نفسي ابقى رئيس ياخ..
الحبيبين كيفنكم
وحاتكم فترت من الشغل ياخي انا ليلي ونهاري في جريدة الجن لا سوينالنا قريشات لا كمان ارتحنا وحات نضري اشتهيت ابقى رئيس اماني ما قاعدي تعجبني العربيي السودا ديك وبتلمع والعلم يرفرف قدامها علي الملايي الجديدي مفروشي في عنقريب في حوشا فيهو زيفي وهمبريب وتكون ماشي وسط الناس وتقول كدي تتفتح من لااااافوق زي غتا البير وكتين تجي تنشل المويي وتخت النضارات ألات البيرسون ديك وتمرق رويسك ويدينك وتقعد تحي في الجماهير والهوا يدقشك في اضنيك.. والخرابين البي الجنبات ومغزغزلهم سماعات في اضنيهم يحرسوا فيك والجماهير دي تسكت توجوج وتهتفلك وانت لاك عارفو هتاف لاك عارفو نبز وتقعد تشتح في يديك يمين وشمال لامن اباطاتك يعرقن وريحة الصماح دي تجي داقشاك وكله من اجل الجماهير الابية ووكتين تصل الساحة الداير تخطب فيها يقولوا كدي المواتر الزي زينة الحفلات ديلك يوجوجوا ويييييو وييييو ويقولوا كدي يفتحولك الباب.. وتجي نازل كلك تلمع وعصايتك في ايدك وتقولهم جهزولي ساحة كبيري فشان النقزي اصلو نحن نقزينا ماهو زي أليل الجعليين فوق ضهور السياراتhttp://www.sudaneseonline.com/db/attention/200_4e.gifhttp://www.sudaneseonline.com/db/attention/200_4e.gif ويقوم كدي ود النصري يديها نقرة في الطنبور وتقوم كدي تديها نقزي نقزتين وتترتر من هني لا هني وامة الله دي تنقز معاك وهي الجوع كاتلهاhttp://www.sudaneseonline.com/db/attention/200_4e.gif ويقوموا يدوك الميكرفون وتقعد تفسي والناس دي توجوج وانت تزيد في الفسو: حا نسويلكم وحا نبنيلكم نضمي كله فسو وطرورة كدي والجماهير دي تقاطعك في الكلام وانت تزيد في الفسو وتختمها بي كم الله اكبر كدي وتنزل تمشي علي قصرك وتقعد في الكنبات المنجدات بالجلد ديلك وتضرب في الكنادش وتستقبل دة وتوصي دة وتدي النصايح وبعداك تمشي علي الاقامة الرئاسية والتباخين يختولك الغدا الماهو خمج وتقعد تلوغد في طيبات الله دي وتنسى اللوبي عفن وصحن البوش وســخــينة الدكوة والعجور بالشطة وعفنة التركين وملاح البطاطس ابو زيتا مطفح وشويتين يجيبولك التفاح والاناناس وتسرح وتتذكر زمن الدوم والقنقليز وتكجم في التفاح وتتمطق.. وتقوم تاخدلك غمدي صغووويري وبعديها تدخل علي الحمام الماهل داك والمقعد الابيض العلي صابونة اللوكس داك وتسكت تمرق في الخيرات الضربتهن قبيل ديلك وتنسى المستراح والضبانة الخدرا التنوني ديك ورجلينك التنمل من القعدة فوق حفرة الادبخانة والعجب ان كان عندك امساك تقعد تتعصر وتعوج في وشك والعرق يخرخر فيك ويتسايل من تالا رقبتك ووكتين تطلع تلقى رجلينك منملي وواجعاك تقول كنت بتسوي في سويدي وصماحك يرمي الصقر.. تنسى دة كله وتقعد في المقعد المريح داك اليشهيك الهُرار (اكرمكم الله) وتقول كدي تديها غتسة في البانيو المرشوش بالكلونيا وتقوم كدي تدخل علي الجاكوزي والموية دي تفور فيك زي القاعدين يسلقوا فيك وتقوم تتمشك بالليفي الليها مساكات ديك ماها متل الليفي ام بذر ديك وتقوم تتنشف بالبشاكير العلي الجلاليب ديك وليها تكي وتنسى بشاكير الجن ديك لا تعرفها بشكير ولا تعرفها صنفرة وتلقى الكريمات دي مطنبجة وتسكت تتمسح وتدلك في صلعتك وتطنبج اباطاتك بالريحي السمحي موش البخاخ العلي النفتالين داك ويسويلك حرارة في ابطيك وتقول كدي تنضف اضنينك بالخرابة الفي راسو قطن داك وتنسى بعبيص اعواد الكبريت في اضانك والحركة ألت حلقك معاها كض كض كض كض وتمرق علي الاوضي الفسيحي ألتك وتشوف داير تلبس شنو ومنو الحا يجي يغنيلك وسط الاقامة الرئاسية دي الرسول فيكم وروني ابقى رئيس كيفن:D |
اقتباس:
ههههههههههههههههههه ود جبريل... سلاااام يلا من دربك دا و ابو جنزير,,,looool |
يا ود جبرين
عليك الله ما داير ليك حرم الرئيس والله نفسي أبقى حرم الرئيس |
اقتباس:
المشاركة الأصلية كتبت بواسطة wadosman http://sudanyat.org/vb/images/buttons/viewpost.gif ههههههههههههههههههه ود جبريل... سلاااام يلا من دربك دا و ابو جنزير,,,looool اووووووووووووه محمد هول ناس عثمان انت حي آآآيابا يعلم الله مشتهي ونستك وغناك يا الحبيب ماني دايرلي رئاستا صعبي كدي شوفلي ويحيتا ساهلي:D:D:D |
اقتباس:
المشاركة الأصلية كتبت بواسطة همس الشوق http://sudanyat.org/vb/images/buttons/viewpost.gif يا ود جبرين عليك الله ما داير ليك حرم الرئيس والله نفسي أبقى حرم الرئيس هووووووووي يا خرابة انا لليلي ما مسكت الرئاسة دايري تطمعي فيني:D:D:D دحين خليني اللتشهد:D |
الاخ طارق سلااام ماكن
ياخوي ربنا يديك قروشن كتيرة وتسوي كل القلتو الا رئيس دي انسها آآآآخرا كوم تراب... هروب ومزازه دايربها شنوو الله يقطعا |
الله يجازي محنك يا ود جبريل
تغتس وتجينا بي لسانك الفاكي منك ده حوووووووووووووووووووولا غايتو زماااانك كدي كان بقول ليك تدخل الكلية الحربية وتسويلك إنقلاب وياهو ود عثمان قالك تمش علي ميدان ابو جنزير عِلا الإتنين هسي ماااااااااااافي بَبَّح الديش نقلو فتاشه وإنت تفتش في رويحتك المافي دي وأبو جنزير جنزروهو بناس الأمِن والبوليص أها والله إلا يجيك نبي الله الخضر ولا تنتظر رمضان الجاي يممممممممممممممممكن تجيك ليلة القَدُر قلت لي ... تنسى دة كله وتقعد في المقعد المريح داك اليشهيك الهُرار (اكرمكم الله) ههههههههههههه والله ضحكتني لآمن صحيت الجنبي |
مادام ابو جنزير جنزروه على قول ناصر فعلى ميدان المولد وميدان محطة سبعه بين الامتداد والصحافه وميدان الشهداء وميدان الكلاكله اللفه واي ميدان فيك يا العاصمه المثلثه المتلتله.
