عاد جنس مساخة وقباحة
عاد جنس مساخة وقباحة
• بس تجى داخلة بعد سنة من غير إحم ولا دستور وطوالى تروحى داخلة فى الموضوع. ما تسلمى على الناس وتقولى والله كنت مشغولة واللا واللا ....... • بالله الناس فاضين للمسألة دى؟ • إنت ما لاحظت إنه أصله مافى زول قال يا جماعة فلانة دى معانا؟ • يا بت الحلال أنا يوم واحد ما قدرت أطبع كلامى كله ولا يوم نزلت لى موضوع كارب فى السياسة ولاعندى مكتبة متل النسوان. لا إن حضرت آنس ولا إن غبت أوحش. بعدين البورد ده كله بعرفونى فيه نفرين واللا ثلاثة لزوم أقول للناس أن جيت وأنا مشيت شنو؟ • بصراحة كدة حتى لما تدخلى يوم كدى ما قلت لى زول العزيز واللا الشفيف. • بالمناسبة أنا من زمن اللغة القديمة الشفيف دى يعنى شنو؟ • كدى خلى القباحة دى واستقبلى الناس بترحاب وخاطبى المتداخلين فردا فردا مش "شكرا ليكم جميعا" بعدين حكاية أنا ما بقدر أطبع دى واهية ومسيخة زيك أكتبى كل يوم كلمة إن شا الله تردى بعد شهر. أها يا أخوانا الزولة دى ما خاتية على عديل كدى؟ فى ذمتكم أنا قاعدة أتثاقل على زول؟ بس مرات فى كلام ما بعجبنى بتماسخ فى الرد عليه بقدر معقول لأنى بخاف من الرفت خوف الشوفنست من الفيمينست. الزعلان يجى يفش غبينتو فى البوست ده. |
الاخت اسماء .. والله انا ما زعلان وما جاي اتفش خالص .. :p
ايه رايك قبل يومين سالت نفسي منك وانا بفتش برجع في الصفحات السابقة ؟عشان ما تقولي مافي زول بسأل .. بس مرات الزول بقدر وبعرف ما كل الناس بتكون قادرة تدخل لظروف الحياة المختلفة واصلي كتاباتك وهي خير تواصل .. يا شفيفة .. :D :D احترامي . |
العزيزة أسماء
أولا بالتبادي إزيك يا شفيفة أنا شايفاك بتدخلي و بتشاركي في مجال إهتمامك لكِ مشاركات في بوست ندى عبدالمنعم عن تحقير المرأة و شفت ليك مشاركة الآن في بوست أم سهى أها...فش الغبينة خليهو لي مرة تانية:D و برضو إحترامي |
اختنا اسماء
انتي راكبة من ياتو محطة؟؟؟؟ ثم لك التحية اشاركك الموقف من كلمة (الشفيف) وان كان شكلها اللغوي يبدو بريئا...فهناك كلمة (شفاف) على وزن فعال وهي على وزن فعيل ..لكن لا بد من عمل لجنة تقصي حقائق بخصوصها والرجوع الى القواميس لنرى ان كان عليها غبار ام لا؟؟[/ |
اقتباس:
الاتنين حاصلات بس تخصصك صعب ... |
سلام أستاذة أسماء
أت مالك داخلة توش كده ؟؟ الشوت ضفاري والقوم سداري وألله شفيف ولا شفاف كلو ماشي وبدون يفتحو الكتاب ويشوفو الجواب / وبعدين الأنس موجود بحضوركم ومن باب أولي الغياب بكون موحش أنتو ناس البيت وأهل الدار ،، أها لا وين مقبلين ؟؟؟ ما تعرتو بسراع والفشة غبينتو ضيع قضيتو يديك الصحة وزالعافية |
العزيزه اسماء عبد الحليم..
