أولاد أم درمان
طبعا يا أستاذ جعفر بدري تكون قلت: الزول دا قاصدني أنا...
أبدا و الله ما قاصدك، لكن أنا قاصد المريخ و الهلال. الأخبار الجاتنا من أنغولا كانت معاي ممتازة. أولا: خروج المريخ من التصفيات الأولى دا خبر مفرح ليش؟ أنا ما بحب المريخ و في نفس الوقت ما حاقد عليهو زي الهلال، عشان كدا كونو يخرج من الأدوار الأولى و بدون ما يكون إتردم ديون، دي معاي و مع المريخ كويسة. ثانيا: فوز الهلال في الأدوار الأولى للتصفيات الأفريقية معاي كويس. ليش؟ عشان أنا داير الهلال يخرج بعد يصل دور التمانية و بعد داك نعمل ليهو العرجا لمراحا (2)... ليش؟ عشان يكون فقد فرصتو في الكونفدرالية و في نفس الوقت تكون الديون أتكومت عندو زي بتاعة صلاح إدريس. ماذا نفعل مع طارق كانديك و عباس الشريف؟ انتو هوي ها علاقتكم شنو بالهلال و المريخ إن شاء يخرجوا من الممتاز؟ علاقتكم شنو انتو بناس أم درمان ديل عشان تشجعوا الفرق بتاعتم؟ أصلا هي أم درمان ذاتا طعمها شنو؟ معا من أجل منافسة كروية عادلة و ربط التشجيع بالمناطق. علاقة الدباغة و ود ديومة شنو بالمريخ؟ |
معا من أجل منافسة كروية عادلة و ربط التشجيع بالمناطق
|
اقتباس:
كلامك كلّو عشان الحمراء التحتها خط دي. عاد كيفن ماك قاصدو! |
Typical
مريخاب لمن يتغلبو...:rolleyes: الوالى قال جايب ليكم سيكافا فى استاد المريخ و حيبنى الطابق الثالث...و التسجيلات الجايه جايب بيكم ميسى و انستا...looool قال ام درمان قال...;) |
اقتباس:
ياخ جبت الديب من ديله:p وام در لذيذة خلاص:cool: |
اقتباس:
like |
اقتباس:
نجي لودعثمان المرهف* ود أم درمان عليكم الله يا أخوانا شوفوا حقارة ناس أم درمان ديل! ود عثمان عندو إفتراض مسبق انو أي سوداني لازم يكون هلالابي أو مريخابي! و شوفوا كمان محن الدنيا! الدكتور جمال الوالي نائب عن واحدة من دوائر مدني الكبرى، و في نفس الوقت يشيل الدعم المادي بتاعو و يكبو في مريخ أم درمان! عليكم الله دي موش محن؟ يا أخي و الله القروش الدفعها للحضري دي براها، بتصلح أرضية الملعب بتاع إستاد مدني و بتعمل إضاءة و تنجيل لأندية الأهلي و الإتحاد و جزيرة الفيل.... يا أخي ما تدعم أندية مدني، أدعم نيل الحصاحيصا! سؤال: انتو القروش القاعد بدفعها الدكتورجمال الوالي للمريخ دي، بتاعتو و لّ بتاعة المؤتمر الوطني؟ * مرهف عشان شايفو شغال أغاني ساكت، عليك الله نزل لينا هنا أغنية: أنا أم درمان |
اقتباس:
|
سلام بابكر
التركيبه الانتمائية اختلفت للمواطن السوداني مع ضياع هوية المناطق التشجيع دائما يرتبط بالمناطق في السعوديه هنا ناس جدة بتلقاهم مع اندية جدة الاتحاد والاهلي وهي انديه تم تسميتها علي اندية مدني نسبة لهجرة واغتراب واستيطان ابناء مدني بجدة وبما ان السودانيين لهم دور كبير في تاسيس الانديه بالسعوديه وكذلك الحال في مصر من ناحية التشجيع ناس المحله والاسماعيلي استحيل تشجيعهم لاندية الاهلي والزمالك. كما ان الدعم الحكومي للانديه في دول العالم الثلث نجده متساوي او الانديه تتبع لجهات حكومية حتي تكون الفرق من الناحية التنافسيه متقاربه. عندما كنا نلعب الكرة كان بحي الدباغه فريقان المورده والشعله المورده الجزء الغربي وفريق فلاته الشعله الجزء الشرقي والجنوبي قمت بالتسجيل لفريق المورده لعلاقتي