نقد مسابقة خالد الحاج للقصة القصيرة 2013 -2014
سلامات يا شباب / شابات
بداية نرحب بكل الأقلام الجديده إللي إنضمت لينا وإللي نتنمنى ليها كل الأمنيات الطيبة بطيب الإقامة ، ونشكر كل زول شارك في إنجاح المسابقة سواء كان ساهم برأيو ، أو بنصو القصصي. أما بعد : البوست ده لتلقي كل الأراء النقدية ( السالبه ) إللي صاحبت مشروع المسابقة.. أي نعم في عضوية جديده سجلت في سودانيات ولينا عظيم الشرف بإنو نتعرف عليهم ، وأي نعم خامة المواد المكتوبة كانت طازجة ، خلافاً عن المسابقة بتاعة 2009.. لكن نحن بيهمنا الرأي النقدي السالب ، عشان نثبت إرث هنا في نوافذ.. إنو نعير العضوية كل الإهتمام في آراؤها ، ونحاول نعالج العثرات إللي صاحبت مسيرتنا ، عشان لاحقا مشيتنا تتصلح. باخد على التجربة دي الآتي : 1/ البطء في المساهمة في تنزيل النصوص : هل السبب كان في إنو المسألة دي ما إتعممت إعلامياً بالشكل الكافي ؟ ما إعتقد.. لأنو كان في بوست مثبت عباره عن تنويه لإنطلاق المسابقة ، خلافاً للبوست النزلتو في صدر منتدى الحوار ووضحت فيهو خطة العمل بتاعتي بالمسا والمتعلقة بالمسابقة .. هل فكرة إنو الواحد ينزل بوست جديد ما راقت ليكم ؟ إذا ما راقت ليكم بتقبيكم رايكم.. لكن أنا دايما مع الجديد.. ضد إنتاج القديم.. ومن هسي شيلو شيلتكم :D .. أي مسابقة جديدة فكرتها الرئيسية إنتاج نص جديد 2/ صعوبة تحديد سقف زمني : نسبة لإنو كنت متوقف على إنو تتشكل لجنة فنية - ولحدي ما إتشكلت أخدت زمن ما ساهل - + كنت بشفق على الأخوان في اللجنة الفنية إنو تكتر ن عليهم النصوص.. وأنا مقدر وبثمن إنو إقتطعو زمن من وكتهم عشان يفرتقوا النصوص.. فعشان كده كان الإعلان الأول لفترة المساقة ضيق ، بعد داك قمت بتمديدو.. فالربكه في تحديد السقف الزمني قد توصل إحساس ما جادًي للمتسابق ، والقارئ.. عموما ً إعتقد فترة 45 يوم كافية لتحديد لجان فنية ولقفل اي مسابقة لاحقاُ. 3/ تعديل شروط المسابقة أثناء إستلام النصوص : ده خطأ جسيم .. 3/1نموذج : قمت بتعديل الشرط البيتعلق بعدد الكلمات وإستثنيت منو نص كان نزل قبل التعديل.. بعتقد لو كان في رفرنس.. كان قدرت إتلافى الأخطاء دي.. ومشكورا العمده والزول قاموا بإنشاء فلودرز حول المسابقات 2009 ، 2013 3/2 في شرط المسابقة ما إضمنت اللغة .. هل ممكن تتم المشاركة باللغة الإنجليزية ؟ 3/3 في شرط المسابقة : ما كان في حوجة لكلمة ( سودانيين ) لأنو هنا في عضوية ما سودانية. 4/ فكرة الترميز إللي أشارت ليها العزيزة مي جديره بالعمل عليها في مسابقات تانية.. وتعني بالترميز.. إنو يتم إرسال كل المشاركات لمشرف منتدى نوافذ ، وإللي مفروض يقوم بترميز النصوص وإرسالها للأخوان في اللجنة الفنية.. لأنو إسم الكاتب قد يكون ليهو وزنو أكتر من النص الكاتبو.. وهنا ما بتشكك في نزاهة الأخوان الفي اللجنة الفنية ولا في ذائقتم الأدبية.. لكن فقط لمزيد من الشفافية. 5/ النقطة الخامسة دي تهمني جدا وياريت لو سمعت منكم فيها : شابت تجربة إفطار طالب بعض القصور إتمثلت في عدم تمليك العضوية حركة الوارد والمنصرف ، الحاجه الثبطت من همتنا.. عمدت من فكرة إنشاء بوست المسابقة ده بالإضافة لإثراء العمل الثقافي ، إنو نحرك بوست إفطار طالب.. بإنو نخت جوائز ، يمشي نصها لمشروع إفطار طالب.. ولحدي هسي البوست ده في بداياتو.. بالرغم من إنو بوست المسابقة إتقفل.. ممكن أعرف لو سمحتو : ليه البوست بتاع إفطار طالب ، والبوستات الإتناسلت منو كان ملان بالمبادرين وأغاني العميري بتاعة ( لو أعيش زول ليهو قيمة ) ووو.. وهنا إختفت المسألة دي.. علما بإنو أي تحويلة تجيني حأقوم بعمل scan ليها وحأنزلها هنا -بعد مسح الإسم وإخطار المرسل -.. بعدين ما مشروع إفطار طالب وبس ، بل قبليها برضو كان مشروع النفاج.. إللي كان ملان بالخطب الحماسية والأغاني وو.. الفكرة شنو ؟ ظهور إجتماعي على حساب إنك تقوم بأبسط واجباتك - إن وجدت لذلك سبيلا - وللا الفلس حاصل وللا شنو ؟ أنا القصة دي مزعجاني والله ، وسبق إني ذكرت تاني ما حأفتح بوست بتاع عمل خيري ، وإتراجعت عن الفكرة دي .. هسي رجاء أي زول عايز يشارك ، يقوم بعمل اللازم ، ويبتعد عن الأغاني الثورية. تحياتي. |
سلام وتحية..
