أرحلي يا نور الضلام
ياحبيب المحبين انا امتحنا كثيرا وانا امتحنا طويلا فرحماك ياخالق الحاكمين وياخالق الناس ياخالق الوحش والسوسنه * فأرحلي يا نور الضلام فقد أمتحنت كثيراً و عنيفاً الي شليل و في رواية أخري الفاتح السعيد دون أي القاب أضافية مثل الشفيف, الوريف و الخ من حنك عاضي * مريد البرغوثي - الشهوات و شهوة ان نموت موت الله يا مريد |
في البدء كانت لعنة.... لعنة القدوم ليلاً علي أسنة البروق لعنة الاسم الذي قُدر له هزيمة الظلام... الإسم التي أطلقته عليها جدتها المنسلة من قطار العمر خلسة.... ذات ليلة وصل فيها غضب الله من الحاح العباد نهايته العظمي, فأرسل عليهم المطر صيفاً ممزوج بالعاصفة و الزيفة, و معه كان الظلام الدامس الذي يصعب علي الأصبع اختراقه..., في تلكم الليلة فتحت نور الشام عينيها في رحم العبث و قررت القدوم و جاءت لتبقي صرف النظر عن الثمن المدفوع...الريح أطفأت كل النيران و النار التي قاومت تكفل بها مطر الغضب مما حدا بالقابلة اخراجها بضوء البرق ... فكانت تبرق فتقطع الأخيرة, مرة أخري تنتظر البرق فتلصق, بهذه العبثية خرج الي الظلام كائن جديد زائداً الأمة المحمدية عدد واحد نفر, و حال إطلاقه صرخات العذاب تحسست الجدة ما بين فخذي الكائن و دون حسرة أو ندم من سلالة: (إنها أنثي و ليس الذكر كالأنثي, أو الله يجعلها من المستورات, و الخ من عبارات قدوم الأنثي) .... لم تقل أي من شاكلة الجمل عاليها و انما قطفت قطعة مانجو ناضجة و مضغت لبها جيداً و أمررت لسانها علي فم الطفلة لاجة إياها بلعابها الممزوج بطعم المانجو و دندنت ب: (حبابك يا نور الضلام حبابك حبابك يا بنية جعابي حبابك حبابك و جمالي ما شابك) بالموال عاليه الممزوج بلجة المانجو سميت الطفلة نور الضلام إلا أن هذا الاسم لم يصمد أكثر من سبعة سنوات, فعندما سئلت في أول يوم دراسي عن اسمها و قالته كما هو متفق عليه برقياً, ما كان من المدير الا أن هز رأسه مرتين علامة المعرفة مردداً: (نور الشام .... نور الشام) |
و من هنا و لاحقاً سوف أطلق عليها إسم نور الشام ( في حد بعرف أكتر من المدير)...و مسكينة هذه نور الشام فاذا نجت من الزواج المبكر و تدرجت أكثر في التعليم سوف يكون اسمها نور حاف دون شام او ضلام , لكن ما علينا, المهم أندثر اسمها الأول للأبد بمدلوله مع دفن جدتها, التي قاومت هذا الإسم الجديد النكرة و ربما اللعنة و الفأل السي و عندما هزمت هذه الجدة في تغيير الراهن دمدمت بصوت كسير:
(بنيتي لجيتك من جمالي لكن منو بلجيك من سونقالي*) تذكر الجميع موال الجدة عاليه حينما صارت نور الشام أو نور الضلام ارملة و ثكلي و اشياء أخري في يوم واحد, تذكر الكل هذا الموال و لعنوا مدير المدرسة سراً و طأطأوا رؤوسهم بعد فوات الآوان .... * في الموال عاليه جمالي رمز لمصطاد الرقيق, لانهم كانوا يستخدمون الجمال في الصيد, أما سنقالي فحرفياً تعني القدر و عبثيته.... فعندما يموت الطفل يردد الكبار بحزن قائلين (النجي من جمالي .... كيف ينجي من سنقالي) |
