أفصل يا سمسم ... خريطة السودان 2011 الأمريكية ...
بعد إدمان شَكَلو ... ناخد على شكلو ... غايتو جنس مشاكل !!! الخريطة الجديدة بعد الاستفتاء حتكون مشرتمة كدا !!! قضية أبيي وصلوها لاهاي عشان فيها بترول !!! وساكتين عن حلايب !!! [align=center][flash=http://www.sudanorg.tk/upload/uploads/new-sudan.swf]WIDTH=500 HEIGHT=600[/flash] [/align] بقت تشبه خرطة الولايات المتحدة الأمريكية بس لو كان بدل بورتسودان لقيناها واشنطن دي سي وسواكن نيويورك كنا ما سمعنا حار فراقك نار يا سواكن ولا بورسودان فيها ضبان وجنوب النيل الأزرق فلوريدا ... وقيسان ميامي ... والقطر الماشي واو يقوم كدا يكسر كرونا في هوليوود !!! وعلي مهدي يجيب لينا موية وزي المواعيد دي كان الواحد يتزحلق في التلج سااااااااي ومن تلفريك لتلفريك وهكذا ... والنيل الأبيض يمر برااحة شاقي ليكم مينسوتا ما يقابلها محافظة اعالي النيل المغتصبة ويمشي شوية كدا يخش لينا في اركنساس ما يعادلها كوستي بالعملة القديمة ... ثم يدخل ميزوري في مقام ولاية النيل الابيض لا مواخذة ناس شبشة وربشة ولبشة وخيشة والشوال وهكذا شينات .. ثم يجي داخل ميزوري وهي في مقام كرتوم دي سيك .. ويفرتق منها بهدوء تحت الكباري نلقاهو مرق في ايوا وحدودا من شندي لغااااية ابوحمد واخيرا مينسوتا وعاصمتها دنقلا وناس الشمالية بتاعين التفاح يعومو في متشجان ويتفسحو في نياجارا فولز ... بس لو خلو لينا فودكا بركاوي يكونو ما قصروفي الشتا دا !!! نجي للنيل الازرق الشليق .. يبدا لينا المشوار من مسيسبي وعاصمتها الروصيرص وجبدة كدا يخش سريع في تينسي وقلب الولاية النابض امدرمان فلاتة وفي لمحة عين على كنتكي ودي بتكون قريب السوكي ولا ننسى مدني التي تقبع في منتصف الينوى بالزبط ويمر شوية كدا مسافة يقوم نفسك يخش لينا في ويسكنسن وعروس الولاية الهلالية ثم يلاقي المسسبي الكبير في ميزوري وعاصمتها كرتوم دي سك ... نفس الابعاد والصورة على المرآه حقيقية بس الموية بتمشي من الشمال للجنوب .. بس لو عملتا ليها فلب فيرتكال بتزبط العملية ... او تقلب الخريطة راسا على عقب بس المسسبي لو انكشح فيك انا ما مسؤول !!! ناس السودان الغربي بكونو طبعن تابعين لى اوريغون .. وكاليفورنيا عاصمتها نيالا ... اها وانت سائق في الهاي واي يقوم يلاقيك شرطي مرور يوقفك يقول ليك سايق بالسفنجة ليه ... يا شرطي انا وين حاليا ... يقوم يقول ليك انت في ام دقرسي اخخخخ والله قايل روحي في صولت ليك ستي معليش ياخ ... معليش شنو يا زول كدي خارجنا بأي حاجة .. اقوم اديهو موبايلي الايفون وشريحتو آى تي أند تي واذا بي القاها أم تي ان لنك هاي اسبيد انترنت ... غايتو الصيف الجاي ما بقعد هنا ... ميامي بيتش دظ عديل كدا لكن قبل اوصل بتكّل شوية في قيسان واواصل ... بيتش حسب الشريعة الاسلامية ... لو ما كدا ما كنت فكرت في الموضوع من اساسو ... ح اسافر بسودانيز ايرلاينز طبعا ... لا مستهدفة .. ولا بتقع كتير .. ولا بتخش في المباني من طرف ومواعيدا بالدقيقة ومضيفات يسدن النفس !!! بس لو ولاية شمال دارفور فيها شوية تعاريج كان تكون اوريغون الخالق الناطق ... وتحدنا دولتين بس كندا والمكسيك .. بدل تمنية دول جلافيط وقاعدين وجعة