حزب الخضر السودانى : الملامح العامة لبرنامج الحزب وهويته السياسية
سلام يا شباب سودانيات : حزب الخضر السودانى : الملامح العامة لبرنامج الحزب وهويته السياسية ---- المرجع الرئيسي : http://www.sudaneseonline.com/cgi-bi...msg=1302857851 |
البرنامج والاتجاه السياسي :
* السياسة الخضراء : ايمانا منا ورغبة فى أن تسود قيم الحرية والديمقراطية والعدالة الاجتماعية واحترام البيئة فى المجتمع السودانى (ككل لا يتجزأ )، ورغبة في تعزيز أسس النظام الديمقراطي المعاصر القائم على أساس احترام حقوق الفرد والاعتراف بحرياته المدنية السياسية والاقتصادية والثقافية المنصوص عليها في الإعلان العالمي لحقوق الإنسان وبهدف الارتقاء بأداء مؤسسات المجتمع المدنى تم إعداد البرنامج السياسي لحزب الخضر السودانى كمنهاج عمل يستند الى مبادئ( السياسة الخضراء ) التى تشمل احترام قيم الحرية والعدالة الاجتماعية واحترام البيئة ، والخيار الديمقراطى كنظام حكم اتفقت عليه أمم العالم الحرة ، والحض على الحراك السلمى لتغيير الحكم ( ما استطعنا الى ذلك سبيلا ) ، وذلك بما يتفق مع نص وروح الإعلان العالمي لحقوق الإنسان ، والحرص على تضمين هذه المفاهيم فى الدستور السودانى الدائم الذى نطالب بأن يتم وضعه تحت ظل نظام ديمقراطى سليم . المبادئ العامة لحزب الخضر السودانى : يسعى حزب الخضر السودانى إلى تنفيذ منهاجه السياسي من خلال المنطلقات التي تمثل مبادئ حركة الخضرالعالمية الأساسية : * الحكمة البيئية : وتعنى احترام أمنا (الأرض ) والعمل على حمايتها من التلوث والاضرار بها كهدف أولى بما يحقق تناغم الانسان مع البيئة والكون ومزجها بالمبادئ الانسانية النبيلة فى سبيل سلام عالمى أخضر. يسعى الحزب الى العمل على اعادة وحدة السودان أرضاً وشعباً وحماية استقلاله وسيادته.ملتزماً بمبادئ الدستور الديمقراطى المتفق عليه ويتبنى الحزب الى مبادئ حركة الخضر العالمية النبيلة ، ويسعى الى تنزيلها على أرض الواقع السودانى ، ويؤمن بعالمية هذه المبادئ التى يمكن أن تتبناها أى أمة وأى دولة وبما ينسجم وظروفها الخاصة. وطبيعة مجتمعاتها . * العدالة الاجتماعية : يفتح الحزب أبوابه لكل المواطنين على قاعدة المواطنة والهوية السودانية ، ويسعى خاصة لاجتذاب الشباب والنساء ،والفئات المهمشة عرقيا وثقافيا ..,البعيدة عن المشاركة السياسية .وذلك سعيا منا الى خلق سودان جديد قائم على قيم الحرية والعدالة الاجتماعية والحقوق الأساسة للانسان التى نصت عليها المواثيق الدولية ، وعلى مبدأ المساواة بين كل فئات ومكونات المجتمع السوداني عرقيا ونوعيا .. وتكريس التمييز الايجابى لصالح الفئات مهضومة الحقوق . * الديمقراطية التشاركية : يؤكد الحزب على اختيار الديمقراطية كخيار أمثل لتبادل سلمى للحكم فى السودان ، كذلك يؤمن بسمو مبدأ الحرية الفردية سياسيا واقتصاديا وبالدور الفاعل للتعددية الحزبية، وبدور النقابات ومؤسسات المجتمع المدني وتوسيع دائرة المشاركة العامة لكل الموطنين في إطار من احترام حقوق الإنسان وتعزيز الحريات العامة ومبادئ الشفافية في العمل السياسي. ويؤكد الحزب على ضرورة تطبيق الديمقراطية في الحياة الداخلية للحزب بشكل كامل وفعال، وبأن الأحزاب المعاصرة التي لا تبنى على أسس الديمقراطية لا يكتب لها البقاء والاستمرار. ويؤمن الحزب بأن أبناء السودان الكبير شماله وجنوبه شرقه وغربه ووسطه ، بمختلف أعراقهم ودياناتهم ومذاهبهم ولغاتهم وألوانهم، أنما يشكلون أمة واحدة مستقلة وأن وحدة البلاد بكل ما تشمله من معان هي ثابت لا يمكن تغييره أو المساس به مهما كانت الظروف السياسية . لذلك يسعى الحزب الى حق تقرير المصير لكل أقوام السودان ..وذلك لتحقيق وحدة حقيقية قائمة على التراضى واحترام التنوع ، وليس تكريسه . * اللا عنف : يؤمن الحزب بمبدأ الحراك السياسى السلمى والتداول والتغيير السلمى للسلطة ( ما استطعنا الى ذلك سبيلا ) . * الاستدامة : لاستدامة تحقيق وتطوير هذه الأهداف .. يسعى الحزب إلى تحقيق التنمية الاقتصادية ورفع مستوى معيشة المواطنين في إطار صارم يضمن العدالة الاجتماعية ويعتبرها أساسا لازما تبنى على قاعدته أي خطط للتنمية ، باعتبار ان ( التنمية المتوازنة ) هى من السبل الأساسية لازالة الاحتقان والعنف من المجتمع السودانى . لذلك يؤمن الحزب بإطلاق المبادرات الخاصة في مجال النشاط الاقتصادي في إطار دور إشرافي ومؤسسي للدولة الديمقراطية يمنع الاحتكار ويراقب هامش الربح لأي نشاط بما يضمن تأمين وصول الخدمات الأساسية للمواطنين وتأمين كافة الحقوق الأساسية التي نص عليها الإعلان العالمي لحقوق الإنسان وتحقيق التوازن بين مصالح الفرد والمجتمع. يؤمن الحزب بأهمية التغيير الثقافي وتكريس قيمة التنوير والعلم كشرط لتحقيق التقدم وكسبيل حضارى لتكريس الأمن والازدهار . * احترام التنوع : احترام الخصوصية السودانية القائمة التى تتميز بالتعددية العرقية والثقافية والدينية ، وكذلك الحض على احترام النوع الانسانى ككل بغض النظر عن التصنيفات غير الانسانية التى جعلت من ( المواطنة ) سلما له درجات .. ،لذلك يصر الحزب على العمل على الغاء التمييزين النوعى والعرقى . . والى سن قوانين تجرم المصطلحات العنصرية البغيضة التى تهدد السلام الاجتماعى .. على لا نغفل كذلك احترام التنوع والتفرد للمجموعات الاجتماعية