الشاغلين فؤادي .. وفايقين تائهين
الشاغلين فؤادي .. وفايقين تائهين يكفي البي زارف .. دمعا ما يقيف تالي القبلي شايف .. لي برقاً لمع والصيد في الخمايل .. ياناس إجتمع قوموا ياأعزة .. نسترق السمع ما بطيق القعدة .. والمها اجتمع ديل احبابي ليّ .. يا مولاي قدروا انسلبت لحومي .. وأعضاي خدروا لاموني العوازل .. وبحالي اذدروا هم سايقين دلالهن .. تايهين ما دروا سامرت الكواكب .. لما الفجر لاح منادي الفجر نادى .. وقال ياأهل الصلاح صلوا الوقت حاضر .. قاموا أهل الصلاح وأنا الليل قايمه .. لخيال ليّ لاح البلابل ناحن .. في الليل الهجيع سهرانات عيونن .. مابيات الضجيع من الحالة ديكي .. أخير لي النجيع واحسرة شبابي .. الما لقيت لي وجيع يلا ورونا الشاعر منو والفنان منو .. ورصوا لينا قدر ما تقدروا الأغنية بصوت كل الفنانين .. الأغنية والله لقيتا بالصدفة فى الرابط (http://mms.zain.sdsd.sudaniana.com/f...ead.php?t=3011) وقلقت أيامى |
سلامات رأفت وصباحك خير،
دى الغنية الوحيدة البترنم بيها احيانا ,وهى للكاشف (رحمة الله علية) كلمات واداء على ماعتقد! |
سلام يا حلوين
من قبل ما اقرأ جواب البديري قلت اغنية ابراهيم الكاشف بس مش عارفة كلامات مين؟ ذوقك رفيع يا عمنا |
ما قدرت أجيب لك الاغنية وحدها
جهازي لا يدعم هذة الخاصية ف جبت ليك الرابط كله :D شيل اللي عايزو وخلي لي عيوني وعيونك:cool: |
|
الحبيب رأفت كل سنة وانت طيب الشاعر على المساح دمع البكا غناها الكاشف أها كيف ما بتعزمنى في الريفيرا؟؟ دمت بخير |
..
.. روفي الجميل .. عمرك كله .. ( تزازي ) .. في الجزيرة ... و ما عارف شاعر الاغنية منو ... خليك من الفنان ... يااخ ده .. كتب غصن الرياض المايد ... وبعدين علشان ما يتململ هذا الشاعر الرقيق في قبره .. ده النص الاصلي للقصيده .. الشاغلين فؤادي وتايهين فايقين يفت البى ذارف دمع المايقين ******* تال القبلة شايف لي برقا لمع والصيد في الخما يل ياناس اجتمع قوموا يا أحبة نسترق السمع ما يطيق القعدة والمايق دمع ********* البلابل صاحت في الليل الهجيع سهرانات عيوني وجافيت الضجيع من الحاله ديه اولا لي النجيع وا حسرة شبابي الما لقيت لي وجيع ****** كلف احبابى لي يا مولاي قدروا انسلبت لحومي واعضائى خدرو لاموني العوازل بى حالي ازدروا هم تايهين دلالن ساهين ما دروا ******** سامرت الكواكب لما الفجر لاح منادى الفجر نادى وقال ياهل الصلاح صلوا الوقت حاضر قام أهل الصلاح وانا الليل قايمو لا خيال لي راح ****** النسيم عاودني أقوم من نومي تاب مدهوش فكرى حاير مشطوب انشطاب يا نسيم بلاهى جيب رد الخطاب اوع الجاهلة نية وما بتحمل عتاب ******* حليل القدرو سامي فوق الجيل فريد حليل روحي بقت ليه طوق في الوريد بكتب ليه خطابي وعذري عذر مريد يا نسيم بلاهي طبق ليه البريد *********** انكسرت اعضائى من كسرة الولوع وابكي العبره خانقه وانا ليها البلوع أصبح قلبي يرجف خلى من الخلوع يا ناس روحي شاهقة هيه ناوية الطلوع ********* جمر الحب ده ولع حفيان ماش عليه ماذينى الضنى وانا صابر عليه حالته كئيبة أخوك يا محمد على وناظم القول أخوكم المساح على .. وبمناسبه الجزيرة .. انا سمعت هذه الاغنيه قبل ثلاثه عقود بمناسبة زواج زميل في الجزيرة .. بصوت فنان اسمه خيرالسيد .. اعتقد انه من الحلاوين .. من اعذب الاصوات .. ولازال صوته يرن في اذني كلما اسمع هذه الاغنيه .. .. كل الحب .. |
والله غايتوا منجهة اتململ دي شبع ملميل
انا من قبيل كلمات كتيرة مامستسيغاها وقلت عمك دا بيكون اعرف مننا في الحاجات دي لكن الظاهر هو ماصدق لقاها و خماها زي مالقاها:D تسلم ياسيد انت وهو والجميع |
يا سلام يا عمّك، غنية توهّط المشاعر وتفتح مسام الرّوح والله.