جميل جداً أن تُترك البراحات للتقييم أولاً بأول. بالتجويد دافع, وإحترام العمل والمعتنين به, سبيل.. وفي ذلك فليتنافس المتنافسون, ولهم عظيم التقدير. في الأول: انتو ليه مصرين على التعاطي مع المسابقة بإسم مبتور؟ هي مسابقة خالد الحاج للقصة القصيرة.. (كما تفضلتم وإعتمدتموها) خلونا نعيد الإسم ونكرر حتى ترسخ في ذهن كل من يعبر بها, او بالبيت الذي يتعهّدها بالإنماء والإزهار. النقاط الخمس المذكورة كلها أوافقك عليها, تُحسب على المسابقة, ولها.. إذ ان الوقوف عليها والتعامل معها يجوّد في التجربة عاماً بعد آخر, ويرتقي بها الى مصاف الجوائز الأمينة والمثالية في جودتها. فقط أركّز على النقطة الثالثة بفروعها الثلاث: رغم أني لم تحدثني نفسي بالمشاركة, إلا أن خطأ تعديل شروط مسابقة بعد الشروع في تلقي نصوصها, كان كافياً ليصرفني عنها بلا شك.. وهو خطأ يطعن في منهجية إدارة المسابقة, متسرعين في طرحها للعلن قبل جاهزية قوالبها.. ورغم إفتراعكم لبوست مسبق منذ تاريخ 13 يناير, ليناقش المسابقة البادئة في 4 فبراير, إلا ان النقاش ظل مستمراً والتعديلات تترى, وهذا خصم الكثير. وظهر بوضوح ان بعض النقاط لم يكن لها مكان بالخارطة الا بعد تساؤلات الإخوة الأعضاء. (مشاركة غير السودانيين, ولغة النص). عموماً أظنها النقطة التي بالفعل سرّبت احساس (عدم الجدية) أكثر من (جهجهة) تحديد السقف الزمني للمسابقة. كان الأفضل في رأيي الخاص لو يتم إعتماد المسابقة بشروطها المعلنة, على ان يتم تعديل ما يلزم منها في الدورة الجديدة بإذن الله, وبذلك لا يغشاها غباش, ولا تزيغ عنها قلوب. نقطة إضافية: ويثيرها عدم تمكن الأخ (محمد عبد الرحمن) من إدراج نصه في بوست النصوص, إذ تبين حضوره متأخراً بعد إنتهاء فترة إستلام النصوص. الأخ محمد أدرج نصه في منتدى الحوار في الساعة 11:37 من يوم 31 مارس, بتوقيت الخرطوم. بعدما تعذر عليه إدراجه في البوست المخصص لإغلاقه. فبأي توقيت تم إعتماد نهاية يوم المنتدى؟.. هذه نقطة مهمة جداً, وتُحسب أيضاً على المسابقة. _____ بخصوص النقطة الخامسة, وبعد (ياريت) هذه:) لابد من قول.. اقتباس:
يا شليل القصة دي ليها كذا جانب لا يمكن تغفل واحد منهم.. *هناك من تعجبهم الأفكار, يثمنونها غالياً ويعظّمونها, يبذلون لها عوامل تشجيعها لتنمو (أقصد الصادقين منهم).. سيتركون لك لحناً يناسب الأجواء ويذكّر بالقيمة العالية التي فيه, لا غير. هكذا هو إحتفاؤهم بالخير الذي فينا. *وهناك من هم ضيقة ذات يدهم, وواسعة أمانيهم وقدرتهم على