طيارة جات بفوق ... قصيدة هاشم صديق
طيارة جات بي فوق يا حاج أنا ............ شاقّه السما المطلوق عارفه البلد ممحوق و ( رادارنا ) دون ( طايوق ) يا حاج أنا .............. طيارة جات بي فوق يا حاج أنا اتْضَرّعت واتبخترت زي ( جقهّ ) خاشّه السوق يا حاج أنا ............. جايانا من ( صهيون ) يا حاج أنا تتحدي زي ما يكون وأصلو البلد ممكون سكن الطشاش في عيون حِس الوطن معدوم الا الهوان مضمون يا حاج أنا .............. طيارة جات بي فوق يا حاج أنا لا ( والي ) شاف لا ديش ومدفعنا كان ملفوف بردان وجوه الخيش يا حاج أنا ........... جات خاشّه دون تصديق لا رخصه لا تفتيش سواقا ما اتكلم لا حيّا لا سلّم لا حتي قال معليش والناس هموم في هموم مشغولة بس بالعيش وضيق الحشا المحروق ما صنقعت لي فوق يا حاج أنا ............. ............ طيارة جات بي فوق يا حاج أنا عيونها كشافات صواريخها هدّامات خَشّت علي الخرطوم والناس نعاس للنوم كسرت علي اليرموك اتفجّر المصنع والصوت دوي وفرقع . الناس جرت حافية لا فاهمه لا شايفه بس من جحيم خايفه يا حاج أنا ........... ناس جرت لابسه وناس باللخمه كان جاريه ما حاسه ما لابسه لو في الكراع شبشب لا حتي أي هدوم بس الصراخ مطلوق واتشقق الحلقوم يا حاج أنا ............. الناس تقول - يا ناس ( الصاخّه ) جات بي ليل جاتنا القيامة تقوم . اتطايرن دانات واطاقشت عربات و اتفرتقت ( قعدات ) واتكسّرت ( كاسات ) . السرة ( بت تمانين ) في ( الجكّة ) ( بت عشرين ) وادريس وليد مرسال كان بمشي بالعكاز أصبح بطل جمباز طار فوق ونطّ السور سبق الجموع جاري زي التقول ( هايس ) دايس علي البنزين .............. ناساً تقع بالخوف وفي ثانية تاني تقوم طارت سقوف وقعت واتهدّ واتكوّم بي ( دانه ) ( سوق بعشوم ) يا حاج أنا ............. ............ طيارة جات بي فوق خشّت سمانا تحوم كسرت علي اليرموك حرقت حشا الخرطوم بعد الرغيف والسوق واللقمه ما بتحوق صبح الهوان مطلوق ( اسرائيل ) هنا يا حاج أنا ............. الله ليك من مغسة اليرموك يا حاج عطا والله ليّا كمان من كضبة الوالي يا حاج أنا ، صرح وقال للناس - ( الوضع ما مقلق ) و ( الحاله حسه تمام ) - أصلو الحريق يا ناس شرارة جات طايرة من مكنه نارا ( لحام ) وحسه الأمور ( هدأت ) والجو ( نسيم ) وسلام ما تصدٌّقو العُملا والخونه في الاعلام . طيارة كيف يعني تدخل سمانا تحوم ؟! وتجينا من من بره لامن تصل ( خرطوم ) ؟! وتضرب كمان صاروخ في المصنع المعلوم لمّا الحديد بالنار أصبح كمان ( لكُوم ) ؟! .............. - اهمال وبس حنشوف ونلقي دليل .............. عامل لحام مهمل ( يلحم ) في ( نص الليل ) ؟!! يمكن ( عميل ) مدسوس زرعوه جّوه الحوش أو يمكن التحقيق يلقاهو زول مهبوش راكب ( حمار النوم ) . ............... يا حاج أنا خلي الهوان والسوق شوف الضمير ممحوق و ( حبل الكضب مطلوق ) زمن الصِدِق مسروق ............... كنا العُزاز ما ( نُوق ) وكت الحقارة نثور الدم يفور في عروق . حسه البلد مفتوح وبقت الكرامة جروح ووش الخجل محروق ياحاج أنا .............. ............. ( في الجو طيارات ) ( اسرائيل ) هنا يا حاج أنا ............ في بحرنا ( مدمرات ) ( ايران ) هنا يا حاج أنا ............. ............ طيارة جات بي فوق خشت علي الخرتوم كتلت ( جداد ) التوم ............ الله ليك يا حاج عطا والله لي يا حاج أنا ............. ليمون سقايتو عشيه والمويه لا ملقيّه لا محرية ............ مقطوعه من صبحية يا حاج أنا . 29/11/2012 |
هاشم صديق كالعادة بحاستة الساخرة.......... في الصميم.
