هل تأخر قطار الإنقاذ أم نحن المتعجلون؟؟
طبعنا نحن (بعض السودانيين) عندنا القلق
وشوية عجلة...يعني اغلب اشغالنا ما بنجودها ونصل بيها للنهايات الجيدة والمرجوة... ناس الإنقاذ يا دوب قالوا ياهادي...بعد رحلة حرب الجنوب الطويييلة....فلماذا العجله والقلق؟؟ جااااادي قطار السودان الجديد...ولا سائل في الtgv http://im36.gulfup.com/XbKdI.jpg |
اقتباس:
يا ود الخير النسألك من الخير القطر دا تابع لبص الوالى |
اقتباس:
شفتي طبعاً المعاملة السيئة الإتعامل بيها بص الوالي أيام المظاهرات.. دي ممتلكات الشعب..من الوطنية المحافظة عليها. بالجمبة أنسى ما أنسى الكنافه العجيبة ديك... الفي رمضان..ولللااااااااا |
اقتباس:
قول والله اقول قولي هذا واستغفر الله لي................ |
اقتباس:
.ولا سائل في الtgv بالله........ههههههههه....دا محلى عطبرة احيوه من جديد.....سرعته القصوى 80 كيلومتر فى الساعة اكان الله هون:D:D:D:D:D:D شوف الحكام الذين يهتمون بترقية بلادهم بيعملوا فى شنو... http://www.menarailnews.com/3-75bn-l...build-railway/ http://www.bing.com/videos/search?q=...B453C2C83881BF |
اقتباس:
|
والله صحي استعجلنا عليهم ....
24 سنة شوية ويفترض نبدأ نحسب ليهم من انفصال الجنوب.... وننسى الـ24 سنة .... هي زاتا الـ24 سنة حصل فيها شنو؟ مش ياهم الماتو في الجنوب ديل...عادي مانستعجل... مش ياهم الماتو في العيلفون وكجبار وبورسودان.... ماتستعجلو مش ياها الممحرقة الفي جبال النوبة ودارفور والنيل الأزرق دي ...لوكو الصبر .... مش ياها الشهدنا فيها أعلى نسبة وحجم اعتداء على المال العام دي ....الناس ديل أخير من غيرم... اصبرو .... اصبرو .... اصبرو ..... الناس ديل ما بدو لسة ونحسب ليهم من انفصال الجنوب.... عصابة حاكمة على رأسها مطلوب دولي ، وبلاد يقتلها الفقر وتنهش الحروب أعضائها ، بلاد ينقصها جيرانها من أطرافها ، يحدّثنا فيها اللص عن صون البيضة! ويزني بها من يحد الزناة .... اصبروا ....اصبروا .... فالسيد رئيس العصابة الحاكمة قال أنه أتى لينقذنا من الفقر والجهل والتدهور وبشرنا بانهار من لبن وعسل مصفى ، وما زلنا ننتظر العسل ، يبشرنا بالأمن فتغدو البلاد ساحة لشذاذ الايدوليجيات والمتطرفين وجنود الأمم من جميع أصقاع الأرض ، يبشرنا بانقضاء عهد الفساد ، والفساد في اخوته وأهل بيته ! اصبروا ..... اصبروا فلنصبر قليلاً فقط فهذه البلاد على شفا هاوية ، فنصبرر فقط حتى تسقط في هذه الهاوية... |
إنشاء الله يا ناس الإنقاذ( تبلو) وتتنقلو بيه
في ولايتكم للنص قرن القادم.... http://im37.gulfup.com/DIiCO.jpg |
اقتباس:
يا زول الله الحكاية حساب ولا كوار:) مهند..مهند ! عارف إنو نحسب ليهم من الإنفصال وجاي وسوى براسو كدي لاتحت:D |
السؤال المهم
القطار المزعوم حا يمشي في ياتو خطوط هل تتحمل الخطوط الحالية مثل هذا القطار المشكلة في الخطوط نفسها تحياتي |
|
يا دكتور حسن... الشباب الماحاضرين المحلي داخل عطبرة