ميزانيتم كلها يدفعا ليهم صلاح ادريس اللي هو في مقام بيل غيتس طبعن ... اها والاحزاب ... ايييييييييك اسكت ساي بس !!!!!!!!!!!!!!!! بدون تعليق بليز عشان الفشفاش وأعصاب أخرى متفرقة في الوقت الراهن والانفصام قاب قوسين أو ... خشّ !!! رفعت راسي من الكيبورد لقيت روحي هنا !!!!!!! يا للاحباط !!! بس قلت اتعود على شكل الخريطة الجديدة ويا ريت تبقى نواة تنطلق منها جمعية الصداقة السودانية الامريكية وكدا ... غايتو ... غير احمدو ما عندي شي ... |
[align=center]
اقتباس:
و يا ليالى زمان الله عليك ...;)[/align] |
اقتباس:
انت ناس بورتسودان ديل كلهم اسمهم عثمان:confused::confused::p |
[align=center]
اقتباس:
مالك يا زول داير تخلينا نودى بوست الزول للورشه...:) عشان نعمر ليهو نص المكنه بتاعتو..:p[/align] |
طريقك... واخترتوا بى ايدك
وعزرك تانى ما بفيدك اااااااااااااااااااااااااااااااااااااااااااااااااا اااااااااااااااااااااااااااااااااااااااااااااااااا ااااه |
اقتباس:
هوي يا مشوكش ابرا بعيد الناس في شنو واميري في شنو :D حبيبنا ابو عاقله ياخ الخريطه الجديدة دي ما واقعه لي كويس بعدين كدا انا بقيت مهمش ياخ بيتنا بقى على الحدود.. |
اقتباس:
البوست دا الكتبو منو ؟؟؟؟:D:D يظهر إني انفصلت عن جميع موجاتي العاملة طناش ... أو الوحي تقاعس حبتين الأمر الذي تمخض عن مخاضٍ لا في السما لا في الواطة !!! وربما الهم السادس طفّر فجأة كغير عادته !!! ما علينا ... المهم تصحى في الوقت الذي يتطلب فيه الصحيان وعي لندرك حقيقة الموقف عن كثب ... كانت محاولة لتكوين صورة جديدة عن وطن إترسخ ثم إتزرع ثم اترزع في شبكية مشاهد .. من قام من قعر الواطة ... يعني لو قالو لي بتعرف شنو عن مولدافيا ... اقول ليهم ما بعرف عنها شي لكن بعرف رومانيا ... وكذا الحال مع إستونيا ولاتفيا والجبل الأسود واستون فيللا;) وهېرزكوينا ... حسنا .. ربما كنت في مرحلة من مراحل العصف الذهني حينها ... يعني تكون خاتي شي معين في المخيلة الخلفية الجوووة ديك وبتحاول تفكر في ما يمكن عملو تجاه شكلو في نطاق حدودو ... وربما هي مرحلة خوف من الخروج عن المألوف شكلا وحسا ... حاجة بترسما وانت مغمض .. لو قالو ليك غيرنا شكلها أكيد بتفتح تشوفا مرة واتنين وتحاول تركّز من جديد في التفاصيل .. دا لو ما رميت فرشتك وترجع ليها بعد النشاف الأول .. والنشاف التاني للزيت .. والنشاف التالت للحلق .. دا لو ما حصل حريق وبلع ريق ... ود عثمان ... البف باف بقى يجيكم مع انابيب الغاز في سرج واحد ولّ شنو ؟؟؟... أو ولاية البحر الأحمر عندها سرب طائرات رش كلو جايز ... إتا صدقت فعلا على ما يبدو إنك من واشنطون دي سي لذا إنعدم الذباب في موسمه المعتاد ... ياخ دا ضبان ... بجي في وكتو وبموت في حزتو ... تماما كخريف كل عام ... فما تقلق وتحاول تبرر :D وكل عام وإتا تمام .. واحنا تمام ... ولسنا على ما يرام ... وأعلى ما في الخيل أركبو :D قنعنا من خريطتنا بطريقتنا ... قسمو السلطة والثروة على اتنين والباقي وطن ... قوم اقسم الوطن على اتنين !!! أدي الرطانة حقهم وادينا حقنا وشيل حقك .. وشوف الباقي كم ؟؟ يا زول شغّل لينا مسجلك .. واضربني بمسدسك .. أملاني أنا رصاص:D .. |
