عدنا
التحية للاصدقاء الاعزاء في منتدي سودانيات
احييكم بكل اللغات السودانية حقيقة كنت غائباً عن الساحة الاعلامية لظروف فترة من الزمن ولكن قبل ايام كنت ابحث في موضوع ما كتبته في الانترنيت ولنسبة لدخولي المعتقل في عام 2009 الي 2010 فقد اضعت كثير من الملفات التي تخصني وبالصدفة عثرت علي بوست كتبته الاخت منال كوكو العضو في سودانيات بوست يحكي عني http://sudanyat.org/vb/showthread.php?t=12246 وعاودني الحنين الي الاصدقاء في سودانيات وخاصة الوطن منال كوكو فقلت ياخي ما اجرب ناس سودانيات كان يرجعو لي كلمة المرور بتاعتي وقوم اتونس معاهم وكدا فطوالي كتبت ايميل الي الادارة ومشكورة فقامت فورا بارسال كلمة مرور جديدة واريد ان اوجه خطاب شكر الي السادة اعضاء سودانيات الذين تضامنو معي ابان ازمتي في المعتقل واخرين سالو عني وعن اسرتي شكرا ليكم كتير وما قصرتو خالص ولكم مني كل التقدير عبدالمجيد صالح نيويورك |
ألف مرحب بعودتك يا عبد المجيد،
وألف حمد الله على السلامة. مكانك ظلّ شاغراً بيننا، لك التحيّة. |
شكرا عكود
شكرا ليك كتير عكود
هكذا انتم دائما تسالون عن الناس واحوالهم عبدالمجيد |
مرحبا بعودتك اخي عبدالمجيد وحمدا لله على السلامة
مرحب بيك كتير -- تأملت توقيعك وجدته يفتح أبوابا عريضة ربما لحوار كبير أتمنى أن تجد له الوقت لك تقديري واحترامي |
الاخ طارق
شكرا ليك كتير علي الترحيب نعم نتمني ان نتناقش في موضوع الاقاليم المهمشة وحقها في تقرير مصيرها اذا فشلنا في ادارة ما يسمي بالسودان الحرب ليست من مصلحة المواطن السوداني اما ان نعيش مع بعض باحترام , او كلو زول يقطلع ارضو ويحكمها زي ما الجنوب عمل كفاية حرب وتهميش وشكرا ليك كتير طارق ونتمني ان ندير حوار بهدوء حول مستقبل الشمال السوداني عبدالمجيد |
عبد المجيد صالح
حباب عودتك يا زول لوطنك سودانيات حبابك يود |
و ما احلاها عودة يا صاحب ..
طاب مقامك و طبت .. |
عبد المجيد (ال) صالح
عودتك تشرح الصدر والخاطر يا راجل يا كويس علا تقرير مصير تشمو قدحة مهدية بس:D |
عودا حميدا يا مجيد
طاب مقامك هنا و حيثما كنت |
اقتباس:
لكن توقيعك ده صعب بالحيل ياخى والله ما عندنا حيل للكلام ده الله يكضب الشينة ياخى كل السودان مهمش اها كلنا نقرر مصيرنا ولا شنو؟؟؟ طيب الاسهل انو نقرر نثور ضد القرف ده تحياتى ليك اينما كنت وتحيات لكل المهمشين (يعنى كل السودانين) |
عودا حميـــداً أخ عبد المجيــــد
وحمدلله على السلامة... في إنتظارك.. وطاقات الحوار مفتوحة.. حبابك |
Re: عدنا
يا سلام يا مجيد ... إزيك ياخي ومرحبتين حبابك في سودانيات
أنا لي مده مطول من النت عموماً وبعد رجعت خشيت في المنتدي الجميل ده ولقيتك بي جاي برضو .. حمد الله علي السلامة يا مان ومرحبا تاني :p:p |
اقتباس:
إما يكون تهميش رباني و في الحالة دي ما علينا الا القبول بالقضاء و القدر و نصلي صلاة رفع التهميش عن كاهل الجماهير الا أن يقضي الله تهميشاً كان مفعولاً... أو كان التهميش دا جاينا من دول الإستكبار و دا شعراً ما عندنا ليه رقبة بس الا ندق الصخر و طوبة طوبة لحد ما نعمل لينا سلاح نووي و علي أمريكا لم جدادها و كلابها.... و الله يا ماريل قدر ما فتشت علي وصف لتعميمك دا ما لقيت غير أنه تعميم مضلل و يذر الرماد في العيون بإمتياز ... يا خي كل الشعب السوداني مهمش كيف يعني؟ و الهمشه منو؟ بقول ليك أنا ... التهميش البتتكلمي عنه هنا يا ماريل و هو ما لكل الشعب السوداني, التهميش دا سببه قانون إجتماعي صيغ بعناية و مكر عاليين منذ بدء تكوين الدولة السودانية الحديثة, و بموجب هذا القانون في شريحة إجتماعية محددة هي البتتبادل و تسمسر في السلطة و الثروة و علي البقية الفرجة.... مجيد مرحب بالعودة و ماريل مرحب بيك في سودانيات |
الشباب الحلويين انا حقيقة عاجز عن شكركم
عكــود أميرى حافظ حسين خالد الصائغ محمد السر فيصل سعد سماح محمد ناصر يوسف ماريل تاني حقيقة انتم رائعون ولكم التحية عبدالمجيد |
اقتباس:
اخبارك شنو شكرا ليك علي الترحيب عبدالمجيد |
الف حمد الله على السلامة
سعيدين بعودتك بخير |
اقتباس:
أخباري بايتة برضو يامان .. ومافي جديد كعادة هذا الوطن العنيد علينا النت بقت دخلاتو صعبة .. لكن اهو لقيت في سودانيات دي متفيئ سغيروني كده |
لكم التحية والتقدير
نتمني ان نكون علي حسن ظنكم عبدالمجيد |
عبد المجيد صالح ولدنا وزميلنا داك زاتووووو وللا زول تاني؟!!!
غايتو كان مجيد زولنا طوالي تدينا صورتك مع بان كي مون او بالعدم صورتك مع اوكامبو ..... يامجيد ياخ سعيد جدا بوجودك هنا وقلمك ما خافي علينا ولا صداميتك كمان ..... أبقى رامي ... |
شكرا مهند الخطيب
يا مهند كيفك
ياهو انا عبدالمجيد زاتو حقيقة حبيت المنبر دا من اول مرة ,الهدوء بتحسو فيهو ما في غبار شديد زي المنابر التانية نعم انزل ليكم صورنا مع بان كي مون قريباً اصلو اخوك تعبان شوية مع نزيل الصور دي وكنت مجنن المرحوم خالد من بدري في تنزيل صورة البروفايل دي وهي صورة قديمة المهم نتلاقي في المنبر دا ونتونس ونتناقش تحية للاسرة والاصدقاء عبدالمجيد |
شكرا لكل الاصدقاء الذين تداخلو في البوست
|
شكرا ليك يا محمد السر
كيف الخرطوم معاكم انا ياهو عايشين سلامي للشباب وابقو عشرة علي البلد الفضلت عبدالمجيد |
الصديق حافظ حسين
التحية لك كيفك يا زول يا رائع سلامي للشباب جيفارا وصحبه عبدالمجيد |
شكرا للاخت سارة
علي المتابعة والتعليق والمرور عبدالمجيد |
| الساعة الآن 02:46 PM. |
Powered by vBulletin® Version 3.8.8 Beta 2
Copyright ©2000 - 2026, vBulletin Solutions, Inc.