حا يخلعهم قطر الإنقاذ دا.... بس لو خلينا الملل شوية!!...أولادنا حا يستمتعوا بالإنجازات دي |
اقتباس:
ماصدقو ليهم راس في كوشة-هسه تلقاه ملجن في بلده اها والراس الواحد دا بسوي شنو بالله مش عملية مضحكة |
اقتباس:
قطر مضحك...ونحن ذاتنا ما عندنا أخلاق لللإنتظار أقرب حافلة... رقشه... أمجاد... المهم نصل وبسرعة. *الواحد لو ما تداخل معاك بحذر عااااادي بيخش اللومان |
اقتباس:
|
اقتباس:
وكلو بعدين حا يروق وكلو حا يكون في علبو...ويتهنأ أبناءنا بما أنجزه أهل الإنقاذ فقط أحلم معنا.أحلم بسودان بدون أشرار! |
اقتباس:
يا أخ مرحب بيك في سودانيات وإنشاء الله يطيب ليك وبيك المكان.. فعلاً أخ عوض تحتاج السكة حديد الكثير الكثير وخاصة تقاطعات عبور العربات والقطار... ويساعدونا أهلنا بفك كلاس اس دا من السكة حديد! http://im38.gulfup.com/ewXmF.jpg |
ياولدي ماتضحك فيك خلقو مجانا كده
خجلانة لكلامك ده وحاة الله لافح ليك كم صورة وجاي تغيظ بيهم وانت جاهل بتاريخ السكك الحديد؟؟ الشغلانة ماغيظ واستظراف يابني امشي اقرا تاريخ السكة حديد في السودان وشغيلتها ونقابيوها وبيوتا والمجتمعات الاوجدتها السكة حديد.... والرجال القامت على رسينهم وشوفهم قبلما تشردهم الانقاذ وتصفي مقدرات المؤسسة الوطنية دي شوفا كانت كيف وشوف انقاذك عملت شنو في كل المشاريع الوطنية السودانية كلها مشروع الجزيرة والسكك الحديدية وصناعة الغزل والنسيج ومصانعا الاتشلعت ووزارة التعدين البقت اسم والانقاذيين بيعدنو براهم ويسرقو في الدهب الانقاذ دي عاملة زي المهدية لمن جات وشغلت الناس جهاد جهاد جهاد فساد فساد فساد وصحو الناس على انغام مجاعة سنة ستة المجيدة... المهدية حاربت الزراعة واستقطبت الناس لي حروبات مسنودة على كذبة دينية والانقاذ هسي بتعمل في نفس الشي.... ياخ كم عربية راصينهم زي علب الصلصة وجاي تفتح بيهم بوست؟؟؟ نحن كان عندنا اعظم سكك حديد بتربط كل البلد وعربات خيالية وارث تقني ومعرفي مذهل تمسح ده كلو وتجيب قطار الوالي القبيح ده تستعرضو؟؟ ده ماشي يغطي ليك السودان كيف؟؟؟؟ مضضضضضحك انت ياخ ومسلي ده نموذج بيكون ملطوش من الصين ولاكوريا حتى في تصميمو تستعرض بي نموذج وعايز تضحك بيهو على عقول الناس؟؟؟ ياخ اكلو والناس وشربوهم وبعدين تعالو ناقشو خصخصة السكة حديد لصالح الوالي وشركة بصاتو وحكومتك السارقة دي.... :D:D:D اضحك الله سنك وكيزان بعضهم من بعض بالجد الاستهبال مهنة وحرفة غايتو....وواقفة حصرا على الكيزان ------ الانقاذ موش باعت بيوت السكة حديد وشلعت المؤسسة ووقفت القطارات؟؟؟ القطر ده نفهم منو شنو؟؟ شلعو الشركة عشان يشغلو قطر واحد؟؟؟ عملوهو عشان يتفسحو بيهو الحرامية في مثلث حمدي ولا كيف؟؟ اصلو شكلو فاره وما بيشبه محمد احمد ولا معمول ليهو ------ عجبتني نتمهل دي شديد..... نحن بنتمهل يازول ....