يــــــا صـبــاحـــــــــات ..إئتلاف قيس & زول الله
لأنها طالعة من زول ممكون شديد (ماتحمر لي ياقيس) ولأنها عملت عمايل في زول تاني وبرضو ممكون كميات جات كدا .... وفي انتظار أراءكم ونقدكم البنَاء (البنَاء دي مهمة شديد) بس ابنوا بعد تسمعوها بالله ياصباحات كلمات/ قيس الصديق شحاته لحن وأداء العبد الفقيرلله / زول الله [rams]http://www.sudanyat.org/upload/uploads/YASBAHAAT1.mp3[/rams] للحفـظ دوس هنـا تخريمة: اللحن دا ياقيس احسه قابل للزيادة والتجليع:D الأخيرة دي بيعرفوها الموسيقيين و أنا لها ان شاء الكريم اقول قولي هذا واستغفر الله لي ................... |
يا قيس نحنا قبيل شن قلنا:D
حقك كاااش يا قيس ما يحنكك زول الله دة بي عشا فنانين ياحبيب قبل حتي ما أسمعا تصدق لك بي واحد لايك و قابلة للزيادة بعد السمع |
الله.. الله..
ياخي إنت إضافة لكونك زول الله.. زول خطير جدّاً.. طبعاً أنا مندهش تماماً.. صوتك الليلة في قمّة نداوته وتعبيريته وفخامته.. يا ربي عشان القصيدة هبشت فيك وتر محدّد..؟ ياخي روعة مكتملة الأركان يا زول الله.. جد إبداع ياخي.. يا سلام.. يا سلام.. |
عندي ملحوظة يا زول الله الخطير..
المقطع البقول: "بيني ما بينك حنين الفراشات للورود" إنت قاعد تقولو بفاصل ما بين كلمتيْ "حنين" و "الفراشات" ودي حسب رأيي الشخصي بتدِّي إيحاء للمتلقي بإنّو الحنين ما ليهو علاقة بالفراشات.. يبقي: مفروض يحصل مد طويل لكلمة "حنين" ولحمها في الفراشات، يعني: حنييييييي نالفراشات.. يعني تدغم الاتنين مع بعض، لأنّو الحنين مضاف للفراشات وليس قائماً لذاته.. ثمّ: ياخي أداء معبّر جدّاً.. أها اتفقتو علي السّعر ولا لسّع..؟ :D |
معقولة من موود شكلة لي...:D
انالله واستغفر الله لي زول الله وقيس زاتو:D :L |
عفيت منك يا ابو فجر
ياخ والله ابــــــــــــــــداع وطرب حد الوجع مبدئيا كدا ديشك وديش قيس زاتو |
يا اولاد الشيخ
اديتونا السهر والله جد شغل جميل ومافي شيء كامل لكن دا قارب للكمال ود الشيخ الملحن ما تهابش كفاهو كدي اللحن دا |
اقتباس:
تمام .. تمامين والله .. بس يا زول الله أظنو محتاج للكلمة النقيض للتجليع :D البيعرفوها الموسيقيين :).. ثم أدى العود مساحة زمنية أكثر .. شغل رائع مافى شك .. |
زول الله
الله يديك العافية وانت تضيف لترسانة الأغنية السودانية حجراً جديداً حتى لا (يتلب حرامي القلوب). نحن نحتاج لمثل هذه الأغاني لتغسلنا من رهق الحياة ..وتجدد قدرتنا على العيش فيها.. داوم علي هذه الخيارات فالبراحات مليئة بالأناشيد الجميلة. |
شغل جميل يا ود الشيخ و قيس ..
لكما التحايا .. موفقين و الى الامام .. |
انت زول فنان يازول الله .. !!