اقتباس:
تختار الطريق بى يدك وتمشيهو بكرعينك موش ؟؟؟ كُر .. المهم أي حاجة تكون شغالة فيك بسهولة ويسر الله يكفينا شر التصاق الأمعاء ونشاف السائل البريتوني زي ما قال بابكر عباس في معرض حديسو عن الابل بالمناسبة الشاذة دي ياخ لو عندك باقي دقيق أديني ألخ .. لخ زي اللخ ... أشواقي وصمتي مع كريم شانتيه وما نشتهي من التوابل ... وما تيسر من الساهلة ديك ... طيب لو قتا ليك قوم لِف بتزعل ؟ :D |
[align=justify]محذوف للصالح العام[/align]
|
ود أبو عاقلة الخريطة دي مالا عاملة كدة:)
وبعدين بورتسدان الفيها ضبان :( كدي أسأل منها رأفت ميلاد وود عثمان وتعالي أكمل ليك الباقي |
اقتباس:
اللخو من اطراف البلد على ما يبدو .. نقول كوستي ولّ من المسيرية يا جلابي ... من الطبيعي ما تقع ليك من الوهلة الأولى ... تحس كدا زي المرسومة غلط أو في شي مبتور ... تماما كما تفعل أنت مع حبيبة ما .. إستثنائية .. تبدأ بـسلام ..... فــ .... فــ .... فــ .... و هي فركشت ... أفففففففــــــ... كل القصص الخالدة في تاريخنا الحسي المعاصر والعاصر علينا شديد إنتهت بذات الشاكلة المؤلمة خصوصا عندما تأتي الرياح بما لا شنو كدا تم الباقي... كثيرون يتوهمون الوطن الحبيبة ... ديل هم لو رجال .. شايفنها قدامن يعملو فيها السبعة وتامنها ذمتها ... هؤلاء رؤوسهم كصفوان عليها شعر فأصابه مقص :D فتركه زي ما إتا عارف .. كان جزو قرعة وكان تركو صفوان صلد .. يعني ما فرقت كتير ... لا يا مليجي ... حاول إتأقلم معاها كما أفعل ذات الشي ... فقط حاول لوك الفكرة كما نلوك صبرنا بذات الكيفية !!! في محاولة قد تبدو غير منطقية ... لاستبدال وطن ... وسافنا غنية قد تختفي من نشراتنا الجوية في الغريب القادم ... غايتو ح يحلو عن سمانا تلاتة من دول الجوار السوداني .. ويوغندا وكينيا والكنغو .. افريقيا الوسطي بره الموضوع ... هسي عليك الله زي افريقيا الوسطي دي لو قتا ليك عندهم تلاتة وجبات مشبعات بتصدقني ؟؟!!!! لو كان الحديث الشريف (الدار قبل الجار) ممكن تطبيقو في الدول .. تفتكر كنا رمينا روحنا الرمية المهببة دي ... طبعا لا .. نشوف لينا سعودية ولّ حتى قول سهل البقاع مثلا على الأقل كان وكان وكان :D:D عاد نقول شنو بس !!!! ارقد عافية يا زول انا البي كلو هيّن ... |
اقتباس:
[align=justify]الليلة جبنا سيرة محمد أبو عاقلة وسيرة شيطانو القديم داك، غايتو القطيعة ما مشت عشان يبدو إنو كان في أذكار صباح وتِعِوّذ وبسملة (بدون نازعات)أو ذي ما قُتّ ليك زماان: شيطانك ما حيفوت بس حيقلب ويشتغل معاك على الطريقة الإسلامية، بس اعمل حسابك وخليك صاحي ليو وما تحلم عشان ما يوسّخك الظاهر عليك المرة دي حلمت يا حبيب، ومابْتقدر تتوب أقوم ألِف؟[/align] |
اقتباس:
مالا معووجة ولّ فيها كلزار ؟؟؟ اضغط على الزر المكتوب فيو افصل ياسمسم .. ولّ إلا نكتب ليكم اضغط هنا أو اعفص هنا أو افجخ براحة عليك الله :D عثمان يا جميل .. يا للغياب !!!!!!! اقتباس:
|
اقتباس:
عليك الله لمن يمر شوية كده نزلني أنا في الشكابة قبل ما النفس تخش معاك تلحقنا أمات طه ... !!!:) |
سم سم ما فتح معاي:p
