نساء دافئات
الدافئات شعورهن كل الخير فيهن ..... خطر في بالي هذا البوست في مداخلة لي في بوست الزوول دعوت له ... الله اديك العافية والمرة الدافية .. قال ما بعرف المراءة الدافية هذه الدعوة حرفناها من مقولة يديك العافية ويسكنك الصافية وبعد ما ظهرت فلل الكيزان ومناطقهم الجديدة ذات العمران الجميل ... اصبحت الصافية درجة تالتة وبما ان المراءة لا تزول ولا تستحدث ... صارت الدعوة بها جميلة ومستحبة يديك العافية والمراءة الدافية .... واحياناً نضيف اليها الرضاعة الكافية وهذه تُقال حسب علاقتنا بالشخص المعني بالدعوة :D الدفء المنشود هنا انما هو دفء المشاعر وحرارتها ..... وليس ذاك الناتج عن طبقان البوخة ... ودخاخين الطلح والشاف ... قد يكون الدخان والعطور النسائية لفتح شهية الرجل حتي يعيش ليلته بلونها الاحمر المتميز لكن احياناً نجد ان بعض النساء باردات في احساسهن .. بالتالي تجعل الرجل يصاب بالخمول الحسي والخمول الحسي الذي اعنيه هنا عدم الرغبة الكاملة للرجل بالمتابعة الجنسية وتختلف النساء عن بعضهن .. فبعض النساء لا تعبر عن احساسها لحظة الممارسة الجنسية وقد يكون هذا ناتج عن الحياء الشديد ... وقد يكون عن عدم وعيها بالمؤثرات الصوتية في تلك اللحظة اما بعضهن فيفقدن الرغبة الجنسية تماماً وانما تمارسه كواجب او ارضاء للزوج .. وهذا ممكن اكون سببه علة نفسية او عدم رغبتها او كرهها للزوج في الحالتين تدفع المراءة الرجل للعشيقة .. او بنات الليل .. او الزواج من أخري وطرق التعبير قد تختلف فبعضهن باصواتهن وبعض بالملامسة ... مما تجعل الرجل في كامل ثورته .. وبالتالي ممارسته للعلاقة بشكل يرضيها ويقيني ان ممارسة العلاقة الجنسية تحتاج التثقيف اولاً قبل الزواج ... فهي تشكل النسبة الاكبر من الحياة الزوجية والممارسة الجنسية التي تُرضي الزوجة تنعكس ايجابياً علي حياة الزوجين فتصبح الزوجة اكثر نشاطاً ... واكثر جمالاً لاهتمامها التام بنفسها ورضاءها عن حال زوجها وكذا الحال ايضاً بالنسبة للرجال او الازواج .. فمن يعاشرون نسائهم علي عجل .. ودون مقدمات للجماع .. واحياناً دون ان يعبرون عن احساسهم ويعتبرون ان العلاقة الجنسية ما هي الا ايلاج وقذف تجد الرجل منهم ما ان انقضت شهوته حتي انكفي علي جانب السرير مُعطياً المراءة مؤخرته .. لحظات ولم تسمع الا الشخير يقتل بهذا في زوجته احساسها بالحب وبالرغبة .. وينتابها احساس بالرخصة لانانية زوجها هنا يدفع الرجل بزوجته الي العشيق ... الا من رحم ربي او كانت علي خُلق ودين اللحظة الجنسية بين الزوجين المفروض انها تكون في ظل صفاء ذهني تام .. وان يصطحبها تعابير واضحة وافصاح عن حبهم لبعض وعن سعادتهم وان تبداء العلاقة الجنسية بمقدمات الجماع المعروفة ... من احضان وقُبل وان يرعي كل منهم الآخر حتي ينال حقه كامل من العلاقة الجنسية ... وان تنتهي العلاقة الجنسية بحديث لطيف وحضن أكثر دفئاً وحب ــــــــــــــــــــــــــــــــــــــــــــــــــ ـــــــــــــــــــــــــــــــــــــــــــــــ التوقيع : الفي بر عوااااااااااااااااااااااااااااااااااااام :p |
محمد مصطفي ..