الدفع الجميل (دي ترجمة الفلس حاصل بالمناسبة:p).. سيأتونك بقلبٍ أبيض وسليم وربما لحنٍ بالكفِ وكلمة. *وهناك من يعملون بصمت.. وإن أُضطروا فبهمسٍ خافت.. ولو وجدوا سبيلاً لكيلا يراهم الرب في عليائه, لفعلوا.. يقرأون لك ومعك, ويتركون لك الأمنيات الطيبات, وينطلقون الى سوح عطائهم لا يأبهون. *وهناك من يعالجون تشوهاتهم الذاتية بعمليات تجميل رخيصة, سيشحنون الجو عليك صريخاً وهتاف, وأحياناً يتقدمون حتى لا تكاد تدرك من المُنادِي ومن المُنادَى وما المُنادَى اليه.. حتى ليجاذبونك الماعون, فتذهب عنهم مؤمناً آمناً.. ثم لا طحن ولا طحين.. وهؤلاء كُثر, وسيتناسلون أبداً ما وجدوا متسعاً لظهور وتلميع. شفت كيف؟ رأيي الواضح والصريح يا شليل, ان الأعمال الخيرية في الأسافير واجهة لظهور اجتماعي و(تسميح شكل), إلا من رحم ربي, وطهرت نفسه. فلهم التقدير أجمله وأبهاه, على ما يبذلونه ليبقى فينا (الانسان). _____ ربما يجب التفكير في آليات أخرى, وجهات داعمة وراعية لمسابقة خالد الحاج للقصة القصيرة.. هذا يستدعي بالضرورة تجويد التجربة ورتق الفتوق, للتقدم بها مبرأة من كل نقص وشائبة. ____ شكراً شليل.. الجهد الذي بذلته ولازلت, يُفرحني بحق, وأقدّره فيك بأكثر مما تتخيّل, وتستحق. عملٌ جميل جميل, أعانك الله عليه, والإخوة الأعزاء رفقتك. (بدون أغنية:D) |
صباح الخير يا وهاد ،
شاكر ليك تفضلك بتوضيح مآخذك على التجربة.. بداية الرحمة والمغفرة للخال .. وتم عمل اللازم بخصوص العنوان. متفق معاك في كل نقطة ذكرتيها في مداخلتك ، وما حألجأ للتبرير لكن للتوضيح : * الشروط بتاعة مسابقة القصة القصيرة شاركت فيها عضوية سودانيات بالرأي والرأي الآخر على مدار كم سنة ، من مسابقة القصة القصيرة بتاعة 2009 لحدي هسي ، وكل فترة الواحد بيكتشف إنو في نقاط يفترض تضمًن/ تحذف ، كان الأحرى إنو ندي فترة الشروط زمن أطول قبل ما تبتدي المسابقة. * كان في خطأ تقني قمت بإرتكابو ، ضغطت على ( قفل البوست ) عن طريق الخطأ ، إلا إنو في بعض الأخوان/ات نبهوني ، فقمت بإعادة فتحو مره تاني. فلمحمد عبد الرحمن ولكل الناس اللي كان عندهم الرغبة في المشاركة كل العتبى. * بتفهم كل الخيارات بتاعة عزوف الناس عن المشاركة في جوائز المسابقة ، لكن أنا وضعت علامات إستفهام في مقارنتي بين التجارب الفاتت وبين التجربة دي.. عموما .. الله كريم:D شكراً ليك يا وهاد على نقدك الكارب ، ومرحب بيك وبكل الآراء النقدية أبقي طيبة. |
+ السيستم كان بيسمح بتعديل النصوص أثناء سير المسابقة ..