|
نص ساخر يُميّزه سمتُ هاشم صديق الإيقاعي في الكتابة بالقوالب الشعرية الخفيفة والسريعة التي قوامها الإشارة إلى "رؤوس" الأفكار ولمس أكثر مواضع الحقيقة والواقع حساسية وتأثيراً، ومن ثم قيادة النّص بـ"رسن" التعابير المبتكرة والمفردات الجديدة واللّعب على عنصر التشويق واستثارة الخيال بالرموز والإشارات الواضحة والخفيّة.
لم يكتفِ هاشم صديق بالسخرية من حادثة اليرموك بل اتخذها مدخلاً ليسخر من/ ليتأسى على حال البلد المائل وواقع الوطن الأسيف: اقتباس:
اقتباس:
__ اقتباس:
__ شكراً نغم |
اقتباس:
أيّام قصيدة القرنتية وما أدراك ديك، أتيحت لينا فرصة إنو نتلاقي بشكل راتب في جلسات صالونية بمعية الاستاذ محجوب شريف، مرة اتناقشنا في المسألة دي، كان رأيي إنو هاشم صديق في الآونة الاخيرة قاعد يقول كلام ساي، والباقيين وعلي رأسهم دكتور وليد الامين (عضو سودانيات)، شايفين ضد رؤيتي دي. سألت عمّنا محجوب شريف مباشرة عن رأيو في المسألة دي، بعد فترة صمت قال: "والله يا شباب، يُحسب لهاشم صديق إنو لغاية هسّع واقف ضد" طبعاً أجابة دبلوماسية، كل زول ممكن يفسرها لصالح رؤيتو شكراً نغم وقيس |
اقتباس:
وكثيرا ما طرحت تساؤلا عن (انتهاء صلاحية الشعراء) . |
سلام شباب،
ممكن تضيفو للقائمة دي السر عثمان الطيب برضو، أو هكذا أظن. بس هاشم صديق ما سبقو زول في كلمة "جقّة" دي! |
اقتباس:
|
تحياتي يانغم
كتبت مداخلة بذات مضامين مداخلة الأخ قيس وان كانت مداخلتي اقل (حدّة) في تثمين القصيدة عن تثمين قيس :) ليت شاعرنا هاشم صديق ينأى بنفسه عن مثل هذه الالفاظ التي تزري بأيما عمل ابداعي وتسلبه كل ومضات الجمال فيه! بخصوص استهداف العدو الصهيوني للخرطوم فقد كتبت (حينها) في صحيفة آخر لحظة ما مفاده: لان كانت الحكومة قد سعت الى دعم اخوتنا في غزة (وتلك محمدة) فقد كان يلزمها أن تحتاط وتكون على قدر التحدي الذي وضعت نفسها فيه باختيارها... وقد اشتمل ردي حديثا الى كاتب خليجي ما فتئ يسئ للسودان كلما ارخى ليراعه عنانه متهكما وغامطا قلت له: لعمري لو اتجهت ذات الطائرات بعد فراغها من ضرب الخرطوم الى عاصمة بلاده لضربتها كما ضُرِبَت العواصم العربية في سوريا وليبيا وغيرها من قبل... واسمحي لي أن أختم بكلمة لشاعرنا ومبدعنا هاشم صديق: لديك من الابداع الكثير ياشاعرنا فلا تزري به! مودتي نغم |
عليكم الله القصيدة الفوق دى (سخرية) .. طيب البكا عندكم كيف
|
اقتباس:
انا ما قريت قصايد محجوب شريف الاخيرة، لكن في كل الاحوال ما أظن مفرداتو تكون وصلت محطة "جقة" دي. هاشم صديق، مرّات بجيني إحساس إنو قاعد يغتصب القصايد، بمعني إنو بمشي ليها عشان يجيبها، مش هي البتجيهو. ويمكن دة سبب الحكاية دي. محجوب شريف إذا قاعد يرضخ كشاعر لحكاية (عليك الله يا استاذ أكتب لينا في مظاهرة أمس)، بالتأكيد حيكتب كلام عادي. المسايرة في الشعر قاعدة تخصم من الشاعر، وما بتضيف لرصيدو شي. |
اقتباس:
انا في تقديري الخاص المفردة دي أو الجقة دي ممكن تجي في سياق شعري وداخل قصيدة وتكون احسن كلمة لاقتني في حياتي ... عشان كدا ما بتعامل معاها كمفردة معزولة أبدا ... لكن يمكنك أن تختار اسمح مفردة عاجباك في العالم وتدخلا في نص "مارق" يمرقا ليك من راسك ... والنص الفوق دا ليس ما يعيبه هاذي الجقة إنما يعيبه أنه ليس نصا شعريا أصلا !! |
اقتباس:
اقتباس:
|
اقتباس:
براااااحة امسك النص دا وجيب لي الحتت الفيها شعر ... وبعداك والله اتفق معاك الضحى الأعلى ... النص فيهو فكرة الحلمنتيشية (الهي ذاتا تافهة) وبعدا دا ما وصلا حدها ... يعني لا خفة دم في النص ... لا مفارقة باينة ... لا جدية تحتذى ... لا شعر الله والرسول البنعرفو داك ... غايتو عشان ما اتطرف تاني جيب لي الحتت الفيها شعر ونرجع نشوف وبعداك نرجع للجبجبة :D:D |
اقتباس:
|
اقتباس:
طيب والنظم عندك تعريفو شنو ؟ يازول ها انا متطرف خالص ان بقى كدي ... |
اقتباس:
اقتباس:
اقتباس:
اقتباس:
___ * عندو بوست ما متذكر اسمو - اتخيّل لي (أنا والجيلي)، بعالج الحالة دي. :D |
اقتباس:
ــــــــــــــــــــــــــــــــــــــــــــــــــ ـــــــــــــــــــــــــــــــــــ |
اقتباس:
|
جات خاشّه
دون تصديق لا رخصه لا تفتيش سواقا ما اتكلم لا حيّا لا سلّم لا حتي قال معليش والناس هموم في هموم مشغولة بس بالعيش وضيق الحشا المحروق ما صنقعت لي فوق يا حاج أنا (اهلي الطيبين اها رايكم شنو ) وين بقى تفكير الشعب السوداني |
اقتباس:
|
كتب هاشم صديق علي النمط السائر هذه الايام من الاغاني والشعر
الي يشبه تماما هبوط الطائرات علي اراضينا دونما كنترول |
اقتباس:
سمعت صوت ساقية قديمة بتصرصر فى آخر اللفة والحمار الجاريها عيونو حايم فيها الضبان عليكم الله خليكم فى نصوصكم الأدبية وما تلاوزوا لينا فى حاجاتنا منو القال ليك الجقة حاجة كعبة |
تعرف يا قيس الزول مرات بطشش ولّ يمكن بقرا على كيفو .. تتصور بوست العزاء بتاع رابحة حماد قريت عنوانو (وماتت رائحة الأنسان الفنانة) ولامن دخلت البوست لقيت نفسى ما شطحت بعيد
|
اقتباس:
أتفق مع الأخ أسامة فى أن النص اصلاً لا ينتمى الى فن الشعر ولا تعلق فى ذاكرتك صورة شعرية واحده حين تغادره ورحم الله الراحل فراج الطيب ، كان يصف مثل هذه النصوص بأنها خالية من وهج الشعر .. لاأعتقد أن الروح الشاعرية تموت ، لكنه الشعر المصنوع ، أبخس أنواع الشعر وأردأه على مر العصور .. قد يفسر أيضاً درجة تفاعل الشاعر مع الحدث ، أو مدى إتكاءه على جميل ما نظم أما عبارة الشاعر السابق فهى تأسيس لموضوع جدير بالتناول .. شكراً |
اقتباس:
اقتباس:
غايتو تعريفك للشعر دا، أنا بعتبرو أخطر محاولة انقلابية على النظام، منذ عصر الخليل بن أحمد! |
اقتباس:
اقتباس:
|
اقتباس:
اسامة دا خلوه الليلة راكباه روح شريرة ;) اتذكرت النقاش حول اغنية بت شيخ الدين ياسودان معليش ياخوانا الكلام بصل الشارع والناس البسيطة وساهل جدا يبقي ترنيمة واغنية يتداولها العاديين ابناء الشوارع ودا كفاية جدا مش؟ |
اقتباس:
غراء فرعاء مصقول عوارضها تمشي الهوينه كما يمشي الوجي الوحل كأن مشيتها من بيت جارتها مر السحاب لا ريث ولا عجل يكاد يصرعها لولا تشددها إذ تقوم لجاراتها الكسل أنت قايل دى منو .. دى ما ياها الجقة يا مطشش وحاجاتنا برضو خليها فى حالا .. كدى أسيبك وأشوف لولوة جنابو ده .. أسامة داك خليتو لى الله .. أول مرة أشوف لى شاعر لسانو زى الموس :p |
اقتباس:
ده كلام ممكون وقايم على كلام كان مع الفرق والهوة السحيقة بين الطيارتين .. كلام مسكون بكا وبتعصر أسى حقو ما تضرب لى مثل بفراج الطيب والزول كان ناشف زى الحجر ومفرغ من كل شاعرية .. ما تحاول تشوف الطيب أحمد الطيب كان ممكن يقول شنو فى مناسبة زى دى .. ياخ القصيدة مليانا معانى بسيطة عميقة لامن مدفقة .. نغمتا زى هز الذكر كلاما زى حفر القبور .. ياخ دى مناحة على الوطن زيها ما شفت قريب .. عليك شوف الحال ده جايانا من ( صهيون ) يا حاج أنا تتحدي زي ما يكون وأصلو البلد ممكون سكن الطشاش في عيون حِس الوطن معدوم الا الهوان مضمون ده بعد زمن الرجال البكسروا العناقريب أنقرضوا .. والرجال بقوا ناس نافع وعبد الرحيم حسين .. ما قريت نكتة جيجى (يا ناس نعسنا كدى رقصوا لينا الرئيس عشان نمشى ننوم) نحن كان القول أنا الصعب المتكل بالشعب أنا العفنة المقابلة الريح أنا الشافو كلو أبو بقينا ناس سستم ناصل من الآس زى ما قال بكور حركات الشعراء ما تعملوها لينا .. ذكرنى بتين بخسنا ليكم حاجاتكم عشان تبخسوا لينا حاجلتنا قال وهج الشعر .. هسة ياخ فى وهج ما كلو أنطفى .. أمشى السوق الشعبى وأتأمل الجوه .. أقول ليك شفتهم وين أنا قبال تسأل .. شوف لمات قرفنا ومتركز فى البتكلموا .. شوف الناس الملمومين فيهم .. ده غنا بتاع فقراء أتعشوا مريسة وصلوا الفجر حاضر والله فى |
اقتباس:
انا علي اساس الجقة الجات داخلة السوق دي، صغت ليك النموذج بالنسبة لمحجوب شريف. لأنو بتخيّل لي المفردة دي تحديداً فتحت باب النقاش. وبعدين انا ما اتعاملت معاها كمفردة، بل قلت ليك "كمحطة" ممكن تصل ليها المفردات وبالتالي الحالة الشعرية ككل. ولا المفردات دي، ما ياهي اللغة البتوصِّل الحالة الشعرية (إن وُجدت)؟ |
اقتباس:
اللهم زدنا علماً |
ياخي لايك شديد لكل مداخلات الرشيد في هذا البوست
والله يا الرشيد ياخي لولا الملامة لقلت لك كما قالت تماضر لبابكر عباس ... بس الله غالب :) |
اقتباس:
اقتباس:
|
اقتباس:
اقتباس:
إنت يا رأفت إتحسّستَ ولا شنو؟ يا خالد شكراً علي الـ لايك، وبعدين تماضر دي شاعرة، والشعراء ديل طبعاً معروفين بخيالهم الواسع، مرّات كدة بكبروها ساي، والزول (زي حالة بكّة) لو ما واعي للمسألة دي، بعيش الدور وبصدِّق. المهم: شكراً يا سيدي، علي حسن الظن |
اقتباس:
|
اقتباس:
وحاول افقد وجدي الاسعد بكون مات :) |
مرات جقق ومرات قواعد:(
غايتو يا الرجال بقيتو حقارين حقارة بس ما مشكلة الله فى:p:D:D:D |
اقتباس:
وجدي يموت ليشنو؟، قبل كدة مش كبّروها ليهو ورفعو معنوياتو؟!، سبب واحد يكتلو مافي، غايتو كان مات بالمغسة، تكون حسادة وانانية منو ساي. أمّا إنت، أنصحك تفوِّض أمرك لي الله:D |
اقتباس:
|
اقتباس:
|
| الساعة الآن 01:51 PM. |
Powered by vBulletin® Version 3.8.8 Beta 2
Copyright ©2000 - 2026, vBulletin Solutions, Inc.