اليوم تدشين قرية وأبراج الضفاف Difaf Village
|
اهلا بكم في اول ملتقى الرفاهية على الواجهة المائية في السودان على ضفاف النيل
قرية الضفاف… مشروع متعدد الخدمات أستحدث على أعلى المستويات العالمية في التطوير، يمتد في قلب مدينة الخرطوم على ضفاف نهر النيل الشهير بالقرب من ذاك الملتقي الأسطوري للنيل الأزرق مع النيل الأبيض…قرية الضفاف حيث يلتقي الإبداع والتناسق الهندسي مع عجائب الطبيعة الخلابة في إنسجام مثالي. فقد أنشات القرية وامتدت على مساحة 120 ألف متر مربع كي تعزز من المشاريع التنموية في السودان وتقدم مفهوماً حقيقياً للعيش الجماعي الرغيد. فقد تعددت خدماتها وتميزت بمرسي النيل النهري وهو يعتبر الأول من نوعه في السودان، إضافة إلى فندق خمس نجوم يشمله أكبر مركز للمؤتمرات، أول منتجع حصري للنساء. كما أمتدت القرية لتشمل تلك الأبراج السكنية الفخمة، شقق فندقية علي أعلي مستوي من خدمات الضيافة، محلات للتسوق، الواجهة المائية لنمط حياة عصري…وأكثر مما يجعل هذه السماء الأكثر مطمعاً للنخبة المتطورة. شاهدوا هذا الرابط للاحاطة بتفاصيل الشقق والموقع http://digiads.info/2014/04/10/difaf-ar/ (للعلم ليست لي علاقة بالمشروع ولا اتقاضى مقابلا جراء هذا التنوير ولست سوى مشتري لشقة فيه فقط) |
صاحب الاعلان الله يهديه، لا يجوز الاستماع للموسيقى
فكيف بالذي يستثمر فيها بالاعلان ارجوك أخي ازالة الموسيقى من المقطع الاعلاني لكي تتم لكم البركة في مالكم اللهم قد بلغت، اللهم فزوجني ! |
اقتباس:
ياجماعة شغلو لي أسعد دا موسيقى (هندية) وعروس ... هندية |
اقتباس:
وأنت تعلم علم اليقين أنه سيتم الاستماع لهذا الاعلان من قبل الكثير من أخوتنا المسلمين ولك أن تتخيل أثر هذه الموسيقى على أخوتنا في الله!! كما ارجو ان يكون بك حمية نحو أخوتك اصحاب هذه القرية، وتوعظهم باللتي هي أحسن بأن يزيلوا هذه المقطع الموسيقي الماجن... قبل أن يصبحوا على فعلتهم نادمين... جزاك الله كل خير أسعد رئيس لجنة الأمر بالمعروف والنهي عن المنكر |
غايتو جنس بوبار فى بلد 90% من اهله يعيشون فى فقر مدقع ....
ولاية الخرطوم : إنشاء اكبر مدينة عقارية على ضفاف النيل الأبيض 01-23-2014 11:12 PM الخرطوم (سونا) - وقعت ولاية الخرطوم اليوم شراكة مع بنك النيل لانشاء اكبر مدينة عقارية على ضفاف النيل الأبيض جهة أم درمان يبلغ طولها 7 كلم وتقع فى المسافة الممتدة بين جسر الانقاذ عند نهاية حي المال والاعمال وجنوباً حتى موقع جسر الدباسين وحضر حفل التوقيع د.عبدالرحمن الخضر والي ولاية الخرطوم والمهندس الحاج عطا المنان رئيس مجلس إدارة بنك النيل ووزراء المالية والبنى التحتيه والاستثمار والانتاج . وتدخل الولاية شراكة بالارض التى يقوم عليها المشروع فيما سيقوم البنك بتوفير التمويل المطلوب فى حدود 800 مليون دولار لانشاء البنى التحتيه وتشمل شبكة الطرق الداخلية والصرف الصحي والمياه والكهرباء ومن ثم يتم التسويق المشترك للمشروع وفق خارطة تحدد مكونات المدينة بمزاياها المطلة على النيل كالفنادق والفلل والشقق والمباني التجارية والخدمية والمساحات الخضراء والحدائق والملاعب. ومن جهته اكد المهندس الحاج