تحياتي .. تفاصيلك محفزة يا رجل .. ليتها كانت في الويك إند عساهو يجيب مريسة تام زين ويسد .. وتمنيتك لو وريتنا انواع النساء في التصنيف الحسي .. حسب ما طقش اضاني يفوق عددهن العشرين نوعا (الشفرة والقعرة والنضاحة والباردة والشغوف والربوخ وووووا ..) وكل حالة وليها ميزات وعيوب وقالوا سعيد الدنيا بعرف مرتو من ياتو نوع .. وقالت العرب.. والعرب (بعارين) وجمال شيل في هكذا شأن قالت في المراة القعرة الكثير والمسيخ .. وقديما قالت الجارة لجارتها ايام الحيط قصيرة والناس تنوم من بعد صلاة العشاء .. قالت ليها ويحك .. يا ام فلان اسمع رهزك في سكون الليل ..(شكلها) حاسدة .. قالت ليها الجارة الرهازة .. يا ام فلان ان هؤلاء الرجال كفحول الخيل لا ترد الماء الاّ بالصفير .. والدابة لمن عاش في البداوة حيت تصدر لها صفيرا تشرب زي الجواد او الحمارفوق الجدول او التور القليد ..ولكن هذا لا يستلهم قطعا وجدان من عاش في المدينة باية حال لإختلاف البيئة .. والدخاخين والشغل البلدي ده انا ما عارف مصدره من وين والإخترعتو دي اكيد من نوع(قعرة او النضاحة) وزوجها جمل وشيل ونزيل ولكن هي مؤكد محفزات وعلاج لأمراض كتيرة والرجل نفسه ممكن يتعاطاها ولكن في حذر.. ابو كريم مصري جارنا كرعيهو ما شايلنو تخين ومكرش وبقت الشغلانة قومة نفس ساكت.. وصفت ليهو علاج الطلح وكسرتو ليهو وجبنا الشملة كمان ومشت ام كريم زوجته قعدتو فوقو وجاء بعد فترة يشكر فوقي والمدام نفسها بقت تتبوخ كل خميس واحمتنا القعدة من الدخاخين ودي اشياء غير الثواب هي برضو تصب في خانة تبادل الثقافات يعني ونظام نحن كده يعني وكل يوم تدعي لي ام كريم حسب كلامه ربنا يعمر بيتك يا ابن النيل يا اللي رجعت لي ابو كريم (غول) من جديد وهكذا تنفيث الكرب .. تحياتي ود المصطفي |
تحياتي يا زهير ....
أمر هذه العلاقة تفاصيله كثيرة وجوانبه متعددة لكننا شعوب تقليدية بعض الشئ .. نريد اكثر متعة مع اقل جهد رغم ان التغيير يكسر الملل ياخ ... :D اقتباس:
خالتي كانت بتقول لي الله اديك مرة هدية ورضية وزي لبن السعية وما عارف وجه الشبه بين لبن السعية وزوجتي المُنتظرة اللهم الا اكون لون الضمير علي قول الفنان .. أنت يا الابيض ضميرك :D اقتباس:
همهمات المراءة في اذن زوجها حينها هي التي تسيطر علي اللحظة وتمتلكها تماماً غير تلك التي احتضنته عليها وهمسة له في اذنه ... عليك الله ما تنسي تخلي لي قروش سيد اللبن برة ... هذي زوجها ينام عقب القذف مباشرتاً :D.. كل الود يا زهير |
اقتباس:
تعرف مسالة الطلح دي مسيطرة علي مفهومات السودانيين وقالوا فيه حتي الشعراء زي شاعرنا بلو ودمبلول يخاطب واحدة ويتمني ليها العرس : الكريم طاريك والسعد المن الله يجيك يا حنانة .. السعد اليجيك بي سمحو .. فوق القوز ينزل طلحو .. وابوك يمرق شووايل قمحو .. الأغنية مشهورة وبغنيها الفنان محمد جبارة وهي تعكس حراك الناس في حقبة معينة وما زالت .. قريبي طلق مرتو عشان صلاية وصوامة .. وقال بدل ما تغنج وترهز تقعد تستغفر ليهو في اضنيهو .. الناس عابوا عليهو طلاقه ولاموهوا شديد .. لكن انا اتعاطفت معاهو .. ودي اسرار ما كنت احترمه كونه يطلعها علي الملاء ولكن بما ان المراة كانت ممتازة بمقاييس الخلق الرفيع والسلوك المحافظ كان لازم يفتّوا ويمرقو عشان يبرر .. يا ود المصطفي بالجد الإكتشف الطلح ده اكيد زول تور ساقية يسوق فجراوي وعشاوي .. رغم انه الطلح زاتو اصبح نوع من الحاجات المتخلفة بالنسبة للحناكيش السغيرونات ولكن حتما بعد التلاتينات وتشرئب المرأة يا دوبك وتكتمل محاور الشبق في كيانها بيعرفن كم كن بليدات وعويرات .. هي الحياة مراحل وتراص حتي في السلوك الحيواني تحتاج تراكم وغريزة الجنس عموما اقوي من الجوع بدليل انه المتصوفة يجوعون نفسهم اذا ارادوا السلوك الي الله حتي لا تكون الغريزة عائقا امام سيرهم وطبعا ديل المتصوفة الفلاسفة علي نهج ابن الفارض ومحي الدين ابن العربي ولكن جماعتنا ديل اكتر ناس يموتوا في الدخاخين .. كمان العجب انصار السنة النسوان والأكل .. يقوليك الجماع ولما يقولها ليك لما ريالتو تسيل ..هههههه هييي |
تعبيير الدفئ في غاية الدقة إذ ليس المرأة وحدها ولكن للرجل ايضا لابد وان يكون دافئا وإلا اختلت المعادلة في احد جوانبها وهذا الاختلال لا يشبع اي من الطرفين .
والمعني اوسع من ان نحصرة في العلاقة الجنسية فهي لا تشكل إلا جزءا من هذا الكل الهائل المحتاج لهذا الدفي المتواصل لكم جميعا تحياتي الدافئة |
اقتباس:
غايتو أصل دخان الطلح او التطييب بدخان الطلح ... يقولون انها من العادات التي قدمت الينا مع دخول العرب حينذاك الي السودان ومورتانيا ... هذا حسب ما قاله الطيب صالح حين قال : (..لا عجب، لقد دخل العرب بلاد السودان الى غاية ارض شنقيط –موريتانيا- قبل الاسلام بمده، واخذو معهم من جزيرة العرب عادات بقيت عندهم وبعضها اندثر عند عرب الجزيره، ومن ذلك ان النساء كن يتطيبن بنار(دخان الطلح) ومن ذلك ايضا ان النساء قبل الزواج كن يلبسن سراويل من سيور الجلد تسمى (الرهط)، وقد ظلت هذه العاده موجوده في السودان الى عهد قريب. وعرب السودان يسمون الدخله الى يومنا هذا قطع الرهط...) اما فوائده فهي واضحة للجميع .... اما جيل العطور الجديد .. فهو يجهل تماماً مثل هذه العادات فحقيقة من فوائد الدخان انه يمنع الجلد من الانكماش الناتج عن تقدم العمر ويحافظ علي هيئة المراءة كشابة لزمن طويل ... |
اقتباس:
تحياتي يحي .. اتفق معك فيما يخص الدفئ في المشاعر .... فان تحقق بين الزوجين في شتي ضروب الحياة .. توفرت للاسرة حياة سعيدة فسعادة الزوجين تسري لا محال بين الابناء وتنعكس ايجاباً علي حياة الاسرة باكملها لذا وجب التبادل الحسي بينهم ... فالألفة التي تكون بين الزوجين حين يتقدم بهم العمر ما هي الا دفئ من مشاعر سكنت في الماضي وهناك اكثر من جانب قد يرتبط بهذا الدفء .. وشرحه قد يطول تحياتي ... بنفس الدفئ |