شكرا للمتعة ... وبالتوفيق لي قدام |
اقتباس:
تصدق لك بواحد كرسي في الصف القدام اسمع وتعال:D اقتباس:
عشان كدا شكيتو لي الله اندهاشك هو بيت القصيد هنا والله وهو المطلوب ... زي المعادلات الآنية ديك:D اقتباس:
كلما اسجل واسمع القى حتة عايزة تعديل وتاني اعيد برضو الحتة بتاعة إرتعاش الريدة "غيرو إيه يكون معنى الوجود" بس أعتقد إتعالجت كويس لأنها منتهية بحرف مـــد "واو" لكن (حنين) دي بالذات أبت كلو كلو طبعا مع المــــد عشان توصلها بي (الفراشات) لازم سكتة "شهيق يعني" لأنها منهية بحرف ساكن وبرضو عشان مخزون النفس بيكون إنقطعlooool اها السكتة دي تااااني بتفصلها ليك ملاحظة مهمة شديد تشكر عليها كميااات ياخ اما الكاشات فـ زولك زاتو شكلو النوع البخش من حق الشعب يعني عشان نتفق لازم ننتظرو لغاية الأحد الجايي:D ومن هنا اطالب بـ من اين لك هذا يا قيس اقول قولي هذا واستغفر الله لي ................. |
اقتباس:
مشكورة على الاستغفار لكن الزول دا شوفي ليهو واحد براهو اقتباس:
يعني اشتري رطل اللبن بي ألف وابيعو بي اربعة دي بتجي ؟؟ ابيعو بي الف وميتين + اجرالمناولة والله يحب المحسنين وللا شنو ؟؟ تشكر ودالخير اقتباس:
شوفي قيس رأيو شنو إبداع زوقك يا ستهم/ن اقول قولي هذا واستغفر الله لي .............. |
اقتباس:
ماتقوم كمان تمشي براها :D والله ياستي الإبداع من قيس ونحن جبنا البرواز بس باقي الجمال من عيونك وزوقك يابتنا تشكرات قدر الليلة وباكر اقتباس:
اما النقيض ف منتظرين بيهو المتخصصين في هكذا تجليع أو تثبيتlooool روعة هي مرورك بي هنا و جاري العمل على الملاحظة تمام سعادتك اقتباس:
وكلماتك هذه نزلت برداً وسلاماً على ما احاول قوله بالأوتار ف مثلك لا يخطيء التقييم وحق لي أن ازهو شكراً كبيراً نبيلاً يشبهك اقول قولي هذا واستغفر الله لي ............... |
اقتباس:
اها بقى الزييك ديل نحن بنعمل ليهم ألف حساب ومادام دا رأيك يبقى الفكرة نجحت وكلو في السليم سلمت يا فنان اقتباس:
يكفي مرورك هنا دون حرف ليعلو سهم العمل شكري الكبير للمرهف قيس الذي أتاحت كلماته هذا الشرف إحترامي كله اقول قولي هذا واستغفر الله لي .............. |
كلام سمح باللحيل
تسجيل إعجاب بالعمل المتكامل لكن سوعال: التسجيل دة ناقص ولاّ أنا عندي مشكلة!!؟؟؟؟؟ |
اقتباس:
دي اتهامات مغرضة القصد منها تشويه صورتي أمام جمهوري الحبيب :D:D == جعلْتني - يا زول الله - أسائل نفسي : ماذا فعَلَت بك كلماتي لتفعل - أنت - بي وبهم ما بدا من شجن وما لم يبدُ من وجعٍ وتبريح؟.. زول الله ،، نقرشت وتر الحمّى في الضلع الشمال توَّرْت ياخ نَفَس الحنين في قليب هو أصلاً من زمن .. لو شفتَ غايتو ، عليهو حال! == كدي خليني هسه أعيد الاستماع على وقع (جراك نعناع ؛ وهو - لو تعلم - مزْجٌ يفيدُ إذا اختمر) |
قيس يا صاحب طبعا بعد دا داير ليك مديرة اعمالlooool
