ليه الشعب ماطلع ابو جنزير !!!
ياريت زول يورينى الحقيقة مجردة ،وبدون تعصب سياسى ..
يعنى كلام يدخل الراس .... طيب الاحتملات العندى حسب منطق الحال كالاتى : هل لانو متصالح مع وضعو ومرتاح ؟ هل لانو خائف من العساكر ؟ هل لانو فقد الثقة فى المعارضة ؟ هل لانو المعارضة فى داخلة " مفرتكة " وماصادقة مع بعضها ؟ ولا هل بقت عليه قصة النكتة بتاعت الراجل السالهم الامام عن اى زول مرتو دقتو يقوم على حيلو ، الا واحد قاعد ، وقال من كترة الدق لامن غالباهو القومة :D ولا هل كل ماذكر .....صحيح ؟؟؟؟ اها .. الموضوع بالجد "سيريص " جدا بالنسبة لى ! |
راشنه بجمكسين
الشعب جعان لكنه كسلان يقوم ياكل اضم تساؤلي لتساؤولك |
ياخى الدنيا خميس...:rolleyes:
عالم تحب المشاكل....looool |
[justify]سمرمر نهاراتك خير
الشعب ياسمراء ما متصالح مع نفسه بدليل انو اي مكان تمشي فيه بتلقي ناس (بتدين وتشجب) كالعادة من غير رد فعل مافي فرد الوضع مريحه الا الصفوة لدي الحكومة . خائف من العساكر دي مابتغالطوا فيها اتنين والدليل امس كنت راكبة في ركشة سألني قال لي في مظاهرات في الخرطوم قلتا ليه ماعارفة والله قال لي ماشفتي العساكر في التقاطع واقفين كيف من الصباح والله يخوفو عديييييييييل ، ثلاثن عربات ملئة برجال مكافحة الشغب من صباح الامس ولحدي صباح اليوم ضخمي الجثة وزعلانين من الشعب جنس زعل;) المعارضة زاتها ماعارفة روحها شايته وين يابتي يوم مع وتاني يوم ضد ومنقسمين في روحهم دي وبيحرضوا في الناس وهم لابدين بس اديهم حس الخطابة البقت ما بتحرك الناس قيد انملة. ياخ اريح نفسي والله كل ماذكر صحيح :D ، واريحك اكتر الناس ديل كاشحين لينا كشحة [/justify] |
لوكى الصبر .. كلامك ده معناهو إنك لسة بره الفورمة .. أصلها بتبدأ كدة .. وشوية شوية بتلقى نفسك فى نص الحدث فجأة .. لحظات لا بتتبرمج ولا بتتحسب .. بعدين لامن تفكرى فيها تخافى من نفسك .. أصلها كدة وبتبدأ كدة ..
والإنفجار .. قادم لا محالة |
اقتباس:
والله يابت النصيحة الشعب ده ماجيعان ! لانو الاكل البياكلو اسع ، زمان كان بسمع بيهو سمع ! ببقى ماجيعان ..والا كان مرق ذى مامرق زمان لمن رفعو ليهو الاسعار تيب يكون مالو ؟ |
اقتباس:
يعنى يوم الخميس الشعب بياخد اجازة ....ويمرق يوم الاحد ولا كيف ؟ |
اقتباس:
ان شاء الله يجيك ابو جنزير بتااع عطبره زااتو...looool |
اقتباس:
زي عضو جديد هنا .. نموذجاً اقول قولي هذا واستغفر الله لي ولك ياخالد الحاج................. |
اقتباس:
والله كلامك ده صحى لانو انا سمعت تم جلب مجموعة " كجوريات " من بعض البلدان المجاورة ... انا غايتو حاسة بى تنميل وخدران فى جسمى كده . بكون دى الكشحه سارية فوقى ...صاح :D ___________ يكشحك بى جردل جبكسين يابت ! خليك صيريص ذى كده وناقشى بصريصية اكتر ياخ نحن فى منعرج خطر ويحتاج لوقفة جاذبة مع الموضوع ;) انا غايتو برجح " المعارضة " ماقدر " الثقة" وتحتاج لثورة هى ذاته !! |
اقتباس:
عليك امان الله انا برة اى فورمة خلقة الله ...لافاهمة والنصيحه بحاول افهم !! وياانتيمو مافى نماذج لحد الان خلتنى احترمة ولا اقول وحاااات هناى داك ! كدى اشرح لى الله يديك العافية يارب |
اقتباس:
ياخ انا عطبرة دى سكنتة فوقه تلاتة سنة ماسمعت بيهو ؟ كدى ورينو ليهو عليك الله ياخ |
اقتباس:
|
اقتباس:
لمن نعارض زول ، بنقوم نطلعو شيطان ونجردو من كل حسناتو عشان كده معارضتنا بتبقى ...عرجاء وذى زعل الاطفال البدون منطق !! خليهم يصنفونى ويقولو على كوزة عديييل كده ياها الحقيقة ... امشى اى بيت وشوف الناس دى بتاكل بى شنو ؟؟ بس ببقى السؤال المنطقى ! بياكلو من وين !! ولا كيف ؟ اقول قولي هذا واستغفر الله لي ولك ياخالد الحاج................. |