ذات يوم جمعت نور الشام صغارها الثلاثة موصية إياهم ب:
(مرفعين الوادي باكل من الصادي و مرفعين البوادي بأكل الهنا و البغادي) و قالت لهم لا تخرجوا..... و بعربي فصيح أردفت: (الذئاب دوماً تطرق الأبواب ليلاً و تحتال ببنوة العمومة و لكن لا تفتحوا لهم.... و إذا كان لابد من ذلك فقولوا للطارق مد يدك كي نراك فاذا كانت مثل أيدينا فتحنا لك.....) و قالت لهم أيضاً لا تخرجوا.... وصايا نور الشام لصغارها لم تتعدي الكام الفائض عن صاحبه لان الذئب أتي ضحي بيمناه المصحف الكريم و يسراه كلاش لئيم.... كبر ثم قتل, قتل و صلي, صهل مع حصانه و حرق ....و منذ لحظتها صارت نور الشام ثكلي, أرملة و أشياء أخري منع من ظهورها الخلق السوداني القويم لكنها خرجت الآن مع اسهال مستديم و طفحت بثور جلدية..... فارحلي يا نور الشام أرحلي فقد أمتحنت كثيراً أرحلي و قولي لله اسمي (نور الضلام) و تمي بقية الحكاية و هل للحكاية بقية؟!!! |
اقتباس:
الشحتفة دي ما سمحة التصوير اعلاه واقعي بي شكل غريب و بيكون رفع راسو لي فوق كدا و اخد صنة كأنما ينقط عليهو الإلهام. بعدين التحنيك بالمنقا اول مرة أسمع بيهو يمكن ده تحنيك على حسب البيئة. غايتو دي تصبيرة لحدي ما يجيك البنج ده |
اقتباس:
أنت عارف الحاجة دي كانت بتحصل في مدرستنا عادي جداً, و خاصة ان معظم الناس ما عندهم غير شهادة لا اله الا الله.... و اي إسم يكون حروفه ما موجودة في اللغة العربية حلال علي الأستاذ يغيره ليك, حروف زي (الجيم المخلوطة بشوية نون زي جمك) .... أظرف حاجة معانا في الفصل بت فلاتة اسمها حاجة أمينة .... طوالي الأستاذه غيرت ليها اسمها لأمينة من سكات بلا حاجة بلا بطيخ..., حكمة الله الاسم عربي للدين بس شكله في حلة ناس الاستاذة دي الا الزول يكبر و يحج عشان يلصقوا ليه حاج/ة ... المهم ما علينا .... أما قصة التحنيك بالمنقا دي غايتو العارفه في البلد أن الطفل بلجوها بحاجة حلوة, منقة, تمرة, سكر اي حاجة حلوة عشان حياته تحلي لقدام و تمشي معاه باسطة و الفعل دا مفروض تقوم بيه إمرأة محترمة ..... كسرة: غايتو يا محمد أنا المرة اللجتني ما كانت محترمة عشان كدا شايف الحالة براك, و رغم ان أمي مصرة أن بت بلال لجتني بمنقا لكن شاكي المرة دي غشت بدل المنقة لجتني بحنظل أو ملح |
اقتباس:
ياخي أقول ليك حاجه ؟؟ ،،، :D :rolleyes: :confused: :D :eek::o :confused: :rolleyes: وبس ،،، |
ياصديقي الذي تستهويه سيرة الضو
فيرحل مصوبا سهمه نحو النور يصيب هذا السهم او يخيب ويؤرقه الظلام فيتوهم الضؤ ويلوذ باي بصيص مقدمة قد تكون غير لازمة ولكن ماهي الصدفة التي جعلت النص محتشدا بمتضاداتي الظلام والنور اقتباس:
اقتباس:
اقتباس:
اقتباس:
اقتباس:
|
اقتباس:
كيفك يا ناصر و شوق و كدا |
اووو استاذ/ حافظ سلامات
عاش من شاف حروفك،يا البتنوم واللمبة مولعة:cool: :D:D |
اقتباس:
جدلية الحروب التي يوقدها الاشرار و يحرق لهيبها النساء و الأطفال حروب العبث حروبات اللاشئ نور الضلام أو نور الشام كأنثي مستضعفة كانت أحد ضحاياها ثكلي و أرملة في نفس اليوم و قتيلة بالايدز بعد سنوات آخر تصدقي ما بكتب فسحة و لا بكتب عشان استعرض مهارات بكتب الالام و أوجاع يومية أوجاع اججت اوارها ثاقة الكراهية بالجد داير اعيش كزول طبيعي بس للأسف الظرف غير طبيعي داير أعيش و أكتب عن فوح القرنفل الصبايا المتأبطات ازرع الأحبة أكتب عن دور العجزة كمحصلة نهائية لقدر الانسان في هذه البسيطة أعزي في جدة وصلت الثمانين من عمرها لا في شافعة ماتت بالولادة أكتب عن الفلاح الذي قاوم رأس المال و إنتصر لا أبكي و أكتب الفلاح الذي قتلته البلهارسيا أعيش و أكتب عن الحدائق لا المحارق و صدقيني ما أظن تعيش و نحضر مثل هكذا زمن لكن العزاء انه سوف يأتي لأحفادنا |
اقتباس:
الكل خاسر في هذه الحرب لا منتصر ولا مهزوم من لم يمت لحظتها بالبارود ماتت إنسانيته و قُبرت مع والد، زوج، إبن، . . . . . هون عليك يا صاحب إمشي في الأرض بتؤدة و لا تفتح عيون ضميرك على إتساعها، أترك بعض ماء بصيرتك لأيام شح قادمة. ضغطة زناد تستغرق جزءُ ثانية لكن الرصاصة تجوب الأنحاء لدهور و دهور. قد أعود . . . |
اقتباس:
عارف ليه لأنك بتتتكلم على لسان الهامش.. تختار شخوصك البنقابلهم بشكل يوماتي وإللي رسم الظلم ظلالو على وشوشم ، لكن بيجالدو ذاتم ويقابلوك بوش مرح ، كإنو مافي حاجه حصلت.. وإنت بالمناسبة في كتابتك الفي البوست دي.. وضَحت لي إنك واحد من أبطال رواياتك.. كإنو مافي حاجه حصلت يا حافظ ! كضباً كاضب واللاي Oh my gosh.. |
الزول البيحقن زول -رافع إيدينو ومسلًم نفسو -بحقنة ملوثة بأيدز ، بيتساوى عندي مع الزول البيغتصب زوله وينقل ليها فايروس الأيدز ، وبيتساوى عندي مع الزول البيقيف موقف المتفرج
|
أعجبني القص .. و القص ..
قصيت بوله و بلوع .. أما قص مرحلة الزواج والابناء و اشتراكهم فى الحرب روحتنا و وصلت للنهاية |
العريس الما تعيس
ياخ اتالمت ليه الظلامية!!!!!!!!!!!!!!!!!!!!!!!!! لحدي مايطلقو عليك ظلامييييييييييييييييييييييي:p ياخ والله انت امك راضية عليك وصاحبتها لجتك منقة ومعسلة كمان ونفسي الاقيها واهنيها ببرك ومحبتك المطلوقة ليها هنا لما شرقتنا وحبيناها :cool::cool: والله في كوة شايفاها طالع منها ضو بس البزح السادنها الناس ماده يدها ومازالو لكن التعرجات :mad: بتدفق الحاجات:eek::confused::confused: |
اقتباس:
أها ضيوفك مشوا ولا لسسسسسسع ؟؟ عموماً كدي النشوف نهاية الأسبوع الفينا ده ياخ ولا البعدو ولا البعد البعدو ظاتو ياخ ،،، أها عصرية حمد النيل إنشاء الله عصيراً بدري قبال ما الضلام يضَلِم ياخ ولا شنو بالله ؟؟ |
اقتباس:
تعيش أنت يا صاحب شنو يا خي حكاية اللمبة مولعة و انا نايم دي؟ تصدق الايام دي قاعدة تحصل لي بعدين كلمة (أستاذ) الفوق دا ما مريحاني زعلان يا ظلامي صاح :D:D:D:D |
اقتباس:
انها TIA What is TIA? This Is Africa راجع فيلم blood daimond و خلينا نبدلها الي TIS This is Sudan و فعلاً هو دا السودان ال حد وقت قريب أطفال معسكر كلمة المنصوب في حذاء مطار نيالا الاطفال وقت الطيارة تنزل او تقلع بتبولوا لا إرادياً و عادي أنت تكون شغال في المعسكر و تضحك مع أهل الأطفال حول التبول اللا إرادي .... و مين بال أكتر .... و الليله كلتوم و لا بالت بال حمودي الخواف دا ..... |