بالفلاته القويه سببت عداء بيني واصداقائي وبما ان مدني بها الاهلي والاتحاد نجد ان نادي النيل يمثل المثلث الثالث وعدد مشجعيه قليل رفضت اللعب في الاهلي والاتحاد نسبة الي ان اشجع نادي النيل وفي حيز الوطن والمدن كانت الانتماءات الكرويه للاحياء يستحيل لاعب من الدباغه ان يلعب بنادي الثوار او مريخ الحلبه او علم الوطن وكنا نعتبرها فرق السحاسيح اولاد بانت.... في مباراة بين المورده والثوار قانون من ابناء فريق فلاته ضرب واحد بنيه في وشو طرد بالكرت الاحمر حصل شغب وضرب احتجاجا علي طرد قانون الله ارحمو قال ليهم (( في كابتين بتلعوا )). انحصار الدعم لاندية الهلال والمريخ سبب رئيسي في تاخر الكرة. الفريق القومي قديما كان ابناء الاقاليم يمثلوت 50% من التشكيله زمن سمير صالح حموري الكبير الاسيد الثلاثة من نيل مدني حاليا الفريق القومي عبارة عن المريخ الهلال عندما استلم المدرب القدير سيد سليم الفرق الاولمبي نجد في تشكيلته الاعتماد علي جميع اندية السودان حاليا حقق نتائج مبشرة بفوزه علي غانا بارضها. الموضوع طويل فيما يخص كرة القدم التدني بدايته من الرياضة الجماهيرية والانقاذ كملت الباقي الدعم لاندية الهلال والمريخ بواسطة الوالي وصلاح ادريس من الدولة بغرض سياسي يخدم الانقاذ. |
دائما هنالك اسم = دسم بابكر عباس
وعنوان اجبرني على الدخول ايضا ام درمان فأنا منها وهي مني الامن الانقاذ ي ... والمؤتمر الوطني في نادي الهلال والمريخ ورئاسة الاتحاد ماذا تنتظرون من الرياضة في السودان..... وهل هنالك عاقل يصفق لهؤلاء الوالي وغير الوالي ..... المدينة الرياضية بيعت كلها كاراضي سكنية ولم يبق منها الا اطلال شاهدة على مدي حماقتنا وبلاهتنا حينما نصفق للهلال او المريخ ..... اتحاد السباحة ليس لدية مسبح ..... و و. اتعجب ... كيف نصفق ونهتف ونشجع ؟؟ ذاك الذي لا يدري معذور ولا عذر لنا بلد مافيها سياسيين كبار ما فيها فن ولا رياضة ( رحم الله عمي ) |
اقتباس:
ردك ماشى فى خط لا تقربوا الصلاه و انتو... و انت نسيت ايضا بدرى اخر من بدور ام درمان و هو شوقى بدرى و طبعا فى البال ان حسن البدرى ليست له اى علاقه بام درمان غير دولارات الوالى التى كان اولى بها شارع فداسى التى خرج اهلها فى مظاهره قبل اياام مطالبين بفيصل العجب فى فداسى....و ام درمان هى التى اتت بابو صلااح من بحرى للقلعه (طبعا ما القلعه الحمراء) عشان يكتب العيونكن يجهرا يا بدور القلعه و جوهرا ليشدو بها لاعب الهلال السابق كرومه الذى جمع بين الكفر و الوتر وقتها.... الهلال و المريخ رغم بزوغهم من ام ام درمان و لكنهما اصبحا من الفرق القوميه و فرق لعموم اهل السودان فالمريخ ظهر فيه اولاد الجزيره من زمن ابراهومه الكبير و مرورا بحمورى اخوان و الفاضل سانتو و قله الصغير و حاليا ناس مصعب عمر و غيرهم و نفس الشئ بالنسبه لفريق الهلال و القائمه للعيبه الاقاليم تطول فى الفرقتين و حتى زولنا بتاع الشرق العب سودانى الطاهر حسيب كان حاضرا فى الستينات مع فريق الهلال اياام استاروستا رغما عن انه لم يستمر طويلا ... لو عملنا احصائيه للفرقتين حاليا يمكن يكون وجود لعيبه ام درمان فى الفرقتين معدوم تماما او ربما يوجد البعض و لكن بنسبه لا تتعدى الاصاابع.... التغيير الكبير فى الخريطه السكانيه للسودان تغيرت كثيرا نتيجه لمتغيرا كثيره منها الطبيعيه و منها السياسيه و غير ذلك....