** ونسة و اتكاءة في همبريب سودانيات و قليل من الفرفشة لا يضير **
الاحباب الكرام : لكم التحايا الطيبة و السلام و الاحترام .. هذا البوست للاستراحة و للونسة و طق الحنك .. و دعما للتواصل و المحبة .. و الغوص ايضا بود و احترام و حميمية في بعضنا البعض .. فادعموه بالتفاعل و المشاركة .. زيادة للمودة و دعما للانس و ترويحا للانفس .. و كسرا للجمود و الروتين و كل رتابة قد تصادف في الطريق .. (1) ما سر استخدام الاخ العزيز / النور يوسف لمفردة "الابتسام" ؟ .. اذ نجدها في اغلب كتاباته و مداخلاته في المنبر و اصبحت تسير معه اينما سار !! و كونوا بخير .. |
تكون الانتيمة / الحاضرة / الماضية / المستقبل
وتحياتى لى بدر الدين الكوز :D والله ياباذخ النور ده اليومين ديل اصو ياقول اميرى ماعاجبنى !!! ياربى بمر بى كتاحه عاطفية المت به goood |
اقتباس:
|
يعني اي ونسة ممكن:D
اها جينا:) وحنقعد |
اقتباس:
يمحنك زاتو لمن تتخيلو بلفها :D خسوسن وكت يكتل ليك عيونو ويقعد يضحك ياااااخ ده زول اديب جنس ادب مووووبالغه ، الله يديهو الفى مرادو .... اسع الخال ده الدخلو مع الناس ديل شنو ;) |
اقتباس:
كل مرة تجيبى لينا " شوية " من وشك :D ارمى كلو خلينا النعرفك لمن نلاقيك ياثجم |
اقتباس:
يخف و بطلي حسادة :D:D |
اقتباس:
عاد الخال ده كان ما هبشتيه ما بترتاحي ؟؟:rolleyes: صبرا آل ياسر ... ليكم يومlooool |
اقتباس:
ياخال الريده دى عندها طرق واساليب ياخ .. ماتخلينا نفتو ونشتتو .. ويغلبك تلمو بعداك لوووووووووووول الليلة بكون غايتو فيها قطع بالخلاف :D |
كيفنك يا حبوب
قلتو ابتسام ولا منو غايتو الثلاثي دا رزين رزانه تمحن سفير المحبه و الالفه عباره ايضا ارتبطت بالحبوب فيصل و بعمنا مخير بوست غير موفق كما يحلو لشيخ سيسيليا |
بنحب الفرفشه
وبمووووووووووت في الونسه اهاشماركم شنو شايفاكم يا سمراءويافيصل بتقطعوا في النور قلتي لي إبتسام دي منو |
اقتباس:
|
اقتباس:
ناس يدوهم محل لحدي رجلينهم:D وناس مايلقوا محل يمدوا راسهم كله:) |
اقتباس:
اقتباس: المشاركة الأصلية كتبت بواسطة جيجي http://sudanorg.tk/vb/images/buttons/viewpost.gif تقولي شنو ناس يدوهم محل لحدي رجلينهم:D وناس مايلقوا محل يمدوا راسهم كله:) :D:D:D لوووووووووووول الحثادة ماكويسة ياجيوش اتى اسى جيبى باقى الوش ...وانا اوعدك اديك مساحه لحد الكوارع بس الرك على البودى وكده ;) |
اقتباس:
يعنى داير تقول انو ديل ماجضيمات جيجوش وانما ورم "حميد " :D |
اقتباس:
تحياتنا لعمو مخير و لبت الشيخ وين ما تكون,نو كومنت دي بتحلك لكن يا عرجونه قدر محبتك لينا ادينا |
اقتباس:
ماسمعتي بالسمحة ام جضموم ياخ اسمن وجنات ماتكرهونا جضيماتنا ساي:D |
اقتباس:
ويا عمدة براري كندا البوست ده جاء في وكتو بالظبط عايزين نزيل عن كاهلنا الكآبة والحزن الراكبنا من امبارح ده يديك العافية وسمعنا حاجة على زوقك |
اقتباس:
الا تشوفوا ليكم طريقة فضاء تاني تسلمي ياستنا |
اقتباس:
|
اقتباس:
طيييييب : مساء الخير عليكم .. ودسعد راجل عمدة بعرف متين يهز ( البُخسه) .. !!:) |