اقتباس:
المشاركة الأصلية كتبت بواسطة سمراء http://sudanyat.org/vb/images/buttons/viewpost.gif ياريت زول يورينى الحقيقة مجردة ،وبدون تعصب سياسى .. يعنى كلام يدخل الراس .... طيب الاحتملات العندى حسب منطق الحال كالاتى : هل لانو متصالح مع وضعو ومرتاح ؟ هل لانو خائف من العساكر ؟ هل لانو فقد الثقة فى المعارضة ؟ هل لانو المعارضة فى داخلة " مفرتكة " وماصادقة مع بعضها ؟ ولا هل بقت عليه قصة النكتة بتاعت الراجل السالهم الامام عن اى زول مرتو دقتو يقوم على حيلو ، الا واحد قاعد ، وقال من كترة الدق لامن غالباهو القومة :D ولا هل كل ماذكر .....صحيح ؟؟؟؟ اها .. الموضوع بالجد "سيريص " جدا بالنسبة لى ! ينصر دينك يا سمراء -- الاسئلة دى هى نفسها البفكر فيها النقر وفكر فيها -- ووصل الى قناعة ليس بلامكان أحسن مما كان -- هسى اجى واحد ناطى يقول النقر الكوز الجبهجى الشنو داك والفعلتو داك والتركتو داك -- العندو عقل يفكر -- هسى انا كدى بى عقلى اثور عشان اسلم الحكومة لى نقد الصادق الترابى المرغنى -- والله الا امش معاهم المقابر للدفن وبس -- تسلمى يا الغالية |
اقتباس:
يلا الفرق بينى وبينك انك فرحان عشان مقتنع ، وماداير الثورة بمنطق انو البديل ياهم المخرفين ديل !! وانا مافرحانه لانو حاسة انى مافاهمة شى !! وحاسة انو فى حقيقة غائبة ودايرة مفقودة لازم نعرفه كلنا عشان نمشى صاح |
سمراء تحياتي
غالبية الشعب السوداني يحب البشير ويحترمه جداً جداً وسعيد بما وصلت إليه البلاد من تطور وتوفر للخدمات والسلع الأساسيه في جزء تاني بقول إنو الحكومة الحاليه أفضل السيئين وفي جزء تالت ده ماشغال بي أي حاجه جاري بس ورا لقمة عيشو ومهموم بي قضاياهو الشخصيه في جزء رابع بسيييط جداً أغلبهم لاجئين سياسيين في أمريكا وأوروبا وبعض فلول الشيوعيين بالداخل وناس قطاع الشمال ديل بعضهم عندهم (غُبن) شخصي ضد الحكومة الحاليه وبعضهم بسقط فشلة الشخصي على الحكومه ديل ياهم البتسميعهم في بعض المنتديات ومواقع الإنترنت وهم قلة شديد في إعتقادي مستحيل يعملوا مظاهره لأنوا المظاهرة بتحتاج لي نصاب معين لازم يكتمل أنا حددتو بي 500 نفر مؤونة عام من الود |
يعنى قصدك يافرح --- ناس طارق ومخير وفرح (ما انتا ) والناس المرطبين بره وفلول الاحزاب يجو الخرطوم وامشو ابو جنزير --- --;) ياخ بلاش ابوجنزير دى -- احسن ميدان الامم المتحدة حتى مستقبلا ناس العربية والجزيرة ما ينطقوا ابو جنزير غلط -- والا يتفلسفوا ويدونا محاضرة عن الشيخ ابو جنزير المدفون فى الركن الجنوبى الشرقى -- |
الشعب راقدلو فوق راي اذا الشعب يوما اراد الحياة ....فلابد ان يستجيب القدر وقادر الله
|
اقتباس:
المشاركة الأصلية كتبت بواسطة زول خرافي http://sudanyat.org/vb/images/buttons/viewpost.gif الشعب راقدلو فوق راي اذا الشعب يوما اراد الحياة ....فلابد ان يستجيب القدر وقادر الله زول خرافى كيف انك دى على وزن قصة الجعلى -- الخواجة ضربو بنية لمه وقع -- صاحبو زعل وقال ليهو ما تقوم عليهو -- قال ليهو لابد لى فوق رأى -- بعد داك سالو قال ليهو رايك شنو -- قال ليهو فكرك كان قمتا ماكان طبقا لى ( البنية ) دحين خليهم اليلبدو فى رأيهم --- |
اقتباس:
|
اقتباس:
من صنع ثورتين لهو قادر ان يصنع الثالثة الثورات فى تونس مصر وليبيا والان اليمن لم تصتعها المعارضة التقليدية انتجها شباب وجلهم لم يمارسو السياسة من قبل وعندما صنعو هذه الثورات لم بفكرو من هو البديل . ؟ ؟ الشعب السودانى لن ينتظر القيادات التقليدية للمعارضة لكى تقوده وان صنع ثورته لن يعود هولاء لحكمه المرة دى شكة جديدة خالص وحواء والدة ولم يعقر رحمها لكى تنجيب قيادات شابة وواعية لامر الوطن فقط المطلوب ان نتفق على خلع الانقاذ الان وان ندعم هولاء الشباب ان لكى يصنعو ثورتهم بدلا عن نكسر مجاديفهم باسئلة قد تجلب احباطا للبعض وان نسفه حماة الانقاذ الماجؤرين وهذا اضعف الايمان مودتى |
