هام و عاجـــل..ألـف مبروك للعزيز عـكــود المنصـب الرفـيع الجديد..
التهانيء الحارة للرجل الفاضـل أبوذر الكامل آل عكـود الرئيس الجديد لاتحاد المزارعين
و هـو اختيار صادف أهـلـه جاء من "الرويس" بالإمارات خصيصآ لاسـتلام المكتب و المخصصات و العمل كنتُ برفقته قبل قليل..و ننتظر أن يظهر بنفســه ليروي التفاصـيل مبروك من القلب يا صديقي و ننتظر خطابكم بفارغ الصـبر فنحن أبناء مزارعين و سنقف دعمآ لكم بلا شــك.. |
اقتباس:
تهانينا .... ومبروك يا عكود .... وإن شاء الله بمقدمكم سيكون الخير .... |
قدرها
ومدفّق .. |
جانبو ياطيب
مبروك علينا وعلى سمية واولادها اختيار صادف اهله ربي يوفقك ويسدد خطاك وتنفع اهلك بخبراتك الثرة يارب تتفوق الكرامة وين.....؟ تحت تحت قبال ماتخت كراعك نقدم طلباتنا :rolleyes: :rolleyes: :rolleyes: عايزة لي واطة كان جدعة جدعتين ناس الخليج ما مضمونين وشيتا ينفع كبرنا:D :D :D :D |
وانا اقول عكود وين
والله ليك وحشه ومبرووووك المنصب والفكاك من الخليج يفكنا |
الف مبروك لهذا المنصب الذى انت اهل له..وربنا يوفقك ويسدد خطاك وانت تخطو نحو مجد جديد..
كل الامنيات الغوالى لك بالتو فيق والنجاح ..والسداد.. الف مبروك...عكود |
اقتباس:
اقصد الف مبروك :D وعكود رجل يستحق ويستحق هذا واكثر ولكن ولكن دى برجع ليها بعدين عكود غتاتة الشايقية ما خلاها :D :D :D كنت معاهو فى التلفون قبل سفره للسودان بيومين ما جاب سيرة لى ابدا الظاهر خاف انى اكون دائر لى خمسمائة مطرى و خمسة مروى :D :D تخريمة : الطيب يا جميل شكرا لنقل هذا الخبر الجميل ;) ;) مودتى اقتباس:
;) ;) |
الف مبروك أخينا عكود
وربنا أعينك الراجيك كتير والمحرية فيك تقيلة ولكن الاختيار قد صادف أهله وفقك الله وشكرا الحبيب الطيب لكم الود |
الأخ الطيب بشير
أشكرك للمعلومه وبلغ عكود تهانى الحاره |
[align=right]
العزيز الغالى أبو ذر .. أصدق التهانى والتبريكات .. لهذه النقلة وهذا الإختيار الذى صادف أهله وبلغ مقصده .. وكلنا تغمرنا السعادة والحبور .. فأخيرا نال المزارعين مسئولا يعرف مشكلاتهم ويتفاعل مع طموحاتهم وأمانيهم .. وينهض بهم لأنه منهم .. ويعى تماما إحتياجاتهم .. وفق الله خطاك يا ( كبير القوم ) .. ونصر المولى عز وجل بك المتربين الغلابة ..[/align] [align=right]ود البشير : سلام بالحيل كتير .. وإنشاء الله السودان مرحب بيك .. بعد الغيبة .. وأولاد العم سام السرقو عمرك من بلدك .. يمين و الله خبرك لينا سمح بالحيل .. وتراكا اّاّ ولد أبوك تملى بشرة خير .. وخباراتك فى بكانها .. الله يديك العافية .. ومشكور .[/align] [align=right]عكود : البشارة .. البشارة .. مودتى ..[/align] |
اقتباس:
سلام وإنتا في السودان كدي يا أخوي وقع ليا الكلام هو مبروك والف مبروك وآي وظيفة إن ما إتشرفت بي عكود ما زادتو جاه وهي المسئولية وهو شيال القواسي لكن الزول دا وهو في مطار أبوظبي وماشي للطيارة كنت بتكلم معاهو هو في القلب مكانتو سامية لكن دحين بقدر علي خمجي البلد ديك ربنا يغتيهو ويحميهو ونوصيهو كما أوصى لقمان إبنه .................................................. .......... لك وله كل الحب |
1000مبروك يا عكود علي هذا التكليف الذي انت اهل له... وفقك الله.... شكرا الطيب قريبي علي الخبر... وكيف زيارتك للسودان رجعت ولا لسه.... |
الف الف مبروك لاهلنا المزارعين ولعكود
وعقبال نسمع بالطيب البشير محافظا لمشروع الجزيره والمناقل وتحياتنا وأشواقنا |
الطيب البشير (الطيب) حامل البشارات الطيبة
يعني ممكن نقول النفرة الزراعية يا دوب ابتدت؟ (أنا يا دوب فهمت ليه الجوال(الهناك داك) ما بيرد!) تعزّلوا وما تدونا خبر!! والله تربال بصحيح! ويا أيها العزيز عكود (جوهرة سودانيات المكنونة) إنها لمسؤولية نثق أنكم أهلها، بمثل ثقة من أولوك إياها وزيادة. نسأل الله لكم العون ، فإنما هو تكليف وأمانة ومسؤولية ليست بالهينة ونسأل الله أن يعينكم عليها وأن يكون خيراً وبركة على من أسندوها إليك، والله المستعان! ( لايذهبنّ بك المسؤوليات بحيث تختفي عنّا، فلنا فيك نصيب، تُسأل عنه إن فرّطت فيه، فتذكّر |
ألف مبروك يا العكودابي أباي ذر
|
اتمنى له التوفيق ودوام الصحة
وعلى يدية يدر الخير ......يا رب ويكفيه شر ال............................!!!!! ودى للجميع ...........................هنداوى |
البشير ... الطيب بشير
مبروك لأبوذر عكود يستاهل كل الخير ..... إن شاء الله علي يديه يكون الخير |
طيب الامنيات لك بالتوفيق.... وكل المنى ان يشابه الموقع الجديد احلامك
|
الف الف مبروك للأستاذ عكود
ومزيد من النجاح |
اقتباس:
|
اقتباس:
البلاغ بتاعك ما فتحت ليهو يومية تحري لسة ما رديت ولا على زول، لا شكر ولا تأكيد للمعلومة نورت النيل الأزرق ونهر النيل والحلفاية وناسها الطيبين سلامي للأهل كلهم وخاصة صديقي الباشمهندز أحمد ولعكود وأهلنا كلهم دون فرز مستنيين تأكيد المعلومة عشان نقول ونسترسل بالثناء والتبجيل لي حبيبنا وكبر حجمو من كون يكون مع ناس ديل، وياريت لو إمكن يكون ضرب من الخيال او حلم نص الليل |
الاخ الطيب ود البشير ...وانت البشير بالخبر السمح دا ....حبابك الف عكود الف مبروك وتهانينا القلبية وربنا يوفقك وهي مسئولية كبيرة بالحيل وانت قدرها ...ربنا يرفع مقامك أكبر وأكبر يارب العالمين وحمد لله علي السلامة الرجعت البلد سالم وطيب ... ابقي عشرة علي اهلنا الطيبين وابقي عشرة علي طين الوطن وترابه والله يعينك علي هذه المسئولية الكبيرة جدا جدا ... ندعو ليك بالتوفيق دائما والله ود الزين ِ |
ياجماعة ما متأخرين فى التهنئة
بس منتظرين دخلت عكود قال الطيب بشير اقتباس:
عكود بفاضل فى الإجازة بين أوربا والسودان ومتوقف على الفيزا يعنى كان جات الفيزة طارت الوظيفة كدة رسونا ونقول مبروك للضمان |
اقتباس:
|
اقتباس:
|
الف مبروك عكود والتمنيات ليك بالتوفيق والسداد ...
