أم رحيق ـــ كم إنت زولة عظيمة ــ للمرة التانية رحيق هي الأولي
شكراً ليك بالجد ،،،
يا زولة يا عظيمة شكراً ليك يا زولة يا مُدبِرَه شكراً ليك يا زولة يا راقية شكراً علي كل شئ ،،، وإنتي من تستحقين التكريم قبل رحيق للمرة التانية بتنا الحلوة الأمورة رحيق ناصر يوسف ( ماشاء الله تبارك الله عليها وعليكي) تحرز المرتبة الأولي في الإمتحانات النهائية وتحرز الدرجة الكااااااااملة يا ربي ليك الحمد والشكر يا الله أللهم أحمدك وأشكرك لأنك أهديتني زوجةً مثل أم رحيق مهما فعلت يا حبيبة فإني سوف لن أوفيكي حقك كاملاً ،، مهممممما فعلت ،،، فسأظلُ صفراً كبيراً أمامك مبروك علينا وجودك بيناتنا ،، ست بيتنا وتاج راسنا ومبروك نجاح بتنا الحلوة الغالية رحيق ولآ قِدَام ،،، والسنوات القادمات لرحيق فيهن المحك الأساسي شكراً ليكي بالجد يا أم رحيق |
ام رحيق بتاع الساعة كم
المهم المصدر ياخ رحيق شطارتها جابتها من مصدرها اللي هو ابوها لو كان الرك علي ام رحيق كان رحيق راحت شمار في مرقة ردو الحق لاصحابه ياخ مالكم كيف تحكمون؟ |
الف مبروووك يا ناصر وإن شاء الله رحيق دائماً في المركز الأول وربنا يديك ويدي ام رحيق العافية |
اقتباس:
مبروك نجاح رحيق وديمه لقدام... طبعا ما داير اشتر البوست وافتلو ليك بالتحليل السايكو-كسيرتلجي الفيهو..;) نأجل التحليل شوية بكون احلى.. |
اقتباس:
ياخي والله ضحكتني شديد يا وجدي الزول ده الما عارفينو ما يشتغلوا بكلامو ده كتير تِحِت تِحِت كِده ،، أصلو وجدي الأسعد ده ،، قالوا ليكم هو أصلو ،،، عندو عُقدة مَرَة ،،، بالعربي المُشربح كدي يعني عندو عقدة نون النِسوة لوووووووووووووووووول هههههههههههههههههه |
اقتباس:
|
اقتباس:
وأنا برضو كِسير تلجي في أم رحيق لسه ما أنتهي شكراً يا جميل ياخ |
اقتباس:
مليوووووووون مبروك النابغة العسل رحيق ربنا يحفظك ويبارك فيك وعليك ويجعلك غرة لأعين والديك وفخراً لهم نجاح الأبناء هو نجاح باهر لأهلهم الف مبروك ناصر على تفوقكم أنت وأم رحيق اقتباس:
وهاهي تهديه كل حين إبتسامة ولمثل هذا تُرفع القبعات انت اطلع منها بس اقول قولي هذا واستغفر الله لي.......... |
اقتباس:
وري يااااا إنتَ بالله وريه الزول الغاتس في بحر عذاب عذابات العزابه الفي بلاد آل سعود ديل وسوي فيه معروف يا زول الله ،، يا تنقلوه جده ولا كمان الرياض قالوا فيها بعض الحِسان الجميلات لوووووووووول شكراً يا ود الشيخ وبارك الله فيك |
اقتباس:
ياأخى والله حلوين.. رحيق صديقة قديمة يرجع سر تعارفى بها الى بيتكم فى أمدرمان , ومن ثم توطدت علاقتنا بعد زيارتها لنا بمعيتكم فى ضاحية الكلاكلة التى يسميها بعض الناس مزدلفة:D* أو (الدخينات فى أحسن الفروض ) وكانت نغم حينها طفلة رضيعة وكنَا عاملين سيراميك جديد فى الصالة:p ولسَه يادوب البنات فى البيت متحيرات فى مسألة معالجة كنسه بالمقشاشة.. رحيق ساحرة صغيرة تحافظ على مخزونها من الكلام بالصمت وتستعيض بابتسامة خليط من الشوطنة والبراءة .. وناصر وست ريده يضجون بالالفة والرغبة فى الحياة .. فمرحى والله مرحى ______ * مزدلفة شديد والله:D:D |
الف مبروك لبتنا رحيق ومزيد من النجاح في الحياة وربنا يحضركم فرحتها الكبيرة ناصر يا عزيزي ربنا يبارك ليك في اسرتك ويخلي ليك حب حياتك ام رحيق وان شاء الله دايما لامينا بالاخبار الحلوة مودتي .. |
الف الف مبروك يا سمية :cool::cool:والف الف مبروك يا ناصر
ربنا يحفظكم ويحفظ عيالكم من نعم الله على عباده نجابة الابناء ربنا يغطى عليها وعليكم والله سمية المستحملاك دى العظمة ليها شوية:p:D:D:D بلا وجدى الاسعد لا بتيخ:p |
واللاي يا ناصر يا فردة اظنك خايف من غسيل العدة ساااااي
لكن بالجد بالجد لو رحيق كان مصدرها ما تمام كان زماااان بتلقى ام رحيق قال ليك هووووي انا بتك دي زهجتني دي بت بليدة وانا فترت منها , تاني ما بشتغل بيها لكن ولله الحمد رحيق مصدرها كان مية المية لدرجة انو ام رحيق زاتو لقت متعة في متابعة رحيق والتعلم منها ^ــ^ مافي مرةّ بتفلح في شىء الا اذا كان الشيء اصلن فالح من قولة تيت ^ــ^ *تنبيه رحيق لا تدخل ضمن تنصيف النسوان لانو اصلن رحيق مصدرها سليم عشان كدة طلعت من التصنيف دا ودخلت تصنيف الملائكة |
اقتباس:
الجيلي يا رفيق الجمال البهي إبنتك وصديقتك رحيق ( ماشاء الله عليها) تختزنُ من الذكاء ما أعجب كل من عرفها ( أهلها ،، أصدقائها ،،، معلماتها ومعلميها) نغم الصغيرة ،،، كبيرةٌ في عقلها هي الأخري ،،، كثيراً ما تجدني أتناقش معها وكأنني أتناقش مع فتاة بالغة ،،، من رجاحة عقلها ،،، بيد أنها هذه الأيام وقد تحولت إلي ( زعيمة عصابة ) وإتشهورت جِنِس شُهرة في المدينة السكنية ،،، بقت مَشهوَرَة أكتر من أبوها وأمها وخيتها رحيق ( ربنا يحفظهن لي ويقدرني أكون رب أسرة مثالي يا رب) وأما أختك الحبيبة أم رحيق ،،، فكلامي عنها زي ما ذكرت فوق ،،، لسه ما انتهي شكراً ليك يا صاحبي وبالله لا تغفل مشلعيبك فقد أنزلناه وأخذنا من جوفه كل ما فيه من ملذات التذكُر ،،، فعُد إليه وأملأه من جديد |
اقتباس:
بارك الله فيك يا مليجي ياخ ،،، شكراً ليك أها ما لقيت فرصة عمل للطالب المجتهد داك لسسسسه ؟؟؟ هههههههههههههههههه |
اقتباس:
شكراً ليك ،،، وتاني شكراً ليك علي البتييييييييخ الأسعد ههههههههههههه |
اقتباس:
عِلا المَسِح ده ما بقدر عليه في شان الغضروف يا جميل وكلو بالمزاج ،،، يعني ما عندنا أوامر ،،، وحتي الأغنية البايخة السجمانه ديك ما عندنا ليها بكان في بيتنا أمي خاته الحِنَه وأبوي بغسل العِدَه ولا هي بقولوها كيفن looool |