عطا المنان رئيس مجلس إدارة بنك النيل أن البنك أصبح شريك أصيل للولاية فى تمويل مشروعات التنمية التى تنفذها الولاية فى قطاع البنى التحتية والخدمات مشيراً الى أن هذا المشروع يدفع الشراكة الى آفاق جديدة تعود بالنفع على الجانبين . الى ذلك قال المهندس عبد الله أحمد حمد رئيس المجلس الأعلى للإنتاج والأستثمار أن هذا المشروع يأتى فى إطار جهود الولاية لتحقيق هدفين أساسيين الأول هو تطوير الواجهات النيلية بمشاريع عقارية تنفذ فيها أحدث طرق التخطيط والتصميم العمراني والهدف الثاني تحقيق الاستغلال الامثل للاراضي المميزة لزيادة موارد الولاية وتوفير أموال للانفاق على إلتزامات الولاية فى إكمال منظومة البنى التحتية والخدمات . http://www.alrakoba.net/news-action-show-id-133781.htm |
اسر تعيد علي ضفاف مياه الأمطار في الخرطوم .... صور مأساوية
http://www2.0zz0.com/2013/08/08/18/163829491.jpg http://www6.0zz0.com/2013/08/09/02/726902981.jpg http://www14.0zz0.com/2013/08/08/21/838206406.jpg http://www14.0zz0.com/2013/08/08/21/681117944.jpg |
اقتباس:
اقتباس:
-أرغب في أن أعيش وسط البروليتاريا والمهمشين ولا (احتمل) ان ترى عيناي أي ابراج على ضفاف هذا النيل وساقف بالمرصاد لعزم الحكومة الحالية على نقل كل الوزارات من شاطئ النيل. -لكن يابروف الحكومة قد (شرعت) في نقل الوزارات وقد بدات بالفعل بوزارة الطاقة؟ -هذه الحكومة تعمل ضد البروليتاريا وتسعى إلى تغيير ديموغرافية السودان وانا ساطالب بإلغاء الكثير مما انشاوه من شبكات اتصالات وبنى تحتية من طرق وكباري والتفت غاضبا وقال: زمان قبل اطلع من السودان دا كنت باستمتع جدا لمن اركب البنطون وامشي توتي هسي الواحد بقى يركب الكبري (ابو حبال دا) دقيقة ونص يلقا نفسو بي هناك...:mad: واللا كمان لمن أكون عاوز امشي لي حبوبتي (رحمها الله) بي غادي في الحلفايا واختها (رحمها الله) في الدروشاب الهسي دي كان الواحد بستمتع جدا باللفة الطويلة بعد يركب الكبري (المعروش) ويعمل (حامنديرا) ويصل هناك العصر واللا المغرب وين من الآن الواحد ماياخد ليهو ربع ساعة يلقا نفسو في الحلفاية ياخي متعة زاتو بقت مافي دا كلام دا:mad: أما قصة السفر لي أهلي في الرباطاب فدي قصة تانية... وانفرجت اساريره وهو يحكي: زمان كانو بجهزو لينا القراصة المتمرة لم نكون ماشين الرباطاب وكمان كنا بنشيل عمودنا والواحد يستمتع جدا جدا بي رحلة يوم كامل لغاية ما نصل هناك ...بالله هسي الواحد يغمد ويفتح بلا يلقى روحو هناك فوق ظلت املاااااس زي ضهر الكديسة... -طيب يابروف أهو انت بي عضمة لسانك بتقول انو ضهر الكديسة أقصد الظلط سهل الطريق وبقيت تصل أسرع يبقا المشكلة وين؟! -ضهر كديسة في عينك...