اقتباس:
شكرآ شديد والله والتحية لهذا الشعب العظيم المكلوم ... هذا الشعب العظيم لايستخف به الا من لم يعد يرى , ونضبت رغبته فى الحرية وفى التجريب..;);) ياالنقر شايفك فرحان بالبوست دا.. بجيب لى سلبة وبربطك فى طرف عنقريبو..:D نحنا ناس عندنا لسه رغبة فى هذه الحياة الشعب دا عايش يعيش حر بدون عساكر صعاليك وشوية متأسلمين كذبة وكم طبل أجوف حايم فى أسافير الله .. عايز يعيش بدون مايغتصب فى أكل عيشو وبدون مايغتصبوا بناتو ورجالو.. والمسألة مسألة وقت ليس الا مسألة تنظيم وترتيب مسألة تراكمات ثورية بتجى لحظتا البتنجض فيها وتمرق ثورة تكسح كل شئ قداما .. سؤال سمراء سؤال سمح وفى محلو .. وخلونا نكتلو نقاش.. وبطل تخزيل للناس ياالنقر |
النظام بلا شعبية
هو ذاتو عارف كدة الشعب جعان ومقهور وضد الحكومة دي بس كل الشعب يطلع في يوم واحد مظاهرة هذا ضد منطق الاشياء المظاهرات تبدا صغيرة ثم تنداح انهيار النظام حتمي بكرة كل الشعب في الشارع بس لمن تجي بكرة دي رجعي البوست دا يا سمراء |
اقتباس:
|
يا سمراء
في بوست قبل كدة فتحو اخونا بدرالدين عن فشل مظاهرات ميدان عقرب كنت رديت ليهو بهذا الرد اقتباس:
ما يحدث شيء عادي جداً وبالطبع لازم من فشل لانها دي لفة طويلة وفيها بتبين الخيل الأصيلة ولحدي ما يجي اليوم الشارع يمرق بدون انتماء لألوية حزبية أو قبلية أو جهوية ما يحدث حالياً يضر الاحزاب في بت أم روحها |
شكرآ ياوجدى
كل الثورات التى حدثت كانت نتاج تراكمات لاحتجاجات وتظاهرات لسنين طويلة , ولم تخرج أبدآ ثورة من فقط عدة دعوات .. الذين يظنون أن ثورات مصر وتونس وليبيا , قد كانت وليدة اللحظة عليهم مراجعة معلوماتهم ومتابعتهم لما يجرى فى هذه البلدان , فعلى مدار سنوات طويلة نظمت المعارضة المصرية والشباب هناك مجموعات متفرقة من المظاهرات والاحتجاجات و فشل جلها بسبب القبضة الامنية لنظام مبارك والتى تفوق مئات المرات قبضة جهاز أمن البشير ولكنها استطاعت دائمى أن توصل صوتها بقوة على الصعيد المحلى أو العالمى, وفى نهاية الامر تفتقت عن تنظيم عالى من الشباب وتوحد للشعارات , ثم من بعد تاثرت ايجابآ وبقوة دفع عالية بالثورة التى انطلقت قبلها فى تونس.. ولانذهب بعيدآ فاالانتفاضة الآخيرة على ذات المتاسلمين وقوانين سبتمبر, كانت نتاج تراكمات ثورية وتظاهرات واعتصامات أنتهت بالعصيان المدنى الشامل , ولم تكن البتة وليدة ولحظة أو غضبة عابرة .. الانتفاضة قادمة لامحالة , وسيكسر طوق الاحباط هذا بالعمل الجاد , والتنظيم الدقيق, والتنسيق بين القوى السياسية ومجموعات الشباب |
اقتباس:
|
اقتباس:
|
اقتباس:
والله كلام زي دا ولا بالهزار ما عاوزه والمفروض أية سوداني يحرق ليك ويحرق للرباك زانو الله يحرقك ويحرق أعصابك وكان فيك عرق مصريين الله يحرقك ويحرق مصر كلها معاك سمرا المعذرة لكن كدا كتير . عقولنا وحقوقنا قنعنا منها باقي لينا اعصابنا دي عايشيين بيها احتراما ليك كإمراة كان الرد مؤدبا واحتراما للاخت سمرا دي اخر مرة امرر ليك فيها اساءة للسودان اذا اردت سوف اعمل ليك بحث كامل في كل مشاركاتك التي تصدر منها ريحة كرهك وفظاعة لسانك في حق بني بلدي السودان |
المتأمل لتجربتي اكتوبر 64 و مارس/ابريل 85 المجيدتين .. يجد أن (الفعل التراكمي ) للنضال كان هو الطريق للثورة الشاملة .. وليس من المعقول أن ينتفض الشارع السوداني أو غيره هكذا جملة واحدة من دعوة أو دعوتين أو حتى أكثرللتظاهر ضد النظام القائم .. !!