كم عدد سكان العاصمه الان مقارنه بفتره الستينات و كم نسبه تعداد سكان العاصمه الان لباقى السودان...ياخى ام بده براها فيها ثلاثه مليون و فيس على ذلك...السودان كلو بقى فى العااصمه و العاصمه اصبحت سودان مصغر و الهلال و المريخ اصبحا لا يمثلان ام درمان بل يمثلان السودان كلو... لو لاحظت اى مباراه اقليميه يلعب فيها الهلال و المريخ لتجد ان نسبه مشجعين الهلال او المريخ اكبر من مشجعى فريق المنطقه و الذين يكون ايضا غالبيتهم من انصار الهلال او المريخ بالمنطقه او بالعكس... ياخى هسى الهلال لمن يمشى يلعب فى مدنى ضد الاهلى تلقى ناس الاتحاد بيشجعوا فى الهلال رغما انهم من نفس المنطقه التى تضمهم مع اهلى مدنى و نفس الحال ناس بورتسودان تجد ناس حى العرب بيشجعوا اى فريق ياتى من خارج بورتسودان ليلاعب هلال بورتسودان و العكس ايضا صحيح عندما يكون فريق من خارج بورتسودان يلاعب حى العرب... خروج المريخ الاخير لم يكون يتوقعه اكثر المتشائمين و كان بمثابه صدمه كبيره جدا حتى للهلالاب نفسهم لانها زى ما بيقولو good to believe لذا يا صااحبى اجد ليك العذر الذى طير ليك نافوخك و خلاك تكتب كلااام على شاكله كلااام جمال الوالى بتاع سيكافا و الدوره العربيه و الطابق الثالث ناسيا ان جمااهير الرياضه عاامه و جماهير المريخ بصفه خااصه من الوعى الذى يجعلها ان لا تفوت عليها مكنه مثل هذه... مشكله المريخ الكبيره و كبيره جدا ان جمال الوالى لايفهم فى الكوره شئيا و لديه الكاش و عقدته ان يبحث عن achievement ما يصلح بيهو السى فى بتاعو و ليس حبا فى المريخ و لا ناس المريخ...و الكثيرين طبعا وجدوا زول زى دا مجال خصب للهفت الصااح و دى الخاصل حاليا...والله لو حكيت ليك قصص الا راسك يشيب...!! ياخى عموما الشغلانه زاتها بتاعت الكوره كان ام درمان و لا غيرها بدت تفقد طعمها و بريقها خصوصا بعد نطو فيها اتحاد السماسره و المريخ اصبح زراع من ازرع المؤتمر الوطنى و الهلال نفس الشئ خصوصا بعد الفضيحه الاخيره فى الانتخابات التى اتت بالبرير رئيسا و نحن عارفين كل الشغل الخبيث الذى تم و كيف تم انسلاخ البرير من مجموه الكاردينال و كلااااااك كتير وكتير... طبعا رغما عن كل الكلااام الفوق الواحد بيحس براحه عجيبه لمن فريق الملايين و المحترفين يمرق من دور الــ 32 و هو الكان مفروض ينافس على بطوله انديه العالم حسب خطه الشاب الوجيه جماال الوالى السريه.... بابكر...اقول ليك حاجه: ياخى ما داير معااك و بالله خلينا فى الرهاافه بتاعتنا ديك ان شاء نطير زاااتو... و بهدى ليك غنيوه مصطفى سيد احمد: وكتين بقيتي معاي في أعماقي في أعماق مشاعري المرهفة حتى ان يصل للمقطع: ما اصلو حال الدنيا تسرق منيه في لحظة عشم... |
اقتباس:
وحات سيدي الحسن ودعثمان دا من الله جابو المنتدى دا ما كتب ليهو كلام قدر دا! أتاريها أم در دي عزيزة خلاصّ عليك الله نزل لينا أغنية الأعماق المرهفة |
اقتباس:
المشاركة الأصلية كتبت بواسطة بابكر عباس http://sudanyat.org/vb/images/buttons/viewpost.gif أصلا هي أم درمان ذاتا طعمها شنو؟ :mad::mad::mad: |
وجود الأذاعة والتلفزيون بأمدرمان ساهم كثيراً في صناعة شخصية هذه المدينة..
