وداعاً حافظ حسين .............. ماذا يحدث هنا في سودانيات؟!!!!!
ميلودراما :
* قام العضو حافظ حسين بطلب عضوية لصديقنا عبدالله عيدروس هنا في سودانيات وتم ارسال الباسويرد له على بريده الالكتروني .... * في ذات اليوم رنّ تلفون عبدالله عيدروس - الو - مرحبا - معليش معاي عبدالله عيدروس؟ - نعم حبابك .... -معليش انا عرفت ياعبدالله انك شغال في منظمة انسانية ونحن عندنا زول مسجون في السجون المصرية وما عارفنو وين .... دايرنك تعرف لينا عن طريق المنظمة هو وين؟ على فكرة ... انت ساكن وين في القاهرة.... - ساكن الحلمية انا .... -دقيقة طيب انا برجع ليك بعد شوية ... ويمر يومان كاملان ....... يرن هاتف عبدالله عيدروس مرة أخرى - ألو - مرحبا معاك فتحي مسعد حنفي ياعبدالله عضو منتدى سودانيات.... - مرحب يافتحي .... انت مش ضربت لي من الرقم ده قبل يومين ؟ وحكيت لي عن زول معتقل وسالتني عن شغلي وسكني؟ - آي والله انا داير اقول ليك كلام لكن اتمنى يفضل بيناتنا .... تم تكليفي بالاستقصاء عنك هنا في القاهرة واضطريت اخش بموضوع الزول المعتقل ده!!! الباقي تمو خيال......................! |
ماوجب العلم به...................:
قام العضو حافظ حسين ببعث بيانات المتقدم بالطلب (عبدالله عيدروس) الى المشرف الفني بعد توجيه من الرشيد اسماعيل محمود(المشرف) |
ثـــــــــــــم :
من قام بتكليف العم فتحي مسعد حنفي بالتقصي عن عبدالله عيدروس ..... وهل هو اجراء متبع مع كل العضوية الجديدة؟!!!!!!!!!!!!!!!!!!! |
لماذا كان هذا التقصي ............؟!
هل خوفا من انتحال الشخصية ........؟!!!!! (يعني مثلا ممكن يكون عيدروس وحافظ حسين وجهان لعملة واحدة؟!!!!) هل كونهما - ان سلمنا جدلا - وجهان لعملة واحدة مدعاة لهذا العمل الاستخباراتي؟!!! |
يا مهند خير فى شنو؟؟؟؟
|
اقتباس:
فتحت البوست ده عشان اعرف في شنو... لكن ماشكلو خير أبداً.... نواصل....... ياطيبة... |
لماذا كل هذا الشك من قبل من قام بتكليف العم فتحي مسعد حنفي تجاه عبدالله عيدروس؟
|
كدي قبل أي شي..حافظ وين؟؟
عنوانك ده معناه حافظ خلى سودانيات؟!!! |
مهند لو سمحت بطل انفعال رجاء عشان نعرف فى شنو
من قصة المهببة الكتبتها فوق دى لو انا بفهم انه فى شخص اتقدم للعضوية وجاء بواسطة الاخ حافظ صاح ولا انا غلطانة؟؟؟ الشخص دا جاتو مكالمة المجهول وبعد داك بقى المجهول طلع فتحى مسعد بتبريره الذى دكرت صاح ولا انا غلطانة؟؟؟ لو دى القصة قول لى عشان اعرف اتكلم معاك |
بعدين يا مهند طريقتك للاستفسار والله والله ما حلوة
ولا اختيارك للعنوان حتى لو دا قرار حافظ |
الاسم : عبد الله احمد عيدروس
تاريخ الميلاد : 1974 مكان الميلاد: أتبرا (بلد الحديد والنااااااااااار ) المراحل الدراسية : المراحل الابتدائية والمتوسطة والثانوية بمدينة عطبرة... تخرج من كلية القانون بجامعة النيلين درس الترجمة بجامعة امدرمان الأهلية * عضو المكتب السياسي بالحزب الديمقراطي الليبرالي .. مسئول الادارة والتنظيم بالحزب..... *ناشط سياسي تم اعتقاله بتاريخ 30 يناير حتى بداية شهر مارس 2011 * يقيم الآن بمدينة القتاهرة ويعمل باحدى منظمات العمل الطوعي.... |