كان نفسي اخش اشوفو:confused: المهم لك اسلوب مميز ورائع.. أحبه!! شفافية نفسية و براعة تكنيكية.. هدية لك وللوطن [rams]http://www.sudanradio.info/arabic/modules/debaser/upload/songs/wardi/altairalmuhajiRe1.mp3[/rams] |
اقتباس:
يا زول إتا راكب الموجة ولّ راكب راسك ؟؟؟ الشي الماري دا المسسبي :D إتا موش الكريبة قريبة منكم !!!! وتيب looool الناس دي كلها عندها نية تجي هناك ترجاوو :D:D:D مالك ومال النفس البقوم يا تاريق :D... والله لو انا في محلك بنسج النفس احترام ... واهديها ليك متمددة ... بفتح كراريس الكلام اختار حروفي واجرده ... وانبش قبور المستحيل كلمات شكر متفردة ... واعمل حساب شوقي العندو استعداد يرتكب جريمة في أي وكت ... فـ اختاهو بقدر استطاعتك وما أوتيت من حرفنة ... وكدا كدا بلحقك أماتو :D |
اقتباس:
سم سمك برضو ما فتح معاي !!! تبدو هكذا لمن تعصلج معانا !!!!! لكن عرفت الاغنية لمنو قبل افتح الرابط اخخخخخخ لمن اتكيفت من سقف توقعاتي الشالو الهوا ... هدية من إيدك مقبولة ... معناها اننا على بالك ... ودي براها بتدي الواحد احساس إنو قريب من خميس مشيط كدا .. معليش نسيت لو داخلة من سفاري اقنعي من الخريطة انا ذاتي ما طالعة معاي حاليا .. بس تخيلا على أرض الواقع ازفت بمليون مرة من سفاري ... |
ما لك علينا ياودبوعاقلة
قولك فوق .....:D فال الله ولا فال الامريكان ضمها يافردة مرجوعة في مسماها باذن واحد احد مرجوعة وملمومة واحدة وموحدة فاطمة وربيكا شول وادروب ومحمد احمد وجمعة وخميس وطن واحد وطن عاتي بنحلم بيه يوماتي |
كضبا كاضب
كضبا كاضب كنا عارفنو شرك وجينا برضو تقول شنو :mad: كيوريظتي بعدين يا اللخو الجار قبل الدار ودي مقولة ما حديث والقال ليك منو امريكا احسن من السودان :mad: السودان سمح بي ناسو وكرباتو وعناكبو كمان :D غايتو البباريك بطش شبكة علي قولة السمسم التاني :D :D |
اقتباس:
لو عارفين حلايب دي بتسكتك كنا فتحنا موضوعا من زمان goood!!! مُلِم بأدق تفاصيلا عشان تكون عارف ... بس ما عارفين إتا واقف وين ... يا ربي كراع جوه وكراع بهناك .. ربما goood على العموم دي قضية هوية ما عندي معاها قضية .. اصلا مما تكون مجهجهه بت جهجهنا معاها looool ملحوظة الرد : شلاقة مني ساي |
[align=center]
اقتباس:
ما بنرضى فى بورتسودان داخل او خارج الشبكه ليلا او جهارا نهارا...:) و السمسم عندنا فيهو راى من اولو...خليك من اليفتحو زااتو و حتى لو بقت عاشه الفلاتيه....;) رغما عن القضارف كانت فى يوم من الاياام تابعه للولايه الشرقيه...فيا حبيبى اعمل حسابك ما يشيلك البحر المالح و القرش هناك ما بيرحم و حتى لو كان اليوم اسود...:D غاايتو بقول ليك القال ابيى فيها بترول خلى يجيب ليك قزازه او حتى فى كيس نايلو...مافى مشكله برضو بنعبى ليك فى قزازه و نحلق ليك بيها...:cool: ياخى هو الموضوع كان شنو..؟؟؟؟!:confused:[/align] |
[align=center]
اقتباس:
|
اقتباس:
وطن عاتي ... وطن منتظرو بعاتي !!!! إتا قاعدة وين يا فردة ... الامريكان والموساد شغالين تش تش تحت تحت مع سفارتم في نيروبي .. بس قتا أنور الراي العام على شكل الخريطة ... أما فاطنة قاعدة في اوضتا وربيكا في قطيتا وبعدييين كدا فاطنة ما معروف يحصل عليها شنو وربيكا تعمل ليها قصر في ضاحية جوبا الشمالية .. وشول يقوم كدا يبني داك يا القصر الما خمج على ضفاف بحر العرب ويقعد في البلكونة يعاين للمسيرية سايقين إبلم ... طبعا بكون قاعد وخالف رجلو ... وفي يدو غليون ... ولااااااااااا نابليون ... اما شماشة بلادي ومحبطيها سوف يتوجهون ظهر كل خميس للعاصمة جوبا لأداء :D ما يمكن أداؤه اوفر نايت .. |