اقتباس:
|
اقتباس:
علي كده قرض علي الدلكة وابني عليها احلامك :D يا زول بعمل ليك حساسية اتا ماشي تدخن ولا شنو :p علي فكرة يا حافظ .. هو ممكن المراءة تزيل ريحة الدخان منها بعدة طرق يعني بتكون استفادت منو ... وجاتك بدون ريحتو .... وفي ناس كتيرين متلك ... بتعمل ليهم ريحة الدخان حساسية .. ما محظوظين تحياتي ... واشواقي |
اقتباس:
ما شفت لي قحطانية واللاّ شيبانية عندها (دكّة ) دخان او شملي .. يا محمد انت الكلام جايبو من وين ..!! موجود الطلح في تهامة وشجر العرعر ولكن استعمالاته في حفر المندي فقط .. وارد جدا يكون جاي من غرب افريقيا شاد او موريتانيا .. حاجة تجننننننننن والله .. هن جايين غزاة ومبشرين واللا بعثة (كبريت ودليك ).. إتحسبنا بي الله .. بعدين قول لحافظ حسين زهير بسلم عليك وبقوليك ممكن يولع طلح دايت Diet .. |
ود المصطفي
عجاجة البوست تجيب الطاشي مسعول من الخير آت يا جنا متزوج :eek: وكمان حلاق الصلعة ابو سوار فاتح الماسورة عل الاخر تعرف دي من المواضيع المهمة التي يجب التحدث عنها بوضوح تام هنالك سلبيات جمة في مسألة العلاقة بين الرجل والمرأة في مؤروثاتنا وتقاليدنا والبخجل ما بجيب من بتعموا جنا (1) في عدم ثقافة ووعي (2)في تعتيم وخجل ذيادة عن الطبيعي (3) في ظلم من جانب الرجال وعدم المامه بفهم تشاركي لزوجته وعدم التفكير فيها وتلبية احتياجاتها فكثيرا الرجل اناني بالواضح بجيك صادة قنب عافيه |
اقتباس:
لا يا زهير اشتهر العرب باستعمال العود في عطورهم شنو ما سمعت عبد الصمد القرشي ولا شنو :p:D معروف ان العرب اكثر استعمالاً للعطور منذ قديم الازل اذن فكرة ان اصل التطيب بدخان الطلح وباقي الاعواد كونها عربية وارد جداً وشئنا ام ابينا ... ما كنا مسلمين لولا دخولهم الينا ونشر الدعوة الاسلامية فالعرب لم يكونوا غزاة ذات يوم .. فنحن الرابح الاكبر من دخولهم الينا لكن فكرة الطلح الدايت مجنونة منك ...طيب ما ممكن طلح بنكهة الفراولة للمدعو حافظ :D |
اقتباس:
اقتباس:
وكمان العلاقات الجنسية دي ثقافة عامة وشارعنا السوداني لا تنقصه حكاوي الجنس الناس بتحكي عن تجاربا متزوجين او غير بس ما زلت بلتمس في تجاربهم جهل الكثير مما تحويه العلاقة الجنسية زمان قريت لي كتاب اسمو ليلة الزفاف ... بوضح ليك كيفية العلاقة الجنسية من مقدماتها .... لاوضاعها وماذا يتوجب في خلال ذلك اقتباس:
نعم هذه النقاط التي ذكرتيها من اكبر السلبيات التي تتبع المعاشرة الجنسية أنانية الرجل بصورة خاصة ... ولانها موجودة بكثرة شكراً وجيدة لاضافتك وراجيك ... |
يعلم الله كضاب يا ود المصطفى ..
