هترشات إسفيرية
أغرب ما في علاقات الأسافير، أنك تتعرف أولاً على ما تخطه الكيبوردات ..
ثم تقوم بعد ذلك برسم صورة للشخوص التي تجلس خلف هذه الكيبوردات من خلال مشاركاتهم وآرائهم.. وعند إلتقائك بأحدهم (فيس تو فيس)، تجد نفسك أمام شخص تعرفه ولا تعرفه! وأثناء السلام وأنت تضع يدك في يده، تنظر إلى أصابعه، باعتبارهم أقرب ما يربطك به إسفيرياً! وتقول في سرّك: (بالله ديل الأصابعين الطلع منهم الموضوع السمح داك! .. بالله ديل الأصابعين الشاكالات ديلك!) .. ولأخينا العزيز بله محمد الفاضل مقولة جميلة جداً: "ها قد أتيت وبكفّي سأرقص هنا إصبعاً إصبعاً وحرفاً حرفاً".. . |
والأصابع في الأسافير خشم بيوت..
منها من يمسك بناصية قلمه (كربون) حتى تزغرد سنّه في كرّاسة البوست .. وأخرى (تجضّم) الحرف تجضيماً، فيخرج إلى البوست في كامل أدبه .. . |
واحد قريبنا زول حكيم كلمني انو الزول دائماً لما يقابلك ...بيعاين ليك حسب مهنتو يعني الخياط لما يقابلك ... أول حاجة بيعاين لى جلابيتك ..قميصك .. ...خياطتا كيف ..الخ الحلاق ..أول حاجي بيعاين لى شعرك ..مخنفس ...مصلع ..حالق.. ما حالق ...الخ النقلتي أو تاجر الأحذية ...يقعد بدل يعاينلك في وشك ينشغل بالمعاينا لى مركوبك ...جزمتك ...الخ .... اسع قلت لي ... يقعد يعاين لى أصابعك ؟؟ :D:D:D ... |
وهناك أصابع تهوى اللعب الخشن في حواراتها، إذ تترك الحرف جانباً وتركز على أصابع الكيبوردات المحاورة ..
لذلك أنصح بإرتداء كدّارات إصبعيّة عند الكتابة في بعض البوستات، بل وشنكارات إذا استدعى الأمر ذلك، أسوةً بكدّارات (أنتي إبرة) للأخوة الترزية *.. والتحكيم يلعب دور هام هنا، فهو المسؤول عن حماية أصابع المتحاورين، وفي حال غيابه قد تسمع بأن فلان فكّا أصبعو في بوست الشكلة.. * بالمناسبة الحاجة البلبسوها الترزية في أصابعم ديك إسمها شنو؟ .. . |
أزهري سلامات،،
وحات سيدي الحسن يا أزهري، لحدي أول أُمبارح دي أنا كنت معجب بي كتاباتك وبحترمك إحترام شديد. أول أمس لمحت إسمك ضمن لستة فطور النور، يا أخي جاني ليك إحباط شديد! موش عشان فاطرمع النور، لكن عشان عرفت إنك قاعد بالسعودية! سببك شنو؟ يا أخي شكلك الفي خيالي إتغير! وبعد ما كنت بتخيلك ود نظيف ومفلفل شعرو ولابس T شيرت off white بلياقة purple، طوالي لبستك الجلابية وعملت ليك دقن صغيرة بيضا بأسود! |
اقتباس:
|
اقتباس:
الزوول الوسيم في طبعو دايما هادي .. صاحب الحرف الأخضر .. الله يخضّر أصبعك كمان و كمان.. زولك دا فعلاً حكيم.. بالإضافة للملاحظات المرتبطة بي مهنتو، صاحب المهنة دايماً بيتأثر بي مصطلحات مهنتو .. يعني مثلاً النقلتي يجي يشاغل ليهو بت يقوم يقول ليها (أحبك داير ما يدور) .. والترزي يقول ليها (أموت عمود) .. حكمة إسفيرية: أصبعك حصانك، إن صنتو صانك، و إن هنتو هانك .. . |
اقتباس:
ضحكتني خااالص يا بابكر بس كضباً كاضب ... . وبعدين يا بابكر يعني بس أزهري ؟ والباقين ؟ شايف إنهم عادي بيشبهوا السعودية بالكروكي بتاعك ... خلينا نحن، مثلاً وجدي الأسعد |
اقتباس:
مرحب ببابكر عباس .. خطوة عزيزة .. وأضحك الله سنك ياخي .. كلامك دا أكد لي مبدأ الإنطباعية الإسفيرية زيادة.. شكلو لون خطي الـpurple لوّن لياقة الـT شيرت في خيالك .. يعني لو كان فطور النور دا إتأخّر شوية كان ممكن الـT شيرت كلو يبقى purple .. أنا عازمك زيارة للرياض يا بابكر عشان تشوفا بي عيوني، ممكن تغير رايك و تديها لون زاهي شوية .. اقتباس:
_____ أعفي لي لو ما إلتزمتا بعلامات الترقيم* في المشاركة دي .. * بوست سمح و مفيد .. . |
اقتباس:
ازهري سلامات دايما الناس البتجمعك بيهم الاسافير بترسم ليهم اشكال معينة وغالبا عند اللقاء بهم بتلقى الشكل مختلف اختلاف كامل عن ما رسمته في خيالك وايضا تتخيل صوتهم واول ما تسمعه في الهاتف تجه ايضا مختلف فمثلاً مهند الخطيب تخيلت صوته قوياً وعندما اتصلت به وجدته صوت هادي جداً. تحياتي |
اقتباس:
بابكر سلام تصدق يا بابكر ازهري ود خالتي في المرة الوحيدة اللاقيتو فيها كان لابس جلابية لكن ما عندو دقن. تحياتي |
اقتباس:
بابكر عصر على ناس السعودية كلهم في مداخلتو .. شكلو راسم ليهو كروكي حسب الموقع الجغرافي .. كدي فكّر في موضوع الزيارة دا عليك الله يا بابكر .. ومنها نتشرف بمعرفتك ونتمعّن في أصابعك .. أنا عن نفسي أعتمد على الحرْف في تقييمي للأصابع وليس على الموقع الجغرافي أو المهنة أو أو أو، فكل إصبعٍ بما فيه ينضح .. وعند الكتابة يجب أن يقف الإصبع على بعد مسافة واحدة من كل الأصابع، فالحرْف يجب ألا ينبني على علاقات الأصابع، بعكس الحَرِف، الذي يقوم أساساً على هذه العلاقات .. مع تحياتي وإحترامي لكما .. |
تحياتي أخ أزهري
وكل عام وأنتم بخير حقيقي أن أحد المفتونين تماما بالبوست الرائع (إسكيرت و بلوزة) لدرجة إعتباري إياه بوست توثيقي للجمال ولا مجال فيه للثناء أو التعليق، فدعني أنتهز هذه النافذة لأشكرك على مجهودك الإبداعي فيه ، فأنا أرى أن ما تقدمه فيه يفوق بكثير مجرد فكرة إختيار نصوص ، أغاني ، ولوحات.. إلى التفنن في قراءتها قراءات مميزة وتفصيلها ولا أروع ترزي.. وفي إيطار هترشتي الإسفيرية فظني كان بأنك يا إما مغمور في السودان ده ومعاناته أو منطلق في مدارات العالم الأول حيث الحرية (بإعتبار الشقاء والحرية مكونان أساسيان للشخصية المبدعة)...يعني مسألة السعودية دي أدهشتني زي بابكر:) ...السعودية دي أديها لغاية وجدي الأسعد بس:D... وكثيرين يناقضون الصورة التي ترسمها لهم في الأسافير، نخفق في تقدير أعمارهم وأساليبهم في الحديث وأشكالهم ...وغيرها. والحاجة دي بتجيب لذهني سؤال عن: أيهما أصدق وأعمق وأقرب لحقيقة الفرد؟ الشخصية الإسفيرية بهدوئها وإستخراجها لمكامن الروح والفكر والتعبير عنه؟ أم الشخصية الواقعية التي نعايش فوضاها وردود أفعالها بصخبها وتلك الروح التي تسدل الستار عن مواضع الخلق والجمال فيها إلا حين صفاء؟؟ إحترامي |
اقتباس:
أسمر تحياتي .. علاقات الأسافير أمرها عجيب .. في عام 99، كانت ثقافة علاقات الأسافير في بداياتها .. صديقنا البرلوم كان مهووس بالـ MIRC، وهو برنامج دردشة كتابية جماعية، مع إمكانية الدردشة في غرف خاصة، يعني حاجة قريبة من الفيسبوك كدا .. كان يقضي ما لا يقل عن 10 ساعات يومياً خلف الكيبورد، ثم يأتينا في آخر الليل ممتلئاً بها، حتى كدنا نغازله (بحسب دكتور بشرى الفاضل). بعد مرور شهر تقريباً لاحظنا أن صديقنا هذا حارب الإنترنت مرّة وحدة، إتضح لنا لاحقاً أنه اكتشف أن ميناكير الأصابع التي كانت تغازله من خلف الكيبورد مزيفاً، فقد كان كميناً نصبته له أصابع أصدقائه الإسفيريين! ________ ومن سخرية الأسافير أن تلتقي بإبن خالتك صدفة .. كدي تعال في الخاص .. . |
مرحب بسماح محمد ..
