الفنان محمد النصري -- النسايم - حفل اسبارك
|
|
اقتباس:
الله عليك ياعم حسن ماتنسى الشباب دا كلو شباب شايقي وكلهم احساس:thank_you2: |
زي القمر تنشر نور
يا زول جميل |
أجيك مُشتاق أجيك ولهان
يفيض الشوق بحور وبحور وإتمنى التلاقي معاك وجبر الخاطر المكســور . |
شلتك في غُناي ألحان كتبتك
بين حروفي سطور لانك للجمال مقياس جمال مافيهو زرة زور . بتدهشي حين يطل محياك تتساقط خيوط النور علي خـديك ورود تندى تـزيد عبق النسيمه عطور |
عم حسن انا البوست دا استوليت عليه بعد اذنك
|
متين ياليلي القي شليل
وافك درب الاسي المسنوح يطول صبري يبقي جميل وابني من الاماني صروح تراك عارف هواك ماليني يتخلل مسامي يسوح مره علي الفرح يهديني مره يشيل سعادتي يروح |
قليبا بكتو الاغدار
معالمو من المحنه سفوح مشاعرو تسابق التيار معينو علي العليهو جموح حنينو يحنن المسدار انينو علي الليالي يدوح شقاهو يشق غتا التزكار ولا بيرحم مصيرو النوح |
وقفت بعد حلبت لبينة الشاي تكورك يا الحسن
يا ام الحسن وينو الحسن ولمن صفت رغوة شخيبات اللبن في حلتا المبنية من طبق السكن واقفه في حوش البهايم ولسع تكورك يا الحسن وتلاوي في الحمل العنيد جاها حساً من بعيد مارق من القاطوع ورا قال ليها خير يا الحاجه خير قالتلو خير تعال لي جاي دايراك تعنون لي جواب يا الراسي لولدي الخدير لا تبقي زي شافع السرير يقول لي زين آيمة زين وزين تبقي بعد شهير وان جاني يكتب فد سطير اقولو يا سجم السجم انا زي قرايتك ما قريت لكن عويناتي بيفرزن الوريقة البيضاء من لون القلم بعد المغيرب بي شوي جاها الحسن تعبان يسير العشى غنمو من الدرب وسرقت ندي وشو الهجير سوتلو شاياً بي لبن قرض معاهو حرف فطير قالتلو بسم الله قول واكتب وصيتي انا للخدير الزمن يا ولدي ماحقاهو السنين البعيش في الدنيا ما بعيش مرتين العمير فاضل لي بس منو اليقين وانت طوّل في البنادر يا الحبيب لا متين تعال اوريك حق ابوك الجم حقيق حاج اللمين ان عرفتو بلا عمار يقولو ولداً عندو طين العلاج لا تنسي رسلو لي دحين العوينات يا جناي شوفن ضنين سلامنا ليك مطرز للبنيات والبنين ولو الارض يا ولدي تنشال في الايدين انا كت برسلا ليك في لوري الخزين |
عندك خبر .. لليلة حبنا ما فتر
ولا جف قلبي من النزيف لا انهد حيلي من السفر شايلك حسيس قلبي البدق وايقاع حياتي علي وتر يعزف مع الدم مشتهيك زي لهفة الصي للمطر راجيك تبل الشوق تجي في موسم الغنا والزهر يخضر جفاف دنيايا ريد يطرد ضلمتنا القمر |
يا أصحابي ليكم بحكي بحكيلكم غرامنا الكان
كم نقعد سوي ونتناجى لامن نسمع الاذان نـوثق لي عهودنا قسمنا ايدنا واعظم الايمان مستقبلنا شيدناه ساسو وفاء وسياجو حنان ماعارفين رهيد الآمنا جايى ودندر الاحزان ااه يا شقـــــى أيـامي ..وقسـوة الاقـدار غافر برضي لي محبوبي يسعد ياهو كل مناي يرفل في نعيم الدنيا اعيش انا في محيط مأساي |
جيجى بس كانت محتاجة لى هبشة
وأتلبشت بى غنا الشوايقة ونزلت بالتقيل وفاضت بالكلام الطاعم. أصبح هذا الغناء ملك للجميع وليس قبيلة بعينها هذة الحنية المترفة بدق جوة القلب وتفك حتى طلاسم القلوب المتحجرة شكرن لهذا الابداع المتدفق |
ودالنصري دا فلتة من فلتات الزمان
ارسى قاعدة ذهبية بتعميم اللحن والمفردة الشايقية على جميع فئات السودانيين ياخال علاقة آلة الطنبور مع اهلنا الرباطاب شنو ؟؟؟ وهل عندهم تاريخ معاها؟؟؟ - - - - تخريمة: جيجي والإنديااااح بـ إرتياااح:taunt::taunt: اقول قولي هذا واستغفر الله لي................ |
اقتباس:
عفيتو ليك واودعتك اياه يا بنت اخوى الحنينة الجميلة.... اتمنى ان تغرد فى ساحاتك العصافير المغنية وتتفتح فى حدائقك زهور عصفور الجنة والليلاك والقرنفل والاقحوان والنرجس والسوسن....دمتى انيقة جميلة معتدة بشخصك واصلك.....ولهذا الفنان المبدع ولشاعره نرفع قبعاتنا حبا وتقديرا واحتراما .....كم فى هذا الشعب السودانى من جمال....تمعنى بالله عليك فى انفعالات هؤلاء الشباب والشابات... |
اقتباس:
|
سلام يا دكتور،
محمد النصري ظاهرة فنية ساطعة. تجاوب الشباب معه في كل أغنياته كبير لدرجة ملفتة، فأغنية النسايم كان غناها ود النصري قبل حفل سبارك، مرة واحدة فقط. لكن الملاحظ أن الشباب الحضروا الحفلة كانوا حافظنها عن ظهر قلب، وده شي غريب. جمهور ود النصري يكبر يوماً بعد يوم، ولا يقتصر على أبناء المنطقة فقط. الشي الملفت برضو، حضور الحفلة أغلبهم في سن عمرية بين العشرين والخمس وعشرين سنة، والحفلة كانت في عيد رمضان أيام الأمطار والسيول وصعوبة التنقل في تلك الأيام. أتوقع أن يضاهي جمهور ود النصري، جمهور مصطفى سيد أحمد وجمهور محمود عبد العزيز. ملاحظة تانية، هل صوت ود النصري قريب من صوت مصطفى سيد أحمد؟ السؤال موجّه لجيجي وزول الله. سألت العوض نفس السؤال، وقال صاح في شبه، بس صوت النصري على أجمل. سلام يا مقدس، أعجبني تماماً قولك هنا، وأعتقد إنو السر في ود النصري، علاوة على اختياراته للقصائد، طريقة الأداء المميّزة. اقتباس:
|
[COLOR="Blue"]
اقتباس:
هلا بالعمدة ابدا صوت ودالنصري متفرد وخامة مميزة جداً فيها حنيييييييية وتعابير غريبة واحساسه بالمفردات عالي جداً لدرجة يخليك تعيشها معاه في كل ثانية هنا -لقيتك لسه في الخاطر- كان منزلا المرحوم الخالد خالد في موقع البركل https://www.youtube.com/watch?v=rBe6GRq843o صلحو لينا حكاية اليوتيوب والفيديو دي ياخوانا اقول قولي هذا واستغفر الله لي................. |
| الساعة الآن 07:23 PM. |
Powered by vBulletin® Version 3.8.8 Beta 2
Copyright ©2000 - 2026, vBulletin Solutions, Inc.