ونحن نرى فى بتم روحنا الكفاءة المنقذعة النظير رغم انه ابو فجر دا صاحبى وود امى وابوى لكن الكاش والكونتراكت دى لابد منها:D:p:p:D |
اقتباس:
غايتو - مبدئياً كدا - جيبي السي في بتاعتك واقيفي في الصف ، وبعدين في الانترفيو شاغليني بي عينك الشمال ،، وسيبيني افكر :D:D |
اقتباس:
|
اقتباس:
أنا قلت شاغليني ما قلت ليك جهجهي أفكاري ياخ :D:D |
جميــــــل يازول الله
كلمات (قيس) جميلة وإحساسك الأديتو ليها زادها جمال وحقيقي أداءك أدهشني.. وصوتك فيهو شجن عموما ياسيدي :L شديد بالتوفيق ونتمنى الإئتلاف ده يثمر عن حاجات حلوة تانية تحياتي لكما |
اقتباس:
يازول تسجيل إعجابك مابناباهو لكن طمعانين في الكبيرة..looool بيت الكلاوي العندك .. تجدع لينا منه كلوة كلوتين كدا وبالعدم فشفاش:D عشان حكومة وفاقنا العاطفي يكتمل نصابها بدعم قاعدتكم العريقة جواب: لو ماتمت تسعة دقايق ومثلها ثواني... عندك مشكلة اقول قولي هذا واستغفر الله لي ............... |
اقتباس:
وأمنيتك أمنيتي كذلك... إلاعاد سيد الحق يابا .. وحينها سنسرقه سرقة يسير بشمارها الركبان:D تحياتي وتقديري اقول قولي هذا واستغفر الله لي .............. |
اقتباس:
ثم دلف بحنينه يمخر عباب أوردة أنهكها نزيف أشواق مستعر فكانت (حنين) عودة لتلك الـ (صباحات) الندية أوهكذا جاءت. إذاً.. لم يبق إلا تحليل خمر إحساسها بصريح إهداءك لتحرير فعلنا فهلا تكرمت ؟؟؟ بالجمبة: نقرشة الحمى دي برضو في السوق؟؟عشان نلحِقها أختها هسه:D اقول قولي هذا واستغفر الله لي ................ |
يعني "الشحدة" الفوق دي كلللها ماعاجباك يا قيس؟؟؟
اقول قولي هذا واستغفر الله لي ............... |
اقتباس:
يااااااا زول الله لو كان المقصود ما أكتبه فهو رهن يمينك وطوع بنانك خذ منه ما تراه يناسبك في الوقت الذي يناسبك فان لم تجد في المنشور بسودانيات ما يعجبك راسلني على البريد الخاص لتصلك مجموعتي كاملة (عليك الله أرجل مني في؟؟؟؟:D) مع أكيد مودتي واحترامي |
اقتباس:
عجِبتُ لِمن يطلب (إذناً) لصُنع الجمال وإشاعة البهجة وبث الشجون! ** ارتشِفْ من كأسها أنّى شئت - يا زول الله - فهي (حلال) عليك.. وأيُّ مُشرِّعٍ - وإن كان الصانع - سيُحَرِّم على الناس ، ما يجلو بسماعِه الإحساس ، وتصفو بأنغامه السرائر ، وتسمو بشدوِهِ الأرواح.... وتدنو بتغريده الملائكة؟!! وهل ... هل يا زول الله ، سألوا القمرِي يوماً تصريحاً من السماء قبل أن يُشجي الأكوان بأغاريد الحياة ويشدو على الأفنان من وحي الطبيعة؟!! هي (حنين) أتتك متبرجة تقول : هيت لك ! ==== باختصار كدا ياخ - وعشان ساره الجميلة ما تدخل بيناتنا - أنا سعيد إنك سرقتني :D .. وبعدين أنا بعرف إنو الحرامي (لا مؤاخذة :D) يدّو خفيفة ، لكن تكون روحو خفيفة وشفيفة ولطيفة .. دي جديدة علي! :) |
اقتباس:
كدي خلينا هسه نمرق من هضربة المشاعر الدخلتها فينا حتى بعد داك نشوف نقرشة الحمى دي :D:D |