السودانية المختلفة وأن يكون الوطن وعاءا جامعا للتراث والثقافة السودانية الثرة . لذلك يتبنى الحزب مبدأ أن الدولة المدنية القائمة على الأسس العلمانية ، تحكمها مبادئ المواطنة والمساواة، وتحترم كافة الأديان والعقائد وتؤمن بحرية ممارسة الشعائر والطقوس الدينية لجميع الأديان والمذاهب ، شرط أن لا يسم الطابع الدينى المجتمع بصورة سافرة ، مما يؤدى الى الاحتكاكات والتطرف والتشنج الدينى . لذلك نعتبر ان ( النظام العلمانى ) هو خيار لا بد منه للملمة الشتات السودانى ثقافيا وعرقيا ودينيا . كذلك يؤمن الحزب بحرية المؤسسات الحزبية والمدنية حرية مطلقة بغض النظر عن التوافق على أهدافها ومبادئها في العمل السياسي ما دام المواطن سيكون هو الحكم والفيصل فيما بينها وبين غيرها من الأحزاب عن طريق صناديق الاقتراع. * العلاقات الخارجية : كذلك يؤمن الحزب بأن المصلحتين الوطنية والحضارية المواكبة لقيم التقدم العلمى والحرية هما القاعدتان الأساسيتان لرسم السياسة الخارجية ومواقفنا إزاء دول العالم وذلك من خلال التفاعل الإيجابي مع العالم بما يحقق المصالح الوطنية ويدعم عملية التقدم الشامل. ....... * ويعمل الحزب من أجل سودان جديد وعصرى ..على هدى فكر السودان الجديد للزعيم الراحل د. جون قرنق دى مابيور . الخضر السودانيون عنهم : آمنة أحمد مختار عنواننا على الفيس بوك :Green Sudanese email :[email protected] |
البرنامج والاتجاه السياسي :* السياسة الخضراء :
ايمانا منا ورغبة فى أن تسود قيم الحرية والديمقراطية والعدالة الاجتماعية واحترام البيئة فى المجتمع السودانى (ككل لا يتجزأ )، ورغبة في تعزيز أسس النظام الديمقراطي المعاصر القائم على أساس احترام حقوق الفرد والاعتراف بحرياته المدنية السياسية والاقتصادية والثقافية المنصوص عليها في الإعلان العالمي لحقوق الإنسان وبهدف الارتقاء بأداء مؤسسات المجتمع المدنى تم إعداد البرنامج السياسي لحزب الخضر السودانى كمنهاج عمل يستند الى مبادئ( السياسة الخضراء ) التى تشمل احترام قيم الحرية والعدالة الاجتماعية واحترام البيئة ، والخيار الديمقراطى كنظام حكم اتفقت عليه أمم العالم الحرة ، والحض على الحراك السلمى لتغيير الحكم ( ما استطعنا الى ذلك سبيلا ) ، وذلك بما يتفق مع نص وروح الإعلان العالمي لحقوق الإنسان ، والحرص على تضمين هذه المفاهيم فى الدستور السودانى الدائم الذى نطالب بأن يتم وضعه تحت ظل نظام ديمقراطى سليم . المبادئ العامة لحزب الخضر السودانى : يسعى حزب الخضر السودانى إلى تنفيذ منهاجه السياسي من خلال المنطلقات التي تمثل مبادئ حركة الخضرالعالمية الأساسية : * الحكمة البيئية : وتعنى احترام أمنا (الأرض ) والعمل على حمايتها من التلوث والاضرار بها كهدف أولى بما يحقق تناغم الانسان مع البيئة والكون ومزجها بالمبادئ الانسانية النبيلة فى سبيل سلام عالمى أخضر. يسعى الحزب الى العمل على اعادة وحدة السودان أرضاً وشعباً وحماية استقلاله وسيادته.ملتزماً بمبادئ الدستور الديمقراطى المتفق عليه ويتبنى الحزب الى مبادئ حركة الخضر العالمية النبيلة ، ويسعى الى تنزيلها على أرض الواقع السودانى ، ويؤمن بعالمية هذه المبادئ التى يمكن أن تتبناها أى أمة وأى دولة وبما ينسجم وظروفها الخاصة. وطبيعة مجتمعاتها . * العدالة الاجتماعية : يفتح الحزب أبوابه لكل المواطنين على قاعدة المواطنة والهوية السودانية ، ويسعى خاصة لاجتذاب الشباب والنساء ،والفئات المهمشة عرقيا وثقافيا ..,البعيدة عن المشاركة السياسية .وذلك سعيا منا الى خلق سودان جديد قائم على قيم الحرية والعدالة الاجتماعية والحقوق الأساسة للانسان التى نصت عليها المواثيق الدولية ، وعلى مبدأ المساواة بين كل فئات ومكونات المجتمع السوداني عرقيا ونوعيا .. وتكريس التمييز الايجابى لصالح الفئات مهضومة الحقوق . * الديمقراطية التشاركية : يؤكد الحزب على اختيار الديمقراطية كخيار أمثل لتبادل سلمى للحكم فى السودان ، كذلك يؤمن بسمو مبدأ الحرية الفردية سياسيا واقتصاديا وبالدور الفاعل للتعددية الحزبية، وبدور النقابات ومؤسسات المجتمع المدني وتوسيع دائرة المشاركة العامة لكل الموطنين في إطار من احترام حقوق الإنسان وتعزيز الحريات العامة ومبادئ الشفافية في العمل السياسي. ويؤكد الحزب على ضرورة تطبيق الديمقراطية في الحياة الداخلية للحزب بشكل كامل وفعال، وبأن الأحزاب المعاصرة التي لا تبنى على أسس الديمقراطية لا يكتب لها البقاء والاستمرار. ويؤمن الحزب بأن أبناء السودان الكبير شماله وجنوبه شرقه وغربه ووسطه ، بمختلف أعراقهم ودياناتهم ومذاهبهم ولغاتهم وألوانهم، أنما يشكلون أمة واحدة مستقلة وأن وحدة البلاد بكل ما تشمله من معان هي ثابت لا يمكن تغييره أو المساس به مهما كانت الظروف السياسية . لذلك يسعى الحزب الى حق تقرير المصير لكل أقوام السودان ..