والذي يتخيل أن الذي جرى في القطرين الشقيقين ( تونس/مصر) وليد لحظة غضب بالضرورة يختزل نضالات كبرى ومحطات عظيمة في التصدي للأنظمة القمعية .. !! ان الثورة المنتظرة في السودان ليس حلماً هلامياً أو مستحيلاً .. هي ستحدث باكتمال مبرراتها الموضوعية المتعلقة باسباب قيامها ( ظلم، فساد، محسوبية، تفريط في الوحدة والسيادة الوطنية ، جوع ، ... الخ) وهي في ظني مكتملة تماماً .. ومبرراتها الذاتية المتعلقة بالقوى الحية في المجتمع سياسيا والقدرة على دفع منظمات المجتمع المدني وقطاع الشباب باتجاه التنظيم وتكرار الفعل النضالي .. وهي التي تحتاج أن يٌركز عليها ..!! يرونها بعيدة ونكاد نلمسها بأيدينا .. !! شكرا سمراء |
الجيلي انضر التحايا يا زول يا جميل
تعرف أنا لو كنت زيك كدة وزي مبر ورشيد علي الطلاق كنت بفتح بوست واحد تحت اسم كورال كلية الدراما وأملاهو غناء من أناشيد وأغاني الجماعة ديل والباقي أتمو نضم من نمضميكم السمح دا واقعد كل مرة اجي اكتب فيهو أن شاء أجي أصفق وأبتبت وامرق إلا إني اساهم في توصيل صوت وأداء وموسيقى جميلة بتحمل كل شيء عن بلادي بس أقعدوا ضيعوا لينا الموهبة الربانية الحباكم بيها ربنا في ضحكات وأحزان وعواطف ومحاسيس لا تسمن ولا تغني عن جوع على العموم أنا منتظر منك البوست دا [youtube]http://www.youtube.com/watch?v=VeqUuaYg1Pg&tracker=False[/youtube] |
اقتباس:
(الفورمة) دى لا بتتفصل ولا بدرسوها فى المدارس .. بتنزل كدة زى الزار .. ووكتا ما بتعرفى أنتى منو .. الغضب بيمتزج بكمية جاحات ما محسوسة .. حاجات إسمها الكرامة والشهامة والوطنية .. لما تنصهر مع الغضب .. بطلع ليك ألف ناب ومليون مخلب .. ببقوا كل الناس فى زول واحد زى المارد .. أسمه الثورة .. تاريخا .. لحظتا .. مكانا .. مجهول الهوية .. ولكنها عندما تندلع .. بتبقى هوية وطن |
|
اقتباس:
تادب تادب تادب |
اقتباس:
|
اقتباس:
ياخ ماتتعب روحك انااساسا زي الحاجات دي ماقاعد اشتغل بيها وهو عارف كدا لانه قبل كدا كتب كلام وانا فتحت ليه-يمكنكم الرجوع اليه في بوست حكايات من تحت وسادتي-للاطلاع |
اقتباس:
|
اقتباس:
|
ياشباب
ركزو على موضوع نقاشكم المهم دا ______________ اقتباس:
لهذه الديار لغة تادب فى الحوار.. فتأدب.. هل تفهم؟ أرجو من الأمانة العامة التعامل حسب اللائحة مع هذا التعدى على الوالدين .. |
| الساعة الآن 03:46 PM. |
Powered by vBulletin® Version 3.8.8 Beta 2
Copyright ©2000 - 2026, vBulletin Solutions, Inc.