كم تمنينا .ان نضيف عليها الالقاب... لكن ذلك محجور .وممنوع..باصدارات .لا تقبل الجدال.. لغييابك وحشه...شديده... نعم المشاغل. وحين تاتين.. وتردين.الماء..تردين.و.تاتين.. بالعجب .المستطاب...السهل...الممتنع..الدفاق.. وبالطبع.انت .ابعد.عن المساخه..والقطامه..(وهذا تعبير..اكثر.. شرشحه....) ونحن .ايتها الرائعه.. لا نملك..من امرنا..رشدا.. ( يعنى بره..فش القبينا.. الكاتلانا...دى..) لو حاولنا,...ان نقول.. اعتقد جازما..لن ترى عيوننا .إكتحال ضى الصباح... يا اسماء انت قايله..اخنق.فطس..دى..كيف!! بالله..دا استجرار..لنقل المعارك..التصفيه..الى ما بين المدخل.والجدار.. او ما بين النهرين...!!. او بين لمحة عين ..وابصارها..ونومها..والنعاس فى الجفون.,. تبقى القرابه.حرابه..ونخسر.الودين...؟؟؟ والمخده ..الكاتمه.للاتفاس.. انسى..الموضوع...!! نريد توضيحا..تفصيليا..يوضح.ويشير...وبالتحديد..الى مواقع الالغام...والخطوط الحمراء..المولعه...بالهيب ..والشجار.. والمساخه.دى..ختتيى ليها.القدرها.. والقدرها... اعتقد...لكل بيت اسراره...وقوة الردع فيه..ومدى الدانات.. اقول قولى هذا واستغفر الله لى ولكم... وخلى بالك..من المساخه..والقطامه.. وما خفى اعظم. انا ما قلت .اى حاجه.. مفهوم.... انتى البديتى.. وانا.برا..وبرى..وبريه...!! عميق الاعزاز.. |
اقتباس:
و الله أظنه الكلام دة جاك بالغلط و الزولة دي قاصداني أنا . أنا مرات بقول "امريكا" دي تكون "نشفتني" و لا شنو ؟؟ لانه لساني يعجز- و كبيوردي أيضا من"القلد" - بفتح القاف و كسر الللام -الفى الشاشة دة ,,و الكلام البنقط عسل .. و الكلام من هذا النوع مش ما بقدر أقوله بس ,, لكن لمن أقراهو بيضرسني عديل كدة ,, و مرات كمان بطيرني من البوست كلو كلو.:D ,, و انا كمان ما بعرف أحب لي زول و لا اكرهه من وراء الشاشة الغشاشة دي ,, يعني الزول كان ما شفتو بي عيني دي و عاشرته و عرفت البيهو و العليهو .. ما بقدر أكضب عليه و على نفسي و اقول ليهو "شفيف" و لا "لفيف" و بينى و بينك .. البعرفو ما بخطر ببالي أقول ليهو كلام زي دة :rolleyes: و مشكلتى زيك .. الكلام البعتر لي ما بقدر اصم خشمي و أعاين ليهو .. لازم أرد عليهو طوالي و توووش من دون مقدمات .. و مرات دي بتتفهم مساخة .. و هي ما كدة أبدا .. قبل يومين كنت بفكر أكتب لي بوست عن ما أشعر به عنوانه : Romantically Challenged .. لاني بالجد بقيت ما عارفة العيب فينى و لا فى الزمن العلينا دة .. و لا أنا بقى عندي Fear of Intimacy ... لووول و حكاية أتنين او تلاتة بعرفوك فى البيت برضو بتنطبق على أختك هنا .. و أنا رااااضية بي نصيبي .. عشان كدة بخش و بمرق بيييي راحتي :) و دي أنا بسميها keeping low profile و هو ما ترتاح له طبيعتي .. ليس أنزواءا و لا خوفا ,, ولكن هذا ما يتوافق مع نفسي . يا زولة ما براك .. و إنت لاك مسيخة و لاك قبيحة .. و إنت كدة تمااام التمام .. على الاقل فى نظري ... ليك العافية .. |