وهينيييين ولينين بس عليك الله نكلفك بي مهمة هي الاساس امشي اطلع ليك كم سلمة كده لفوق و كلامك ده قولو قدام الله وونسو بيهو واقنعو ولو اقتنع ليك الاله هم سيلف انا باااااصمة بالمليار ياخوي انا زاتي مابدور التعنت والعناد بتاع ناس مهند ديل :D ياود الخير انت كوميدي من طراز فريد يعلم الله اصلا ماكنت قايلاك كده ح ازابنك تاني واللهي بقينا مالاقين ضحك مجاني يافردة..... نسيت اعلق على كلاس اس بتاعتك يا ود الخير كلاس اس ده لبنة حقيقية وطفرة كانت في زمنها انت قاعد اربعة وعشرين سنة ماطورتا فيهو ليه؟؟؟ بعد 24 سنة جاي بي نموذج يخفف من خجلة تصفية السكك الحديد وبيع صواميلا في رواكيب المكنيكية؟؟؟ اختشو يا بتوع الانقاذ ولو غظتو واتباجحتو على ناس الارض القاعد فوق ده حتعملو ليهو شنو؟؟؟ قصر في كافوري ولا رصيد في ماليزيا وجنيفا عشان يسكت على جرايمكم؟؟؟ شكيناكم ليهو فردا فردا....يوم تكوى جباهكم وافئدتكم بما اكتسبتم:D وراجعين ليك كان الله مد في العمر |
اقتباس:
إيه الهناء النحن فيه دا..؟؟؟ أسمحي لي وأجعل البساط أحمدي أكثر وأخاطبك ، وأقول يا لنا إنت عارفه نميري حرمنا نحن ناس الشمالية من الزلط الواحد دا! بسبب أولاد ماركس الكانو متكتلين في عطبره!....وقال أعمل ليهم زلط عشان بكره يجوني بعجلاتهم في القصر الجمهوري!!! فتأملي يا ستي الشقاء الجاينا من تحت رؤوسكم!...وحلانيين من زمن الإستقلال...وكل ما تشرق لينا شمس (الملالة) تنطلق فيكم...لكن عيال كوز ديل كملو ليكم الفي رأسكم تب:D ! وبالجد الحلم حا يصبح حقيقة...2020 السودان حا يكون خالي تماماً من باقي تَرَب الشيوعية في السودان....وبعد داك شوفي السعادة الحاتغمر البلد دي:) الله لا كسبكم حسنه:D كان باريناكم تمرقونا من طمأنينة الدنيا ونعيم الاخرة! |
صور القطار من موقع سوداكون
ودي هدية للعزيزة لنا من كامرتي(حصرياً) عشان لو مشيتي غرب إم درمان ما تتخلعي سباق الهجن...ومزارع 30 كيلو غ أم درمان وأشياء تانيه حامياني ! http://im36.gulfup.com/dyCec.jpg المافي شنو؟؟ http://im38.gulfup.com/UALBL.jpg http://im39.gulfup.com/6xnzM.jpg http://im40.gulfup.com/flfXu.jpg |
الناس الغبش ديل جملهم دا ما ببدلوه بكل أفكار ماركس
ولو حا يصبحوا ملوك في عهده http://im32.gulfup.com/UJO7k.jpg |
1 مرفق
|
اقتباس:
آمن مسلم سالم من كل شر ....ولا إتنين مليون ك مربع نحوش فيهم حوش ونحنسهم عشان يحبو بلدهم ويحترمو قوانينه... |
اقتباس:
الله لا كسبكم حسنه http://www.youtube.com/watch?v=INEOSwDkNaI#t=65 |
اقتباس:
عليك دينك كشًف لواقع الحال ده ووريني أشرار البحار منو المفروض تكون البلد خاليه منهم ، الشيوعيين وللا الأرزقيه بتاعينك ديل. http://www.m5zn.com/uploads2/2011/8/...3yz90tla24.jpg http://www.m5zn.com/uploads2/2011/8/...lyd7rf30t3.jpg http://www.m5zn.com/uploads2/2011/8/...824ugn757x.jpg http://www.m5zn.com/uploads2/2011/8/...m6md9ycauz.jpg |
اقتباس:
تعرف يا ود الخير لو ما سقفت على مداخلة مهند دي وفارقت الانقاذ .. تبقى بالله الحق ما بشر حتى .. ياخي الامر والانكى مما يفعله اهل الانقاذ بالسودان الشقي دا .. ما يفعله مطبلوها ـ |
اقتباس:
قلت لي الشكية لي الله |
اقتباس:
|
حبيبنا شليل...