اقتباس:
في 2008 كنا في الجنينة, عمال إغاثة زي الليل جابوا عامل إغاثة فرنسي اسمه ماركو ماركو دا من اليسار الاوربي ما زي يسار افريقيا علي فكرة ماخد بالك و بعدين كل الاوربيين وقت يجيبوهم مناطق شدة بعملوا ليهم ارشاد نفسي كامل قبل و بعد نحن مرشدنا رب العباد و الحاصل البحصل كل يوم المهم ماركو دا بعد شهر كدا من وصوله الجنينة كلامه ذاد و بقي يجيب خارجية لكن قلنا إحتمال دا خلقة ربنا و قلة ادب خواجات ساي ..... لكن القشة القصمت ظهر البعير كان في إجتماع بتعمل شهرياً لكل المنظمات العاملة في الحقل الانساني .... ماركو دا خمش ليه طفل من ضحايا الحرب رجله مقطوعة و شغال ورنيش .... خمش الطفل و جاء خاشي بيه الإجتماع .... و في القوم صبت مطره و هاك يا نبيزة و الفاظ بذيئة بس في البداية كان أنجليزي ووقت قلب فرنسي أنا و كتيرين سطحنا .... نبزنا كلنا ما خلي لينا جنبة نرقد عليها .... في النهاية انهار و بكي ....... المهم جابوا الخرطوم و سفروه اهلها .... بحكي الحكاية دي مع عماد اللمين ربنا يرحمه قالت ليه: أصلاً الزول دا من البداية ما كان طبيعي........... عماد ضحك بحزن قال: يا حافظ ما طبيعيين نحن القادرين نتعايش مع كل القبح دا |
اقتباس:
كيفك و العيال و القص و القص في اللحم الحي و الله انا ذاتي رايح زيك يا الحبيب ههههههههههه |
حافظ ياصاحبي الجميل ( بعض الاعترافات تأتي قسرا ) تساءل السياب فقال (لمن كلُّ هذا الحديد؟
لقيدٍ سيُلوى على معصمٍ ونصلٍ على حلمةٍ أو وريد وقفلٍ على البابِ دونَ العبيد وناعورةٍ لاغترافِ الدمِ "رصا..صٌ" لمن كلُّ هذا الرصاص؟ لأطفالِ كوريّةَ البائسين؟ وعمّالِ مرسيليةَ الجائعين؟ وأبناءِ بغدادَ والآخرين؟ إذا ما أرادوا الخلاص ) .... ولم يدري السياب ان اول هذا الحديد كان شفرة لجوك بها صغيرا وحولتها انت إلى قلم تلجنا به كلما كتبت حرفا فنتوارى من انفسنا ... مسترشدين بقول السياب ايضا ... موتى تخاف من النشور ... قالوا سنهرب ثم لاذو بالقبور من القبور .... ساعود لهذا النص كثيرا ياحافظ رغم الخجل من ان نكون شهودا عصر يتبول اطفاله خوفا عند سماع صوت طائرة |
اقتباس:
يا قوت هوي منقة شنو؟ لو مصرة اني اتلجيت بمنقة بتكون منقة حامضة:D:D شكراً تاني و كتيير |
اقتباس:
أتخيل ما مشوا؟ شكلهم طاب بيهم المقام .... و شدة ما أنا لقوني طيب قرروا يسكنوا في الشقة الجنبي من بداية الشهر ..... عصرية حمد النيل في الحفظ و الصون و بيها انا طلعت لساني للرشيد وقت قال عني اني ما منتمي و عدمي .... لكن يا الرشيد اوريك الإنتماء الجد جد أنا إنتميت للموتي .... و بدل عصرية الجمعة مرات بتكون في عصريات فوق العادة نص الأسبوع بمشيها ..... بس مس كول من أحد الحوار صاحبي و وقت أرجع ليه يقول (الشيخ الليله ذكر تعال).... يا خي أخوك بقي يحته حت و خاصة ما تنسي انا جاي من أصول بتاع تم تم و أم صلبونج ..... يا خي حمد النيل دي مدرسة تانية .... لو الله ادانا طولة العمر و الشقا بكتب عنها (الليل دليل .... نزور الشيخ حمد النيل) |