نساء دافئات ؟؟ .. هو الصقيع ده كيفنو إن لم يكن إمرأة تفحُّ عليك صرصر البرد حتى تفنقلك مكنكشاً و عدمان النفس ؟؟ ما تاكلونا حنك و تغسلوا أمخاخ الخلايق .. فالوحيدة التي تمنح الدفء ياها بت ام روحك دي .. فاسمعوا و عوا . |
اقتباس:
أعلم الله ده كلام زول روحو محرقاهو ... ولا حاجة تانية محرقاهو برضو :D ياخ المراءة الباردة دي اصلها ما بتعمر امتنا يقولو ليك فلان ده مرتو سممممممممممممممحة لكنها دمها تقيل ودمها تقيل دلالة علي المشاعر الباردة يسقط امامها كل الجمال فانت ما تاكلنا حنك وفصلنا لينا بت ام روحك دي زااااااااااتا شنو :D صباحو دافئ يا جميل |
تقالة الدم خليها .. و السماحة كمان زحنا منها ..
الكلام علي " الحرورية " :) .......... قالوا شنو أهلنا ؟ : ( قطعوا في حشاك لامن صاحب الوداعة ياخد وداعتو ) . يسعد صباحاتك يا رجل . |
كعب الزول يكون ما ليهو في الشي
ويمشي في بتعتر آ جنا وتتعوق والمصيبة تطلع نفسك قايم ساهي وما تلقى الببرد رويحتك هسا في داعي لي جنس دا ــــــــــــــــــــــــــــــــــــــــــــــــــ واحد غتيت.... |
اقتباس:
اتا يا بلة ماك فاهم قصدي من البوست ده عشان ما تمسكونا ساي من ايدنا البتوجعنا وتتكلو علي حتة العزابي المصاقرنا ده :p ياخي الاعور ما بقولو ليهو اعور في عينو :D البوست ده دعوة لتحسين الاوضاع الجنسية بما انو الاوضاع الاقتصادية ابت تتصلح في البلد :D قلنا نصلح حاجة تانية تكون ساهلة .... وبعدين نلملم منكم زاد للسنين الجاية :p |
اقتباس:
سمعت بالزراف ركوب الجن :p ياخ الحرورية ده زاتا بتكون مدعومة بالمشاعر الدافية فشنو ... مافي مفر |
ذكرتني يامحمد
وان في الثانوية في اولى وانا كنت بحب القراءة لدرجة فظيعة صاحبتي زينب عندها مكتبة ضخمة لاحسان عبد القدوس ونجيب محفوظ وغيره من كتاب الروايات المصريين والمكتبة الجنبنا كان فيها روايات عبيركنت مشتركة فيها يعني في اليوم ممكن اقرأ اربعة كتب:D اخوي مغيوظ مني شديد بالله دا مستوي قرايات والله البنات ديل عمرهم مايطوروا كانت امي تدافغ عني وتقول ليه -بتي بتنمي في مشاعرها:) ولما وعيت للكلام لقيت انه فعلا المشاعر والوجدان وحتى العقل الباطن(دا لناس المحفزات) هو محتاج لتنمية وتمارين كمان ياخ مشكلتنا نحن جافين محتاجين نلولي الحاجات دي جوانا |
اقتباس:
ياخ والله كتابتك دافية بشكل ... وحكايتك زااااااااتا دافية زيادة :D تعرفي يا جيجي مرحلة من مراحل العمر كنت مثلك تماماً ... بحب الروايات دي بصورة غريبة بعد الرواية امتلكني حب قراءة الشعر ... وكنت بعشق جداً الشاعر المصري صلاح شاهين ... شاعر الرباعيات وده طبعاً لانو بس صادف ان الوالد كان عندو ليهو ديوان وصلاح شاهين كان شاعر جرئ ... يعني قصيدتو عريانة وده البعجبني فيهو بعد كده بقين من رواد مكتبة القبة الخضراء .. هسع كسروها وسوها ابراج الحجاز .. عجبي المهم : القراية فعلاً غذاء الروح .. وبتنمي حاجات كتيرة جداً في شخصية الانسان عموماً بعدين نقعد نلولي لمتين عاد .... لمن وطاتنا تصبح :D ولا شعورنا زاتو انوم |
إنت يا محمد عزابي ...؟ !!!!!!!
