النساء تحت سطوة الانقاذ
النساء تحت سطوة الانقاذ اخذني مجدي الجزولي لزيارة الأخ الهادي صيام في الدنمارك الأحد الماضي ، لأن رامي الهادي صيام قد تعرض لعملية قلب . فلقد ولد بثقب في قلبه . و هو الآن في الثالثة و النصف من عمره . و ذهبنا لتهنئة الابنة فائزة آدم و الدة الطفل بنجاح العملية . و وجدنا رامي قد صار اكثر حيويةً و يتمتع بالصحة و لا يكف عن الكلام و الغلبة و الشيطنة . و سعدنا له . فترة انتظار العملية قد اخذت اكثر من سنة . و حدد لها يوم 17 ابريل ، اي أقل من شهر . فذهب الهادي صيام الى السودان في اجازة مع ابنه و زوجته في يوم 10 يناير . حتى يكون الابن و امه مع أهلهم . و بعد ان قضى الهادي شهراً مع اسرته في السودان تركهم لكي تعود الابنة فائزة آدم مع ابنها لأجراء العملية . و عاد إلى الدنمارك لأن له متجرا متخصصاً في التلفونات و الكمبيوترات . و عندما اقتربت مواعيد العملية ذهبت الابنة فائزة آدم مع ابنها الى مطار الخرطوم . و الابن مضاف في جوازها السوداني . الا ان له جواز دنماركي منفصل ، لأنه دنماركي بالميلاد و والده يحمل جواز دنماركي . و لكن سلطات المطار رفضت خروج الابنة فائزة و ابنها بدون الوالي ( بدون الزوج ). و لم يشفع لها ان الطفل يحمل جواز سفر دنماركي . و أنه في طريقه الى عملية قلب ، في وطنه الدنمارك . لم يشفع للأبنة فائزة أن تزاكر السفر مبتاعة في الدنمارك و انها و ابنها قد حضروا من الدنمارك . و كان معهم الزوج الذي ذهب الى الدنمارك و كل هذه المعلومات موجودة في الكمبيوتر . اذا ارادوا ان يجدوها . و لكن ارادوا ان يفرضوا سيطرتهم الذكورية . و وجدت كثير من التشنج و الاستخفاف و المضايقات . و حولوها الى عقيد في الامن . كان يستهزء بها و عندما سألها عن اقامتها اخرجت له الكرت الممغنط ، الذي يستعمل في اوربا و يحمل كل البيانات عن حامله . فقام السيد العقيد بتمرير الكرت على كل الموجودين و كان يقول بأستهزاء : ( شوفوا دي كمان عايزة تلعب علينا . بتقول دي اقامة ) . و تصادف وجود نقيب اكثر تفهماً و أكد انه قد شاهد هذا الكرت كثيراً و انها الطريقة العادية للأقامة الآن في الدول الاوربية . من المحن السودانية أن عقيد مسئول في مطار عالمي لا يعرف هذه الأجراءات . الحل الوحيد ان الهادي اقفل متجره و اشترى تذكرة الى السودان ، ثم اشترى تذاكر جديدة لزوجته و ابنه لكي يحصل العملية . و عندما أثار المشكلة مع السلطات ، اكتفى المسئول أن طلب من احد مساعدية و قال : ( الراجل دا زعلان جيبوا ليهوا كباية ليمون ) . ( منتهى الكرم ) . المشكلة ان المرأة في السودان التي كانت تعامل باحترام و تقدير و هي الكل في الكل في الأسرة ، قد صارت تابعة ، يتصرف فيها الرجال كما يشاءون و يطالبونها بالمحرم و الوالي . هذه المشكلة ذكرتني بأخ عرفته لسنين عديدة . و كنت اكن له كثيراً من الود و الأعجاب . و كان من أميز السودانيين في الدنمارك . رجع للسودان و تزوج بأحدى قريباته و بمثابة اخته لأنهم قد