ما دام ضمير العشق حي.. ملحوقة يا مدن السراب
تحية الي كل الساده بالمنتدي واتمني ان اكون طيب المعشر خفيف الظل عليكم
هي لحظات للتروي في عوالم المعرفة والفكر والثقافة تاملات تجتاح خواطري تهديني الوقوف بكل باب انتظر دعشات الامل تهب علينا من هذا المنتدي الرايع بروعة بلادي وربيع خريفها الساحر اشياء ترقد في الصحاري والمحطات الرحيل ، دنيا تعشق الاسفار في عالم الحرف وجنون الطبيعة ، همسات ترفل بثوب الغنج وحفيف الذكريات عالم ينثني فوق تلك الارض الواعده ، وطن يعتلي فوق هامات السحاب وكنوز تدثرت بدموع الحنين اليك يا وطني هي وقفة تجوب عوالمي محملة بالتهاني لكل المنضويين تحت هذا الصرح كبرياء علي كبرياء وتعالي فوق هامات الخنوع ، لحظات عمر قد فنت ، اهديتنا جمرك يا جريح حارقك لهيب اخر زمن عينيك تتاوق لي الخلاص والليل رقد شايل هموم خوفي العلي . اهداء الي كل الساده الاعزاء واتمني تكرارا ان اجد القبول |
لقد وجدت القبول يا عثمان . .
دعاش أحرفك ينبئ عن كثير من المُزن ألف مرحب و بيك الدار تنوّر |
الف شكر جدي سعيد ولد بادي العكودابي هذا من كرمك
فالاسم يحمل في طياتة ترحاب الضيف وحط الرحيل في دانقة مرشوشة فلك مني اجزل التحايا واطيبها . |
مرحبتين حبابك ياعثمان .. قلمٌُ آخر يتش عين الضلام بالضو .. !!
أهلا وسهلا بيك في سودانيات .. لك التحيات والمودة |
أهلا وسهلا
نورت البيت |
جاي ليك يا نورا افة افة لي السوس البنقر عود عشيما داخروا فيك
اصلي لمن ادور اجيك بجيك لا بتوقفني المسافة لا بقيف بيناتنا عارض لك التحية اخي طارق كانديك ونقول مبروك فارس العهد الجديد ربنا يحفظه ويجعلة من ابنا الوطن البرره مع تحياتي ومشكور علي الترحاب وما مشحود علي كرما بنوهو اجدادنا بالميلاد في زمن المحل والجوع مع الف شكر |
اقتباس:
والف شكر علي المرور التركي الشاقي صوت لهفة غريق الموج في زمنا غشاهو التيه ممدد فوق حجر ساساي ودمعة بتسرق الاحزان علي بلدي الصبح مسلوب |
مرحباً بك أخ عثمان جميل الأمنيات لك بطيب المقام |
السمرى الانيق حبابك وسط اهلك وناسك
البيت هولك تب ورطبك شايل وواقف على الريح التهزوعشان يكب .. |
المسيح قال أدعو الي الأطفال , فمع المسيح أضم صوتي و أقول مع الأطفال أدعوا الينا الأقلام الكاشفة ... الأقلام مبددة الخوف و الظلام ....