صاحبة الحرف الرايق ومدوزن .. أولاً شكراً على إشادتك ببوست (إسكيرت وبلوزة)، وهي شهادة أعتز بها كثيراً .. اقتباس:
ولإبن رشد مقولة جميلة: "الأفكار كالطيور، إذا انطلقت لا يمكن لأحد الإمساك بها" ونحن الآن في زمن إنتشرت فيه المعرفة والأفكار المحفزة على الإبداع إنتشار النار في الهشيم، فليس عليكي إلا أن تفتحي القنوات الفضائية أو تشبكي جهازك بالنت، وبعدها يمكنك أن تطلبي العلم ولو في الصين (بي مدّة إيد)، وزي ما بقول المثل "سفراً بالإيد مو بعيد" .. اقتباس:
شقاء + حرية = شخصية مبدعة وباعتبار أن الكبت نوع من أنواع الشقاء، وأن في الأسافير حرية للجميع، بغض النظر عن موقعهم الجغرافي، يمكننا ان نعيد صياغة المعادلة على النحو التالي: كبت + حرية إطّلاع وتعبير (أسافير) = السعودية يعني المعادلة نفسها تنطبق على السعودية .. وبإمكانك التأمل في تجربة الكاتبة السعودية رجاء الصانع في رواية (بنات الرياض) .. أما على المستوى الشخصي، فصراحة لا أضع نفسي في زمرة المبدعين بأي حال من الأحوال، والسعودية بالنسبة لي محطة واحدة من محطات كثيرة مررت بها، وقادرأتأقلم معاها. اقتباس:
سؤالك صعب ويستحق أن نفرد له بوست كامل .. لكن إتخيل لي "حين صفاء" دي ممكن تكون هي الكتابة في الأسافير ذاتا .. تحياتي |
اقتباس:
بخصوص باقي "الكشف"، عندي معرفة سابقة بوجودهم بالسعودية من غير تحسر. |
أزهري المزهر
سلام لك/للجميع والرحمة والمحبة الطريف يا صاحبي تصل مرحلة ما من مراحل التصور أن تُلقي عن حرفك النقاب.. تحس أن الناس أضحت قاب روحٍ واحِدةٍ أو أدنى ثم تصحو ليباغتك أنك ليس إلا محض واهِمٍ كبييييير فتعود ثانية إلى عد الحروف تحت النقاب وعما قريب لن تجد ما تعده فالناظرون إلى نصف الكأس العلوي قادرون على بعثرة الرغبة في التحليق... ورُغمي أحب (التواصل والمحبة) وعليها سأبقى ما حييت... وعذراً منك صاحبي إن خرمجت |
اقتباس:
الجميل بله .. أبداً يا صديقي، فهذا الخيط مُـشرع لكل ما يتعلق بالأسافير .. اقتباس:
. |
يا أبو الزهور ما تجي تهترش تاني ياخي
(إنت ما تبجيش ليه؟؟؟؟) غايتو إحتمال* ..أجي أهترش هنا _____________________ * سغييييييييييييييييييييييييييييييييييير. |
| الساعة الآن 09:46 AM. |
Powered by vBulletin® Version 3.8.8 Beta 2
Copyright ©2000 - 2026, vBulletin Solutions, Inc.