شكرا يا شفيفين
معلومة مهمة زولتى دى ما عضو فى أى منبر بس قاعدة تقرا ساكت وانا اشيل وأدعى "يا شيخ الهاكرز تضرب كومبيوترها وليك منى البياض". هوى يا عصمت العالم! ولا أزيد :cool: بركات الشريف أنا راكبة من قبالك من المحطة الجنب ناس معتصم :) شكرا يا عمك تنقو كويتها لى فى صنقورها معتصم الطاهر الانس بحضوركم حنينة واللا غيرك إنت ببقى؟ د.سيد عبدالقادر قنات قلت لى داخلة توش؟ تقول شنو فى الشتارة؟ بعدين دخول توش ده ما هو الجاب لى الشناف. معلاش وشكرا على الترحاب ياها المحرية فيكم. |
كدي يا اسماء قولي باسم الله واستهدي خير
مالك في شنو؟؟ كافي البلي وحايد المحن! المساخة الجابها شنو؟ والله عاد كضابة القالت انتي مسيخة واتلومت تب انتي الراسية ورزينة وفهيمة ياختي لكن دائما الزول الما بحصلك .. بفلقك ..ولا يهمك كلنا قالو علينا كدي في الاول واحدة سمع اضاني مرة في لمة كدة قالت ليها دي منو؟ (بتقصدني انا) التانية قالت ليها دي ام سهى قامت قالت ليها (بس) بي كسر الباء دي بتاعة المشردين دي ولا زولة تانية التانية قالت ليها ياها زاتها هي متين اتنفضت من الخيران وجات؟؟:D :D ولا يهمك يا حبيبة تاخدي غيرها مودتي |
أنا غايتو يا أسماء جنِس قباحتي و مساختي ما حصلن..
أغييييييييييييييييييييب و أجي داخلة برااااااااااااااحة... الشي يا بتي بعد كان في الكي بورد...بقى في الوِش..:p حمدلة على السلامة يا ختي...أشرقت الأنوار. |
عزيزتنا الكاتبة أسماء
تحية واحتراماً صدق الشاعر الراحل حسن الزبير حين أشعر : ( شوفتِك شفا .... ) ( وريني بس قانون هواك ) وبقية الأغنية التي تغنى بها الشهيد الراحل : خوجلي عثمان . و( الشهيد ) خوجلي لها قصة غير ما يعرف الجميع !! مرحباً بكِ ، تغيبين في بحار الدُنيا وتخرُجين علينا عندما تنام الشمس أو تستريح قليلاً . رجاء أعطينا عنوان كتابك الذي صدر حديثاً ، لنعرف كيف نغتنيه ، علماً بأنني أتحفظ كثيراً على ( الشَحدة المُغلفة ) . لم يكتُبوا في القص : غطست ماردة في البحر وخرجت باللؤلؤة ، بل يقولون دوماً في قصص مجتمعنا ألذكوري : غطس مارد في البحر وخرج باللؤلؤة . !!! أهلاً بكِ على ضفاف شاطئ يحب المُصطافون فيه بعضهم بعضا . ويحبون الود المُغلف بالعتاب . أهلاً ومرحبا . |
:p
اسماء يا شفيفه ازيك مستحيل يكون فى زول زعلان منك ما ممكن |
اقتباس:
تحية طيبة زمان في أغنية يتغنى بها محمد الأمين بتقول : نتقول هواي تستبعدوا وتضحي بيهُو .... كلام زعل ما بتقصُدو .. ما بتقصدو |
أستاذنا الشقلينى:
كلامك أكبر منى. إنت وكل الأحباب فى البورد بتطوفوا فى الرفيع الحسن إدناه الفورم وهو سارى حتى 28 الجارى. عليك الله وأمان الله الناشر من شدة تعنته كوش على كل الحقوق. أنا بعد ما أدانى 3 نسخ باع لى زى وزى أى زول. بعدين اكتشفت إنه السعر بتاعهم لكل كتبهم حاجة مزعجة. غايته الفورم سعره معقول. تعدين أدخل رسائلك الخاصة أنا مرسلة ليك سؤال عن بوست فى سودانيزز. Order Form for SUDANESE WOMEN IN THE UNITED STATES: THE DOUBLE PROBLEM OF GENDER AND CULTURE by Asma M. Abdel Halim ISBN 0-7734-5675-9 Name:_____________________________________________ ______________________________ Shipping address Daytime Phone Number (for shipping reasons): (____)________________________ To charge by Mastercard, Visa or American Express, please provide the following information. Name on credit card: Number:___________________________________________ _____________ Expiration: Signature (required):_______________________________________ _____________ Is shipping address same as billing address for this card? ____ Yes ____ No If no, please provide billing address: Billing address: $ Price + FREE Shipping & handling NORTH AMERICA ONLY $5 PER BOOK ALL OTHER LOCATIONS $ Taxable Subtotal $+ Tax/GST (NY residents must include sales tax. If paying in Canadian funds, add 7% GST) Total: $ ________ (If paying by check/money order, make out check for this amount) Mail to: The Edwin Mellen Press Order Fulfillment Dept., PO Box 450, Lewiston, NY 14092-0450 To order by e-mail: [email protected] Tel:(716)754-2788 Fax:(716)754-1860 10/4/2006 website: www.mellenpress.com Expires 2/28/2007 Individuals: Order this book for $39.95 using your Mastercard, Visa or American Express and ordering by phone: U.S./Canada: (716) 754-2788 Prepaid. Non-returnable. Journals Use your journal letterhead or email to receive a FREE review copy. |
ندى، ممكونة
الله يرفع معنوياتكن ترانى بى جماعتى وبسملة الظريفة: ما عشان إنتى هنا ما فى زعل |
يا زوله يا شفيفة ورايقه
يا الداخله فينا تووووووووووووووش متل الهمبريب وقت الصي شوتي ضفاري مِتِل ما عايزه وفوتي وتعالي مِتِل ما دايره بس ما تطولي الغيبه .. أها وحاتك يا بت الناس الطيبين كلمات متل شفيف وراقي وجميل ونبيل وووو ... إلخ يمكن أنا الوحيد البكتر منها .... وصدقيني بكتبها بي صدق جد جد وبحس لما أكتبها بأني بقالد الزول الأنا بخطابه علي الكي بورد تسلمي ويسلم يراعك |
شخصياً، أنا عاوز أبدأ من هنا:
اقتباس:
شفف: شفه الحزن، لذع قلبه، شف كبده: أحرقها شفّه الهمُّ: أهزله، وأضمره حتر رقّ. قال اليشكري: (ما شفَّ جسمي غيرُ حبّك\ فاهدئي عني وسيري) شفَّ الثوبُ: إذا رقّ حتى يصف جلد لابسه الشُّفوف: نحول الجسم من الهمّ والوجد شفّه الهمُّ وشفْشَفَهُ، والمُشفشفُ هو المُشْفقُ، شفْشفَ عليه إذا أشفق عليه والشّفُّ والشّف(بكسر الفاء): الثوب الرقيق وشفَّ الستر: يشفّ شفوفاً وشفيفا، واستشفَّ ظهر ما وراءه وشفَّ الماء يشفه شفاً: تقصّى