حيث أضحت أمدرمان هي الوارث الفعلي، والدائم، لكل النشاط الثقافي، والرياضي بالبلاد يعني يا بابكر نقدر نقول إنو في مدينة إسمها أمدرمان، بس يلزمنا إجتهاد كبيرعشان نقدر نقول في "إنسان أمدرماني" ياخ أهو حافظ حسين، والعمدّة عكود، والرشيد، كلهم كده سُكان أمدرمانيين.. شفت كيف؟ |
بابكر سلامات
أثناء منافسة اشرف الكاردينال والبرير وأخرين على رئاسة نادي الهلال قولتا لصحبي إنت الناس ديل كلهم مالم بيتنافسوا في هلال مريخ بس يعني زي الكاردينال ده لو مسك المورة فيها شنو أهو زول عندو قروش وممكن يصنع فريق وأهو الكورة بقت قرووش |
اقتباس:
اذكر لك واقعه حقيقيه والتي قد تعكس انتماء متعدد ذو اولويات.. والواقعه هي لدي صديق كان يشغل منصب سكرتير احد الانديه الام درمانيه المناطقيه التي تتأرجح ما بين اللعب ضمن اندية الممتاز وما دونه..وكان هذا النادي يرفد اندية القمه بلاعبين ابدعوا كثيرأ.. الشاهد ان هذا النادي كان يلعب مباراة تنافسيه ضد فريق الهلال، وصديقي هذا وبصفته سكرتيرأ له، يجلس في المنصه الرئيسيه للاستاد وفي خواتيم المباراة احرز فريق الهلال هدف فوز غالي فما كان من صديقي هذا الا ان قام منتفضاً في حاله هستيريه محيياً ومشجعاً فريق الهلال على هذا الهدف الغالي..!! مودتي |
اقتباس:
المشاركة الأصلية كتبت بواسطة بابكر عباس http://sudanyat.org/vb/images/buttons/viewpost.gif طبعا يا أستاذ جعفر بدري تكون قلت: الزول دا قاصدني أنا... أبدا و الله ما قاصدك، لكن أنا قاصد المريخ و الهلال. الأخبار الجاتنا من أنغولا كانت معاي ممتازة. أولا: خروج المريخ من التصفيات الأولى دا خبر مفرح ليش؟ أنا ما بحب المريخ و في نفس الوقت ما حاقد عليهو زي الهلال، عشان كدا كونو يخرج من الأدوار الأولى و بدون ما يكون إتردم ديون، دي معاي و مع المريخ كويسة. ثانيا: فوز الهلال في الأدوار الأولى للتصفيات الأفريقية معاي كويس. ليش؟ عشان أنا داير الهلال يخرج بعد يصل دور التمانية و بعد داك نعمل ليهو العرجا لمراحا (2)... ليش؟ عشان يكون فقد فرصتو في الكونفدرالية و في نفس الوقت تكون الديون أتكومت عندو زي بتاعة صلاح إدريس. ماذا نفعل مع طارق كانديك و عباس الشريف؟ انتو هوي ها علاقتكم شنو بالهلال و المريخ إن شاء يخرجوا من الممتاز؟ علاقتكم شنو انتو بناس أم درمان ديل عشان تشجعوا الفرق بتاعتم؟ أصلا هي أم درمان ذاتا طعمها شنو؟ معا من أجل منافسة كروية عادلة و ربط التشجيع بالمناطق. علاقة الدباغة و ود ديومة شنو بالمريخ؟ بابكر عبّاس أيّها العزيز الذى لم ألتقه .. لا شوفة عين .. لاتلفون .. و لا حتى فى مداخلات الحوار .. سلام . الأولى أتطلـّع إليها .. و أتمنـّاها بشدّة فى أول قدوم للوطن و لا يهم إن كانت فى مدنى .. أو أمدرمان .. فالأمر عندى سيّان و تقديم مدنى على أمدرمان .. لن يزيد حلاوتها عند أهلها ! و كذا.. تأخير أمدرمان عليها لن يغيّر من طعمها عند أولادها ! فقط قصدتها .. احتراما لانتمائك إليها . الثانية .. سنحت لى بها فر صة فى القرير .. و لكنها ضاعت بسبب مبر و الرشيد .. ما كان هيّن على أى واحد منهم يفك التلفون .. رغم مطالبتى به .. و ربما لم يسمعونى لأنهم كانوا مستغرقين فى الضحك يملئون به جنبات حوش الرزين .. عكود .. ما عارف كنت بتقول للشباب ديل شنو ! عموما خيرها فى غيرها . أما بالنسبة للثالثة .. لا أدرى لماذا كنت أكتفى بقراءتك فقط .. و اتمتع بالكثير مما تكتب يعنى كنت باخد منك و ما بديك .. و هذا من الأشياء التى لا أشعر فيها بالرضا عن نفسى .. و كتر خيرك على ما بادرت به و أخذت الفضل علىّ . و باين أنه سيكون بيننا كثير من الكلام و المرافعات سنلتقى إن شاء الله .. بعد هذا العربون و الله يقدرنى على الكى بورد. ياخى رجاء المعذرة قبل كل ذلك يعلم الله أن هذا التأخير فرض علىّ فرضا و لا حيلة لى فيه . و إلى أن نلتقى أرخى ( الجزره ) شويه خوفا على عنق ذلك الحيوان الجميل ! تحياتى و ودى لك و مبر . |