اقتباس:
عندي فيزة كايبوي كدي اتشاور معاهو وادوني رايكم :D |
مبروك يا رحيق و مزيد من التقدم
و يا ناصر أمسك قوي |
لوووول يا ناصر
اظنك اتحسست مني ^ــ^ ياخ علي الدين من اول مداخلة لي وانا خاشي زول هظار وضحك فالتحية لام رحيق فالبني ادم اصلن زي الصلصال اصوله حترجع لطبيعة تكوينه اثناء طفولته وبالتاكيد ام رحيق كانت نحاتة ماجدة لانها قدرت تنحت رحيق يوم |
اقتباس:
|
تهانينا المليونيه لام رحيق وابو رحيق وعقبال ان تنال اعالي
الدرجات العلميه وتكون زخرا لاهلها ووطنها وشكرا لك لاعطاء ام رحيق حقها فهي تستحق واوعك من كلام اخونا وجدي:) دمتم بخير |
اقتباس:
بس اخدت في الاعتبار انو النسوان ديل ما عندهن طايوق فاعتقدت جازما انو حنكي ح يمشي في ام رحيق ^ـــــ^ |
اقتباس:
حترسل الفيزا متين يا عاطلgapgap |
ياناصر
كدى ياأخى خلينى شوية مع صاحباتى الحلوات رحيق ونغم ..المشلعيب ملحوق (واليويكند يادوب بدا):D:D كانت السماء لتوها على استعدادها الكامل للتخلى عن ضوء الشمس , حين دخلنا المصفى ..مصفاة الجيلى .. ناصر يبدو هناك ك (براد بيت) .. يلقون عليه التحية تباعآ وبالفة .. الزيارة عندهم صعبة والمكوث أيضآ, ولكنه استطاع ترتيب الأمر بشكل (ناصرى).. دخلنا الى شقته , حكى لى فى السلم عن لوعته فى عيد الاستقلال وشعوره الذى أطبق عليه بانه يحتفى به وحيدآ فى فضاء المكان , ثم كيف أوقد شموعآ وكيف انه استطاع أن يصنع عيدآ , ومال على خاطرته حاكيآ لى عن أطفال الشارع (الشماسة) وكيف انه قضى معهم رأس السنة على أطراف المجارى , فى جو لايخلو من طنين العذاب .. ونحن نصعد السلم كنت أستمع لوقع خطواته ولترتيب حديثه الذى بدأ فى التقطع ..اييييههه ياصاحبى , اللياقة تعبانة:D من البيت ينبع عطر سودانى , خليط من بخور , ورائحة بهارات , وعبق صوت أطفال .. أكرمتنا ست الدار , وتحلقت حولنا نغم ورحيق كرزاز دعاش .. الأكل ثم القهوة , صلينا ثم جلسنا فى البلكونة , الشاى فى البدء ثم القهوة ست الدار تحوم علينا مقاطعة بتعليق أو ضحكة منطلقة , والمساء يتسرب نحو الظلام بتؤدة وطمأنينة.. تحدثنا وأكواب القهوة تفرغ ذاتها فى الحنين.., عتَمنا المكان بدخان السجائر , ثم قال صاحبى - قيم كوتشينة كيف مع الشباب ؟ - والله ياناصر لى يمكن عشرة سنين مادقيت كوتشينة , لكن لو بتلعبو وست الليلة انت مسَيك.. - يافردة جماعتنا ديل ناس حريق .. وقال بلهجته الآمرة تلك , - يلَا خش فى الجلابية دى .. الجلابية برغم أناقتها الا انها منتفخة قليلآ :D كشاتين محترمة التقول لاعبين بى بقر , :p:p أناس لطاف , ويبدو انهم أكرمونى فوق الاستحقاق , فلقد كنت على الدوام أول الحارقين, ولكننى بقيت على الطاولة .. هاتفنى النور يوسف .. خرجت الى الحديقة ..هاتفنى أخى أحمد.. ثم هاتفتنى أمى متعللة بذات ماقاله أخى أحمد ( بأن العشاء سيبرد) , وتذكرت اننى الآن فى بيوت تنتظرنى على العشاء , فكم اذآ ضاع من العمر دون منتظرين على العشاء؟ فياصديقى ان للمصفأة نغم ورحيق |
