اليوم سوف اقوم بانزال اغنية الشمات يعاينولك تلبية لطلب حسن فرح
وهي من كلمات الشاعر صديق محمد طه واداء الفنان يعقوب تاج السر

الشمّات يعاينولك ياقلبي ..الشمــّات يعاينولك
***
كتير الشالتو الأيـّام وما صدّتبو من تاني
كتير غابت بنا الأحلام وكانت بدري صبحاني
لا جاب النواح رايحات لا رجّــع زمن هاني
مسيّـرة دنية العشاق .. أكــيد الأمــر ربّاني
***
أكنّك ياقليب يلاك خوجل بين قبيل وأّسّة
وافتح دهشتك شبّاك علي الكان لك قبيل مرسي
دا كيف بعدالمَحنّة قدر يجور متل الزمن يقسي
وفيك اتعلّم النسيان وما اتعلّم قبيل ينسي
***
حبيبك أطرا زي ما كان سامي وعالي في قدرو
بيرقش بالندي الإشــراق ويدهش بي قوام فكرو
كم من شهّــد الأشــواق وقال مابنفترق عمـرو
بلا باع الأمانــي وراح وساب جوّاكا يوم شكرو
***
آهـ ياقلبي ما تندم تقول ياريتني ما ردت
صدي الفرقة أم نزيفا دم أمـرق منّو كيف شئت
معاك التجربة البي كم يا الدافع التمن إنـت
تمن قدر الحبيب قبال يكنكش وفيـكا يتحـتّ

اسامة سلام

هذه الاغنية اشتهرت اكثر عند يعقوب تاج السر

وشكرا علي ذكر اسم الشاعر الصحيح وقد تم التعديل

تحياتي

جيجي سلام

لو ضغطي علي كلمة للحفظ والاستماع ممكن تستمعي للاغنية
او اضغطي علي هذا الرابط

يا زول عارف قصدك شريف والحمدلله انك لحقتني ووريتني اسم الشاعر الاول
وانت كيد عارف اكتر بسبب فارق السن:p:p:p

الاغنية شغالة يا ود عثمان
وده رابط للتاكد

تسلم يا راقي

شكرا علي المرور يا رائع وان شاء الله المرة الجاية تسمع الاغنية

خلاص عرفت الدرب يا حسن

ده رابط مباشر للاغنية

واصل يا حسن عليك الله

علي سلامات

يعقوب فنان مميز في كل شئ كلمات الاغاني و الالحان و الصوت الجميل

واسامة لو كان اتكلم شوية عن يعقوب وعن الشاعر يكون ما قصر ويكون ثقفنا شوية عن يعقوب تاج السر
وتسلم يا غالي علي المرور

تحياتي

مرافي سلام
والله يا مرافي دزي ما قاليك حسن سبب حزننا اننا مرقنا من بلدنا بدري وكل ما نسمع الغنا الحزين بنتذكرها