بس ما تنسانا بعدين تقلع لي فيلا في كافوري من اخوان الرئيس |
ود جبرين المطوفش
انت يايابا شكيت محنك رئاسة شنو يالمضروب ات قايلها هى هاملها ساكت؟؟ كان ما بقيت سمين وليك فقر رئاسة شنو البتمسكها؟؟قادر الله احسن ليك اقعد ليك حكاويك قال ضبان اخدر شكيت محنك يايابا اخيتك ستى نور |
هههههههههههههههه
يا جماعة متل الخمجي والنقزي ده ما بيدورلو ميادين ونضال ده دايرلو تليبي فوق أحلام الناس كدي (حين غفلة).. اليوصفلو الدرب زولا نجيض غيري .. |
طارق سلامات لو داير تبقي ما عليك الا تلم معاك مجموعة بتاعت مغفلين لحدي ما يوصلوك الرئاسة وتفكهم عكس الهوا |
عاد الرئاسة ام هرار دي اريتنا ما نشوفة :D المشكلة مش في الهيلمان الموجود حول الرئيس المشكلة في الاطمئنان يا صاحب حياة الروؤساء بؤس وشقاء والله ما تشوف الجعجعة والنقزي البسوهو ده ما اظن اكون عندهم نفس زاتو عشان ياكل واظن القروش البجمعا في عهد السلطة غالباً بتكون ثمن عيشو في امان خارج السلطة يا اخوي شوف ليك ادبخانة ساي واتكرف البخار الطالع من تحتك :D والله اكرم مليون مرة من ادبخانات الرخام اقلاها ياخ بتكون مطمئن وفي النهاية الهُرار ياهو الهُرار ( اكرمكم الله جميعاً ) عاطر تحياتي يا ودجبرين |
يا رئيس هههههههههه
أهه من أسي النحدثك الشعب يريد إسقاط الرئيس الشعب يريد إسقاط الرئيس |
اقتباس:
لكن الفيك اتعرفت:D:D:D |
اقتباس:
نسكت نرجع للادبخانة البتقول جنبلق جنبلق ديك:D:D:D |
اقتباس:
شايفك داخلة علي طمع من هسي:D:D:D |
اقتباس:
يمكن الاسطايل الجديد حق الرؤساء يكون سبور وعندهم صلعة:D:D:D:D انت اصلك لا بترحمي لا بتخلي رحمة الله تنزل:D:D:D:D |
اقتباس:
|
اقتباس:
وديل يجيبوهم من وين بيتباعوا:D:D:D:D |
اقتباس:
الادبخانات ترانا من قالولنا تاتي قاعدين نتكرف فيها:D:D قلنا نبدل ياخي قالوا في حمامات بالموسيقى كمان علمه واسع |
اقتباس:
|
يا طارق ياخ ود خالنا بلفه بسيطه كده معرس بت اخو القشير وجاب لينا العار وما جاب لينا الدهب والدولار ولا حتى راكوبه في كافوري. فقلنا نعوض الضرر المعنوي والمادي من النسب الما ياهو ده.
|
حمام حرم الرئيس تقول لي ادب .....شنو كدا ما بعرف غايتو يا محمد مصطفى لقيتك اصلن ما طموع ياااااااااااااي يا ساره ياخ يعني الرئيس ولا كل الرؤساء ديل كانو سمان ما شويه شويه كل الفنادق والمؤتمرات والدعوات بمشي الحال |
طارق سلامت
ومالو تبقى طوالي وصية من هسع خليك عادل ياخ بس المستراح الرئاسي دا ما ممتع زي بتاعنا المافيهو باب وانت مستمتع في الاخراج رغم القعدة المامريحة والروائح وكدة لكن برضك مستمتع تسمع كشلو كشلو اصوات اقدام جاية لذات الحفرة وانت بالداخل تتنحنح وتزيد تبتعد الاقدام شوية تحاول تختصر تخرج تلقى زولك قاعد في اقرب ضل شديرة ولً حيطة وابريقة مليان موية ولو طلع بعرفك وغالبا ما يكون لهاذرك شنو بتلد ياخي تسلم طارق |
http://www.acaciabahrain.com/aboelez...e008bahrai.jpg http://www.acaciabahrain.com/aboelez...e009bahrai.jpg مستراح الرئيس :Dشايفه المشكله كللللللها منصبه في المستراح |
اقتباس:
بس بعدين لما يقومو عليك شباب الثورة بتاعين الفيسبوك اوعك ترجف... مخييييييييييييييييير loooollooool |