وذلك لتحقيق وحدة حقيقية قائمة على التراضى واحترام التنوع ، وليس تكريسه . * اللا عنف : يؤمن الحزب بمبدأ الحراك السياسى السلمى والتداول والتغيير السلمى للسلطة ( ما استطعنا الى ذلك سبيلا ) . * الاستدامة : لاستدامة تحقيق وتطوير هذه الأهداف .. يسعى الحزب إلى تحقيق التنمية الاقتصادية ورفع مستوى معيشة المواطنين في إطار صارم يضمن العدالة الاجتماعية ويعتبرها أساسا لازما تبنى على قاعدته أي خطط للتنمية ، باعتبار ان ( التنمية المتوازنة ) هى من السبل الأساسية لازالة الاحتقان والعنف من المجتمع السودانى . لذلك يؤمن الحزب بإطلاق المبادرات الخاصة في مجال النشاط الاقتصادي في إطار دور إشرافي ومؤسسي للدولة الديمقراطية يمنع الاحتكار ويراقب هامش الربح لأي نشاط بما يضمن تأمين وصول الخدمات الأساسية للمواطنين وتأمين كافة الحقوق الأساسية التي نص عليها الإعلان العالمي لحقوق الإنسان وتحقيق التوازن بين مصالح الفرد والمجتمع. يؤمن الحزب بأهمية التغيير الثقافي وتكريس قيمة التنوير والعلم كشرط لتحقيق التقدم وكسبيل حضارى لتكريس الأمن والازدهار . * احترام التنوع : احترام الخصوصية السودانية القائمة التى تتميز بالتعددية العرقية والثقافية والدينية ، وكذلك الحض على احترام النوع الانسانى ككل بغض النظر عن التصنيفات غير الانسانية التى جعلت من ( المواطنة ) سلما له درجات .. ،لذلك يصر الحزب على العمل على الغاء التمييزين النوعى والعرقى . . والى سن قوانين تجرم المصطلحات العنصرية البغيضة التى تهدد السلام الاجتماعى .. على لا نغفل كذلك احترام التنوع والتفرد للمجموعات الاجتماعية السودانية المختلفة وأن يكون الوطن وعاءا جامعا للتراث والثقافة السودانية الثرة . لذلك يتبنى الحزب مبدأ أن الدولة المدنية القائمة على الأسس العلمانية ، تحكمها مبادئ المواطنة والمساواة، وتحترم كافة الأديان والعقائد وتؤمن بحرية ممارسة الشعائر والطقوس الدينية لجميع الأديان والمذاهب ، شرط أن لا يسم الطابع الدينى المجتمع بصورة سافرة ، مما يؤدى الى الاحتكاكات والتطرف والتشنج الدينى . لذلك نعتبر ان ( النظام العلمانى ) هو خيار لا بد منه للملمة الشتات السودانى ثقافيا وعرقيا ودينيا . كذلك يؤمن الحزب بحرية المؤسسات الحزبية والمدنية حرية مطلقة بغض النظر عن التوافق على أهدافها ومبادئها في العمل السياسي ما دام المواطن سيكون هو الحكم والفيصل فيما بينها وبين غيرها من الأحزاب عن طريق صناديق الاقتراع. * العلاقات الخارجية : كذلك يؤمن الحزب بأن المصلحتين الوطنية والحضارية المواكبة لقيم التقدم العلمى والحرية هما القاعدتان الأساسيتان لرسم السياسة الخارجية ومواقفنا إزاء دول العالم وذلك من خلال التفاعل الإيجابي مع العالم بما يحقق المصالح الوطنية ويدعم عملية التقدم الشامل. ....... * ويعمل الحزب من أجل سودان جديد وعصرى ..على هدى فكر السودان الجديد للزعيم الراحل د. جون قرنق دى مابيور . الخضر السودانيون عنهم : آمنة أحمد مختار عنواننا على الفيس بوك :Green Sudanese email :[email protected] |
تمام يا حافظ يا جميل
تمام خالص ياخ |
عنواننا على الفيس بوك :
Green Sudanese |
* الحكمة البيئية :
وتعنى احترام أمنا (الأرض ) والعمل على حمايتها من التلوث والاضرار بها كهدف أولى بما يحقق تناغم الانسان مع البيئة والكون ومزجها بالمبادئ الانسانية النبيلة فى سبيل سلام عالمى أخضر. |
اقتباس:
http://www.youtube.com/watch?v=eScDfYzMEEw |
الفكرة جميلة
وإضافة.. لكن؟! إحنا ما لساتنا على البرجزة السياسية دي.. الخضر كأحزاب في بلاد حرة حقا، جووووودو ديمقراطيتهم وضمنوا سير حياتهم الديمقراطي لمن ما وصلوا لمرحلة "حزب الخضر".. وييييييينا من الليبرالية والوجودية والفكر الحر وحقوق الإنسان. وييييييينا من تحكيم والمشاريع الحضارية والدين والدولة.... غايتهو!! ربنا يوفق الجميع وخاصة أنهو "الخضر" فيهم وشوش خضرتها ندية... |
اقتباس:
نحن الاسعد ياخ!:D بالجد سعيد بالمرور اللطيف دا و شكرن على عمك جورج الطمنا على البلانت :D فعلاً مفارقة مضحكة مبكية، انو نحن الزائرين المؤقتين ديل قادرين على افساد حاجة ليها ميليارات السنين مما تعدون! شكراً جميلاً |
حبيبنا قيقا
ياخ استحملني ياخ أنا كزول عنقالي ساااااااي وما ناقش في العمل السياسي دا التكتح انا بصراحة استشهدت بالمقطع اعلاه في اني عايز اقول ليكم أنا كمحمد احمد مقطع ساااااااااي مالي ومال الكرة الارضية في ستين ياخ الكرة الارضية ، إذا كنت انا في تولاتي دي ما قادر اعتني بنفسي واعتني بغيري ، أقوم اقعد اعتني بالكرة الارضية الاصلا مارقة للربا والتلاف وبصراحة كدة مسألة الاهتمام بالكرة الارضية كونه يكون من أولى أولويات الحزب دا يعتبر شاور لموضوع الحزب نحن من سنة غاغ ميتينا طالع نجي نقوم نفطر ببصلة الاهتمام بالأم (الارض) ؟! كلامي دا يا قيقا على اساس اني اخذت في الاعتبار انو الاهتمام بالارض بقع من ضمن اهم اولويات الحزب وزي ما عارف انو ترتيب الاولويات بوريك توجهات الحزب يعني بعدين لو مسكتو السودان دا نحن ممكن نكون منتظرين الراتب يقوم يجينا قرار يقول لينا الشهر دا ما عندكم راتب لانو الميزانية تم تحويلها لعملية ترميم ثقب الاوزون :D |
بعدين ياخ بدل تهتموا بالكرة الأرضية الأم
حقوا تضيقوا اطار اهتمامكم شوية وتحصروهو في المحافظة على (إنسان الهامش) من الانقراض:p لانو انسان الهامش دا لو انقرض يادوبك الكرة الارضية اكلت نيم |
اقتباس:
لووووووول انتو ليه طوالي كبرتوا الموضوع ؟ الموضوع بسيط جداً ياخ! هي مجرد فكرة مطروحة للتداول و النقاش، و خاضعة للتعديل و الحذف و الاضافة. المبادرة دي، قايداها الاستاذة / امنة مختار ايرا، و مجموعة من الشباب و الشابات السودانيين جداً، و لو ما بتعرفا، هي زولة غبشة زينا كدي. مافي برجزة و لّ حنكشة. عموماً انا ح انقل ليها التهمة دي:D كدي يا عمنا قول خير و يهدا البرنامج قدامك، طلع لينا منو مظاهر الترف و نحن يها نتناقش. و نحن لسه فيها .. حزب - بالمناسبة في بعض الشباب، و انا واحد منهم بنقول بانو تبدأ كحركة - المهم تنظيم الخضر لسه في طور التأسيس، و البرنامج و هياكلو هي بين ايديكم .. و الشورة شورتكم .. المافي شنو؟ كدي اسي عيّب لي مجهود الشباب في قروب " خرطوم نظيفة " او " سودان اخضر " ديل .. http://profile.ak.fbcdn.net/hprofile...756_9942_n.jpg http://www.facebook.com/group.php?gid=46230832756 الفكرة في رأي - الشخصي - هي تجميع الخضر السودانيين و محاولة توحيد جهودهم و تقريب رؤاهم ... بس شفت القصة بسيطة كيف؟ ------- جايك يا وجدي مع تأكيد انو نحن الاسد و الله:D |
اقتباس:
ياخ انا يادوبك بجك معاك وافضح ليك نفسي اكتر انا زول متخلف جداً في مسعلة التعبير دي وعايز زمن عشان اقدر اوصل فكرتي مظبوط وح اقعد اورجغ ليك كدة لحدي الصفحة التالتة في الصفحة الرابعة حتلقى موضوعك استحمى فا شنو يا فردة؟! الفورة مليون ياخ بس انت بعدين طول لينا بالك شوية سمح ؟! |
اقتباس:
انا ما عملت رايح ياخ!:D يا وجدي كدي اقرأ الوثيقة - مسودة - و خلينا نتناقش حولها ... بعدين اطمن ياخ .. مرتبك جايك جايك ... وان في تقديري - الشخصي - انو ( حركة الخضر ) ما ( حزب الخضر ) اصلاً ما ساعي للحكم .. . شوف هنا : اقتباس:
بعدين ياخ محتاجين رأيك و انتقادات جداً هنا : http://www.facebook.com/home.php?sk=...831227035&ap=1 التنظيم دا في بدايتو بالمناسبة ... و كان ما استحمل النقد عاد باقي ليك بمش لي قدام؟ اما عني انا - كزول ساي او اخضر :D- ياخ انا لاقيك وين ياخ!؟ و تاني : نحن الاسعد بمرورك و الله |
اقتباس:
عنوان البوست هو حزب الخضر وبعدين حركة الخضر -ياخ كان تخلوها تابعة لي نبي الله الخضر بدل القرين قلوبال :D- المهم حركة الخضر دي لو ما ساعية للحكم نحنا زاتو ما ديرنها لانو دا كلام يبقى وراءه ما وراءه ثم انو انا شوفت هنا (واشار ناحية ما اشرت) لقيت انو حركة الخضر ساعية للحكم لكن ما بقدر سعيها (لتسريع عجلة التغيير الايجابي) يلا خلينا نرجع للوثيقة والبتحض منها انها خالية من الهوية تماماً وزي ما قلت ليكم تصديركم لصدر الوثيقة بالاهتمام البيئي دا بخلي موضوعكم مستحمي (واقعياً) أي نعم افتراضيا انتو ممكن يعجبكم لكن بعدين محمد احمد السوداني كلامكم دا ولا بسلك ليهو سنونو زاتو لانو مسالة اهتمامكم بالبيئة مع الزمن المادي دا بعتبر بندق في بحر ياخ اهتموا بالانسان واملو ليهو بطنو المطفوقة دي بعدين امشوا اهتموا بالبيئة وأمنا الأرض ما عارف جاء في خاطري محمود المليجي وفيلم (الارض) وفي الباك قراوند نشيد (الأرض لو عطشانة نرويها بي دمانا) ياخ لمن شعرة جلدي كلبت:D ارض مين ياخ ؟! بعدين عاين غايتو اسم حركتكم الخضر وسياستها الخضراء خلتني اتخيل قرار منع ارتداء جلابية سودانية (نظراً للعقدة التاريخية بين الجلابية البيضاء وملاح الخضرة ) جست جوكينغ |
اقتباس:
بالاخص بتاعة بوست سودانيز اون لاين دي : http://www.sudaneseonline.com/cgi- bin/sdb/2bb.cgi?seq=msg&board=330&msg=1302857851 عشان كدا انا الدقيقة و التانية بقول ( رأي الشخصي ) الوثيقة ما مكتملة و خاضعة للتعديل / الحذف/ الاضافة .. و الاستبدال عديييل انت تعال بالدرب و ورينا شنو طيب الدايرنو .. البلد بلدكم و ( الحزب ) حزبكم .. و الشورة شورتكم ما انا الا بناقل وطني أمين :D لكن مرات مرات بقول رأي انا دا ( اوع تكون دي تتحسب عدم امانة !؟ :D ) فكدي يا الاخدر تعال بالدرب و ورينا شوفك، و محمد احمد هو المستهدف و مجموعهم هم اهل الجلد و الرأس. دي اسمع الخدار دا .. [media]http://pr.indymedia.org/uploads/2011/04/luai-shammat-ali-alsigeid-ard-altaybeen.mp3[/media] |
قيقراوي
يابا تب ماني قاصد إنتقاد لكني قاصد أنه خطوة خطوة يا الشباب.. الأحزاب العتيقة دي كلها بدت بي شباب صابت بعد عمل شهرتها وجماهيريتها فالأمر كله صآآآآآآح وفكرة صحيحة الشباب ياهم أمل البلد يابا إحنا "هرمنا" الهترشة سنتنا والطربقة حديثنا فإن إتفهمنا غلط مشوها لينا وقولوا: حق عواجيز سآآآآآهي... ملحوظة: يابا الخرطوم عايزة نضافة من الكرور الحاكمها دآ;) |
اقتباس:
كالعادة رسمت ابتسامة تغالط صباحب البدا عامل كيف كيف دا؟:D ياخ يوم السبت دا من زمن المدرسة ما حبابو كلو كلو!! يوم الجلد .. الشغل المردّم .. و عيد اليهود:D لووووووووول النقد مالهو هو؟ يا يابا مابيابا النقد الا زول ( ساي ) بامتياز! .. شفت كيف؟ و الشئ دا جبناهو هنا للنقد و التلاف .. ما اخي من الزول يقوملو بحاجة سداري ساااي .. اي زول بعجبو صوتو لمن يغني في الحمام:D و نفسو تحدثوا يقول بي دشي دا على الاذاعة اسجل لي شريط شريطين:Dlooool اها الكلام و الحكم الصحي صحي، هو الجماهير رأيا شنو؟ هي البتدي شرعية لمن تشاء .. و تنزعها ممن تشاء .. و بيدها الحكم في الارض. و المجد لله في الاعالي .. و في الارض السلام .. و بالناس المحبة. شفت كيف؟ عشان كدا، جيناكم للشورة .. و انتو اهل الفهم و الرأي ما تتفاسلوا علينا .. و شيمتكم الكرم بالله عليك ما تحرمنا جمال جياتك و كمان اكان ود عثمان غشانا و بلبلنا قبيل " و قالوا البتبلبل اخير يعوم " يا مخير دي الممطورة ما بتبالي من الرش looool:D --------- عملية تنضيف الخرطوم - في راي ، سامعني يا وجدي؟:D - في رأيي عملية التنضيف، هي بروسس واحدة. دواء يؤخذ جرعة وااااحدة، مرّة و الى الابد. اظنو الجنيات ديل بسموهو " الثورة " اتمعن معاي في الكلام دا بالله : اقتباس:
|
اقتباس:
برضو جصت كيديييييييييييينغlooool بالجد نحن الاسعد ياخ! |
اقتباس:
و هو كذلك الانسان هو الاهتمام الاول و بالذات انسان الهامش .. كل الهامش .. مش الهامش الجغرافي بس ... الارياف .. الشباب .. المرأة الانسان هو الهدف و الغاية النهاية |
اقتباس:
عشان الحاجات تبقى كويسة |
اقتباس:
----- * تنبه هام لقد تم تغيير حسابنا من ياهو الى جى ميل. لذا رجاء مراسلتنا على الايميل التالى : [email protected] |
قيقا يا صاحب
من المفروض كأنساني (إي اتبنى الفلسفة الانسانية كمنهج في حياتي) ان انضم فورا وبلا أي تأخير لحزب الخضر، فالاقتصاد الاخضر والسياسة الخضراء وغيرها من المصطلحات التي تدبج مانفستو الحركة الخضراء في العالم تشكل حضورا اساسيا في لغة الانسانيون الجدد. وعموما فإن كل الانسانيون الذين اعرفهم يا اما في حركات الخضر او في الاحزاب الليبرالية الاجتماعية الاخرى. يحول بيني وبين ذلك هو موقف مبدئي اتخذته وهو الابتعاد تماما عن الممارسة السياسية، حيث ارى انها تهدر مجهودا من ذوي الموهبة اولى به البناء الاجتماعي من الاساس، لقد توقفت كثيرا عند عبارة الطيب الصالح "من اين اتوا هؤلاء؟" وحاولت الاجابة عنها متناسيا عمدا الصيغة الاستنكارية للسؤال، فوجدت ان الاجابة الصادقة مع النفس هي انهم اتوا من هذا البلد، عمر البشير من حوش بانقا، وقوش من وين كدا ما عارف في الشمالية وأحمد هارون من كردفان وغيرهم، جميعهم سودانيون لم يأتوا من الفضاء الخارجي او غازين من الدول المجاورة، هم مجرد حلقة أخرى في سلسلة من النخب الفاشلة التي ظلت تحكم السودان منذ الاستقلال. والمشكلة ان حتى الكيانات الجديدة الناشئة والتي تطلق على نفسها القوى الحديثة، قامت وهي تحمل ذات الامراض التي تحملها تحملها القوى التقليدية وأس هذه الامراض عدم القدرة - ولا اقول الرغبة - على ممارسة سياسية الرشيدة القائمة على الديموقراطية والحوار والرأي والرأي الاخر. التكوينات السياسية الحالية - في رايي الشخصي طبعا - غير قادرة على إبتداع حلول، وتضيع جهد المبدعين المنضووين تحت لواءها بدلا من ان تنظمه وتستفيد منه في انتاج الحلول الناجعة لمشاكل المجتمع، تمارس ذات "التقليد القردي" بوعي او بلا وعي لنماذج ترى انها ناجحة، وتستفيد من المثقفيين والموهوبين والفنانين في إلباس ذلك "التقليد القردي" ثوب التجديد والابداع بوضع بعض المساحيق على وجهها لجعلها تبدو وكأنها نبتت من رحم هذا الوطن المكلوم. المشكلة من وجهة نظري تكمن فينا كسودانيين افراد قبل ان تكون في تنظيماتنا، فمن غير المعقول ان تتشارك كل تنظيماتنا السياسية والمهنية وحتى مجالس إدارة اندية كرة القدم في ذات الامراض ونقول ان العيب ليس في ما تشترك فيه، وهو الانسان السوداني، عدم التسامح والتآمر وعدم قبول الرأي الاخر والجمود الايدلوجي والانتصارللحزب بدلا عن الوطن والخوف من التجديد، كلها إنعكاس لعيوب في شخصيتنا نحن كسودانيين وليست عيوب ملازمة للتنظيمات فقط حسب رأيي. أنني أرى أن على المثقفين والمبدعين والموهوبين في كل المجالات المؤمنين بالانسان كقيمة لا تدانيها قيمة، قيمة اتفقت عليها كل الاديان والثقافات في كل انحاء العالم، العمل بشكل فردي على التغيير الجذري والعمل على إعادة بناء شخصية سودانية معافاة من العيوب والامراض المجتمعية، شخصية متفهمة ومتسامحة ولديها القدرة على استيعاب ضرورة إحترام البشر كبشر، بغض النظر عن اي فروقات فردية بين الناس، انا ارى اننا مازلنا بعيدين عن فكرة العمل الجماعي، رغم كل التكافل والتوادد والتراحم الذي يمييز الانسان السوداني بجانب العديد من الميزات الجميلة الاخرى، ولكن كل هذا لم يمنعنا من خوض اطول حرب اهلية في القرن العشرين. إن التغيير يبدأ بالوصول لقناعة بينك وبين نفسك بأنه ينقصك الكثير لتكون انسان حقيقي، أنا عن نفسي قد وصلت لتلك القناعة، وبدأت فورا في العمل بشكل جاد للترقي في سلم الانسانية خطوة بخطوة، والطريق طويل والمشوار بعيد والامر شاق جدا على النفس، لكنه ممكن. رسالتي لكل المبدعين والموهوبين الحزبيين، أنظر الي نفسك جيدا وإلى موقعك الحزبي، وضع مكانك اي واحد من العاطلين عن الموهبة او من انصاف المثقفين، فإذا رأيت انه يمكن ان يقوم بما تقوم به - او ما لاتقوم به في معظم الاحيان - فأترك موقعك له فورا فهو يناسبه أكثر منك. احزابنا السودانية الحالية لا تناسب إلا انصاف المثقفين والعاطلين عن الموهبة، لذا فإن الموهوبين والمبدعين يخفت ألقهم في الاحزاب فلا ترى من ابداعهم شيئا والتجارب كثيرة. لذا على كل قادر وراغب في ارسال رسالة تسامح وسلام ومحبة وصدق مع النفس وحرية، عليه الوشوشة بها في أذن حبيبته، الونسة بها مع جاره، الكتابة بها في سودانيات، التبشير بها في مكان العمل وفي الشارع وفي البيت، دون تنظيم، دون إجتماعات، دون تخطيط ، دون اي شيء يعطل الرسالة. غيير في شخص واحد فقط واجعله اكثر تفهما وقبولا للآخر، اكثر حبا للحياة وللناس ، اقل إعتدادا برأيه يضع إحتمال ان يكون مخطئا في حسبانه دوما وستكون قد نجحت أكثر مما لو بقيت