المخاطب مهند .... فلازم نديها ليهو في شكل ديل أشرار... سئيين..ديل خفافيش...وبستغل الفرصه دي وعبركبقول لأولاد علمان إنو المساحات (الفارغه) الفي حياتهم دي يملوها بالوضوح والصراحة ويحددو بالضبط هم عاوزين شنو من البلد دي! ومعاك نتمنى ان تعود للسكه حديد سيرتها الأولى |
اقتباس:
نحن عرشنا بدستور الانقاذ ! بأن الشريعة الإسلامية والإجماع هي مصدر التشريعات... وطول ما ناس الإنقاذ ماسكين في الدرب دا نحن وياهم يربطنا الحبل ويمرقنا من فد ضلفة! مهند وأصحابه ماسكين لينا في حبال الهواء ولا حايخدموا البلد دي ولا حا يخلو الناس يخدموها. الشيوعيون لو مسكو البلد دي..أول إنتقام ليهم تنكيس رأس أي زول بيفتخر بدينو وعاوز يحتكم بيه...وبعد داك ما حا يكونو هم رسل العدالة والسلام...حا نشبع فساد وحايقننوه ويعملوا ليه مواد...وتآكل انت ماجد تاج وقصباً عنك من عرق الداعرات وضرائب البارات ..وتاني بلح نحلل بيه الصيام ما حانلقاه...انت قالو ليك الناس ديل أنا كارهم من شوية جحا سألوه الجابرك على المر شنو؟؟؟ قال الأمر منه.0.ونحن كذلك يا حبيب |
اقتباس:
عاين بعينك وأرحم بقلبك! |
اقتباس:
تاااااني مكنة الدين دي يا ود الخير ؟ .. ياخي بالله الحق مااااا عادت تقسم .. ـ اقتباس:
ومين قال أنو الخيار يا كيزان يا شيوعيين .. الشيوعيين تاني ما ح يمسكو قصبة سكر خلي بلد .. ـ اقتباس:
يبقى في الحالة دي الحياد أولى .. لا الى هؤلاء ولا الى هؤلاء .. اتنينهم دا يضربو بيه ده .. برئ ذمتك قدام ربنا ، وأبعد منهم الاتنين ، ويا دار ما دخلك شر .. على قول جحا بتاعك دا ذااااااتو ـ اقتباس:
انت بس خليهم واتفرج .. الناس ديل اكتر من عطر البنفسج ما عايزين حاجة .. :D كلها كلمتين تلاتة يكون في نصهم حاجات زي دي وانتهينا .. :D ودا ما مبرر يخلي ليه زول عاقل يمسك ضنب ككو .. ـ اقتباس:
:D:D:D ذكرتني خدوري ملاكم الجزيرة المشهور .. في مباراة في الخرطوم خصمه أداه هوك ابو استك جابو الواطة .. الجماعة يكوركو فيه : قووم .. قووم .. أرفع راس الجزيرة يا بطل .. عاين ليهم بي غضب وقال ليهم : أنا قادر أرفع راسي شان ارفع ليكم راس الجزيرة .. مين ينكس ايه يا عمك .. ما في سوداني واحد خايف أو ممكن يخاف من احتمال زي دا .. مكنة ناس الانقاذ بتاعت التخويف من الشيوعية دي بقى صوت كرنكيها في السما ومع ذلك مصرين انها بتجر ليه ما عارف .. الخلاصة : دا كله ما مبرر لأنو الزول يدعم ليه قاتل أطفال .. لص .. الحرام عنده أسهل من شرب الموية .. خائن لدينه ولوطنه ـ |
ما مكنه ولا شي...