اقتباس:
قوليهو بالله ام درمان حلووووة خلاص كيتن في ناس كدا....loooollooool والما بتلحقو جدعو والله خايفة عليك من الجديع دا يدك ما تنفتل يا بابكر...(في سري اقول ان شاء الله تنفتل عشان تبطل...:D) واقوليك ناس مدني يا مبر حقارين خلاااص وبابكر عباس نموزجن اصلو مابرد على مداخلاتي ولو مجاملة ساااي ماعارفة موضوعو معاي شنووو..؟ نظرة يا حقارين...:mad::mad: |
البوست ده على وزن (بنات الرياض):D
او "بنات الخرطوم " ____________ ياباباكر خليك موضوعى ياخ ..ناس امدرمان ديل ماساهلين |
ابرا يحتج بشده يا بتاع الابل انت؟ زول من مدني ويعرف في النوق اكتر من ناس ام بادر ويتكلم عن ام در:D:D
|
قالوا:
في بت مشت لرئيس قسم المساحة بكلية الهندسة - جامعة الخرطوم في السبعينات و طلبت منه يقبلها كطالبة بالقسم (الزمن داك القبول كان للأولاد فقط)، رئيس القسم قال ليها: ما بقبلك، أنا أولاد أم درمان عندي فيهم رأي! |
و الله يا أستاذ جعفر بدري فرحي بمداخلتك دي أكبر من فرحة وجدي الأسعد الأسعد بزيارة محسن خالد ليهو في بوستيهو التعبان داك...
مرافئ و زول خرافي ديل يا سمرا عندي معاهم عداوة شديدة، لكن عشان خاطرك ما بطردم من البوست دا زي ما عكود قاعد يعمل |
اقتباس:
الحمد لله سمراء البقى عندها خاطر عندك وما انطردنا ...!!!! |
على الرغم من كراهيتي الشديدة لامدرمان وسيرة امدرمان البقت تنافس الاكسجين
إلا أن هذا لا يمنع أن اقول أن رد الاستاذ/جعفر البدري على بابكر عباس اثبت الفرق بين الامدرمانيين والمدنيين وعكس بما لا يدعو مجالا للشك سماحة اخلاق وطيب معاملة الامدرمانيين وكعبهم العالي في السخرية على النقيض عند المدنيين من جلافة اخلاقهم وفجاجة معاملتهم |
اقتباس:
قمّة الرُّقي والذوق.. تقول لي ناس الرشيد..أمدرمانيين بالتلصق زي ما قال مُبر. |
اقتباس:
ما قادرة تقتنع إنو أم درمان دي بلد ساكت! يا أخي في إجازتي الفاتت مشيت الثورة لقيت ليك قندران مهجور و مكسر و رافعنوا بالبراميل محل اللساتك، تاوقت تحتو لقيتو ليك عاملنوا مطعم و مقهى و الناس قاعدة في بنابر و كمان بتكلموا عن " الزمن الجميل في أم در" يا أخي و الله انتو ما راقبن |
اقتباس:
و طوالي جاتني فصة القرد القالوا ليهو: بسختوك قال ليهم يعني ح يقلبوني شنو؟ دحين الله يسامحك |
انت يا بابكر اظنك من الناس البتعجبهم موسيقى الكلمات اكتر من المعاني
انت قايل جلافة دي حاجة كعبة ياخ الجلافة دي هي افضل طبيعة من طبائع البشر اكتر زول ممكن تأمن شرو هو الانسان الجلف بعدين يا حبوب أنا من هناك (واشار إلى ناحية ودمدني) انا مدني اتربيت فيها تلاتة سنين من احلى ايام عمري وعارف مدني واهل مدني مدني ذات التسع لغات والعاشرة ابتسامة هي اكتر بلد ممكن تحس فيها إنك فري وانك بشر عايش حياة حلوة خالية من القلق والهموم الناس كلها حلوة ، وأحلى ما فيها جلافتها لو عايز تعرف معنى جلف (الوجعتك دي) راجع بوست (اخلاق السايبر) ح تعرف جلف يعني شنو ساعتها بس ح تعرف اني مدحتك ومدحت مدني بوصفها اهلها كاصحاب اخلاق جلفة |
هذا بالاضافة الى انه المعاملة مع ناس الايغال في الطبع السمح
بخلوا عيشتك زي المشي فوق الحبل |
ثم بعدين تدعو علي ليييه؟!