في حزب سوداني من احزابنا الحالية عشرون سنة، شخص واحد فقط ليس مهم من هو، امك ، اخاك، جدك، زوجتك، ود الجيران، حبيتك، اي شخص، الرسالة بسيطة جدا والقدرة متوفرة والموهبة على قفا من يشيل. نحن اذا اجتمعنا على فعل شيء مفيد، نقضي نصف زمننا في الخلاف حول ما نريد القيام به، ونصفه الاخر في الخلاف حول كيف نقوم به، لأننى لا نعرف ادب الاختلاف ولا نستطيع ممارسة الاختلاف الفعال، نعتد بأراءنا أكثر من اللازم لا شيء سوى انها اراءنا نحن شخصيا!. لذا فإن التغيير بدأ من هنا وليس من هناك، من اللبنة الاولى في البناء المجتمعي الانسان الفرد، ولنجرب هذه المرة العمل من فرد لي فرد مباشرة، نتصارح بكل ما في قلوبنا لبعضنا البعض دون حواجز او برامج مكتوبة اوخطط معدة مسبقا. هل هذا ممكن؟ لست أدري، ولكنني سأجرب وامشي في هذا الدرب الي النهاية. |
سلام يا شهاب
شكراً لمرورك الثر ياخ مداخلتك حوت كل شئ كنت أتمني إثارته .. وفرت لي منصة لاطلاق جيدة جداً .. ما تخاف .. اطلاق افكار ساي :D نحن دعاة سلام و محبة اكيد كنت تعرف عن انتمائي السياسي ( السابق ) .. مش؟ اها تركته لنفس الاسباب بتاعتك تقريباً .. و ذكرت في استقالتي اني ( كفرت ) بالاحزاب و جدواها .. لكن عالق في ذهني سؤال - في شكل تحدي - من عصام جبر الله. انو هل ممكن كلامك دا [ موقف مبدئي اتخذته وهو الابتعاد تماما عن الممارسة السياسية ] باضافة و العمل العام؟ .. هل ممكن للزول السبق ليو انو اتورط، يقدر على التوبة النصوح :D دي!؟ في وكتها و بانفعالي داك .. كنت شايف الاجابة نعم و نص و خمسة .. يا شهاب يا حبيب .. مداخلتك نفسها مليانة بمتناقضاتها الكافية جداً لتفجيرها من جواها. تناقض الفكرة / الوسائل ، الادوات.. اكتشاف، او استكناه العلة، و الموقف المتسم باليأس تجاهها . في تقديري دا ( السلام ) الما حبابو كلو كلو! الواقع دا لو ما واجهناه و غيرناه بتفاقم اكتر، و ح يتعقد بما يرتب مزيد من الاحباط، لمزيد من الجميلين. شوف كيف بتكون ساهمت في اعادة انتاج القبح و تمكينو، بدل ما كان في فرصة، و لو لمجرد المحاولة. و إن بدت كالحرث في البحر. ياخ انحنا المؤمنين - الخوافين ديل :D - بنقول بقوله تعالى " إِنَّ اللَّهَ لا يُغَيِّرُ مَا بِقَوْمٍ حَتَّى يُغَيِّرُوا مَا بِأَنْفُسِهِمْ " سورة الرعد آية 11 فمن وين ما عاجبك الحاصل .. و من وين عاوز تنزوي و تتخذ ركناً قصيا على نهج جحا :D و تضييق دوائرك، و تقصرها عليك و محيطك القريب!! عمنا ماركس - الشاعر الثوري - قال الما عاجبك غيرو .. غيرو طواااالي ياخ! و اهديك في المحبة ورد CD البدوي عادل : Keep politikin' or die tryn اي انسحاب من ارض ام المعارك، بمنح العدو ( القبح ) مواقع جديدة .. كيب بوليتكن يا حبيب .. كيب ور داي تراينغ .. و هذا اضعف حيلة الفنان. برجع ليك تاني و دا اعتبرو تهديد وااااضح و صريح ياخ فتحت طاقة حكي ما بتنسد |
اقتباس:
|
اقتباس:
طيب ما هو نحن في ذا سيم بيدچ .. و لّ شنو؟ في ردي لحبيبنا الاسعد ( نحن الاسعد ياخ :D ) جبت ليو الاقتباس دا اقتباس:
اقتباس:
من الشباب والى الشباب ..لا يسعى الى الحكم، بقدرما يسعى الى تسريع عجلة التغيير الايجابى لصنع واقع و غد أفضل . ------- كلنا مع دعم و تمتين الفردية .. و حفظ كل الحقوق في الحرية الفردية انا شخصياً غير راغب في منصب او كسب خاص.. لكن ما بستسلم و لا بخلي موقعي و انسحب من المعركة. لن اخفض اللواء .. و برضو لن اداعب النفاق |
اليسار السوداني يتمخض مرة أخري و يولد خضراً خديج .... اليسار المايل يتشظي مرة أخري....
أها يا قيقا بتقدروا تجترحوا درب جديد و لا بتهنبتوا من فلول اليسار القديم؟ السؤال دا جادي جداً يا قيقا لانه في تقديري الكلام المكتوب دا ما بفرق كتير من كل ما تطرحه كورجة الأحزاب الموجودة |
* الحكمة البيئية :
وتعنى احترام أمنا (الأرض ) والعمل على حمايتها من التلوث والاضرار بها كهدف أولى بما يحقق تناغم الانسان مع البيئة والكون ومزجها بالمبادئ الانسانية النبيلة فى سبيل سلام عالمى أخضر. يسعى الحزب الى العمل على اعادة وحدة السودان أرضاً وشعباً وحماية استقلاله وسيادته.ملتزماً بمبادئ الدستور الديمقراطى المتفق عليه ويتبنى الحزب الى مبادئ حركة الخضر العالمية النبيلة ، ويسعى الى تنزيلها على أرض الواقع السودانى ، ويؤمن بعالمية هذه المبادئ التى يمكن أن تتبناها أى أمة وأى دولة وبما ينسجم وظروفها الخاصة. وطبيعة مجتمعاتها . الفوق بالاحمر دا كلامكم صح يا قيقا فيما يختص بالحكمة البيئية و قلت لي أمنا الأرض ؟؟؟؟؟؟:D:D:D:D يا حبيب كل الأحزاب الحديثة بترتكز علي العلم في كل تفاصيلها و حد علمي برنامج الحزب مفروض يكون علمي جداً و يبتعد عن قصة أمنا الأرض و خالتنا السماء.... أها لو أنا إقتنعت بأن الأرض أمنا فمن هو أبونا و أبو أهلنا؟ بالله حاولوا تراجعوا الكلام دا.... أها فوق شايفكم ختيتوا أنكم في كل حركاتكم و سكناتكم بتعتمدوا علي الإعلان العالمي لحقوق الإنسان ... و بعدين الإعلان دا فيه فقرة قدر الضربة بتقول فيما معناها (حق الشعوب , القوميات و الأقليات أن تستقل بحكم نفسها إذا لم تستطع التعايش مع إثنيتها الأم).... أها دا برنامج حقوق الإنسان المرتكزين عليه يا قيقا و لكن تحت الحكمة البيئية بتجوا تقولوا يا خي مفروض نوحد السودان .... أها يا قيقا حتوحدوه كيف و إعلان حقوق الإنسان دا قال يا أخوانا من لم يستطع فليشتت؟ هسي علاقة توحيد السودان بالحكمة البيئية شنو؟ شايفكم حاشرنه في النص كدا بين أمنا الأرض و كمية من قصص البيئة؟ علي فكرة ناس حماية البيئة وين اليومين دي ما يقوموا يرفعوا فيكم قضية أصلاً اليومين ديل في السودان في موضة رفع؟ يا خي أسمح لي أمش أشرب لي كباية حليب و أجي أتونس معاك لانو بوستك دا داير ليه حليب عشان ............. |