نحن بنتكلم عن مرجعية دستور البلد... وفي ناس باقية عشره على الإنقاذ لانهم واضحين في النقطة دي. وفي المقابل في ناس رافعه السلاح مش عشان تنميه وفساد حكام وغيره عندهم مشاريع بيحلموا يطبقوها في البلد دي...وما داسنها بيتكلمو بيها في كل لقاءاتهم .. .. والعاقل يميز بين نسبة الفساد وتوابعه ! مع ناس بيضعوا قوانين تحد وتعاقب المرتكب..(الإنقاذ مثال) وناس بيقدموا ليك الفساد كطبق أساسي يومي غصباً عنك وبالقانون تتناوله. (ديل ناس فصل الدين من الناس) كدا نسميه! أنا بقول ليك الإنقاذ لانو سفينتهم شايله كل ألوان الطيف السياسي... والناس القاعدين في الشواطي ديل ما عاجباهم بضاعة الإنقاذ دي وحاتظل المشكله قائمه ما بين الخير والشر غرقت السفينه أو إستمرت في الإبحار... فياعمك عاوزين نغرق غرقه مجيهةlooool |
اقتباس:
غايتو كلام الطير في الباقير ما زي كلامك دا يا ود الخير .. للحق ما في زول واحد باقي على الانقاذ للسبب الانت ذكرته .. حتة الدين والدستور دي .. بعيداً عن طرح المعارضة خلينا نتكلم كسودانيين بدون ألوان .. وين طبقت الانقاذ الاسلام .. بأي شكل من أشكاله .. مثال واحد صادق مقبول عندي .. وين كان الدستور بيستمد من الاسلام أي حاجة ف أي حتة ؟ الحق يقال أن الانقاذ أزرت بالدين أكتر مما فعله أو ينوي فعله به الشيوعيين أو عموم بني علمان .. الدين عند الانقاذ مجرد واجهة تخفي فيها كل السوءات والقباحات اللي نشأت بفعل البقاء لمدد طويلة في السلطة .. ما حدث ويحدث في الشئون الدينية والاوقاف .. مال الحج والعمرة .. مال الزكاة .. الاموال المجنبة ( دا مبدأ جديد جابته الانقاذ طبعاً ) .. التضحية بالجنين والام شان العملية تنجح ( فصل الجنوب مقابل السلام ودا برضو مبدأ انقاذي خالص ) .. ما فعلته الانقاذ بأبناء دارفور ( اعتراف الرئيس نفسه كافي هنا يا ود الخير ) .. ما في مسلك انقاذي واحد كان مرتبط بالدين أو مراعي ليه شان بعد اربعة وعشرين سنة نقول لا ممكن نتمسك شان كدا .. ما عارف انت صلتك بالانقاذ شنو .. لكن لو كنت حاربت مع ناس عبيد وفضل المرجي ومصطفى ( الشافع ) كنت عرفت حجم الخيانة التي تعرض لها الشعب السوداني بإسم الدين .. قضو نحبهم وهم في عز شبابهم شان يجي في النهاية واحد زي جمال الوالي يدفع من أموال الشعب قرابة السبعمائة ألف دولار لأجل لقب تناله امرأة .. أو يجي واحد زي أسامة عبد الله شان يستأجر ليه طائرة خاصة باموال الشعب شان ينقل اولاده وأولاد وزير المالية للعمرة .. يا أخي خلي الشيوعيين في حالهم .. وشوف الشهداء الماتو في الجنوب كيف تحولو بقدرة الانقاذ الى مجرد فطايس ، فقط حتى تبقى مؤخراتهم على كراسي الحكم الزائلة .. بالله الحق يا خالد .. لولا خير أتوسمه فيك مرده المقابلة الويحيدة في الوافر ديك ما كنت كلفت نفسي عناء اثبات المثبت .. فلا حاجة لإثبات البديهي يا أخي .. ـ |
يا ماجد تاج أنا خالد مؤيد الإنقاذ لوضوحها في حكم السودان