ود جبرين
سلام آآآآزول اتوحشناك بالزاف.. عليك الله كان بقيت رئيس أسجن لينا عكود دا.. مزاج ساكت كدا:D |
بوستك مزنوق زنقة شديدة وريحتو تلخم:D:D
قلت لى جنبلق جنبلق كااااااااااااااااااااااااااااااااااااااك:D:D:D:D:D |
اقتباس:
المشاركة الأصلية كتبت بواسطة طارق جبريل http://sudanyat.org/vb/images/buttons/viewpost.gif الحبيبين كيفنكم وحاتكم فترت من الشغل ياخي انا ليلي ونهاري في جريدة الجن لا سوينالنا قريشات لا كمان ارتحنا وحات نضري اشتهيت ابقى رئيس اماني ما قاعدي تعجبني العربيي السودا ديك وبتلمع والعلم يرفرف قدامها علي الملايي الجديدي مفروشي في عنقريب في حوشا فيهو زيفي وهمبريب وتكون ماشي وسط الناس وتقول كدي تتفتح من لااااافوق زي غتا البير وكتين تجي تنشل المويي وتخت النضارات ألات البيرسون ديك وتمرق رويسك ويدينك وتقعد تحي في الجماهير والهوا يدقشك في اضنيك.. والخرابين البي الجنبات ومغزغزلهم سماعات في اضنيهم يحرسوا فيك والجماهير دي تسكت توجوج وتهتفلك وانت لاك عارفو هتاف لاك عارفو نبز وتقعد تشتح في يديك يمين وشمال لامن اباطاتك يعرقن وريحة الصماح دي تجي داقشاك وكله من اجل الجماهير الابية ووكتين تصل الساحة الداير تخطب فيها يقولوا كدي المواتر الزي زينة الحفلات ديلك يوجوجوا ويييييو وييييو ويقولوا كدي يفتحولك الباب.. وتجي نازل كلك تلمع وعصايتك في ايدك وتقولهم جهزولي ساحة كبيري فشان النقزي اصلو نحن نقزينا ماهو زي أليل الجعليين فوق ضهور السياراتhttp://www.sudaneseonline.com/db/attention/200_4e.gifhttp://www.sudaneseonline.com/db/attention/200_4e.gif ويقوم كدي ود النصري يديها نقرة في الطنبور وتقوم كدي تديها نقزي نقزتين وتترتر من هني لا هني وامة الله دي تنقز معاك وهي الجوع كاتلهاhttp://www.sudaneseonline.com/db/attention/200_4e.gif ويقوموا يدوك الميكرفون وتقعد تفسي والناس دي توجوج وانت تزيد في الفسو: حا نسويلكم وحا نبنيلكم نضمي كله فسو وطرورة كدي والجماهير دي تقاطعك في الكلام وانت تزيد في الفسو وتختمها بي كم الله اكبر كدي وتنزل تمشي علي قصرك وتقعد في الكنبات المنجدات بالجلد ديلك وتضرب في الكنادش وتستقبل دة وتوصي دة وتدي النصايح وبعداك تمشي علي الاقامة الرئاسية والتباخين يختولك الغدا الماهو خمج وتقعد تلوغد في طيبات الله دي وتنسى اللوبي عفن وصحن البوش وســخــينة الدكوة والعجور بالشطة وعفنة التركين وملاح البطاطس ابو زيتا مطفح وشويتين يجيبولك التفاح والاناناس وتسرح وتتذكر زمن الدوم والقنقليز وتكجم في التفاح وتتمطق.. وتقوم تاخدلك غمدي صغووويري وبعديها تدخل علي الحمام الماهل داك والمقعد الابيض العلي صابونة اللوكس داك وتسكت تمرق في الخيرات الضربتهن قبيل ديلك وتنسى المستراح والضبانة الخدرا التنوني ديك ورجلينك التنمل من القعدة فوق حفرة الادبخانة والعجب ان كان عندك امساك تقعد تتعصر وتعوج في وشك والعرق يخرخر فيك ويتسايل من تالا رقبتك ووكتين تطلع تلقى رجلينك منملي وواجعاك تقول كنت بتسوي في سويدي وصماحك يرمي الصقر.. تنسى دة كله وتقعد في المقعد