شربه والشف والشف: الفضل والربح والزيادة والشفيف: شدة الحر، وقيل شدّة لذع البرد، والشفيف: البرد والوجع أيضاً والمشفْشف والمُشفشف(بكسر الشين): السخيف السيء الخلق الغيور والشفشفة: الارتعاد والاختلاط وسوء الظن مع الغيرة هذا يكفي، مؤقتاً. والواضح أن أغلب هذه الاستعمالات موجودة في عاميتنا المتداولة، وخاصة الحبوبات، حين يداعبن ويمازحن حفيداتهن([overline]الشفشافات الفيفات[/overline])! لعلنا حين نخاطب رفاقنا هنا بقولنا (الشفيفة أسماء مثلاً)، إنما نعني تطابق أقوالهن مع أفعالهن أو تطابق المخبر مع الجوهر، وأن ظاهرهن كباطنهن في الصدق والشعور، وذلك من باب جميل القول والاحتفاء والترحاب، فلا بأس من ذلكم كما نرى، إن شاء الله. [mark=FFFF00]وأما فيما يتعلق بما زعمت (مداعبة) من مساخة، فحاشاك، فما نراك إلا كما رأت أم سهى حين قالت[/mark]: اقتباس:
اقتباس:
اقتباس:
|
زمان يا اسماء لمن قلت ليكم عيونى شينات وما بشوفن السمح
وامى ابت لى اكحلن كشفتوا حالى اها دى النتيجة اريتها شنات عدوك الما بتشوفك وما بتفقدك ليك مودة تستحقينها |
الاستاذ عالم عباس لك التحية
اود ان اضيف ان كلمة شيفون الفرنسية، كما قيل، ذات اصل عربي وهي كما هو معروف تعنى الثوب الشفاف الذي يكشف ما تحته..أرجو تصحيح معلومتى |
Nasir Yousif
شكرا يا زعيم على الكارت بلانش أستاذ عالم العالم ما خليت لشرح الكلمة شى كتر خيرك. بركات زادنا شيفون صاحبتى بتقرا فى ده كله ما عندى ليها غير Eat your heart out |
سارة
عيونك ديل مش القال فيهن السياب عيناك غابتا نخيل ساعة السحر أو شرفتان راح ينأى عنهما القمر |
[mark=FF0000]عزيزنا بركات (بركاتك يا الشريف)![/mark]
رأيتك أضفت إلى الحديث نكهة فرنسية، ولم لا وأنا ("أموت" في الذوق والعطر الفرنسي، من بيير كاردان وإيف سان لوران وشانيل.. والحرير الفرنسي والموضة والشيفون والترجال، وما إليه)! ورأيت إضافتك اللافتة، حيث ملت مع من يزعمون أن كلمة الشفون والمعني بها "القماش الفرنسي" ربما جاءت من العربية لأن القماش يرق حتى يصف جسم لابسه فهو من الشف والشفوف طبعاً هذا مبحث لغوي عويص واسع البحر، وبالطبع اللغات تتداخل وتأخذ من بعضها من قديم فقد تجد ألفاظاً في العربية أصلها يونانية(لاتينية) أو فارسية، ودونك الدرهم والدينار والفردوس وجهنم، وتجد في اللغات الأخرى الكلمات والعبارات العربية،من الصفر والجبرا، وحتى الانتفاضة وهذا أمر معروف! لكن أحياناً نشتط حتى نجعل من "[mark=FF0000]شيكسبير" الشيخ زبير [/mark](كما سمعنا)! فقط لمجرد الجرس، إلى درجة أن أصحابنا الظرفاء في السودان جعلوا من "[mark=FFFF00]كونداليزا رايس" سودنوها إلى "قونقليسة بت الريس[/mark]"! الأسوأ من كل ذلك، أننا أحياناً نعود إلى كلماتنا التي استعارها أقوام آخرون وطوروها في الاستخدام، وحين نحتاج أن نستعيدها (نستلف بضاعتنا نفسها، بضبانتها)، فلا نعيدها إلى أصلها، بل في عجمتها، ودونك