السؤال هل في إمكانية إنو تكون في فترة سماح لتعديل النصوص لفترة ( اسبوعين مثلا) بعديها تتقفل الخاصية دي |
اقتباس:
يفترض في المسابقات ان علاقة المتسابق بنصه تنتهي بتسليمه إياه للجهة المختصة. كما عندما ترسل مشاركتك بالبريد, لن يمكنك بالطبع إجراء أي تعديل عليها. وهذا في ذاته يحقق التمايز بين المتسابقين من ناحية الإعتناء بالنص المشارك قبل عرضه. في نقاطك السابقة أشرت للترميز الذي كان مقترحاً إتباعه لعرض النصوص بدون الأسماء المنتسبة اليها, وذلك يعني ان المشارك متى ما أرسل نصّه للمشرف فلن يمكنه إجراء أي تعديل عليه, لأن المشرف هو من سيعرضه بدلاً عن صاحبه. ولا انتو ناوين السنة الجاية برضو تقبلوا النصوص من الأعضاء بالطريقة المباشرة التمت بيها هسي؟ |
اقتباس:
مرحب يا شليل تعديلك كطرف يفترض حياده في القصة المشاركة بيها لنا جعفر كان غريب وما عنده مبرر وبيخلي دخول النص للمنافسة مجحف في حق البقية يا ريت تسحب النص من المنافسة أو توضح انت عدلت شنو .. وليه ـ |
سلام استاذنا شليل
انا عندي اقتراح بعرض اراء اللجنة ونقدها لكل قصة على حدة حتى تعم الفائدة والشفافية ولا اظن ان هناك من حرج ولكم تقديري |
اقتباس:
كلامك سليم مستقبلاً.. مداخلتي سقطت منها كلمة (كان ) وتتقري كالآتي : اقتباس:
عموما ً لاحقاً مع إضافة ( الترميز ) مافي حاجه بتربطنا بالسيستم. تحياتي. |
اقتباس:
ما عارف إذا كنت إطلعت على نص لنا وللا لأ.. عموماً إعتقد في مشاهدين إنتبهو لأنو لنا ختت بياناتها الشخصية (تلفون ،إيميل ، إلخ ) في صدر النص.. نبهتها لإنو مافي داعي تختي بياناتك في صدر القصة ، وكلفتني بإنو أشيل بياناتها برًه النص ، وأنجزت التكليف. هذا ما لزم توضيحه |
اقتباس:
إقتراحك ع العين والراس .. وحنفرد بوست مختلف لتشريح الأعمال إللي شاركت في المسابقة.. هسي بيهمني إنو نسمع منكم أوجه القصور إللي صاحبت مسابقة خالد الحاج للقصة القصيرة. تحياتي . --- Ps مافي حوجة لمناداتي بالأستاذ. |
شغل مقدر ياأستاذ شليل:p
طبعت الأعمال, وبقرا كل يوم فيها شوية.ز واقف حاليآ فى العمل بتاع مى هاشم (كقطرة ماء تمامآ ) أعمال جميلة, وتستحق النقد كل منها على حدة.. كل مانلقى فرقة نجى نهبش لينا فيها عمل.. مداخلتك الأولى العملت فيها نقد ذاتى, دى مداخلة مهيبة, وفيها كمية من الحاجات الحقيقة بالتأمل والتعلم.. ________ انت ياأستاذ شليل مابتتصل مالك |
اقتباس:
نعم الأعمال الإتقدمت في المسابقة أعمال جيده ومختلفة عن سابقاتها.. بس إنتو كربوا لينا أدواتكم النقدية ، وساعدونا بآراؤكم بعد الإعلان عن نتائج المسابقة.. إللي حنعلن عنها في وكت قريب بس منتظرين تقييم أخوين من اللجنة الفنية ---- بتصل فيك إن شاء الله يا أستاذ الجيلي |
اقتباس:
اقتباس:
ياحبيب سوري ع المعاناة السببتها ليك دي بس السيستم يبدو لي بيحفظ ليك حقك عايزة اشير يافاتح لي حتات بعينها اللي هي انك ما اشرت لمواعيد الأعلان عن نتيجة المسابقة وسبق في البوست المعني اني اتكلمت عن لغة النصوص المتسابقة وعن التعديل... رأيي الشخصي في التعديل انه مابيجوز نهائياً وبتنقطع علاقة المتسابق مع نصه بمجرد تقديمه...لأنه يفترض الأخطاء النحوية والأملائية برضها داخلة في الحيز بتاع النقاط...حسب البيحصل حولنا التجربة قيد التشكل ياشلو....وجهدك واضح وفكرة البوست شجاعة جدا وعاجباني متابعتك ليها ووضوحك وكل الكلام يفترض يكوم صابي في حتة تقوية التجربة ورفدها بي افكار وده براهو بيشكل مرجعية حفرتها انت بدأبك وعملك وحث الناس ع التواصل مع التجربة... وافر محبتي واحترامي ياشلو....وربنا يخليك لينا |
سلام السيد المشرف ..
