مدني تشتعل
 

في حوالي الساعة الثالثة ظهراً خرج شباب , شيوخ, و نساء مدني في مظاهرة قدرت بالألف ... إنطلقت المظاهرة من موقف الأمجاد و جابت كل ارجاء السوق وسط زغاريد النساء و هتف الكل

يا خبز و حرية
يا ميته دغرية

جابت المظاهرة السوق و تم تفريغها بعد ساعة من الكر و الفكر بين العسس و المتظاهرون و كالعادة استخدمت الشرطة الغاز المسيل للدموع و الرصاص المطاطي

و الله يا بلاد عبدالمنعم رحمة الحي فينا

وكذلك سنار
ودنقلا
وباقى المدن فى الطريق
وحتما التغيير ات
شيلو الصير فقط

السفينة تغرق من الأطراف يا صديق
و أنا أوي الي جبل يحميني
جبل إسمه الشعب
و مع دنقلا, سنار , و بورتسودان كانت سماء الخرطوم الماها كضابة
خرج طلاب كلية الطب, قمعت مظاهرة في جاكسون, طلاب النيلين, الأهلية و الغضب يمور في الصدور ....
و تصحي المدينة

ناس مدني فوق

فى دى
راضين تب

كم انت عظيمة يامدني الحبيبة
رغم جور الحاكم والعسس
:cool:

محمد حبابك
وحقيقة مدنى لها دورها
الذى لاينسى فى مثيرة الثورة السودانية
مرحب بعودتك
تمنياتى ان لاتغيب كثيرا
مودتى

مدني الجمال
منبع الابداع والروائع
والقامات
مدني السني
التحية لابطال مدني ولكل ابطال السودان الشرفاء
والنار من مستصغر الشرر
شراره هناك شرقا غربا شمالا وسطا وستشتعل لهيبا لا يخمده الا نور الحق عند سطوعه
حافظ التحية لك ولضيوفك الكرام

هذا النظام انما يتاكل من اطرافه
تحررت مدن عزيزة جوبا وملكال
ونمولي
في الطريق الفاشر ونيالا وكاس وزالنجى
الدمازين وكادوقلي
بورسودان ودنقلا
والخرطوم
والفرح يظلل المدينة
والبيوتات الحزينة

يا أخوانا لو قلت ليكم مستني بص الثورة حتصدقوا؟
أها لو قلت ليكم مستني منعم حتصدقوا؟

تشكرون كلكم بابكر عباس, مبر , منعم شباب مدني الله فوقهم
طارق الحسن بن الثورة البار الماما قربت يا حبيب و خليك علي إستعداد
و يا عمي فتحي بكرة نقول
زولاً تريدوو تشتهي
لا في السجن و لا مختفي
و لا يقولوا ليك ما تمشي لي
وجيدة المجيدة يا أم قلباً نار بكرة ترجعي لأهلك و صحابك في وطن حدادي مدادي وطن حرديمقراطي

محمد زين سلامي و أشواقي و هي مدني بلد محمد عبدالسلام الذي أقتيد و عاد في كفن

قام تقدم طه *
تقدم تب ما تاه
قام تقدم غنا
وطنا و طنا وطنا

محل ما تتقدم تلقى
طلقة و صرخة و آهه
سقط شهيدا طه
مدني السني رواها

* الشهيد طه يوسف العبيد
.

