالين في البطحاء. حكاية المرا عايزة فلوس والعربيه دي حكاية تانية العربية اشتري ليك موديل جديد علي الاقل ترتاح 5 او 7 سنين لو مافيها عيوب تصنيع اما المرا مشكله والله يا البشاري ما املي عينها غير التراب بس من اول خليك حريف ما تبقي زينا العين الحمرا وما تعرف راتبك كم وصية اخو مورط |
اقتباس:
جنس جرسة يعني...loooollooool قوول يا لطيف الله يعوضك ويخلف عليك بالمرا تبقى قدم خير وتكون كراعا خضرا معاك على قولة اماتنا |
[justify]كفارة يا أمين ياخ
المشكلة إنو العربات دي بتجر براها ويغرمونا نحنا عندنا واحد زميلنا شغال عمل إضافي شهر كامل وقبل ما يستلم حقو قام سرح وقطع الإشارة، ورصعوهو ليك غرامة ستة ألف ريال (دي أقل غرامة لقطع الإشارة عندنا هنا)[/justify] |
اقتباس:
ياخى الباكستان ديل الله يصبرنا عليهم بس العملو فى راسى ما بنسى ليهم ما حييت :D:D ــــــــــ يازول ودى العربية الشركة وأعمل ليها فحص بى كمبيوتر ويوروك العطل بالضبط...والله الباكستانى ينظر ليك براهو واليمنى براهو والسودانى براهو |
اقتباس:
عبس كيفك يــا حبيب.. تصـــدق يا دوب دفعت لأني ما زول مخالفات ودي زاتها اتســـبلطوا فيني ســـاي بس وصيتك بعمل بيها تب واســـي المره جديدة يعني الزول برتاح ليهو سنتين أقل حاجة لووووووووووووول مش دا قصـــدك اها عقبال نغير العربية كمان :D;) .. .. __ تصدق المبروكة دي ولله الحمد ليها اربع ســنوات معاي وما حصل غلطت علي أبـــدا |
اقتباس:
مطــافي قلنا يا لطيف يا مــرافي تصـــدقي دي أول مخالفة لي وأنا بطبعي زول متــزن ما بحب المخالفات ودي أول مخالفة لي في الســعودية بعد 11 سنة وبعـــدين ما كنت ماشي ســـريع شـــديد يعني :rolleyes: ودا ســـبب الزعل |
اقتباس:
كيشـــو ســـلام والحمد لله على كل حال يمكن لأنها دي أول مرة اتخالف فيها وصاحبك ربنا يعوضو خير يلقطها النمل ويطاها الفيـــل |
اقتباس:
تاجاب مسكاقمي يا حبيب والله أخـــوك زاتو عايز ليهو فحص بالكمبيوتر لاحــوالو اليومين دي غايتو عين واصابت الكرعين :mad: |
غايتو يا أمين يا أخوي اعتبرها زكاة عزوبيه وكدا نأنو شنو دي آآآآخر مخالفه إن شاء الله ولو جات المرا قطع شك تاني مافي مخالفات بتمشي سيييييييييدا |
اقتباس:
لو زكاة عزوبية معليش ممكن يدبلوها ماف اي مشكلة ندفعها عن يد ونحن صاغروووووون |
والله يالامين يا اخوي حاااااااااااااااارة 1200 ريال للحكومة اي كان نوع الحكومة وخصوصاً دنيتك قبائل عرس .... :D لو قلت خير نعمل ليك كشف هنا ده وانا بمسك ليك الدفتر :p اديك خسارتك والباقي للعاملين عليها :D شغل كيزان عديل يعني :) ربنا يعوضك خير يا البشاري ,,,,,, |
| الساعة الآن 11:59 AM. |
Powered by vBulletin® Version 3.8.8 Beta 2
Copyright ©2000 - 2026, vBulletin Solutions, Inc.