المسابقة هذه المرة تطورت شروطها و سستقدم فى المرة القادمة التي أرجو أن تكون بعد ستة أشهر ( مثلا) .. أرجو فتح بوست أو انعاش بوست ( إفطار طالب ) بعيد عن هذا البوست لفائدة كلاهما. ما نحتاجه 1- أن ترسل الأعمال المرة القادمة للمشرف ثم بعد إنتهاء المسابقة يقوم المشارك بانزال عمله دون تعديل ( السبب أن التحرير جزء من المسابقة). فلا يمكن أن يقوم به المشرف و لا يمكن انزال العمل بفهم و ذوق المشرف. أو يعطى المشارك فرصة تعديل بعد انوال العمل لأن هناك ملاحظات بعد النشر و هي جزء من عملية التحرير. ( EDITTING ) 2- لابد من وجود ايميل للمشرف - مشرف نوافذ - و اكتمال كافة متطلبات و شروط العضوية حتى يتم ارسال المشاركات.( لم استطع مخاطبة المشرف عن طريق الايميل) |
الاخت لنا
و السيد المشرف سؤال العضو ماجد تاج جزء من الشفافية و مطلوب السؤال و يجب الاجابة فلا يجب أن نتحسس . |
اقتباس:
مساء النور يا حبيبه.. ثقي تماماً إنو مافي أي إزعاج إتسبب لي .. بس الغلظة الفي سؤال ماجد بتاعة سحب البوست ما عندها مبرر بالنسبة لي.. سؤالو مشروع حول التعديل.. لكن كان يمكن تلافي اللغط ده لو بينت سبب التعديل في البوست.. أنا البأسف على الإزعاج الإتسبب ليك. بالنسبة للإعلان حول نتائج المسابقة ، فأنا إستلمت تغطية نقدية لكل المسابقات من زميلين في اللجنة الفنية من مجموع 4 زملاء ، ووعدو بإرسالها على وجه السرعه.. بمجرد ما إستلم التقييم حأفرد بوست هنا في الحوار ، ويسعدنا الإستماع لقرايتكم النقدية جنبا إلى جنب مع قراية الأخوان الفي اللجنة. بالنسبة للغة ، حيشار ليها في الشروط القادمة أما التعديل : فخاصية إرسال النصوص تغنينا عن جلكسات السيستم. التجربة نجيضة برؤاكم النقدية ، وأخوك عباره عن ملخًص ليس إلا.. أبقي طيبة. |
اقتباس:
التقدم الحصل في شروط المسابقة كان نتاج لجهد المتداخلين في البوست المعني.. وليهم التحية.. نعم ما إنتبهنا لنقاط حول الشروط.. وأهو هسي بنصلح في عتراتنا ، ونخت التيراب للمسابقات الجايات اللي حتكون مباشرة بعد الإعلان عن نتائج مسابقة القصة القصيرة (مافي نفس بين مسابقة والتانيه.. أخوك دايس أبنص صاح ) بخصوص إفطار طالب.. بكل أسف إتناسلت بوستات كتيره منو ، ولحدي هسي ما عرفنا حركة الصادر والمنصرف.. أعد بمجرد ما تنتهي القصة دي.. نلملم أطراف البوستات ديك ، ونمسك طرف خيتها للعزيز أشرف السر ، وهو بدورو يشوف المناسب.. علما بإنو حركة صادر ووراد حتملك للعضوية قبل ما يجف حبر ( التحويله ). * الآلية بتاعة إستلام النصوص مستقبلا هي عبر إرسال النص ل(ايميل )لمشرف الفني ، اللي حيقوم بدورو بترميز النصوص ، وإرسالها للإخوان في اللجنة الفنية. شاكر ليك مشاركتك ، بالتحديد فكرة إنشاء بريد إلكتروني يخض المشرف. أبقى طيب. |
اقتباس:
شكراً شليل على التوضيح وما في غلظة لنا جعفر فهمت السبب وضحكت زي ما شايف لأنو دا كان رايها فيما سبق عن التعديل واستثنائي ـ اللين ـ ختيتوا ليك في آخر الكلام ـ توضيح سبب التعديل مع أنو حتة كلفتني دي ما عجبتني يا أب شنب مالا ما تعدل براها .. كانت مجبسة ؟ ـ |
ـ
وبالمناسبة سؤال بسيط : مشاركة محمد عبد الرحمن تم اعتمادها واللا لا ؟ لأنو حسب كلامك الخطأ في إغلاق البوست كان منك ما أظن ـ ونحن في إطار مسابقة ثقافية تجربتها ما زالت طرية ـ يكون في مانع من اعتماد مشاركته منها إثراء المسابقة بنص جيد ، ومنها معاملة مشاركته بعدالة مجرد رأي ... ـ |