نشأوا سوياً . و بعد ان رزقا بطفلين ، اخذها في اجازة الى السودان . ثم تركها هنالك و أخذ ابنائه و ذهب الى انجلترا . هذا بعد ان مزق جوازها . و حظر على خروجها . و ذاقت الامرين . و لم يسأله أي انسان عندما ترك السودان ، أين الأم التي حملت اولئك الاطفال في رحمها . و بعد نضال تمكنت السيدة من الحضور الى الدنمارك . هذا بعد ان تكرم عليها قريبها بالطلاق . الذي لا يأخذ أكثر من ورقة يكتبها الرجل في أي ركن يشاء . تزوجت السيدة بدنماركي ارتبط بالسودان . و رزقت منه بطفل . و تعيش السيدة الآن في الدنمارك . و قامت بالذهاب الى انجلترا . و قامت قاضية بريطانية بسحب جواز صديقي السوداني و منعته من مغادرة انجلترا . فأوربا ليست السودان . ففي اسكندنافيا مثلا و عند الانفصال يترك الرجل المنزل . و مرتب الاطفال منذ ميلادهم الى بلوغهم الثامنة عشر يكون بأسم المرأة إلا اذا تنازلت عنه للرجل . المؤلم أن الانقاذ قد أرجعت المرأة السودانية و التي كانت لها قيمة غير طبيعية ، قد صارت الآن مضطهدة في ظل الانقاذ . السنة الماضية عندما ذهبنا كوفد من الجبهة السودانية للتغير لوزارة الخارجية في استوكهولم ، كنّا انا و مجدي الجزولي و أبوبكر ابو البشر من انجلترا و الاخت فريدة شورة ، ركزت المسئولة على وضع المرأة في دول العالم الثالث . و تحدثت عن الوضع المذري للمرأة في تلك الدول . مما اجبر السيدة فريدة شورة تقول لها : ( نحن في السودان ، وضع المرأة ليس بهذا السوء . فالمرأة في المجتمع النوبي منذ الآف السنين لها وضع مميز جداً ) . و هذه حقيقة قد تسيئ اليها الانقاذ . و لكن ستبقى المرأة السودانية مميزة كل الوقت . السيدة السودانية و زوجها الدنماركي اعضاء لصيقين في الجالية السودانية . و لقد كانوا من المشاركين في المظاهرة أو الوقفة في أكبر ميدان في كوبنهاجن السنة الماضية . و كانت السيدة التي هي عضو في فرع الجبهة السودانية للتغير في الوفد الذي قابل وزارة الخارجية الدنماركية . التحية للمرأة السودانية . التحية ع. س. شوقي بدري . |
شكراً للرفيق بدرى شوقى لهذا المقال الممتع .. تناول المقال قضية حساسة تناولتها كثير من الاقلام ولكن ما اختلف فيه الاستاذ بدرى طريقة التناول وعرضه لحالات نموذجية، أتفق معك فى تردى أوضاع النساء فى السودان خاصة فى العقدين الاخرين.. نحن أصبحنا نعيش ظروفاً استثنائية، لم تعد للمرأة السودانية تلك المكانة المميزة فى المجتمع تغير كل شئ وفق قوانين أذلت النساء وجعلت منهن فئة مضطهدة وتحول ذلك التمييز الايجابى الذى ظلت تتمتع به النساء فى المجتمع السودانى الى تمييز نوعى يعمل على قهرها وتحجيمها ومحاربة مشاركتها فى المجتمع.. وعن الممارسات ضد السياسيات فحدث بلا حرج..إعتقالات، استجوابات، سجن واقامات جبرية كله يحدث فى السودان الان .. لك التحية ولفريدة شورة الف تحية، وهل هى فريدة شورة خريجة زراعة الزقازيق1983م إذا كانت هى سلم عليها وارجو ان أتحصل على بريدها الالكترونى.. لك الشكر.