وانا قايلك مورّط .. حسدتك والله .. ولكن عشان ما نخلط الأمور .. العود الفي السعودية ده بخور زي الصندل .. يعني ما بصنقروا فوقوا زي الطلح .. بعدين انت قايل الطلح diet ما في ؟ موجود في زرائب المنشية وجاردن سيتي وباريس جاليري الخرطوم .. اما زرايب الصحافات واركويت ده عيار تقيل وعايز مكائن 450 حصان .. |
اقتباس:
حاسدني علي البطانية الحاضنة ... يا ناس ما تستغفرو وتذكرو نعمة الله عليكم :D بخصوص العود .. انا عارف العود الحالي هو الصندل وبعض انواع البخور بس بقول احتمال زمان كان في اعواد تانية غير البخور .. وممكن اكون منهن الطلح بس السؤال المهم ... اشجار الطلح دي هل هي موجودة بالجزيرة العربية او منطقة نجد .؟ قلت الدايت ده في المنشية .. ياخي الناس ديك اجسامن رهيفة وبعدين ممكن تكون قابلة للاشتعال زاتو .... :D |
اقتباس:
حاجة عجيبة انه الواحدة تقعد ليها في حطب ونيران مولعة والله انا بفتكر انه نتايحه مفروض تكون سلبيه لانه الاحساس دا بيحصل ليه ادابتيشن اكيد على درجة التبلد البتحصل في الاحساسي دي والدليل على التبلد احتمال النيران المولعة دي |
اقتباس:
زي بتاعنا حسب ما بنسمع وفي الهند موجود .. |
اقتباس:
في فترة ما كان ابن اختي مرتبطا جدا بجده الذي هو والدي ابوي مرتبط جدا بغنيماته وهمه الاكبر توفيرالقش للغنيمات يحمل القش في الخرج وهو شوال مفتوح من النصف ومقسم الي جزئين متساويين كان ابي يردد في دعواته الله يدينا العافية واللقمة الدافية مرة ود اختي قال لجده جدي الله يديك العافية واللقمة الدافية والخرج الملان قش امانيك كلها متحققة وخرجك دائما مليان قش اخضر ويانع |
اقتباس:
غايتو الا الدخان ده بالعكس ...... الواحدة بتقوم من الحفرة احساسا زاتو بكون عرقان :D هو بس من الطقوس القاسية شوية زي شيل الجسم بي الحلاوة ... نفس الشئ وده ممكن اكون اكثر ايلام لكن غايتو ما سمعنا لينا بي مرتاً مرضت من الدخان ولا شيل الحلاوة لكن باي شكل من الاشكال الدخان ايجابياتو اكتر من سلبياتو ..... ومصيرك بكرة تتعلم :D بهدي ليك الاغنية بصوت ود اللمين :p |
اقتباس:
اذا كان موجود في الجزيرة العربية اذن احتمال ان طقس التطيب بدخان الطلح اصله عربي احتمال وارد |
اقتباس:
اخوك كان متخصص في صنع الخرج وبعد الحصص في الخريف كنا نجتمع في شلليات وكل يمتطي حماره ... وفي قمة فرحتنا نمشي نجيب القش لي بهايمنا كانت ايام جميلة والله برضو احساس دافئ .... كل الود يا عبدالمنعم |
ياود إنت البوديك تتكلم في كلام الناس الكبار شنو ...:confused:
خوفتني عديل منك .. قبل يومين مع سجمان ومجموعه كان موضوع الدخان هو محور النقاش .. الغريبة انو إسمك ورد في النقاش:p ..لي شنو ما متذكر غايتو الواحد لما يكون ما مجرب الحاجه ويفتي فيها تبقي مشكلة (جيجي نموذجاً:p ) |
اقتباس:
اولاً كونو تتذكرونا في مواضيع الدخان دي معناها ذكرتونا بالطيب :D وبعدين قلت ادردق الناس دي هنا عشان تفتي وانا استفيد ... :p ثم انو انت ليه ختيت جيجي نموزجاً ... انا مالي ما ممكن اكون نموزج داير تجيب لي سمعة يا الاغبش ولا شنو :D كل الود والتحايا |
اقتباس:
هنا تختلف وجهات النظر يافتى .. هناك من يري أنه أعظم إختراع للبشرية ..وهناك من يري أنه مضيعه للوقت والجهد .. جرب وقرر الإنتماء لأيٍ من الفريقين .. إن نوذج دي وضحه وضوح الشمس .. قلت أرفِقك بي رفقة تسندك ..غلطان انا ؟؟ |
اقتباس:
ملرة كان في مرة بتعوس قلت ليها عليك الله خليني اطلع الطرقة دي واشوف طبعا اول حاجة وصلتها الارض تانيا 3يوم ماحاسة باطراف اصابعي-اناملي يعني:) ياخ والله نحن قاسيين تقول ماعندي خبرة كيف يعني هسه دي ماتجربة كافية:D |
اقتباس:
كده ممكن نقول انك جربتي حرارة النار وفوتي حلاوة الكسرة ...:p |
اقتباس:
وضحت نظرتك يا دكتور عن دخان الطلح واهميته بس كيف نقدر نصل لدفء المشاعر عند الطرف الآخر وكيف نقدر نحرك الاحاسيس المدفونة والتي قد نحتاجها كثيراً وماذا عن اللواتي يمنعنا دفء مشاعرهن حياءاً ...... تعال قول لينا ........ اما انك ارفقتني بي جيجي عشان تسند .. اصلاً هي ضُراع وسند :D |
اقتباس:
غايتو يا جيجي عمرك فطيتي فيهو كتير :D ياخي العواسة وقعدت التكل والمحراكة والقرقيبة والطايووق والعجين المُر دي حاجات ضروري تحتكي بيها ....... تعليم العواسة ما ضروري للاحتياج .. ممكن تكون حاجة ثقافية اعتبريها ضرورة للزمن ............ غايتو في مواصفات فتاة احلامي تكون بتعرف تعوس الكسرة :p خليها تجيني ناطة هنا وتقول لي ما بعرف ... :mad: عشان اقول ليها ولا همك نمشيها رغيف :p قلتي لي احرق الصاج اناملك ... حقو تحكي الموقف ده لي عصمت العالم :D عشان انزل ليك بوست مواساة :p |
سلامات محمد مصطفى
من اهم الاشياء فى الليلة ديك كم كورة واحدة دلكة واحدة دهن واحدة خمرة و اهمهم كورة كبييييييييييييرة لبن مسخن +...................مدخن و بالهنا و الشفاء |
ودالمصطفى انت شكلك عايز تجيبا من الآخر قبال تبدأ
على كل حال جبتها وخلاص الفيك إتعرفت تب:D شوف ياخونا... الدفء والدفاء والدافئين ديل نعمة من الله على عباده لا يلقاها إلا ناس معينين كدا وماكتيرين ... اي والله وفي حاجة مهمة شديد الواحد بي حروريتو ودفاهو يقدر يرفع درجة حرارة ودفأ الطرف البارد على الأقل يطلعو من حتة الصقيع ويوصل العادي وهذا اضعف الإيمان اهم شيء يكون حبل تحملك طويل ماينقطع في السكة من شدة الحرارة:D والعزيمة هي مربط حصانك فـ إن صنته صانك ... الخ:D اقول قولي هذا واستغفر الله لي ولك ياخالد الحاج.............. |
اقتباس:
إن شاء الله نظرتك برضو تكون وضحت .. وبذلك نصل للغاية المنشودة من هذا البوست :p كلو قسمة ونصيب ياولدي ..لو أمك داعية ليك بلاقيك السمح ..بس كيف انت تتوكل وتتلب لينا ... |
اقتباس:
|
| الساعة الآن 11:37 PM. |
Powered by vBulletin® Version 3.8.8 Beta 2
Copyright ©2000 - 2026, vBulletin Solutions, Inc.