ما بتكلم نيابة عن الإدارة..لكن أبصم ما في زول كلف عمك فتحي رسمياً..إلا كان شمار منو ومن زول تاني:D:D
بالجد.. دي ما حركات مخابرات دي حركات شفع..مع الاعتذار للشفع.. |
اقتباس:
|
اقتباس:
يازول مافي زول كلفني بس أنا سمعت انو معانا واحد في المنتدي بيشتغل في منظمة حقوق الانسان وحبيت أهزر معاه وفعلا بعد يومين اتصلت بيهو وقلت ليهو أنا مكلف اني أتحري عنك عشان في زول اسمو الهداب كان موجود في السجون المصرية وطلع مع الجماعة الهربو في ثورة 25 يناير وسمعنا انو ظهر في بورتسودان مع التفجيرات وقالوا استشهد وحبيت أعرف اذا الزول دا حي ولا فعلا استشهد وكيف.. الحاجة التانية البتأكد كلامي هي اني اتصلت بيهو بعد تأكيد عضويتو ونزول اسمو كعضو جديد ودا معناهو انو سودانيات ما ليها علاقة بالحصل ولو عايز تعرف منو كلفني بالسؤال ما حأقدر أقول ليك لاسباب خاصة بي أنا وعائلتي ولو مصر أنا ممكن أوريك هو منو في الخاص وللعلم الشخص ما سوداني.وأنا رسلت لي عبدالله معلومات عن الشخص البسأل عنو في الخاص وممكن تسألو وهو ما رد علي وأنا قلبت صفحة الموضوع دا.. بعدين أليس من حق ادارة المنتدي الاستفسار عن مدي صحة المعلومات التي يقدمها العضو عن نفسو ؟؟؟؟؟وهل هناك مخالفة ان استفسروا من شخص يعيش بنفس المنطقة؟؟ علي الرغم من اني فعلا كنت عايز أتعرف علي الزول دا وأقابلو لكن بعد كلامك دا لا أعتقد اني حأكون حريص علي اقامة أي علاقة ولا اتصال بيهو.. وانت يامهند كنت ممكن تكنب لي في الخاص وتسألني وكنت رديت عليك بدون ما تجي تحاول تكتب الحصل وكأنو في جريمة حصلت ومؤامرة تمت احاكتها علي صديق حافظ.. |
اقتباس:
القال ليك أنا منفعل منو؟!!!!! بالضبط القلتيهو ده هو الحصل وانت فهمت صااح...... |
من حق المشرف الفنى ان يتصل باى شخص
ليتحقق من المشترك مع احترامى الشديد لحافظ وللاخ الكريم العيدروس رغم انه قصة فتحى مسعد عندى فيها راى لكن لو صح انه المشرف الفنى عايز يتحقق من الشخصية.. دى ما جريمة يحاسب عليها ولا حاجة تخليك تثور الثورة دى يا مهند لنفترض انه الحصل حصل الغلط وين؟؟؟اليس من حق المشرف الفنى ان يحافظ على الامانة وان يتحقق من هوية كل مشترك؟؟؟ معظم المنتديات بكون مطلوب تزكية من عضوين من الاعضاء او مرجعية طبعا لا اشك فى حافظ ولا فى من اتى من جانبه بس الموضوع ما اتوقع بالفظاعة دى |
اقتباس:
هو بالله الحاصل ده زاتو شي جميل؟!!!!!!!!!! |
انا من اول مداخلة ليك حاولت انبهك وكتبت ليك فى الخاص بس ما اهتميت بى
يا مهند يا حبيبى ...مزيد من الثقة فى الادارة نحتاجه منك تصبح على خير |
اقتباس:
قولي لي مامن حقك تطرحو ..... قولي لي المشرف الفني يعمل الدايرو ماشغلتك........... قولي لي دي الادارة كده وده اجراء متبع مع كل العضوية التي تتقدم بطلب الانتماء لهذا المنبر..... قولي لي اي شي بس خليها سخافة طرحي دي لانو الاشارة ليها ياسارة مابتخدم قضية.!!! |
هوي..انتو مالكم هسي!!!