|
العزيز شوقي
تحية واحترام في البدء اود ان اطلب منكم مراعاة قنبورنا اي نعم نحن عندنا قنابير بس ما قدر دا لمن تفوت فينا تناقض زي دا قرأت لك في بوست اخر مناشدتك في الفصل بين الكيان و التصرفات الفردية اسي البخلي مجزرة بيت الضيافة والحزب الشيوعي (رجل) ، وضابط المطار مع الانقاذ (كراع ) شنو؟ سياسة الكيل بمكيالين دي حقو نخليها ياخ ثم انه ما هي العلاقة بين النموذج الثاني واضطهاد الانقاذ للنساء؟ |
سلامات شوقى وضيوفة
عارف يا شلاقة ;لو ماقرأت مداخلتك لكنت كتبتا نفس كلامك دا٠٠ اقتباس:
مع احترامنا لقلمك ورؤيتك ،إلا مثل هذا الكلام (بطلع) المراة فى (رسينا) بالحق او بالباطل ! والانثى اذا اخدت حرية زيادة عن اللزوم ٠٠ بتكون اسوأ من الشيطان نفسة ! مافى رجل طبيعى بتضهد آى انثى مالم تدفعة هى ٠٠ لذلك اقتباس:
اقتباس:
اتمنا من كل الكُتاب ، ان يكتبو بتانى وتدقيق ، عن المراة ، لانها سلاح ذو حدين ! تحياتى |
اقتباس:
غايتو (قنبورك) انتا بالذات عينة ياوجدي :D |
اقتباس:
يازول عمنا دا زول جنتل , ولداحتك دى ماعندو ليها فرقة , انت يازول انا لمن قبضتك بى سرقاتك فى بوست محمود زمان مالك بقيت تتزاوغ ولى هسه كابى الجرسة.. داير تناقش بأدب ياعادل ياعسوم , ياهو دا باب النقاش مفتوح.. عايز تتشفتن بدون عرفة , بتقعد فى علبك .. العم شوقى بدرى رجل محترم وجنتل مان وله رأى يطرحه بكل أدب وبلغة محترمة , فلو انت عندك (قنبور) فهل يتحمل هو تبعات قنبورك هذا؟ الابن:D عادل عسوم انت قايل النطيط دا بنفع؟ |
اقتباس:
ماشايفة اصلا في تناقض هنا ومافي علاقة بين المثالين اضهاد الانقاذ كنظام للنساء مابرفعوا ليه ضو ومابتناطحوا فيه اتنين دي ابدا ماتصرفات فردية دي قوانين جابا النظام دا ومتبنيها وبرعاها وبغذيها كل يوم والضباط ديل ماهم الا منفذين للسياسات والقوانين دي ممكن اجيب ليك مية نموزج زي الفوق دي بتوري انو دا منهج وسلوك نظام كامل كفاية انو راس النظام دا كل يوم بضرب نموزج لاضهاد المراة قبل كم يوم في غمرة فرح النظام باسترداد هجليج طلع خبر عن واحد اهدي اختو لمقاتلي هجليج يعني رجع بينا لعصر الجواري والحريم وواحد تاني نائب البرلمان الاعترض علي جية الفنانة شيرين للسودان سالوه صحي انت بتضهد المراة بكل بجاحة قال لا بدليل اني معرس تلاتة:eek::D مش زي واحدين فاتو الستين ومابستحوا ماسكين في واحدة!!! |
تحياتى ياوجدى ,
نظام الانقاذ فرغ نفسه تمامآ للمرأة فى قوانينه(قانون النظام العام) هذا القانون أصلآ يقوم على الشك والتجسس والاتهام المظهرى والشكلى ومسآلة المرأة.. وهى قوانين كرتونية تتيح لمجموعات من الشباب والشفع ملاحقة السيدات والبنات دون وجه حق تحت طائلة قوانين جائرة , مطلوقة فى السهلة بدون رقيب ولا حسيب .. يعنى ياوجدى أى شافع بتاع أمن أو نظام عام , يمكن يدخل لأى سيدة فى أى شئ يخصها من ملبسها الى حديثها الى وجهها...الخ ويمكن لو هفت ليهو يقفلا حبس أو يبهدلا فى شارع الله دا ويجلدا ذاتو.. الدولة حين تكون شكلية فيما يختص بالتشريعات والقوانين و ولاتهتم بقيم المجتمع, فتأكد بأن المرأة هى من يدفع الثمن نقدآ وكاش داون , من حياتها وحريتها وخصوصيتها .. |