مرحب بالسمري و لو ما شالك المنتدي إنت فوق رموش العين مشيول و ديني |
اقتباس:
السؤال دا بمثابة ترحيب حار جداً .. |
ومن هههههههههههذا المُننننطَلَق
لإنني ... أُحبُ أن .... أُرَحِب بمقدمك الميوووووووووون وإنني ... ومن حيثُ أيضاً كذلك .. أو كما قال الشااااااااااااااااااعر النعمنو كدي هذا القلم جايبلنا الكلام الدُرر يا عثمان السمري ياخي حبابك يود وحباب قلمكك اليونسنا حبابك تب أبقي لا داخل يا زول |
عثمان السمرى
سلامات يا زول يا رائع مرحب بيك والله |
حبابك ود السمري
حبابك والله البيت بيتك والأبواب جت مفتحات منتظراتنك فأدخل بحروفك من اليمين أو اليسار وسر بيننا |
بسم الله الرحمن الرحيم
ألف أهلاً .. سودانيات وأهلها يرحبون بك .. وشكراً لك أن أهديتنا وقتاً وحرف ... فى الإنتظار |
مرحى بقدوم صديقي عثمان السمري ملازم حياة ممتده دراسة وإغتراب وعمل
معرفتي التامه به أنه اكثر قدرة على التعبير عنا فقد كان يمارس ترجمة مشاعرنا شعراً انيقاً وحلمنتيش لازع قادر على كشف وجه الحقيقة المقنع ضمن مجموعة ( السمكرجية ) على قائدها الماجد الراحل ميرغني النعمان سوميت الآف التحايا والذي إغتالته أذرع النظام عمياء البصيرة بين أيدينا وعند أسوار جامعة سنار وهو يصيح (إني أرى الهامش ينسلخ من جلد الوطن فحصاد أنقاذكم شظايا وطن ) عثمان محمد الطيب السمري باختصار يا احباب رجل يستحق هذا الترحاب الجميل منكم مع خالص ودنا وتقديرنا لكم جميعاً |
مرحب بيك سمري
البيت بيتك و الدار دارك كلماتك تنبئ عن قلم جميل رشيق في انتظار الحروف |
حباب السمري
جاب الدعاش وصوت القمري هيا غني واسمعنا من حرفك المترع بالابداع حمّلك صديقك محمد علي شقدي عبء مجابدة الحروف وأنت لها نضّر الله حروفك بالصدق والإبداع وأعانك على كل أمر ،،،،، حبابك |
اقتباس:
اما حجر الساساي حجر في علي ضفاف النهر وعندما تغطيه المياه يصبح شديد الصلابة ويصدر صوتا عاليا من الخرير وله اسم اخر هو حجر السار في بعض المناطق ولك مني جزيل الشكر مكررا |
السمرى تفطنى
عديييييييييييييييل زي المابتعرف برنكوة ولا العمارة ولا صلاح عبد القيوم ولا خميس كجو كنده ولا عمارة الغبش والفته صباح حبيبتك بتسلم عليك :D برضو نسيتا |
اقتباس:
خبرك يا رايع واخبار الشلة الواقفة في الخط الامامي بين مزالق الموجة وانتظار زمن الخريف . |
اقتباس:
لك تحية اخي الهادي والشكر موصول للاخ شقدي رفيق الدرب والعمر في المحطات التي لم ولن تنتهي ابدا ما بقي الجسد يصاحب الروح بيننا . وزي ما بقولوا اهديك هذا الحرف ولكل الاخوة الكرام [CENTER]منتظرنك من جاي لا جاي فتشت دروبك واصلي بعرفك شفت وجيهك تقابة شيخ في ايدو عمار دواية ... اتوهمتك سبحة صندل فروت صوف ابرايق وعصاية .... اصلي مشيتك من غير خاطر اتوسدت ملامح صمتك لما عرفتك مصحف وخلوة درويش حلقة بخرة واية ... *** همك فرحة تطلع تدي اطفالك ريحة العيد اسرار مولد صوت مداح تبروقة ونار ومسيد كشكوشة وراية ... صنعك ربك صدفة مبدع لونك رونق ..سمرة وجهك احساس فنان وسيلة وغاية ... مفتاح قلبك مجري النيل ..هتاف ميعاد ضفايرك شبكة وصلك شدرة حنة ضريرة محلب ونفس الحلة يساسق في جواية ... خلقك ربك سمحة .. جمالك لوحة بتحكي احساس دافنشي غزلك ساكن محراب صمتك رحطك عرق التعب الودر خرز الجدلة وعبق الوردة الفوقة الناس شاشاية ... *** شلتك فرحة ومن عينيك كحلت عيوني استنيت مشوار الزمن الروح وفي عينيك اخترت سكوني اتوعدتك حق شهيق نيلين .. حلم عاشقين وحس قوقاية ... يا مسلوبة ولابسة هدومك دعجك وقف حور العين منتظرين يوم جيتك مده صورتك تظهر صوتك ابين منتظرنك والاطفال عارفنك جاية ... ود السمري[/CENTER] |
مرحباً بجميل حرفك يا عثمان السمري |
اقتباس:
وكل جميل لاياتي الا من جمال وطيبة اهلنا ومن طيبة وطنا الجميل الذي يرقد مكسوفا علي سفر الطيور الهاجرت زمن الرشاش . لكي شكري مجددا سحر |
| الساعة الآن 11:31 PM. |
Powered by vBulletin® Version 3.8.8 Beta 2
Copyright ©2000 - 2026, vBulletin Solutions, Inc.