الف مبروك لرحيق ربنا يحفظها ويقر بيها عيونكم
وربنا يخلي ليك السيده ام رحيق الفضلي ويخليكم كلكم لبعض ..الرجل الدي يعترف بفضل وتعب شريكة دربه لاشك انه عظيم وايضا يستحق التكريم كام رحيق ...ربنا يحفظكم ويديم الموده ومزيد من النجاحات |
ياوجدى ياأخى بطل الفرفرة البتعمل فيها دى
واستسلم من بدرى , كل ما اتأخرت فى المسألة دى كلما قضيتك بقت أصعب .. ياأخى انت بى طبعك مخرف يعنى لوخرَفتا براك حاتعمل فينا شنو تانى؟:D _______ عندى ليك فيديو ابن لزينا, من امبارح الناس هنا مدورين فيهو نقة (عن اختصار البايبل) داير ليهو مشاهدة بى مزاج بجدعو ليك فى المشلعيب .. بس خلينى ألقى الفيرشن الكامل , وأشوف مضايرة لمسألة الترجمة |
اقتباس:
الشوطنة دي من منو يا ربي؟;) |
نعم الاله على العباد كثيرة وأجلهن نجابة الابناء
مبروك لرحيق وليكم يا ناصر ياخي بالتوفيق دائما يارب |
اقتباس:
البقن بلا طايوق:p:D:D وحنك عاضى يا فردة شوف غيرو |
اقتباس:
تمسك الواحد من تلابيب تركيزو وتسوقو معاك الليد باليد اي والله غايتو لو ما الواحد خايف ( يفهموه غلط :D) كان قلت شوية وبتبقى كاتبي المفضل* *بحسب بابكر عباس |
ألف مبروك علي رحيق وأم رحيق وأبو رحيق ظاتو..
هنا لازم تكون في نقطة نظام عشان المرأة ان لم تكن مرتاحة في حياتها وزهنها خال من المشاكل الزوجية والبيتية لا تستطيع أن تعطي لغيرها حتي ولا لأبنائها يعني نجاح رحيق ناتج عن ما تراهو من سعادة وتفاهم بين أمها وأبيها فبدون هذا التفاهم والحب ينشأ الطفل في صراع نفسي ينعكس علي كل شيئ في حياته سواء كان ذلك في الدراسة أو حتي في علاقته مع الأطفال الآخرين.. هنيئا لكم يابو رحيق..:cool: |
تحياتى ياكانديك ,
الليلة شايف فى حركة مريبة فى البورد , لدرجة انو عمك فتحى لابس أخضر.. |
مبروك لرحيق
ولام رحيق ولابي رحيق وعقبال اعلى الشهادات العلمية واغنى التجارب .... والمصفأة منورة |
اقتباس:
دا طبعآ لو ماجاب ليك سيرة عبد الله على ابراهيم :D:D ____ حارقانى قروش حافظ الراحت ساكت دى ;) |
مبروك لرحيق
غايتو؟! سحسحة أولاد أم درمان البشكروا نسوانن، العلمها ليهم البروف دي، أحرجتنا! |
اقتباس:
الله يجازي محنك يا بكري :D:D |
مبروك ياعم ناصر ومزيد من التقدم
|
اقتباس:
:p:p:p مبروك للبنيه اخى ناصر وربنا يحفظه .. |
مبروك ياناصر
مزيد من التقدم يارب |
| الساعة الآن 09:00 PM. |
Powered by vBulletin® Version 3.8.8 Beta 2
Copyright ©2000 - 2026, vBulletin Solutions, Inc.