بسم الله الرحمن الرحيم يا إلهى .. :) ونسه وإتكاءة وهمبريب .. !! وإن لم يكن هنا فأين نبتسم ....؟ صدقاً يا فيصل .. فأنا أعشق البشاشة ويرهقنى الوجه العابس .. الجمال والإبتسامة جواز مرور لكل القلوب .. كتبت هنا بوست عن الإبتسام , علّق عليه صديقى الرشيد بقوله اقتباس:
كانت الإبتسامة المرسومة على الدوام تسبب لى مشكلة (يا طالب ما تضحك , تعال هنا يا طالب , البضحكك شنو ؟ ) وعبثاً أحاول إقناعهم بأننى لا أضحك .. :D:D وفى مجال العمل ( التحقيق ) والذى لا تناسبه الإبتسامة نوعاً ما كنت أستعين عليها بفضيلة الصمت , وهكذا .. فهى كما ترى , ليست كلمة تكتب .. سلوك رافقنى منذ البعيد أتمنى استمراره .. لكن .. أحترس .. ( من قرنى الثور , وحوافر الحصان , وابتسامة بعض الناس ) |
باللاى هى قصة الابتسام دى قصة عامة يعنى؟
أنا جانى النور فى سطوع له ..هو السابقة الاولى على الاطلاق..فى بوست شروخ الذاكرة ومدحنى ليك جنس مديح فى هذا الاقتباس: اقتباس:
وابتسمت برانى كده قابلنى دايماً مبتسم يا النور :D:D |
سلامات عليكم يا اهل الدار
جبت بنبرى و قهوتى و اجيتكم هدى القعدة |
سلام يا باذخ والباذخين والباذخات المعانا . .
ياخي دي فرصة الواحد يجي يفك عسّيمتو هنا. بالمناسبة يا جنابو، خاتّي في البروفايل بتاعي في الإسكايب (إبتــــسم من فضلـــــك) ومعاهو صورة ذات ضحكة كبيرة. عندي عقيدة في الإبتسام وسرّو باتع والله، واغلب صوري بلقى نفسي مبتسم فيها (تكون ميتة قلب يا ربّي!). تحياتي لكل أصحاب وصويحبات الإبتسامات وانظروا لتوقيعي رجاءً. |
اقتباس:
عارف يا عكود؟ ...الليلة المساء مرقته من البيت (شقه فى عمارة طويلة وباردة) ومشيت الدكان فى ركن الشارع بتاع هنود ببيعو رصيد "قدر ظروفك" بتاع نت...مشيت اشترى الرصيد عشان يشعل الدفء فى برودة "غربتى" بعد اكتشافى لسودانيات المهم..فى الطريق للدكان ده...شايفة بى قعر عينى ذلك الشحاد الجنوب افريقى (قاعد فى ركنه المعتاد)...الذى عودته على الدوم ان ابتسم فى وجهه واعطيه قطع النقود والطعام والملابس المستعملة واسأل عن صحته فى اليوم مرتين... قمته الليلة ..طنشتو ليك...لانو يومى كان طويل وليس فيه ما يبعث فيّى الرغبة بتوزع الابتسامات ..حتى لمرآتى الخاصة.. قام الزول ده بقى يكورك "سستر ..سسستر ..ماى سسستااار" ..وانا ولااا قلته ليهو بتقول فى شنو..توشك توشششك مشيت :mad: جبته الرصيد وجيت راجعة لقيتو قاعد لسه....قام قلبى هبشنى...(نحنا ما ناس حنان ياخ)...قام عاين لى كديسة كديسة كده ..لكن كديسة النوع المسكين :o وقال لى براحة.." آر يوو كروس ويز مى سستر؟ آر يو انقرى؟" ...قمته ابتسمت ليهو بحنان اموى صادق ..وقلت ليهو "ابدن يا ابن العم..ما انقرى ولا حاجه..انا انقرى منك ليه ياخ انته زول بركة"....وحشرت يدى فى جيبى واديتو الفيها النصيب goood لكن!..لحدى هسه زعلانة من روحى واللاى :mad: ابتسم من فضلك ....وصابحنى دايما مبتسم :) |
الاعزاء :