اقتباس:
سؤالك من ناحية جادي ما مغالطك فوقو كلو كلو .. لكن تركيبتو، فكرتو عندي فيها غلاط ... يا حبيب اصلاً الفكرة مفارقة .. و الاجابة على سؤالك دا هي الرهان .. الدروب يصنعها المشي .. لو ما مشينا .. ما ح نعرف الاجابة ابداً شفت كيف!؟ بعدين يا شباب انا كررت اكتر من مرة انو دا ما البرنامج .. دي مسودة و ما في - حالياً - حزب قائم، و مكتمل البناء، اسمو " حزب الخضر " في السودان .. و العنوان دي مبادرة قادتها الاستاذة آمنة مختار و مجموعة من الشابات و الشباب الزي الورد ... يعني شنو؟ يعني نحنا مشينا الخطوة الاولى و انت معاي مشوارنا بيقصر بعد داك الاجابة على سؤالك و قصة الاجتراح دي، بثبتا او ينفيها الواقع و لّ شنو؟ بعدين موضوع الهمبتة دا، فال الطمعانين ليهم في سلطة يا اخوي! على قول شاعر الشعب " نحن العلينا بنسوي .. همنا نديكم وطن جد جد " بنقدم قدر قدرتنا هدا مشهادنا .. و العندو مشهاد يجي يغز عودو ... او على قول النشيد بتاع جنة الاطفال : شجرة و شجرة بساوي شجرتين شجرة و شجرة و شجرة .. بتعمل غاااابة و اهلنا بقولوا عيب الزاد و لا عيب سيدو |
اقتباس:
و دا كوووولو الحالة بدون حليب!!!؟ :D :D :D |
اقتباس:
شنو امس امّنت و لّ شنو؟looool خلينا نبدأ من الاخر .. حاضر يا سيدي .. و دي رد على طلب المراجعة .. نراجع طوالي المافي شنو؟ و دا هدف البوستات و النقاش المفتوح دا ابتداءاً .. بس اتمنى انو الناس تنتبه للتنبيه الكررتو اكتر من مرة .. الموجود هنا في صدر البوست دا ما برنامج الخضر، دي مسودة مطروحة للنقاش، برنامج الحزب هو الح يجيزو الحزب في مؤسساته، و بآلية ديمقراطية. و في مؤتمره العام التأسيسي. يبقى نتعامل مع الوثيقة هنا على اساس انها مبادرة فقط لا غير. فلنسمها لاغراض النقاش " مبادرة الاستاذة آمنة مختار " .. اتفقنا؟ يلا دا بلغي جملتك دي من اساسها : [ الفوق بالاحمر دا كلامكم صح يا قيقا فيما يختص بالحكمة البيئية و قلت لي أمنا الأرض ] دا ما كلامي انا .. كلامي انا ياهو من جنس الخرمجة الما بتغباك ديك .. انت بتتوه منها كمان!؟:D و رصاصة الرحمة لجنس كلامك المطلوق ساي دي بطلقا عليه العلم ذات نفسو يا حبيب كدي اقرأ كلام شهاب كرار دا : اقتباس:
قصة الخلق بالتضامن و التواطء و التقاطع مع التطور بتدعم انو امنا الارض .. ثم ثانياً : ثينك آوت اوف ذا بوكس ماي ديار! .. ثينك آوت اوف ذا بوكس يرحمكم الله!! ادوات السيد لن تفكك بيت السيد .. طريقة التفكير التقليدية لن تحدث تغيير لانها متواطئة مع القديم .. و حارسه الامين. صدقني لو فكرت خارج المربع ح تلقى اجوبة لكل الاسئلة .. بما فيها من جنس سؤالك التعسفي دا : لو أنا إقتنعت بأن الأرض أمنا فمن هو أبونا و أبو أهلنا؟ فكر و ح تلقى اجابتو:Dlooool .. بس آوت اوف ذا بوكس.. على أقل تقدير ح تغير صياغتو و تركيبو لانها معيبة اصلاً. دا الفرق البنحاول نحدثو .. بنشق في طريق غير معبد لاجتراح و شق الدرب السالت عنو .. بمشينا نحنا و للقادمين ان يكملوا او يمسحوهو .. اطلاقاً ما عندي شك في انو سكان الفضاء المسمى ( مستقبل ) ديل، هم اكثر منا ذكاءاً. اما نحن فاا ح نكيب تراينغ .. فيها نصل؟ و قيل لا! ..او نموت دون ذلك .. و في كلٍ خير و لّ شنو؟ يلا منتظرك يا حبيب بالجد اسعدني الحوار دا و لسة باقي لي فيو حديث .. بس قلت اديك فرصة للتعقيب .. و نواصل |
اقتباس:
يا عمك تنكبت الدرب - ما يعادل ختيت الدرب - كان ما انتقدتنا الكلام دا جبناو للنقد .. الشئ ني ما في شئ بنجضو غير النقد دا و فرقنا البنزعمو عن الصابو .. انو وعدنا انو يظل اخضر و يانع على طول بالنقد و التجديد المستمر نحن شتلناها و غيرنا يسقي و يرعى و شجرة و شجرة بساوي شجرتين شجرة و شجرة و شجرة بتعمل غابة مش؟ اها ؟ |
قيقراوي
سلام وتحية اولا السلطة حق طبيعي لاي حزب حسب قيم الديمقراطية نفسها لم افهم ابدا هذا الهروب منها هل السلطة تهمة ؟ السلطة تكليف من جماهير لحكمهم برضاهم وفرحتهم لماذا تحرمون جماهيركم من هكذا شرف.... ثانيا وفي الذهن انشقاق الخاتم عدلان بحركة حق مطلع التسعينات عارف انطلقت عضوية حق الجديدة تجند بدات بعضوية الحزب الشيوعي حدثني واحد في حق ان قناعة الخاتم عدلان تتلخص ان برنامج حق لا تنفذه الا ذات العضوية بتاعت الحزب الشيوعي هل اشتم هنا قناعات متشابهة ثالثا طالما البرنامج احتوى على فكر اليسار عموما من العدالة الاجتماعية والديمقراطية والعلمانية لماذا لاتطرح الفكر الان ويقودها الشباب لوحدة اليسار عموما وبعدين تصطرع داخل اليسار العريض الافكار من اخضرها حتي الاحمر والفكرة الاصمد تفوز اول تتكون فكرة جديدة تعمل مزج للالوان دي وتتدينا لو ارجواني مالو كل جايز مع الزمن وتسلم اخوي |
ولتبدا فكرة وحدة اليسار عموما
من منطلقات فكرية لقادة عظام انجبتهم حواء السودانية نبدا من عبدالخالق محجوب ومحمود محمد طه ودكتور جون قرنق ديمبيور وننطلق لا نتوقف ونصل ووقتها النبتة الخضراء تظلل محفظة حبوبة والزمن لم يعد لئيما |
