لــــــــــدن
لــــــــــدن
لو مره وِزِّينِك رطن وامطر سماكِ على غناى ما كان وراك خد المواويل إتعطن وين إنتِ يا وجعى وشفاى أنا قلبى بالشوق إتبطن وين يا مصابيح يا بروق فجيلنا فى العتمات سكن مات بدِّد الليل يا شروق لو نصحا لا ويل لا محن لا متين أغنيك يا صباح دفتر غناى مليان شجن مات بِق من الوجع، الجراح مَزِّقْ حصار هذى الدجن مفجوعه فيك ِ الأُغنيات بالحسرة والأَسى والحزن وين إنتِ يا ست البنات ما ضاع وراك كل الزمن حجيت بِك الأَطفال حُجا متوسم الفال الحسن ما جيتِ لما الليل سجى وغتْغتْ عويناتنا الوسن أنا نفسى اغنيلك نشيد يمدح جمالك يا لــــــدن أُنشودة من بيت القصيد تِتماهى فى الروح والبدن لكنِّى لو قُتْ يا حبيب صورة البلد، صورتك يجن راودتَ طيفك بالنسيب إتمارا فى عينىْ وطن. ------ |
اقتباس:
خد المواويل البيتعطِن، والقليب البيتبطِن! دلّلت الخيال عندي والله. تسلم ياخي وتسلم لدن. |
اقتباس:
حسين اخوي مساك خير ومودة... عندي أُختي اسمها لُدن بضم اللام ...وزولة بتشبه رسمك ده ....وعيد ميلاد لُدن قريب فياخ اسمح لي اكتب ليها الحتة الاقتبستها منك دي في كرت المعايدة وبقول ليها دي من اخونا حسين يسلم قلمك وروحك الحلوة دي ولك وافر التقدير والأحترام |
انا برضو يا حسين اخوي
عايز اهدي لي لدن فردتي ان امكن ذلك ومشكور علي النص السمح ده |
اقتباس:
لدن يا صحاب عينها مقشوشة بكحل المحبة و الحنين أرق من النسمة و أجمل من خيال شاعر نبيل تلتقيها يوم و تخال انك تعرفها لسنين كل الود ليك يا لدن ..... لنا كيفك؟:D:D:D أستاذ حسين شكراً علي الإبداع و الله جابني العنوان و لقيته عنوان علي متن شكراً يا أستاذ انك جملت مساءاتي الكئيبة |
اقتباس:
نعرف ياخدوري ؟؟؟ لدن اختي دي كائن جمييييييل كفاية انها مستحملاني :D:D:D زولة بي دستة شموس.... بس اياااااااااك تقول ليها الكلام ده عشان ماتجهجه باكاتي :D شفت البت دي سمحة كيف؟؟؟ ثابتة وحقانية ونسمة وقدامية وهميمة وشايلانا كلنا.. الله يخليها لي نور عيني ...... واللهي ياخضر تنقل الغزل ده البد ليك ده بس للناس الهنا...:D عشان يعرفو انه عيلتنا فيها ناس مسالمين :D:D:D بهناك بنصرف ليها اوامر بس.. تسلم ياخضر لينا الاتنين |
اقتباس:
كيفي ؟؟؟ كنت كويسة قبال مداخلتك بتاعت المطاعنة دي :D:D العنوان ع متن وانت على شماتة ومقارنة:D البت لُدن ستي وتاااج راسي حبيبة وقريبة وشايلة همنا ... بس انت عايز تقول شنو في حتة العيون والبصل؟؟ ياااااادي المحاور والدواير ياحافظ...:D أمجد فريد عندو حكاية لزيزة عن لُدن اختي لمن مسكوها في الشمالي اثر مظاهرة النبي خليهو يحكيها ليكم ولُدن تستاهل خير الدنيا كلو وفي قلبها حنية العالم قلت البطن بطرانة؟؟؟سمح ياحافظ :( --- مشتاقييين ياحفوظ... اظهر وبان وشكرا للنفاج ده يااخونا حسين جميت روحنا |
اقتباس:
حسين يا أخوي شكراً لحروفك السمحة دي ياخ شكراً ليك بالجد |
قريتا لندن :D
ولقيت المسألة كويسة شكرآ ياأخى على تمجيد الفضاء |
ياخ نص تريان ورويان ... يجمل الوقت كله
لك التحية يا حسين |
اقتباس:
الشوق والسلام مطبوق. وألفُ تحيةٍ وشكر على الإطلالة الودودة، وإنْ شا الله مُشهادك سرور فى الدنيا والأخرة. سلِمتَ وسلمَتْ لَكَ لَدَنُك. |
اقتباس:
الأديبة الأريبة لنا جعفر. ياااااااا، يا لهذى السنين العواجيف، التى تستطيل حواجزاً بين سُمَّارِ التثاقفِ والموائدِ الشفيفة. فقد كنتم، ومازلتم، فناراتٍ شواهق لسفينِ التيهِ، والبين - بين، والفكرة الحائرة. فشكراً على المثابرة والنبل. ما أنتِ من يستأذن يا أختى الكريمة، فافعلى ما تشائين بنصٍ يتزين، بين ظهرانيه، بحضورِكم البهىّ. ومِن لَدَن لِلُدَن وردةُ كِستناء، وشمعاتُ عمرٍ مديد، وهبى بيرث دــيْ لُدن. المعزة التى تعلمين، ولا تعلمين. |
اقتباس:
حضورك شرف يا دكتور. شكراً على إستحسانك لهذا النص الذى لم يكن ليستحق كل هذا الإطراء لو لا تداخلكم اللطيف هذا، ولو لا إرتباط النص بالإسم لَدن/لُدن، ويا للكيمياءِ بين الإسمِ والمسمى. ويا سيدى أنت مأذون بأنْ تفعل بالنص ما تشاء. مع خالص الود. |
اقتباس:
تحياتى. تعرف يا حافظ، أعرف من النساء عدداً مِمَّن تسمين بهذا الإسم، وكلُّهُنَّ يشتركن فى الصفات التى ذكرتَ. ولا أدرِ حقيقةَ هذا الأمر. وكل ما أعرفه، على تواضعِهِ، أنَّ الأسماء نوايا حسنة وأشواق ينشدُها الآباء فى أبنائهم، بعضها يصدق وبعضها يخيب. ويا سيدى ألف شكر على التقريظ. خالص الود الإحترام. |
اقتباس:
يا لها من لدن هكذا هو حرفك يا سيدي حين يختال مغرداً. وأنا أقرأ مكرراً هذه الأبيات اللادنة، قفزت الى خاطري رائعة الشاعر سيد عبدالعزيز (نظرة يا السمحة أم عجن لو كان قليل تبري الشجن)، أهديها لك وللجميع بصوت الفنان الشجي نميري. [media]http://www.youtube.com/watch?v=KJdRFGwgKAY[/media] ثم إني وجدتُ في المقطع أعلاه من القصيدة، أن استبدال كلمة (صورتك) المفردة ب (صُوَرِك) الجمع أدعى للوزن ، أو لعلّ ذائقتي تقاصرت عن استيعاب الوزن. لك المحبة لادنة ونضيرة |
كلام جميل
و مفردات سمحة عديل و قافية كاملة و نسج غنائي .. |
اقتباس:
المشاركة الأصلية كتبت بواسطة لنا جعفر http://sudanyat.org/vb/images/buttons/viewpost.gif اقتباس:
يا غتيتين بالله لنا يكون عندها أخت فى الخرتوم و بتعرفوها و ما اتعرّف عليها ؟ ليه الأمير ما زى الملك ..؟ ملحوظـــــــــــــــــــــــة لدن الصاح لــــــــَــــــــــــدُن .. لــُـــــــدْن .. و مافى ( لــُـــدَن) .. يعنى الدال أبدا ما تفتح .. اقتباس:
|
حسين ياخ حيا الله صباحك الوردي كما حليت صباحنا
وصح لسانك وسلمت يمينك وحاجات كتيرة والله ثم .. شكيتك على الله اقتباس:
والاساس لـَـدِن من اللدانة والنعومة والربربة وهكذا وهكذا* اما الجبتهن ديل ف اظن عندهن معاني تانية برا الشبكة بتاعة اللدانة والـ هكذا:D *تُقرأ كدا و كدا اقول قولي هذا واستغفر الله لي.................. |
ولقد تخيلت، بل قل قرأتُ يا كانديك: صوت
لا: صور أو كما قال وقلت... وإن كان لكل مسوغه. كدأبك حسين تحسن الإيقاع بنا في دائرتي شجو وشجن بكيفما شئت من أزاهير عالية النسج والعطر... سلمت لنا محبتي الأكيدة ويا لنا بالله تحايا خاصة للتي تشبهك وعيدها الالتفاف الأتم بكم... |
اقتباس:
المشاركة الأصلية كتبت بواسطة زول الله http://sudanyat.org/vb/images/buttons/viewpost.gif حسين ياخ حيا الله صباحك الوردي كما حليت صباحنا وصح لسانك وسلمت يمينك وحاجات كتيرة والله ثم .. شكيتك على الله ياباش اعتقد النطق لـُدَن هو السائد عندنا والاساس لـَـدِن من اللدانة والنعومة والربربة وهكذا وهكذا* اما الجبتهن ديل ف اظن عندهن معاني تانية برا الشبكة بتاعة اللدانة والـ هكذا:D *تُقرأ كدا و كدا اقول قولي هذا واستغفر الله لي.................. قال تعالى: من لَدُنَّا رحمةً، وقوله تعالى: قد بَلَغْتَ من لَدُنِّي عُذْراً؛ اللَّدْنُ: اللّيِّنُ من كل شيء من عُودٍ أَو حبل أَو خُلُقٍ، والأُنثى لَدْنة، والجمع لِدانٌ ولُدْن وقد لَدُنَ لَدانةً ولُدُونةً. ولَدَّنه هو: لَيَّنه التَّلدُّن: التَّمكُّثُ، معنى قوله تَلدَّنَ أَي تَلَكَّأَ |
اقتباس:
حبابكم مطرة، تصب لا عشرة. |
اقتباس:
شكراً يا حبيب على هذا الجيئة والمؤآزرة الودودة، وأرجو أنْ أكون بما يوازى الأشواق. المحبة التى تعلم. |
اقتباس:
وهل يا تُرى يجئ يومٌ نترك فيه الغناء للوطن، وننفرد بالغناء للحبيبة بعيداً عن متلازمة الحبيبة الوطن، نصفها كما وصفها شعراء الحقيبة، الرشيقة والرداح، دون تشويشٍ بالحروب والكروب والإنقاذ؟ الله للوطنِ الحبيبة. عطفة: بمناسبة لندن دى، إنتَ ماتجينا بى جاى ياخى، كل ناس هولندا جونا، وإنتَ مالك مابينا. المعلوم يا حبيب. |
اقتباس:
شكراً أنْ خصصتَ جزءاً من وقتِك لهذى اللَّدن، وشكراً لكلماتك الطيبات والحفاوة. غاية الإمتنان. |
اقتباس:
تحياتى يا شفيف. شكراً على طيِّبِ قولِك، وعلى الأُغنية العذبة يا طارق. وفيما يتعلق بملاحظتك حول الوزن، فحاشى عليك تقاصر الذائقة، ولكنَّك رُبَما قرأتَ ذلك المقطع على عجل، أو قد يكون الخطأ منِّى، فسأعيد القرأءة لا محالة. فيوض محبة. |
اقتباس:
ألف تحية وشكر يا عزيزى على هذا الحرف النبيل، وعلى ذائقتِك التى تمدحك قبل أن تمدح القصيدة. كل الإمتنان. |
اقتباس:
لنتحدث عن: "إمرأةٌ لَدْنٌ (مفرد) ونساءٌ لُدْنٌ (جمع)"، وهو النّطقُ الصحيحُ كما أشرت. غير أنَّ السودانيين يُحبون التخفيف، خاصةً عندما يتعلق الأمر بحروف القلقلة (قُطب جَد). ومن الصعب أن نُنادى لَدَن و لُدَن بتسكين الدال كما فى (لَدْن) و (لُدْن) فى لهجتنا السودانية. بل حتى فى العربيةِ نفسها، فإنَّ القلقلة هى إهتزاز بمقدار حركتين؛ كقولِك: قُلْ هو اللهُ أحَدَ (الفتحة على دال أحد هنا للإشارة للإهتزاز)، ولا يجوز أنْ نقف على الدال بالسكون من دون أن نُقَلقِلَها فى النُطقِ الصحيح. لذلك درجَ النَّاس مناداة لَدْنٍ بِلَدَنْ، ولُدْنٍ بِلُدَنْ. وكذلك يفعلون بِـ"حاجْ طه". فالمصريون يتخلصون من ثِقَلِ القلقلة بكسر الجيمِ مثلاً (ربما لإلتقاءِ الساكنين)؛ كقولِهم: "حاجِّ طه" لتناسب لهجتهم. والسودانيون تخلصوا من ثِقَلِ القلقلة وثِقَلِ كسرِ الجيم ذاتها، بِإبدالها بحرفٍ آخر؛ كقولِهم: "حاى طه". وهكذا تتحرك اللغة. وهذا لعمرى جائز، واللهُ أعلم. المعزة. |
اقتباس:
شكراً أُستاذنا زول الله، على عبارات التشجيع والإطراء، وأرجو أن يكون الحرف قدر المشتهى. المعزة التى تعلم. |