اقتباس:
الإشارة بتاعة أبشنب دي مرفوضة عندي تماماً.. لا وجود ( لشنب ) في سايبر تتبادل فيهو الآراء.. + لا وجود ( لشنب ) في حياتي الواقعية بمارس فيهو إستعلاء على ال (هي / حواء ).. أي راي لمن لا يحملون ال (شنب ) يجد مني كل القبول والإحترام.. توظيف (شنبي ) يكون في هكذا ملمات.. في أي محاولة بتاعة إقصاء بتاعة حواء.. ** لازلت عند رأيي في أنك كنت غليظ في تساؤلك ( المشروع ).. طالما إنت طالب معرفه ، ما كان تتسرع في إستنتاجاتك.. وهسي إنت غليظ.. مالك ومالا محننه وللا خلافو.. أنا راسلتها ، ونبهتها لإنو حتة تخت بياناتها الشخصية بيسبب ليها مشاكل مع ( أولادها ) إنت حدك هنا وبس.. ما عندك شغله إذا كان بعيدة من النت.. وللا ما عندها نت وللا خلافو.. التوضيح ووصلك.. عايز تلخبت بلخبت معاك للدين. |
اقتباس:
أهو دي الغلظة .... ـ |
اقتباس:
................................. ـ |
اقتباس:
|
يا ماجد.. ما تملا لي البوست ده بالنقاط وتفط سطر وتملا سطر.. عندك نقد ع العين والراس.. بس بأدبك .. ما تغلط كويس.
|
اقتباس:
عندك اعتراض؟؟؟ ثم مالك ومال جبسي ولا حنتي ؟؟؟ وسببك الجبتو لضحكي ماصحيح ومابيلزمني انت واصل بيك الترصد بي حدود مدهشة جدا ياريت تسحب النص من المنافسة؟؟؟ تقدمي للمسابقة ده حاااارق ليك للدرجة دي يعني ولا كيف؟؟ ياماجد بطل تتحرش بي وخليك في حالك انت متخيل الدنيا ماشة ع هواك واي ريح هابة بمشيئتك؟؟ |
اقتباس:
شليل : ما تكترا أنا مقدر حاجات كتيرة لكن ممكن انساها وممكن الخبت للدين برضو انت برضو حقو ترد بأدبك يا حبيب ـ |
اقتباس:
|
اقتباس:
الأدب عندي بيتمثل في إنو ما تلغي التاني من الحوار لمجرد كونك بتتخاطب مع ( أنثى ) وظيفتي كمشرف فني بتستدعي إنو ألبي طلبات أي زول غض النظر عن النوع إللي أساساً مافي تمييز على مستوى خطابي اليومي.. فلمن ألقى زول بيمجد لي في شنبي على حساب أقدم تنازلات عن فهمي ، بتعامل معاهو كزول متخلف.. لأنو الإنسان المتخلف هو البيتمرمغ في عالمو الإفتراضي.. عالمو الذكوري إللي بيلغي التاني .. الإنسان المتخلف هو الزول الضعيف البيلجأ للغة الإشارة ( ما عجبتني يا أبشنب ) هو البتخزلو لغتو في إنو عايز يقول شنو.. الإنسان المتخلف هو البيسأل وبيجيب وبيطلع بأحكام قبال ما تزول دهشتو ( سحب بوست لنا ).. ياخي إنت زول مدهش ! ---- أبقى عادي : عدد إتنين سبيبه من ( شنبي ) |
اقتباس:
اقتباس:
يا شليل الواحد حقو ما يفكها ف روحو اكتر من اللازم لو رايحه ليك فرصة تكب فيها الشويتين بتوع المرأة والذكوري والعبط ال من النوع دا وافتكرت ماجد ممكن يحتمل تبقى غلطان كلامي كان أوضح من أنو تحملو ما لا يحتمل ، مداخلتي كانت مازحة اكتر منها جادة لكن التعالي المفرط الحايق بيك بيخليك تعاين بعين ما كويسة واحساسك بأنك عملت حاجة ما صاح لما عدلت مداخلة المذكورة برضو والاصح أنها تعدلها لوحدها كما فعل البقية .. وكما نبهت انت الاخرين دا هو سبب جفاف ردودك واستعجالك للغلط دا لو كترت الكلام ال ما في محلو دا بتموا معاك في حتة تانية !! وما تقول تهديد .. لكن أنا ما بنساق لمهاترات على النت عندك حاجة رايحه ليك ممكن أقابلك وأوضح ليك الناقصك ما عندك اكتب باحترام شان تلقى الاحترام وكمان لو القصة كلها غضبة لأنو دسنا على طرف السيدة لنا يبقى انفقع ياخي ... ـ |