مثلاً كلمة الشيك! أصلها "صك"، استعملها الأوربيون وينطقونها ( CHEQUE )، وعند حاجتنا إليها، من بعد تخلف، وانهزام، لم نعدها كما كانت، بل ولا حتى كما ينطقونها هم، إذ ليست لنا حرف يقابل حرف ( CH)، فجعلناها " شيناً" ونطقناها "شيك"وكان الأحرى أن تكون صكاً كأصلها، وغير هذا كثير عندنا! لو عدنا إلى لفظ "[mark=FF0000]شفون[/mark]" التي جئت به، فإن صحت نسبتها إلى العربية لكان أحرى أن يكون اللفظ مشتق إلى أقرب فعل، وهنا فإن أقرب الألفاظ إليه هو لفظ "شفن" وليس" شفَّ"،. أحيلك إلى ابن منظور في لسان العرب حيث جاء ما يلي: شفن: شفنه يشفنه بكسر الفاء، شفناً وشفونا، وشفنه يشفنه شفنا نظره نظراً فيه اعتراض، نظر إليه بمؤخرة عينه والشفن أن يرفع الإنسان طرفه ناظراً إلى الشيء كالمتعجب منه الشفن: النظر بمؤخر العين، وهو شافن و شفون يسارقن الكلام إليَّ لما .... حسسن حذار مرتقب شفون وقال رِبة: يقتلن بالأطراف والجفون ... كل فتى مرتقب شفون ونظر شفون ورجل شفون وشُفَن والشفون: الغيور الذي لا يفتر طرفه عن النظر من شدة الغيرة [mark=FFFF00][overline]شفت الشفون دة كيف يا شيخنا![/overline][/mark] وشكراً لكم على الإمتاع والمذاكرة |
الأحباء هنا
صدق من قال : الوِلِف كَتال ترنحت النفس سكرا من مُجرد عتاب ، انفتحت الأنفُس مما بها ونشرت رياشها بين الأحبة . شاعرنا الفخيم ، ... عالم عباس رُب جفوة أنبتت محبة ، تقول الأساطير إن قيس أول عشق له كان شقيقة ليلى ، ثم لقي دُرته وتشاجرا ثم كان ما كان .. أما بضاعتنا رُدت إلينا فيحضرني رجل بر وكرم خبرته واشتركنا معاً : أنا بمهنة الهندسة المعمارية ، وهو بريحانة نفسه : ما وجد فرجاً في باب البِر إلا تسلل منه واشترك . كان له مَحجر من محاجر الرُخام ، يقطعه ويُصدره ثم يعود إلينا مع ( الكتلوجات ) الإيطالية بالاسم والصورة !!!! ونشتري بضاعتنا وقد رُدت إلينا !!! هي التجارة وأحلها المولى ، لكنه كان رجل بر . اشتركنا معاً في تصميم وبناء مسجد الحارة ( 12 ) على الشارع العام منذ أكثر من خمسة عشر عاماً ... ( ما عارف المسجد حصل ليهو شنو : إمكن يكون عملوهو ( جياد ) !! ( كِبرنا وكِبرت أيامنا ... زدتُو حلا ... ) |
أستاذ عالم قلت
اقتباس:
وعليه يجب تعريب إسمه إلى مفتاح الغناى الشقلينى الفورم فى أخر الصفحة الأولى من هذا البوست لكن ستصل نسخة إلى الدوحة قريبأ تجدها عند أسماء والنور وبذكر بضاعتنا المردودة إلينا مالك من القطن ورحلاته بين مصر وانجلترا والباقين. |
[overline]كتب صاحبنا الشقليني[/overline]:
[size=4] اقتباس:
صدقت يا "بيكاسو"، تلك لم تكن من الأساطير، فقد وثق ذلكم الشاعر نفسه جميل حين قال: وأول ما قاد المودّة بيننا ........ بواد عقيق يا بثينُ سباب فقلتُ لها قولاً فجاءت بمثله ..... لكل حديث يا بثين جواب[color] اقتباس:
العزيز بيكاسو. أتعرف يا صاح، هذا داءٌ قديم في الأمة! لدينا قطن الجزيرة كلها، ولم نفلح حتى في صناعة الدمورية إلا قليلاً ونتشدق بالثوب السوداني وجماله، وهو يأتينا من سويسرا و(الهند)، وربما من بنجلاديش والعمم التوتال من أرقى أنواع القطن السوداني (كما يقال) وارد سويسرا وانجلترا، ولم يفتح الله علينا حتى بمصنع هنا يرحم الله الذين أسسوا( مصنع النسيج السوداني الأمريكي)، في زمانه، ومصانع أخرى، أضحت الآن أثراً بعد عين! يا عزيزنا، لا تفتح الجراح، (فقد رُمّت على فساد)! طبعاً مش حنتكلم عن الفول السوداني، ولا عيش الريف المعمول في علب (فشار)، وكله مستورد، ونحن (سلة غذاء العالم)! بالمناسبة، البوست دة موضوعه إيه!! يا أسماء شُفْت المساخة بقت كيف! لكم المحبة |
اقتباس:
أنسى موضوعه الأصلى. خليها لأعضاء سودانيات يخلقوا من الفسيخ شربات |
اقتباس:
أنا ما عندي مانع صاحبنا الإعرابي، أياً من كان، أن يقطع اسم Kissinger إلى key singer، لكن ما يغيظ هو الترجمة! ليته قال المغني الرئيس أو المغني الأول، أو حتى سيد الغنا، لكن مفتاح الغنّاي! يا سلام! دة النوع القال أن ([mark=FFFF00]ISACK HAYES[/mark]) هو " إساغة هيّص"! اقتباس:
بالله معقول الشربات دة(دي) من الفسيخ ده أموت في الفسيخ! (والتركين كمان)! |
اقتباس:
أنا ما عندي مانع صاحبنا الإعرابي، أياً من كان، أن يقطع اسم Kissinger إلى key singer، لكن ما يغيظ هو الترجمة! ليته قال المغني الرئيس أو المغني الأول، أو حتى سيد الغنا، لكن مفتاح الغنّاي! يا سلام! دة النوع القال أن ([mark=FFFF00]ISACK HAYES[/mark]) هو " إساغة هيّص"! اقتباس:
بالله معقول الشربات دة(دي) من الفسيخ ده أموت في الفسيخ! (والتركين كمان)! |
عالم
أياك أن تموت فى ما أو من مات مرتين الفسيخ مات يوم خرج من النهر ويوم ملح (ضم الميم) فسيخا أو مات ثلاثا يوم صار تركينا. بمناسبة الكلمات ومعانيها لغتى العربية بتعدى الحيرة لكن وجدت حال العربية فى السودان مبشتن مثلا النائب العام قال: فاز القانون بالأغلبية الساحقة للغاية انتابنى شعور لغوى بأن للغاية over kill |
تحياتي لكم
بمناسبة الفسيخ والشربات، فقد استمعت الى برنامج تلفزيوني يتحدث عن (قهوة) مصنوعة من فضلات القطط؟؟؟ لا اريد ان افسد عليكم يومكم بتخيل شكل ذلك الكوب الدافئ من تلك القهوة وما يصحبها من زنجبيل وغيره، ورائحة تلك القهوة التى تحرص جداتنا على استنشاقها...لذا فان تحول الفسيخ الى شربات يعتبر رحمة وبمناسبة الاستخدام الخاطئ للمفردات اللغوية، ففي فندق في باكستان كتب هذا الطلب للنزلاء لكي يودعوا اشيائهم الثمينة لدى الاستقبال (Please leave your values at the receiption) وأخيرا اقول للاستاذ الشقليني: نحن لم نخلص بعد من موضوع (الشفيف) وها انت تخرج علينا (بالفخيم)..انجدنا يا استاذ عالم بالمنجد لمعرفة موقع الفخيم من الاعراب |
| الساعة الآن 07:59 PM. |
Powered by vBulletin® Version 3.8.8 Beta 2
Copyright ©2000 - 2026, vBulletin Solutions, Inc.