[youtube]http://www.youtube.com/watch?v=DCwMtRKqfiQ[/youtube]
للتذكير |
هذا النظام يطارد النساء ويحاربن في رزقن
حتي الموت هل دا سلوك فردي!!! http://ts2.mm.bing.net/images/thumbn...0%2fnadia4.JPG اقتباس:
|
هل نحن بشر أم حيوانات تساق الى الجلد والترويض ,
هل نحن بهائم ليجلدنا صبية الجبهة قليلين الأدب والحياء والعلم والمعرفة .. تبآ ثم تبآ ثم يأتى مستر عسوم ليحدثنا عن القنابير.. تبآ لأى قانون جائر يهدر كرامة الانسان ويمرغ انفه بالتراب.. تبآ للجبهة الاسلامية ولقوانينها المهينة للمواطنات والمواطنين.. هؤلاء مواطنات لهن الحق فى هذا الوطن , ولا يحق لكم ياصعاليك أن تعتدوا عليهن باسم الله.. تبآ لكم ياصعاليك آخر الزمان |
اقتباس:
|
اقتباس:
أضحك .. البلد الهاملة دى , الضحك شارطا ليها قريب ربع قرن .. أضحك يامستر لقيتو الهملة تجلدو فى العالمين زى الكأنكم مشترينهم , وكمان عايزين تعملوا تمثال لعثمان محمد طه .. أضحك يامستر عسوم (وليشهد عذابهما طائفة من المؤمنين) أضحك ياعمك نحنا ذاتو الضحك بقا قليل علينا, وحرام , وبقتل القلب .. ركبتو الناس ركب وختيتو ليكم سرج كمان يالصوص ياقتلة.. أضحكوا ياحرامية فى الحياة وحرامية فى الفعل اليومى وفى انترنت الله ورسوله .. أضحك يامستر وعصابتك بتمص فى دم الناس وأحلامهم بالحياة الكريمة.. البمنعك تضحك شنو ..؟ ليكم يوم |
تاني
نظام القدوقدو شان ماننسي [youtube]http://www.youtube.com/watch?v=o4mOJvru0E0&feature=related[/youtube] |
عاش نضال المراة السودانية
[youtube]http://www.youtube.com/watch?v=n7MZg6zaOU0&feature=endscreen&NR=1[/youtube] |
التحايـــا والإحترام لأستاذنا شوقي بدري
تردي أوضاع الإنسان إجمالاً والمرأة تحديدا في ظل الإنقاذ مسألة لا يُضني أقل الناس مطالعة ومعايشة للوضع السوداني رصدها وتتبعها.. القوانين المقيدة للحريات ، والترويج لثقافة الإماء نظرياً وفعلياً مسألة بينة تدعمها الإستراتيجيات والبرامج والقوانين. لكني أميل بعض الشئ للتوقف عند الإستدلال ببعض الحالات والتفلتات الفردية لبعض موظفي الدولة، وحتى السلوكيات الفردية للرجال السودانيين..لأنها تفتقد لدقة الإتهام الجماعي..ولا يفوتني التأكيد على أن غياب القانون وإحترامه وسلطته وعدالته يُغري الكثيرين بالتطاول على المرأة وظلمها. ويبدو ذلك جليــا عند المقارنة بدول العالم الأول كما ذكر الأستاذ بدري. حقيقي الحديث عن ان مساحة الحرية والعدالة للمرأة تحولها الى كائن شيطاني وما إلى ذلك من الإيحاءات لجد محبط!..وما زلنا نتساءل..لماذا نحن هنا ؟! والعالم هناااااااااااااااااااااااااك!! شكرا أ.شوقي بدري والتحايا للجميع |
تحياتي يا شوقي،
