اعتذار واجب
 

شكرا ياصديقي لتنبيهك اللطيف
شكرا لانك هنا
وشكرا للمكان الذي اهداني مثلك
من يهديني عيوبي واخطائي
ويهدي حروفي سواء السبيل
سعيدة انا بذلك واغبط نفسي كثيرا
فلست سوي بشر اخطئ واصيب
وخير الخطائين التوابين
واسعدهم حظا من يجد من يرفع له الاشارة الحمراء
اعتذر عن كلمات بذلتها هنا
دون وعي او تبصر بدلالاتها العنصرية
اعتذر بشدة لكل من مسته الاشارة لقبيلة الحسانية
فلا ينبغي لي ولا يحق ان اشير اليهم الا بما يستحقونه
من جميل صفات وكل خير يستحقونه ويشبههم تماما
اللهم اني اتوب اليك من كل شبهة عنصرية
او كراهية عمياء او ستيريوتايب
وماقصدت الا نيتي الجادة ان انأي عن سفاسف الامور
وان لايشغلني شاغل عن همنا الاول والاوحد
فكيف نري وطنا يتشرزم ويتشظي
ونحن نشتجر علي الكنبات*








----------------------
* اشارة لقصيدة محمد المكي ابراهيم
قطار الغرب
كوستي واناس يشتجرون علي الكنبات

قلت اعصر علي ناس كوستي ياطارق:D

امال. ما عارف قلتى شنو ووين لكن جمال حروفك وصدق انفاس الكلمات الطالعة من يراعك استوقفتنى. فقلت احييك كما النبيل الذى قبلى حياك. تسلمى ويسلم السودان واهله ويتعلموا يتحابوا وما يتشادوا متشاجرين بينهم.

:)

---
قليلون هم وقليلات هن اللواتي يعمدنّ الى ما صنعتي فشكراً لكِ وأنت تكتبين بصدق وتجعلين من معنى وثقافة الإعتذار عملاً يقظاً يكسو النفس بهاءاً ويزيدها قوة.

شكرا يا بت الشيخ

آمال

فيك الآمــــــــــــــــــــــــــــــــــــــــــــــ ــــــــــــــال ..

سلام للجميع
غايتو يا آمال مالقيت شئ اعبر به غير عبارة شعبية تقول (التاكلى ينفعك )باذن الله ، وزى ماقال معتصم احيتى فينا الامال :)

شكرا آمال الشيخ لنثر المحبة و التسامح في
اركان هذه الديار.. وافر التحايا و الاحترام
و الاعزاز يا صديقة ..

http://www.flowersday.org/wp-content...ictures-38.gif

الاعزاء نبيل
abdu abubakr abdalla
طارق الصديق والصديق
الباش معتصم
ناصر يوسف
الجميلة نيبو
البديري
ليتني اجد اسما واحد لاسميكم به
شكرا لكم

فيصل سعد
مشتاقة ليك كل الامكنة
وفرقتك ابت تنسد
شكرا ليك ياخ

القصة المتناقلة عن المك نمر أنه ذهب للحسانية يطلب مؤازرتهم لصد جيش الدفتردار .. فقالوا لهو أمهلنا عندنا (سباق حمير) وبعدها نرى .. فذهب المك نمر ولم يكن يستطيع الإنتظار وتطارده الجيوش .. فقال (الناس فى شنو والحسانية فى شنو) .. فصارت (مثلاً) يقال لمن هو فى وادى والعالم فى وادى ..

لا أرى هناك أى أشارات عنصرية تدين من يستعمل هذا المثل !!

سلام للجميع, والله يأرافت لو قصة اعتذار امال عشان المثل دا معناها السودان دا كله عنصري والحسانية ذاتهم ماعندهم فيه مشكلة الاختلاف بينهم وبين المك نمر كان في ترتيب الاولويات وكدا والله الحكاية بقت تخوف يعني الزول يجيب مقياس لكلامه عشان مايوصف بالعنصرية او التطرف او شبهات تاني مالها الناس بقت قاعدة علي الهبار. وعلي العموم يا امال والله البعتذر دا زول فات الناس في الرقي مسافة تسلمي.

يارأفت لايصح وصم قبيلة كاملة بالانصرافية
وتظل هذا الوصمة مباريهم من زمن المك نمر لي هسي
اشارة سلبية بلا شك عشعشت في وعينا
وجا الوكت النغتسل فيه ونعيد لاهلنا الحسانية اعتبارهم

عصارة الخير





شكرا يافتحي

فخري
وعزتي
وعزوتي
وانا صف الحبايب فيك
يافخري وابن نيلي
شكرا لسماع صوتك
تحياتي ياباشنا

انا دايراها كدا
انت القال ليك اكتبا غلط منو;)

شكرا يانور يانسمة
لازم نرفع سقف معاييرنا للعنصرية
ونزيل المتراكم في وعينا الجمعي
مايتعلق بذلك
شكرا لمرورك اللطيف كالعادة