هذا غلاط جاف لا داعي له
- لنا لم و لن تستطع التعديل لأن البوست قفل . هكذا يجب أن يكون الرد من المشرف . و يكون مقنع للسائل .. تحول النقاش الهادى للحاد غير محبذ مفردة ( اب شنب مفردة عادية عند ماجد تاج يستخدمها لكل فرد بدل اسمه او يا زول) .. الردود باسم مشرف نوافذ مرفوضة تماما .. النتحدث اظنه شليل . |
اقتباس:
دا وقت ادراج السيدة لمشاركتها ( 31-03-2013, 06:56 PM ) ود وقت تعديل المشرف للمشاركة ( 31-03-2013 الساعة 08:30 PM ) ودا المبرر الوحيد لقيامه بالتعديل : اقتباس:
|
اقتباس:
|
اقتباس:
اقتباس:
ضع أثقالك أولاً يا شليل .. ثم عد كما تحب ( كما أنت الان ) لا رسن ولا لجام .. ـ |
اقتباس:
معليش خليني أختلف معاك في النقطة بتاعة غلظة سؤال ماجد، أنا ما شايف أيّ غلظة فيهو، سألك سؤال معقول جدّاً، وردّك عليهو كان وافي، لغاية هنا كويس، بس في مداخلتك مع لنا جعفر أشرت لغلظة بالنسبة لي غير موجودة في مداخلة ماجد. عموماً: البوست بتخيّل لي بطريقتكم العدائية ممكن تحرفو عن مسارو ومقصدو، فيا ريت لو جنبتو القارئ المتابع، حيثيات أبعد ما تكون عن هدف البوست. فقط رجاء ليك وماجد تحيّاتي |
اقتباس:
مرحب يا رشيد .. للحق القصة كلها أنو الناس اتعودت على نوع معين من النقد فيه الكتير من الطبطبة والتمليس ومراعاة الخواطر .. وما الى ذلك مما تراه هنا وفي كل أو أغلب الاسافير السودانية ، بمجرد ما تطلع من الخط شوية وتخت كلامك بلا وش تعبيري وبلا كلمة مجاملة أو كلمة مهادنة ببقى الافتراض الطبيعي عند الاخر أنك عدو ، وأنو لازم يحمل عليك حملة تتارية شان تتوقف عن نقده . عني ما زال لدي انتقادات هنا سأوالي إيرادها بكل هدوء ، ولن استجيب لحملة شليل حتى وإن ارتفعت وتيرة تشنجه ـ وإن استجاب يكون أحسن ـ لو رأى تحت خطوطي ما لا يتقبله أو ما يظن أنه محمل بخفايا أنا متاح ليه ومستعد أنتقل ليه أنّى كان وأوضح ليه الغامض عنده ، أو حتى لتلقى غضبته على أرض الواقع . مداخلتي ال أثارت حفيظته كانت مازحة أكثر منها جادة خاصة وأنا عارف أن السيدة لنا اتعرضت لحادث مؤخراً ، ومطالبتي بسحب البوست مرتبطة تمام الارتباط براي سابق قالته في ذات الموضوع ، أنا غير معني بسحب مشاركتها ، ومنتظر فقط فتح النقاش حول المشاركات شان أكتب رايي فيها في موضعه . من ناحيتي ما تشيل هم .. حتى لو شليل زاد في غلظته ما ح أرد عليه هنا بعرف كيف أرد عليه على أرض الواقع شان البوست ما ينحرف عن مساره تحياتي ـ |
سلام وتحية للجميع
بالنسبة لملاحظاتي على المسابقة • اتفق مع مقترح نشر المشاركات مرمّزة أو مرقّمة . واقترح نشرها فور وصولها لبريد مشرف المنتدى. لأني فهمت أنك سترسلها للجنة التحكيم أولاً. لتوفير فرصة أكبر للقراءة , وتحفيز للمشاركين بإرسال أعمالهم . • بخصوص التسمية ( مسابقة خالد الحاج للقصة القصيرة 2013 -2014) اقترح تسميتها مسابقة خالد الحاج للقصة القصيرة – الدورة الأولى .. الدورة الثانية وهكذا . أو لو كانت سنوية تكفي سنة واحدة , لأنها بدأت تقريبا في بدايات 2013 م ولسنة 2014 مسابقة أو دورة جديدة. وتوحيد الاسم في عناوين البوستات بالمنتدى .مكرر لملاحظة الأخت وهاد. • لا أتفق مع ربط وتخصيص نصف قيمة الجائزة لمشروع إفطار طالب . الأعمال الخيرية اختيارية ولكل أولوياته. هامش • أخ معتصم أعتقد الناس ديل معاك في قطر .رجاء أجمعهم. ومافي مانع تجيب صور البُنْية ثم الأحضان وبعدها كل واحد يجي يعدّل مشاركاته هنا بنفسه. |