اقتباس:
سلام يا منعم معليش ح ارد على ثانياً اول لو في شئ اوحى ليك بي كدا بكون اكيد انا مش الخضر ( الفكرة / مسودة البرنامج ) انا شيوعي ( سابق ) يا حبيب و لا غرو لو كانت متلبساني روح الماركسية لكن لا أدين للحزب الشيوعي السوداني بأي ولاء لا سياسي ( بوابة الدخول و من ثم الخروج ) و لا قيد تنظيمي .. فما تشتت من ماركسية هنا و هناك مسئوليتي وحدي، لا يحمل عبئها الخضر و حب اطمنك .. برنامج الخضر يضعه الخضر .. و ينفذه الخضر .. و هو حزب برنامج لا حزب ايدولوجيا .. من واقعنا ما من اكتر ابداً برنامج اخضر قريباً جداً من خضرة الواقع كأسمه تماماً بعيداً من رمادية النظرية ما عندنا زعامات .. لا نعبد بشر او فكر بشر .. و لا نزعم وحدة فكرية مخاتلة بل ندعم الحرية الفردية فكراً و ضميراً، و اعتقاداً .. و كل الحريات تحياتي و شكري العميق على المرور الثر و برجع ليك قريب جداً لباقي المفاهمات |
اقتباس:
نرجع لواحد ... مفاهمة تانية حول الكوت ادناه اقتباس:
حابي اوضح نقطة مهمة الاتضمنو البوست حول الفقرة الاولى في المقتبس، التشديد عليهو - في الغالب - بحمل قناعة شخصية لي. لكن النقاط التالية، مقروءة مع ان النص يرتب الاولويات فقط و لا ينفي شيئاً، كدا بترسل رسالة تطمين لكل المشفقين، تاكد يا عزيزي انو ابداً ما ح نحرم شعبنا من أي حاجة قادرين نقدما ابداً. و مصدر قناعتي دا مستمد من تجربة - بالضرورة خاصة جداً - انو التهافت على السلطة، و السعي المحموم ليها هو البقود لمثل لاطلاق الريحة الشميتا انت دي:D صديقتاذنا عادل البدوي - صاحب و كاتب سودنة الحلم الامريكي - مسمي الايدولوجيا بـ ( هواء الدباغة ):D... له عبارة لم اجدها حالياً فيما معناه : اذا دخل هواء الدباغة من الشباك، خرجت الاحلام بالباب .. ويقول : [ إذا حضرت "الآيدولوجيا" بطلت الأحلام ] تشكرات كميات ... و نواصل عزيزنا |
اقتباس:
تحياتي لي كلمتين هنا طالما الغداء لسع مع ان تلك الرائحة تداعب انفي تسريع عجلة التغيير الايجابي كيف يتم هل توافقني ان الامر يحتاج لالية ..... وسلطة في موقع اتخاذ القرار .... اليس هذا برنامج في البدء يمر بكافة السبل الديمقراطية من الاقناع الى القناعة الى كتل جماهيرية تختار ممثلين لها وسلطة.... ول كيف ؟ برجع برواقة لحوارات اخري |
تنبيه لابد منه لكل من ينوى الانضام الينا : يعتمد مشروعنا السياسى هذا على قدمين اثنتين يسير بهما .. ( أ ) مبادئ حركة الخضر العالمية العلمانية، ( ب ) مشروع السودان الجديد ..كحتمية تاريخية ومرحلة لا مفرمن أن تمر بها الدولة السودانية والأمة السودانية فى سبيل التطور والتشكل كدولة عصرية وأمة حقيقية متجانسة . تنبيه آخر لا يقل أهمية : ان مشروعنا السياسى هذا لا علاقة له بأى من قوى اليسار القديم الموجود فى السودان ، ولا علاقة له بالحركة الشعبية . بالرغم من انتمائه الى اليسار العريض ، وتبنيه مشروع السودان الجديد . تنبيه آخر مهم : توجهنا الأساسى الذى من أجله فكرنا فى مشروعنا هذا هو استقطاب شرائح من المواطنين ضعيفة المشاركة السياسية مثل ( ناس الهامش ) و ( النساء ) و ( الشباب ) . * ولأن معظمنا كان من العازفين عن الانضمام لأى تنظيم أو حزب سياسى ، حاولنا أن نوجد على أرض الواقع تنظيما يسعى لتحقيق ما نفتقده ، ويمثله البرنامج اعلاه . لذلك أى تغيير كبير فى المسودة أعلاه ، سيحولها الى برنامج (هلامى ) لا يمت لآمالنا بصلة ، تلك الآمال التى سنسعى بكل جهودنا على ان نحولها الى واقع يمشى على قدمين آمنة أحمد مختار . http://www.sudaneseonline.com/cgi-bi...msg=1302857851 -------- العزيزة آمنة لوووووووول انا برّة الشبكة - بهناك - اعتباراً من فجر اليوم فقدت خاصية التداخل و الرد بهناك ح احاول اعلق بجاي .. فرجاء لو في طريقة تنقلي الخبر دا لمن يهمه الامر |
اقتباس:
|
اقتباس:
كلنا فهمنا فهمك استاذنا .. اصلاً ما تفضلت بطرحه انت - من وجهة نظري الشخصية - بعكس ما ورد في التنويه او التنبيه من الاستاذة آمنة تماماً!! كيف تكون المطالبة بالخصوصية و الهوية الواضحة، والمستقلة عما سواها، إلا من مبادئ الخضر، و الانتماء للارض و غمار الناس، هي ( هلامية )!!؟؟ و يظل دا سؤال في التنك : العبارات التي ذكرتيها أعلاه لا تترك أي مجال لنقاش هادف إذا كان من صاغوا الوثيقة لا يقبلون إدخال تعديلات عليها ... م الفائدة إذن من طرحها للنقاش؟؟؟ و اضيف ليو من عندي : هل فكرتوا في ليه الناس عازفة عن الانخراط في الاحزاب، و الممارسة السياسية؟ و كيف ح يتحقق : [ توجهنا الأساسى الذى من أجله فكرنا فى مشروعنا هذا هو استقطاب شرائح من المواطنين ضعيفة المشاركة السياسية مثل ( ناس الهامش ) و ( النساء ) و ( الشباب ) .] هل كل الشرائح ديل مؤمنين بالسودان الجديد!؟ كم النسبة!؟ .. و كما قيل المسالة اقناع و اقتناع مش؟ و دي ما بين يوم و ليلة .. دا عمل مثابر و حثيث و داير شغل كتير على الارض و مع الجماهير.. لا يتم بضربة لازب، و صياغة انيقة في برنامج .. و لّ شنو؟ اتفق مع استاذنا عقيد تماماً في ان التنويه لم يكن له داع اصلاً تحياتي و احترامي الذي تعرفين |
| الساعة الآن 07:56 PM. |
Powered by vBulletin® Version 3.8.8 Beta 2
Copyright ©2000 - 2026, vBulletin Solutions, Inc.