احمد زين - طارق - ميسون - ام التيمان - عكود - نبراس- جيجي - سمراء همس الشوق و الخال ود الحاج : شكرا لحضوركم الباهي و مشاركتكم الطيبة معنا في هذه الونسة و نسائم سودانيات الهابة محبة و الفة و ابتسام .. ابقوا طيبين .. |
اقتباس:
غايات و معالم باسمة و مزدهرة قمحا و وعدا و تمني و انشراح .. و معاك المايك لتسجيل الفقرة رقم (2) و لك مجدد التحايا و الاحترام و التقدير .. |
اخونا فيصلوف
دي طبعا على وزن امينوف وغورباتشوف اسي الونسه كملت ولا باقي فيها شيت ما اتقال قلنا نجي ناخد لينا عشـــرة ونسه ونرجع تحايا كيمان كيمان |
اقتباس:
قلتلي نقلناك كيفتك شديد :D:D عشان تآآرف هاجة يا كلس .. يا زول الونسة دائما طفل يحبو و كان خفت نفزع ليك ليها !! خلي رقابتك لصيقة سليسيون تماما كاسامة الكاشف عندما يسساسق في متابعة التكليفات الادارية بعزم و مثابرة و وجب تحيته هنا و تكريم نشاطه المشهود و عرفانا لجهوده المخلصة .. ارقد عافية .. |
اقتباس:
و لك التحايا كيمان مقنبرة !! [rams]http://www.sudanorg.tk/upload/uploads/Na3is_alajfan.wma[/rams] |
اقتباس:
ليهو حق يقول ليك اريو انقرى منى ياثجم :D بس والله احيانا الزول بتدخلو ليك حالة معفرته بصورة ماعادية انا غايتو قاعدة ابتسم فى احلك اوقاتى عشان كده الحولينى بقولو على " مرطبة " :D انا ماعارفه علاقة الترطيبة بالتكشيرة شنو ؟؟؟ |
اقتباس:
علاقة شرعية .. على سنة الفرح والترطيبة بس .. !!!looool |
اقتباس:
|
اقتباس:
العمدة بي فلجتو البي جنبه دي goood لوووووووووول |
اقتباس:
كمان داير تسحرو ! كامل " تضامنى " مع الفلجه ;) |
اقتباس:
المشاركة الأصلية كتبت بواسطة مبر محمود http://sudanorg.tk/vb/images/buttons/viewpost.gif عكود ياخى لو عارف جمالك بالعمة تنوم بيها |
(2) الاخ الحبيب / معتصم الطاهر بقى زي ود الموية :D:D و بياخد ليهو غطسات كدة و بقي يطول غيابه .. و قلت مشاركاته بصورة ملحوظة .. و الشاهد في الموضوع انه دي ما عوايدو ابدا .. فالحاصل شنو ؟؟ ننتظر اطلالته الحميمة و لا نستعجل التخمين !! و الموضوع دا بصورة اقل شوية حاصل برضو من رافت و بابكر مخير و شبارقة و اسامة الكاشف و ابو ريم و و بابكر عباس مؤخرا .. اما محسن خالد بزيد عليهم بالصنة و الرنة و حضوره متذبذب و شحيح .. و لهم جميعا وافر الود و اطيب التحايا .. |
اقتباس:
اما اذا دار محور سؤالكم " المغتغت " عن الباشا ;)فهو ينعم باريج الوطن حيث القهاوى الاثيوبية ، والفواكهة الطبيعية ....وهكذا خيرات .. فما تحكها شديد ، وابعد عن الملاوزات ... ماشايفو بدا يطلق فى المدفعية بتاعتو بى البوست القاطعو من راسو ده ... الجماعه عملو منو ميتين .....واضان الحامل طرشة :D والخال جا يهرشو ويسكتو !! بس ويييييييييييين وحاتك النية ممتنة وكدة الله يستر بس goood |
الاخ فيصل لك التحايا والمتداخلين , سعيد من غنم من الوقت صفائه وترك حمل همه لساعة تزود القلب بالراحة وتبعث في النفس الهمة لمواصلة المسير. اكيد ان شاء الله نواصل معك في هذا البوست
|
| الساعة الآن 05:50 AM. |
Powered by vBulletin® Version 3.8.8 Beta 2
Copyright ©2000 - 2026, vBulletin Solutions, Inc.