- الإجراء الذي تم تجاه زوجة صيام وإبنه، أراهو صحيحا. لماذا؟ الود بحمل جوازي سفر سوداني ودنماركي، والأم تحمل جواز سوداني + إقامة دنمارية البمنع شنو انو الأم مختلفة مع زوجها ودايرا تهرب بالولد للدنمارك؟ حجة الكمبيوتر، حجة ضعيفة لانو لو صيام دا، جا راجع عبر ميناء سواكن ممكن عادي يلقى الكهرباء قاطعة. معقول وزارة الداخلية تطورت قدر دا؟ وعندها كمبيوتر يعرف الداخل والخارج من كل المنافذ! صيام جاي من بلد "متحضر" يفترض يترك ورقة رسمية تفيد بعدم الممانعة من سفر إبنه مع زوجته. - قانون السفر للقصر والنساء (دون سن معينة) بدون موافقة ولي الأمر موجود قبل الإنقاذ وطارق كانديك ممكن يفتينا فيهو. ومستعد للإعتذار عن الجزء دا، من مداخلتي، لو قطعت "جهيزة" الخطب. |
إضافة:
ود صيام لو دخل السودان بجوازو الدنماركي، ما في زول كان سألو عند الخروج |
اقتباس:
|
اقتباس:
|
اقتباس:
اقتباس:
القانون؟ القانون دا، موجود في أمريكا إتسيلف وأعتقد انو موجود بأوربا. أوعة يا الجيلي، تجي جاري تقول لي: هناك ما في Check عند الخروج! صحيح لكن القانون دا، مشغلنوا بضرورة موافقة الزوج والزوجة على إستخراج جواز السفر للقصر. |
اقتباس:
زى ماقال ليك عم رأفت , انت برا الموضوع تمامآ وقاعد تنقز فى رتم قاطعو من راسك دا.. عمنا شوقى يتحدث هنا عن الاهانة للمرأة والتعنت فى حركتها, مقارنة بالرجل .. حكاية ال check دى مسالة مختلفة .. فخليك صاحى لموضوع البوست, وماتجوبك القصة, وتمسك طرف الكلام كف كرف.. بطل اللفحى دا يازول.. _____________ أما عن ال check واللى هو خارج اطار الطرح , فأنا يابابكر مشقق الواطة دى كلها بى جوازى السودانى العفين دا.. وحين اكون مغادرآ من اوروبا لايدققون فى الجواز او اى شئ الا فى تاريخ الصلاحية فقط , يحدث التدقيق حين تكون مسافرآ الى أمريكا او استراليا أو انجلترا التى خارج الاتحاد الأوروبى أو حين تكون مسافرآ الى دولة أوروبية أخرى بالطيران, يعنى انت طالع منهم ماشى على العالم الثالث دا , هم ماعندهم معاك شغلة ..لكن لم تنجيهم راجع بعملو ليك جيك للتأكد من اقامتك ويمكن يطرحوا عليك أسئلة ,(لم أواجه بهذا الأمر الا فى مطار القاهرة الكئيب, ياأخى ديل خاتين خواجة عديل كدا.. وتلك قصة هذا ليس بمكانها ) مايهم فى الأمر انه فى كل هذه المراجعات لم يتم التعرض لامرأة على أساس الجندر , وقع ليك يابابكر .. يعنى الموضوع ما check , الموضوع بتعلق بالاضطهاد للمراة .. بطل شتارة ياأخى , مرات المسألة دى بتبقى مملة |
اقتباس:
ياخ الطفل بطلع جوازو قبال شهادة الميلاد .. وبعدين أدينى المادة البتظبط الزوجة قوام .. مرتى سارحة بين ألمانيا وفرنسا وسويسرا بالبطاقة الشخصية :p .. ياخ نحن الجواز ده بقينا نسمع بيهو سمع :D:D تعرف يا بابكر أول ما دخلنا سويسرا وده سنة 95 الحالة .. أخوك ملطوع ساعة لامن أتصففت علىّ .. لامن جانى بتاع الأمن يستفسر .. قلت ليهو راجى الجوازات والجمارك .. قال لى أنت عديت من قبيل .. قربت أحرن وأحتج .. أنا كان ما بهدلونى وشتتوا شنطتنى السفرة ما بتتحسب لى :D:D كدى أسأل ناصر وهو قدقدا .. شوف فى زول سألو من جواز |
اقتباس:
بابكر دا برمى ليهو فى كلام خارج دائرة الحوار, وغير مهتم بمتن الحديث .. يعنى بالواضح كدا داير يقزز ويضحك ويتونس, ولب الموضوع دا ماهاميهو كتير |
