ماكول...مشروب ...مشموم
هنالك بعض الاشياء تحتار فى التجارب التى وصلت اليها و الغريب انها لم تتطور بعد منذ ان عرفناها
الماكول = الويكاب كيف اجرت بنات حواء هذه التجارب على صناعة هذا الإدام طبعا هنالك الكثير من اعضاء المنتدى قد لا يعرفونه و من حقهم ان يقولوا لا نحكم على غائب المشروب =الحلو مر هذا المشروب الرمضانى الذى لا تستلذ به الا فى رمضان تركيبته عجيبه و سمعت تفسير لهذا المشرو من احد الشاطحين فقال هو اسلمة المريسة المشموم=الخمرة هذا العطر النفاذ ذو التركيبة العجيبة و اعجب ما فيهو ادخال الضفرة و هى مخلفات الاسماك لا ينافسها فى الرائحة الا الكجيك نمى الى علمى ان لجن سيدنا سليمان يد فى ذلك |
فى بوست الكرسى الساخر ..
يسال معتصم الطاهر ...اخونا فيصل لماذا لم يسوق نفسه كمترجم .. ويسالنا كلنا ماسر فشلنا فى تسويق مالدينا من اشياء جميله . والله الثلاث التى ذكرتها ..بقليل من العزيمه هى ابواب لملايين الدولارات .. الماكول ... تخيل ... ويكه جاهزه معلبه ..زى منتجات قها المصريه كده ..تخيل سوقها فى الخليج ووفى كل بلاد الغرب ..الم تسمع عياط اخونا رافت ميلاد فى منتدانا هذا طالبا الويكه وهو المقيم فى اوربا ..وده مثال واحد المشروب ...الحلومر ..تعرف لدينا صديق كل عام قبل رمضان بشهرين يبدا فى تجميع النساء لعواسه الحلومر وان كنت اعتقد ان الابرى الابيض هو المفترض ان نفخر به كاجمل اختراع للصايم فهو يروى ويشبع كالبطيخ .. دكتور عبد القادر مواصفات ..له تجربه رهيبه لتحويل الحلو مر الى باودر فى اكياس شئ اشبه بالتانج .. تكب تسوط تشرب .. الخمر ... ويا لوجعى من الخمره ...ثانى اغنى امراءه فى العالم تنتج ادوات التجميل ...واتحدى كل العالم العربى والاسلام والافريقى ان كان هناك امراءه تصنع ادوات تجميلها لغرفه النوم غير المراءه النوبيه ...وهى التى علمت كل نمساء السودان الخمره والدلكه ...اه ثم الف اه ... والله طبيبه مصريه استجدتنى بعض الخمره ..واالله امراءه اسبانيه واخرى انجليزيه ..اعجبهم الامر الى حد الدهشه .. ومع ذلك ومع ذلك ومع ذلك اوكما قال الشاعر ... |
اقتباس:
تقوم النساء بحرق القصب اليابس (ناشف) و يجمع الهبود و يوضع فى اناء ويرش بالماء حتى يصبح فى شكل عجين و من بعد يترك فى شكل كرات حتى ينشف و يوضع فى اناء مخروم و تصب عليه الماء مرة اخرى و تبداء عملية التقطير التى ينتج منها غلوى يصب على اللبن و يلايق بالويكة و يصبح ملاح |
اقتباس:
أضف إلى هذا الثلاثي الكركار. مالو الكركار؟ّ!! أجمل شي للشعر، كانت أمهاتنا وحبوباتنا عليهن رحمة الله يتمسحنه. سألت ابنتي يوماً هل تعرفين الكركار؟ قالت الكركار دا شنو؟ شرحت لها فقالت دا ما بيكون عفن ما دام من دهون الحيوانات. فقلت لها أبداً يضيعون رائحته بالقرنفل. الأن بعض الصيادلة الذين يعملون تركيبات الشعر يستعملون الودك في تركيباتهم فهل كانت حبوباتنا أسبق؟؟ |
أبو دعد
سلام الثلاثي المرح دا ، هم نتاج ما هو موجود في البيئة السودانية ، وهذه شهادة علنية لقدرة المرأة السودانية على الابداع والعمل الخلاق ، فالمرأة في الشمال والشرق والغرب والجنوب والوسط استطاعت ان تجعل من موارد المنطقة القليلة مصدرا لصناعة أشهى انواع الطعام حتى اصبح مذاقه شهيا لا يمكن استبداله بأي منتج عالمي في الشمال القنح والذرة والغرب الدخن والشرق والوسط كسرة الذرة والجنوب مشروب المريسة من الذرة ، ففى اي مدينة عالمية زرتها من لندن الى روما الى ولايات امريكا المختلفة لم اجد سودانيا لا يبحث عن الويكة والتركينج والكول والويكاب والحلومر والقراصة واللالوب الكركدي والقنقليس ,,الخ . أما الخمرة والدلكة والكركار فأهميته للمرأة فحدث ولا حرج يضاهي أهمية الصاعوط لمتعاطيه السوداني الذي يبحث عنه في شوبر بوش بقاع مدينة لندن |
سلام يا أبا دعد وجمعتك مباركة.