انتا زاتك شكلك كدا كوز زي ناس صديق عيدروس وسرالختم نقد والقبيح الاسمو عسوم داك ديل انا اصلو عاوز طارق كانديك دا يرفدم لي من سودانيات... ثم نظر إلى الأفق (ودخل في ملكوت تاني) وقال: -نحنا جينا السودان دا عشان نناضل من الداخل ومعانا (الراكوبة) على انو البلد دي تكون أرض للبروليتاريا والطبقات المهمشة وبالمناسبة انا مع قاعد حياتي دي كلللللها برة رفضت اخد جواز سفر تاني اهو عاين حتى انا اصريت اني احتفظ بالجواز الاخضر القديم اما الالكتروني الجديد بتاع الكيزان دا ماعاوزو واخرج من جيبه جواز سفر قديم ممزع الاوراق طارت منه ورقة فسعيت الى جلبها اليه فادخلها في الجواز ثم واصل حديثه قائلا: -والمستثمرين ديل اليطيروا يمشو مصر واللا افريقيا الوسطى نحنا واجهاتنا النيلية دي عاوزنها وزارات بس وكل الناس تسكن هنا في زقلونا دي ويخلو البوبار والكلام الفارغ دا واستشاط البروف غضبا واوشك أن يدي المايك ضربة بي قفا ايدو (اليسار) عشان كدا خليناو. .. (عادل عسوم مركب مكنة اسعد رئيس جمعية حماية المستهلك) |
اقتباس:
ياخوانا قلنا ليكم ماتجيبوا اخبار "الكواسة*" ال زي دي عن السودان ياخ انتو مابتسمعو الكلام ليه؟:mad: *من "كويس" حقت اسعد اقول قولي هذا واستغفرالله لي.............................. |
اقتباس:
هههههههههه والله ضحكتنا يا عادل من اول الصباح ....لقيتك اليوم مركب مكنة كوز مصقرتنداح وتتفسح فى سيرة حسن فرح وفى سيرة حبوباته اللاتى لا شافن الدروشاب لا ركبن بنطون توتى....بعدين يا اخى صلح معلوماتك ....القراصة المتمرة اشتهر بها قطر كريمة المقبل على الصعيد...شايقية الخرطوم عندما ينزلوا البلد زادهم البيض والدجاج المحمر والرغيف .... اما حديثك عن طريق الظلط الذى يربط عطبرة وابوحمد الذى شبهته بضهر الكديسة فمردود عليه.... http://www.alrakoba.net/news-action-show-id-15207.htm اما ما تبقى من الطريق فقد جرفته السيول وازالت طبقته الرهيفة كما تفعل حبوباتنا عند عواسة الكسرة....مقاولو الكيزان الفاسدون لم يرصفوا الطريق كما تستوجب هندسة بناء الطرق بل عاسوه عواسة..... هههههههه ....بقيت خايف من الشكوى ... حط في بطنك بطيخة صيفي...مش حاشتكيك لا انت ولا غيرك وجودكم ضرورى فى سودانيات ....يا اخى انتوا مصدر تسلية فكيف نحرم انفسنا منكم...حتى ولو انفعلتم ونعتونا بأسوأ الصفات حنتحملكم وفى ذلك صدقنى مصلحة عامة نعرفها وتجهلونها.... اما عن البلد تكون لمنو ....فالشعب يعلم انكم تريدونها لانفسكم وخير دليل كافورى ومشاريعكم الاخرى حتى فى جزيرة النخلة بدبى ونحن نريدها للقطاعات العريضة من الشعب السودانى...نحن لنا priorities اخرى...و لا بد أن نطرح كسودانيين من خلال منظماتنا حلولا لمشاكلنا المزمنة: اعادة تخطيط القرى و المناطق المتضررة اصدار تشريعات بمنع البناء فى مجارى السيول و الامطار معالجة شوارع الاسفلت و مجارى المياة مشاكل تصريف المياة فى المدن-الصرف الصحى الاسكان الشعبى (منخفض التكلفة) القرى النموذجية اما حديثك عن جواز سفرى فأعلم انه نظيف وظريف وقد تم تجديده حتى نوفمبر القادم لحين موعد تسليمنا الرقم القومى والجواز الالكترونى....لا تشيل هم....وبرضو لا تشيل هم فأنا ان مد الله فى الايام سوف اعود لقريتى الحبيبة لامضى باقى عمرى بين الاهل والارحام ان شاء الله |
اقتباس:
|
اقتباس:
هي وينا البنى التحتية في ولاية الخرطوم، أين هي محطات الصرف الصحي وأين هي خدمات المياه التي ندفع حسابها مقدماً على داير المليم وهي مقطوعة طول الشهر، ولا حياة لمن تشتكي له ، الشكية لله فقط،ثم أساساً لماذا يردمون البحر هل ضاقت علينا اليابسة ما زال السودان حدادي مدادي ويردمون شاطىء النيل. الأولوية مفروض تكون للبنى التحتية محطة ضخمة للصرف الصحي ، ماء شرب نقي مازلنا بعيدين عن الرفاهية والبذخ الذي يحلم به عبد الرحمن الخضر، مدينة زي أمدرمان بحجم ولاية مافيها ولا محطة صرف صحي واحدة ويحاولون تشييد مدن أو قرى بذخية. أراضي حلة كوكو الزراعية بالمناسبة في طريقها إلى البيع سكنية القرار صدر وباقي التعويضات وأصحاب الحواشات فرحانين بلا زراعة بلا بقر بلا تعب وشقى غابات الأسمنت أفضل. الله يكون في عوننا. |
اقتباس:
سرالختم بارك الله فيك وفى والديك نطقت بقول الحق وهذا واجب كل سودانى شايل هم وطنه وامته مالنا ومشاريع الرفاهية كما قلت التى ستتمتع بها فئة قليلة حتى وان كسبوا ملايينهم بالحلال....دعهم يذهبوا ليحققوا احلامهم فى دبى او كوالامبور ويتركونا لنواجه مشاكلنا العاجلة التى يعلمها الجميع .....800 مليون دولار تصرف على مشاريع انصرافية والبلد تعانى من الجوع وانقطاع الكهرباء والماء والدواء ....حسبى الله ونعم الوكيل |
اقتباس:
شايف كلامك وقع لي البروف دا في جرح:biggrin: في خلط كتير يا سر الختم يااخوي في مداخلتك دي... كل الذي تذكره في العاصمة لاتخطؤه العين البصيرة وبالطبع فإن اللوم لامحالة حائق بالحكومة الحالية ومن قبلها كذلك... لكن ياسرالختم هل يكون الرد لمن يأتينا مستثمرا (مثل شرم الديار القطرية) هذه أو سواها أن نقول لهم: -ياجماعة نحنا محتاجين لي صرف صحي والناس بيوتا مكسرة من المطر امشو ابنوها ليهم واعملوا لينا الصرف الصحي حتى تجو تبنوا ابراجكم ومدنكم دي؟! هذا واجب الحكومة تسأل عنه لكن أيضا ذات الحكومة مسؤلة عن شرائح أخرى من مئات الآلاف من السودانيين ممن هاجروا وتيسرت لهم الامكانيات المادية ويرغبون في أن يعودوا لأرض الوطن ليمضوا فيه بقية سني عمرهم ويحتاجون لمثل هذه الابراج والشقق... حدثني صديق (ستيني) يعيش الآن في مصر بعد اتباع بمدخراته شقة في مصر (الكلام دا فبل عشرة سنوات) حلف قال عدد السودانيين الجو من الخليج بس واشتروا شقق في مصر واستقروا فيها آلاف أن لم يكن عشرات الآلاف! الشريحة دي ما من حقها انو الدولة تستجلب استثمارات وتعمل ليها البتعملو دا؟! ثم ياخي شواطئ الانهار والبحار دي في الدنيا دي كلللللها بتكون واجهة جمالية واسترواح للناس المانع شنو ندي فرصة للمستثمرين يبنوا للناس شقق وخدمات وأماكن ترويح ما دام حكومتنا ماقادرة تعمل دا؟! صدقني ابدا ما بتكلم عن الموضوع دا من زاوية الطبطبة على الحكومة إنما لانو خطوة جيدة وشي يضيف للبلد ويفيد قطاع ماهين ممن الناس لأنهم برضو سودانيين وعندهم حق... أما الردم فدا بي جاي جمب القصر الجمهوري ودا موضوع تاني... لسة في باقي كلام لكن العشا اذن ودادي |
اقتباس:
ينوبك ثواب لو نورتنا عن تمن الشقق ... عسى و لعل ! |
اقتباس:
هههههههه....عاوز تشترى.....بس حاسب من السمسار!!! |
اقتباس:
:biggrin::gap::biggrin: |
اقتباس:
قبل كم طاشر سنة ياخلف كنت في نيروبي وبالجد اتحسرت علي انها عاصمة وخرطومنا دي عاصمة!!! كينيا الافقر مننا بي مراحل كم تتعجب للابراج والعمارات التي تعج بها طرقها الرئيسة والخرطوم حينها عدد العمائر يتعدا علي أصابع اليدين! مع اني سمعت من الاخ الباشمهندس عبدالله عباس حبيب (في لجنة تطوير الخرطوم) بأن كينيا ارسلت في بداية الستينات وفد هندسي لزيارة العاصمة السودانية و(اقتباس) التخطيط العمراني فيها! حقيقي شركة الديار القطرية نفذت مشروع (أقل مايقال عنه أنه قد جمل وجه العاصمة مما يلي النيل) وكذلك مدينة السنط وكذلك مدينة المنشية شرق المقترحة شرق النيل والتي سينفذها (صالح كامل) أن شاء الله... ياريت لو القطاع الخاص عمل المشاريع دي لانو (قطع شك) أرباحها مضمونة 100% والا ما كان المستثمرين ديل ما كانوا جونا! البروف وناسو عمرهم ما ممكن يشكروا ليهم شي (كويس) في البلد دي وهو شفتو في (اللقاء الصحفي) قال كبري توتي(ابو حبال دا) اخير منو البنطون :biggrin: وصدقني الشيوعيين ديل لو مسكو البلد دي إلا يسووا نفس السووهو في سودانيات وفي النهاية يفشلوا ويخلعوهم :biggrin::gap: تسلم ياملك |
اقتباس:
قراصة التمر بالفسيخ:tongue: |
اقتباس:
بالله يا عادل انت بجدك....يعنى ماك عارف ليه السودانيين المغتربين وغير المغتربين بيشتروا شقق فى مصر....اسأل عمك فتحى مسعد ليه باع بيتو فى بحرى وانتقل للعيش فى مصر... يا اخى مصر بى سجما ورمادا احسن مليون مرة من بلدنا دى الخربتها الانقاذ نظام عبود حسب قدرته خطط ونفذ مشاريع سكنية لذوى الدخل المحدود فى الثورات وكانت القطعة مساحتها 300-400 متر مربع تباع ب 30 جنيه هسع ب 30 مليون بتقدر تشترى قطعة ارض مع مافيا العقارات خليك من تكاليف البناء... فى مصر عرضت على شقة فى حى المهندسين الراقى بعشرين الف دولار ...هسع العشرين الف دولار ديل بيشتروا ليك (راكوبة) فى خرطوم كيزانكم الحرامية ديل .... فهمت ليه السودانيين بيشتروا شقق ويعيشوا فى مصر....لان مصر بى سجما ورمادا دا السكن فيها ارخص عشرات المرات وفيها خدمات صحية جيدة وتعليم جيد....والله انتوا الخراب الالحقتوا بالبلد دى ابليس ذاتو ما يقدر عليهو...البلد غطستوا حجرا حسبى الله ونعم الوكيل |
اقتباس:
التسعين في المية ديل من أصل الخمسة في المية اللساتهم عايشين في السودان |
اقتباس:
بلاش حكاية الصرف الصحي الما مبلوعة دي، مع إنها لو تعلمون الأكثر فائدة وأيضاً عائداً ، ولكن بصراحة لمن نؤذن؟؟، هل تعلم أن الصرف الصحي يوفر تقريبا ثلث المياه المستهلكة لأنها تعالج ويتم استزراع جنات منها وبعد معالجتها لايمكنك فرزها من الماء العادي إلا إذا قيل لك هذا ماء صرف صحي، تخيل وهناك دول عاقلة طبيعتها صحراوية كالإمارات كستها الخضرة من ماء الصرف الصحي. الصرف الصحي ضرورة ملحة لتنظيف البلد وتلطيفها وإبعاد التلوث عنها، لكن مين يعي؟!!. أما عن المشترين في مصر، المعادلة بسيطة ربما من الدرجة الأولى الشقة الديلوكس في أحسن مدن مصر بـ120 ألف جنيه مصري، أي ما يعادل 150 مليون جنيه سوداني أصلي كدي شوف 150مليون تجيب شنو هنا في السودان، الآن هناك مخططات قامت سعر الشقة فيها 120 ألف دولار أي ثمن 7 شقق في مصر، يقيني أن السودانيين يفعلون ذلك مضطرين وأسوأ شي الواحد يقضى ما تبقى من عمره القليل خارج وطنه. أنا ماشفت الفيديو للنهاية لكن أظن أن المنطقة التي تقع بين كبري الفتيحاب وكبري