بتوسدك
مدخل ... اليها مع كل الامنيات العشم مرات كتيرة بكون.... استنطق انشودة الوعي الخرافي والمطر اللسه فينا بينزف ... وبطرق ابواب الصمت الجاسم فينا وبرتع... ومرات بكون ... سكون الشهقة المكتومة ... تم..تم.....تم ... تم.... افأنت التي حركتي برق السكون.. مطر الضياء .. رشة عبير .. مسك الارض .. ضمة حنين ساعة هجير .. يا غيمة .. لا خلي مطرك يرش مرة نترة.. ومرة جبها .. او.. او خليها طرفة ... تروي العروق تبرد حشى تبكي وتزيد ... بس كيفن نروق .. ومرات كتيرة بكون .. ولف .. قهوة صباح وضل ضحى .. راكوبة قش .. امونة يا.. هجعة زول مسافر .. في وطن زي الغريق بيلوح من بعيد يمكن يلقالوا الوطن مدالوا ايد وفطومة يا بلد .. جايك انا .. شايلك جواي وطن ... اجيك شايل قناديل الصمت الكلام اجيك فال وخرزة فوق الجبين تنشال اجيك مضمخ بي اريج الارض فواح اجيك حلم ضواي وفرحة ناس وقت تلقى العشم والفال..... ومرات كتيرة بكون... |
جايك انا .. شايلك جواي وطن ...
اجيك شايل قناديل الصمت الكﻼم اجيك فال وخرزة فوق الجبين تنشال اجيك مضمخ بي اريج اﻻرض فواح اجيك حلم ضواي وفرحة ناس وقت تلقى العشم والفال..... ومرات كتيرة بكون... |
عماد الدين كيفنك ؟ ومرحب بيك في سودانيات .....
اسمع كلامي ........ ياخ مدخلك ده دقداق ووعر جدا ....... بعيدا عن أخطاء الاملاء والكتابة السافرة زي (الجاسم) الذي يفترض انو يكون (الجاثم) والله أعلم ... وكمان (أفأنت التي حركتي) الياء الأخيرة دي ماادونا ليها مع ياءات اللغة العربية ....... بعيدا عن الاخطاء دي وغيرا أنا لا لميت في موسيقى داخلية لا فضاء قصيدة لا جرس ايحاء .....!!!!! الحاصل شنو ان شاء الله خير؟. اوعى يكون النص البيلحق المدخل من نفس شاكلة المدخل .......! |
تحياتي يا عمدة .... وكل الامنيات ان يروق لك المكان
عادتاً يا عماد القصيدة بتشدك ليها قبال تقراها والقراية عندنا ما نطق حروف مرسومة ومدوزنة الشعر بالذات غير باقي الكتابة ... بتحس قبال القراية ما ضليع في اللغة العربية عشان اعرف الخطأ وين بس النص كلو ما قدرت احسو ... رغم اني حاولت اجردو من حتة انو شعر ... بس حتي نثراً ما هبش حاجة فيني اقتباس:
غايتو كلامي ده رأي ... لكن احتمال اكون في رأي آخر وسيم شوية :D اعتقد انو الشعر بالذات بحتمل النقد ومثل هذه الاراء فما تزعل مننا لو عصرتا شوية ممكن تطلع شعر أجمل ..... لا أجيز النص :D:D كل الود يا عمدة ياخ |
بعيدا عن لوثة النقد التي إنتظمت سودانيات (مؤخرا) حبابك عماد و في إنتظار كل الجيات و الجايات
|
ماذا سيستفيد الكاتب ان كان كل من يمر بما كتب ينفحه بعبارات من شاكلة
رائع يا مبدع وشفيف يا زاهر وكلام شكر لا ينفع الكاتب ولا ينير طريقه ليجود ادوات كتاباته النقد زاوية أساسية في أي عملية ابداعية وأصدق النقد ما كان من قاريء عادي غير متخصص في أمور النقد |
الف مرحب بيك عماد
وانت زول جميل و نصك حلو وشفيف ولي قدام |
اقتباس:
مشكلتنا اننا يا الحاجة نشيلها يا نخليها غير كدة بتعتبر (فلسفة) مننا سااااااااااااااااي والفلسفة هنا تعني عدم موضوعية مننا ، ولا تعني الفلسفة بمعناها الصحيح في حين انو النقد هو التذوق الحقيقي لطعم وفائدة النص المكتوب ولولا النقد لكان النص عبارة فاكهة بلاستيكية وضعت للمنظرة والمنجهة |
اقتباس:
مهند كيفك ... كلامك سمعتوا وقابلتا متلوا كتير وممكن بشبهوا بالزول البكب الشوك (ضريسة ) في طريق الناس والناس دي ممكن تواصل طريقها وتدوس علي الشوك او ترجع تشوف طريق تاني وانا اتعودتا ادوس علي الشوك ... حبيبنا مهند ليس هكذا يكون النقد وبالنسبة للاخطاء ممكن ترجعها للكيبورد وليس للعجز اللغوي عموماً نتقبل النقد في سبيل تصحيح المسار |
اقتباس:
ثم توطدت علاقتنا ببعضنا جدا و صرنا كصديقين و ما إن يهم بتف السفة حتي أصرخ في وجهه إنعل د... إتا ما شايف السلة؟ وللضيف ثلاث ليال يا أشرف يقعد و يقوم علي كيفو بعدها جر ليو أبوداؤود عادي إن شئت أو نبهه بأدب هاك الكاتب والنقد و الشفافة دي يا زاهر |
اقتباس:
|
اقتباس:
|
اقتباس:
تسلم اميري لكن الظاهر الشوك هنا كتيربس الواحد يجازف |
اقتباس:
كلام سليم جدا |
اقتباس:
تسلمي |
يعني الواحد كان رش ليهو شوية (لباقة) فوق أصابعو حتى نقر كيبورده ده بيحصل شنو؟
ما هكذا تورد الإبل يا إخوة.. .......... عماد الدين مرحبابك جوِّد, إصقل, ولمِّع... وأدر للحروف موسيقاها, تضمن لك رشاقة رقصها في الحضور. وكن حاضراً.. فليس كل ما نفَّر, أخطأ وليس كل ما سرَّ, أفاد. وطب مقاماً. |
اقتباس:
خلاص وكت طلعتنا بتاعين شوك نقوم نتحول للفريق الآخر ونختار الورود .... نصك بديع .... كلماتك رائعة .... القصيدة مليئة بموسيقى تعجز عنها (طائر النار) ..... والله لمن قريتا للمرة التلتاشر لمّان دخت وحسيت بكرعي يعفصن في حدود وادي عبقر .!!!!!!!!!!!!!!!!!!!!! بالجمبة كده: أشرف السر ووجدي الاسعد ومحمد مصطفى بالله لملموا عدتكم ويللا أطلعوا قدامي من هنا (الحتة قالوا حتة لباقة)looool |
اقتباس:
ياوهاد (لباقة) شنو ؟ أخونا عماد ده لو كنا لاقيناهو في بوست ترحيب كان وريناهو لباقة لامن هو زاتو يتحير لكن لاقيناو في نص كتبو هو بعضمة أصابع كيبوردو ده .... جينا وقلنا رأينا ... ماباقي لي المقام مقام لباقة ...... |
اقتباس:
أول شي: حتة أنو ماهكذا يكون النقد دي ماسليمة لأنو أنت لو كانت رؤيتك النقدية مكتملة للنص كنت نزلت النص ومعاهو نقدوlooool ، يعني طيب ورينا كيف يكون النقد عشان ننقدو ليك بالجمبة البتريحك!!!! لو ماعارف ياسيد عماد أعرف النقد أساسا (ضريسة) ماهو ورد ، والزول مايقوم يحرقو الكلام ويقول قولو بعد داك يجيك يقول ليك عموما نتقبل النقد في سبيل تصحيح المسار !!!!!!!!!!!!!! |
وأشير الى أن مداخلاتي أعلاه هي بعيدة عن لوثة (التطبيل) والتحكحك التي انتظمت سودانيات لسنين عددا ... وبرضو مرحب بيك ياعماد الدين
|
عندنا صاحبنا خطير ف الإنغليزي و برضو (بارد) برود إنغليزي قدم لي تأشيرة لي لندن و مشي يقابل القنصل
المهم بعد المقابلة القنصل إتكيف منو بس قال ليهو إنت بتستحق التأشيرة بس أنا ما حديك ليها لأنك (وقح) وحات الله قالها ليو كدة بالعربي أها يا مهند إتا زول كتاب و عضلات الكتابه عندك مشدودة جون سينا بس ولكنك (وقح) (بعد وقح أكيد في وش بس ما قدرتا أحدد تعابيرو) ما ظنيت عماد يجي تاني فمن نلوم؟ |
اقتباس:
البركة ياأميري في عضلاتي دي .... رغبتي الاكبر هي فيها هي مافي فيزا لـ(لندن) !!! فيما يخص كلمة وقح التي دبجتني بها (وصفاً) فقد تعاملت معها بمعياري الذاتي للوقاحة فهي ليست وصفا قبيحا حسب قاموسي الخاص بقدر ماأنها وصف محبب اذ تضاد وصوفات اخرى كالمجاملة والمماحكة واللباقة وفي حالات أكثر تطرفاً التطبيل والسكوت عن العوج ..... يعني زي اني مثلا أقول ليك أميري يا (عويــر) وتقع الكلمة في قاموسك بمكان تراها فيه (أي العوارة ) أخير من صمة الخشم ...... تحياتي الوقحة ... |
اقتباس:
الفرق بين الوقاحة والعوارة هي حالة التجمد التي تستدعي الطرق علي رأسها بشجاعة تستلزم بعض العوارة ولا يكون أمام الوقاحة إلا أن تدخن سيجارتها بعصبية ولا يفتح الله صمة خشمها إلا لكي تقول آند سو وت بالله ناس امدرمان كمان بقولو عوير والله بعد دة ما ناقصهم إلا يأكلوا إيسكريم و يلعبوا نط الحبل ثم إزيك ياخ إتخيلت إزيك دي ؟ |
الاعزاء الكرام
المكان يسع الجميع.. وكل يعرض بضاعته بالطريقة التى يراها لو بس ختيتوا الكورة واطة يا صحاب :p:D{ اميرى ومهند} تقوموا تلفوا ولا الفها معاكم يلفكم كلب سعران التحية والتقدير للاخ عماد ضرار وضيوفه |
اقتباس:
الفلم الحكيتو ده أقرب للايراني منو للأمريكي ولا يعني من جدليات الوقاحة معنى.... ثم أنو ناس امدرمان ينظرون لأهل محلية الشهدا بنظرة العطف التي تكفي حق الزوادة في السفر البعيد "برغم وقاحتهم هؤلاء الامدرمانيون" في ردك الجايي احكي لي فيلم 8 ملم ..... أزيك اتخيلتها .... لكن في الأول |
وماتنسى تسألني من الحاجة التانية ....
قبل انساها .... أصلو الراس مابقعد - أي وكل شي - كتير ... |
اقتباس:
أني وي السبب التاني ربما أضمنو ليك في المشهد و ربما أسيبك (تتخيلوا) براك ع نار هادية و هادئة (إتخيل) نعست بس بجيك عشان المشهد الفوق دة ثمح يا شنكوتي؟ |
سارة
We are kiding It's a joke |
اقتباس:
أدعم فكرتك في النوم انت فكرة الوقاحة هينة .... ادعم الباردة كـ(نوم) فالنار حارة كان هادئة وللا مكيفة ......! |
اقتباس:
انا ما عندى مشكلة ياقلب بس فكرتو فى العضو الجديد صاحب البوست؟؟؟ ياربى بكون قال شنو؟؟؟عن النقد البناء والنقد الهدام؟؟ نقدكم بلا طلع عينكم انت ومهند:p |
عماد مرحبابك
الغريبة أيّ مداخلة هنا لاتخلو من الأخطاء سواء املائية أو غيرا بمافيهم مداخلتي دي:D عليه خُش لاااا جوّة وعبّر عن نفسك |
مهند ازيك .... يااخوي مالك والحاصل شنو .. قلتوا نقد قلنا ماشي لكن شايف الحكاية جابت ليها تصفية حسابات مع اميري والله الشئ المحيرني جد ؟؟؟ انو كلوا ما في الامر كالاتي في نص اتكتب قلتوا نقد لكن لقيت الشغلة جابت ليها ( شوت ضفاري ) وخشونة في اللعب ...ممكن توضح لي الشغلة ؟؟؟ مجرد توضيح عشان الواحد يفهم بس |
اقتباس:
أول حاجة لمن قلنا نقد - وهو نحن لسة زاتو ماقلنا - انت ماقلت ماشي ، انت زعلت وحمبكت وقلت شوك وضريسة وماعارف شنو .... تاني حاجة ياخ أميري ده لو بيني وبينو حساب مابنصفي في بوستيك ياهداك الله ، بعدين خشونة اللعب دي ياخ مالا حبابا والله يحفظ الود - ان وجد - بين الناس ... مابتضر .... تالت شي وده المحيرني ، السؤال أدناه ليه ماوجهتو لأميري؟؟؟ ممكن توضح لي الشغلة ؟؟؟ يعني ليه اخترت الطرف السغيل الما وقف معاك دونا عن الطرف الشفيف ووريف؟ بالجمبة كده: ياأميري ماهو عماد الدين جا راجع عادي ، مالك اليومداك شبكتنا طفشتوهو وماأظن تاني يجي!!;);) |
| الساعة الآن 01:23 PM. |
Powered by vBulletin® Version 3.8.8 Beta 2
Copyright ©2000 - 2026, vBulletin Solutions, Inc.