برضك لا تنسى فضل (الملموس) المتعوب عليهو، وما أدراك ما الدِلكة وطريقة تحضيرها المعقّدة. |
ابودعد
شكراً على التنبيه لعظمة منتجاتنا المحلية وعبقرية المرأة السودانية اقتباس:
وبرضو "دهن الصندل" اللي اعتقد يقرب لبعض الزيوت السودانية الصنع لكن الدلكة دي ما اظن زول انتبه ليها ولا المأكول سابق الذكر ياجماعة الخير اعلاه يعتبر مشروعات مستدامة وسريعة الربحية ماتفكوها ساكت في الهواء الطلق دا:D العمولة العمولة ياناس اقول قولي هذا واستغفر الله لي................ |
في زول بعرف الكلوكاب !!
اعتقد ان نساء غرب السودان هن الامهر في هذه الابتكارات وتتأثير المناخ والبيئة واضح اهن البخور ماتنسوه :D |
اقتباس:
عادي علي فكرة يا عكود انا ممكن اتداخل في مثل هكذا بوستات :D لكن طبعاً الاسعد لا لا يجوز :D . . تحياتي يا شيخي هوسين ... لسة في حاجات كتير غير التلاتة ديل دايرات شرح اها وخبر ام جنقر شنو |
اقتباس:
و علمت ان الودك المستعمل عند الحبوبات هو ودك الحمير |
اقتباس:
الجنوباشتهر = بالبفرة الشرق اشتهر =المخبازة الغرب اشتهر = عجينة زرقا و خميس طويرة الوسط اشتهر = الكورتية و المطالة |
[QUOTE=زول الله;525356]ابودعد
شكراً على التنبيه لعظمة منتجاتنا المحلية وعبقرية المرأة السودانية اعتقد ان جهة ما قامت بتعبئة الخُمرة السودانية في عبوات "بخاخ" وبرضو "دهن الصندل" اللي اعتقد يقرب لبعض الزيوت السودانية الصنع لكن الدلكة دي ما اظن زول انتبه ليها ولا المأكول سابق الذكر ياجماعة الخير اعلاه يعتبر مشروعات مستدامة وسريعة الربحية ماتفكوها ساكت في الهواء الطلق دا:D العمولة العمولة ياناس اقول قولي هذا واستغفر الله لي................ [/QUOTE تحياتى وانت الاجدر و الاقدر لذكر الاغانى التى صاحبت هذه المنتجات |
اقتباس:
|
اقتباس:
نعم هن كذلك لهن من المهارات ما يفوق الكلوكاب دا شنو ؟ |
اقتباس:
هو ام جنقر براها= القدوقدو= البوقنية = القام ذوت |
اقتباس:
|
اقتباس:
|
و ما تنسوا الدخان و هسي عملوا ليه حاجة اسمها الرحالة* لساكنات الشقق
خلاص الواحد قام يعطس --------------- * و الله انا الرحالة دي عرفتها قبل شهر واحد و من مهند الحي الدنيا دا .... أها ساكن لي في حتة أصلاً ما ممكن تتحفر فيها حفرة و كل يوم اجي القي الدنيا معبقة بالريحة و انا الليل كله أعطس .... سألت مهند قائلاً: أنا أشكو عبق الدخان في داري و لا حفرة بالجوار ..... فقال لي انها الرحالة و قاتل الله النقالة دي يا خي |
اقتباس:
آآآ ولا إنت ما لسه. صباحك خيرات يا حافظ. |
اقتباس:
|
| الساعة الآن 02:03 PM. |
Powered by vBulletin® Version 3.8.8 Beta 2
Copyright ©2000 - 2026, vBulletin Solutions, Inc.