يا مهند لاحظ انك متجاهلني أول شي..تاني شي.. انا موافقة على انه الإدارة تتأكد من هوية الأعضاء لكن بطريقة ظريفة وواضحة.. تالت شي..هدا عم فتحي جا ووراك الحاصل..عليك الله روق المنقى وشوف الشمار شنو في الخاص..ولو ما قسم معاك تعال فتو لي:D:D هسي الموضوع المهم..حافظ وييييييييييييييييين؟؟ |
مهند انت الصيام غلبك مش!؟:D
|
اقتباس:
يعني لمن اتصل عليك بلف ودوران واقول ليك عندنا زول معتقل واسالك من شغلك وسكنك وافك فيك مكنة قدر الليلة وباكر ........ ده عادي ومن حق المشرف الفني وللا غيرو؟!!!!!!!!!!!! كلام غريب !!!!! كدي اعرفي اول الشي ده حصل وللا لأ ........... |
تحياتي يامهند
الى الآن فهمت أن الغرض من هذا البوست إستيضاح الإدارة حول اقتباس:
عموما..دعني أشاركك قراءة هذا البند من لائحة سودانيات اقتباس:
إحترامي |
اقتباس:
كلامك البالأحمر ده ناقض بعضو ........... انت في زول كلفك وللا لأ؟ |
اقتباس:
|
اقتباس:
فليذهب حافظ حسين غير محزون عليه ...... مع كامل احترامنا له كما قالت سارة!!!! |
اقتباس:
لو عايز تعرف أسأل سارة عشان أنا شرحت ليها الحاصل شنو وبعدين ليه انت ما قريت كلامي لما قلت انو الكلفني ما مصري وبضيف ليها كمان انو ما عندو أي علاقة بسودانيات..وأنا لما قلت مافي زول كلفني كنت قاصد سودانيات عشان كلامك كان واضح منو اتهامك موجه لي وين.. عفوا فقد كتبت الزول ما مصري والمقصود ماسوداني لذا وجب التنويه.. |
اقتباس:
ده كلام شنو؟؟ ..كيف يعني حافظ لا يهم؟؟!! كدي جاوبني وخليني من احترام سارة واعتقادك.. مع اني ما بحزن لكن حافظ غيابو ساي يحزن .. |
اقتباس:
دايرة تنبهيني لشنو بالضبط؟!!! رسالتك اهي وصلتني وبتحمل مضمون نفس التساؤل الطرحتيهو في اول مداخلة ليك بالبوست وانا رديت عليها ومالقيت حوجة لتكرارا في الخاص....... الثقة مبدا يبنى ولا يختلق........ ولغاية هسي أنا ماأظني قلت ادارة بالواضح كده.... دايرة تنبهيني بالضبط لشنو ياسارة؟ ودي واحترامي الذي تعرفيه والذي لاتعرفيه...... |
اقتباس:
|
اقتباس:
خلاص انا اناقش الادارة في الخاص بالدس...........! ياسماح بالله سؤال بايخ مني............ الشفافية دي شي كعب وللا زين؟ وكان بقى زين فبالله الشفاف انا وللا الادارة بلائحتا المقدسة التي يتم التلويح بها كلما طرح ما لا يسر |
يامهند فضي الخاص عندك..
|
مهند
أنت وصاحبك حافظ شيلوا من ونسة شات القروب ووزعوهو علي نفسكم لحدي ما تقولوا بس:p |
اقتباس:
أنا أسال سارة ليه وانت هنا؟!!! بالله الناس للدرجة دي بقت مابتحب الحاجات التحت نور الشمس؟!!!! وتاني: لماذا تم التقصي والبحث خلف عبدالله عيدروس بهذه الطريقة الاستخباراتية؟ |
اقتباس:
|
اقتباس:
|
تحياتي مرة أخرى يامهند
وصباحك خير ان شاء الله اقتباس:
(الدس) هنا ليس مبدأ وإنما الآلية الإبتدائية لسير الإستفسارات (حسب فهمي) اقتباس:
لكنا وحسب النقاش في البوست المذكور مختلفين على أدوات تحقيقها وهناك رأيان مختلفان حول خصوصية كل تجربة بإختلاف المنابر المؤسسات وإنتفاء تلك الخصوصية لست بصدد تقييمك أو تقييم تجربة الإدارة وأنا من إلتجأت هنا للائحة بإعتبارها المرجعية الأساسية لي كعضو في كل ما يتعلق بنقد السلوك الإداري وأرجو أن يتسع صدرك لهذا الإختلاف.. إحترامي |
هههههاي زنقة زنقة يا
|
لا حولااااااااا..
بالله ياعم فتحي موش كان أسهل ما تجيب سيرة سودانيات أصلاً؟؟!! وهسي الأسهل ان عبد الله يفهم حافظ الحاصل ويجي للبوست ده بنفسه ويثبت انه مافي زول اتشمشر عشان يتأكد من هويته في سودانيات.. وانت ذاتك غلطان..جايب سيرة سودانيات ليه اصلاً؟ وهسي ما فات شي .. اعترف انك غلطت في حبك قصتك.. وتاني ما تعمل كده..بس.. عاد يا اميري..هي زنقة عدوك:D |
يا عم فتحي إن غلبك سدها إكتفي بالصمت و خليك من قدها إت يا زول ماشفت فلم أمريكي فيو العبارة المشهورة بتاعت من حقك عدم الحديث إلا في حضور محاميك؟شنو الجابرك علي نفي أو إثبات أي شي علي رؤوس الأشهاد؟
|
| الساعة الآن 03:54 AM. |
Powered by vBulletin® Version 3.8.8 Beta 2
Copyright ©2000 - 2026, vBulletin Solutions, Inc.