ياعم رافت ,
خش لى بهناك looool, عندى نية بتاعت نقزة سريعة لى بلدكم ديك goood |
اقتباس:
الكلام دا، أنا إستبقتك بيهو عشان ما تجوّا تقدوني بيهو. الجواز البطلعوهو قبل شهادة الميلاد دا، بموافقة الأبوين ولّ لا؟ |
اقتباس:
انت اتضايقتا ولاَ شنو يادكتور:D |
اقتباس:
اقتباس:
على أُسس اسلامية صحيحة بعيدة عن الهمج الدينى البصدر من النظام او المعارضة ٠٠! _ ____ *=الانقاذ مع العلم بانى من اشد كارهى هذة الحكومة وبتمنى ان تتخارج قبل ان تصلك هذة المشاركة ! اقتباس:
دائما الرجال هم البغلطو !!:confused: اقتباس:
ياريتك تمشى هنااااااااااك ، لتعرفى الفرق البينكن وتحسن بانكن مُعزازات مُكرمات مُستاتات٠٠ والحديث هنا يطول ! المراة هنااااااااااااااك يا سماح سلعة تجارية وهى مبسوطة لانها معتقداه بانها حُرة ، وبتمارس حريتة وكينونتها ، وهى مسلوبة فى صحتة وجمالة وانوثتة واحاسيسة وامومتة وهى لاتدرى ! وعُمرها ماحتدرى ٠٠طول مافى قوانين بى تسن وتطبل لها باسم الحرية والديمقراطية وووالخ٠ الحديث يطول ولكن تحياتى ٠٠ |
[QUOTE=AMAL;459430]تاني
نظام القدوقدو شان ماننسي --------------- سلامات amal ومساء الخير بالظبط ٠٠ البت دى تهمته كانت شنو ؟ |
اقتباس:
شوف أقول ليك الطفل المولود فى المستشفى بسألو أمو عن قسيمة الزواج فقط .. كان عندها راجل بضيفيهو فى الأسم .. كان ما عندها يضيفو إسمها فقط يعنى ما بودوهو المايقومة :p .. جوازو وبطاقتو الشخصية يستلما أوتاماتيك مع الطلوع .. بالمناسبة مافى شهادة ميلاد سوى ورقة المستشفى .. شهادة الميلاد ما بحتاجا الزول إلا فى الزواج .. وبطلبوا شهادة سارية المفعول لمدة 15 يوم .. ما عارف حكمتم شنو من كدة .. لكن تاريخ الميلاد مصاحبك فى كل المعاملات التى تخطر فى بالك ومرتبط برقم ملفك .. تفادياً لمشكلة تطابق اللأسماء .. يفرز بيناتكم تاريخ الميلاد بابكر ما تقعد تبحت فى الفاضى .. التخلف العندكم ده أنتهى فى العصور الوسطى .. هنا أجعص مشكلة بتحلها بالبوسطة أو التلفون |
تحياتي أخ البديري
اقتباس:
بل قوانين النظام العام التي يمكن عن طريق استغلالها أن تُجلد من ترتدي بنطال محتشم فقط لأن غيرها قرر أنه لا يناسب المرأة ذلك اللبس..! اقتباس:
بس عشان أصلا الموضوع بيتناول النساء تحت سطوة الإنقاذ والجزئية دي بالذات من كلامي أنا كنت متحفظة فيها على التعميم ، يعني بتفق جزئيا مع الرأي الختيتو انت ووجدي وعسوم وغيركم. اقتباس:
و حتى الما مشى هناك يمكن الميديا نجحت كتير في انو تعكس الأوضاع لكن وضع المرأة إجتماعيا هنااااااك لا أعتبره نموذجي على الإطلاق، لكني أتكلم على مستوى القواعد القانونية المتوفرة الما بتمايز بين الذكور والإناث..ثقافة المجتمعات وإختلاف الاديان والمجتمعات الراسمالية وغيرها ممكن تكون ساهمت في تسليع المرأة هنااااك وإكرام المرأة يكون بإحترامها..والإحترام لا يتأتى بالاستعباد وحجب الرأي وما الى ذلك.. عموما الحديث يطول كما ذكرت شاكرة لك |
يا الجيلي وامال