اقتباس:
ويمين مافي كلام زاتو يكتبوه ليك غايتو بجيك بي هناك ارجاني في خشم الباب اقول قولي هذا واستغفر الله لي ................. |
اقتباس:
البتاعة دي حقتي شرعاً وقانوناً .. الطريف انو إتزامن تلحين العمل دا مع ضياع "الريشة" حقت العود زعلت جداً وعملت مظاهرات وفي النهاية لجأت لأقدم تصرف في المواقف دي فكيت الـ ياقة بتاعة القميص عشان اشيل البتاعة الجوه ديك غايتو القميص لحق أمات طه لكن طلعنا بي ريشة مابطالة:D الغريبة لحد الآن اي زول استمع ليها بيسأل عن كاتبها يعني مؤديها واللحن بتاعا آآآخر حاجة يسألوا عنها:confused: لدرجة تجمع الموسيقيين (العندنا هنا) أضمروا شيئاً - أظنه ورشةعمل لتوزيعها طيب ياقيس .. غايتو السويتا رقدت قبلناها وختيناها مع اخواتها وان شاءالله قريب تشوفا بي عينك وتسمعها اقول قولي هذا واستغفر الله لي ................ |
اقتباس:
ياخي جميل والله.. لاكين ح تشحتف روحنا بانتظار المولود الوسيم دا :) |
قيس:mad::mad:
انت كان ما جبت سيرة سارة دى ما بترتاح اها مبارك عليكم التعاونlooool وشحدت ربى يسرقوا قلبك ويحيروك ان شاء الله:p:D:D:D |
اظنو الفاتنى كتيييير + عيك هيثم الهناك ديك :D
لالالا دى دايرة ليها كباية جبنة ونجى نشوف الكلام المونكن يتقال .. |
اقتباس:
قلبي؟ goood ما عندي مانع بس أضمن إنهم يخلوا فيهو شوية نبض نمشّي بيهو أمورنا .. والله المستعان على ما تصفون :D |
اقتباس:
اقول قولي هذا واستغفر الله لي ............ |
اقتباس:
عليك الله ركزي لينا على الـ ما مونكن المونكن دا شبعنا منه اقول قولي هذا واستغفر الله لي ............... |
فترت من حننتني المبذولة من الجميلين زي ناس الرصيد/ناصر
سمع ما سمعنا نحمد الله على ما ابتلانا به من عدم سماعات بس حبينا نبارك ونشد على يدينكم ونقول إلى مزيد من الجمال الذي أنتم أهله وذويه... تحياتي واحترامي ومحبتي |
اقتباس:
بله الفاضل ياخ حاول حِل الإشكال دا أو وريني دربك برسل ليك جوز سماعات هدية كيتاً في الذكرتهم ديل:) رأيك -بعد السمع- يهمنا ياحبيب في الحالة دي ممكن نكتفي برأيك في النص (نون مفتوحة) ونتخيل باقيهو في اللحن دا طبعاً مؤقتاً إحتراماتي كميات اقول قولي هذا واستغفر الله لي ............... |
فووووووووووق للتوثيق عشان قيس ماياكل حقنا حنك
أسمعو ياناس سودانيات واشهدو عشان بكرة قيس دا حيشتهر ويقول طرزان اول زول غنى ليهو وماعارف شنو ياصباحات دي تعتبر عودي مع الزول دا اللي هو بدأ من تاريخ إفتراع هذا البوست زماااان كدا وأنا نازل في العيد القدامنا دا عشان اسجلها مخصوص يعني اي شيء يحصل ويمنعنا من تسجيلها حيكون قيس هو السبب بصراحة وبعترف دي غيرة شديدة جداً والله بس اقول قولي هذا واستغفر الله لي.............. |
| الساعة الآن 02:23 PM. |
Powered by vBulletin® Version 3.8.8 Beta 2
Copyright ©2000 - 2026, vBulletin Solutions, Inc.