|
اقتباس:
يا سلام يا عماد النكتتك الأغنية دى .. ذكرتنى بالرفيرا حبيبنا صديق كرم لكن ما الرفيرا .. فى كعكاتى فى مدنى .. بحب الطرب شديد .. أول ما يسخن يقول (يلا غنوا غنوا) وما بنتظر يدق على الترابيزة ويبدا بصوتو الأشتر (داخل روضة غناء) وراره تغنى كعكاتى كلها مشتاقين يا عماد ياخ |
اقتباس:
الفنان الكاشف وعماد قال ليك كلمات المساخ .. |
رأفت سلامات وكل عام وانت بخير
الاغنية دي عند مصطفي سيد احمد بالعود وعند البلابل في شريطهم مع الموصلي ودعثمان محتاجين اسنــــــــــــــــــــاد أغنية الامان الامان عن مصطفي - دعوة للبحبت والتبحيت |
اقتباس:
اقتباس:
اقتباس:
ويسلم ذوقك [rams]http://ms8.sm3na.com/717/Sm3na_com_25707.mp3[/rams] يلا فتشيها لينا بأصوات تانية .. وياريت بصوت البت اللذيذة (اسرار بابكر) عشان غناية وبتحب الغنا |
اقتباس:
أخوك الزهايمر بدا يشتغل وبكتر النسيان .. أها خير السيد والله أسم ما غريب علىّ .. ما عارف سمعتو ولّ لا .. |
اقتباس:
غايتو شكراً على حسن الظن |
اقتباس:
|
اقتباس:
|
اقتباس:
الفنان خير السيد من اجمل الاصوات و اعذبها لكن لم يستمر فى الغناء التحية لك و لى رافت ب نيو لوك:D |
اقتباس:
والله العظيم ياهو كده الطبيعى .. النيو هو الوش المكرفس الفرضو علينا الزمن المهبب .. |
اقتباس:
بس خليك في الطبيعي دا وخلينا نسترق السمع لحكاويك السمحه |
اقتباس:
الحكى بجى براهو .. شوفى البلبلات ديل جضمنها كيف http://www.youtube.com/watch?v=s-CyxYZzDNo |
اقتباس:
قلت لي: اقتباس:
|
اقتباس:
إتا يا زول جادّي في موقفك من العبارة دي، ولّ عَم تمزح؟ |
[QUOTE=ام التيمان;493156]يا سيد احمد سلامات
الفنان خير السيد من اجمل الاصوات و اعذبها لكن لم يستمر فى الغناء .. ام التيمان سلام .. حرام والله هذا الصوت الفريد .. يترك الغناء .. تعرفي في تلك الليله بصوته العذب .. جعل القشعريرة تسري في الجميع عندما غني رائعة ابوصلاح .. فريع البانة المن نسمة يتمايل حاكي المنقسمة نار قلبي بتوقد من وسمة تلمع في خديها وتفر بسمة .. يؤديها باحساس .. ومن قلبه .. .. كل الحب .. |
اقتباس:
غايتو يالرشيد شن جاب لى جاب .. إلا تكون أعتمدت الهمباتة برضو شعراء :p وبعدين طولت دى شنو .. 18 سنة بقت غمضة عين .. يا ريت نفتح ونلقاهو كلو كابوس من أكلة سمك فى السكى وسكرة عند حجة فاطنة .. ونلقى الماتو كلهم حيين |
| الساعة الآن 04:01 AM. |
Powered by vBulletin® Version 3.8.8 Beta 2
Copyright ©2000 - 2026, vBulletin Solutions, Inc.