اقتباس:
تحياتى وأشواقى. شكراً أُستاذ بله على الحروف الوسيمة، ووسامة حرفِكَ ليستْ كلالة؛ فأنتَ من أنتَ ألمعىٌّ بخيالٍ واسع. وحول جزئية: (صورة البلد صورِك/صورة البلد "صوتك" يَجَن) كبديل لـِ"صورة البلد صورتِك يَجَن"، فهى مُمكنة لو لا أنَّ المشهد بصرى من الدرجة الأُولى، تتماهى فيه صورتان (لا أكثر) فى بعضهما البعض؛ الوطن والحبيبة. فصور وصوت فى تقديرى المتواضع، تُضخِّم المعنى فيما لا ضرورة لذلك. شكراً لك ولِكانديك على هذه التفاكير والمباصرة. محبتى التى تعلم. |
حسين: جميلة كلها .. كهذا من لدنها الى ما لا يرأف بنا .. صورة غاية البهاء. دمت رائعا. |
اقتباس:
قبل كده وجدي الأسعد اتهم حافظ ومهند واشرف السر بي انهم داسيني انا زاااتي في بت ام رويحتي دي :D بعد كلامك ده جاني احساس انه انا واختي كائنات اثيرية وفي مشكلة في قبضنا...:D ياسيدي بس لمن تمشي الخرطوم امسك في خضر ده وممكن حافظ برضو... معتصم واللهي متلومة معاك...لكن لو عرفت بتعذرني اتمناك بخير وعافية وبالغيب بندعو لي الشاب اللطيف محمد عثمان كل الود ليك ولاسرتك الجميلة وتسلم ياباش |
اقتباس:
بلة يازولاً براااك تحايا ومحبة تحاياك ومطايبتك وعيديتك وصلوا... تعيش ياملك وعاجزة عن شكر لطفك وحلاوة روحك مانتحرم من ودادك وطلاتك... طلتك العافية وسعيدة باللفتة دي مودتي وعرفاني |
اقتباس:
أرجو أنْ تكون إطلالتُك إطلالةَ تنسُّمِ نَسْمِ النقاهة. جميلةٌ كلُّها بحضورِكَ الباهرِ المهيب، وبهاؤها من بهائكَ أيها السمح. ومن قبل السلامُ، الرّوْحُ، والبركات. المحبة التى تعلم. |
اقتباس:
الله عليك يا أخي :L |
اقتباس:
المشاركة الأصلية كتبت بواسطة لنا جعفر http://sudanyat.org/vb/images/buttons/viewpost.gif اقتباس:
يا أخت لدن ..كيفنك .. شوفي .. الشمس بتنشاف محل ما كنت .. لكن ياخ مرات فى ناس غتات بحجبوا الشمس لكن ما الضو .. بعدين أنا كميرتي دى ما بعيد عليها الخرطوم ولا مسقط .. و النشوف آخرتا .. جنى و جن يشكروا زول و يحندكوني .. |
اقتباس:
بِتْ أبواتنا العُزاز: كدى كَلْكِلى لينا القدر دا بالدعاء بعد ورد السحر؛ كان الساجور يتفكا. ومن قبل، عاطر التحايا لكِ وللعيال ولربَّاطة الليل. وشكراً لاستحسانك لِلَدَنْ. المحبة، والمعزة، وكل لوازم الإحترام. |
اقتباس:
خذوني إليكم فأنتم كرام ود أبوي الحبيب.. ومالي والأسحار؟؟ هي للمحبّين الصّادقين (واختك ياكافي البلا مليّسة تب.. لكن بحق الخوّة شاحدين الكريم وما ردّ سائل) :) استحسان كلمة قليلة على ما وجت لُدن في نفسي.. وواجبٌ عليّ شكرك فقد جمّلت أيامي يا حسين المعلوم |
اقتباس:
وتشكرات على الذوقِ والذائقة. المعلوم. |
اقتباس:
آمين آمين آمين جاد الزمان بوده فرعاني ** بمحبةٍ ومودةٍ وحنان وأمدني بوصاله ونعيمه ** لكنني لا زلت منه أعاني لا زلت من بعد الأحبة متعباً ** إذ أنهم كانوا غذاء جناني (الأبيات للأخ مكرم الشيخ عبد القادر) المعلوم |
اقتباس:
ومنا التحايا الشفيفة. ما قد عُلم. |
| الساعة الآن 08:35 AM. |
Powered by vBulletin® Version 3.8.8 Beta 2
Copyright ©2000 - 2026, vBulletin Solutions, Inc.