مفروض تشكرني لانك ما الحقت عليك صفة منافق بل عظيم المنافقين لانو انطبقت عليك صفتين منهم بدل صفة واحدة الكذب في الحديث والاخلاف في الوعد وين كتاب حسن موسى؟ |
اقتباس:
|
اقتباس:
هسع ساي دي راجعة للمداخلة ولا وجدي..؟؟ والله يا وجدي الزول ده قرّب يخليني أقول ليك حننتني * ـــ * (آخر الطاشرات قريباً من العشرين) |
بعدين يا بكور انا بتفق معاك في كشف المستور في المسكوت عنه من وهمة ام درمان
ياخي انا كرهت الميديا السودانية ما ذكر السودان إلا وذكرت ام درمان لدرجة انو ممكن يديك احساس انو السودان الجزء وام درمان الكل مع انو ايش ام درمان؟ (يا قولتك) ام درمان فقط بدأت مع عصر المهدية اها يعني خلاس السودان دا بدأ مع المهدية مع من اجل انهاء احتكارية ام درمان وفتح سوق الابداع لكل مدن السودان عشان تشوفوا الابداع الجد جد |
اقتباس:
اسي من أولى بالحنة دي انا ولا بابكر؟! |
اقتباس:
المعنى طلعتا لينا عرجتنا( بندق في بحر) ... !! الاهتمام باللعبة الحلوة وتشجيعها لا يمكن ينحصر على المناطقية ولا المنطقية حسبما أعتقد .. !! فالمساحة تسمح بحب النادي الأهلي بمدني وكمان الهلال بام درمان .. ومعاهو ريال مدريد .. وشيلسي والميلان .. !! فيما يتعلق بالدعم المادي اتفق معاك انو أندية المناطق غير العاصمية تحتاج اهتمام أكبر لتضعها على ذات خط الشروع مع أندية ( أم درمان ) .. !! * ضيف ليهم الشكابة شاع الدين بالله |
اقتباس:
اها والنزيدك في الشعر بيت عموجعفر ومجموعته looool عندهم جلسة في البحر كانت محصورة وحاليا بقت جلسة مشهور جدا جدا ولما تجي إجازة حندخل ليك واسطة عشان تلقي فرقة تقعد معاهم :Dاها كان عنهم دفار خراااااااااابة بيقيهم شر زيفة البرد ورفعوه بالجرار وما زالت جلساتهم متواصلة وبرضو بتكلمو عن الزمن الجميل ولامين شعراء وفنانين ومتفرجين ومتحدثين يا سيدي المكان ما بيمنع من حلو الحديث والجمع وجمال امدرمان[/justify] |
أروي إزيّك..
جيت عشان أسلم عليك.. سلام أمدرماني لأمدرمانيّة.. |
اقتباس:
لو تعلم الشوق اتخصص فينا كيف وسلام ناس امدرمان الوحيد الذي يتميز بالطعم واللون والرائحة |
اقتباس:
محنتك أنا و لّ السموأل وزير الثقافة؟، المفتكر إنو الثقافة عبارة عن ليالي غنائية في أم در! |
عملنا ليكم الإذاعة و المسرح و التلفزيون بقروشنا، عشان تنشروا الوعي في الريف، عملتوها لينا قعدات و ونسات و حاول يخفي نفسو و ... و خليتو الناس كلها تتكركر تجي تحرس كم لحدي ما قفلتوها لي جبلكم الشين داك
أها كوسوا البفككم و الله أخير منكم الشيوعيين قالوا ليهم قدمتوا للبلد شنو؟ قالوا: قليل من الوعي! |
| الساعة الآن 03:03 PM. |
Powered by vBulletin® Version 3.8.8 Beta 2
Copyright ©2000 - 2026, vBulletin Solutions, Inc.