المريح داك اليشهيك الهُرار (اكرمكم الله) وتقول كدي تديها غتسة في البانيو المرشوش بالكلونيا وتقوم كدي تدخل علي الجاكوزي والموية دي تفور فيك زي القاعدين يسلقوا فيك وتقوم تتمشك بالليفي الليها مساكات ديك ماها متل الليفي ام بذر ديك وتقوم تتنشف بالبشاكير العلي الجلاليب ديك وليها تكي وتنسى بشاكير الجن ديك لا تعرفها بشكير ولا تعرفها صنفرة وتلقى الكريمات دي مطنبجة وتسكت تتمسح وتدلك في صلعتك وتطنبج اباطاتك بالريحي السمحي موش البخاخ العلي النفتالين داك ويسويلك حرارة في ابطيك وتقول كدي تنضف اضنينك بالخرابة الفي راسو قطن داك وتنسى بعبيص اعواد الكبريت في اضانك والحركة ألت حلقك معاها كض كض كض كض وتمرق علي الاوضي الفسيحي ألتك وتشوف داير تلبس شنو ومنو الحا يجي يغنيلك وسط الاقامة الرئاسية دي الرسول فيكم وروني ابقى رئيس كيفن:D والله يا طارق وكان حقا لينا ان نلبي طلبك . عاد ما ولدنا !!وما عندنا مانع نديك رئاسة نادي شبا ياخي مالك ووجع الراس؟؟؟ |
اقتباس:
تعرف يا ود جبريل ذكرتني زمن جميل والله ومهنة الألتجيه أصدقاء الكُل يا سلااااااااااااااااااااام والله قال بقولو الألتجي يتأخر ما يجي والجردل يتملي حوووووووووووووووووولا الحِلَه كللللللللللها تسمع في نبيشته ونبزه من أصحاب الجردل الإتملأ ودفق وسالت عيون الجردل جداول هههههههههههههههه يااااااااا ربي ما زالت هذه المهنة قائمة إلي هذا اليوم في أي مكان في السودان البقي مًشَرتَم ده ؟؟؟؟ عم أنجلو يا حليلو ... ربما أكتب عن هذا الرجل النضيف النقي |
صديقنا ..سعاده اللواء مهى الدين مامد الى ..
كتب مره فى مجله الملتقى السودانيه ايام القطبى عليه رحمه الله .. قال ان صاحبه الموظف... حلم بانه قد ورث الملايين من جده ..وانه الرجل راى نفسه يعد فى الاموال ويرص ويرتب كل فئه على حده ..والراجل صحى على طرق شديد فى الباب وعندما فتح الباب وجد موظفين عرفوه بانهم من ناس الضرائب ...وان عليه مبلغ كبير عليه ان يدفعه ...قال لهم الرجل لهم انه موظف لايملك غير مرتبه الذى تخصم منه الضريبه اول باول ...قال له عارفين ..بس الضريبه دى حقت المال الورثته من جدك قبل شويه .. دحين ياشقى .. كان جوك ناس الـــــــــــــــــــــــــــ ضرائب قول عوك والافضل ان تتغطى كويس لمن تنوم وبطل اكل البوش |
مِحن والله:rolleyes:
رئيس حتة واحدة:mad: طيب اتدرج في المسعلة يا اخي ولا بتفتش لك في طريقة تجي هوب كدا وتنجعس في الكرسي اخوك والله مو طماع برضى بالمالية أو وزارة البترول;) ما عندي مانع دايرين نقيف معاك ونشد من أذرك يا اخي مو طمعاً في الكراسي وكداlooool يجازي محنك يا ود جبرين:D |
اقتباس:
|
اقتباس:
|
اقتباس:
ما من المستراح دة بتخرج القرارات المهمة:D:D:D:D |
اقتباس:
الثورة حقتنا مبنية على البهجة والرقيص:D:D:D:D |
اقتباس:
ياك لاباس ياخي عكود دة عنصر مهم من عناصر البهجة وثورتنا دي مبنية البهجة |
اقتباس:
|
اقتباس:
بس الفيك اتعرفت:D:D:D:D |
اقتباس:
كدة البوست بقى كله عيفونة:D:D |
| الساعة الآن 11:01 AM. |
Powered by vBulletin® Version 3.8.8 Beta 2
Copyright ©2000 - 2026, vBulletin Solutions, Inc.