عقبال بقية المدن
لكنس الكيزان واذنابهم

امين
أأأأأأأأأأأأمين يارب
اليوم دنقلا
وسنار
والخرطوم
والى الامام

فعلاً هي مدني يا إبن الكنداكة

مؤتمر الخريجين كيان تم إنشاءه إبان فترة الحكم الثنائي الاستعماري بالسودان وكان ميلاده عام 1938 م على أيدي خريجي كلية غردون -جامعة الخرطوم حاليا، وخريجي الكليات الاجنبية الأخرى.وقد كان السكرتير للسودان هو الزعيم إسماعيل الأزهري.
وكان هدفه سياسيا، وفي المقام الأول تحرر السودان من بريطانيا ولما كانت ظروف الموظفين السودانيين لا تسمح لهم بالعمل السياسى جاءت فكرته كهيئة اجتماعية كانت هي النواة التي منها نال السودان استقلاله في 1 يناير 1956 م.
حين أضرب طلاب كلية غردون في العام 1931م بسبب قرار الحكومة تخفيض مرتبات الخريجين إبان الأزمة الاقتصادية العالمية تعاطف بل وشد من أزرهم الخريجون فكان إضراباً هز مفاصل الحكومة وجعلها تحاول استمالة الطرفين ، الخريجون والطلاب على صعيد العمل لإحياء نشاط الخريجين فقد لعبت جمعية ود مدني الأدبية دوراً هاماً في
الدعوة لمؤتمر جامع للخريجين .
وفي العام 1918م تم نقل علي عبداللطيف الى مدينة ود مدني حيث تمت ترقيته الى ملازم أول وفي مدني أظهر نشاطاً أدبياً واضحاً، وكان يحضر في إجازاته بأم درمان وأصبح عضواً ناشطاً بنادي الخريجين ، إلا أن حادثاً مهماً في ود مدني كان له الأثر في تغيير نمط حياته في العام 1921م عندما كان يركب حصانه ولم يحيّ المفتش الإنجليزي. كانت هنالك مبالغة في تحية للضباط الإنجليز، حيث كان الضباط السودانيون ينزلون من دوابهم ويحيون الضابط الإنلجيزي ويظلون هكذا الى ان يختفي هذا الضابط، ثم يعاودون الكرة لركوب الدواب. ولكن علي عبداللطيف رفض هذه التحية. وتمت إحالته الى محكمة عسكرية .
وكانت بداية افكار البطل علي عبداللطيف لاستقلال السودان انطلاقتها من وادمني.

http://www.youtube.com/watch?v=MwMw23d7Hzg

اقتباس:
المشاركة الأصلية كتبت بواسطة فتحي مسعد حنفي http://sudanyat.org/vb/images/buttons/viewpost.gif

أنا غايتو كان الحكاية لفقت ومدني بقت السبب في نهاية الكيزان انا شخصيا بابكر عباس دا بشيلو فوق راسي علي أمل تجي طلقة طايشة تخلصني منو وتكون مدني تمت جميلا:D:D




وانا يا ابو الشباب حاسامحه على وجع القولون العصبي التورو لي, وحارسل ليهو باقة ورد بلدي كاربه او باسلمها لعصمت الدسيس او بشرى الفكي بالانابه

مدني
مد ني وكمان مدني
ومدد يامدني
يعم كل البلد
يقلع حجارة السد
تدفر الموية تملي الحد
وجد بالجد
جي وقت الجد

اقتباس:
المشاركة الأصلية كتبت بواسطة سناء مرسي http://sudanyat.org/vb/images/buttons/viewpost.gif
اقتباس:
المشاركة الأصلية كتبت بواسطة فتحي مسعد حنفي http://sudanyat.org/vb/images/buttons/viewpost.gif

أنا غايتو كان الحكاية لفقت ومدني بقت السبب في نهاية الكيزان انا شخصيا بابكر عباس دا بشيلو فوق راسي علي أمل تجي طلقة طايشة تخلصني منو وتكون مدني تمت جميلا:D:D




وانا يا ابو الشباب حاسامحه على وجع القولون العصبي التورو لي, وحارسل ليهو باقة ورد بلدي كاربه او باسلمها لعصمت الدسيس او بشرى الفكي بالانابه




المهم ما تنسي تديها رشة من غاز السارين بتاع اليابان داك:D:D

الشاعر محمد محيي الدين و عشرة لوحات للمدينة و هي تخرج من النهر
[rams]http://sudaniyat.net/up/uploading/mohmedmhialden.ra[/rams]

يا بابكر القصيدة ما نزلت معانا
هي رؤية استشرافية للرائع الصديق محمد محي الدين
كتبها في 1981/1982
وتحققت نبؤته في 1986 وطردت الريح القبعات
وتمطى العليش وهو يعبر النيل على فروته الرمادية
ورقصت سميرة وفاطمة السمحة على إيقاع نوبة حمد النيل

مدني وهج لا ينطفئ

تسلموا