بقوانين مرجعيتها الكتاب والسنه...وحقي ومظلمتي ماعافيها لي أي سياسي أو موظف حكومي يستعمل سلطاته لمصالحه الشخصية. انت قالوا ليك الناس دي بتسرق كيف... غياب الضمير... وعدم المحاسبة ودي حا تكون ملازمانا في كل الحكومات... أنا مافي موقع أطاردهم وآخد حقوق الناس يبقى نحن علينا بالمعلن من قوانينهم... والحرامي والفاسد لابد ان يأتي يوم ويتعذب بحق الناس والمساكين ديل الشيوعيون خليهم يقولوا آميييين على الفقرة دي وشوف تاني لو واحد جاب سيرتهم والا فليبشروا بعصر البشر دا .... وأمام ربهم هو خبير بيهم لكن وحاتك في موضوع حكم السودان دا .... لنضربنهم ضرب غرائب الإبلlooool مصادر التشريع 5- (1) تكون الشريعة الإسلامية والإجماع مصدراً للتشريعات التي تُسن على المستوى القومي وتُطبق على ولايات شمال السودان. |
اقتباس:
---------------------------------------------------------- ماجد تاج سلامات كلام شحمان خلاص يا قول المرحوم خالد الحاج.....عاوز اقول ليك الناس البدافعوا عن الانقاذ رغما عن كل عوراتها وقباحتها ديل ناس لا يهمهم دين ولا شرع... ديل تهمهم مصالحهم فقط... ومصدر رزقهم هو هذا الهرج والكضب والتطبيل الذى يجولون به عبر الفضاء السايبرى...هذا دورهم المرسوم لهم ...لو توقفوا عن ادائه تتوقف النقاطة |
ريحك يا دكتور :D
الناس البقلبو الطربيزة قاعدين..بس خلي بكره الإنقاذ تتنازل عن منهجها دا!! شعاراتكم ذاتها مكنتها مسيحة ليك ليك الشعار عشان الحاجات تبقى سمحة دا شعار ثوار دا ولا دعاية بوهيه:D |
اقتباس:
كويييييييسة ياودالخير سمحة بتاعة فنيلتك؟:D اقول قولي هذا واستغفر الله لي....................... |
سلام خالد وضيوفك الاكارم
رايك شنو في مجهول محل الاقامه دي مفروض بدون تعليق يا ود الخير بس سؤال على قول الفاتح جبره عملتو لينا شنو في موضوع خط هيثرو |
اقتباس:
ياخ تخلي آلاف القتلى الاعترف بيهم رئيسك اللسانو منزلق وتخلي تقطيع اوصال البلد وتقسيمها وتخلي فساد بعرض السموات والارض الفساد ده دعا القرضاوي البتاجر بدماء الناس يتبرأ من الانقاذ ويصفها بالنظام المجرم وسفاح وتخلي فضايح زي انهيار الاقتصاد باعتراف محافظ البنك المركزي و شراء لقب لي وداد وتخلي الظاهر للعيان زي مقاطعات كافوري وتخلي تصفية المشاريع الوطنية وخصخصة بعضها لصالح رموز الانقاذ تسيب ده كلو وتقول عدم محاسبة وضمير؟؟ وتقول انه الانقاذ واضحة لانها حاكمة بمرجعية الكتاب والسنة؟؟؟ يعني القرآن والسنة موقفهم من الانقاذ زي موقفك ده؟؟؟ البقتل ويسرق ويفسد ويحمي الفاسدين والقتلة ويهدر مقدرات بلدو وشعبو ويفرط في وحدة بلدو ويتنازل عن اجزاء منها ويظلم الناس ويشرد كفاءات الخدمة الوطنية ويفتح السجون لسحل وتعذيب مواطنيهو ويجي يمسك ورقة يقول انا بطبق الدين بيكون كده كويس؟؟؟؟؟؟ هو الدين ده مطبق وين؟؟؟هسا المظهر الديني الموجود في السودان هو شنو؟؟ جلد البنات المالابسات طرح؟؟ولاقانون عقوبات مجتزأ لافيهو حد زنا ولا ردة ولاحد سرقة ؟؟؟ولا الانهيار القيًمي والاخلاقي المستشري ومتزايد من جية الدولة الدينية المزعومة؟؟؟ ولاالزيادات المريعة في عدد مدمني المخدرات والخمور ؟؟؟ ولا الاختلاسات البمارسوها الوزراء بعلم كبيرهم وموافقته وسكوته؟؟ ولا في بيوت كافوري وقصور نافع وابو الجاز الحرامي هو وولدو؟؟؟ ولا في الدقون اللي ملت الوشوش المنافقة ومنتفعة وسارقة؟؟ ولا في اللقطاء والمرتشين وكتبة الشيكات الطايرة؟؟؟ شفت المشروع الحضاري ونتايجو؟؟؟؟ دي يللا حصائد الدولة الدينية هو اصلا الدين والفساد يعني بيتعايشو جنبا لجنب وكتفا بكتف؟؟؟ يعني نحن يطبق فينا الشريعة واحد غاصب للسلطة وقاتل وحرامي ورداح ورقاص ومرتو حرامية واخوانو حرامية وهو مكنهم من مص دم الشعب؟؟؟ دي مواصفات الامام البطبق الشريعة؟؟؟ يا ود الخير ياخ استهدى بالله ...:D المعلن ماقوانينهم ... المعلن اجرامهم وفسادهم وسرقاتهم ومشانقهم المنصوبة والمعلن سكوتك عن الحق وانت مسااااااءل بيهو امام خالقك شايف بي عينك الفساد والسرقات والقتل وتقول كل الحكومات حتكون كده؟؟؟ ياخ قول كل الحكومات الجاية حقيرة وسارقة وقاتلة....وين المشكلة؟؟؟ المشكلة اننا اتنشلنا بي اسم الدين....كل الحكومات الفاتت عدا بتاعت بدرية سليمان والترابي لو ثبتت عليها السرقة بيكون موضوع مدني وخلافي وفضائحي لو قضى بيقضي على سمعة حزب او ناس او جهة ما ... الا السرقة بي اسم الدين والنشل والقتل بي اسمو دي طوالي بتصنف الدين كسارق وناشل وقاتل فهمتا الفرق يا ود الخير ؟؟؟؟ حكومتك سارقة بي اسم الدين وقاتلة بي اسمو فواحد من اتنين يا الدين كده زي البحصل ده ياحكومتك ماعندها اي دين فحاول تختار واحدة من ديل عشان نرسى على بر... غايتو لو قلت حكومتك دي مطبقة الدين تكون محتاج ترجع تقرا دين ولو عارف انه الدين ماكده وساكت فشكيتك لله المابغفل ولا ينوم عليك الله ياود الخير انت جادي؟؟؟ مهما الناس ديل متصلحين معاك لكن ما اظن تحصل لي جنس كلامك ده:D انا غايتو قنعانة من خير فيك لكن عبرك بكلم ناس عندها قدرة تقول الحق حكاية الشيوعيين دي برجع ليك فيها لكن لا انت ولا حكومتك ولا الارض كلها لو اجتمعت مابتقدر تمنعهم يكون ما مواطنين وما سودانيين وطالما هم شركاءك فرضيت او ابيت هم صناع قرار وبتجيبهم وتوديهم صناديق الاقتراع ما تهديدك ولا رعبك ده منهم ولا محاولات تحريضك عليهو وانجح ماقامو بيهو الحمر هو توضيح يعني شنو دولة دينية ويعني شنو يحكمك دين ....وهسا في السودان مافي دولة دينية وماح تحصل ولا بتكون ولابتقوم واكتر من كده هم ماعايزين....الفكرة دي بعيدة ومستحيلة ومنتهي امرها.. فهمتا ياشيخنا؟؟؟؟ قال غرائب الابل قال....ياعم روح وانت ماشايف اي شي ----- تحلية من شان عيونك.....تأمل بس ولوجه الله قُلْتُ لِعَطَاءِ بْنِ أَبِي رَبَاحٍ : إِنَّ فِي الْمَسْجِدِ عُمَرَ بْنَ ذَرٍّ ، وَمُسْلِمً التَّحَّياتَ ، وَسَالِمً الأَفْطَسَ ، قَالَ : وَمَا يَقُولُونَ ؟ قُلْتُ : يَقُولُونَ : مَنْ زَنَا ، وَسَرَقَ ، وَشَرِبَ الْخَمْرَ ، وَقَذَفَ الْمُحْصَنَاتِ ، وَأَكَلَ الرِّبَا ، وَعَمِلَ بِكُلِّ مَعْصِيَةٍ ، أَنَّهُ مُؤْمِنٌ كَإِيمَانِ الْبَرِّ الْتَقِيِّ الَّذِي لَمْ يَعْصِ اللَّهَ ، فَقَالَ : أَبْلِغْهُمْ مَا حَدَّثَنِي أَبُو هُرَيْرَةَ ، قَالَ : قَالَ رَسُولُ اللَّهِ صَلَّى اللَّهُ عَلَيْهِ وَسَلَّمَ : " لا يَقْتُلُ الْقَاتِلُ حِينَ يَقْتُلُ وَهُوَ مُؤْمِنٌ ، وَلا يَزْنِي الزَّانِي حِينَ يَزْنِي وَهُوَ مُؤْمِنٌ ، وَلا يَسْرِقُ السَّارِقُ حِينَ يَسْرِقُ وَهُوَ مُؤْمِنٌ ، وَلا يَشْرَبُ الْخَمْرَ حِينَ يَشْرَبُهَا وَهُوَ مُؤْمِنٌ : وَلا يَخْتَلِسُ خُلْسَةً يُشْتَهَرُ بِهَا وَهُوَ مُؤْمِنٌ " . |
| الساعة الآن 04:13 PM. |
Powered by vBulletin® Version 3.8.8 Beta 2
Copyright ©2000 - 2026, vBulletin Solutions, Inc.