وتسلم يا ابوالطب للأخبار المفرحة ونورت النيل الأزرق بتلك الإطلالة العذبة .... |
اقتباس:
|
[frame="7 80"]
اقتباس:
سلامات الف مبروك تستاهل يابطل كنا في انتظارك لكن معليش الجايات اكتر ايمان في انتظارك |
اقتباس:
بستلف منك دي لزوم الإضافة لي أخونا طيب القوم وبقول: يا سعادتو وينك لا عبرتنا ولا جبت خبرنا إتكلمنا بالعربي وكتبنا بالما عربي بالنقط وعلامات الإستفهام وال :p :p :p وبرضك مصهين أريت لو تعبرنا وترد لو سألت أخونا الباشمهندس أحمد إبراهيم بقول ليك كيف كنا في أبوظبي، بنحب ونصادق وبنخلص وبنعمل بي (أنصح أخاك ظالما أو مظلوم) فبالله قبال ما نتحير أكتر وراسنا يلف ورينا الحاصل؟:confused: :confused: حرصنا على حبيبنا عكود أكبر من أن يوصف فوالله قدر ما نحبه بنخاف عليهو (وزن ،،، بخاف عليك، الأغنية الصادقة الجميلة) |
[align=center]
الأستاذ / عكود : نُبل وكرم و كفاءة [/align] |
اقتباس:
استلف كما يحلو لك وهاك ديل ملح ولا دين ولا سلف :p :p :p :p ولـــــــــــــــــــــــــــــكن الخبر الاكيد هو .............................................! ! ! ! ! :D :D :D |
كانت الفكرة أن يخرج الناس من الكتابة حول المشكلة القائمة في سودانيات
و يتناولوا موضوعات أخـرى.. و لــكــن..زي ما بيقول طارق الحـســن إتـسـع الفـتـق على الراتق.. فقلت أستغفركم بإيراد الحقيقة.. ..هاتفني عكود من الخرطوم بعد وصوله.. ذهبنا معآ لزيارة حبيب.. كنت أنا في زيّ يشبه ماء الوضــوء.. لكن الحبيب عكود كان يلبس جلابية بيضا مكوية..حبيبي..و معاها شال و ملفحة و قفطان..و يرتكب جلدآ نمريـّـآ يغيظ ودّ الريـّـح..و العصا لمن عصا..يسبقه عطر يشبه أسماء النسوان الما كويسات في الغرب..و دخلنا لحبيبنا المسؤول عن بنك ضخم و غنيان..قال عكود من بين أزيائه: نريد مقابلة المدير فلان.. ردّ عليه موظف الإستقبال: الأخ رئيس اتحاد المزارعين ..موش كـدة؟..:D كان بالخاطر أن آتي تاني يوم للـCHـــمــــــCHــرة حول الأمر.. لكن لقيت سودانيات..ما عندها مزاج ضحك..فوأدتُ طـُــرفـتي و ..بكيت.. . |
العزيز الطيب
يعنى القصة كذبة يوليو !!! كنا نتمنى لو كانت القصة جد ... على الأقل كان طلعنا لينا بي ترعة أبوعشرين علي العموم يا صديقى جميل أن يكون عكود بالسودان لعلنا نلتقيه أنا بالخرطوم منذ مدة ... ما قابلت حد من سودانيات ... و غرقان في اللوم لحدي قمة رأسي .. لو كان السودان خلي لينا باقي رأس عندي مليون عذر أني لم أسعي لمقابلة الشباب فقد دخلت في دوامة قضايا كثيرة لا تحتمل التأجيل...... و في نفس الوقت ما عندى أي عذر وما مسامح نفسى أننى بالسودان وما قابلت الأصدقاء و الأحباب من سودانيات سأسعي منذ الآن لمقابلة كل زول و تلفوني المحمول في جيبى و جنسيته سودانى 0122877342 و ساكن الطايف شارع الشرقي و مشتاق للجميع |
اقتباس:
وكنت قايلك محصن منو وكنت قايل بيتقوم قبل ما الناس تسترسل تقوم تقول لينا القصة عشان ما تمشي بينا الظنون والهموم هنا وهناك |
اقتباس:
[align=center]يجازي محنــك يا فنــان .[/align] |
اقتباس:
[align=right]ياخ معقولة بس ... ونحنا ما صدقنا .. من فرحتنا .. (الجابرة) ما شالتنا .. فنقلنا العوينات .. وسرحنا .. فى البكرة السمح .. مزارعية .. ورواعية .. وهبة (همبريب) شقت (أب سبعين) .. وجات على طرف الفريق .. زغرودة (أمبلليل .. قصب الفيتريتة ) وقومة الدغشية .. لى ( موية قمح) .. والدنيا شتوية .. وقلنا خلاس .. الله فرجها .. قبال نبيع ( ناقتنا ) .. شيالة الشوك .. قبال ( الدنقداوى ) الفقرى .. قبال ( اّنبرو) الحيكومات السجم .. بيع القمح قبال ( أضان الفار) .. لكن معليهش .. و الزارعوا الله .. فى صرة حجر بيقوم .. والضحكة ما بنشراها فى (الخرتوم) .. وخربانة أم بنايا .. هش . ود البشير : حبة عتاب .. :mad: :( كبير القوم : فرحتنا ساقتنا .. ومكانك فى القلب (حكرى) .. مودة كتييييييرة ..[/align] |
| الساعة الآن 11:40 AM. |
Powered by vBulletin® Version 3.8.8 Beta 2
Copyright ©2000 - 2026, vBulletin Solutions, Inc.