ناصر يا اب قلبا كبير سلامة قلبك
وعكة صغيرة المت بالحبيب ناصر
حجز بالمستشفى والان رسالة احمد زين اكدت لى انه بخير وخرج لبيته وعياله دعواتك للرجل الملاك بتمام الشفاء والعافية فداك عمرى يا ابو رحيق وشرك مقسم فى الدقشم |
أجر و عافية إن شاء الله
لا بأس عليك حبيبنا ناصر نسأل المولي أن ينعم عليك بوافر الصحة و العافية أطيب المني سارة |
قالوا متألم شوية، ياخي بعد الشر عليك!
أجر وكفّارة يا ناصر |
الف سلامة يا زول
واجر وعافية يارب |
ألف سلامة عليك يابو رحيق وأعمل حسابك الزمن دا ما بفوتوا الا الناس الكويسين..
|
الف لا بأس عليك يا حبيب
ربنا يديك الصحه والعافيه |
كفارة وألف لا باس عليك
اجر وعافية ان شاء الله طمنا عليك ياخي |
اللهم اشف اﻷخ ناصر شفاء ﻻ يغادر سقما
|
نسال الله لك شفاء لا يغادر سقما يا ناصر ياخي ..
|
حُتوووو .. !!:p
قلبك يسلم ياخي. --- شكرا ياسارة |
الف لا باس عليك يا ناصر يأخي
كفارة إن شاءالله كيفك يا سارة |
الف حمد لله بالسلامه اخ ناصر
ما تشوف شر ياا حبيب... |
هسة ياسارة بوستيك دا دعوات بالشفاء ولا تشنيع بناصر:confused:
انتي ما عارفة الزول القلبو كبير معناتا زول خواف:confused::confused: أنا داير من قبيل أخش أعلق لكن قلت أستني لامن ناصر يرجع بالسلامة وأهو رجع..:D:D |
الف حمداً لله على سلامتك يا أبو ألق..
وربنا يواليك بالعافية |
كفارة يا ناصر، وألف سلامة يا سيدي
|
شكرا ليكم يا احبة
واهو ابو رحيق الحمد لله اصبح بالف خير شدة وزالت بفضل الله هسى شغال كتشينة بس شكلو مغلوب:p:D |
ألف سلامة أيها الرائع دوما
|
أجر و عافية إن شاء الله
نسأل المولي أن ينعم عليك بوافر الصحة و العافية .. |
هسي في الحتة دي يعني الزول يرد عليكي إنتي يا ساره ولا يرد علي عمك فتحي مسعد حنفي ولا يحُتوووو لطارق كانديك ولا يرد علي منو يعني ؟؟؟
ياخي أحبكم كلكم وبس ،،، وياهو الكُبُر يا شباب و أهو خلاص داخلين علي العشر الأواخر من أرزل العُمُر ( فتحي مسعد وساره وفيصل سعد أطلعوا لي من الشباب ديل بي جاي ياخ ) looool الحمد لله وعكة طارئة وعَدَّت بلطف الله ودعواتكم يا حبايب والغريبة السجن والسجان القاعد لي في صنقوري ده من يوم دخولي للمستشفي ولغاية دلوقت ياخ ،،، :D ( هسي أنا قلت الأمين العام ؟ ولا عضو مجلس الإدارة السابق ؟؟ ولا قلت مهند ولا د. أحمد محمد زين ؟؟؟ ) يعلم الله هاقصني لحام بس ،،، ويعلم الله خرمان لي نفس وااااااحد بس ،، مُش سيجاره كاملة ،،، د. احمد يشيل ويقول لمهند أقعد ليه في نَفَسُو ده ياخ الزول ده ما يولع ليه أي سيجاره ،،، والسيد الأمين العام ما كَضب ،،، والعجب ،،، بعد ما استولي علي كل علبة سيجارة خاصة بي من العربية ،،، بقبي يطلع علبة علبة وسيجارة سيجارة ويشيل ويولع :D :D :D شكراً ليكم يا أهلنا يا كرام |
الف حمدالله على السلامة ياحبيبنا
وماتشوف شر ان شاء الله |
الف مليون حمدا لله على السلامة ياحبيبنا ياخ
والله ماعندنا خبر كان جينا بالدرب لحد عندك اجر وكفارة وماتشوف شر ان شاءالله تحياتنا كلنا اقول قولي هذا واستغفر الله لي.............. |
اقتباس:
ما تشوف ابو عركي يغنيها ليك هاااقصني ياالخليت ....... :p |
الحبيب ابو الق
انشاءلله ماتشوف شر وسلامات يا حبيب الكل وشكرا ساره |
اقتباس:
|
شرك مقسم فوق الدقشم
انشاء الله العافيه ليك نعلات |
اجر وعافيه يا ناصر
الف سلامه وربنا يواليك بى عافيه |
ناصر (الحَبوب)...ناصر أجملنا على الاطلاق
ناصر الذى يجسد شعار البكان ده... الف سلامة ما تشوف شر ان شا الله.. غايتو انا مطمئنة جدا جدا انك لا بتموت بى ازمة لا بكتلك غضروف فشان كدى ما اتجزعت عليك المتأكدة منو انك بتموت فى حادث (حساسية مفرطة):D:D كن بخير ولك دعواتى بموفور الصحة والعافية .... |
حمداً لله علي السلامة
شده وتزول ..وكفارة وطهارة للجسد وسنة سعيدة إن شاء الله بلا مرض أو هم وغم .. يديك العافية قول آمين يا رب العالمين |
ألف لابأس عليك ناصر.
شكراً سرورة:) |
كفارة وأجُر يا شيخ العرب.
|
الف سلامة يا رجل ،
|
لا بأس عليك يا ناصر
جعلها الله كفارة وبلغك الصحة التامة وأبعد عنك شر التدخين ومشاكله .... |
الف سلامة ليك يا ابو رحيق
ماااتشوف شر شرك مقسم في الدقشم... شدة وتزول باذن الكريم تحياتي |
الف سلامة ليك ياناصر
وماتشوف شر إن شاء الله .. |
ألف سلامة يا ناصر
... |
الأهل والأحباب
تحية واحترام خالد غالي زول الله كيشو أساماه عبد الماجد جيجي فخري الزين بكري مبلول ماريل مكي محمد الحسن تماضر الخنساء حمزة قيس الصديق شحاته عبد المنعم الطيب حسن الزوول مرافئ شهر زاد أزهري سيف الدين شكراً لوقفتكم مع الروح البقت مافي دي ياخ وانشاء الله يجوكم ديمة في السَمِح يا رب |
اجر وعافيه
وطهور وانشاء الله عدوينك يا ناصر وديل كتار طمنا عليك يا الحبيب |
اللهم أذهب عن ناصر البأس
اللهم اشفه شفاءاً لا يغادر سقما وأعنه على وقف التدخين يا رب |
الف كفاره وسلامتك يارب
|
يحي عثمان
أسامه الكاشف مها عبد المنعم بارك الله فيكم يا طيبين بارك الله فيكم وفي أهلكم ياخ |
| الساعة الآن 10:52 AM. |
Powered by vBulletin® Version 3.8.8 Beta 2
Copyright ©2000 - 2026, vBulletin Solutions, Inc.