ياخ نقطة خلافي في انه الاستاذ شوقي بدري قد نهى في بوست اخر عدم تقييم كيان بتصرفات فردية ودا كلام لا ياتيه الباطل من بين يديه ولكن قبل ان يجف حبر الاستاذ فاذ به يفعل ما نهى عنه في انه عول في استشهاده على اضطهاد الانقاذ للمرأة بعمايل ضابط (واحد) لا اكثر ولا اقل. المهم ياخ فعايل الانقاذ لا تخفى علي احد ولكن ما جعلني اتداخل مع الاستاذ هو تناقضه البائن فبالله دعونا من فعائل الانقاذ وخلونا اسألكم هل الاستشهاد بالنموذج الذي ساقه الاستاذ شوقي كافيا لان نستشهد به في اتهام الانقاذ باضطهاد المرأة ويا رأفت افعال الضابط في المطار لا تمت للقانون بشيء افعال الضابط انما هي سلوكيات فردية يمكن ايعاذها لخلل اجتماعي عام فكما تعلم ان اضطهاد المرأة ضارب في القدم في مجتمعنا الشرقي وهنالك كلمة قديمة تقول (تغيير المرة زي تغيير النعال) المهم ياخ لو هانت عليك فعايل صاحبك اوهل يهون عليك قنبورنا؟:p |
اقتباس:
شلاغة :D:D برغم بانى بحب رائيك وقلمك ٠٠ وعارفك زى جوع بطنى ٠٠ لكن حاتلب من البوكس السايقو دا ٠٠ لانى حاسى بانى إتورطا فى البوست دا بسببك ٠٠ فاعلية ياحبة لو تانى شوفتا اسمك فى بوست حازوغ منة !:p:p:p وان شاءالله بكرة تتغلبوا خمسمئة من مازينبى !:mad::mad: |
اقتباس:
ردودك بعيدة عما اقصدة ، لا تتعاملى بلعاطفة ! عاوز مُستند او اثبات رسمى وعلى أُسس صحيحة إسلامية بعيدة عن الفوضى بكل الجوانب ٠٠ !! سلام وتحايا |
اقتباس:
وبعدبن منو القاليك نحن مجتمع شرقى منو.. نحن مستشرقين بفعل فاعل .. والمرأة فى جزورنا كانت ذات قيمة ولحدى قريبات دى ما كانت فى الحالة .. المرة بى طفلا بفسحوا ليها الطريق وبدوها الأولوية .. النسوان المضطهدات من قدم ديل فى نجد والحجاز يا مستلب .. تعرف تاج السر فزع متفرعن بى جعليتو .. حتى جعليين بربر ما معترف بيهم .. كنا فى السعودية وأهانو ليك وليد ما تشتريو بى مليمة .. فقعتها ضحكة وقلت ليهو (ما قلتو أولاد عرب يا أبو الرجال) .. قال لى (حرم هنا عرفت كلمة يا عب أهون من كلمة يا عربى) :D:D |
اقتباس:
اقتباس:
انت جادى فى سؤالك دا ياخوى ولا بتحرق فى روح وجدى بس ؟!:confused: اقتباس:
|
تحياتي مرة أخرى أخ البديري
اقتباس:
هنـــا |
اقتباس:
لازلتى فى نفس الدائرة !! مادام انتى حمرتى كلمة (الفوضى) لية ماحمرتى اهم كلمة وهى (من كل الجوانب ) ودى اهم شئ اقصدة ونبهت عنو عشان ماتفهمينى غلط !! انا لا اعترف بالنظام ولا بالمعارضة ولا بقوانينهم وارأئهم الفارضين فيها الشريعة الاسلامية السمحة قرأت كل بوست الاخ HATIM ALI وكل الروابط الملحقة بة ٠٠ واجمل ماعجبنى رد الاخت AMAL له ٠٠ الانقاذين حاشرين الشريعة لمصلحتهم واجندتهم كما حشرها المرحوم باذن الله نميرى فى سبتمبر لاجندتة انصار مايو !! عاوز مايطلبة شعبنا ومع مايطابق شرع الله وكلامة العظيم٠٠ فى مُحكم تنزيلة ٠٠ وانا اعلم تماما البطبق شرع الله بعضهم يخاف الله بجد وبعضهم تافهة ومريض (سادى) مثل (قدوقدو) !! تحياتى٠ |
البديري سلام ياخي
اقتباس:
1- فيه تعميم (حكاية الأنثى إذا أخدت) يعني المرأة عموماً إي إمرأة كائن محروس بالسوط و التقييد كأنها لا تمتلك ذهن و ضمير و غربال شخصي لتحديد الخطأ و الصواب..و أزيدك علم إذا كان في نماذج نسائية ممكن تطلق عليهم (غير شيطانيات) مع إن المصطلح دا إنت قاصد بيهو الأخلاق بشوية إفراط في التسميةـ لو كان في نماذج من النوع دا تأكد إن بيكون مصدر الإنضباط الأخلاقي هو ضمير المرأة فقط و ليس سوط تقييد مسلط على ضميرها من مصدر خارجي.. 2- ناقصاهو الدقة حكاية (حرية زيادة عن اللزوم) اللزوم دا قدُر شنو و البيحددو منو؟ زائد إن العبارة دي مستبطنة إن كل من هي (غير شيطانية) معناها الكلام دا نتاج تسلط عليها، و كل من هي (شيطانية) معناها الكلام دا فقط نتاج حرية مفرطة...العالم البتقول عليهو شيطاني دا بالتحديد المرأة بتعرف تخلق فيهو فرص حريتها براها بعيد من أي زول تاني...عدم الدقة هنا في إن إنت صادرت مجملاً أن يكون الصواب و الفضيلة أحد خيارات المرأة الحرة..و هنا أزيدك علم في إن التسلط فقط بيخلق في العندها ميول شيطانية تناقض لكن ما بيكبح أي حاجة...الخط الأخلاقي لأي بني آدم بيكون خيار بيمليهو عليهو ضميرو، و الضمير هنا هو خلاصة التجربة الشخصية و الإجتماعية، طبعاً ما تقول لي الإجتماعية دي ياها التسلط ذاتو، لأن الضمير هو حراك خفي بيتكون نتيجة لغربال خاص.. 3- فيه تناقض حكاية (ما تأخد حرية أكتر من اللزوم) أظنها كُتبت في تمام الطبيعية بتاعت الكاتب، لمن تلمها مع (مافي رجل طبيعي بيطهد المرأة) يعني شوف معاي (الأنثى إذا أخدت حرية زيادة عن اللزوم بتكون أسوأ من الشيطان) هنا الدفع أزلي واضح...لمن تخته مع (مالم تدفعه) هنا الدفع طارئ..هنا التناقض في شيطانية المرأة هل هي قناعة راسخة و إتجاه أزلي، أم هي طارئ.. 4- فيه تجني واضح على الأنثى بوصفها بالشيطان إذا أخدت حرية.. يعني صادرت كونها إنسان و حتى الإنحراف هو سلوك أخلاقي داخل تجارب البني آدم...زائد إن الوصفة بتاعت شيطان دي صعبة.. خود معاك قناعتي الراسخة دي في إن الأخلاق ما بتكون جزء من تركيب الفرد إلا إذا إنتفت الرغبة في الفعل اللاأخلاقي و ليس إذا إنتفى الفعل..و جكاية ينتفي دي خيار حر ما عندو علاقة بفرض قيود من عدمو، لأن الرغبة هي ميل عفوي تلقائي |
اقتباس:
اقتباس:
والرقابة مش كما يتخيل لك بانها بالسوط والتقيد والاكراه ٠٠ فقط ! فى اشياء آخرى اتمنى ان تعيها ٠٠ وانا زكرتها فوق ٠٠ ارجع ليها٠ اقتباس:
اقتباس:
اجمل شئ انك بتسأل وبتحلل وبجيب الاجابة براك ، كلامى العاوز اقولو ليك موجود بين اسطرك ٠٠ اتمناه ان تراه ٠ اقتباس:
اقتباس:
فى ذمتك الفاكى كلام سااااكت منو ؟! :confused: همسة ; من القلب للقلب ( واتمنى ان تكون من غير حساسية وزعل) منك او من الذين لايطيقون كلامى٠٠ ; ارفعوا اقلامكم عن (حرايرنا )٠٠ باسم الحرية المغلفة بالعلمانية ولا تدخلوهنْ فى معتركات حزبية وسياسية فاشلة والسلام ختام ٠:) |
| الساعة الآن 02:21 PM. |
Powered by vBulletin® Version 3.8.8 Beta 2
Copyright ©2000 - 2026, vBulletin Solutions, Inc.