اقتباس:
ثانياً : إشارتك الخفية بتاعة طالعني سايبريا دي عاضَه ..أبقى مارق لي برًه السايبر ده ..شان أوريك قلة أدبك دي .. بس ما تجيني ب ( فساتينك ) !.. يللا أبقى راكز.. ثالثا : بتعرفني إنت من وين عشان تحكم علي بإني فاكيها في روحي..مش ياهو النت الواحد البجمعنا ده .. بختار خامة الكتابة البتعجبني وبتداخل فيها .. إنت واحد من الناس الكونت فيهم راي من خلال شخبطتك السايبرية دي.. إنك زول كيسو فاضي وبتحب الظهور أكتر من الكتابة الموضوعية في حد ذاتها ، بالإضافة لإنو قدامك ملايين السنين الضوئية عشان تتجاوز نظرتك الدونية للمرأه ، ووصفك لإنو الحديث عنها مجرد عبط .. بيشير لتدني وعيك توضيح ووضحت ليك دواعي تعديلي لمداخلة لنا.. شنو الثقاله بتاعة مجبصه وإنك ما قبلت التكليف ده من ( أبو شنب ).. لو إنت أساساً كايس للنتايج بعد ما عرفت مش كان الأحرى إنك تلم ضنبك عليك .. أبدا ما عملت كده .. لإنك بتحب تعيش في الحتات الضحله .. توسخ نفسك وتوسخ الحتات الحواليك وبعد ما البوست إتحور عن مسارو قال .. كنت بهظًر.. تهظًر بتاعة فنيلتك ! الفاتح سعيد ما بيقبل نوعية هظار سخيف زي ده .. والقارئ البسيط بتصلو رسالتك المتخلفة في إنو كيف أبشنب يقبل التكليف من ( إمرأه ). بؤس الرسالة ، وبؤس التفكير |
اقتباس:
القارئ ما بيعرف إنو مفردة أبشنب حاجه عادية بيستعملها ماجد .. القارئ حتصلو رسالة متخلفة من ماجد نصها : إنو الراجل ما تكلفو مره |
اقتباس:
بعتذر عن تحويل البوست عن مسارو .. وبأسف عن الكتابة بإسم مشرف منتدى نوافذ في صراع ديكه زي ده.. عموما .. بعد مداخلتك دي أعدت قراية الحاجه الكتبها ماجد كم مرًه ، عشان أكون صادق مع نفسي لأنو إحتمال أكون منفعل وما قدرت أشوفها كويس.. فبكل أسف لقيت الغلظة موجوده.. ليه لأنو ماجد ده قبل ما يجف حبر تساؤلو عن سبب تعديل نص لنا ، جرى طوالي للأحكام ( بإنو مفروض نسحب البوست بتاعها وو ).. ياخي إنت سألت سؤال .. أدينا فرصة نجاوب ليك.. وللا ماكان في داعي للسؤال طالما إنو النظرة التقريرية التجريمية موجودة. بأسف ليك وللسادة القراء عن الحاجه الحاصله دي. |
اقتباس:
بالنسبة لمقترحك الأول حول إرسال النص بعد ترميزه إلى القراء ، قد يؤثر على تصور الأخوان الفي اللجنة الفنية.. لأنو قد يشارك واحد ما مشترك في اللجنة الفنية ويقراها بزاوية مختلفة عن الزاوية الشايفها عضو اللجنة الفنية، وبالتالي يؤثر في قرارات اللجنة الفنية.. الحاجه الحتتم إنو حننزل النصوص مرفق معاها تقييم الأخوان في اللجنة الفنية ، بعديها نفتح الباب للإستماع لآراء الجميع. حول التسمية (دوره أو إسم خالد الحاج حاف ) بتؤدي نفس الدور إللي نحنا عايزنو .. البيهمنا هنا الحراك الثقافي.. وحالما تنتهي مسابقة القصة القصيرة ، حأعقد ورشة لمسابقة تانية من نافذه تانية وهكذا دواليك رايك حول مشروع إفطار طالب ، يجد مني الإحترام ، مع عدم إتفاقي مع رؤيتك تحياتي. |
| الساعة الآن 09:27 AM. |
Powered by vBulletin® Version 3.8.8 Beta 2
Copyright ©2000 - 2026, vBulletin Solutions, Inc.