الدباسين تم ردمها بالكامل قبل سنين وأظنها المنطقة المذكورة وكانت أرض زراعية يغمرها الماء أيام الفيضان وأظنها كانت تزرع بعده. المهم في الأمر إنو مشاريع عبد الرحمن الخضر فاشلة مما كان وزير في الشمالية، كان زراعية ولا عمرانية لكن الحاج عطاالمنان رجل إنجازات وأنجز من قبل شريان الشمال طريق وفر علينا أكتر من تلاتين ساعة سفر، وخدم أيضاً العرب الرحل في مناطق التمتام بإنشاء الدوانكي و توفير الماء وإلى الآن هؤلاء الناس يدعون له. |
اقتباس:
ف كدي هسي (ركز) لينا علي موضوع البوست دا الحكومة تطير ماترك لانو دا ما موضوعنا...ف كدي وريني رأيك في قرية الضفاف دي شنو؟! هل (نباصر) ليك شقة فيها واللا زي ماقلت في اللقاء الصحفي داك انك -إحساسا ومنصرة للفقراء والبلوريتاريا- حتسكن في (زقلونا) وكدا:075: بسم الله زقلونا شنو؟! ياخي انتا لمن (الصحفي) داك قال ليك حبوبتك رحمها الله ساكنة في الدروشاب تمعر وجهك وانتفخت اوداجك ووقف شعر فوديك وشخصت عيناك من بعد جحوظ واذا بالشرر يتطاير منهما وسرت في جسدك قشعريرة الغضب المضري دا كلللللو بس عشان الصحفي المسكين داك جاب ليك سيرة الدروشاب؟! مالا الدروشاب ...كدي عيبا لي:wink: ياخي انتم (قوم) لاتتسقون البتة مع مبادئكم...تتشدقون بالشعارات ذات اللافتات ال(فضفاضة) ثم تأتزرون بدثر الحرير وتنامون على الطنافس وتعشقون الحرائر وحليكم الذهب والياقوت والزبرجد :tongue: قال ليك: لقد عاش قادة الاتحاد السوفيتي (الهالك) بدءا من ستالين منعمين كالاباطرة ضاربين عرض الحائط بكل ما أتت به الشيوعية من أفكار اشتراكية نصرة للفقراء والبلوريتاريا وهما بحقوق العمال والطبقات المسحوقة والمهمشين و...الاسطوانة المشروخة ديك... ف يابروف (تحت تحت كدا) انا منتظرك في الخاص والمدير المالي صاحبي ف ورينا حجم الشقة العاوزا عشان نباصرا ليك بي أقساط مريحة وكدا وصدقني انت مابسمسر فيك (لكن ناس أحمد طه وأمير الأمين ديل موضوعم براهو) :biggrin: |
اقتباس:
بمناسبة مشروع غابة السنط الذى اخبرتنا عنه قبل عدة سنوات، في زيارتي الشهر الماضي للخرطوم سمعت بوصول تايقر وود للخرطوم ليلعب قولف مع المتعافي بساحة السنط القولفية بالقرب من المنطقة التي تباع فيها الحمامات ومقاعد التواليت المستعملة. بالله ممكن تدينا فكرة عن سعر الشقة اربعة غرف وفاتحة على جزيرة ام بطيخ جنوب غرب توتي مع خالص الشكر. |
اقتباس:
:biggrin: |
اقتباس:
لو جادي رسلي في الخاص |
اقتباس:
:biggrin: |
اقتباس:
برجع ليك أن شاء الله بس حبيت اقول ليك بي انو (بنك النيل) هو ممول وشريك في هذا المشروع وطبعا اكيد عارف انو الحاج عطا المنان هو رئيس مجلس ادارتو واعتاد الرجل الإشراف شخصيا على المشروع ومعه الأستاذ خليل إبراهيم موفد الديار القطرية |
اقتباس:
منتظرين حتى ترجع للاخ سرالختم ....نعلم جيدا ان هناك اسلاميين شرفاء...ابن عمى عليه الرحمة عبدالله بدرى كان واحدا منهم ...الايام جديرة بأن تصنف كل واحد وان تضعه فى مكانه الذى يناسبه ....وشكرا لك اخى سرالختم ولا ازيد |
| الساعة الآن 11:30 PM. |
Powered by vBulletin® Version 3.8.8 Beta 2
Copyright ©2000 - 2026, vBulletin Solutions, Inc.