اقتباس:
تعرف يمكن الحتة الوحيدة في السودان الشقيق ده الأنا بشعر فيها بإن في أمن وطمأنينه وأمان ،،، هي المقابر ،، وخصوصاً لما يكون في ذكر ونوبة تئن وترن وتضرب جووووه جوه الزول ياخ في مقابر الشيخ حمد النيل حقيقي دي الحتة الما بشعر فيها بي خوف من الدنيا ،،، وبحس وأنا هناك بإني في أمان ،،، نتلاقي الجمعة الجاية دي هناك يا حافظ بمشيئة الله ،،، خلي تلفونك فاتح بس |
اقتباس:
سلام في ازمنة الحروب العبثية في الراهن ما عندي ليك كلام غير كلام السايب الجبته دا تشكر |
اقتباس:
لها بقايا كثيرة لكنها لا تحكى و لا تسرد ... فمادامت صيرورتها قد تُكلت على "سونقالي" فقد وجب أن تسرح أفئدتنا وخيالاتنا في وجودية مايمكن أن يحدث !! وللتائهات في عدمية الوجود تحيتي ومدخلي هذا النص ألوح به عليهن ... وأبكي سراً ياصديق فلك العاطفة والقلم وألم الوجود ... |
اقتباس:
وبقيت من اتباع سارتر وسيمون دى بوفوار !looool |
اقتباس:
يابروتس أوعى ديل برضو دايرين يحرروا الموقع؟؟ عشان نطالب الادارة تعمل لينا مشرف تحرير .... |
اقتباس:
اقتباس:
|
اقتباس:
|
اقتباس:
تلك الاعوام الحزينة 2003 - 2004 كانت تسند الينا توزيع الاغاثة الي الاهالي دموعهم تفيض من المظهر اكثر ما أحزنني ياحافظ من كل الاصناف التي نوزعها للمعونة الامريكية يوجد صنف واحد من السودان وقامت بشرائه المنظمة . لم يتبرع السودانيين لنجدة أهالي دارفور لان الجلاد اقنعهم انه لا توجد مشكة وصدقوا المقولة _ تخدرنا من الالم فلم يعد يهمنا مواقف شخصية قرية سنقدة تم حرقها مرتين وهي مسقط الوالد ذبح ابن عمي الذي يعمل بالشرطة ذبحا قتلت زوجته وابنها مربوط علي ظهرها لن اواصل السرد لان القائمة تطول ولا يوجد من لم انكوي بلعنة الحرب في دارفور |
ل
اقتباس:
الاخ حافظ ود اسماعيل ان شاء الله البركة فيكم ياريت تنفرد ببوست وتكتب عن تلك الهموم لكن انا بحمل عليك في الكلام ده السودانيييييييييين ديل اهلك واتبرعو كتير بس مامنانيين ياسيدي والله متعاطفيين جدا مع القضية لكن القاصمني المنح الوصلت لدافور من المانحيييييين ماشوية حسب مانقرا لو وصلتهم لاغتنو جمعيهم لكن اسالو كباركم شنو سوا بيها والصرف البذخي اللكان واللسه مازال في الدوحة كان نهض بالسودان كلو ياخ مؤلم جدا هذا |
اقتباس:
كتير الوجع واصل السرد و أكتب و ال 300 الف أو ال 10 الف ديل ما ارقام بس إنما بشر يأكلون الطعام يمشون في الأسواق يتزاوجون و يتوالدون تصدق؟ ال 300 الف ديل أو ال 10 الف ليست فقط مجرد ارقام بشر ربما بشرتهم سوداء لكن دمائهم حمراء أيضاً تصدق؟ شكراً أهل الصليب شكراً أهل العم سام و لولاكم لما بقي أحد هناك |
اقتباس:
انا قلت في الزمن السابق في الاعوام كانت الحكومة بتقول انو مافي مشكلة في دارفور لسة مؤتمر المانحين لم يقم حتي تصل الاموال لدارفور والحكومة لم تلتزم بدفع مستخاقتها حتي الان بعدين كل الاموال بتدخل السودان عن طريق بنك السودان المركزي وتصرف عن طريق وزارة المالية وتوجه الاموال لغير الغرض الذي وصلت من أجله وثيقة الدوحة رغم أني متحفظ عليهذي الكثيرين وما بضيف حتجة ذيها وذي ابواجا لانو اصلا مافي حل جزئي لمشكلة واحدة والوثيقة بتنص انو يكون في بنك لدارفور وماحصل السلطة الاقليمية اعلي سلطة في دارفور يرفض ولاة المؤتمر الموطني السماع لتوجيهاتها مثل ( يوسف كبر ) الذي قام بضرب قوات التجاني سيسي في مدينة الفاشر وقال انها حركات متمردة ساهل أنو الزول يوقع اتفاق لكن من الصعب الالتزام اسالو كباركم الاحزاب دي في الشمال هنا بتشقق وتنشطر وتتوالد كالناموس لما الكلام دا يحصل في دارفور وتنقسم الحركات الناس تقول ليك اتوحدوا اولا طيب اتوحدوا انتو وحلو لينا مشكلتنا لكن كبارنا مابقدرو يصلو الضرع كافهم القرون بس كان الناس تحاسب علي الحاج عشان نتأكد قروش سكر دارفور ما مشت لصالح الكنغو نخن ماقسينا لكن برضو في من أهل السودن من يدرك الصاح ولكن ايضا مقصوص الجناح حافظ حسين آسف لفتللة |
اقتباس:
الى معسكرات الموليح غرب ام درمان بحثاُ عن مؤى ولقمة عيش وامن .. فى 2003 لجأ الناس الى معسكرات اللاجئين فى تشاد بحثاُ عن الأمن ولم تعد لقمة العيش والمؤى هى الهدف.... |
اقتباس:
كلامك صح اتبرعوا لكن كتير دي شوية نخت تحتها ختين و بتفق معك أن كتير جداً من الأهل ما قصروا و في حدود أمكانيتهم لكن صدقني ما كتير .... ما كتير وقت القي قدام معظم السوبر ماركت, المولات و كتير من الاماكن صندوق دعم أطفال غزة, صندوق دعم مسلمي بورما و الخ من الضحايا .... و ناسين الضحية ال في بيت.... ائمة الجوامع يبكوا و ينخجوا علي اطفال سوريا و مسلمي بورما ما فتح ليهم الله بكلمة لضحايا دارفور ...... المهم الكلام كتير هنا لكن بنجي برواقة ...... و بتفق معاك 100% ان اللقافة كتار و من الجانبيين و منظمات المجتمع المدني المحلية و ما ادراك ما المجتمع المدني و ديل ليهم يوم..... -------------------- كسرة: في فبراير 2013 الفينا دا الحرب في دارفور بتكون وصلت 10 سنة و عقد كامل من الحريق |
اقتباس:
|
اقتباس:
ماقلنا الناس جيعنا بنتكلم وعن القتل والتشريد وحرق للمزارع التي تكفي الناس شر الاغاثة ومد اليد شوف السبب كان شنو في دا المجاعة من الله سبحان وتعالي بعدين من القال انو ناس دارفور ما جو الخرطوم عشان انت ساكن كافوري الناس وصلت هنا للمدارس في حي النصر في مايو والحكومة جات فرقتهم بتتذكر الاحداث ودا كلو عشان يقولو مافي مشكلة يعني لو مش قعدوا في مدارس الرياض وكافوري كان رصصوهم - لكن جو لاهلم في الحاج يوسف ودار السلام ومايو بعدين مافي زول بحتمي من الجلاد في بيتو انت سبب المشكلة وأجيك دا منطق دا ثم والذي أطعمنا من جوع وآمننا من خوف ما بنزل الاثنين سواء رحمة منه لكن في شوفنا الاثنين سوا |
اقتباس:
عارف الحوع مقدور عليهو |
| الساعة الآن 06:10 PM. |
Powered by vBulletin® Version 3.8.8 Beta 2
Copyright ©2000 - 2026, vBulletin Solutions, Inc.