اقتباس:
ما علينا لكن في حاجات قريبة من كدا في القرآن والسنة ... احسن أنا .. لكن أبوأماني قبل كدا قال كلام زي دا طلعا آية عديل كدا :D وصلحو النور يوسف اها قام يقشها في زول :D:D:D غايتو الله يكفينا شر الأركان الضيقة وهكذا زنقات ... اقتباس:
دي حديقة المقرن العائلية لدعم اسر الشهداء أحسن من ديزني لاند ولا في مقارنة ... الاسطوانة دي ح تلف كتير ؟؟؟ |
اقتباس:
لا تتفتل البوست كما عهدناك ... البربطنا معاك (ام بي ثري) ولو غيرو الاكستنشن دا معناها خرب عليك علاقاتك الاجتماعية عن بكرة ابيها goood انا قصدي نبيل ياخ واهدافي لا تقل سموا عن مكانتك الرفيعة بيننا أبناء الوطن الواحد ما قد كان وما سيكون loooollooool;);)... |
اقتباس:
عليك الله بازرعة دا لو راجي فيها خير كان قعد تلتين سنة في جدة gooodgoood!!!!! غالبو يقطع البحر وتاني يوم يرجع عبر الباخرة بشائر:D ما غالبو بس قال كل طائر مرتحل عابر البحر قاصد الأهل حملتو اشواقي الدفيقة ... وأدي قعدة ... با شنو ... أنا قتا اليمن ؟؟؟goood |
اقتباس:
|
اقتباس:
إفتح يا سمسم !! بتلاقي روحك وسط الآمريكان آو اروند يو00 جربت سمسم هوز هير!! كلها خرايط مسجمة من صنع الامريكان توهان وضياع وقت00 ومدن مستعارة تؤدي للإنحراف والإفراط في حق الوطن وسفاري لسة معصلجها وابل استور الامريكي عايز يحقق مصلحته عشان أهواء الناس متعددة ومنافعهم متضاربة والليلة خميس:( آعزم معاك ود اختك واعزمني looool في الأراوند هير وكل خرايطك على البال يا خرخار00 |
اقتباس:
آليمن ضياع وقت00 خليك في ميامي بيتش goood |
[align=center]
اقتباس:
gooodgooodgooodgoood ياخى الباءات ديل خليهم ساكت...ديل كوم براهم بــ... باوارث بــ... باشيخ بــ... با عبود بــ... بازرعه بــ... با قفه....;) ديل كلهم و غيرهم هم من شكلو الثغر الحبيب و اداهو اللون المفقود...;) بعدين بشائر دى تانكر بترول قربت تغطس حجر الشريف التهاامى مالك داير تخلينا ننكت القديم...looool كان تخلى الخريطه براها تتحدث عن نفسها و كنا ساعدنك بخرط اخرى توضح الكثير الخافى من ما موجود فى باطن الارض السودانى من ثروات و ذهب اسود... و كان برضو بتوريك ابيى دى ليس الا نمله فى اضان فيل....ما تسمع الكلااام البيتقال فى الاعلاام دا...!!! و بمناسبه هذا البوست و سيره بورتسودان عازمنك سلات و تحليه مخبازه و الدعوه مفتوحة يا حبيب و تذكره الطيارة و الاقامه علينا و معاها رحله سياحيه لسنجيب لزيارة الحدائق المرجانيه و لو بتعرف تغطس برضو بنغطسك و نوديك بعد داك اركويت عشان تشوف السحاب و السمسيه الما خمج...:rolleyes: عليك الله قصرت معاااك...؟؟؟؟![/align] |
[align=center]
اقتباس:
يا رب هبا هووووك.........:cool:[/align] |
اقتباس:
كدي في الأول خليني انتهي ليك من عثمان القاعد في جلسة الحساب وبعدين بجيك;);) |
[align=center]
اقتباس:
ياخى انت ما لقيت غير اسم عثمان بطل لحكايتك دى..؟؟؟:mad: معمرين البنادق و منتظرين التمامه بهناااك...:) غايتو بوست الزول دا الله يكون فى عونو....اها دى و المرقه الياها من هنا...;)[/align] |
اقتباس:
اللهم إني أصبحت أشهدك .. وأشهد حملة عرشك .. وملائكتك .. وجميع خلقك .. أنك أنت الله الذي لا إله إلا أنت .. وأن محمدا عبدك ورسولك ... . . يعني ما لقيت مكان تَتَكْتِك تِكْتَيكَكْ الا هنا ؟؟ كنفيوز كدا مثير .. ثم قام كدا عضّ أناملو من الغيظ من امبارح لحدت وين بعزك ... لمن قربت اقوليهم أمسحو البوست ...كنفيوز تاني أكثر إثارة من سابقه ... |
اقتباس:
نسبة لتداخل المداخلة .. وأرد على شنو واخلي شنو!! الأمر الذي اصابنا بالدوار ... ومن الصباح لا بعرف الف ولا أدوّر .. فقط .. آوي إلى هدوء يعصمني قبيل إجتياح الذكريات .. تلك الصادقة وجميلة .. وبهذه المناسبة سوف اسمعها الآن من الخالدي تحديدا ... قتي لي أراوند وط ؟؟!!! |
اقتباس:
ضياع وقت شنو ياخ ... امسكي معانا الزمن وما تشطحي !! بقولو اليمن ضياع زمن ... ! ! ! و البوست دا ما ضياع زمن:D فقط .. محاولة لجعل القادم مبلوعاً بقدر المستطاع .. على فكرة .. الذكريات شغالة وقرّبت تنتهي .. |
[align=center][flash=http://www.sudanorg.tk/upload/uploads/new-sudan.swf]WIDTH=500 HEIGHT=600[/flash]
[/align] |
اقتباس:
ياتو يوم قصرت معانا .. جينا الخرطوم وما لاقيتنا .. ولا لاقيتم looool اهو متل الكلام دا ياهو الاستريم بالاسكريم ... استدعاء الذاكرة والكلام بجيب الكلام ... با X مسيطرين على البلد .. شأن كتير من الوافدين القدماء .. ظروفم دايما مواتية .. وعايشين احسن من اهل البلد .. لكن اليمنيين ديل عندهم كرونا واااحدة وين ما تنكسر .. الكسرة الياها .. منها والقبر بعد عمر طويل ان شاءالله ... والله يا ودعثمان في الاول الفكرة كانت خريطة بس .. وقلت انزلا كما هي واعمل نايم .. لكن لو جيت ختيتا بتبقى عبارة عن صورة في جريدة يومية تعاين ليها وقد لا تعرها اهتماما .. انا ذاتي في الأول عاينت ليها ولم أعرها اهتماما:D كنوع من الاستهجان البخليك تزوغ من المصائب بأقل الخسائر .. قتا يا زول ارتضي الواقع الواقع (رقّق لي القاف التانية دي عليك الله) وقد لا يقع ... بس لو عندك احتمالين ميل للاحتمال الشين اول حاجة وقول الله يكضب الشينة ... حتحس بعدين بقيمة الجمال كأجمل ما يكون وفي أحلى صورو ولو في أحلك الظروف .. بالجد نفسي ازور بورتسودان وجبيت وسنجيب وكان للغتس اسكت ساي .. من ناحية حجري غاتس .. غاتس خلقة .. إلا بغتس حجرك يا إتا .. وعلى فكرة اخوك بتاع دايفينج وسباح ماهر لا تنقصنا سوى الخياشيم والزعانف وبعض الجيوب الهوائية . ورؤياكم الغالية :D.. طيب لو نملة في اضان فيل الكيزان ديل مالم يطعنو في الفيل يقومو يكتلو علينا كمان لا نلم في الفيل ولا في ضلو لغاااااية يوم لا ضل إلا ضلو .. loooolgoood;):rolleyes: |
سالوني عن المتنبي
قايلني بليد في السايكولوجي فاجبت بان المتنبي كان في المهدية كهربجيgooodgoood |
ياجميل رد.....مابرد
يا هناء ردي.....مابدي مشاركة طايرة لي في راسي:p |
| الساعة الآن 10:29 PM. |
Powered by vBulletin® Version 3.8.8 Beta 2
Copyright ©2000 - 2026, vBulletin Solutions, Inc.